30 September 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

- کابل/ د تلې ٣ مه / باختر
د کانکور د آزموینو ملي ادارې نن د کانکور آزموینو له پايلو وروسته د کابل ښار د محمد آصف مایل لېسې فارغه شمسیه د ۱۳۹۹ کال د  کانکور د آزموینو لومړى مقام وګاټه.
د باختر آژانس د خبر له مخې؛ شمسیه د کانکور په دغو آزموینو کې د ۳۵۳ اعشاریه ۱۸۵ نمرو په ترلاسه کولو سره د کابل پوهنتون طب پوهنځي ته لاره وموندله.
ختم/ع

 کابل/ د تلې ٣ مه / باختر
له طبيعي پېښو سره د مبارزې ریاست په نیمروز کې پر ۳۶۵ بې وزلو کورنیو خوراکې توکي ووېشل.
د نیمروز له طبیعي پېښو سره د مبارزې د دفتر مسوول باختر آژانس ته وویل چې په دې مرسته کې اوړه، غوړي، وریجې، چای او د پخلنځي وسایل شامل دي چې په فېروزکوه ښار کې پر زیانمنو شویو کورنیو ووېشل شول.
خبرځای زیاته کړه چې دغه کورنۍ د نا امنیو او د سېلاوونو د راوتلو له امله له خپلو کورونو څخه بې ځايه شوې او په دغه ولایت کې استوګن شوې دي.
ختم/ع

- کابل/ د تلې ٣ مه / باختر
د کندز د امام صاحب ولسوالۍ د نوي سړکونو کار بشپړ شوی دی او ډېر ژر پرانيستل کېږي.
د باختر آژانس د خبر له مخې؛ د کندز سیمه ییز مسوولین وايي چې د امام صاحب ولسوالۍ سړکونه د افغانستان د حکومت له بودجې څخه د ۶۴۲ میلیونو افغانیو په لګښت د نږدې ١٢ کیلومترو په اوږدوالي او له اوو څخه تر دولسو مترو په سور جوړ شوي دي.
د دغو سړکونو په جوړېدو سره د يادې ولسوالۍ په دننه کې د ترافیکي ګنې ګونې په کموالي، ښاري خدمتونو ته د خلکو په لاسرسي او د هوا په ښه والي کې مهم رول لري.

- کابل / د تلې ۳ مه / باختر
د اطلاعاتو او فرهنګ وزارت نوماند او سرپرست وزير محمد طاهر زهير نن               د آغاخان بنسټ له رييس سره په کتنه کې، د کابل بالاحصار د بيارغاونې په اړوند خبرې وکړې.
د باختر آژانس د خبر له مخې؛ په دې کتنه کې د کابل بالاحصار د بيارغاونې او ترميم  په اړه خبرې وشوې او ټينګار وشو چې په همدې موخه په نږدې راتلونکي کې د اطلاعاتو او فرهنګ وزارت او د آغاخان فرهنګي بنسټ ترمنځ يو هوکړه ليک لاسليک شي.
د اطلاعاتو او فرهنګ وزارت سرپرست د کابل بالاحصار پر ډېر ژر بيارغاونې ټينګار وکړ او ويې وويل چې دغه تاريخي "بنا"١٨٠٠ کاله لرغونتيا لري او د افغانستان د تاريخ او فرهنګ لپاره ډېره مهمه ده.
هغه زياته کړه: د کابل بالاحصار تر ١٨٩٠ کال مخکې، د بابرشاه او د افغانستان د شاهانو د سلطنت مرکز و او د سلطنت د مرکز په توګه ترې استفاده کېده.
دغه راز په دې کتنه کې د آغاخان فرهنګي بنسټ رييس اجمل ميوندي د اماکنو او تاريخي آبداتو د ترميم او بيارغاونې په برخه کې د دغه بنسټ د پروګرامونو په اړه معلومات ورکړل او څرګنده يې کړه چې د کابل بالاحصار د بيارغاوني د پروژې کار به تر نږدې لسو کلونو پورې وخت ونيسي.
هغه د چمتووالي په ښودلو سره وويل چې په نږدې راتلونکي کې به په همدې موخه د آغاخان بنسټ، له اطلاعاتو او فرهنګ وزارت سره د همکارۍ يو هوکړه ليک لاسليک کړي.
پاى \ ذ

 کابل/ د تلې ٣ مه / باختر
د ښار جوړولو او اراضۍ وزارت، ١٨٤ زره ٤٢٦ جريبه څړځايونه په سمنګانو کې سروې او ثبت کړي دي.
د ښار جوړولو او اراضۍ وزارت د څړځايونو د سروې، نښې کولو او ثبت بهير له پيله تراوسه، د هېواد په ٢٨ ولايتونو کې څه دپاسه ٣ میليونه جريبه څړځايونه ثبت کړي دي.
د ښار جوړولو او اراضۍ وزارت د څړځايونو د سروې، نښې کولو او ثبتولو پروژې په تطبيق سره د افغانستان د خلکو د ملي شتمنۍ په توګه له څړځايونو څخه د مطلوبې  استفادې لازمه زمينه برابره کړې ده او د اقتصادي او مالدارۍ د خودکفايۍ د ودې د ښو شرايطو په برابرولو سره به د خلکو په ژوندانه کې بنسټيز بدلونونه رامنځته کړي.
ختم/ع

- کابل / د تلې ۳ مه / باختر
د بدخشان پوليس وايي چې وسله والو طالبانو نن سهار په دغه ولايت کې د يوې کورنۍ پنځه غړي وژلي دي.
د بدخشان د امنيې قوماندانۍ وياند ثناالله روحاني رسنيو ته ويلي دي چې وسله والو طالبانو دغه پنځه کسان د دغه ولايت د درايم ولسوالۍ په باغ صوفي کلي کې وژلي دي.
روحاني زياته کړه: وسله والو طالبانو د دغې کورنۍ يو بل غړى ټپي کړى دى.
دغه پېښه هغه وخت رامنځته شوه چې ياد کسان د درايم ولسوالۍ له پتاوک کلي څخه د مدرسې پرلور روان وو. د دغو وژنو علت تراوسه معلوم نه دى.
پاى \ ذ

 کابل / د تلې ۳ مه / باختر
په کاپيسا کې يو وسله وال طالب تېره شپه د ماين په چاودنه کې ووژل شو.
د کاپيسا د امنيې قوماندانۍ وياند شايق شورش رسنيو ته ويلي دي چې دغه ماين ښخوونکى د دغه ولايت د کوهستان د دويمې برخې ولسوالۍ په مربوطاتوکې د هغه ماين په چاودنه کې ووژل شو چې غوښتل يې هغه په يو واټ کې ځاى پرځاى کړي.
پاى \ ذ 

 کابل / د تلې ۳ مه / باختر
مرکزي بانک ٣٨ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د تلې په ٥ مه د شنبې په ورځ، ٣٨ ميليونه ډالره د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى \ ذ

 کابل / د تلې ۳ مه / باختر
د افغانستان برېښنا شرکت نن د يوې خبرتيا په خپرولو سره ويلي دي چې د ازبکستان د وارداتي برېښنا د مزي د ترميم په دليل، نن سهار ٧ بجې او ٣٠ دقيقې د برېښنا بهير٥٠ سلنه کمښت موندلى دى.
د برېښنا شرکت په خبرتيا کې دغه راز زياته شوې ده چې دغه ستونزه به د نن ورحې ترپاى پورې لرې شي.
پاى \ ذ

-کابل / د تلې ٣ مه / باختر
د افغانستان د فوټبال غوره لیګ د  ٨  لوبډلو په ګډون په کابل کې پیلېږي.
د افغانستان د فوټبال فدراسیون مشر یوسف کارګر وویل چې لومړۍ لوبه به نن مازدیګر پنځه بجې د توفان هریرود او اباسین څپې لوبډلو ترمنځ پيل شي.
د غوره لیګ د نهمې دورې دا لوبې سږکال له ځان سره افغان حکومت او طالبانو ته         د سولې پيغام لېږدوي.
تمه ده چې یوه اوونۍ وروسته د ښځینه لوبغاړو غوره لیګ هم په کابل کې پیل شي.
پاى \ ذ

Page 3 of 9034