19 March 2019

RSS Facebook

سوداگریز


تازه خبرونه

 دبغلان په بزګرانو دڅارويو خوراکي توکي وويشل شول .

دبغلان په بزګرانو دڅارويو خوراکي توکي وويشل شول .

کابل باختر د کب اته ويشتمه : دبغلان ولايت دکرنې...

پنځه ويشت ټنه  تيرتاريخ او بې کيفته درمل له منځه يوړل شو .

پنځه ويشت ټنه تيرتاريخ او بې کيفته درمل له منځه يوړل شو .

کابل باختر د کب اته ويشتمه : دعامې روغتيا وزارت موظفينو...

دښځو چارو وزارت دمشرتابه هيئت پيغام .

دښځو چارو وزارت دمشرتابه هيئت پيغام .

کابل باختر د کب اته ويشتمه : د ١٣٩٨ لمريز نوي...

Youtube Player

khantry design

سوداگریز

سوداگریز

متون باختر د کب د میاشتې ۲۸ مه
دولت او چارواکي په بشپړ ډول د خبریالانو او رسنیو  د کړنو درناوی او ملاتړ کوي، ځکه رسنۍ دی چې د ولس او دولت ترمنځ د اړیکو دټینګولو یوازینۍ وسیله ده .
دغه څرګندونې د خوست والي محمد حلیم فدایي د خبریال د ورځې په نمانځغونډه کې وکړې.
د باختر اژانس د خبر له مخې؛په دې غونډه کې د خوست والي محمد حلیم فدايي وویل چې معلوماتو ته لاس رسی د خبریالانو حق دی، خو خبریالان هم باید ملي ګټې په نظر کې ونیسي او د هېواد د ابادۍ او پرمختګ لپاره خپل دین ادا کړي.
په همدې حال کې د  غرغښت ټلویزیون مشر سخي سرور میاخیل بیا په دولت نیوکه کوي چې د خبریالانو د ژوند د خوندیتوب او د معلوماتو په شریکولو کې پاتې راغلی دی.
هغه له دولت څخه غوښتنه کوي چې د خبریالانو د ژوند د خوندیتوب په برخه کې کوټلي ګامونه پورته کړي.
دا په داسې حال کې ده چې په هېواد کې د ناامنۍ  سره سره بیا هم افغانستان د رسنیو د آزادۍ په نړیواله درجه بندۍ کې په ښه ځای کې قرار لري.پای/وصال

کابل باختر د کب اته ويشتمه :
دلوګر ولايت  دبرکي برک ولسوالۍ دامنيې قوماندانۍ سرپرست   پرون شهيد شو .
دلوګر  دامنيې قوماندانۍ وياند شاهپور احمدزي دباختراژانس  خبريال ته وويل چې ددغه ولايت دبرکي برک ولسوالۍ سرپرست  صابرخان  دهغه ماين دچاودنې له امله چې په موټر کې يې ځاى پرځاى شوى و ،.  شهيد شو .
ده زياته کړه چې په دغې چاودنه کې درې تنه نور پوليسان ټپيان شول .
  ختم_  سعيده _ اکرم

کابل/ باختر / د کب د میاشتې ۲٨مه
د افغانستان د اسلامي جمهوریت د جمهوررئیس محمداشرف غني په مشرۍ د هېواد د امنیتي  او دفاعي سکتور د رهبرۍ په ګډون غونډه تير ماسخوتن په  ارګ کې جوړه شوه.
دجمهوررييس دوياند دفترباخترآژانس ته خبرورکړ.
په دې غونډه کې د امنیتي او دفاعي سکتور رهبرۍ د امنیتي عمومي وضعیت او  د راتلوونکو ورځو او میاشتو د پلان شویو عملیاتو په اړه جمهوررئیس ته راپور ورکړ.
جمهوررئیس او د وسله وال پوځ اعلی سرقوماندان د هېواد د امنیتي او دفاعي سکتور  له رهبرۍ څخه د مننې ترڅنګ هغوی ته د امنیتي وضعیت د ښه والي او راتلوونکو عملیاتو په اړه لازمې لارښوونې وکړې.# پاى- سعيده

 

کابل/ باختر/ دکب دمياشتې ٢٧مه
د جمهوري رياست دويم مرستيال سرور دانش نن د خبريالانو د ملي ورځې د نمانځنې  په مراسمو کې وويل چې خبريالان د ټولنې غوږ، سترګې او ژبه ده.
د اطلاعاتو او فرهنګ وزارت د وړانديز له مخې، د کب د مياشتې ٢٧ مه د خبريالانو د ملي ورځې په نامه د هېواد په کاليزه کې ليکل شوې ده.
د باختر آژانس دخبرله مخې: په هغې غونډه کې چې په همدې امله د حکومت درسنيو په مرکز کې جوړه شوې وه، استاد سرور دانش وينا وکړه او ويې ويل چې په هېواد کې د بيان آزادۍ دومره جدي ده چې ټول بايد ورته پاملرنه وکړي.
وروسته د اطلاعاتو اوفرهنک وزارت د خپرونو چارو معين فاضل سانچارکي  د موضوع په باب خبرې وکړې او ويې ويل: د کب د مياشتې ٢٧ مه، د رسنيو د برياليتوبونو، د خبريالانو د حقوقو او د رسانه يي شهيدانو د درناوي او ملاتړ په خاطر  د خبريالانو د ملي ورځې په نامه نومول شوې ده.
ده زياته کړه چې په تېرو ١٨ کلونوکې سختې لارې یې وهلې دي او داسې ځاى ته رسيدلي دي چې د کب د مياشتې٢٧ مه د خبريالانو دملي ورځې په توګه ونمانځل شي.
په دې غونډه کې د خبريالانو د مرکز اجرايوي رئيس احمد قريشي، د خبريالۍ د بنسټونو د فدراسيون استازي، د افغانستان لپاره د ملګرو ملتو د سرمنشي ځانګړي استازي تاداميچي ياماموتو، په کابل کې د انګلستان سفير او د خبريال د رقابتي پروګرام د داورانو هيئت پرويز کاوه هم خبرې وکړې.
د غونډې په پاى کې لسو تنو خبريالانو او د کال يو خبريال ته ستاين ليکونه ورکړ شول.
پاى  \ج\ ذ

کابل/ باختر/ دکب دمياشتې ٢٧مه
دملي امنيت ځانګړو  ځواکونو دوسله والو طالبانو دډلې دوه تنه غړي په لوګرولايت کې ونيول.
د باخترآژانس دخبرله مخې ؛ دملي امنيت لوى رياست نن ديوې خبرپاڼې په خپرولو سره ويلي دي ؛ دوسله والو طالبانو دډلې دوه تنه غړي محمد مختار او وحيدالله  دلوګر ولايت ته استول شوي وو چې ددغه ولايت قومي مشران، مخوراو دولتي کارکوونکي ترور کړي چې دملي امنيت دلوى رياست دځانګړې قطعې دمنسوبينو له خواو نيول شول.
نيول شويو کسانو دلوګر ولايت داستيناف څارنوال بريالى  په ترو اعتراف کړى دى.
پاى \ج\  ذ

کابل/ باختر/ دکب دمياشتې ٢٧مه
شپږ تنه ډاراچوونکي تيره شپه په غزني ولايت کې د کوماندو ځواکونو په عملياتو کې ووژل شول.
دځانګړو عملياتو دقول اردو مطبوعاتي مسوول ډګرمن عبدالقيوم نورستاني باخترآژانس ته وويل چې دغه ډاراچوونکي دغزني ولايت دمقر ولسوالۍ دصلاح خيلو په کلي کې د دغې قول اردو دځواکونو په عملياتو کې ووژل شول.
ده زياته کړه: په دغو عملياتو کې ددښمن دماين جوړولو يوه کارخانه له منځه وړل شوې ده او دهغوى يوه پيکا، يوه مخابره، څلور کمپيوټرونه او دوه موټرسايکلونه ترلاسه شوي دي
پاى \ ذکرالله \ 

کابل/ باختر/ دکب دمياشتې ٢٧مه
په بلخ ولايت کې نن يوه څلورلارې دخبريالانو په نامه ونومول شوه.
دباخترآژانس دسيمه ييز خبريال دخبرله مخې ؛ دغه څلور لارې د خبريالانو ددرناوي په مقصد دمزارشريف دښاروالۍ له بودجې څخه دښار په شمالي برخه کې جوړيږي
ددغې څلور لارې  دنومولو او دکار دپيل دپرانستلو په غونډه کې دبلخ والي ،دولايتي شورارئيس، دوالي مرستيال، ددولتي ادارو رئيسانو، خبريالانو او د رسنيودملاتړ بنسټونو مسوولينو  ګډون کړى و.
دافغانستان د اسلامي جمهوريت کابيني دکب دمياشتې ٢٧ نيټه د خبريالانو د ملي ورځې په نامه نومولې ده او د کابينې ددغه تصميم هدف دخبريالانو هلوځلو او قربانيو ته د درناوى په مقصد شوى دى.
پاى\ج\ذ

کابل/ باختر/ دکب دمياشتې ٢٧مه
د کورنيو چارو وزارت د ملي شورا د يوې غړې له خوا د پوليسو ديوه افسر دسپکاوي څرنګوالى له قانوني مجرى څخه تعقيبوي .
دباختر آژانس دخبرله مخې: د پوليسو يو افسر پرون د شهيد مسعود د څلورلارې په پوسته کې د ولسي جرګې دتيري دورې دغړې پروين درانې له خوا سپکاوى شوى دى  چې په ټولنيزو شبکو کې دخلکو له سخت غبرګون سره مخامخ شوى دى .
دکورنيو چارو وزارت دوياند ددفتر سرپرست نصرت رحيمي په دې باب باخترآژانس ته وويل چې د ١٣٩٧ کال د کب دمياشتې په ٢٦نيټه دپوليسو دقانون دنهمې مادې د لارښوونې له مخې ؛ پوليسو  دفردي او ټولنيز امنيت د تامينولو په مقصد په لسمې امنيتي حوزې پورې اړوند دشهيد احمدشاه مسعود په څلورلارې کې دوسايطو دکنترول لپاره موظف شوى و چې ددندې په بهيرکې يې د هېواد دولسي جرګې دپخوانۍ وکيلې پروين درانۍ د سپرلۍ واسطه ودرول شوه، خوله بده مرغه دپوليسو افسر ته دپروين درانۍ له خوا سپکاوى وشو او آن ووهل شو چې د الزام په باب بشپړ سندونه شتون لري.
د کورنيو چارو وزارت مشرتابه د کابل امنيه قوماندانۍ ته لارښوونه کړې ده چې  جرم مشهود دى، له دې امله دهېواد د اساسي قانون د ١٠٢ مادې له مخې  دڅارنوالۍ په همکارۍ قضيه وڅيړي.
پاى \ج\ ذ

کابل/ باختر/ دکب دمياشتې ٢٧مه
اته تنه ډاراچوونکي په کونړ ولايت کې  دهوايي ځواکونو په بريد کې ووژل شول.
پر دغو ډار اچوونکو  نن له غرمې مخکې  په سرکاڼو ولسوالۍ کې هغه وخت بريد وشو چې په خپل پټڼځي کې د ډار اچوونکو بريدونو په سازمان ورکولو بوخت وو.
د هېواد په ختيځ کې د ملي اردو يوه جګپوړي قوماندان باختر آژانس ته وويل چې په دې هوايي بريد کې اته تنه ډار اچوونکي ووژل شول.
په دې بريد کې له ټولو جنګي وسايلو سره يې د ډار اچوونکو یو پټنځى هم له منځه            تللى دى.
پاى \  ذکرالله  

 

کابل/ باختر/ دکب دمياشتې ٢٧مه
د هرات والي د افغان روزنيز انستيتوت د بنسټ ايښودونکې پروفيسرې سکينې يعقوبي فرهنګي او ټولنيز خدمتونه وستايل .
د هرات والي عبدالقيوم رحيمي نن له سکينې يعقوبي سره چې په ٢٠١٣ م کال کې  د امريکا د بهرنيو چارو وزارت غوره جايزه ګټلې وه، وکتل او د دغې نوښتګرې  مېرمني علمي او فرهنګي خدمتونه وستايل .
د هرات والي د دغې ځواکمنې مېرمنې دخدمتونوله امله په قدردانۍ سره داسلامي عرفان دلومړني څيړنې مرکز د  جوړولو په لاره کې دافغان  روزنيز انستيتوت دهمکارۍ غوښتنه وکړه.
د افغان روزنيز انستيتوت رئيسې سکينې يعقوبي  چې په  ٢٠١٣ م کال کې  د (اوپس)    يو ميليون ډالري جايزه يې ګټلې ده، دهرات له سيمه ييزې ادارې سره دخپلو همکاريو د دوام ډاډ ورکړ.
پروفيسرې يعقوبي دعامې روغتيا ، پوهنې ، دښځو چارو  او د کار او ټولنيزو چارو له وزارتونو څخه په رسمي  جواز سره په کابل او هرات ولايتونو کې فعاليت کوي.
پاى \ج\ذ

Page 5 of 7504