03 July 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز


کابل/ د چنګاښ ۱۳ مه/ باختر
په ډېرې خواشینۍ خبر شوم چې د اقتصادي او سوداګرۍ پراختیا او بېوزلۍ کمولو په چارو کې زما فوق العاده استازی محمد یوسف غضنفر د کرونا ناروغۍ له امله وفات شو.

انا لله و انا الیه راجعون

ارواښاد محمد یوسف غضنفر حلیم، خیرخواه، ولسي او ملي شخصیت و چې په متحد افغانستان یې باور درلود او تل یې د خپلو خلکو د خیر او کامیابۍ لپاره هڅې کولې. د هغه مړینه د هیواد او نظام لپاره یوه لویه ضایعه ده.
ارواښاد د افغانستان د ابادۍ او له بېوزلو او اړمنو خلکو سره د مرستې لپاره جدي کارونه پیل کړي وو او ویاړم چې یو دغه ډول رښتینی او د خلکو خدمتګار شخصیت مې نږدې همکار و.

د ارواښاد په مړینې له خبرېدو سره سم مې نن شپه د افغانستان د حکومت او خلکو په استازیتوب د هغه له کورنۍ سره په ټلیفوني تماس غمشریکي وکړه او اړوندو مسوولینو ته مې لارښوونه وکړه چې د محمد یوسف غضنفر د جنازې د مراسمو او خاورو ته سپارلو رسمي تدابیر ونیسي.

خپل د همدردۍ او غمشریکۍ مراتب د ارواښاد له کورنۍ او د افغانستان ټولو خلکو سره شریکوم او متوفی ته د لوی الله له دربار څخه د جنت او وارثینو ته یې د جمیل صبر دعا کوم.

کابل/ د چنګاښ ۱۳مه/ باختر
د کلیو بیارغونې او پراختیا وزارت د ولسي تړون پروګرام اقرا پروژې تر سیوري لاندې د بادغیس په ابکمري، د هرات په کرخ او دکندز په خان اباد ولسوالیو کې درې ښوونځي بشپړ شول او دنورو ۴ نورو دجوړیدو چارې به ډیر ژر د قندهار  په سپین بولدک، دزابل  په شاه جوی، دنورستان ولایت په کامدیش او د خوست په تڼیو ولسوالیو کې بشپړې او ګټې اخستنې ته وسپارل شي.
دا ښوونځي ۱۰، ۸، یا ۶ ټولګي، تشنابونه او د څښاک د اوبو څاګانې لري او دجوړیدو پر مهال یې تخنیکي او غیر تخنیکي کارکوونکو ته ۱۳ زره کاري ورځې رامنځته شوي دي.
بشپړو شویو ښوونځیو ۱۰۳۴ زده کوونکیو ته دزده کړې وړ چاپیریال رامنځته کړی او له جوړیدونکو ښوونځیو څخه به ۱۰۴۰ زده کوونکي ګټه پورته کړي.

کابل/ د چنګاښ ۱۳مه/ باختر
په ډېرې خواشینۍ خبر شوم چې د کابل پوهنتون استاد او د علمي شورا غړی پوهاند دوکتور نوراحمد ميرازی د ورپېښې ناروغۍ له امله وفات شوی.
ارواښاد پوهاند دوکتور نوراحمد ميرازي نيمه پېړۍ په علمي او مسلکي ډګر کې زرګونه ځوانان مسلکي  وروزل او د کابل پوهنتون ساينس پوهنځي کې يې د استادۍ پر مهال د هيواد د بچيانو خدمت وکړ، مړينه يې د افغانستان د علمي او اکا‌‌‌‌‌‌ډمیکې ټولنې لپاره يوه لويه ضايعه ده.
د ارواښاد پوهاند دوکتور نوراحمد ميرازي کورنۍ، دوستانو، شاګردانو، د لوړو زده کړو وزارت او کابل پوهنتون رهبرۍ او ټولو هیوادوالو ته د خواخوږۍ او غمشریکۍ مراتب وړاندې کوم، ارواښاد ته د لوی الله له دربار څخه د فردوس جنت او وارثینو ته يې د جميل صبر دعا کوم.

کابل / دچنګاښ ١٣مه /باختر :
د طالبانو ډلې  ديرش تنه بنديان پرون د قندهار ولايت له جيل څخه ازاد شول .
د قندهار د والي مطبوعاتي دفتر خبرورکړ،  چې  دغه بندي طالبان دافغانستان د اسلامي جمهوريت دجمهور رييس د حکم له مخې، د دغه ولايت له جيل څخه ازاد شول .
ويل کېږي  ازادو شويو طالبانو ژمنه وکړه چې  عادي ژوندانه ته  مخه کوي او د جګړې  ډگر ته نه ځي .
د دولت او د طالبانو له جيلونو څخه د بنديانو ازادول  په هېواد کې د  سولې د ټينګښت لپاره  د بين الافغاني خبرو يوشرط دى .
تراوسه پورې د طالبانو د ډلې ٤٠٠٠ بنديان  د دولت له جيلونو څخه ازاد شوي دي .او طالبانو هم  د دولت  ٦٧٦تنه بنديان ازاد کړي دي . خو د ملي امنيت  د شورا وياند ويلي دي،  چې د طالبانو له جيلونو څخه د ازادو شويو بنديانو له جملې څخه ٤٠٨تنه پوځيان اونوريې ملکي وګړي دي .
  ختم  _ ج _ اکرم

-کابل / دچنګاښ ١٣مه /باختر :
دننګرهار ولايت د سره رود ولسوالۍ  اجراييه مدير چې په يوه چاودنه کې ټپي شوى و، په روغتون کې مړ شو .
عبدالواسيع انتظار پرون له غرمې وروسته له خپل زوى سره هغه وخت ټپي شو چې  د جلال اباد  ښار  د لومړى  حوزې په مربوطاتو کې د ده د سپرلۍ په موټر کې چسپکي ماين وچاوديد .
ويل کېږي  چې دى  د ټپونو د ژورتيا له امله  په روغتون کې ساه ورکړه .
  تراوسه پورې  د دغې پېښې مسووليت  چاپه غاړه نه دى اخستې .
  ختم _ج _ اکرم

-کابل / دچنګاښ ١٣مه /باختر :
د پلخمري ښار په ديوالونوکې سوله غوښتونکي عکسونه  نقاشي  شول
په دې تصويرونو کې  چې  د ساقي وال په نامه  ځوان هنرمند رسامي کړي دي د جګړې  ناخوالې پايلې  او دسولې اړتيا پکې بيان شوي دي .
د دغو انځورونو په نقاشى سره  چې د پلخمري ښار د خلکو  د پاملرنې وړ ګرځيدلى دى ،  او د جګړې  ويجاړې او دسولې  ښيګڼې  د دوى په ذهنونوکې تداعي کوي  پکې ليکلي دي .
جګړه بس ده موږ سوله غواړو .
د بغلان ولايت د اطلاعاتواوفرهنګ رييس  ذکريا ناصري  له دغه  ځوان انځورګر او د بيان راډيو د همکارۍ له امله  چې د دغو انځورونو د نقاشي لپاره يې  زمينه برابره کړې ده، مننه وکړه .
هغه وويل : دغه تصويرونه په هېواد کې د جګړې د پاى ته رسولو او د سولې د تامينولو په خاطر  د ملاتړ لپاره  د  عامه ذهنونو په روښانه کولو کې  ښه اغيزه لري .
په بغلان کې  د مطبوعاتو مخکښ  سيد عبدالله سادات  د يوبل په منلو او ټوليز ژوندانه ته د ښه فضا د رامنځته کولو  په لاره کې   په ديوالونوکې دپيغامونو اوتصويرونو ليکل  او انځورول د عامه ذهنونو په روښانه کولو کې   ارزښتناک وباله .
  ختم _ ج _ اکرم

-کابل / دچنګاښ ١٣مه /باختر :
په تېرو  ٢٤ ساعتو کې  په کرونا ويروس   ١٢٩٠ تنه  اخته کسان روغ شوي دي
  د باختراژانس د خبرله مخې،  د عامې روغتيا وزارت  نن اعلام وکړ چې  د ٧٧٢مشکوکوسمپلونوله ازمايښت وروسته په هېواد کې په تېرو ٢٤ ساعتو کې د کرونا ويروس   ٣٠٢ نوې پېښې  تشخيصې شوي دي  او په کرونا ويروس د اخته کسانو شمېر  ٣٢٣٢٤تنو ته زيات شوى دى .
دغه راز  په تېرو ٢٤ ساعتو کې  په هېوادکې په کروناويروس  ١٢٩٠ تنه  روغ شوي دي . او  ١٢ تنه نور مړه شوي دي  چې د روغو شويو کسانو ټول شمېر ١٧٣٣١ تنو او د مړو شويو کسانو شمېر ٨١٩ تنو ته  زيات شوى دى .
  د کرونا ويروس  د  ٣٠٢ نويو پېښوله جملې څخه ٥٧ پېښې په باميانو، ٤٣پېښې په هرات،  ٣٩ پېښې په کابل ،  ٣٨ پېښې په فارياب ،  ٢٩ پېښې په بادغيس،  ٢٤ پېښې په بدخشان،  شل پېښې په سمنګانو،  ٢٠ پېښې په پکتيا،  ١٢ پېښې په  غور،  ٩ پېښې په تخار،  درې پېښې په  قندهار، درې پيښې په بلخ ،   دوه پېښې په لوګر، او يوه يوه پېښه  په نورستان، کونړ او پروان ولايتونو کې ثبتې شوې دي .   ختم _ج _ اکرم

-کابل / دچنګاښ ١٣مه /باختر :
دکرنې اواوبو لګولو وزارت  د بڼوالى د ملي پروژې مسوول وايي  چې دغه بنسټ  بڼوالو او بزګرانو ته د نوي او اصلي بڼوالى  دلارو چاروپه باب روزنه ورکړې ده .او په بغلان کې بڼوالي د ښه والي په حال کې دى او په راتلونکې کې  به  خلک په بغلان کې د ډول ډول ميوو  د بڼونو د جوړولو شاهدان وي .
په شمال ختيځ  زون کې  د کرنې اواوبو لګولو وزارت  د بڼوالى  د ملي پروژې مسوول  محمد حسن فروتن  د باختراژانس له سيمه ييز خبريال علي علمي سره  په مرکه کې وويل:  چې په وروستيو اوو کلونوکې په بغلان، کندز،  تخار، او د بدخشان  په ولايتونوکې د ډول ډول ميوو  داصلاح شويو نيالګيو په اېښودلوسره  اووه ديرش زره  څلور سوه  څلورشپيته بڼونه  جوړ شوي دي .
هغه وويل : چې  د روزنيزو پروګرامونو په ترسره کولو سره يې  د دغو ولايتونو بڼوالو ته  د بڼوالى نوى لارې  چارې ښودلي دي .
  هغه  د بڼوالو يواځنۍ ستونزه  د دوى دمحصولاتو د ساتنې لپاره  د  سړو خونو نشتوالي وبلل .  فروتن څرګنده کړه  چې اوس  د هېواد په شمال ختيځ کې بڼوال  نه يواځې  د هېواد د بازارونو د اړتيا وړ ميوې  برابروي  بلکې سوداګر د دوى دبڼونو ډول ډول ميوې  بهر ته صادروي .
هغه  د بڼوالو د مڼو،  انګورو،  زردالو او د بادامو يادونه وکړه چې بهر ته صادرېږي .
د بغلان يوتن بڼوال  غلام حسن رضايي  د خپل بڼ  د حاصلاتو  له امله  خوشحاله دى  .
هغه وويل:  چې سږ کال د ده د بڼ اصلاح شوي نيالګي زيات حاصلات لري  او دى به زياته ګټه ترلاسه کړي .
هغه  د خپل بڼ د ميوو د ساتنې لپاره  د سړو خونو نشتوالي  يواځنۍ ستونزه وبلله او د کرنې له ادارې  څخه يې وغوښتل چې دبڼونو دميوو دساتنې لپاره  د سړو خونو په جوړولو اقدام وکړي . چې بڼوال وکولاى شي  خپلې ميوې په مناسب وخت او مناسبه بيه بازار ته وړاندې کړي .
  خو د بغلان ولايت د کرنې اواوبو لګولو رياست  د زراعتي چارو آمر عبدالقهار ستاري وويل چې تر راتلونکې يوې اوونۍ پورې  په بغلان کې  د څلور سوه  ديرشو سړو خونو او مميز خونو د  جوړولو کار پيلېږي . او ترراتلونکو دوو مياشتو پورې  جوړېږي او د بزګرانو اوبڼوالو  په واک کې ورکول کېږي .
  ختم _ج _ اکرم

-کابل / دچنګاښ ١٣مه /باختر :
٢٦تنه ډار اچوونکي په کونړ کې  د نويو جګړو په بهير کې  ووژل شول .
په دغو ډار اچوونکو د کونړ په ځينو سيمو کې د وروستيو اته څلويښتو ساعتونوپه بهير کې  پر پوځيانو  د دوى د برېدونوپه وخت کې  د پوځيانو له خوا هوايي اوځمکني برېدونه وشول .
د هېواد په ختيځ کې  د ملي اردو يو جګپوړي قوماندان باختراژانس ته وويل چې  په دغو جګړو کې د طالبانو د ډلې  د څلورو قوماندانانو په ګډون  ٢٦ ډار اچوونکي ووژل شول او په لسګونو نور ټپيان شول .
هغه وويل  په دغو ډار اچوونکو پر پوځيانو  د دوى له يرغل وروسته برېدونه وشول .
  ختم _ ج _ اکرم

-کابل / دچنګاښ ١٣مه /باختر :
په قندهار کې له سلګونو اړو کورنيو سره د خوراکي توکو مرسته وشوه .
دغه خوراکي توکي  د نړيوالو مرستندويو بنسټونوله خوا  برابر شوي دي .
د قندهار  د رسنيو دفتر د يوې خبرپاڼې په خپرولو سره ويلي دي،  چې په دغو توکو کې اوړه، غوړي، وريجې او دال شته .
دغه خوراکي توکي په قندهار ښار کې په هغو کورنيو ويشل شوي دي چې دکرونا ويروس  د خپرېدو د  قرنطين له امله يې   خپل کارونه له لاسه ورکړي دي .
ختم _ ج _ اکرم

Page 1 of 8844