21 January 2017

RSS Facebook

سوداگریز


تازه خبرونه

  افغانستان د صحرا جام د سياليو وروستي پړاو ته لاره وموندله

افغانستان د صحرا جام د سياليو وروستي پړاو ته لاره وموندله

کابل باختر دسلواغې لومړي : د هېواد د کرکټ ملي...

 اووه تنه انسان تښتوونکي په غزني کې ونيول شول

اووه تنه انسان تښتوونکي په غزني کې ونيول شول

کابل باختر دسلواغې لومړي : امنيتي ځواکونو په غزني ولايت...

 په پلخمري کې يوه ښځه د خپل ميړه له خوا ووژله شوه

په پلخمري کې يوه ښځه د خپل ميړه له خوا ووژله شوه

کابل باختر دسلواغې لومړي : د بغلان ولايت په مرکز...

Youtube Player

khantry design

سوداگریز

سوداگریز

۱۰۰ ورځې
۱۰۰ ورځې

۱۰۰ ورځې (444)

Sunday, 26 October 2014 13:14

د جمهور رييس د ډاډګيرنې پيغام

Written by manager

کابل – باختر دلړم دمياشتې ٤
د عبدالنبي قيومي د مړينې له امله د افغانستان د اسلامي جمهوريت د جمهور رييس ډاکتر محمد اشرف غني احمدزي د ډاډګيرنې پيغام!
په خواشينۍ سره مې خبر ترلاسه کړ چې ارواښاد مديرصاحب عبدالنبي خان قيومي د ١٣٩٣ هجري لمريز کال د لړم د مياشتې په دريمه نيټه د ٨٨ کلنى په عمر وفات شوى دى .
انا لله و انا اليه راجعون
ارواښاد عبدالنبي قيومي د حاجي  عبدالقيوم خان رباطي زوى په ١٣٠٥ هجري لمريز کال کې د کابل ولايت د قره باغ په ولسوالۍ کې په يوه روښانفکره کورنۍ کې وزيږيد.
د لومړنيو او ثانوي تعليماتو دورې د قره باغ او د کابل د ابن سينا په ښوونځيوکې پاى ته رسولې دي.
ارواښاد د سوداګرۍ، په مسلکي ليسه کې د ښوونکي په توګه د خدمت په پنځه ديرش کلنه موده کې فوق رتبه او مافوق رتبه تر لاسه کړې ده.
د دندې په بهيرکې د پوهنې وزارت په چوکاټ کې د غوره خدمتونو له امله ده فوق العاده ترفيع ګانې او يو شمېر ستاين ليکونه ترلاسه کړي دي. په دې وسيله د ارواښاد د مړينې په مناسبت د خپل ژورخپګان مراتب د ده کورنۍ، خپلوانو او د افغانستان فرهنګپال ملت ته څرګندوم او مړينه يې د افغانستان په فرهنګي او تعليمي سکتورکې ستره ضايعه بولم. له شک پرته د هيواد د بچيانو د علم او پوهې د کچې د ښه والي او پياوړتيا په لاره کې د ارواښاد خدمتونه به نه هيرودونکي وي.
اروا دې ښاده وي.

کابل – باختر د تلې د مياشتې ٢٩مه:
د افغانستان جمهور رئیس ډاکټر محمد اشرف غني احمدزي په کابل کې د تاجکستان سفیر ښاغلی شریف الدین اماموف خپل حضور ته ومانه.
د جمهوري رياست مطبوعاتي دفترباخترآژانس ته خبر ورکړ:
په دې کتنه کې چې پرون مازیګر په ارګ کې ترسره شوه، په بېلابېلو برخوکې د دوه اړخیزو اړیکو د پراختیا، په ځانګړې توګه د ترانسپورت، د برېښنا انرژۍ، د بنسټيزو پروژو او د اوسپنې پټلۍ د جوړېدو په باب  خبرې وشوې.
د هېواد جمهور رئیس د ژمي په جریان کې افغانستان ته د تاجکستان د برېښنا د صادراتو له دوام څخه د مننې په ترڅ کې وویل، هیله لرم چې د تاجکستان او د سیمې د نورو هېوادونو په همکارۍ په نږدې راتلوونکې کې افغانستان د برېښنا انرژۍ په مرکز بدل شي.
په کابل کې د تاجکستان سفیر ښاغلي شریف الدین اماموف په بېلابېلو برخوکې د خپل هېواد د اقتصادي پرمختګونو په باب جمهور رئیس احمدزي ته معلومات ورکړل او څرګنده یې کړه چې تاجکستان چمتو دی چې خپلې تجربې له افغانستان سره شریکې کړي.
په کابل کې د تاجکستان سفیر په بېلابېلو برخوکې له افغانستان سره د خپل هېواد د مرستو او همکاریو د دوام ډاډ ورکړ.

Wednesday, 15 October 2014 13:23

دجمهور رييس حکم

Written by manager

کابل باختر د تلي  درې ويشتمه :
دمحجوزينواو بنديانو د حقوقود څيړنې په چارو کې دافغانستان داسلامي جمهوريت دجمهور رييس  دسلاکار په توګه  دخليل زمر دټاکنې په باب  دجمهور رييس  ډاکتر محمد اشرف غني احمدزي حکم
دافغانستان داساسي قانون د ٦٤مادې د ١٣ فقرې له حکم سره سم په مافوق رتبه بست کې  دمحجوزينو اوبنديانو دحقوقو دڅيړنې په چارو کې دافغانستان داسلامي جمهوريت دجمهور رييس  دسلاکار په توګه دخليل زمرټاکنه منظوره ده .
  په حکم کې  دلوى خداى ( ج ) له دربار څخه خلکو ته دخدمت په کار کې  دده دزياتو برياليتوبونو  هيله شوې ده .

Wednesday, 15 October 2014 13:24

دجمهور رييس حکم

Written by manager

کابل باختر د تلي  درې ويشتمه :
دافغانستان داسلامي جمهوريت  دجمهور رييس  دخاص امنيت دسلاکار په توګه  دبريد جنرال حبيب الله احمدزي دټاکنې په باب  دجمهور رييس  ډاکتر محمد اشرف غني احمدزي حکم
دافغانستان داساسي قانون د ٦٤مادې د ١٣ فقرې له حکم سره سم د جمهور رييس دخاص امنيت دسلاکار په توګه  دبريد جنرال حبيب الله احمدزي ټاکنه منظوره ده .
  په حکم کې  دلوى خداى ( ج ) له دربار څخه خلکو ته دخدمت په کار کې  دده دزياتو برياليتوبونو  هيله شوې ده .

کابل باختر دتلې دمياشتې  ٢٣
د افغانستان جمهور رئیس ډاکټر محمد اشرف غني احمدزي، نن له غرمې مخکې د کندز ولایت له یو شمېر مشرانو او مخورو سره د ویدیو کنفرانس له لارې خبرې وکړې او په بېلا بېلو برخوکې یې د هغوی ستونزې او غوښتنې واورېدې.
دجمهوري رياست مطبوعاتي دفترباخترآژانس ته خبرورکړ
د کندز ولایت مشرانو او مخورو په دغه ولایت کې د امنیت، پوهنې او سړکونو په برخوکې خپلې ستونزې له جمهور رئیس احمدزي سره شریکې کړې او له حکومت څخه یې د کندز ولایت د امنیتي حالت د ښه والي، په شېرخان  بندر کې د یو سوداګریز ښارګوټي د جوړېدو او د سپین زر تصدۍ د بیا فعالېدو غوښتنه وکړه.
د کندز ولایت مشرانو همدا راز  په دغه ولایت کې د یوه دارالعلوم، ښوونکو ته د یوه ښارګوټي ، د کرنيزو محصولاتو د ساتنې لپاره د سړو خونو او دیو نړیوال هوایي ډګرپر جوړېدو باندې ټینګار وکړ.
د افغانستان جمهور رئیس ډاکټر محمد اشرف غني احمدزي د کندز ولایت د خلکو د ستونزو او غوښتنو له اورېدو وروسته په داسې حال کې چې د کورنیو چارو،  سوداګرۍ، پوهنې،کرنې او اوبولګولو، مالیې، فوایدعامې او دانرژۍ اوبود وزارتونو سرپرستانو حضوردرلود، وویل چې د کندز ولایت په اقتصادي لحاظ د افغانستان لپاره ډیر ارزښت لري او د دغه ولایت د امنیتي حالت ښه والی د حکومت له لومړیتوبونو څخه ګڼل کیږي.
د هېواد جمهور رئیس څرګنده کړه چې حکومت د دغه ولایت د امنیت د ښه والي لپاره یو لړ ځانګړي پروګرامونه ترلاس لاندې نیولي دي چې ډیر ژر به عملي شي.
جمهور رئیس احمدزي د کندز خلکو ته ډاډ ورکړ چې د دوی د هرې ستونزې او غوښتنې حل کول د نوي حکومت په لومړیتوب کې ځاى لري.
ډاکټر محمد اشرف غني احمدزي څرګنده کړه چې د اړوندو وزارتونو چارواکي به د دوی د ستونزو او غوښتنو د حل لپاره په عملي اقداماتو لاس پورې کړي او په خپله دی به په دې اړه د اړوندو وزارتونو له خوا ترسره شوي اجراات تعقیب کړي.

کابل باختر د تلي درې ويشتمه :  
د افغانستان د اسلامي جمهوریت جمهور رئيس ډاکټر اشرف غني احمدزي نن غرمه په کابل کې د انګلستان له سفيرښاغلي ريچارد ستګ او د انګلستان دنړیوالې پرمختیايي ادارې له رئيس ښاغلي مارک سره په ارګ کې وکتل.
دجمهوري رياست مطبوعاتي دفترباخترآژانس ته خبرورکړ.
په دې کتنه کې د دواړو هېوادونو ترمنځ د دوه اړخیزو اړيکو پر پراختیا او د افغانستان حکومت د لومړیتوبونو له مخې، د انګلستان د مرستو د برابرولو پر څرنګوالي خبرې وشوې.
په دې غونډه کې د افغانستان او انګلستان حکومتونو د لندن د کنفرانس د ترتیباتو په اړه هم خبرې وکړې.
جمهور رئيس ډاکټر اشرف غني احمدزي په دې غونډه کې وویل:د لندن تر کنفرانس پورې به هڅه وکړو چې ځانګړې لاسته راوړنې ولرو، ترڅو افغانان او همداراز نړیواله ټولنه باوري شي چې د افغانستان حکومت د دغه هېواد د پرمختګ په برخه کې ژمن دی.
ډاکټر احمدزي هيله څرګنده کړه چې د افغانستان حکومت به وکولی شي، د دغه کنفرانس له لارې د خپل هېواد لپاره بهرنۍ پانګونې راجلبې کړي.

کابل – باختر د تلې د مياشتې ٢٢مه:
د افغانستان د اسلامي جمهوریت جمهور رئيس ډاکټر اشرف غني احمدزي نن له غرمې مخکې د هرات ولایت له یوشمېر مخورو سره د یوه ويډیوکنفرانس له لارې خبرې وکړې.
د جمهوري رياست مطبوعاتي دفترباخترآژانس ته خبر ورکړ:
په دغه ويډيوکنفرانس کې د هرات والي او مخورو جمهور رئيس ته په ټاکنو کې د هغه د بريالیتوب مبارکي وویله او د دغه ولایت په اقتصادي او تعليمي چارو کې يې خپلې ستونزې او غوښتنې طرحه کړې.
د هرات مخورو د هرات د نړیوال هوايي ډګر، د اوسپنې د پټلۍ، د هرات د پوهنتون، د حلقوي سړک او له مرکز سره د ولسواليو د نښلوونکو سړکونو د پروژو د پشپړېدو او دغه راز د فساد پروړاندې د جدي مبارزې او ګټې اخیستنې ته د سلمابند د سپارلو غوښتنه وکړه.
په دغه ويډيو کنفرانس کې د فوايد عامې، عامې روغتیا، ترانسپورت او د نشه يي توکو پروړاندې د مبارزې د وزارتونو او د برېښنا شرکت او ځینو نورو ادارو مسوولینو د خپلو اړوندو چارو په اړه معلومات وړاندې کړل.
جمهور رئيس احمدزي د هرات له مخورو مننه وکړه چې خپلې غوښتنې او ستونزې يې له حکومت سره طرحه کړې او زیاته يې کړه چې د هرات ښار به په یوه ترانزيتي ښار بدل کړو، چې دغه مسله حکومت ته ډېره ارزښتناکه ده.
ډاکټر احمدزي د فساد پروړاندې د جدي مبارزې په برخه کې د پخوا په څېر د هرات د مخورو او مدني ټولنې رول مهم وباله.
جمهور رئيس دا هم وویل چې د سلما بند جوړول د حکومت په کاري لومړیتوبونو کې ځکه ځای لري چې دغه بند د هرات د بیارغونې یوه نښه ده. ده همداراز زیاته کړه چې د هرات پوهنتون د پروژې پاتې چارې به هم ډير ژر بشپړې شي.
جمهور رئيس احمدزي د اقتصادي چارو په وده کې د خصوصي سکټور رول مهم وباله او ويې ویل چې خصوصي سکټور د اقتصادي ودې په برخه کې د نوښت ظرفیت لري، نوځکه باید د اقتصادي چارو د پرمختګ په اړوند له دولت سره همکاري وکړي.
ډاکټر احمدزي همداراز هيله څرګنده کړه چې د هرات ولایت په آسیا کې په یوې ترانزيتي څلور لارې او ارتباطي پل بدل شي.
جمهور رئيس د دغه ویدیو کنفرانس په پای کې وویل چې مرکز به په منظمه توګه له ولایتونو سره په اړیکه کې وي او د ستونزو د حل لپاره به غونډې جوړې کړي.#

Sunday, 12 October 2014 13:16

د جمهور رييس حکم

Written by manager

کابل – باختر د تلې دمياشتې ٢٠
د چارو د ادارې د لوى رياست د مرستيالانو او رييسانو د ټاکنې په باب د افغانستان د اسلامي جمهوريت د جمهور رييس ډاکتر اشرف غني احمدزي حکم!
د چارو د لاښه تنظيم په مقصد دغه ټاکنې منظورې دي:
• کامله صديقي، د مالي او اداري مرستيالې په توګه؛
• عتيق الله نوشير، د ستراتيژيکي پاليسۍ او پلان جوړولو د مرستيال په توګه؛
•  سيد نعمت الله ثاير، د دولت د چارو د سمون د مرستيال په توګه؛
• يما ياري، د ملي تدارکاتو د لوى رييس په توګه؛
• حمد الله محب، د پروګرامونو د لوى رييس په توګه؛
• عبد الا له صديقي، د حقوقي او تقنيني چارو د رييس په توګه؛
• اسد الله صالحي، د مالي او اداري رييس په توګه؛
• اسراراحمد کريمزى، د معلوماتي ټکنالوژۍ د رييس په توګه؛
• عاطف مشعل، د پروګرامونو د طرحې د رييس په توګه؛
• مريم سليمانخيل، د نړيوالو اړيکو د رييسې په توګه؛
• ناجيه انوري، د مطبوعاتو او عامه پوهاوي د رييسې په توګه؛
• مياګل وثيق، د سياسي او ټولنيزو اړيکو د رييس په توګه؛
• عبدالکريم متين، د پارلماني چارو د سمون د رييس په توګه
• او نعمان شينوارى، د ارشاد او د ديني اړيکو د رييس په توګه.

کابل باختر دتلې دمياشتې  ١٩ :
د افغانستان د اسلامي جمهوریت جمهور رئيس ډاکټر اشرف غني احمدزي نن له غرمې وروسته له امریکايي سناتوران، تيموتي کېن او انګس کېنګ سره په ارګ کې وکتل.
دجمهوري رياست مطبوعاتي دفترباخترآژانس ته خبرورکړ.
په دې کتنه کې چې د جمهوري ریاست لومړي مرستیال جنرال عبدالرشید دوستم، دویم مرستیال سرور دانش او د اصلاحاتو او د ښې حکومتوالۍ د رامنځته کولو په برخه کې د جمهور رئيس فوق العاده استازي احمد ضیا مسعود هم حضور درلود، په افغانستان کې د امنیت د ټينګښت، د دواړو هېوادونو ترمنځ د همکاريو د پیاوړتیا او پراختیا، د افغانستان د اقتصاد د ودې او د لوړو زده کړو په برخه کې خبرې وشوې.
امریکايي سناتورانو وویل چې د ملي یووالي حکومت د افغانستان لپاره نوې هيلې راټوکولې دي، له همدې کبله موږ په دې هڅه کې یو، چې څنګه وکولای شو له نوي حکومت سره خپل ملاتړ او همکارۍ لا پیاوړې کړو.
دغو سناتورانو همداراز دا هم وویل چې امریکا به له نوي حکومت سره په همغږۍ کې او د افغانستان د اړتیا له مخې همکاري کوي او دا به په ګوته کوي چې دغه همکارۍ چېرته او څنګه اغېزمنې تمامېدلای شي.
جمهور رئيس احمدزي افغانستان ته د دوی د راتګ له امله د ښه راغلاست د ويلو په ترڅ کې زیاته کړه: د ملي یووالي حکومت جوړښت به په افغانستان کې د تلپاتې سولې لپاره یو بنسټ وي.
ډاکټر احمدزي وویل چې افغانستان او نړۍ له ګډ امنیتي ګواښ سره مخامخ دي او په له منځه وړلو کې يې باید جدي او ډيرژرګام اوچت شي.
جمهور رئيس زیاته کړه: د افغانستان امنیت موږ ته ډېره مهمه مسله ده، همدې لپاره پر یوې ستراتيژيکې امنیتي طرحې کار کوو، چې څنګه په افغانستان کې سوله ټينګېدای شي او په دې برخه کې همکارۍ ته اړتیا ده.
ډاکټر احمدزي له امریکايي سناتورانو سره په خبرو کې په نړیوالو مارکېټونو کې د افغانستان د محصولاتو او تولیداتو لپاره د بازار موندنې د هڅو یادونه هم وکړه او ويې ویل چې د افغانستان د اقتصاد وده، د افغانانو لپاره ډېره مهمه مسله ده او په دې برخه کې د نړیوالو همکارۍ ته اړتیا ده.

کابل – باختر د تلې د مياشتې ١٨مه:
د افغانستان جمهور رئیس ډاکتر محمد اشرف غني احمدزي، تېرماښام د هېواد د یو شمېر رسنیو له مسوولینو او استازو سره وکتل.
د جمهوري رياست مطبوعاتي دفترباخترآژانس ته خبرورکړ:
په دې کتنه کې د رسنیو مسوولینو او استازو په تېرو لسو ورځو کې د جمهور رئیس ډاکتر محمد اشرف غني احمدزي لخوا ترسره شوي اقدامات له تاریخي پلوه بې ساري وبلل او له هغو څخه یې خپل ملاتړ څرګند کړ.
دوی جمهور رئیس ته ډاډ ورکړ چې د ستونزو د په ګوته کولو او د خلکو او دولت ترمنځ د اړیکې د رامنځته کولو په برخه کې به د پله رول ولوبوي او له نوي حکومت سره به له هیڅ راز همکارۍ څخه ډډه ونه کړي.
جمهور رئیس ډاکتر محمد اشرف غني احمدزي په دې کتنه کې د نوي حکومت لخوا ترسره شویو کارونو ته د اشارې په ترڅ کې وویل، پر کابینې باندې کارکوي ترڅو د وزارتونو او خپلواکو ادارو لپاره غښتلي او په کار پوه کسان وټاکي.
جمهور رئیس په دې کتنه کې دا هم وویل چې نه غواړي کمزوري او ضعیف کسان په وزارتونو او اداروکې په دنده وګماري.
د هيواد جمهور رئیس د ستونزو د په ګوته کولو او حکومت ته د خلکو د غږ په رسولو کې د رسنیو رسالت ډیرمهم او ارزښتناک وباله، ډاډ یې څرګند کړ چې د بیان د آزادۍ د بنسټیز کېدو او له خبریالانو څخه د ملاتړ  لپاره به  اساسي ګامونه پورته کړي.
ډاکتر محمد اشرف غني احمدزي د چارو د ښه والي لپاره پر حکومت باندې د فشار د راوستلو او د واقعیتونو د راسپړلو په خاطر د تحقیقي ژورنالیزم رامنځته کېدل او پراختیا یوه مهمه اړتیا وبلله او خبریالانو او د رسنیو له مسوولینو یې وغوښتل چې په چارو کې د ښه والي په رامنځته کولوکې له خپل حکومت سره همکاري وکړي. 
دغه راز جمهور رئیس احمدزي د یو شمېر بهرنیو رسنیو له استازو سره وکتل او د هېواد د موجوده حالاتو په اړه یې له هغوې سره خبرې وکړې.#

Page 1 of 32