23 October 2017

RSS Facebook

سوداگریز


تازه خبرونه

د ښځو چارو وزيره: په بلخ کې د ښځو وضعيت ښه شوى دى

مزارشريف \باختردتلې دمياشتې٣٠نيټه : د ښځو په وړاندې د تاوتريخوالي...

Youtube Player

khantry design

سوداگریز

سوداگریز

مزارشريف \باختردتلې دمياشتې٣٠نيټه  :
د ښځو په وړاندې د تاوتريخوالي د کميسيون غونډه پرون د ښځو د چارو د وزيرې په ګډون په مزارشريف ښارکې جوړه شوه.
د باختر آژانس د خبرله مخې: 
د ښځو د چارو وزيرې دلبرنظري په دې غونډه کې په بلخ د ښځو د وضعيت دښه والي يادونه وکړه او ويې ويل: لوږه، وزګارتيا، نا امنۍ او ناوړه دودونه هغه عوامل دي چې په هېوادکې د ښځو په په وړاندې په تاوتريخوالي کې رول لري .
دې له دولتي او غير دولتي بنسټونوڅخه وغوښتل چې د ښځو پر وړاندې د دغې ناوړې پديدې پرخلاف جدي هلې ځلې وکړي.
په دې غونډه کې د هېواد په شمال کې د بشر د حقوقو د خپلواک کميسيون رئيس قاضي سيدمحمدسامع وويل: سږکال په دې حوزه کې د ښځو پرخلاف د تاوتريخوالي څه د پاسه١٤٠ پيښې ثبتې شوې دي چې يوازې پنځوس مورده يې په بلخ ولايت پورې اړه لري .
د يادونې وړ ده د ښځو پرخلاف د تاوتريخوالي کميسيون د هېواد په ټولو ولايتونوکې د ښځو پرخلاف دتاوتريخوالي او ددغې ناوړې پديدې د له منځه وړلو او د هغو د لارو  چارو د حل په باب کار کوي.
پاى\ ذکرالله \ 

کابل_باختر د تلې د مياشتې٣٠مه
د افغانستان د اسلامي جمهوریت  جمهور رئیس محمداشرف غني او ورسره لوړ پوړي دولتي پلاوي نن له غرمې مخکې د ۲۰۳ تندر قول اردو په جومات کې د پکتیا له مشرانو او د شهیدانو له ورثې سره د وروستیو شهیدانو روح ته د دعا او د فاتحې په مراسموکې ګډون وکړ.
د جمهور رييس د وياند دفتر باختر آژانس ته خبر ورکړ:
د فاتحې د مراسمو ټولو ګډونوالو د خدای تعالی په دربارکې شهیدانو ته د فردوس جنت، ټپیانو ته د ښې روغتیا او د دوی کورنیو ته د جمیل صبر دعا وکړه او د یادې تروریستي پېښې له امله یې د پکتیا مشرانو او د شهیدانو کورنیو ته تسلیت ووایه.
نیازمحمد حقجو د شهیدانو د کورنیو په استازیتوب جمهور رئیس او ورسره لوړ پوړي دولتي پلاوي ته د ښه راغلاست د ويلو پر مهال د هغوی له غمشریکۍ څخه مننه وکړه. هغه وړاندیز وکړ چې د ګردېز پر امنیې قومندانۍ شوی تروریستي برید دې په هر اړخېزه توګه وڅېړل شي او د شهیدانو کورنیو ته دې د استوګنې لپاره ځمکه ورکړل شي.
جمهور رئیس غني د وروستیو تروریستي پېښو له امله ټولو هېوادوالو په ځانګړي ډول پکتیاوالو ته تسلیت ووایه او زیاته یې کړه، څنګه چې پکتیاوالو تل له هېوادوالو سره غمشریکي کړې، نو نن د پکتیا پر غم هم ټول هېوادوال غمجن دي او له له تاسو سره ځان شریک بولي.
جمهور رئیس غني وویل، نن به د وروستۍ تروریستي پېښې د شهیدانو او ټپیانو کورنیو ته د مرستې یوه بسته ورکړل شي او په نږدې راتلونکي کې به د شهیدانو مستحقو کورنیو ته ځمکې ووېشل شي او د راتلونکي کال بودجه کې هم د شهیدانو کورنیو ته ځانګړې پاملرنه کېږي.
د هېواد جمهور رئیس وویل، د شهیدانو کورنیو ته د رسیدګي موضوع زه په خپله هره اوونۍ له مسوولینو سره تعقیبوم، ځکه چې موږ د شهیدانو د سرښندنو پوروړي یوو او د دوی کورنیو ته رسیدګي زموږ له مسوولیتونو څخه ده.
جمهور رئیس څرګنده کړه، د افغانستان دښمنانو که زموږ یو شمېر هېوادوال او زړور امنیتي سرتېري شهیدان کړل، نو دوی په حقیقت کې سیاسي ځان وژنه هم وکړه او لویه پکتیا په یوه غږ ورته وایي چې نه مو منو، ځکه ستاسو کړنې نه د مسلمان دي او نه هم د انسان.
جمهور رئیس غني وویل: د پکتیا او ګردېز ښار د امنیت د تامین لپاره مې ځانګړې لارښوونې کړې، خو په دې برخه کې د ولس ونډه او رول خاص ارزښت لري. هغه په پای کې یو ځل بیا د شهیدانو کورنیو ته تسلیت ووایه.#
پاى_ذکرالله

کابل_باختر د تلې د مياشتې٣٠مه
د مشرانو جرګې لومړي نايب محمد علم ايزديار نن له اداري فساد سره د مبارزې د عالي ادارې د يو شمېر کارکوونکو شکایتونه واوريدل.
د مشرانو جرګې مطبوعاتي دفتر باختر آژانس ته خبر ورکړ:
په دې ناسته کې د اداري فساد پر وړاندې د مبارزې د عالي ادارې د شمال زون رئيس شمس الله جاويد د نورو په استازيتوب د يادې ادارې له کاري اجرااتو څخه د رپوټ وړاندې کولو ترڅنګ وويل، د اداري فساد څه ناڅه اووه سوه دوسيې يې ترتيب کړې او د پړاوونو د بشپړولو په موخه يې لويې څارنوالۍ ته استولې چې نږدې سل دوسيې یې د جمهوري رياست د مقام له خوا دغې ادارې ته راجع شوې وې او د څېړنو وروسته بېرته د چارو ادارې لوی ریاست ته استول شوې او هم درې سوه دوسيې د لويې څارنوالۍ له لارې قضايي بنسټونو ته سپارلې شوې دي.
ده وويل چې دولت هوډ لري تر څو د اداري فساد پر وړاندې د مبارزې د ملي ستراتيژۍ پر بنسټ له اداري فساد سره د مبارزې عالي اداره لغوه او له اداري فساد سره د مبارزې معينيت د لويې څارنوالۍ په تشکيل کې رامنځته کړي چې په دې صورت کې به د ددې ادارې نږدې څلور سوه تنه مسلکي او تجربه لرونکي کارکوونکي چې د آزادو سيالیو له لارې ګمارل شوي دي، بې برخليکه شي.
دغه راز د يادې ادارې يو شمېر کارکوونکو د لويو قضيو د څېړنې پروخت له يو شمېر احتمالي ګواښونو څخه خپلې اندېښې څرګندې کړې او په يادو برخوکې د مشرانو جرګې د ملاتړ او پاملرنې غوښتوونکي شول.
د مشرانو جرګې لومړي نايب د دوى د شکايتونو له اورېدو وروسته د فساد د بېلا بېلو دوسيو د څېړنې په موخه له اداري فساد سره د مبارزې د عالي ادارې د کارکوونکو له کوښښونو او هڅو څخه مننه وکړه او موضوع يې له تخصصي او مسلکي پلوه دجرګې د تقنيني، عدلي او قضايي چارو کمېسيون ته راجع کړه او ډاډ يې ورکړ چې د دوی ستونزو ته به رسيدګي وشي.#
پاى_ذکرالله

کابل_باختر د تلې د مياشتې٣٠مه
د افغانستان د اسلامي جمهوریت جمهور رئیس محمداشرف غني د لوړ پوړي دولتي پلاوي په مشرۍ د پکتیا له ولسونو او مشرانو سره د غمشریکۍ په موخه د یاد ولایت مرکز ګردېز ته سفر وکړ.
د جمهور رييس د وياند دفتر باختر آژانس ته خبر ورکړ:
په ۲۰۳ تندر قول اردو کې د پکتیا ملکي او نظامي مسوولینو جمهور رئیس ته هرکلی ووایه او وروسته جمهور رئیس غني په هغې امنیتي غونډه کې ګډون وکړ چې د امنیتي او دفاعي سکتور او د یاد ولایت نظامي مسوولینو په کې حضور درلود.
په پیل کې جمهور رئیس غني د پکتیا د امنیې قوماندانۍ شهیدانو ته یو ځل بیا د فردوس جنت دعا وکړه او د هغوی کورنیو ته یې تسلیت ووایه.
ورپسې د پکتیا نظامي مسوولینو د یاد ولایت د عمومي امنیتي وضعیت او د تېرې اوونۍ د تروریستي برید د څرنګوالي او د هغه له امله د اوښتو زیانونو په اړه جمهور رئیس ته معلومات ورکړل.
هغوی وویل، په پکتیا کې مېشت امنیتي او دفاعي ځواکونه په پوره صداقت او زړورتیا د هېواد دفاع او د هېوادوالو د امنیت د تامین په برخه کې د ولسونو په ګډه همکارۍ هلې ځلې کوي او په دې برخه کې به خپلې هیڅ هڅې و نه سپموي.
د یادو مسوولینو د معلوماتو له اورېدو وروسته جمهور رئیس غني د پکتیا امنیت د ښه تامین، د دښمن د ځپلو او په راتلونکي کې د دغه وړ ناوړه تروریستي پېښو د مخنیوي په موخه هغوی ته لازمې لارښوونې وکړې. #
پاى_ذکرالله

کابل_باختر د تلې د مياشتې٣٠مه
د کرنې او اوبو لګولو وزارت د کابل نولسم نړیوال کرنیز نندارتون د ښو لاسته راوړنو په ترڅ کې پای ته و رساوه.
د کرنې او اوبو لګولو وزارت مطبوعاتي دفتر باختر آژانس ته خبر ورکړ:
  په دې نندارتون کې د دریو  ورځو په بهيرکې د سوداګرو، پانګه اچوونکو، کروندګرو او د هیواد د صنعت لرونکو ترمنځ د( 35510000) څخه د زیاتو افغانیو په مالي ارزښت تړونونه لاسلیک او توکي وپلورل شول.
د دغه نندارتون په ۲۴۰ غرفوکې، کرنیز محصولات او د ښځو لاسي صنایع نندارې ته ایښودل شوي وو چې په ټولیز ډول شاوخوا  د ۲.۲ میلیونو  افغانیو په مالي ارزښت توکي پکې وپلورل شول چې له دې جملې څخه (1742886) افغانی کروندګرو، مالدارانو او د کورني توکو تولیدونکو تر لاسه کړې. 
د یادونې وړ ده چې د صنعت کارو ښخو د ټولو پلورل شویو توکو مالي ارزښت (375865) افغانیو ته رسیږي.
په دغه نندارتون کې د کرنیزو او مالدارۍ برخې محصولات په ۲۳ غرفوکې ایښودل شوي وو چې د(31,965,000) افغانیو په مالي ارزښت د زعفرانو، طبیعي بوتو، د وچې او تازه میوې، د زیتونو تیلو، د چرګوړو ایستلو ماشینونو او د ISO سرتفکیټونو په برخه کې تړونونه لاسلیک شوي دي.
بله خوا په دغه نندارتون کې د  ښځو د لاسي صنایعو توکي په دريو غرفو کې ایښودل شوي وو چې د ( 126600) افغانیو په مالي ارزښت یې تړونونه لاسلیک کړي دي.
دغه راز د دغه کرنیز نندارتون د غرفو له کرایې څخه په ټولیز ډول (1308500) افغانی تر لاسه شوې دي.
د کابل نړیوال کرنیز نندارتون، د کرنې او اوبو لګولو وزارت په نوښت د کال په پیل او منځ کې دوه ځلې، د کابل په بادام باغ کې جوړیږي او له دغه ننداتون څخه هیوادوال، کروندګر، د بهرنیو شرکتونو استازي، محصلین، کورنۍ، په هیوادکې د پراختیايي پروګرامونو پلي کوونکي بهرني مسوولین ګډون کوي او له دغه نندارتون ګوري.#
پاى_ذکرالله

 

جلال آباد\باختردتلې دمياشتې٣٠نيټه  :
په داسې حال کې چې په افغانستان کې د داعش د ډلې د جګپوړي قوماندان له وژل کيدو څخه يوه ورځ تيريږي؛ پوځي مقامات وايي چې د داعش دغه قوماندان د هېواد په ختيځ کې د نويو اډو د جوړولو په خاطر هلې ځلې کولې.
طاهر باجوړي تېره شپه له خپلو نهو تنو افرادو سره يې د اچين ولسوالۍ په مومند دره کې د بې پيلوټه الوتکو له خوا پرې بريد وشو او ووژل شو.
د هېواد په ختيځ کې د پوليسو يو قوماندان باختر آژانس ته وويل چې طاهر باجوړي د هېواد په ختيځ کې د داعش ډلې د پياوړتيا او د دغې ډار اچوونکې ډلې د نويو اډو د جوړولو په لټه کې و.
ده وويل: داعش په وروستيوڅو کلونوکې د پوځيانو د عملياتو او د هوايي بريدونو په بهيرکې له منځه تللى دى او سخته ماتې يې خوړلې ده.
طاهر باجوړي هلې ځلې کولې چې په ختيځ کې د دغې ډار اچوونکې ډلې ليکې  بيا پياوړې کړي.
ويل کيږي؛ د داعش دغه قوماندان په پاکستان کې د يوشمېر کړيو له خوا د افغانستان په ختيځ کې د داعش د فعاليتونو د پراختيا لپاره ګومارل شوى و.
طاهر باجوړي پاکستانى تبعه و او ويل کيږي هغه نهه تنه نور ډاراچوونکي چې له ده سره يوځاى ووژل شول؛ د پاکستان، افغانستان او د عربي هېوادونو اتباع وو.
پاى \ج\ ذ

کابل\باختردتلې دمياشتې٣٠نيټه  :
د اطلاعاتو او فرهنګ  وزارت سرپرستې پوهنيارې سيدې مژګان مصطفوي نن د ګرځندوى او زيارتي شرکتونو له مسوولينو او استازو سره په غونډه کې د افغان زيارت کوونکو د ستونزو د حل کولو په باب خبرې وکړې.
د باختر آژانس دخبرله مخې:
په دې غونډه کې په داسې حال کې چې د اطلاعاتو او فرهنګ وزارت سلاکار محب الله ذاکري او د افغانتور د تصدۍ رئيس نورمحمد حسين خيل هم حاضر وو، د اطلاعاتو او فرهنګ وزارت سرپرستې عراق ته د خپل وروستي سفر د برياليتوبونو په باب معلومات ورکړل او ويې ويل چې د دغه سفر په بهيرکې د عراق د اطلاعاتو او فرهنګ وزارت د ګرځندوى د چارو له معين حمود يعقوبي او د دغه هېواد له يوشمېر نورو مسوولينو سره دغه هېواد ته د افغان زيارت کوونکو د ليږدونې او په کابل کې د عراق سفارت له لارې د ويزې د اجرااتو لپاره د مناسبو زمينو د برابرولو په باب خبرې او تفاهم شوي دي.
دغه راز په دې غونډه کې افغان زيارت کوونکو ته د ويزې د ستونزو د حل کولو، د هېواد د قانوني سياحتي او زيارتي شرکتونو د معرفي کولو چې معياري دي او ښه خدمتونه يې ترسره کړي؛ د سياحتي او زيارتي شرکتونو په تفاهم د طرزالعمل د برابرولو او دغه راز د ويزې د اجرا کولو د ستونزې د لرې کولو په خاطر په کابل کې د عراق سفارت له مسوول سره خبرې وشوې.
دغه راز د غونډې برخه والو د دې ترڅنګ چې افغاني زيارت کوونکو ته د اسانتياوو د برابرولو په خاطر د اطلاعاتو او فرهنګ وزارت د سرپرستې   پوهنيارې سيدې مژګان مصطفوي د کارونو قدرداني وکړه؛ خپلې نظريې او پيشنهادونه يې طرحه کړل.
پاى \ ج\ ذ

کابل\باختردتلې دمياشتې٣٠نيټه  :
د ملګرو ملتو سازمان په افغانستان کې د تاوتريخوالي د پاى ته رسيدو غوښتنه کړې ده .
د ملګرو ملتو سازمان په افغانستان کې د طالبانو او داعشيانو د خونړيو بريدونو په غبرګون کې چې په اوو پرله پسې ورځوکې د ملکي وګړو په ګډون يو زيات شمېر افغانان پکې ووژل شول؛ په دغه هېوادکې د تاوتريخوالي د بندولو غوښتنه کړې ده .
د ملګرو ملتو د سازمان سرمنشي انتونيوګوترش په يوه اعلاميه کې  د ډار اچوونکو ډلو بېرحمانه بريدونه چې په افغانستان کې څو پرله پسې ورځې ترسره شول؛ وغندل او ټينګار يې کړى دى چې بايد په افغانستان کې تاوتريخوالى پاى ته ورسيږي او خبرې اترې پيل شي.
د ملګرو ملتو د سازمان سرمنشي  ويلي دي: هغه کسان چې د دغو بريدونو مسووليت په غاړه لري؛ ډير ژر دې محاکمه شي .
په تيرو اوو ورځوکې د وسله والو طالبانو او داعشيانو ډار اچوونکو ډلو په پکتيا، قندهار، غزني، غور او کابل کې په پوځي مرکزونو او جوماتونو ډله ييز بريدونه ترسره کړل . په پوځي مرکزونو د ځانمرګو بريدونو مسووليت وسله والو طالبانو په غاړه واخيست او په مقدسه اماکنو د ځانمرګو بريدونو مسووليت  داعش په غاړه اخيستى دى چې دواړه ډار اچوونکې ډلې له يو استخباراتي مرکز څخه په بېلابېلو نومونو لارښوونې ترلاسه کوي.
دا په داسې حال کې ده چې د عمان څلور اړخيزې غونډې په پاکستان زور اچولى دى چې د افغانستان د سولې او په دغه هېوادکې د ډار اچوونکو د ځالو د له منځه وړلو په خاطر صادقانه  عمل وکړي، ځکه که چيرې پاکستان په خپلو ژمنو عمل ونه کړي؛ بله غونډه به جوړه نه شي .
ليدل کيږي چې د عمان له غونډې وروسته د طالبانو او داعشيانو ډار اچوونکو ډلو په افغانستان کې خپلو بريدونو ته زور ورکړى دى او يو زيات شمېر کورنۍ  يې د خپلو بچيانو د وير په ټغر کښينولې دي .
د ډار اچوونکو  ډلو يرغليز او ځانمرګو بريدونو نړيوال او د بشر د حقوقو  او د مدني ټولنو غبرګونونه را پارولي دي.
د ملګرو ملتو سازمان د دغو بريدونو د غندلو په ترڅ کې د تاوتريخوالي  د بندولو غوښتنه کړې ده او ټينګار يې کړى دى چې د دغو پيښو عاملين دې بايد محاکمه شي .
د امريکا د بهرنيو چارو وزارت هم په يوه اعلاميه کې په غور او کابل کې په جوماتونو بريدونه او د تيرې اوونۍ بريدونه غندلي او په دې اعلاميه کې يوځل بيا ژمنه کړې ده چې په افغانستان کې سولې او امنيت ته تر رسيدو پورې به د دغه هېواد له خلکو او دولت سره خپل ملاتړ ته دوام ورکوي .
دغه راز په افغانستان کې د ناتو ځواکونو قوماندانۍ د يوې خبرپاڼې په خپرولو سره د ډار اچوونکو پرله پسې بريدونه غندلي او ويلي يې دي چې سولې او ثبات ته د رسيدو په لاره کې د خپلو هلوځلو د دوام لپاره د افغانستان د خلکو ترڅنګ  به ولاړ واوسي.
د بشر د حقوقو خپلواک کميسيون هم په يوه اعلاميه کې دغه بريدونه غندلي او ويلي يې دي چې په مقدسه اماکنو او ملکي وګړو بريدونه يو غيرانساني او غير شرعي ناوړه عمل دى چې د اسلام د مقدس دين د حکمونو، ملي قوانينو  او نړيوالو بشردوستانه قواعدو پرخلاف عمل دى.
د ايران، روسيې، چين، عربستان، ترکيې او د پاکستان په ګډون چې له  ډار اچوونکوڅخه د ملاتړ تور پرې لګول شوى دى؛ يو شمېر هېوادونو وروستي بريدونه غندلي دي.
پاى ؛ ج\ ذ

جلال آباد \باختردتلې دمياشتې٣٠نيټه  :
په ننګرهار ولايت کې د اورلګيدنې له امله د څو دوکانونو مالونه له منځه لاړل.
دغه اورلګيدنه پرون ناوخته د جلال آباد ښار درمسال ته څېرمه په سلطانزي مارکيټ کې رامنځته شوه .
د را رسيدلوخبرونوله مخې:
دغه اور لومړى د ليلامي جامو د پلورنې په يوه دوکان کې د بريښنا د شارټۍ له امله پيل او نورو دوکانونو ته خپور شو.
د اور وژنې موظفين په چټکۍ سره ساحې ته ورسيدل او نورو يوسلو لسو دوکانونو ته د اور د خپريدو مخه ونيوله.
د ننګرهار د والي وياند عطاالله خوږياڼي باختر آژانس ته وويل چې په دې اورلګيدنه کې د ليلامي پلورنې لسو دوکانونو ته په ميليونونو افغانۍ زيان اوښتى دى.
پاى \ ذکرالله \

جلال آباد\باختردتلې دمياشتې٣٠نيټه  :
د هېواد په ختيځ کې په لسګونو تنه له ډار اچوونکوسره ډلو سره د غړيتوب په تور ونيول شول.
دغه کسان د پراخو پوځي عملياتو په بهيرکې د ختيځ ننګرهار ولايت د اچين، نازيان، هسکې مينې، خوږياڼيو، پچيراګام او بټي کوټ له ولسواليو څخه نيول شوي دي.
د ننګرهار ولايت امنيه قوماندان جنرال عبدالرحمن رحيمي باختر آژانس ته وويل  چې دوى د يو لړ پوځي عملياتو په بهيرکې ٧٤ تنه  د داعش او طالبانو په تروريستي ډلوکې د غړيتوب په تور نيولي دي.
ده وويل: په دغو پوځي عملياتوکې په لسګونو جنګي وسايل لکه توغندي ويشتوونکي، بمونه او له  ځانه جوړ شوي ماينونه ترلاسه کړي دي.
ويل کيږي په دغو عملياتوکې سرتيرو او د سيمې اوسيدونکو ته زيان نه            دى اوښتى.
پاى \ ذکرالله \

Page 1 of 5697