وزیر دولت در امور صلح: حکومت به آتش بس سراسری تاکید دارد

Written by  manager
Rate this item
(0 votes)

کابل /۲۴ جدی/باختر
عبدالسلام رحیمی نماینده خاص رییس ‌جمهوری و وزیر دولت در امور صلح با احمدشاه رمضان نایب دوم ولسی‌جرگه، عبدالظاهر سالنگی و علی‌اکبر قاسمی اعضای ولسی‌جرگه دیدار کرد.
به اساس معلومات دفتر مطبوعاتی وزارت دولت در امور صلح به آژانس باختر٬ در این دیدار اعضای ولسی‌جرگه درباره پیشرفت‌ها، برنامه‌ها و آمادگی‌های حکومت در روند صلح خواهان معلومات شدند.
وزیر دولت در امور صلح، با ابراز امتنان از نمایندگان درباره وضعیت جاری، آمادگی‌های حکومت و فعالیت‌های وزارت معلومات داد.
عبدالسلام رحیمی همچنان ابراز کرد که حکومت روی تأمین آتش‌بس به منظور تدویر مذاکرات صلح تأکید دارد.
در این دیدار، نمایندگان مردم حمایت‌شان را از روند صلح به رهبری دولت افغانستان اظهار کردند. نالان

back to top