17 February 2019

RSS Facebook

سوداگریز


تازه خبرونه

يو انس سره زر په ۱۳۲۱ډالرو وړاندې کېږي

يو انس سره زر په ۱۳۲۱ډالرو وړاندې کېږي

کابل\باختر\ دسلواغې د مياشتې۲۷ په نړيوالو بازارونوکې نن يو انس سره...

د طاق ظفر فوټبال لوبډلې پامیر لوبډلې ته ماتې ورکړه

د طاق ظفر فوټبال لوبډلې پامیر لوبډلې ته ماتې ورکړه

کابل/ باخترد سلواغې دمياشتې ٢٧نيټه : ...

Youtube Player

khantry design

سوداگریز

سوداگریز

کابل/ باخترد سلواغې دمياشتې ٢٧نيټه                                                                                                       
امنه چې دهرات ولايت د غوريانو ولسوالۍ د روشنان کلي اوسيدونکې ده، په دې  توانيدلې چې له خپلې ګلخانې څخه د يوه کال په بهيرکې ۵۰۰ زره افغانۍ ګټه ترلاسه کړي.
دغې مېرمنې دګلخاني محصولاتو د کښت دلارو چارو له زده کړې وروسته، په ١٣٩٦ کال کې د ١٢٩٠ متره مربع ځمکې په ساحه کې يوه ګلخانه د (سازګاري با تغيير اقليم ) پروژې په ملاتړ ترلاسه کړه.
دا لومړۍ مخکښه کروندګره مېرمن ده چې په غوريانو ولسوالۍ کې يې د آلويه ورا بوټي کښت يې ترویج کړى دى.
د باختر آژانس دخبر له مخې: دغې مېرمنې وکولاى شول د يوه کال په تيريدو سره د ٢٥٠ زرو افغانيو په پانګې سره ٧٠٠ زره افغانۍ د آلويه ورا بوټې د پلورلو له درکه ترلاسه کړي.
امنې د خپل کار او هلوځلو له امله وکولاى شول ٥٠٠ زره افغانۍ نغدي خالص عايد ترلاسه کړي.
دغه راز دولس نورې مېرمنې د آمنې په شان په دې ګلخانه کې د آلويه ورا بوټي          په روزنې بوختې دي او د هغو له عايداتو څخه ګټه پورته کوي .
پاى\ذکرالله \

کابل\باختر\ دسلواغې د مياشتې۲۷
په نړيوالو بازارونوکې نن يو انس سره زرپه ۱۳۲۱ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يو ګرام الجزايري سره زر په ٣٢٥٠  افغانيو، مصري په٣١٥٠ افغانيو، کويټي په٢٥٥٠ افغانيو،سنګاپوري په٢٥٥٠ افغانيو،  بحريني په٢٥٠٠ افغانيو، عربي په٢٢٥٠ افغانيو، ايراني په٢٠٥٠ افغانيو او يو ګرام روسي په ٢٠٠٠افغانيو پلورل کېږي.      
پاى / سعيده

کابل/ باخترد سلواغې دمياشتې ٢٧نيټه :                                                    
په کابل کې له ۱۸ کلنی څخه د کم عمره افغان ځوانانو د فوټبال لیګ سیالیو په پرانيستونکې لوبه کې د طاق ظفر لوبډلې پامیر لوبډلې ته ماتې ورکړه.  
د افغانستان د فوټبال فدراسیون د معلوماتو له مخې، په دې لوبه کې د طاق ظفر لوبډلې  د پامیر لوبډلې ته ۴ د صفر په وړاندې ماتې ورکړه.
ټاکل شوې چې د دغو سیالیو د سبا ورځې په لوبه کې د  اردو لوبډله د رسالت لوبډلې        په وړاندې د لوبې ډګر ته لاړه  شي.      
دغه سیالۍ د اتو لوبډلو په ګډون د افغانستان د فوټبال فدراسیون په لوبغالي کې ترسره کېږي.                                                                                                          پاى \ذکرالله

کابل/ باختر/ د سلواغې د مياشتې ٢٧مه 
د جمهور رئيس دويم مرستيال قانونپوه سرور دانش چې نن يې د سرې مياشتې د ټولنې د سرپرستې حسن بانو غضنفر د معرفي کولو په غونډه کې خبرې کولې؛ په اوسنيو شرايطو کې یې د سرې مياشتې فعاليتونه او برياليتوبونه ناکافي وبلل او ويې ويل: «څلويښت کاله کيږي چې په افغانستان کې جګړه روانه ده او له طبيعي پلوه هم زموږ هېواد د زياتو پېښو د رامنځته کېدو هېواد دى او زموږ د خلکو هيلې له هغه څخه زياتې دي چې تر اوسه پورې دغې ادارې ترسره کړې دي».
ده زياته کړه: « موږ پوهيږو چې د دغې ادارې فعاليتونه د اساسنامې له مخې په دقيق ډول نه دي ترسره شوي او د عمومي ټولنې غونډه هم نه ده جوړه شوې چې د هغې له  مخې د دغې ادارې رييس وټاکل شي او اساسنامه يې تعديل شي».
ده زياته کړه چې د استخدام، د منقولو او غير منقولو شتمنيو پيرودل او پلورل او د قراردادونو چارې دې په شفاف ډول مديريت شي او نتيجې يې اطلاعاتو ته د لاسرسی قانون له مخې خلکو ته ورسول شي.
استاد دانش زياته کړه چې سره مياشت، سره له دې چې دولتي اداره نه ده، خو يوه ټولګته او قوانينو ته تابع اداره ده چې مسوولين باید ډير ژر د هغه اجرآت د قانون په چوکاټ کې عيار کړي.
په دې غونډه کې ډاکترې حسن بانو غضنفر ژمنه وکړه چې د اصولو په تطبيق او د شفافيت په رامنځته کولو کې هيڅ راز هلې ځلې نه سپموي.
دې د سرې مياشتې له ملي او نړيوالو همکارانو څخه د مننې په څرګندولو سره اړو  خلکو ته د خدمتونو د وړاندې کولو په لاره کې د دغې ادارې د کارکوونکو د همکارۍ غوښتنه وکړه .
د سرې مياشتې مرستيال ميرويس اکرام هم د دغې ادارې د تاريخچې او کارونو په باب ګډونوالو ته معلومات ورکړل او ويې ويل چې تېرکال د طبيعي پېښو په ٤٦زرو زيانمنو شويو کورنيو د اړتيا وړ توکي ويشلي دي.
ده دغه راز د هغو ٢٦ زرو رضاکارانو يادونه هم وکړه چې د هېواد په ګوټ ګوټ کې له دغه بنسټ سره همکاري کوي او د هرات د وروستيو سيلاوونو د راوتلو له امله له مصيبت ځپلو خلکو سره یې د رضاکارانو د همکارۍ له امله مننه وکړه او ويې ويل چې بايد د رضاکارانو په کار سترګې پټې نه شي.
اکرام د زړه د سوري په ناروغۍ د ١٢٠٠ تنو اخته ماشومانو چې د سرې مياشتې له لارې يې درملنه شوې ده؛ يادونه وکړه او هيله يې څرګنده کړه چې د نوې مشرتابه په همکارۍ وکولاى شي د اړو ماشومانو د درملنې ظرفيت لوړ کړي .
په دې غونډه کې سناتور مولوي عبدالوهاب عرفاني هم خبرې وکړې او ويې ويل چې د سرې مياشتې د ټولنې قوانين بيا کتنې ته اړتيا لري، ترڅو د وخت د اړتياوو له مخې عيار شي .
ده  له نوې مشرتابه څخه وغوښتل چې د زړه سوري په ناروغۍ د اخته ماشومانو برخې ته زياته پاملرنه وکړي، ترڅو د ماشومانو د ژوند د دوام او د اړو ماشومانو د کورنيو د خوشحالۍ سبب شي .
په دې غونډه کې د اطلاعاتو او فرهنګ وزارت سرپرستې حسينې ساپۍ، حسن بانو غضنفر ته د مبارکۍ د څرګندولو ترڅنګ، هغې ته د الله (ج) له دربار څخه د سرې مياشتې د ټولنې د چارو په پرمخ بيولو کې د برياليتوب هيله وکړه.
دغه غونډه چې د افغاني سرې مياشتې په تالار کې جوړه شوې وه، پکې د ښځو چارو وزيرې دلبر نظري، د اطلاعاتو او فرهنګ وزارت مالي، اداري او د ګرځندوى معينې سيدې مژګان مصطفوي، د ښځو د حقوقو يو شمېرفعالينو، مدني فعالينو او د افغاني سرې مياشتې د ټولنې کارکوونکو ګډون کړی و.
پاى \ج\ ذ

کابل/ باخترد سلواغې دمياشتې ٢٧نيټه
د افغانستان د اسلامي جمهوریت د جمهور رییس استازي، د حکومت د اطلاعاتو او رسنیو په مرکز کې د یوې ناستې پر مهال چې په هغې کې د ۷۲ راجستر شویو ګوندونو استازو هم ګډون کړی و، د ګوندونو له خوا د ټاکنیزو کمیسیونونو او د دغو کمیسیونونو د دارالانشاګانو غړیتوب ته د نوماندانو د پېژندنې د شرایطو په اړه معلومات ورکړل.
د حکومت د اطلاعاتو او رسنیو مرکز باختر آژانس ته خبر ورکړ:
دغه راز په دې ناسته کې د ګوندونو استازو ته هغه معلوماتي بستې ووېشل شوې چې په هغو کې د ټاکنیزو کمیسیونونو او د دغو کمیسیونونو د دارالانشاګانو د ریاستونو غړیتوب ته د نوماندۍ شرایط په ډاګه شوي دي، ترڅو ګوندونه له هغو سره سم عمل وکړي.
په دې ناسته کې د جمهوري ریاست استازي د راجستر شویو سیاسي ګوندونو له استازو څخه غوښتنه وکړه چې د یوې اوونۍ په ترڅ کې په شرایطو برابر کسان ور وپېژني.
همدارنګه د جمهوري ریاست د عالي مقام د دفتر د حقوقي ریاست له لوري د دغو چارو د همغږۍ لپاره د حکومت د اطلاعاتو او رسنیو په مرکز کې یو لنډمهال کاري ټیم رامنځته شوی دی.
د ټاکنو د قانون د تعدیل طرحه د روان کال د سلواغې میاشتې په ۲۳مه د سه شنبې په ورځ د کابینې په غونډه کې تصویب شوه او فرمان یې د جمهور رییس له خوا توشیح شو.
دغه طرحه له دې وړاندې د جمهور رییس د دویم مرستیال استاد سرور دانش په مشرۍ ، د سیاسي ګوندونو، د جمهوري ریاست د نوماندانو او د ټاکنو اړوند مدني بنسټونو په ګډو غونډو کې د رایو په اتفاق سره تایید شوې وه چې وروسته بیا د کابینې له خوا تصویب او د جمهور رییس له خوا توشیح شوه.#
پای – ذ

Saturday, 16 February 2019 12:43

خبرتيا

کابل/ باخترد سلواغې دمياشتې ٢٧نيټه
د کابل ترافيکو د لوی مديريت خبرتيا
د يو ٣٥ کلن سړى چې شتري رنګه چرمي جمپر، نخودي جاکټ، تور پطلون، تور ويښتان، توره ږيره او بريت لري؛ په پل سوخته کې د يوې ترافيکي پېښې له امله چې مړ شوى دى، مړى يې د سلواغې د مياشتې ٢٤پر٢٥ نېټه عدلي طب ته لېږدول شوى دى.
د ده خپلوان کولاى شي د مړي د ترلاسه کولو په مقصد عدلي طب ته مراجعه وکړي او د زياتو معلوماتو د ترلاسه کولو په خاطر دې د کابل ترافيکو لوى مديريت د پېښو د څيړنې آمريت ته ورشي او يا دې له (٠٧٧٢٠٩٤٨٢٩)  او (٠٢٠٢٥٠٣٧١١) شمېره ټليفونونو سره اړيکه ونيسي.
پاى\ذکرالله

کابل / باخترد سلواغې دمياشتې ٢٧نيټه
د افغان امنیتي او دفاعي ځواکونو د ګډو عملیاتو په بهیر کې ۱۹ تنو ډار اچوونکو ته ژوبله واوښته.
د تندر قول اردو، د یوې خپرپاڼې په لېږلو سره باختر آژانس ويلي دي:
ایتلافي هوايي ځواکونو د پکتیا ولایت زرملې ولسوالۍ د لیوان په سیمه کې پر وسله والو مخالفینو هوايي برید وکړ چې له امله یې ۴ تنه ډار اچوونکي ووژل شول او یوه آیکم مخابره ویجاړه شوه.
د یو بل خبر له مخې:
ایتلافي هوایي ځواکونو د غزني ولایت د اندړو ولسوالۍ د صاحب خان او مقر ولسوالۍ د نهال خان په سیمو کې پر وسله والو مخالفینو بریدونه وکړل چې له امله یې ۹ تنه ډار اچوونکي وژل شوي او ۶ تنه نور یې ټپیان شوي دي.
د تندر قول اردو د ماین پاکۍ ټیمونو د غزني ولایت د اندړو ولسوالۍ په مربوطاتو کې  د وسایطو ضد ۴ ماینونه کشف او شنډ کړل.
پای – ع

غزنی / باخترد سلواغې دمياشتې ٢٧نيټه
یو ملکي وګړی نن سهار په غزني ولایت کې د یو ماین د چاودنې له امله شهید شو .
د غزني د والي ویاند محمد عارف نوري د باختر اژانس خبریال ته وویل چې دغه پېښه د غزني ښار د لومړۍ حوزې د قصابۍ په کوڅه کې وشوه .
نوري زیاته کړه چې په دې چاودنه کې درې تنه نور ملکي وګړي ټپیان شوي چې روغتون ته ولېږدول شول .
ویل کیږي دغه ماین تر واورې لاندې د مخالفینو له خوا ځای پر ځای شوی و.
پای/ سعیده

دقندهار ښار / باخترد سلواغې دمياشتې ٢٧نيټه                                              
په قندهار ولايت کې ۲۵ تنه وسله وال طالبان له سرحدي ځواکونو سره په نښته کې ووژل شول او يو شمېر نوريې ټپيان شول.
دغه نښته تېره شپه په شورابک ولسوالۍ کې هغه وخت رامنځته شوه چې په لسګونو تنو وسله والو طالبانو سرحدي پوليسو په يوې پوستې بريد وکړ.
دهېواد په جنوب کې يوه جګپوړي پوځي قوماندان دباختر اژانس خبريال ته وويل چې         په دې نښته کې ٢٥ تنه وسله وال طالبان وژل شوي او يو شمېرنور يې ټپيان شوي دي.
ده د اتو تنو سرحدي ځواکونو د شهادت خبر تاييد کړ او ويې ويل چې جګړې څه  ناڅه څلور ساعته دوام وکړ چې د کومکي ځواکونو په رسيدو سره يرغلګر طالبان له سيمې څخه وتښتيدل.
ده وويل: په دې جګړه کې د وسله والو طالبانو يوه اندازه سپک او درانده جنګي وسايل د پوحيانو لاسته ورغلي دي.
پاى\ ذکرالله

کابل/ باخترد سلواغې دمياشتې ٢٧نيټه                                                  
په غزني ولايت کې تېره شپه د وسله والو طالبانو د يوه سيمه ييز قوماندان په ګډون اووه تنه ووژل شول .
د غزني د والي وياند محمد عارف نوري دباخترآژانس خبريال ته وويل: دغه وسله وال طالبان دغزني ولايت د تاسنګ ولسوالۍ په سيمه کې د کوماندو ځواکونو په عملياتو کې ووژل شول .
په وژل شويو کسانو کې د عبدالله په نامه د وسله والو طالبانو يو سيمه ييز قوماندان هم شامل دى.     
نوري زياته کړه: په دغو عملياتو کې شپږتنه وسله وال طالبان ټپيان او درې تنه نور نيول شوي دي .
پاى \ ذکرالله \

Page 1 of 7382