20 May 2019

RSS Facebook

سوداگریز


تازه خبرونه

د هېواد په سویل ختیځ کې ۲۲ تنه وسله وال طالبان وژل شوي دي

کابل/باختر/ د غويي د میاشتې ۲۹ مه په تېرو څلرویشتو ساعتو...

Youtube Player

khantry design

سوداگریز

سوداگریز

کابل باختر دثور ٢٨ مه :
يوتکراري مجرم  چې دپوليسو تر څارنې لاندې و دکابل ښار داتمې ناحيې په مربوطاتو کې ونيول شو.
دکابل ولايت  دامنيې  قوماندانۍ وياند  بصير مجاهد باختراژانس ته وويل په سياه سنګ  مشهور تميم چې دکابل ښار داتمې ناحيې په مربوطاتو کې دخلکو دټپي کولو او لوتمارى  په قضيو کې تورن دى نن سهار ددغې ناحيې په مربوطاتو کې ونيول شو .
ديوبل خبرله مخې، دکابل ولايت دامنيې قوماندانۍ له نشه يي توکو سره دمبارزې دمديريت  دپوليسو داوپراتيفي  عملياتو په بهير کې  په مقدس مشهور اجمل په نامه دنشه يي توکو يو پلورونکى له يوې اندازې هيروئينو سره دکابل ښار داوومې ناحيې دواصل اباد په ساحه کې ونيول شو .
ختم_  عطاالله _اکرم

کابل باختر دثور ٢٨ مه :
ټاکل شوې ده دولسي جرګې داوولسمې   دورې لپاره ددغې جرګې  رييس نن انتخاب شي .
  په ولسي جرګه کې دکابل دخلکو استازي عرفان الله عرفان له باختراژانس سره په تيلفوني اړيکه کې  وويل  چې ددغه مقام دوو مخکښو نوماندانو لپاره دراى ورکونې صندوقونه ايښودل کېږي .
ده زياته کړه چې دغه راى  اخستنه  دهغو دوو نوماندانو په باب  ترسره کېږي چې په پخوانى  راى اخستنه کې ددغې څوکۍ دڅلورو نورونوماندانو له جملې څخه زياتې  راى ترلاسه کړي .
دعرفان دڅرګندونوله مخې، دغه مخکښ نوماندان يو رحمان الله رحماني اوبل کمال ناصر اصولي  دى .
ديادونې وړ ده چې دوروستيو پايلو  په اعلام کې  ځنډ ددې سبب  شو چې دولسي جرګې اوولسمه کاري دوره دغويي دمياشتې په  ١٦ نيټه پرانستل شي .
  ختم_ ف – اکرم

 

کابل باختر دثور ٢٨ مه :
د افغانستان د اسلامي جمهوریت جمهوررئیس محمداشرف غني نن سهار په چهار چنار ماڼۍ کې د صنعت اوونۍ د نمانځنې د پرانیستې په مراسمو کې ګډون او وینا وکړه.
په دغو مراسمو کې چې یو شمېر صنعتکارانو، پانګه والولو او د هېواد د سوداګرۍ او اقتصاد سکتور مسوولینو حضور درلود، په پیل کې د صنعت او سوداګرۍ وزارت سرپرست اجمل احمدي وویل، صنعت د اقتصادي ودې په ښه والي او د صادراتو په زیاتوالي کې اساسي رول لري.
د صنعت او سوداګرۍ وزارت سرپرست وویل، دا وزارت د صنعت د ودې لپاره پر درې عمده اصلونو چې د سوداګرۍ وضعیت ښه والي، له واردونکي څخه په صادرونکي هیواد د افغانستان بدلولو او د زیربناوو انکشاف څخه عبارت دی تمرکز لري. هغه همدارنګه د لاسته راوړنو او اصلاحاتو یادونه وکړه او زیاته یې کړه، د هیواد صادرات یو میلیارد ډالرو ته رسېدلي او هدف دادی چې په راتلونکو دوو کالو کې دوه میلیارد ډالرو ته ورسېږي.
د هیواد جمهوررئیس ټولو صنعتکارانو ته د صنعت اوونۍ مبارکي وویله او زیاته یې کړه، صنعت او صنعتکار د اوسني افغانستان واقعیتونه دي، نن خیالي صنعتکار نه لرو، د صنعتکارانو فعالیت، پانګه او اغېزې په واضح ډول د اندازه کولو وړ دي.
جمهوررئیس غني وویل، افغان پانګه وال په بېلابېلو برخو کې له پانګونې سره د هیواد برخلیک بدلوي او دا د برخلیک بدلون مثبت بدلون دی. هغه زیاته کړه، د خوښۍ ځای دی چې د هیواد د صنعت او تولیداتوپه برخه کې مدیریت افغاني شوی او دا د دې ښکارندوی دی چې زموږ پانګوال او صنعتکاران د هیواد لوستي قشر ته د مسلکي، دوامدار او باعزته کار زمینه برابروي.
د هیواد جمهوررئیس د صنعت د ودې اړتیا ته په اشارې وویل، د افغانستان صنعتي پالیسي بهرني سلاکاران نه جوړوي، هره پالیسي چې په دې هیواد کې چلېږي باید خپله افغانان یې جوړه کړي. هغه همدارنګه څرګنده کړه، دولت باید له مخکېني فکر څخه راووځي، پانګه وال او صنعتکار خپل انکشافي بنیادي شریک وبولي، د دولت واقعي او اوږدمهالي شریکان پانګه وال او صنعتکاران دي.
جمهوررئیس غني وویل، په تېرو څلورنیمو کلونو کې د پانګونې محیط بشپړ بدل شوی، د خصوصي سکتور او دولت تر منځ متقابل درناوی ایجاد شوی. هغه زیاته کړه، اقتصادي خپلواکۍ ته د رسېدو او د پانګونې ستونزو د حل لپاره اړتیا ده چې یو بل ته غوږ ونیسو.
د هیواد جمهوررئیس وویل، فرصت شته چې په صنعتي انقلاب کې د هیوادونو له تجربو استفاده وکړو او د صنعت د ودې لپاره یې په بشري قوا پانګونه مهمه وبلله. هغه زیاته کړه، زموږ پوهنتونونه او ښوونځي د هیواد له صنعتي پالیسي څخه لیرې کېدای نشي او باید زموږ د صنعتي پالیسۍ له ارکانو څخه وي.
جمهوررئیس غني د  امنیت، د برېښنا د بیې د لوړوالي، د تعرفو د بیاکتنې او صنعتي پارکونو کې د ځمکې د وېش په برخو کې د صنعتکارانو او پانګه والو ستونزو ته په اشارې اړوندو ادارو ته په دې برخو کې لازمې لارښوونې وکړې.
جمهوررئیس وویل، هیڅوک د مشروعي پانګه ونې مخه نشي نیولی، ټول وزارتونه، ادارې او دولتي مامورین د پانګونې لپاره د اسانتیاوو برابرولو مسوول دي.
په پای کې د سوداګرۍ او صنایعود خونې رئیس شېرباز کمین زاده، د سوداګرۍ او صنایعود خونې مرستیال او د ښځو د سوداګرۍ خونې رئیسې منیژه وافق وویل، د سوداګرۍ او اقتصاد په سکتور کې ساختاري اصلاحات د دې لامل شوي چې افغانستان اووه سلنه کې صنعتي وده ولري. # پاى- فضل واحد

 

ننګرهار- باختر دثور ٢٨ مه :
دننګرهارولایت دکامې دولسوالۍ په مربوطاتو کې نن سهار  په اتو بجو دملی اردوجلب اوجذب قوماندانی پرسونل سیمی ته دنوي پرسونل دجذب په موخه ورغلي وو چی موټر سایکل سپرو کسانو دخلکوله ګڼه ګوڼی څخه په استفادی په یادومنسوبانواوملکی وګړولاسي بم وغورځاوه ، چې له امله یې درې تنه ملکي وګړي ، یوتن بریدمل اویوتن سرتېرې برسيرن ټپیان شوي دي.
بم غورځوونکی له سیمې څخه په تېښتې بریالی شوی،خو د امنیتي ځواکونو له خوا یې د نیولو هڅې دوام لري پاى- فضل واحد .

Saturday, 18 May 2019 04:07

مطبوعاتي اعلاميه

کابل باختر دثور ٢٨ مه :
په هلمند کې په ملي پولیسو د هوايي عملیاتو په اړه مطبوعاتي اعلامیه
تیره پنجشنبه د ۱۳۹۸ ل کال د غويي په ۲۶ مه د قاطع ملاتړ ماموریت، د هوايي عملیاتو په ترڅ کې چې د هلمند ولایت په نهر سراج ولسوالۍکې یې ترسره کړل ، سهوا یو شمیر افغان ملي پولیس په نښه کړي وو.
سمدلاسه، د ملي امنیت شورا دفتر د پيښې د دقیقې څیړنې لپاره یو مسلکي هئیت وګوماره چې د پیښې هر اړخیزه څیړنه وکړي او لازم تدبیرونه ونیسي تر څو په راتلونکې کې د دا ډول پېښو مخنیوی وشي. همدارنګه د هلمند ولایت رهبري او د عامې روغتیا وزارت ته مو لارښوونه کړې چې په پیښه کې د ټپیانو په سمه توګه درملنه وکړي او د اړتیا پر مهال د لا ښې درملنې لپاره یې کابل ته انتقال کړي. لومړنۍ موندنې ښيي چې د برید لپاره ناسم کوردینات شریک شوي وو، نور معلومات به د څیړنو تر بشپړیدو وروسته شریک شي.
د ملي امنیت سلاکار ډاکتر حمدالله محب په دې پیښه ژوره خواشیني څرګندوي او د ۶۰۱ لویې لارې د کنډک قومندان سمونوال ګران حبیب په شمول د نورو شهید شویو سرتیرو کورنیو ته د خپلې خواخوږۍ او ډاډګیرنې مراتب وړاندې کوي او ټپیانو ته د عاجلې روغتیا هیله لري.
افغان ملي امنیتي او دفاعي ځواکونه شپه او ورځ د خپل ولس، ځمکنۍ بشپړتیا او ملي حاکمیت څخه په کلکه دفاع کوي، او د ټولو کورنیو او بهرنیو ګواښونو د شنډولو لپاره او په دې لاره کې د هیڅ ډول قربانیو څخه ډډه نه کوي.#پاى-فضل واحد

کابل باختر دثور ٢٨ مه :
دعدليې وزارت دافغانستان دسولې او پرمختګ  داسلامي حزب سياسي  ګوند ته دفعاليت جواز ورکړى دى .
  دباختر اژانس دخبرله مخې، دغه ګوند ته دعدليې وزارت د سياسي ګوندونو  او ټولنو دسمون ، څيړنې اوثبت په رياست کې دقانوني  پړاونو له تيرولو وروسته دفعاليت جواز ورکړ شوى دى .
  ختم_ عطاالله _ اکرم

کابل باختر دثور ٢٨ مه :
دهرات ولايت په کرخ ولسوالۍ کې داوبو لګولو داوو شبکو دبنسټ ډبرې کېښودل شوې .
دهرات ولايت  دکرنې اوبو لګولو او مالداري رياست  له دويم ملي لومړيتوب سره  دملاتړ دپروګرام په همکارى دکليوالي  کورنيوداقتصادي حالت دپرمختيا او د خوراکي  خونديتوب دښه والي په مقصد داوبو لګولو داوو شبکو دبنسټ ډبرې چې د ( بنفشک ، غيزان ،چالستان ، پشت اب ماش ، پشت سر  اسياب  مجغندک ، کج جوي  ياعلي افغان اوجنده خان )  شبکې پکې شاملې  دي  دهرات ولايت دکرخ په ولسوالۍ کې  کېښودې .
ددغو شبکو ټوليز اوږدوالى څه دپاسه اووه ويشو کيلومترو ته رسيږي او کابو درې زره  اووه سوه اتيا کورنى  تر پوښښ لاندې  نيسي چې دکرخ ولسوالۍ په کچه په سلګونو زره هکتاره  کرنيزه ځمکه خړوبوي ،داوبو لګولو   ددغو شبکو ټول لکښت کابو سل مليونه افغانۍ اټکل شوي دي .
دهرات دوالي وياندجيلاني  فرهاد باختراژانس ته وويل چې داوبو لګولو ددغو شبکو په پخولو سره نه يواځې له اوبو څخه دګتې اخستنې داغيزمتوب  نوي  تکنالوژى  ټولنو ته معرفي کېږي. بلکې له نوي څخه تر سل سلنې پورې د اوبو دضايعاتو مخه نيول کېږي او دکليو او باندو اوسيدونکوته هم کاري زمينه برابرېږي  سربيره  پردې داوبو لګولو  ددغو شبکو  پخول  ساحه له لسو څخه تر پنځلسو سلنو پورې خړوبېږي او دکرنيزو حاصلاتو کچه هم له پنځلسو څخه تر شلو سلنو پورې لوړوي .
  ختم_ ف _ اکرم

 

کابل باختر دثور ٢٨ مه :
شپږ تنه وسله وال طالبان  په هلمند ولايت کې دپوځيانو په بريد کې ووژل شول .
په دغو طالبانو نن سهار لښکرګاه ښار ته څيرمه هغه وخت بريد وشوچې په ډار اچوونکو فعاليتونو بوخت وو .
دهېواد په جنوب کې  دملي اردو يوه جګپوړي  قوماندان باختراژانس ته وويل چې دپوځيانو په دغه بريد کې ددوو ځانمرګو يرغلګرو  په ګډون شپږ تنه وسله وال طالبان ووژل شول .
ده وويل دغه وسله وال طالبان غوښتل  په لښکرګاه ښار کې د  يوه ځانمرګي بريد زمينه برابره کړي  چې په دوى بريد وشو .
  ختم_ عطاالله _ اکرم

کابل باختر دثور ٢٨ مه :
دداعش دډلې يوه جګپوړي قوماندان له اتو تنو افرادو سره په ننګرهار ولايت کې دپوځيانو په هوايي بريدکې ووژل شو .
په مولوي  ابوذر تيره شپه په خوږياڼۍ  ولسوالۍکې ددوى په پټنځي  د ناتو دبې پيلوټه الوتکې له خوا بريد وشو.
دهېواد په ختيځ کې دملي اردو يوه جګپوړي قوماندان باختراژانس ته وويل چې په دغه هوايي بريد کې  په ننګرهار ولايت کې  دداعشيانويوه جګپوړي  قوماندان له شپږو تنو افرادو سره ووژل شو .
ده وويل  ابوذر  دننګرهار ولايت په ځينو سيموکې په څو وروستيو کلونوکې  دډار اچوونکو خونړيو بريدونو دترسره کولو مسوول و .
ختم_  عطاالله _ اکرم

 

کابل باختر دثور ٢٨ مه :
١٤ تنه په قندهار ولايت کې دجنايي جرمونو په تور ونيول شول .
پوليس وايي چې دغه کسان په تيرو  ٢٤ ساعتو کې دقندهار ولايت له ګوټ ګوټ څخه  دعملياتو او پلټنې په بهير کې  ونيول شول .
  په نيول شويو کسانو دانسان تښتونې ، غلا او دنشه يي توکو دقاچاقو تور لګول شوى دى .
په قندهار ولايت کې يوه امنيتي خبرځاى دباختراژانس خبريال ته وويل چې زياتره نيول شوي کسان په قندهار ولايت کې په لسګونو مورده جنايي جرمونو کې لاس درلوده او له ډير وخت څخه دامنيتي مامورانو تر څارنې لاندې وو .
  ختم_سعيده_ اکرم

Page 5 of 7682