15 November 2019

RSS Facebook

سوداگریز


تازه خبرونه

دپروان ښوونځيو تنطيفاتي وسايل ترلاسه کړل

کابل / دلړم ٢٣مه / باختر : دپروان په يوشمېر ښوونځيو...

دشکرې له ناروغي سره دمبارزې نړيواله ورځ ونمانځل شوه

کابل / دلړم ٢٣مه / باختر : دعامې روغتيا وزارت ...

Youtube Player

khantry design

سوداگریز

سوداگریز

کابل/ د لړم ٢٢مه/باختر
  وسله والو طالبانو پرون په صحرايي محکمه کې دوه ملکي وګړي په ډزو سره  ووژل.
يرغلګرو دغه کسان دوه ورځې مخکې د فراه ښار له لويې لارې څخه وتښتول او د لسګونو کليوالي اسېدونکو د سترګو په وړاندې په ډزو سره ووژل.
د فراه يوه امنيتي خبرځاى باختر آژانس ته وويل: وژل شوي کسان له دولت سره کومه اړيکه نلرله او غريبکاره وو.
د پېښې عيني شاهدان وايي چې وسله والو طالبانو د دغو دوو تنو له وهلو، ډبولو او ځورونې وروسته هغوى په ډزو سره ووژل.
د وسله والو طالبانو ډلې تر اوسه په دې اړه څه نه دي ويلي.
پاى \ج \ ذ

کابل/ د لړم ٢٢مه/باختر
په پکتيا کې د يوې چاودنې مخه ونيول شوه.
پوليسو پرون ناوخته د ګردېز ښار له يوې ګڼ مېشتې سيمې پيرباغ څخه يو بم کشف او شنډ کړ.
د پکتيا يوه امنيتي خبرځاى باختر آژانس ته وويل چې وسله والوطالبانو غوښتل ددغه بم په ښخولو سره پر ملکي وګړو مرګانى بريد وکړي؛ خو بريالي نه شول.
د بم د ښخولو په اړوند څوک نه دي نيول شوي.
وسله والو طالبانو تر اوسه په دې اړه څه نه دي ويلي.
پاى \ ذ

کابل/ د لړم ٢٢مه/باختر
لسګونه ځوانان د افسر په توګه د پکتيا له پوځي اکاډمۍ څخه فارغ شول.
دغه ځوانان چې په جنوب ختيځو ولايتونوکې ژوند کوي؛ ټاکل شوې ده په لرو            پرتو سيموکې د امنيت په تامين او له تروريزم سره په مبارزې بوخت شي.
د هېواد په جنوب ختيځ د پوځي اکاډمۍ مسوول جمشېداحمد نظري باختر آژانس ته وويل: دغه ځوانان په يوه روزنيزه دوره کې د امنيت د تامين او له تروريزم سره د مبارزې نوې لارې چارې زده کړې دي.
تر اوسه له دغې پوځي اکاډمۍ څخه په زرګونو ځوانان فارغ او د هېواد په بېلابېلو سيموکې په دندو ګومارل شوي دي.
پاى \ج\ ذ

کابل/ د لړم ٢٢مه/باختر
په ننګرهارکې له سلګونو اړو کورنيو سره د خوراکي توکو مرسته وشوه.
دغه مرسته مرستندويو بنسټونو د ننګرهار د کرنې او اوبولګولو رياست په همکارۍ شوې ده.
د ننګرهار د رسنيو دفتر د يوې خبرپاڼې په خپرولو سره ليکلي دي چې په دې دوره کې په کوټ ولسوالۍ کې  پر ٦٠٠ اړو کورنيو خوراکي توکي ووېشل شول.
دغه کورنۍ په کوټ ولسوالۍ کې د ډار اچوونکو بريدونو له امله بېځايه شوې او سېلاو ځپلې کورنۍ دي.
خبرپاڼه زياتوي چې په ننګرهارکې له اړو کورنيو سره د مرستې لړۍ دوام لري.
پاى \ ذ

 

کابل/ د لړم ٢٢مه/باختر
په جوزجان کې په ( ۱۰۷- شاهین) عملیاتوکې نن سهار پنځه وسله وال طالبان ووژل شول.
د ٢٠٩ شاهين قول اردو ویاند باختر آژانس ته وویل چې دغه طالبان د جوزجان د درزآب ولسوالۍ په مربوطاتوکې په ۱۰۷ شاهین عملیاتوکی چی له درېو ورځو راپدېخوا په دغه ولایت کې دوام لري؛ ووژل شول او ۷ نور يې ټپیان شول.
ویل کېږي په عملياتوکې شاملو ځواکونو د دښمن ۳۰ ماینونه هم کشف او شنډ کړل.
پای/شکریه

 

کابل/ د لړم ٢٢مه/باختر
اووه لس وسله وال طالبان تېره شپه په سرپل کې د پوځیانوپه عملیاتوکې ووژل شول.
د باختر آژانس د سیمه ییز خبریال د خبرله مخې: دغه عملیات د سرپل د صیاد ولسوالۍ په بلند غور کهنه کلي کې ترسره شول چې په پایله کې یې ۱۷ وسله وال طالبان ووژل شول.
خبرځای زیاته کړه چې په عملیاتوکې د دوو قوماندانانو قاري ګلبدین او قاري عبدالاحد په ګډون ٧ نورطالبان ټپیان او د دښمن پنځه موټرسایکلونه ویجاړ شول.
ختم/ع 

 

کابل/ د لړم ٢٢مه/باختر
پنځه ډار اچوونکي تېره شپه د کابل ښار د پنځمې ناحیې په مربوطاتوکې د امنیتي ځواکونو په ګډو عملیاتوکې ونیول شول.
د کورنیوچارو وزارت ویاند نصرت رحیمي د باختر آژانس خبریال ته وویل: د پولیسو د خاصو قطعاتو ځواکونو د ملي امنیت په همکارۍ تېره شپه یو لړعملیات د کابل ښارپه مربوطاتوکې ترسره کړل چې په پایله کې یې پنځه تنه په ډار اچوونکو فعالیتونوکې په لاس لرلو او د جنګي وسایلو او پوځي تجهیزاتو د ساتلو په تور ونیول شول.
دغه راز د ۱۱۱ فرقې د ځانګړوځواکونو په عملیاتوکې د کابل له څو ولسوالیو څخه د ٢٠ کلاشینکوفونو، ۲۹ تومانچو، ۱۲ پنځه او لس ټکې تومانچو او پوځي تجهیزاتو په ګدون ۶۲ ډول ډول وسلې کشف او ترلاسه شوې دي.
ختم/ع

 

کابل/ د لړم ٢٢مه/باختر
د انټرپول پوليسو د فراه ګمرک يو پخوانى کارکوونکى پرون د دغه ولايت پوليسو ته  وسپاره.
د فراه د امنيې قوماندانۍ وياند محب الله محب باختر آژانس ته وويل چې د ګمرک دغه  کارکوونکى د جرم د ترسره کولو او له وظيفوي صلاحيت څخه له ناوړې استفادې وروسته ايران ته تښتيدلى و چې د انټرپول پوليسو د هڅو په پايله د فراه د امنيې قوماندانۍ له جنايي جرمونو سره د مبارزې مديريت په غوښتنه د ايران په يزد ښار کې ونيول شو او د فراه پوليسو ته وسپارل شو.
د هغه نسبتي دوسيه د فراه څارنوالۍ ته سپارل شوې ده.
پاى \ ذ

کابل/ د لړم ٢٢مه/باختر
په پروان کې د يو جومات د جوړولو کار بشپړ او پرون ګټې اخيستنې ته وسپارل شو.
د باختر آژانس خبريال د خبرله مخې: دغه جومات د سيمې خلکو د چاريکارو ښار په لغماني ساحه کې د څه دپاسه ١٥٠٠ مربع متره ځمکه کې د هېواد د حج او اوقافو وزارت په مالي مرسته جوړ کړى دى.
د دغه جومات د پرانيستلو په مراسموکې د پروان والي، د ولايتي شورا غړو او د دولتي ادارو يوشمېر رييسانو ګډون لاره.
پاى \ ذ

 

Wednesday, 13 November 2019 11:19

په کابل کې د موټر بم چاودنه

کابل/ د لړم ٢٢مه/باختر
په هغې چاودنه کې چې نن سهار د کابل ښار په ١٥ ناحيه کې رامنځته شوه؛  ٧ کسان ووژل شول او ١٠ نور ټپيان شول. قربانيان ټول ملکي وګړي دي.
د باختر آژانس خبريال د خبرله مخې: نن سهار په ٧ بجو او٢٠ دقيقو د کابل ښار د ١٥ ناحيې په کور جوړولو ساحه کې چاودنه وشوه چې په کې ٧ ملکي وګړي ووژل شول.
ويل شوي دي چې بم په يو تونس موټرکې ځاى پرځاى شوى و.
دغه موټر د قسيم د تېلو ټانک په ساحه کې چې د کورنيو چارو وزارت سړک ته څېرمه موقعيت لري؛ درول شوى و او هغه وخت چې د يوه امنيتي شرکت دوه لنډکروزر موټرونه نږدې شول، چاودنه وشوه.
د کورنيو چارو وزارت د وياند دفتر سرپرست نصرت رحيمي وايي چې په پېښه     کې ٧ کسان چې ټول ملکي وګړي دي؛ ووژل شول او ١٠ تنه نور ټپيان شول.
په ټپيانوکې څلور بهرنيان چې د يوه امنيتي شرکت غړي دي؛ هم شامل دي.
د کورنيو چارو وزارت دغه راز ويلي دي چې په قربانيانوکې يو ماشوم هم شامل دى.
خو عيني شاهدان وايي چې ٥ قربانيان ماشومان دي.
چاودنه په هغه ساحه کې رامنځته شوې ده چې د کورنيو چارو وزارت، له نشه يي توکوسره د مبارزې معينيت، له نشه يي توکو سره د مبارزې عدلي او قضايي مرکز او  د څو بهرنيو بنسټونو په ګډون څو حساسې دولتي ادارې پکې موقعيت لري.
تراوسه د دغې چاودنې مسووليت هېچا نه دى منلى.
له هغه ځانمرګي بريد وروسته چې د وږې په ١٤مه د کابل په شش درک کې وشو         او په کې يو امريکايي پوځي او ١١ افغانان ووژل شول؛ دا په کابل کې لومړۍ تروريستي پېښه ده چې د ٧ تنو د ژوند په بيه تمامه شوه.
په شش درک پېښه کې چې د نننۍ پېښې په شان د يو تونس موټر په واسطه ترسره شوه؛ طالبانو د هغه مسووليت منلى و او دا د دې سبب شوه چې د امريکا جمهوررييس له وسله والو طالبانو سره د خبرو بهير چې په وروستيو پړاوونوکې و، ودراوه.
پاى \ ج\ ذ


 

Page 5 of 8254