07 April 2020

RSS Facebook

سوداگریز


تازه خبرونه

پنځلس طالبان په هلمند کې ووژل شول

کابل / د وري ١٩مه / باختر پنځلس وسله وال طالبان...

د طالبانو پنځه مهم قوماندانان په بغلان کې ووژل شول

کابل / د وري ١٩مه / باختر د وسله والو طالبانو...

څلور وسله وال غله په پروان کې ونيول شول

کابل / د وري ١٩مه / باختر څلور وسله وال غله...

Youtube Player

khantry design

سوداگریز

سوداگریز

کابل / د وري ١٩مه / باختر پنځلس وسله وال طالبان تېره شپه د هلمند په واشير ولسوالۍ کې ووژل شول. د ځانګړو ځواکونو د عملياتي قول اردو د مطبوعاتو مسوول عبدالغفار نورستاني باختر آژانس ته وويل: دغو وسله والو طالبانو نيت درلود چې د دغه ولايت د واشير ولسوالۍ په مربوطاتوکې د هېواد پر امنيتي ځواکونو بريد وکړي چې د پوځيانو له غبرګون سره مخ او ووژل شول. هغه زياته کړه: په پېښه کې د دغې ډلې يو سيمه ييز قوماندان ونيول شو او د هغوى څو جنګې وسايل هم د امنيتي ځواکونو لاسته ورغلل. پاى \ ذ
کابل / د وري ١٩مه / باختر د وسله والو طالبانو پنځه مهم قوماندانان تېره شپه په بغلان کې ووژل شول. د ٢١٧ پامير قول اردو د مطبوعاتي دفتر مسوول هادي جمال باختر آژانس ته وويل: د دغه ولايت مرکز پلخمري ښارته څېرمه د امنيتي او دفاعي ځواکونو پر پوستو د وسله والو طالبانو بريد ته په هوايي او ځمکنيو بريدونو سره ځواب ورکړ شو. هغه زياته کړه: په پېښه کې د صدام، احسان او هارون په ګډون د وسله والو طالبانو پنځه کليدي قوماندانان ووژل شول. هغه زياته کړه: په پېښه کې د وسله والو طالبانو د يوه مشهور سيمه ييز قوماندان شهاب شپږ غړي ټپيان شول او د دغې ډلې ٣ موټرونه، ٧ وسلې او ١٣ بوشکه يي ماينونه په ساحه کې له منځه يوړل شول. پاى \ ذ
کابل / د وري ١٩مه / باختر څلور وسله وال غله پرون د پروان په سالنګ ولسوالۍ کې ونيول شول. د پروان د امنيې قوماندانۍ وياند محمد سليم نوري باختر آژانس ته وويل: د دغې قوماندانۍ پوليسو دغه کسان د يو ټېلري واسطې د غلا په وخت کې ونيول شول. هغه زياته کړه: نيول شوي کسان د يوې ډلې غړي وو چې په دې ولسوالۍ کې يې د غلا په څو قضيو کې لاس درلود. پاى \ ذ
کابل / د وري ١٩مه / باختر د افغانستان د اسلامي جمهوریت جمهورريیس محمد اشرف غني پرون مازیګر د ویډیو کنفرانس له لارې له کرونا ویروس سره د مبارزې د ولایتي کمېټو د اقداماتو په اړه د بدخشان، کندز، بغلان او تخار والیانو راپور واورېد. د جمهوررييس د وياند دفتر باختر آژانس ته خبر ورکړ؛ په دغه کنفرانس کې یادو والیانو، له کرونا ویروس سره د مبارزې په اړه د ولایتي کمېټو د راپور وړاندې کولو ترڅنګ د کرونا ویروس پر وړاندې د تدابیرو، اقداماتو او ستونزو په اړه خبرې وکړې او په یادو ولایتونو کې یې د کرونا ویروس د خپرېدو مخنیوي په اړه خپل وړاندیزونه له جمهورريیس سره شریک کړل. هغوی وویل: د عامه پوهاوي کمېټې جوړې شوي، په ښارونو کې دوا پاشل شوې، له مدني ټولنو سره همغږي شوې او د تجرید یا قرنطین مرکزونه جوړ شوي او همدا راز د احتکار مخنیوي او د قېمتونو د کنټرول کمېټې هم جوړې شوې دي. یادو والیانو وړاندیز وکړ چې د تشخیص مرکزونو جوړولو او د طبي تجهیزاتو برابرولو ته دې لا زیاته پاملرنه وشي. وروسته د جمهوري ریاست لومړي مرستیال امرالله صالح په عمومي او تخنیکي برخو کې له کرونا ویروس سره د مبارزې پالیسي تشریح کړه او ټینګار یې وکړ چې له کرونا ویروس سره د مبارزې په برخه کې دولت رهبري کوونکی او مدیریتي رول لري. هغه د دې په بیانولو سره چې والیان له کرونا ویروس سره د مبارزې په برخه کې ښه مدیریتي ظرفیت لري، وویل: تاسو باید ټولنه له کرونا ویروس سره د مقابلې لپاره په یوه نوي چوکاټ کې بسیج کړئ او په تېرو لسو کلونو کې د طبیعي پېښو او آفتونو اټکل وړاندې کړئ، ترڅو د هغه په رڼا کې له وړاندې تدابیر ونیول شي. همدا راز صالح له کرونا ویروس سره د مبارزې په برخه کې د دولت پنځه پړاوويز تخنیکي لیدلوری له هغې ډلې اعتراف، خپرېدو، د بدبختۍ اوج، اضطراري مرستې او بیا احیا په برخو کې تشریح کړ او له کورنیو تولیداتو او ریاضتي اقتصاد څخه د استفادې په تړاو یې د جمهورريیس د لارښوونو په اړه خبرې وکړې. جمهوررييس د هغوی د خبرو تر اورېدو وروسته، پر دې په ټینګار چې ټول ولایتي ریاستونه باید د والیانو تر رهبرۍ لاندې کار وکړي، وویل: بدخشان ولایت ته ۱۵۰ میلیونه افغانۍ او کندز، بغلان او تخار هر ولایت ته به ۱۰۰ میلیونه افغانۍ ځانګړې او ولېږدول شي. جمهورريیس اړوندو مسوولینو ته لارښوونه وکړه چې د یادو ولایتونو اړتیاوو ته په پام لازم اقدامات ترسره کړي او والیان دې د ولسوالیو د واضح تصویر په لرلو سره له ولسوالیو او زونونو سره اړیکې او همغږۍ زیاتې کړي. جمهورريیس غني دې ته په اشارې چې د کورنیو کرنیزو محصولاتو ملاتړ کېږي وویل: له کرونا ویروس سره د مبارزې آزموینه د دولت ـ ملت لپاره تاریخي ده او باید د هر اړخیزو تدابیرو او اقداماتو په ترسره کولو سره په هغه بریالي شو.# پاى/ ذ

 کابل / د وري ١٨مه / باختر
د سپين بولدک بندر د درېيو ورځو لپاره د مسافرو پر مخ پرانيستل شو.
د دغه بندر په پرانيستلو سره نن سهار د کرښې په دواړو خواوو کې سلګونه بند پاتي شوي پاکستاني او افغان مسافر خپلو هېوادونو ته د ستنېدو اجازه ترلاسه کړه.
هغوى څه ناڅه يوه مياشت د پاکستان له خوا د دغه بندر له تړل کېدو وروسته  د افغانستان په قندهار او د پاکستان په کوېټې کې بند پاتي وو.
مسافران د راستنېدو په وخت کې معاينه کېږي او اړ دي چې ١٤ او يا ٢١ ورځې د کرونا ناروغانو د قرنطين په ځانګړي مرکزکې تېرې کړي.
د قندهار يوه روغتيايي مسوول باختر آژانس ته وويل چې هېڅ مسافر له قرنطين پرته نه شي کولاى د هېواد ښارونو ته لاړ شي.
هغه وويل: په افغانستان کې د کرونا ويروس د خپرېدو د مخنيوي په خاطر دغه تدبيرونه نيول شوي دي.
ختم -ج – اکرم

 کابل / د وري ١٨مه / باختر
په لغمان کې په کرونا ويروس يو اخته ناروغ خپله روغتيا ترلاسه کړه.
حضرت بلال  د لغمان  په مرکزي روغتون کې له درملنې وروسته خپل کور ته لاړ.
ډاکټران وايي چې درې ځلې د هغه کتنې  منفي وې، دا ښيي چې ويروس د ده له بدن څخه ورک شوى دى.
حضرت بلال د لغمان د الينګار ولسوالۍ اوسېدونکى دى چې د حج مراسمو د راستنيدو په وخت کې په ننګرهارکې تشخيص شو چې په کرونا ويروس اخته دى.
د لغمان د مرکزي روغتون رييس محمد فاروق سهاک باختر آژانس ته وويل چې  حاجي حضرت بلال له روغتيا وروسته له روغتون څخه رخصت شوى دى.
په همدې حال کې په افغانستان کې د کرونا ويروس د تداوي شويو کسانو شمېر ٢٠ ته ورسېد.
په افغانستان کې د دغې ناروغى له امله ٩ تنه مړه شوي دي.
د عامې روغتيا وزارت نن په افغانستان کې په کرونا ويروس د اخته کسانو شمېر  ٣٦٧ تنه اعلام کړ او ويې ويل چې سلګونه مشکوکې پېښې تر څېړنې لاندې دي.
ختم -ج - اکرم

- کابل / د وري ١٨مه / باختر
پوليسو پرون يو موټر چلوونکى د مشکوکو غلو له منګولو څخه وژغوره.
د باختر آژانس سيمه ييز خبريال علي علمي د بغلان پوليسو د وياند جاوېد بشارت له خولې خبر راکړ: درېيو کسانو چې غوښتل يې د بغلان – کندز په تګلوري کې  يو موټرچلوونکى ووژني او موټر يې غلا کړي؛ د پوليسو په رسېدو سره يو تن يې ونيول شو او دوه نور يې په تيښتې بريالي شول.
په پېښه کې موټر چلوونکى وژغورل شو او پوليس د دوو نورو مشکوکو غلو د نيولو لپاره هلې ځلې کوي.
ختم -ج - اکرم

 کابل / د وري ١٨مه / باختر
په کرونا ويروس دوه اخته کسان په بلخ کې مړه شول.
په مزارشريف کې د ابو علي سيناى بلخي روغتون د ساري ناروغيو  د څانګې مسوول امين الله شېرپور وايي چې يو ٨٦ کلن سړى او بل ٧٠ کلن سړى چې په کوېډ- ١٩ ناروغۍ اخته وو، مړه شوي دي.
هغه باختر آژانس ته وويل چې يو تن په روغتون او بل يې په خپل کورکې مړه شوي دي.
هغه وويل چې دغه دوه تنه هغه کسان وو چې ايران ته يې د سفر سابقه نه درلوده او په همدې ځاى کې په دغه ويروس اخته شوي وو.
د هغه د څرګندونو له مخې؛ په بلخ کې تراوسه د کوېډ – ١٩، شپږ پېښې ثبت شوې چې درې يې مړه شوي دي.
ختم - ج - اکرم

 کابل / د وري ١٨مه / باختر
د عامې روغتيا وزارت وياند وحيدالله مايار وايي: په تېرو ٢٤ ساعتوکې په هېواد کې د کرونا ويروس ٣٠ مثبتې پېښې ثبتې شوي دي چې په دې سره د مثبتو پېښو شمېر ٣٦٧ ته ورسېد.
د باختر آژانس د خبرله مخې؛ وحيدالله مايار نن په يوه خبري غونډه کې وويل چې په  تېر٢٤ ساعتوکې دکرونا ويروس ٣٠ مثبتې پېښې ثبت شوې دي چې په هرات کې ١٦، په کابل کې ٦، په نيمروز ٣ او په کندز او فارياب کې ٢ -٢ پېښې ثبت شوې دي.
هغه زياته کړه: په دې موده کې په بلخ کې دوه تنه چې مخکېنې ناروغي هم لرله؛ مړه شوي دي او يو تن په کابل کې روغ شوى دى.
په کرونا ويروس زياتره اخته کسان ځوانان دي، خو د دغه ويروس له امله د مړو شمېر په زيات عمر لرونکي کې دي.
مايار زياته کړه: په ترلاسه شوي شمېرنوکې ښځې د نارينه و په نسبت په دغه ويروس لږ اخته کېږي.
په هېواد کې په دغه ويروس ٢٧ سلنه ښځې او ٧٢ سلنه نارينه په دغه ويروس اخته شوي دي.
هغه د کابل پېښو په اړه وويل چې دغه ويروس په ټول کابل ښارکې شته او زياتره پېښې د کابل په لوېديځ کې دي چې هغوى ايران ته د سفر سابقه لري.
هغه له ټولو کابل ښاريانو او په تېره بيا هغو کسانو څخه چې له ايران څخه راستانه شوي دي؛ وغوښتل چې د دغه ويروس د نښو نښانو د کتنې په صورت کې دې ډېر ژر د کتنو د ترسره کولو په خاطر د افغان - جاپان روغتون ته ورشي.
هغه زياته کړه: که چېرې په هېواد او په تېره بيا کابل کې پېښې زياتې شي، په کابل ښار کې به زيات محدوديتونه ولګول شي.
مايار په ولايتونو کې د تياريو په اړه وويل: په هر ولايت کې د شلو بسترو په ظرفيت ځانګړې برخه د کرونا ويروس پېښو ته په پام کې نيول شوي دي او روغتيايي کارکوونکې هم روزل شوي دي.
ختم - ج - اکرم

کابل / د وري ١٨مه / باختر
د حامدکرزي نړيوال هوايي ډګر له نشه يي توکو سره د مبارزې پوليسو د نشه يي توکو يو مشکوک قاچاق وړونکى له نشه يي توکو سره ونيو.
د کورنيو چارو وزارت له نشه يي توکو سره د مبارزې معينيت مطبوعاتي دفتر ديوې خبرپاڼې په خپرولو سره ويلي دي چې د حامدکرزي د نړيوال هوايي ډګر له نشه يي توکو سره د مبارزې پوليسو د نشه يي توکو يو مشکوک قاچاق وړونکى چې څه د پاسه ٥ کيلوګرامه اپين يې په ماهرانه ډول د جامو په يو بيک کې ځاى پرځاى کړي وو او غوښتل ترکيې ته يې ولېږدوي؛ ونيو.
په خبرپاڼه کې ويل شوي دي چې نيول شوى کس افغان دى خو ترکي پاسپورټ لري.
ختم - ج - اکرم

Page 1 of 8675