16 February 2019

RSS Facebook

سوداگریز


تازه خبرونه

اووه تنه وسله وال طالبان په فارياب کې دسولې له بهيرسره  يوځاى شول .

اووه تنه وسله وال طالبان په فارياب کې دسولې له بهيرسره يوځاى شول .

کابل باختر دسلواغې شپږ ويشتمه : اووه تنه وسله و ال...

استاد دانش :  امارتي، عبوري اولنډ مهال حکومتونه  صفر نفطې  ته ستنيدل دي .

استاد دانش : امارتي، عبوري اولنډ مهال حکومتونه صفر نفطې ته ستنيدل دي .

کابل باختر دسلواغې شپږ ويشتمه : دافغانستان داسلامي جمهوريت دويم مرستيال...

جمهوررئیس غني د ترکیې د دفاع وزیر خپل حضور ته ومانه

جمهوررئیس غني د ترکیې د دفاع وزیر خپل حضور ته ومانه

کابل باختر دسلواغې شپږ ويشتمه : د افغانستان د اسلامي جمهوریت...

Youtube Player

khantry design

سوداگریز

سوداگریز

Friday, 15 February 2019 11:37

اعلاميه

کابل باختر دسلواغې شپږ ويشتمه :
دافغانستان داسلامي جمهوريت دبهرنيو چارو وزارت اعلاميه
دافغانستان داسلامي جمهوريت دبهرنيو چارو وزارت دايران داسلامي جمهوريت په سيستان اوبلوچستان ايالت کې تروريستي بريد په کلکه غندي
افغانستان له تروريزم سره دجګړې په لومړي کرښه کې شتون لري .  اوپه دې باور دى چې ډار اچوونکي دنه تفکيک وړ او دارزښتونو او دبشري ټولنې دښمنان دي .
دافغانستان داسلامي جمهوريت دولت دايران داسلامي جمهوريت داووويشتو تنو سرحدي پوځيانو دوژل کيدو په خاطر ددوست هېواد دايران داسلامي جمهوريت خلکو او دولت ته دهمدردى  او ډاډ ګيرنې په څرګندولو سره يوځل بيا له دغه ګډ دښمن سره په جدي مبارزې  باندې ټينګار کوي .
  ختم_ ف _ اکرم

کابل باختر دسلواغې شپږ ويشتمه :
دملي امنيت دلوى رياست دخاصو قطعاتو منسوبينو دځانګړو  عهملياتو په بهير کې  دکابل ښار په مربوطاتو کې دکابل په لويديځ کې دميوند په ورزشي کلپ دځانمرګو بريدونوطراحان او اسانوونکي ونيول .
د ١٣٩٧ کال دوږي دمياشتې په څوارلسمه نيټه  دکابل ښار د شپږمې ناحيې په مربوطاتو کې دوه پرله پسې  بريدونه چې لومړى ځانمرګې  بريد دميوند دورزشي کلپ دروازې ته څيرمه او دويم بريد دغه کلپ  ته مخامخ ترسره شول چې له امله يې دطلوع ټلويزيون ددوو تنو خبريالانوپه ګډون زموږ يوشمير هېوادوال شهيدان او دڅلورو تنو خبريالانو په ګډون يو زيات شمير نور  ټپيان شول له زياتو هڅو او هاند وروسته دملي امنيت منسوبانو داحمد طارق  او احمد فاروق په نومونو ددغو بريدونو طراحان او اسانوونکي چې دجنت ګل زامن او دداعش د  تروريستي  ډلې له فعالو غړو څخه دي دکابل ښارپه مربوطاتو کې ونيول، قضيه تر څيړنې او تحقيق لاندې ده .
  ختم_ عطاالله _ اکرم

کابل باختر دسلواغې شپږ ويشتمه :
دوسله والو طالبانو دډلې يو مشهور قوماندان پرون په سرپل ولايت کې ووژل شو. 
دخاصو  عملياتو دقول اردو مطبوعاتي مسوول ډګر من عبدالقيوم نورستاني باختراژانس ته وويل چې  دوسله والو طالبانو دډلې يوسيمه ئيز مشهور قوماندان وهاب  مله له دوو تنو افرادو سره يې دسرپل ولايت دصياد په ولسوالۍ کې  دامنيتي منسوبانو او دکوماندو دځواکونو دځانګړو عملياتو په  بهير کې  ووژل شو .
ده زياته کړه چې په دغو عملياتو کې درې تنه نور وسله وال طالبان ټپيان په دغې ولسوالۍ کې څلور کلي دوسله والو  مخالفانو له شتون څخه پاک شول او دوه پوستې چې پخوا ددښمن لاس ته ورغلې وې بيرته ترلاسه شوې او عمليات په برياليتوب سره دوام لري .
دخاصو عملياتو دقول اردو مطبوعاتي مسوول وويل چې په دغو عملياتو کې دوه تنه امنيتي منسوبان ټپيان شوي دي .
  ختم_ عطاالله _ اکرم

 

کابل باختر دسلواغې شپږ ويشتمه :
دسالنګ لويه لاره تيره شپه له دواړو لورو څخه دوسايطو دتګ راتګ لپاره پرانستل شوه .
دسالنګونو دساتنې او څارنې رييس انجنير عبدالبصير حبيبي  باختراژانس ته وويل چې دسالنګ لويه لاره له شپږ ديرشو ساعتونو وروسته  دټولو مسافرو وړونکو او باروړونکو وسايطو پرمخ پرانستل شوه .
ده زياته کړه چې په سالنګونو کې واوره دوه نيمو مترو ته رسېږي او په پنځلسو ځايونوکې واورې ښوئيدلې   وه خو دنيول شويو تدبيرونوله امله چاته زيان ونه رسيد او ددغې ادارې کارکوونکو له سړک  څخه واروه لرې کړې ده .
دسالنګ لويه لاره دسختو بادونو د چليدو او دواورې دپرله پسې اورښتونو په دليل دترافيکو پرمخ  تړل شوې وه .
  ختم- ف _ اکرم

کابل باختر دسلواغې شپږ ويشتمه :
اووه ديرش تنه ډار اچوونکي په تيرو  ٢٤ ساعتو کې په هېواد کې وژل شوي دي .
دملي دفاع وزارت مطبوعاتي دفتر باختراژانس ته خبرورکړ دغه ډار اچوونکي دملي اردو دمنسوبانو دهغو عملياتو په بهير کې  ووژل شول چې دلغمان ، ننګرهار ، کاپيسا ،  پروان ، غزني ، قندهار ، روزګان ، سرپل  ،  بلخ ، تخار او دهلمند دولايتونو په مربوطاتو کې ترسره شول.
دغه راز په دغو عملياتو کې  چې دتوپچي قوتونو هوايي ځواکونو  او دکوماندو منسوبانو هم رول درلود داوو ديرشو تنو ډار اچوونکو په وژل کيدو سربيره  پنځلس تنه  ډار اچوونکي ټپيان او څلور تنه نور ډار اچوونکي ونيول شول او ددښمن يوه اندازه  وسله او نور تجهيزات هم دپوځيانو لاس ته ورغلي دي .
  ختم_ عطاالله _ اکرم

کابل باختر دسلواغې شپږ ويشتمه
د افغانستان د اسلامي جمهوریت جمهوررئیس محمد اشرف غني د مونیخ امنیتي کنفرانس په څنډه کې پرون د امریکا متحدو ایالتونو د بهرنیو چارو وزارت ځانګړي استازی ډاکټر زلمی خلیلزاد خپل حضور ته ومانه.
دجمهوررييس دوياند دفترباخترآژانس ته خبرورکړ.
په دې کتنه کې د سولې مشورتي لویې جرګې د جوړېدو په ګډون پر راتلوونکو اقداماتو او په سیمه کې د سولې په اړه د وروستیو پرمختګونو په باره کې بحث او خبرې وشوې. 
ډاکټر خلیلزاد وویل، د امریکا متحد ایالتونه د افغانستان د حکومت په رهبرۍ او مالکیت د سولې پروسه کې د اسانچاري رول لري او د افغانستان له حکومت سره به په ګډه مخته لاړ شي. فضل واحد

کابل باختر دسلواغې شپږ ويشتمه :
د افغانستان د اسلامي جمهوریت جمهوررئیس محمد اشرف غني د مونیخ امنیتي کنفرانس په څنډه کې پرون مازیګر د ازبکستان د بهرنیو چاروله وزیر عبدالعزیز کاملوف سره په خپل استوګنځي کې وکتل.
دجمهوررييس دوياند دفترباخترآژانس ته خبرورکړ.
په دې کتنه کې دواړو لورو د سیمه ییز اتصال د پراختیا پلانونو تطبیق کې پر پرمختګونو خوښي وښوده او د افغانستان په رهبري او مالکیت د سولې پروسې، د اورګاډي کرښې غځولو، انرژي او د سوداګریزو اړیکو پر لا زیاتې پیاوړتیا مفصلې خبرې وکړې.
د ازبکستان د بهرنیو چارو وزیر جمهوررئیس غني ته د خپل هېواد د مشرتابه د نېکو هیلو په وړاندې کولو سره وویل، حکومت یې د جمهوررئیس غني په مشرۍ د افغانستان حکومت د ټولو پالیسیو او د افغانانو په رهبرۍ، مالکیت او کنټرول د سولې پروسې ملاتړ کوي.
همدارنګه کاملوف زیاته کړه، ازبکستان په بېلابېلو برخو کې تل د افغانستان حکومت کوربه توب ته چمتو دی.
محمد اشرف غني د ازبکستان د جمهوررئیس له نېکو هیلو څخه په مننې د یاد هېواد د بهرنیو چاروله وزیر څخه هیله وکړه، چې د ده سلامونه او نیکې هیلې هم د خپل هېواد مشرتابه ته ورسوي او همدارنګه یې افغانستان او ازبکستان دوه ستراتیژیک او سیمه ییز ملګري هېوادونه وبلل.
جمهوررئیس غني د تاشکند کنفرانس د جوړولو له امله له ازبکستان څخه په مننې یاد کنفرانس د سیمه ییزو همکاریو واضح میکانیزم وباله او ويې ویل، د افغانستان او ازبکستان تر منځ د اړیکو د لا پراختیا لپاره عملي اقدامات کېږي.
د هېواد جمهوررئیس د ازبکستان د کوربه توب وړاندیز څخه په مننې زیاته کړه، د سولې له موافقه ليک وروسته به انکشافي برنامې او کارونه زیات شي چې د دغو برناموپه تطبیق کې د اروپایي ټولنې او د سیمې د هېوادونو په ځانګړي ډول د ازبکستان رول ارزښتناک دی.پاى- فضل واحد

کابل باختر دسلواغې شپږ ويشتمه :
پنځه تنه وسله وال طالبان پرون په فراه ولايت کې ونيول شول .
دخاصو عملياتو دقول اردو  مطبوعاتي مسوول ډګرمن عبدالقيوم نورستاني باختراژانس ته وويل چې دغه وسله وال طالبان دفراه ولايت دبالابلوک ولسوالۍ دتپه سعادت دکلي په مربوطاتو کې دکوماندو دګډو چانيزو عملياتو په بهير کې ونيول شول 
نورستاني زياته کړه هغه سندونه او شواهد چې دنيول شويو کسانو څخه ترلاسه شوي دي ښيي چې دوى په واټونوکې دماينونو دښخولو په ګډون دزياترو تروريستي بريدونو په ترسره کولو کې لاس درلود .
  ختم_ ف _ اکرم

کابل باختر دسلواغې شپږ ويشتمه :
شل تنه وسله وال طالبان په تيرو  ٢٤ ساعتو کې په فراه ولايت کې وژل شوي دي .
د ٢٠٩  شاهين قول اردو وياندجګړن محمدحنيف   رضايي باختراژانس ته وويل چې دغه وسله وال طالبان دفارياب ولايت دالمار  اودولت اباد په ولسواليو کې دافغان پوځيانو په عملياتو او له افغان  پوځيانوسره په  نښتو کې وژل شوي دي
ده زياته کړه چې په د غو پيښو کې  ١٩ تنه نور وسله وال طالبان ټپيان او ددښمن يوه اندازه جنګي وسايل  ترلاسه شوي دي .
د ٢٠٩  شاهين قول اردو وياند وويل چې په دغو پيښو کې دوه تنه امنيتي منسوبان شهيدان  او څلور تنه نور منسوبين ټپيان شوي دي .
ختم- عطاالله _ اکرم

 

Friday, 15 February 2019 11:34

خبرتيا

کابل باختر دسلواغې شپږ ويشتمه :
خبرتيا
په درناوي سره  خبرورکول  کېږي چې دعدليې په وزارت کې راجستر  شوي  سياسي ګوندونه دې له يو يو تن او دانتخاباتو  په اړوند دمدني ټولنې بنسټونه پنځلس تنه چې لږ تر لږه پنځه تنه يې ښځې وي دانتخاباتو دخپلواک کميسيون، دانتخاباتي شکايتونو دکميسيون دغړيتوب او دکميسيونونو دارالانشا  درييسانو دنوماندانو په توګه په رسمي ډول دافغانستان داسلامي جمهوريت درياست دعالي مقام دفتر ته وروپيژني .  په انتخاباتو  پورې  اړوندګوندونه  اوبنسټونه دې دنوماندانو دورپيژندنې په وخت کې  لاندې شرطونه په پام کې ولري .
_ دافغانستان تابعيت ولري .
  _ لږ ترلږه  دليسانس لوړې زده کړې ولري .
_ لږ تر لږه  پنځه کلنه مديريتي تجربه اوښه شهرت ولري .
_ لږ ترلږه  دپنځه ديرش کلنۍ عمر يې بشپړ کړى وي
  _ دمحکمې له لورې دبشري ضد  اوجنايت  دجرمونو اوله مدني حقوقو  څخه دحرمان په ارتکاب محکوم شوى نه وي .
_ ددندې دتصدى په وخت کې دسياسي ګوند غړيتوب ونه لري .
_  ګوندونه او په انتخاباتو پورې اړوند بنسټونه دې ورپيژندل  شويو نوماندانو بشپړ شهرت دتحصيلي سندونو ، دتابعيت   دتذکرې او دکاري سوابقو له فوتوکاپي  له دريو نويو عکسونو اودسياسي ګونوندو دغړيتوب   دنشتوالي په باب دعدليې وزارت دتاييد شوي سند له فوتوکاپي سره يوځاى د  ١٣٩٧ کال د سلواغې دمياشتې له  ٢٧ نيټې څخه پيل داوو ورځو په موده کې په رسمي  ډول دبهرنيو چارو وزارت سړک ته څيرمه دحکومت داطلاعاتو او رسنيو مرکز (  مرمرين  ماڼۍ ته وسپاري  او رسيد ترلاسه  کړي .
داړتيا په صورت کې دې له  ٠٧٤٤٣٦٣٥٦٧- او ٠٧٠٥٢٩٥٢٩٦ شميرو سره  اړيکې ونيسي .
ختم_  عطاالله _ اکرم


 

Page 2 of 7380