11 December 2018

RSS Facebook

سوداگریز


تازه خبرونه

عباس عراقچي به افغانستان ته راشي

کابل باختر دليندى شلمه : دافغانستان داسلامي جمهوريت دبهرنيو...

څلور تنه وسله وال طلابان په فراه کې ووژل شول

کابل باختر دليندى شلمه : څلور تنه وسله وال طالبان...

Youtube Player

khantry design

سوداگریز

سوداگریز

کابل باختر دليندى شلمه : دکانونو او پتروليم او دپوهنې دوزارتونو او دسترې محکمې وياندويانو نن له فساد سره دمبارزې دلاس ته راوړنو رپوټ له رسنيو سره شريک کړ . دباختراژانس دخبريال دخبرله مخې، دسترې محکمې وياند امان الله اعيان وويل چېله فساد سره مبارزه ددغې ادارې دپروګرامونو په سرکې ځاى لري او ددوسيو په څيړنې ژمنه ده . دده دڅرګندونوله مخې، په تيرو څلورو کلونو کې سترې محکمې د فساد د ٣٤١ تنو ککړوکسانو دوسيې څيړلې دي . داعيان دڅرګندونوله مخې، دقاضيانو بدلونونه په ښه توګه په فساد دککړو تورنوکسانو اومجرمينو ددوسيو دڅيړنې په کار کې مرسته کوي . په همدې مقصد دتيريو کال په بهير کې اووه اويا تنه قاضيان په دې اداره کې بدل شوي دي او دغه بهير دو ام لري . دپوهنې وزارت وياندې نوريې نزهت څرګنده کړه چې ددې وزارت په پاليسو کې له فساد سره مبارزه په لومړيتوب کې ځاى لري په همدې مقصد دپوهنې وزارت په فساد په نهو اخته ساحوکې زيات تمرکز کړى دى ددې دڅرګندونوله مخې، دتشکيلاتي جوړښت اصلاح د ښوونکو استخدام او دتدارکاتو دلارښود اصلاح ددغو ساحو له جملې څخه دي نوريې نزهت زياته کړه چې له فساد سره دمبارزې په کار کې دښوونکو شفاف استخدام ګتور دى په همدې مقصد دپوهنې وزارت دښوونکو داستخدام بهير داداري اصلاحاتو او دملکي خدمتونو کميسيونه ته سپارلى دى چې داستخدام په بهير کې فساد ترسره نه شي دکانونو او پتروليم وزارت وياندعبدالقدير مطفي وويل چې دغه وزارت دفساد پرخلاف په مبارزې ژمن دى دده دڅرګندونوله مخې ، دکانونو درا ايستلو دنوي قانون پربنسټ دداوطلبي پروسه شفافه شوې ده داوطلب شرکتونه کولاى شي په داوطلبي کې ګډون وکړي او دقراردادونوپه اخستلو کې هيڅ راز فساد شتون نه لري ده زياته کړه چې دقراردادونو له اخستلو وروسته دګټوونکو شرکتونو ټول سندونه او مدارک ددې وزارت په رسمي سايت کې خپرېږي . ختم_ ف _ اکرم
کابل باختر دليندى شلمه : دافغانستان داسلامي جمهوريت دبهرنيو چارو وزارت سياسي معين ادريس زمان په کابل کې دايران داسلامي جمهوريت له سفير محمد رضا بهرامي سره دپيژندګلوى کتنه وکړه . دبهرنيو چارو وزارت مطبوعاتي دفتر باختراژانس ته خبرورکړ. زمان دفرهنګي او اقتصادي اړيکو تاريخ ته په پاملرنې سره په بېلابېلو برخو کې ددواړو هېوادونو داړيکو ماهيت جوت کړ او داړيکو دلازيات ټينګښت او ښه والي لپاره يې له زمينو او فرصتونو څخه دزياتې ګټې اخستنې باندې ټينګار وکړ دايران سفير دافغانستان له اسلامي جمهوريت سره د اړيکو دښه والي لپاره دايران په ژمنو دټينګار په ترڅ کې په تيرو څلوروکلونو کې ددواړو هېوادونو په اړيکو کې رامنځته شوي بدلونونه بې ساري وبلل او څرګنده يې کړه چې ددواړو هېوادونو اړيکې دلازيات ټينګښت او پراختيا په لور ديون په حال کې دى او ديوه ستراتيژيکي تړون په باب په موافقې ددواړو هېودانو ژمنه چې په دې اړوند کار دوام لري ددغې دورې يوستر شاخص دى . ده زياته کړه ډاډ لري چې دبهرنيو چارو وزارت د سياسي معينيت په پست کې دادريس زمان دتصدى په وخت کې ددواړو هېوادونو اړيکې له پخوا زياتې پراختيا ومومي . دايران سفير دغه راز په نږدې راتلونکې کې کابل ته دايران دبهرنيو چارو وزارت دسياسي معين عباس عراقچي د سفر په باب معلومات ورکړل زمان په پاى کې وويل چې دافغانستان داسلامي جمهوريت دولت ددواړو هېوادونو داړيکو په لازياتې پراختيا بشپړه ژمنه لري او دى به هڅه وکړي چې ددواړو هېوادونو د اړيکو په ګډون په نوروبرخو کې داړيکې ښه والي ومومي . ختم_ عطاالله _ اکرم
کابل باختر دليندى شلمه : څلور تنه وسله وال طالبان تيره شپه په فراه کې له پوځيانوسره په نښته کې ووژل شول دفراه ولايت دامنيې قوماندانۍ وياند محب الله محب دباختراژانس خبريال ته وويل چې وسله والو طالبانو دفراه ښار په يوه اړونده کلي کې په امنيتي پوستو بريدونه وکړل چې له امله يې څلور تنه وسله وال طالبان ووژل شول او اووه تنه نور ټپيان شول . ده څرګنده کړه چې په دې نښته کې پوځيانو ته زيان نه دى اوښتى . ختم_ ف – اکرم
کابل باختر دليندى شلمه : دکابل ولايت دپغمان ولسوالۍ په مربوطاتو کې نن سهار د ځانمرګي بريد له امله دولس تنه شهيدان او شپږ تنه نور ټپيان شول . دکورنيو چارو وزارت وياند نجيب دانش دباختراژانس خبريال ته وويل چې نن سهار په نهو بجو اوشلو دقيقو دکابل ولايت دپغمان ولسوالۍ دقلعه حيدر خان په ساحه کې يوځانمرګى بريد وشو چې په پايله کې يې دڅلورو تنو پوځيانو او داتو تنوملکي وګړو په ګډون دولس تنه شهيدان او شپږ تنه نور ټپيان شول دانش زياته کړه تراوسه پورې معلومه نه ده چې دځانمرګي بريد موخه څه وه او قربانيان څوک وو څيړنې پيل شوي دي خو عيني شاهدان وايي چې دځانمرګي بريد ګر موخه هغه پوځي وسايط و چې له ساحې څخه دتيريدوپه حال کې و ويل شوي دي چې په دې پيښه کې پوځيانو اوملکي وګړو ته مرګ ژوبله اوښتې ده ختم- عطاالله _اکرم
کابل باختر دليندى شلمه : دسترې محکمې عالي شورا نن له غرمې مخکې دسترې محکمې درييس قانونپوه سيد يوسف حليم په مشرۍ غونډه وکړه او په اجندا کې نيولې شوې موضوعګانې يې وڅيړلې . دسترې محکمې دخپرونو رياست باختراژانس ته خبرورکړ شورا لومړى دشفافيت دمدافعانو دبنسټ دغير معياري او دعيني واقعيتونو پرخلاف رپوټ سره په غبرګون کې چې دخپلې خوښې په وړاندې کولو سره يې په عدلي اوقضايي ارګانونو دفساد تور لګولى دى څرګنده کړه چې خپور شوى رپوټ له حقيقت او واقعيت څخه لرې دى ځکه له يو شمير افرادو سره ددوو تنو په واسطه دمرکې ترسره کول او دافغانستان داسلامي جمهوريت په ټولو وګړو پورې دهغې اړوند بلل او دقضايه قوې داجرااتو ناسمه ارزونه او دهغو يو اړخيز اوغير مسوولانه خپرول نه شي کولاى په قضايه قوه کې ملموسې او عيني لاس ته راوړنې تر شعاع لاندې ونيسي . عالي شورا دقضايي نظام داصلاح او په تيره بيا له اداري فساد سره دمبارزې په لاره کې دقضايه قوې دلاس ته راوړنو په پام کې نيولوسره خپور شوى رپوټ ردوي او دمتقابلې همکارى روحيې ته په درناوي سره ، ټينګار کوي هر هغه بنسټ چې دقضايه قوې په برخه کې رپوټونو په برابرولو او خپرولو لاس پورې کوي بايد له سترې محکمې سره همکاري او همغږي ولري چې دهغو له مخې له يوې خوا داداري فساد دمواردو پيژندنه او افشا کول چې ددې هېواد دهر وګړي اسلامي اوملي وجيبه ده له قضايه قوې سره شريکه شي او له بلې خوا هم هغه څه چې دحقايقو او واقعيتونو پربنسټ تکيه ولري عامه پوهاوي ته ورسول شي وروسته له اجندا سره سم دنيمروز او بدخشان دولايتونو د استيناف محکمو داجرااتو له پلټنې او څيړنې له امله دځينو رامنځته شويوپلټوونکو رپوټونو او تدقيقي نظريو په باب غور وشو او دوظيفوي سرغړونو دتشخيص پربنسټ ديادو محکمو دوو تنو قاضيانو ته دقضايي سرغړونو دڅيړنې دڅرنګوالي دمقررې له حکمونو سره سم لازمې تاديبي جزاګانې تجويزې شوې . وروسته درسيدلو استهداګانو دڅيړنې په ترڅ کې په ننګرهار ولايت کې ديوې سوداګريزې دعواپه برخه کې يوه تدقيقي نظرته په پاملرنې سره چې ددولت دمحصول دنه تحويلۍ له امله دموضوع په وړاندې لومړى دڅيړنې دتعطيل قرار او په بل پړاو کې دمستانف دشکايت دحق دسقوط قضايي قرار صادر او دغه قرار په فرجامي پړاو کې قطعي او وروستۍ بلل شوى دى دتدقيق او مطالعاتو لوى رياست ته دنده وسپارل شوه چې موضوع دې يوځل بيا دسترې محکمې دعالي شورا دغړو قضاوتپوه برات علي متين او قضاوتپوه عبدالحسيب احدي په مشرۍ ترغور او مطالعې لاندې ونيسي او خپل نظردې په راتلونکي غونډه کې وړاندې کړي دغه راز په دې باب چې دکابل بانک تر رهن لاندې جايداد په وړاندې ، دملکيت اوسني متصرف ، قطعي قباله وړاندې کړې او ددين په بدل کې دجايداد دپلورنې خنډ ګرځيدلى دى دمرکز دحقوقو دلوى رياست داستهدايې په پام کې نيولو سره څرګنده شوه چې په دې برخه کې دپلورنې او تخليې په باب دواکمنې محکمې دتجويز تطبيق قانوني خنډ نه لري او له دې امله چې دمرحونې پلورنه درهن له عقد وروسته دقانون پرخلاف شوې ده مشتري کولاى شي دثمن داخستلو په اړوند بايع ته مراجعه وکړي او هم دکابل بانک دتصفيې مديريت دې صادر ې شوې قبالې دابطال ، دعوا په واکمنه محکمه کې په مشري اقامه کړي . دغه راز دمدني بيا کتنې دشپږو غوښتنو دڅيړنې په ترڅ کې دوه غوښتنې دمدني محاکماتو داصولودقانون د ٤٨٢مادې دحکم له اټکل شويو شرطونو سره دهغو د سمون له امله تاييدې او صادرې شوې پريکړې لغوه شوې . سربيره پردې په مدنې او جزايي قضيو کې دمحکمې دبدلون ديوشمير غوښتن ليکونو څيړنه هم داجندا يوه برخه وه چې په هر مورد کې لازم تصميمونه ونيول شول . ختم- عطاالله _ اکرم
Tuesday, 11 December 2018 14:15

تبصره

کابل باختر دليندى ٢٠مه : په هغه هېواد کې چې په لسګونو کلونه کېږي جګړه او شخړه شتون لري دبشر دحقوقواو دهغو دتامينولو په باب خبرې سختوي . دباختراژانس سياسي مبصر ليکي: کلونه کلونه کېږي چې افغانستان دتپل شوې جګړې داور په لمبو کې سېځي او کلونه کلونه کېږي چې خلک يې دجګړې کړاوونه او دردونه زغمي چې پرديو په هغوى ټپلې دي . خو بايد هير نه شي چې دافغانستان ټولنې په تيره بيا دنړيوالې ټولنې په مرسته ددموکراسۍ او دنوې ټولنې په لوريون پيل کړى دى دا دغه مهم اصل يې په پام کې نيولى دى . په همدې دليل يې دبشر دحقوقو دخپلواک کميسيون په نامه يو کميسيون جوړ کړ چې دفرصت دبرابريدو په صورت کې دهغو کسانو په محاکمې بريالى شي چې دبشر دحقوقواو دهغو داساساتو پرضد يې عمل کړى دى خو د بدو شرايطو له امله دغه شان فرصت نه يواځې برابر نه شو بلکې د ډار اچوونکو ډلو شمير لاپسې زيات شو نورې نوې ډار اچوونکي ډلې جوړې شوې چې له دين څخه ددين پرخلاف او دانسان له نامه او دانسان پرخلاف دازادۍ له نامه او دمدني ازاديو له نامه څخه دوسيلې په توګه کار واخستل شي . دافغانستان داکثريت خلکو په باور هغه کسان چې ډار اچوونکي ډلې رامنځته کوي او په سيمه او نړۍ کې دسياسي اوپوځي موخو په خاطر له هغوڅخه ګټه اخلي په حقيقت کې په نړۍ کې د بشري حقوقو اصلي ناقضان دي . باورونه په دې دي چې هيڅ ډار اچوونکي ډله داستخباراتي کړيو او دهېوادونو له مرستې پرته نه شي کولاى آن ديوې مياشتې لپاره بشري ضد او انساني ضد موخې تعقيب کړي په هر صورت افغانستان په سخت سياسي او پوځي پړاو کې دى ددغه هېواد په ګوټ ګوټ کې دجګړې او سولې خبرې دتامل وړ دي . دبشري حقوقو دمسئلو او دارزښتونو دساتنې خبرې که چيرې په تيرو اوولسو کلونوکې له مخالفانو سره دسولې د هر راز خبرو محور وي دسولې خبرې دجنګي جنايتکارانو دمعافيت بهير په ځان پسې ونه لري د دموکراسۍ او ولسواکۍ پرمخ توره نه شي داهغه انديښنې دي چې خلک يې طرحه کوي بايد دخلکو دغوښتنو درناوى وکړو او دبشري حقوقو مسئلو ته په وګړني نظر وګورو چې کلونه کلونه يې قرباني ورکړي دي او کلونه کلونه په بېلابېلو نومونوکړول شوي دي . ختم _ فضل واحد _ اکرم
کابل باختر دليندى ٢٠مه : دافغانستان داسلامي جمهوريت جمهور رييس دفرمان پربنسټ له جهادي ، سياسي او ټولنيزو مشرانو او دټولنې دبېلابېلو قشرونو له مخورو سره دخبرو او مشورې له لارې په هېواد کې ددايمي سولې دتامينولو لپاره دملي تفاهم درامنځته کولو په مقصد دافغانستان داسلامي جمهوريت دجمهور رييس په مشرۍ دسولې مشورتي عالي بوردجوړېږي . باختراژانس دسولې دعالي شورا دخبرپاڼې له خولې ليکي دغه بورد دنده لري چې رغنده او لازمې مشورې دافغانستان ددولت له مشرتابه سره شريکې کړي دسولې دکاري کميټو وړانديزونه وڅيړي او داړتيا په صورت کې دې مرکچي ټيم دکاري چوکاټ دبرابرولو په باره کې خپلې نظريې له هغوى سره شريکې کړي دغه راز دغه بورد دنده لري چې دسولې دخبرو بهير وڅاري . دجمهوري رياست دعالي مقام ددفتر درييس په رهبرۍ مرکچي ټيم موظف دى چې دافغانستان ددولت په استازيتوب د خبرو بهير دسولې دپروسې دمشورتي عالي بورد دلارښودو په رڼا کې پرمخ بوځي او دسولې دپروسې دپرمختګ دڅرنګوالي په باره کې دې مشورتي بورد ته معلومات ورکړي . ددغه بورد غونډې دملي وحدت دحکومت دمشرتابه ، دملي شورا ددواړو مجلسونو دمشرانو ، قاضي القضات ، دملي امنيت دسلاکار ، دجمهوري رياست دعالي مقام ددفتر دلوى رييس ، لوى څارنوال ، دملي امنيت دلوى رييس ، په پارلماني چارو کې ددولت دوزير ، دسيمه ئيزو ارګانونو دلوى رييس ، دافغانستان دعالمانو دسراسري شورا درييس او دسولې دعالي شورا ددارالانشا درييس په ګډون جوړې شي . دخلکو دبېلابېلو قشرونو دنظريو دترلاسه کولو او دسولې دخبرو دپرمختګ دڅرنګوالي په مقصد دغه کميټې جوړېږي . _ دسياسي ګوندونو داستازو کميټه _ ددرنو عالمانو روحانيونو داستازو کميټه _ دهېواد دمخورو ښځو کميټه _ د قومونو او مشرانو استازو کميټه _ دمدني او فرهنګي فعالانو کميټه _ دخصوصي سکتور داستازو کميټه _ په بهر کې دميشتو مهاجرينو او افغانانو داستازو کميټه _دځوانان داستازو کميټه _ دجګړې دقربانيانو دکورنيو داستازو کميټه دغه کميټې دنده لري چې دخلکو نظريې راټولې او تحليل کړي او دسولې دپروسې دپرمختګونو په باب هغوى ته معلومات ورکړي . ختم_ شکريه _اکرم
کابل باختر دليندى ٢٠مه : لس تنه ډار اچوونکي تيره شپه په کندز ولايت کې ووژل شول . دکندز دامنيې قوماندانۍ دامنيت آمر سمونمل صفي الله محزون باختراژانس ته وويل چې دغه ډار اچوونکي له هغه وروسته ووژل شول چې ددغه ولايت دچار درې ولسوالۍ په مربوطاتو کې په امنيتي پوستې بريد وکړ او دپوځيانو له غبرګون سره مخامخ شول . ده زياته کړه چې په دې بريد کې پنځه تنه نور ډار اچوونکي ټپيان شول . دکندز دامنيې قوماندانۍ دامنيت آمر وويل چې په دې پيښه کې درې تنه افغان سرتيرى شهيدان او پنځه تنه نور ټپيان شول . ديوبل خبرله مخې، يو ډار اچوونکي دکندز ددشت ارچي ولسوالۍ په قرلق ساحه کې دماين دچاودنې له امله هغه وخت ووژل شو چې غوښتل يې دغه ماين يو واټ ته څيرمه ځاى پرځاى کړي په دې پيښه کې يو ډار اچوونکى ټپى شو . ختم_ عطاالله _اکرم
کابل باختر دليندى ٢٠ : دلوګر والي نن په يوه غونډه کې په دغه ولايت کې دخبريالانو ستونزو دحل کولو ژمنه وکړه . دباختراژانس دسيمه ئيز خبريال دخبرله مخې ، دخبريالانو دمصوونيت دکميټې په هغې غوڼده کې چې په پل علم کې جوړه شوې وه دلوګر والي محمد انور خان اسحق زي په دغه ولايت کې دخبريالانو دستونزو په حل کولو کې دهمکارى ژمنه وکړه . په دې غونډه کې دلوګر دازادو ژورناليستانو دټولنې رييس نور الله ستانکزي دخبريالانو دستونزو ، درسنيو داقتصادي ستونزو ، له خبريالانو سره دمسوولانو دنه همکارى او دخبريالانو دمصوونيت په باب خبرې وکړې اوله سيمه ئيزو مسوولانوڅخه يې وغوښتل چې دخبريالانو دستونزو حل کولو ته جدي پاملرنه وکړي . دشپږو غږيږو او ددوو چاپي رسنيو تر څنګ چې اوس په لوګر کې فعاليت کوي تر يوې اندازې پورې په ښه توګه خلکو ته خبرونه رسيدلي دي . خو درسنيو اقتصادي ستونزو او درسنيو دځينو کارکوونکو نه مسلکي والي تر يوې اندازې پورې د رسنيو فعاليت له ځنډ او خنډ سره مخامخ کړى دى . ختم_ عطاالله _ اکرم
کابل \ باختر\ د ليندى د مياشتې ٢٠ نېټه: مرکزي بانک (۲٧) ميليونه ډالره د ليلام په ډول پلوري. د دغه بانک په هغه ليک کې چې باختر آژانس ته ليږل شوى دى؛ ويل شوي دي: د افغانستان بانک د روان کال د ليندى د مياشتې په ٢١ نېټه د چهارشنبې په ورځ (۲٧) ميليونه ډالره د ليلام په ډول پلوري. په شرايطو برابر صرافانو او بانکونوته بلنه ورکول کيږي چې په دغو داوطلبيوکې ګډون وکړي او د ليلام ګټوونکي مکلفيت لري چې خپل حسابونه دې د ورځې تر پايه پورې تصفيه کړي . هغه صرافان چې تر اوسه پورې يو ميليونو او ۵۰۰ زره افغانۍ د تضمين په ليلامونوکې د ګډون په مقصدنه دي تحويل کړې؛ کولاى شي له داوطلبي څخه يوه ورځ مخکې دخپل تضمين پيسې تحويلې اوپه راتلوونکو ليلامونو کې دې ګډون وکړي. د يادونې وړ بلل کيـــــږي چې د معاملاتـو د قسمي تسويې تر سره کول مجاز نه دى، د ليلام ګټوونکي دې د خپل ذمت پيسې ټولې يوځاى په نغدي ډول او په حوالــــې سره په ټاکلې موده کې په بانک کې تحويلې کړي. پاى \سعيده
Page 1 of 7161