22 January 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل \باختردسلواغې دمياشتې ١نيټه :    
اته تنه وسله وال طالبان په روزګان ولايت کې په هوايي بريد کې ووژل شول.
په دغو وسله والوطالبانو نن سهار د ترينکوټ ښار ته څېرمه د دوى په مرکز           بريد وشو .  
د هېواد په جنوب کې د ملي اردو يوه جګپوړي قوماندان باختر آژانس ته وويل        چې په دې هوايي بريد کې اته تنه وسله وال طالبان وژل شوي دي.
د را رسيدلو خبرونوله مخې: دغه وسله وال طالبان د يو لړ نويو ډار اچوونکو بريدونو  په سازمان ورکولو بوخت وو چې پرې بريد وشو.
د روزګان ولايت مرکز ترينکوټ ښار ته څېرمه دوسله والو طالبانو دشتون او فعاليتونو په زياتوالي سره په دغو سيمو دپوځيانو هوايي او ځمکني بريدونه هم زيات شوي دي.
پاى \ذکرالله \ 

کابل \باختردسلواغې دمياشتې ١نيټه :  
په داسې حال کې چې د ننګرهار ولايت په لعل پورې ولسوالۍ کې د ډار اچوونکو پرخلاف عمليات دوام لري، پوځي مقامات د ډار اچوونکو له شتون څخه د دغې ولسوالۍ د څو کليو د پاکولو يادونه کوي.  
دغه عمليات دوه ورځې مخکې د سلګونو تنو پوځيانو په ګډون د هېواد دهوايي ځواکونو په ملاتړ پيل شوي او دوام لري.
دهېواد په ختيځ کې د ملي اردو يوه جګپوړي قوماندان باختر آژانس ته وويل چې ددغو عملياتو په بهيرکې تر اوسه پورې اته کلي د وسله والو طالبانو او داعشيانو له شتون څخه پاک شوي او په لعل پورې ولسوالۍ کې د ډار اچوونکو څو مرکزونه له ټولو جنګي وسايلو سره يې دړې وړې شوي دي.
دهېواد په ختيځ کې پوځي مقامات وايي چې دغه عمليات به د ډار اچوونکو له شتون څخه د لعل پورې ولسوالۍ تر بشپړ پاکولو پورې دوام وکړي.
پاى \ذکرالله \ 

کابل/ باختر/ د سلواغې د میاشتې ۱نېټه
په میدان ښارکې د ملي امنیت پر منسوبینو د ترهګریز برید په اړه مطبوعاتي اعلامیه
د افغانستان جنایتکاره دښمنانو په میدان ښار کې د ملي امنیت پر منسوبینو د ترهګریز برید په پایله کې د هېواد هغه صادق بچیان چې د هېواد د دفاع او هېوادوالو د ساتنې لپاره هر ډول مبارزې او سرښندنې ته چمتو دي، شهیدان او ټپیان کړل.
تروریستي ډلې او د دوی بهرني ملاتړي د دغه ډول تروریستي بریدونو په ترسره کولو سره زموږ د اتلو او زړورو امنیتي او دفاعي ځواکونو عالي مورال نشي کمزوری کولی. دوی د تروریستي ډلو د ځپلو جدي اراده لري.
د هېواد جمهور رئیس اړوند مسوولینو ته لارښوونه کړې چې د دغې پېښې د څرنګوالي د هراړخیزې څېړنې ترڅنګ، ټپیانو او د قربانیانو کورنیو ته پر وخت رسیدګي وکړي.
محمد اشرف غني د دغې پېښې د غندنې ترڅنګ د قربانیانو کورنیو ته د خپلې خواخوږۍ مراتب څرګندوي او ټپیانو ته د خدای تعالی په دربار کې د سملاسي روغتیا هیله کوي.#
پای – ذ

کابل \باختردسلواغې دمياشتې ١نيټه :
پاکستان له افغانستان سره د تجارتي اړيکو د پراختيا او د هېواد خلکو ته د ويزې په ويشلو کې د اسانتياوو په برابرولو ټينګار وکړ .
په کابل کې د پاکستان د سفارت جنرال قونسل وايي چې دوى له افغان مقاماتو سره يوځاى د تجارتي اړيکو د پراختيا په لاره کې د موجودو ستونزو دلرې کولو او کابل او اسلام اباد ته د دواړو هېوادونو د خلکو د تګ راتګ د ستونزو دلرې کولو د لاروچارو په باب کار کوي.
په کابل کې د پاکستان سفارت جنرال قونسل دوست محمد وزيري دغه څرګندونې  قندهار ولايت ته په خپل سفر کې وکړې.
د قندهار ولايت سرپرست عبدالحنان منيب په دې کتنه کې د پاکستان له جنرال قونسل څخه وغوښتل چې خلکو ته د ويزې په ويشلو کې آسانتياوې رامنځته کړي.
ده دغه راز له پاکستان سره د تجارتي اړيکو د پراختيا او په پاکستان کې افغان محصلانو ته د تحصيلي بورسونو په زياتوالي ټينګار وکړ.
پاى \ج \ ذ

کابل \باختردسلواغې دمياشتې ١نيټه :
د حضرت محمد مصطفی (ص) د سيرت په ستره سيالۍ کې، پر لسګونو تنو غوره  خويندو ښکلې جايزې وويشلې شوې.
په هغې غونډه کې چې دهرات ولايت د حج او اوقافو رياست له خوا د لوړ رتبه دولتي مسوولينو او يو زيات شمېر ښځو په ګډون د مولانا جلال الدين محمد بلخي په سالون کې جوړه شوې وه؛ د هرات ولايت د ټولنيزو چارو مرستيالې مونسې حسن زاده د دغه ګټور پروګرام د ترسره کولو په خاطر د حج او اوقافو له رياست څخه د قدردانۍ په ترڅ کې د رسول الله (ص) د سيرت په باب خبرې وکړې او د اسلام ستر پيغمبر يې د اخلاقو او معرفت بېلګه وبلله .
په همدې حال کې د هرات ولايت د حج او اوقافو ريیس سيد محمد شيرزادي وايي چې په غورو خويندو د تجارتي شرکتونو په همکارۍ ښکلې جايزې ويشل کيږي.
دا په داسې حال کې ده چې پرون هم په لسګونو تنو نارينه و چې په دغو سياليو کې بريالي شوي وو،  جايزې وويشلې شوې.
د حضرت محمد مصطفی (ص) د سيرت ستره سيالۍ يوه مياشت مخکې د څه ناڅه لسو زرو تنو خويندو او ورونو په ګډون په هرات ښارکې پيل شوې وې.
پاى \ج\ذ

کابل \باختردسلواغې دمياشتې ١نيټه :
په زابل ولايت کې ٢٣ تنه وسله وال طالبان د پوځيانو په نويو بريدونوکې ووژل شول.
په دغو وسله والو طالبانو د وروستيو ٢٤ ساعتو په بهيرکې د دغه ولايت د ارغنداب  او شاجوی د ولسواليو په مربوطاتوکې بريدونه وشول  .
دهېواد په جنوب کې د ملي اردو يوه قوماندان باختر آژانس ته وويل چې په دغو بريدونوکې ٢٣ تنه وسله وال طالبان وژل شوي دي.
ده وويل: په دغو وسله وال طالبانو د دوى په ټنځيو توپچي بريدونه شوي او د دښمن  درې پټنځي له ټولو جنګي وسايلو سره يې دړې وړې شوي دي.
پاى \ج\ذ

کابل باختر د سلواغې دويمه :
دواټونودنومولو دکميسيون غونډه پرون داطلاعاتواوفرهنګ وزارت دسرپرستې حسيې صافۍ په مشرۍ  جوړه شوه .
په دې غونډه کې دواټونو دنومولو  دڅلورو مواردو په باب چې يو يې داعلي سرقوماندانۍ په چارو کې دامنيت شورا ددفتر دمعاونيت له خوا دکابل ښار دناحيو ديوې څلور لارې او يو واټ دنومولو په باب  چې بايد  دکيهان نوردانو په نامه ونومول شي ، پيشنهاد شوى و .
په  ١٣٦٨ کال کې افغانستان  دسيمې لومړنۍ اسلامي هېواد و چې دکيهاني الوتنې په پروګرام کې شامل شو .
دغه تاريخي پيښه  زموږ دګران هېواد په تاريخي ژوندانه کې دملي وياړنو يوه برخه شميرل کېږي .
ددغه تاريخي پروګرام اجرا کول دمقدماتي پړاونو له بشپړولو او دغه ملي پروګرام ته د ښه تياري وروسته په هېواد کې دننه دهوايي ځواکونو او په بهر کې دهغو ټولو پيلوټانو له  جملې څخه په زده کړه بوخت و ، دوه تنه هريو ډګروال محمد دوران او تورن عبدالاحد مومند په دغه الوتنه کې دګډون په مقصد  د دغې الوتنې په مقصددهېواد له خوا وټاکل شول .او په  ١٣٦٧ کال کې دزده کړې او دکيهاني تياريو پروګرام دبشپړولو په خاطر دوخت دشوروي اتحاد دکيهاني زده کړو مرکز ته لاړل . دزده کړې دټاکلې مودې له تيرولو او د تياريو دپروګرام له بشپړولو وروسته په پاى کې  دغه ګډه الوتنه په  ١٣٦٨ کال کې  دشمشاد په نامه په برياليتوب سره ترسره شول .
دالوتنې دبريالي  ترسره کولو وروسته  ډګروال محمد دوران او تورن عبدالاحد مومند  دوخت ددولت له خوا دډير لوړ  دولتي نښان او داتلوالى دلقب په ورکولو سره وستايل شول .
  دغه راز دواټونو دنومولودرې نور موارده  چې ددايکنډي ولايت داطلاعاتو اوفرهنګ رياست او د جمهوري رياست  دچارو دادارې دلوى رياست له خوا کميسيون ته لېږل شوي و ، خبرې اترې وشوې .
دکمسيون  غړو  دکميسيون دطرز العمل له مخې ددغو مواردو له څيړنې وروسته  لازمې پريکړې وکړې .
  ختم_ ج _ اکرم

 

کابل \باختردسلواغې دمياشتې ١نيټه : 
د عامې روغتيا وزارت د يونیسف ادارې او د روغتيا نړيوال سازمان په همکارۍ  په ٢٠١٩ کال کې دپوليو واکسين لومړنى فرعي کمپاين په لاره اچوي.
دباخترآژانس دخبرله مخې:
دغه کمپاين په دوو ورځوکې په لوړ خطر لرونکو سيموکې ترسره کيږي. د سلواغې د مياشتې له لومړۍ نيټې څخه تر ١٥ نيټې پورې دلويديځ، مرکزي او جنوب ختيځو زونونو په يوشمېر ولسواليو کې او د سلواغې د مياشتې له اتمې تر ١٢مې نيټې پورې د ختيځ او لويديځ زونونو په زياترو ولسواليو کې به ترسره شي.
په دې کمپاين کې په ټوليزه توګه دهېواد د ١٧ ولايتونو ١٧٩ ولسوالۍ به ترپوښښ لاندې ونيول شي او له  ۵ کلنی څخه ښکته ٤ر٥ ميليونه تنه ماشومان به دپوليو په وړاندې واکسين شي.
دعامې روغتيا وزير ډاکتر فيروزالدين فيروز ددغه کمپاين ترسره کول دکورنيو لپاره يو مناسب فرصت وباله او له خلکو څخه يې وغوښتل چې دخپلو کورونو دروازې دکمپاين په بهيرکې دواکسيناتورانو پرمخ پرانيزي او له ۵ کلنی څخه ښکته خپل ماشومان ددغې ناروغۍ په وړاندې واکسين کړي.
دعامې روغتيا وزير دپوليو په له منځه وړلو کې د خلکو رول مهم وباله او ويې ويل:  موږ ټول دې ته اړتيا لرو چې د ماشومانو د ګوزڼ ناروغۍ يا پوليو د له منځه وړلو لپاره په متحدانه ډول کار وکړو.
ده زياته کړه: دماشومانو واکسينول د هر مسلمان مسووليت او مکلفيت دى. داسلام په مقدس دين مشهور عالمان او د افغانستان او اسلامي نړۍ په کچه د دين معتبرو  مراجعو د پوليو په وړاندې د واکسين د ارزښت فتوا صادره کړې ده.  که چېرې ميندې او پلرونه خپل ماشومان د بې پروايي او د ناروا آوازو له امله واکسين نه کړي، په  حقيقت کې د خپل معصوم ماشوم په حق کې ستره جفا کړې ده .
د ډاکترانو د څرګندونوله مخې ؛ پوليو يوه فلجوونکۍ، دايمي او آن وژونکې ناروغي ده او دغه ناروغي تداوي نلري  . 
دپوليو واکسين د دغې ناروغۍ په مقابل کې د ماشومانو د وقايې لپاره يوازينۍ ګټوره او خوندي لاره شمېرل کيږي.
پاى\ ج \ ذ

کابل باخترد سلواغې ۱ نېټه
د والیبال په هغو سیالیو کې چې د هېواد په کچه د بېلابېلو غوره ټیمونو ترمنځ ترسره شوې، اتو ټیمونو د دغو سیالیو «یو- اتِم» پړاو ته لاره وموندله.
د والیبال فدراسیون د خپرونو مسوول د باختر آژانس خبریال ته وویل چې دغه سیالۍ  د روانې میلادي میاشتې په لومړۍ نیټې د هېواد د والیبال فدراسیون په مرکزي لوبغالي کې پيل شوې.
د (جهان سپورټ، جیلاني، کام ایر، سرې میاشتې، جوزجان، دعوت، خراسان او ملي افغان) هغه ټیمونه دي چې له سیالیو مخکې په ډله ییز پړاو او زیات امتیاز په ترلاسه کولو سره «یو- اتِم» پړاو ته لاره وموندله.
پای/سعیده

کابل باخترد سلواغې ۱ نېټه
د افغانستان کرکټ بورد وایي چې د هېواد د کرکټ ملي ټیم د روان میلادي کال په راتلوونکي میاشت کې د ایرلند د کرکټ له ملي ټیم سره لوبه کوي .
د کرکټ بورد ویاند دباختر آژانس خبریال ته وویل چې دغه ټیم درې ۲۰ آوریزه ، پنځه یوه ورخنې او یوه د تست لوبه د ایرلند له ټیم سره ترسره کوي.
دغه سیالۍ د فبروري میاشتې په ۱۱مې پیل او د مارچ تر ۱۹مې پورې د هندوستان د دهرادون ښار د راجیو ګاندي په نړیوال ډګرکې ترسره کیږي.
پای/سعیده

 

Page 5 of 7299