31 May 2020

RSS Facebook

سوداگریز


تازه خبرونه

نړیواله ټولنه په افغانستان کې د ولسواک نظام ملاتړ کوي

نړیواله ټولنه په افغانستان کې د ولسواک نظام ملاتړ کوي

کابل/ د وږي ۱۱ مه / باختر اروپایي ټولنې په دغو...

دېرش ميليونه ډالر ليلامېږي

دېرش ميليونه ډالر ليلامېږي

کابل/ د غبرګولى١١ مه / باختر مرکزي بانک ٣٠ ميليونه ډالر...

Youtube Player

khantry design

سوداگریز

سوداگریز

کابل / د غبرګولي ٩ مه / باختر  
پوځيانو څلور وسله وال طالبان پرون په غورکې ونيول.
د باختر آژانس د سيمه ييزخبريال خيرالدين پارسي د خبرله مخې؛ د غور امنيتي مسوولان وايي چې ددغه ولايت ملي پوليسو او د ملي امنيت ځانګړو ځواکونو څلور وسله وال طالبان له جنګي وسايلو سره يې د فېروزکوه له قياغک سيمې څخه ونيول.
هغه زياته کړه چې دغه  وسله وال طالبان له هغه وروسته ونيول شول چې د يوه چک پاينټ په جوړولو بوخت وو.
پاى \ ذ

 

کابل / د غبرګولي ٩ مه / باختر  
د کاپيسا پوليس وايي چې د حج او اوقافو وزارت د معين موټر پرون له غرمې وروسته په واټ کې پر ښخ کړاى شوي ماين وخوت او هغه ته زيان نه دى رسېدلي.
د باختر آژانس د خبر له مخې؛ د کاپيسا د امنيې قوماندانۍ وياند عبدالشايق شورش رسنيو ته ويلي دي چې د حج او اوقافو وزارت د معين مولوي امين الدين مظفري موټر د دغه ولايت د کوهستان د دويمې برخې ولسوالۍ په مظفرکلي کې پر ماين وخوت او چاودنه وشوه.
هغه  زياته کړه: په پېښه کې د حج او اوقافو وزارت د معين يو ساتونکى شهيد شو او درې نور يې ټپيان شول او معين ته په کې زيان نه دى رسېدلى.
پاى \ ذ

کابل / د غبرګولي ٩ مه / باختر  
سېلاوونو تېره شپه د بدخشان په څو ولسواليو کې څه دپاسه ٧٠٠ کورنيو ته مالي زيانونه واړاول.
د بدخشان له طبيعي پېښو سره د مبارزې رييس سېدعبدالله همايون دهقان له باختر آژانس سره په ټلېفوني اړيکه کې وويل چې دغو سېلاوونو په بهارک، شُهدا او جرم ولسواليو او د بدخشان په مرکز پورې اړوند درېيو کليو کې زيات مالي زيانونه اړولي دي.
دا په داسې حال کې ده چې په جرم، بهارک او شُهدا ولسواليوکې دوه ورځې مخکې هم د سېلاوونو د راوتلو له امله درې کسان ووژل شول، څو بڼونه او کرنيزې ځمکې ويجاړې شوې او يوشمېر څاروي له منځه لاړل.
د بدخشان له طبيعي پېښو سره د مبارزې رييس د څېړنې په موخه له مرستنديو بنسټونو څخه يو پلاوى يادو سيمو ته لېږلى دى.
پاى \ ذ

-کابل / دغبرګولي ٨مه / باختر :
دکابل بيړنۍ کمېټې دکابل ښار دبې وزلوخلکو دبرېښنا او دڅښاک داوبو ديوې دورې لګښت ددغې کمېټې له اختصاصي بودجې څخه  دبرېښنا شرکت  او د کابل ښار داوبو رسونې  ادارې ته ورکوي .
دباختراژانس دخبرله مخې، کابل والي محمد يعقوب حيدري نن دحکومت داطلاعاتواو رسنيو په مرکز کې په يوه خبري غوڼډه کې وويل: دغه معافيت دکابل ښار دبرېښنا اودڅښاک داوبو په هغو مشترکينو پورې مربوط دي چې ددوى دبرېښنا او دڅښاک داوبو ديوې دورې لګښت تر زرو افغانيو پورې  وي .
کابل والي وويل  چې له دغه معافيت څخه به دکابل ښار دبرېښنا اواوبو په سلو کې پنځوس چې  ٣٥٠زره کورنى کېږي ګټه واخلي .
حيدري زياته کړه چې دکابل ښار دبې وزلو کورنيو دبرېښنا اودخښاک داوبو  ديوې دورې  دلګښت  دمعافيت تصميم  له هغه وروسته دکابل په بيړنۍ کمېټه کې ونيول شوه  چې يو زيات شمېر بې وزلي کورنى دغې کمېټې ته راغلل او دخپل برېښنا اواوبو دلګښت  له ورکولو څخه يې  خپله بې وزلي څرګنده کړه .
  ختم_ ج _اکرم
                                                         

کابل / دغبرګولي ٨مه / باختر :
په تېرو  ٢٤ ساعتو کې  دکروناويروس د٥٨٠نويو پېښو په ثبتولو سره په هېواد کې  په دغه ويروس داخته کسانو شمېر په ١٣٠٣٦تنو ورسېد .
دباختراژانس دخبرله مخې، دعامې روغتيا وزارت دروغتيايي خدمتونو دوړاندې کولو معين ډاکټر وحيدمجروح  نن  په يو خبري کنفرانس کې وويل چې په تېرو ٢٤ ساعتو کې په هېواد کې دکروناويروس  ٥٨٠مثبتې پېښې ثبتې شوي دي .
  هغه وويل : له دې جملې څخه ٣٢٢ پېښې په کابل ،  ١٣٩ پېښې په هرات ، ٢٧ پېښې په پنجشير ، ٢٢ پېښې په  بلخ ، ٢١ پېښې په فراه ، ٢٠ پېښې په پکتيا ، ١٥ پېښې په فارياب ، او  ١٤ پېښې په پروان کې ثبتې شوي دي .
هغه زياته کړه چې  په تېرو ٢٤ ساعتو کې په هېواد کې په کرونا ويروس ٦٥ تنه اخته کسان روغ شوي دي چې دټولو روغو شويو کسانو شمېر ١٢٠٩ تنو ته رسيدلى دى .
دغه راز په تېرو  ٢٤ ساعتو کې په هېواد کې په کروناويروس اته تنه اخته کسان مړه شوي دي چې په دې سره په هېواد کې دکروناويروس له امله  د مړو شويو شمېر ٢٣٥تنو ته رسېدلى دى .
ډاکټرمجروح ټينګاروکړ چې خلک دې بايد دعامې  روغتيا وزارت روغتيايي لارښوونې په جدي ډول رعايت کړي اوله غير ضروري ګرځيدو څخه چې دکرونا ويروس  دزيات خپرېدو سبب کېږي  ، ډډه وکړي .
  ختم _ج _اکرم

 

کابل / د غبرګولی ۸ مه / باختر
افغانستان په اوسنیو شرایطو کې له ګڼو ستونزو سره مخ دی. جګړه دوام لري، کرونا ورځ تر بلې مخ پر ډېرېدوده، اقتصادي فقر د خلکو ژوند تریخ کړی دی، د فساد په اړه اندېښنې لا پر ځای دي. په دغه راز حالاتو کې د دولتي ادارو نقش برخلیک ټاکونکی دی. ځکه دولت باید دا ټولې دندې سرته ورسوي، یانې روانه خونړۍ جګړه پای ته ورسوي، په ټول هېواد کې ډاډمن امنیت او ثبات بسیا کړي، د کرونا مخه ونیسی، د اقتصادي فقر د له منځه وړلو لپاره کار وکړي او د فساد ریښې وباسي. دولتي ادارې هغه مهال دا سترې دندې ترسره کولای شي چې پیاوړې او غښتلې وي او دولتی ادارې هغه مهال غښتلې او پیاوړې کېدای شي چې ثبات ولري.
د باختر آژانس مفسر همدا موضوع څېړلې ده اولیکي:
له هغه مهاله چې په هېواد کې پوځی او سیاسي بحران رامنځ ته شوی دی، ورسره جوخت زموږ ملي دولتی ادارې هم کمزورې شوي دي. د دولتی  ادارو د کمزورتیا یو ستر لامل د هغوی سیاسی کېدل دي. کله چې له ادارو سره سیاسي  چلند کېږي اوهر څوک هغه د خپلو سیاسي ګټو لپاره کاروي، نو بیا ادارې له خپل اصلي تګلوري اوړي او بې لارې کېږي.
موږ له کلونو راهیسې له دې ستونزې سره مخ یو. هره سیاسي ډله چې واک ته رسېدلې ده، لومړی کار یې د دولتی ادارو له سیاسي کولو پیل  کړی دی او کوښښ یې کړی  دی چې  اداره د خپلو سیاسي موخو او سلیقو تابع کړي او بیا ترې د یوې وسیلې کار  واخلي.
هغه څه چې په قوانینو پورې اړه لري، نو موږ ډېر  ښه قوانین لرو. له اساسي قانونه رانیولې بیا اطلاعاتو ته د لاسرسي تر قانونه پورې – ټول د خپلې منځپانګې له پلوه ښه قوانین دی او د ولسواکو قوانینو له معیارونو سره بشپړ سمون لري، خو ستونزه د دغو قوانینو په تطبیق کې ده. د قوانینو تطبیق د دولتی ادارو دنده ده، خو که دولتي ا دارې سیاسي کړای شوې وي، نو څرګنده خبره ده چې د قوانینو په تطبیق کې سیاسي او سلیقه یي چلند کوي. پر خپل سیاسي مخالف قانون پلی کوي، خو پر سیاسي ملاتړي بیا هغه نه عملي کوي. په داسې حال کې چې په ولسواکو ټولنو کې ټول د قوانینیو پر وړاندې سره برابردي او قانون باید له هر راز استثنا پرته پر ټولو یو ډول تطبیق شي.
له دولتي ادارو سره سیاسي چلند د هغوی د بې ثباتۍ لامل شوی هم دی. موږ په تېرو کلونو کې ولیدل  چې په ځینو وزارتونو کې په څو میاشتو کې دوه درې وزیران بدل رابدل  شوي دي. داسې وزارتونه هم شته چې په پنځو کلونو کې  ورته  اووه اته وزیران معرفي شوي دي. دا خپله بې ثباتي رامنځ ته کوي. همدا لامل شوی چې یو شمېر وزیران د اړوند وزارت لپاره له برنامې پرته کار کوي. ځکه برنامه جوړول وخت ته اړتیا لری. وزیر باید لومړی موجود وضعیت وارزوي، د وزارت پیاوړي او کمزوري اړخونه په ګوته کړي، فرصتونه او ننګونې تشخیص کړي او بیا د وزارت د هراړخیزې ودې او پرمختګ لپاره پروګرام جوړ کړي. خو کله چې وزیردا ډاډ او باور ونه لري چې هغه تر یو کاله پر دندې پاتې کېدای شي یانه ، نو بیا څرګنده خبره ده چې سهار دفتر ته ځي او مازیګر بېرته کورته او خپل ټول مسوولیت په څو غوړو  فیسبوکي  لیکنو کې لنډوي اوبس. همدا خبره د معینانو او رییسانو په برخه کې هم صدق کوي. هېڅوک دا ډاد نه لري چې سبا به پر خپلې څوکۍ پاتې وي او که نه پر څوکۍ به یې سیاسي معامله شوې وي.
اوس  د دې وخت دی چې دغه راز  بې ثباتۍ  ته د پای  ټکی  کېښودل شي. باثباته، غښتلې، پياوړې، رڼه او مسوولیت منونکې او مسوولیت سرته رسوونکې اداره کولی شي د اوسني پړاو سترې دندې سرته ورسوي او هېواد له کړکېچه وباسي.ن.ش.        

کابل / دغبرګولي ٨مه / باختر :
دفارياب ولايت ددولت اباد او قرمقل دولسواليو ترمنځ  په تګلوري کې نن سهار په يوه ترافيکي پېښه کې لس تنه ووژل شول .
دفارياب دپوليسو وياند عبدالکريم يورش باختراژانس ته وويل چې دغه پېښه دلومړى لمبر لويې لارې  دځنګل په ساحه کې ددوو سراچه ډوله موټرو دټکر په نتيجه  رامنځته شوه .
هغه وويل  چې په دې پېښه کې  لس تنه ووژل شول او پنځه تنه نور ټپيان شول .
د هغه دڅرګندونوله مخې ، په قربانيانو اوټپيانو کې ښځې او ماشومان هم شامل دي .
يورش څرګنده کړه چې ټپيان  د اندخوي ولسوالۍ روغتون ته لېږدول شوي دي
ددغې پېښې علت  دموټر چلوونکو بې احتياطي او دسړک خرابوالې بلل شوى دى .   ختم _ج _ اکرم

 

کابل / دغبرګولي ٨مه / باختر :
دعامې روغتيا وزير ډاکټر فيروز الدين فيروز نن  په يوه غونډه کې  له کروناويروس سره دمبارزې په لاره کې  دروغتيايي ادارو  دمسوولينو کارونه وڅېړل .
دباختراژانس دخبرله مخې، په دې غونډه کې  دبودجې او لابراتوارونو په برخو کې دموجودو چلنجونو اودکرونا ويروس دازمايښت لپاره  دعدلي طب  دپي سي ار دستګاه دفعالولو ، دعامې روغتيا وزارت  دمعيارونو له په پام کې نيولو سره  د کرونا ازمايښت  د ترسره کولو په اړوند  له خصوصي  برخې سره  داړيکو په باب  خبرې اترې وشوې .
دعامې روغتيا وزير دروغتيايي ادارو دکارونو دڅېړنې په ترڅ کې اړوندو مسوولينو ته لارښوونه وکړه  چې دبودجې دستونزو دلرې کولو په خاطر دې دماليې له وزارت او له نړيوال بانک  سره  خبرې وکړي  چې دغه ستونزه ډير ژر لرې شي .
  دغه راز  دعامې روغتيا وزير  دمرکزي لابراتوارونو څو تنه کارکوونکي چې په خپلو کارونوکې  بې پروايي کړې وه  د مرکزي لابراتوارونو رييس  ډاکټر عاشق الله سعادتي ته  لارښوونه وکړه چې دغه کارکوونکي له دندو ګوښه کړي .
ختم _ ج_ اکرم

کابل / دغبرګولي ٨مه / باختر :
دغزني په مالستان ولسوالۍ کې ديوې غونډى دښوئېدو له امله پرون  درې ورونه ووژل شول .
باختراژانس  دغزني دولايتي شورا دغړې لطيفې اکبري له خولې خبرراکړ ، چې دغه پېښه دمالستان ولسوالۍ دغيغانتوي په کلي کې هغه وخت رامنځته شوه چې دغه درې ورونه دکور دجوړولو په خاطر په دغه غونډى کې په کار بوخت و.
هغې وويل  ددغې غونډى يوه برخه  چې دغه درې ورونه  پکې په کار بوخت و وښويېد او دوى تر خاورو لاندې شول .او دسيمې خلک هغه وخت درې ورونه له خاورې وايستل چې  مړه شوې وو .   ختم _ ج _ اکرم

 

کابل / دغبرګولي ٨مه / باختر :
١٨ وسله وال طالبان پرون په زابل کې  دپوځيانو دسپرلۍ په کاروان دبريد په بهير کې ووژل شول .
باختراژانس دزابل دامنيې قوماندانۍ دوياند محمد لعل اميري  دڅرګندونوله مخې خبرراکړ چې وسله والو طالبانو د شاه جوي ولسوالۍ دقلعه جعفر او قيوم په سيمو کې دپوځيانو دسپرلۍ په کاروان  بريد وکړ چې  دپوځي شورا دپريکړې له مخې  دگډو هوايي ځواکونو  له خوا  پر دغوطالبانو بريدوشو . چې له امله يې   ١٨ وسله وال طالبان ووژل شول .
اميري وويل چې په دې بريدونوکې  دوه تنه ماشومان هم ټپيان شوي دي .
خو دطالبانو وياند په يو پيغام کې  رسنيو ته ويلي دي چې حکومتي ځواکونو په دې پېښه کې دڅلورو ماشومانو په ګډون شپږو ملکي وګړو ته مرګ ژوبله اړولې ده .
  ختم _ ج _ اکرم

 

Page 4 of 8778