22 August 2019

RSS Facebook

سوداگریز


تازه خبرونه

جمهور ريیس غني د احمد وفي امین او عبدالرحمن عطاش کارونه وستایل

جمهور ريیس غني د احمد وفي امین او عبدالرحمن عطاش کارونه وستایل

کابل\ باختر \ د زمري ٣١ مه د افغانستان د اسلامي...

 په روزګان کې د شلو وسله والو طالبانو وژل کېدل

په روزګان کې د شلو وسله والو طالبانو وژل کېدل

کابل / باختر/ د زمري ٣١ مه شل وسله وال طالبان...

Youtube Player

khantry design

سوداگریز

سوداگریز

/ باختر/ د زمري٣٠مه
د افغانستان د اسلامي جمهوریت جمهورريیس محمد اشرف غني نن ماسپښین د ناټو د ګډو ځواکونو او په اروپا کې د امریکا عمومي قوماندانۍ له ارشد قوماندان تود ولټرز سره په ارګ کې د ترورېزم له شته ګواښونو او له هغه سره د مبارزې پر لارو چارو خبرې وکړې.
د جمهوررييس د وياند دفتر باختر آژانس ته خبر ورکړ:
په دې کتنه کې چې د افغانستان لپاره د ناټو ملکي استازي نیکولاس کي هم حضور درلود، لومړی جنرال ولټرز یو وار بیا د افغانستان د امنیتي او دفاعي ځواکونو دوامداره همکاریو په اړه د ناټو سازمان ژمنتیا څرګنده کړه او وې ویل،  ناټو د افغانستان له امنیتي او دفاعي ځواکونو سره د ګډو اهدافو په موخه مبارزه کوي.
هغه له ترورېزم سره په مبارزه کې د افغان امنیتي ځواکونو زړورتیا اوسرښندنې وستایلې او زیاته یې کړه، د افغانستان امنیتي او دفاعي ځواکونه او ناټو نه یوازې د افغانستان، بلکې د سیمې او نړۍ د امنیت د تامین لپاره ګډې مبارزې ته دوام ورکوي.
جنرال تود ولټرز وویل، ناټو به د ستراتیژیک همکار په توګه د افغان ځواکونو ترڅنګ پاتې شي او د افغانستان د امنیتي او دفاعي ځواکونو د دوامداره ملاتړ په اړه د دې سازمان ټولې ژمنې پرخپل ځای دي.
جمهورريیس محمد اشرف غني جنرال تود ولټرز ته د ښه راغلاست ترڅنګ له افغان امنیتي او دفاعي ځواکونو سره د ناټو له ملاتړ څخه په مننې وویل: له ناټو سره زموږ مشارکت ستراتیژیک او دوامداره دی او د بین المللي ځواکونو په شمېر کې زیاتوالی او کموالی په شرایطو پورې تړلی دی.
جمهورريیس د سولې بهیر ته په اشارې زیاته کړه: سوله د افغانستان لپاره لومړیتوب لري او افغان حکومت د سولې لارنقشه ترتیب کړې او هغه په دقت، تدبیر او د ګواښونو او پایلو تحلیل ته په کتو پرمخ وړي.
د هېواد جمهورريیس په ټینګار وویل: سولې ته د رسېدو لپاره هر ډول ناسمه کړنلاره ناسمې پایلې لرلای شي، دا ځکه چې زموږ سوله او امنیت د دښمن له ګواښونو سره مخ دي او اړتیا ده چې دغه پروسه په دقت او لازم تدبیر مخته یوسو.
هغه زیاته کړه: تروریستان هڅه کوي افغانستان په خپل پټنځي بدل کړي، د افغانستان امنیتي او دفاعي ځواکونه په زړورتیا او متانت توانېدلي، د هغوی هر ډول ګواښ په شا وتمبوي او نه پرېږدي چې هغوی خپلو شومو موخو ته ورسېږي.
جمهورريیس څرګنده کړه: افغان حکومت سولې ته ژمن دی، داسې سوله چې جګړه پای ته ورسوي او زموږ د جمهوري نظام هیڅ څنډې ته زیان ونه رسوي. هغه زیاته کړه، طالبان تر اوسه هم د اوربند او سولې اراده نه لري او په ملکي وګړو او عامه تاسیساتو د خپلو تروریستي بریدونو په ترسره کولو یې خپل مخالفت ښودلی دی.
جمهورريیس وویل: طالبان باید د افغانستان خلکو ته له پاکستان، نشه یي توکو، القاعدې، داعش او نورو لسګونه تروریستي ډلو سره د خپلو اړیکو په اړه وضاحت ورکړي.
هغه زیاته کړه: د طالبانو ډله د پاکستان په خاوره کې له پټنځي پرته خپل موجودیت ته دوام نشي ورکولای او د افغانستان په اکثریت خاورې د کنټرول په اړه د هغوی ادعا بشپړه بې بنسټه او د دې ډلې د تبلیغاتو یوه برخه ده او د هېواد په بېلابېلو برخو کې د دې ډلې شبکه یي حضور خلک ګواښي.
جمهورريیس د جمهوري ریاست ټاکنو ته په اشارې وویل: ټاکنې ترسره کېږي او د افغانستان خلک به په غښتلې ارادې خپل راتلونکی حکومت او زعیم وټاکي.
هغه زیاته کړه: له ټاکنو پرته سوله نشي تامینېدای او په ډېر تاسف چې طالبانو له ملي پروسو سره خپله دښمني ښودلې ده.
د هېواد جمهوررييس وویل: ټاکنې د افغانانو برحقه غوښتنه ښیي او ترسره کېدل یې د نظم د تامین لامل ګرځي.#
پاى – ف

/ باختر/ د زمري٣٠مه
د افغانستان د اسلامي جمهوریت جمهورريیس محمد اشرف غني نن ماسپښین د ناټو د ګډو ځواکونو او په اروپا کې د امریکا عمومي قوماندانۍ له ارشد قوماندان تود ولټرز سره په ارګ کې د ترورېزم له شته ګواښونو او له هغه سره د مبارزې پر لارو چارو خبرې وکړې.
د جمهوررييس د وياند دفتر باختر آژانس ته خبر ورکړ:
په دې کتنه کې چې د افغانستان لپاره د ناټو ملکي استازي نیکولاس کي هم حضور درلود، لومړی جنرال ولټرز یو وار بیا د افغانستان د امنیتي او دفاعي ځواکونو دوامداره همکاریو په اړه د ناټو سازمان ژمنتیا څرګنده کړه او وې ویل،  ناټو د افغانستان له امنیتي او دفاعي ځواکونو سره د ګډو اهدافو په موخه مبارزه کوي.
هغه له ترورېزم سره په مبارزه کې د افغان امنیتي ځواکونو زړورتیا اوسرښندنې وستایلې او زیاته یې کړه، د افغانستان امنیتي او دفاعي ځواکونه او ناټو نه یوازې د افغانستان، بلکې د سیمې او نړۍ د امنیت د تامین لپاره ګډې مبارزې ته دوام ورکوي.
جنرال تود ولټرز وویل، ناټو به د ستراتیژیک همکار په توګه د افغان ځواکونو ترڅنګ پاتې شي او د افغانستان د امنیتي او دفاعي ځواکونو د دوامداره ملاتړ په اړه د دې سازمان ټولې ژمنې پرخپل ځای دي.
جمهورريیس محمد اشرف غني جنرال تود ولټرز ته د ښه راغلاست ترڅنګ له افغان امنیتي او دفاعي ځواکونو سره د ناټو له ملاتړ څخه په مننې وویل: له ناټو سره زموږ مشارکت ستراتیژیک او دوامداره دی او د بین المللي ځواکونو په شمېر کې زیاتوالی او کموالی په شرایطو پورې تړلی دی.
جمهورريیس د سولې بهیر ته په اشارې زیاته کړه: سوله د افغانستان لپاره لومړیتوب لري او افغان حکومت د سولې لارنقشه ترتیب کړې او هغه په دقت، تدبیر او د ګواښونو او پایلو تحلیل ته په کتو پرمخ وړي.
د هېواد جمهورريیس په ټینګار وویل: سولې ته د رسېدو لپاره هر ډول ناسمه کړنلاره ناسمې پایلې لرلای شي، دا ځکه چې زموږ سوله او امنیت د دښمن له ګواښونو سره مخ دي او اړتیا ده چې دغه پروسه په دقت او لازم تدبیر مخته یوسو.
هغه زیاته کړه: تروریستان هڅه کوي افغانستان په خپل پټنځي بدل کړي، د افغانستان امنیتي او دفاعي ځواکونه په زړورتیا او متانت توانېدلي، د هغوی هر ډول ګواښ په شا وتمبوي او نه پرېږدي چې هغوی خپلو شومو موخو ته ورسېږي.
جمهورريیس څرګنده کړه: افغان حکومت سولې ته ژمن دی، داسې سوله چې جګړه پای ته ورسوي او زموږ د جمهوري نظام هیڅ څنډې ته زیان ونه رسوي. هغه زیاته کړه، طالبان تر اوسه هم د اوربند او سولې اراده نه لري او په ملکي وګړو او عامه تاسیساتو د خپلو تروریستي بریدونو په ترسره کولو یې خپل مخالفت ښودلی دی.
جمهورريیس وویل: طالبان باید د افغانستان خلکو ته له پاکستان، نشه یي توکو، القاعدې، داعش او نورو لسګونه تروریستي ډلو سره د خپلو اړیکو په اړه وضاحت ورکړي.
هغه زیاته کړه: د طالبانو ډله د پاکستان په خاوره کې له پټنځي پرته خپل موجودیت ته دوام نشي ورکولای او د افغانستان په اکثریت خاورې د کنټرول په اړه د هغوی ادعا بشپړه بې بنسټه او د دې ډلې د تبلیغاتو یوه برخه ده او د هېواد په بېلابېلو برخو کې د دې ډلې شبکه یي حضور خلک ګواښي.
جمهورريیس د جمهوري ریاست ټاکنو ته په اشارې وویل: ټاکنې ترسره کېږي او د افغانستان خلک به په غښتلې ارادې خپل راتلونکی حکومت او زعیم وټاکي.
هغه زیاته کړه: له ټاکنو پرته سوله نشي تامینېدای او په ډېر تاسف چې طالبانو له ملي پروسو سره خپله دښمني ښودلې ده.
د هېواد جمهوررييس وویل: ټاکنې د افغانانو برحقه غوښتنه ښیي او ترسره کېدل یې د نظم د تامین لامل ګرځي.#
پاى – ف

کابل/ باختر/ د زمري٣٠مه
په سمنګانوکې د کليو  د بيارغاونې او پرمختيا رياست د ولسي تړون د ملي پروګرام له لوري د ٢٧ ټولګټو پروژو د کار له بشپړېدو وروسته د دغه ولايت څه د پاسه شپږ زرو کورنيو ته اسانتيا برابره شوه.
د باختر آژانس د سيمه ييز خبريال د خبرله مخې: په دغو پروژوکې د څښاک د روغتيايي اوبو د زېرمو جوړول، د څښاک روغتيايي اوبو د څاګانو کيندل، د استنادي دېوالونو جوړول او د ٢٤٠ مکعب مترو اوبو په ظرفيت د اوبو د يوه سرپټي مخزن جوړول شامل دي چې د کليو د بيا رغاونې او پرمختيا وزارت له بودجې څخه دڅه پاسه ٢٨ ميليونو افغانيو په لګښت د دغه ولايت په حضرت سلطان لسوالۍ کې پيل شوې دي.
د حضرت سلطان ولسوال محمد هاشم مدقق وايي چې د دغو پروژو په پلي کېدو سره
د څښاک اوبو له پلوه د ٦ زره ٧٠٠ کورنيو ستونزې حل شوې دي.
دغه راز  دسلو کارګرانو لپاره دکار زمينه برابره شوې وه.
پاى \ ذ

 

کابل/ باختر/ د زمري٣٠مه
د کابل پوليسو دغه خبرې چې ګنې پوليسو د کابل ښار په شپږمه ناحيه کې د واده په يوه سالون کې له ډار اچوونکي بريد وروسته په کابل کې د واده د سالونونو فعاليت تعليق کړى دى، يوه شايعه وبلله.
د کابل د امنيې قوماندانۍ وياند فردوس فرامز دباختر آژانس خبريال ته وويل چې دغه خبره يوه آوازه ده او د کابل پوليسو مشرتوب دغه شان اقدام ترلاس لاندې نلري.
فرامرز وويل چې ټاکل شوې وه د کابل ولايت امنيه قوماندان نن د واده د سالونونو له خاوندانو او مسوولينو سره وګوري او د امنيتي پروګرامونو او د دغو سالونونو د امنيت د تامين لپاره د متقابلې همکارۍ په باب خبرې وکړي.
په هغه ځانمرګي بريد کې چې د شنبې په شپه د کابل ښار په شپږمې ناحيې پورې اړوند چهارقلعه چهاردي ساحه کې د ( شهردُبى) د واده په سالون کې رامنحته شو؛ څه د پاسه ٨٠ تنه ووژل شول او کابو ١٨٠ تنه نور ټپيان شول.
داعش د دغه بريد مسووليت منلى دى.
په همدې کال کې د پېښې د سر د زيان په اړوند نوي ارقام خپاره شوي دي.
د عامې روغتيا وزارت سرچينې او د قربانيانو خپلوان وايي چې د (شهردُبى) سالون  په پېښه کې ٨١ تنه وژل شوي دي چې له دې جملې څخه ٢٣ تنه وژل شوي کسان د کابل ښار د اتمې ناحيې د قلعچې اوسيدونکي، ٢٥ تنه د دوغ آباد د سيمې اوسيدونکي، ١٣ تنه د بريکوټ اوسيدونکي او ٢٠ تنه د کابل ښار په شپږمه ناحيه کې د بهادرخان له سيمې څخه وو.
پاى \ ذ

کابل/ باختر/ د زمري٣٠مه
د کابل پوليسو د هغه ٢٠ کلن هلک په لټه کې دي چې دوه ورځې مخکې يې د چړه يي ټوپک په ډزو سره خپله ميره او پلار ووژل.
د کابل د امنيې قوماندانۍ وياند فردوس فرامرز د باختر آژانس خبريال ته وويل چې دغه پېښه د روان کال د زمري په ٢٨مه د دوشنبې په ورځ د کابل ښار د شپاړسمې ناحيې په مربوطاتوکې رامنځته شوه.
شل کلن هلک له خپل پلار سره له ناندرو وروسته خپله ميره او پلار د چړه يې ټوپک په ډزو سره ووژل او د تيښتې لاره يې غوره کړه.
د کابل پوليسو د دغه هلک د نيولو لپاره هڅې پيل کړې دي او د دې په پام کې نيولو سره چې د قاتل هويت او مشخصات څرګند دي، هغه به ډېر ژر په لومه کې ولويږي.
د يو بل خبرله مخې:
د کابل پوليسو تېره شپه دوه لنډغران چې په هوايي ډزو سره يې د خلکو د انديښنې او وارخطايي سبب کېدل؛ د کابل ښار د شپږمې ناحيې په مربوطاتوکې ونيول.
پاى \ ذ

کابل/ باختر/ د زمري٣٠مه
د اطلاعاتو اوفرهنګ وزارت د ځوانانو چارو معين محمد اجمل شاهپور نن د خپلواکۍ  له يوشمېرځوانو سفيرانو سره په کابل کې وکتل.
د باختر آژانس خبريال د خبرله مخې: په دې کتنه کې د خپلواکۍ ځوان سفيران چې د هېواد له يوشمېرولايتونو څخه کابل ته راغلي دي؛ د هېواد د خپلواکۍ د سلمې کاليزې په پرتمينه نمانځنه کې د خپلو ولايتونو د ځوانانو د فعاليتونو او پراخې ونډې اخيستنې په اړوند معلومات ورکړل.
دغه راز هغوى د هېواد د خپلواکۍ جشن د ښې نمانځنې لپاره د ځوانانو چارو معينيت د همکارۍ او لارښوونې مننه وکړه او د هېواد په کچه د خپلواکۍ د ځوانو سفيرانو د ښه سمون او د هېواد د ځوانانو د حالت د ښه والي په خاطر د هغوى له استازو څخه د ګټې اخيستنې په لاره کې دځوانانو چارو له معين څخه وغوښتل چې د خپلواکۍ يوشمېرځوان سفيران د ځوانانو چارو معينيت د مشورتي کمېټې د غړو په توګه ومنل شي.
د ځوانانو چارو معين محمد اجمل شاهپور د هېواد د خپلواکۍ د سلمې کاليزې په پرتمينه نمانځنه کې د هېواد د ځوانو سفيرانو د هڅو مننه وکړه او ويې ويل چې د خپلواکۍ ځوان سفيران په ټولنه کې د سولې رښتيني ممثلان دي.
شاهپور زياته کړه: تاسې ځوانان د ٤٠ کلنې جګړې له امله د افغانستان د خلکو پر رامنځته شويو ټپونو باندې د آرامۍ ملحم ږدئ او په جګړه کې د ښکيلو نسلونو جنګي افکار په سولې او پيوستون بدلوئ.
دغه راز د ځوانانو چارو معين د هغوى د وړانديزنو د څېړنې لپاره د همکارۍ            ژمنه وکړه.
د کتنې په پاى کې د خپلواکۍ ځوانو سفيرانو د ځوانانو چارو د معينيت بېلابېلې برخې وکتلې.
د خپلواکۍ ځوان سفيران څه موده مخکې د هېواد د خپلواکۍ د سلمې کاليزې د پرتمينې نمانځنې لپاره په هغه پروګرام کې چې د ځوانانو چارو معينيت او د جمهوري رياست د چارو ادارې لوى رياست چمتو کړى و، د هېواد له ټولو ولايتونو څخه انتخاب شول  چې د هېواد د خپلواکۍ جشن د پرتمينې نمانځنې په لاره کې د خپلو ولايتونو ځوانان وهڅوي او هغوى په دې ملي او وياړلي جشن کې کارنده ونډه واخلي.
پاى \ ف\ ذ

 

کابل/ باختر/ د زمري٣٠مه
د جوزجان پوليسو څلور شخصي موټرونه چې د هېواد د خپلواکۍ د کاليزې په لومړۍ شپه غلا کړى شوي وو، پيدا کړل.
د جوزجان امنيه قوماندان سمونيار عبدالواحد وجدان باختر آژانس ته وويل چې د پوځيانو د عملياتو په پايله کې څلور کرولا ډوله موټرونه چې د هېواد د خپلواکۍ جشن د نمانځنې له ساحې څخه غلا کړاى شوي  وو؛ نن د شبرغان ښار د افشار خانې په کلي کې د استوګنې په يوه کورکې کشف او ترلاسه شول.
د جوزجان امنيه قوماندان ترلاسه شوي وسايط خاوندانو ته يې وسپارل.
ويل کېږي د قضيې عامل له ساحې څخه تښتيدلى دى او پوليس د هغه په لټه کې دي.
پاى \ ذ

 

کابل / باختر/ د زمري٣٠مه
د هېواد د بازار له اړتياوو  سره سم د ماسترۍ  شپږ  ګډ پروګرامونه ، د افغانستان او هند  د تحصيلي بنسټونو له لوري  برابرېږي.
د باختراژانس د خبرله مخې، دغه پروګرامونه  دهغه هوکړه ليک پربنسټ چې د لوړو زده کړو وزارت او د هند  د بشري سرچينو د پراختيا وزارت ترمنځ  د روان ميلادي کال  د مارچ په مياشت کې لاسليک شوي و، پيلېږي.
  د لوړو زده کړو وزارت د بهرنيو اړيکو او د بورسونو د تنظيم  رياست  سرپرست  سيد عالم رحمتي په داسې حال کې چې  د کابل پوهنتون  او د کابل  د پل تخنيک پوهنتون  استازو هم شتون درلود د بلخ ، قندهار ، او د خوست د شيخ زاهد پوهنتونونو له استازو سره د ويديو کنفرانس له لارې خبرې وکړې او د دغو پروګرامونو د بهير د تطبيق او ګړندي کولو د څرنګوالي په باب يې  خبرې وکړې.
هغه وويل، چې په دغو څانګو کې د بيا رغاونې  مديريت، کمپيوترساينس، ژورناليزم، کانونو، کرنيزې ټکنالوژۍ، د کرنيزې ماشينرۍ او د اوبو د سرچينو مديريت شامل دي.
رحمتي  د هېواد د مرکز او ولايتونو  د پوهنتونونو له مسوولانو څخه وغوښتل چې په مستقيم ډول دې  د هند هېواد  له مشخص شويو پوهنتونونو سره  اړيکه ونيسي  او له يو زماني جدول سره سم دې په دې لنډ ممکن وخت کې د لوړو زده کړو وزارت د علمي پروګرامونو د پرمختيا  له رياست  سره  په همغږۍ کې د دغه پروګرام  د تطبيق لپاره  خپل مسووليتونه ترسره کړي .
   ختم _ ف_ اکرم

 

کابل / باختر/ د زمري٣٠مه
د لوړو زده کړو وزارت د سرپرست پوهنمل عبدالتواب بالاکرزي په مشرۍ د لوړو زده کړو د برخې د مشورتي بورډ په غونډه کې  د هېواد په خصوصي پوهنتونونو او د لوړو زده کړو په موسسو کې  پر شرايطو د برابرو داوطلبانو  د شموليت طرحه  تاييد شوه.
د باختراژانس د خبرله مخې،  دغه طرحه  په دوو برخو او١٨ بندونو کې د لوړو زده کړو وزارت د سرپرست  په مشرۍ د خصوصي لوړو زده کړو د رخې  د مشورتي بورډ په درېيو غونډو کې له غور او خبرو وروسته  بشپړه شوه او ټاکل شوې ده د تصويب په خاطر  د کابينې غونډې ته وړاندې شي .
د خصوصي لوړو زده کړو د برخې د مشورتي بورډ په درېيمه غونډه کې  چې د لوړو زده کړو وزارت دمسوولانو،  د پوهنتونونو او د اړوندو بنسټونو د يوشمېر رييسانو په شتون  جوړه شوه، لومړى د لوړو زده کړو  وزارت سرپرست  د دغه بورډ د تېرو غونډو رپوټ  واورېد او په خصوصي تحصيلي بنسټونوکې يې د محصلانو د شموليت د څرنګوالي په اړوند د ازموينو د ملي ادارې، او د خصوصي  پوهنتونونو او د لوړو زده کړو د موسسو مکلفيتونه  جوت کړل.
دغه راز د بورډ غړو د خپلو نظريو له شريکولو وروسته دوې لنډ مهالې او اوږدمهالې طرحې چې د معالجوي طب، سيول انجنيرۍ، د ستوماتولوژۍ او فارمسي په څانګو او  د خصوصي پوهتونونو او د لوړو زده کړو موسسو په نورو څانګو کې د کاميابۍ نمرې جوتې کړې  او په هغو  يې موافقه وکړه .
د يادونې وړ ده چې لنډ مهاله طرحه د مني په سمستر کې او اوږد مهاله طرحه  د ١٣٩٩تحصيلي کال په سمسترونو کې د تطبيق وړ ده .
  ختم_ ف _ اکرم

 

کابل / باختر/ د زمري٣٠مه
د بدخشان په لسګونو  اوسېدونکو د کابل د وروستۍ  پېښې له ټپيانو سره  د مرستې  په خاطر پرون وينه ورکړه.
د بدخشان د مدني ټولنې رييس سيف الدين سايس د باختراژانس خبريال ته وويل چې د فيض اباد ښار يوشمېر اوسيدونکو د کابل د وروستۍ پېښې ټپيانو ته د وينې په ورکولو سره خپله همدردي څرګنده کړه .
په بدخشان کې د استاد رباني د ولايتي روغتون د وينې د بانک  مسوول ډاکتر فريدون وايي ورکړل شوې وينه  به ډير ژر کابل ته ولېږدول شي.
  ختم_  عطاالله _ اکرم

Page 3 of 7979