16 February 2019

RSS Facebook

سوداگریز


تازه خبرونه

اووه تنه وسله وال طالبان په فارياب کې دسولې له بهيرسره  يوځاى شول .

اووه تنه وسله وال طالبان په فارياب کې دسولې له بهيرسره يوځاى شول .

کابل باختر دسلواغې شپږ ويشتمه : اووه تنه وسله و ال...

استاد دانش :  امارتي، عبوري اولنډ مهال حکومتونه  صفر نفطې  ته ستنيدل دي .

استاد دانش : امارتي، عبوري اولنډ مهال حکومتونه صفر نفطې ته ستنيدل دي .

کابل باختر دسلواغې شپږ ويشتمه : دافغانستان داسلامي جمهوريت دويم مرستيال...

جمهوررئیس غني د ترکیې د دفاع وزیر خپل حضور ته ومانه

جمهوررئیس غني د ترکیې د دفاع وزیر خپل حضور ته ومانه

کابل باختر دسلواغې شپږ ويشتمه : د افغانستان د اسلامي جمهوریت...

Youtube Player

khantry design

سوداگریز

سوداگریز

Wednesday, 13 February 2019 11:40

فرمان

کابل باختر د سلواغې څليرويشتمه :
د ١٣٩٨ کال  دجمهوري رياست دانتخاباتو په بهير کې  دمقاماتو او ددولتي  ادارو دکارکوونکو دنه لاسوهنې په باب  دافغانستان داسلامي جمهوريت درييس محمد اشرف غني فرمان .
په شفاف او عادلانه ډول  د ١٣٩٨ کال  دجمهوري رياست  د انتخاباتو دترسره کولو او دانتخاباتو په بهير کې  دمقاماتو او ددولتي ادارو دکارکوونکو  دنه لاسوهنې په منظور  ،  لاندې مراتب  منظورم .
لومړي ماده
ټول مقامات او ددولتي ادارو کارکوونکي مکلف دي دانتخاباتو په بهير کې  لاندې اصول په جدي توګه  رعايت کړي .
  ١)_ دغوښتنې په صورت کې او په انتخاباتي فعاليتونو پورې  داړوندو سپارل شويو دندو داجرا کولو په صورت کې په ډير لنډ ممکن وخت کې  دانتخاباتو  له خپلواک کميسيون سره  لازمه همکاري .
٢_ په انتخاباتي فعاليتونو پورې داړوندو  سپارل شويو دندو  داجرا کولو په وخت کې دبې طرفي داصل رعايتول .
٣_  دراي ورکوونکو  درايو داظهار يا افشاکولو په مقصد  په هغوى  دنفوذ له عملي کولو يا ټاکلي  نوماند ته دراي ورکولو لپاره  دهغو ي اړ ايستل  اويا دهر راز عمل له ارتکاب څخه ډډې کول چې دراي ورکوونکو درايو دازادي ، سري والي او مستقيم والي  داخلال سبب شي .
  ٤_  دمشخص نوماند په ګټه  داسانتياو او ددولتي سرچينو له برابرولو څخه  ډډې کول  خو داچې  دقانون له حکمونو سره سم  په مساوي  ډول برابر شوي دي
٥_ دانتخاباتو ددايمي يا لنډ مهال  کارکوونکو په توګه داستخدام په منظور  دانتخاباتو خپلواک کميسيون او دانتخاباتي شکايتونو کميسيون ته  داشخاصو  له وروپيژندلې څخه ډډې کول
٦_  دمشخص نوماند دموقف  دپياوړي کولو يا کمزوري کولو په منظور دوظيفوي  موقف څخه  نه استفاده .
٧_ دقانون دحکمونو پرخلاف  دانتخاباتو ددايمي او لنډ مهالو کارکوونکو له امر او نهې  څخه ډډې کول او هغوى ته  دسوغاتونو او تحفو نه ورکړه .
٨ _ دوسلې په لېږدونې اويا دوسله والو ساتوونکو په ملګرتيا دراي ورکوونکو  دنوم ليکنې مرکزونو او محلاتو ، دراي ورکونې او درايو دشميرنې  مرکزونو ته له ورتګ څخه  ډډې کول .
٩ _ درسمي پروژو يا غونډو  په پرانستلو کې دجمهوري رياست دانتخاباتو له نوماندانو څخه ديوه  له بلنې  څخه  ډډې کول .
١٠ _  دهغو معلوماتو ساتنه  چې دانتخاباتو په بهير کې ددندو داجرا کولو په وخت کې اويا  دانتخاباتو  دخپلواک کميسيون  له لورې  ترلاسه کوي او دهغو له خپرولو اويا مشخص نوماند ته  دهغو له وړاندې کولو څخه ډډې کول .
دويمه ماده
که چيرې مقامات  او ددولتي ادارو کارکوونکي  ددې فرمان  دلومړى مادې له درج شويو اصولو څخه  سرغړونه وکړي  ،  دعدلي تعقيب په غرض دې  واکمنو مراجعو ته وروپيژندل شي .
دريمه ماده
  دافغانستان داسلامي جمهوريت وزارتونه او ادارې  موظفې دي د ١٣٩٨ کال  دجمهوري رياست دانتخاباتو په بهير کې دمقاماتو اوددولتي ادارو دکارکوونکو  دنه لاسوهنې  لارښود چمتو  او دملي امنيت دشورا  دفتر ته يې  ولېږي .
څلورمه ماده
دغه فرمان دتوشيح له نيټې څخه  نافذ او اړوندې ادارې  دهغه  له تطبيق څخه مسووليت لري .
  ختم_  ف _ اکرم

Wednesday, 13 February 2019 11:39

فرمان

کابل باختر د سلواغې څليرويشتمه :
د ١٣٩٨ کال  دجمهوري رياست دانتخاباتو په بهير کې  دامنيتي او دفاعي ځواکونو دچلند داصولو په باب دافغانستان داسلامي جمهوريت درييس محمد اشرف غني فرمان .
لومړي ماده
  ١))  دملي دفاع او کورنيو چارو وزارتونه او دملي امنيت لوى رياست مکلف دي دانتخاباتودخپلواک کميسيون او دانتخاباتي شکايتونو دکميسيون دکارکوونکو  اودمرکزي او ولايتي دفترونو دراى ورکونې دمرکزونو اومحلاتو او درايو دشميرنې  د ډاډمن امنيت دتامينولو او د ١٣٩٨ کال دجمهوري رياست په انتخاباتو کې دخلکو دفعال ګډون په منظور  لازم تدبيرونه ونيسي .
  ٢)) دملي دفاع او کورنيو چارو وزارتونه او دملي امنيت لوى رياست مکلف دي  دانتخاباتو دخپلواک  کميسيون اودانتخاباتي شکايتونو له کميسيون سره لازمه همکارى  وکړي او ددغو کميسيون  دغوښتنې له امله اړونده امنيتي ځواکونه دهغوى  دمرکزي او ولايتي دفترونو ، دراى ورکونې دمرکزونو او محلاتو او دانتخاباتو دتدارکاتي کاروانونو دامنيت دتامينولو په منظور توظيف  کړي .
٣))  دملي دفاع او کورنيو چارو وزارتونه اودملي امنيت  لوى رياست  مکلف دي دانتخاباتو په بهير کې دښځو دفعالاو لازيات ګډون لپاره  ښځينه موظفينې دښځو دراى ورکونې په مرکزونو او محلاتو کې توظيفې کړي
دويمه ماده
امنيتي  اودفاعي ځواکونه دې دديارلس سوه اته نوي کال دجمهوري رياست  رياست دانتخاباتو دامنيت په تامينولو پورې اړوندې ورسپارل شوي  دندې  دقانون له حکمونو  سره سم او دبې طرفۍ  داصل په رعايتولو سره اجرا کړي او دهيڅ يوه نوماند پلويتوب ونه کړي
  دريمه ماده
امنيتي  او دفاعي ځواکونه دې  دورسپارل شويو دندو داجراکولو په  وخت کې دراى ورکوونکو نوماندانو ، څارونکو ، کتوونکو او دټوليزو رسنيو انساني کرامت او قانوني حقوق رعايت  کړي  تر څو هغوى وکولى شي  له خپلو قانوني حقوقو څخه ګټه واخلي .
څلورمه ماده
امنيتي او دفاعي ځواکونه مکلف دي دورسپارل شويو دندو داجرا کولو په وخت کې له هر راز قومي نژادي جنسيتي   ،سمتي ژبني  او مذهبي تبعيض او  تعصب څخه ډډه وکړي
پنځمه ماده
امنيتي او دفاعي  ځواکونه دې دديارلس  سوه اته نوي کال دجمهوري رياست  دانتخاباتو په چارو کې له لاسوهنې  څخه دډه وکړي او په خپل سر دراى ورکونې او درايو دشميرنې مرکزونو اومحلاتو ته له ورتګ څخه هم ډډه وکړي
داړتيا په صورت کې کولاى شي دانتخاباتو دخپلواک کميسيون  دمرکزي او ولايتي مسوولينو له موافقې وروسته دغو مرکزونو ته  ننوځي .
شپږمه ماده
امنيتي او دفاعي ځواکونه مکلف دي دراى ورکونې او درايو دشميرنې مرکزونو اومحلاتو ته دمقاماتو دوسله والو ساتوونکو او ددولتي ادارودکارکوونکو او دغير مسوولو وسله والو اشخاصو له ورتګ څخه په کلکه مخه ونيسي
اوومه ماده
١))  امنيتي او دفاعي ځواکونه مکلف دي  دهغو معلوماتواو سندونو محرميت چې دانتخاباتو خپلواک کميسيون يې دوظيفوي  غوښتنو له مخې هغوى ته وړاندې کوي وساتي او يواځې دموافقه شويو موخو دتحقق په منظور دې ګټه واخلي اونه شي کولاى هغه خپاره يا مشخص نوماند ته يې وړاندې کړي
  ٢))  امنيتي او دفاعي ځواکونه مکلف دي دهر راز اطلاعاتو دترلاسه کولو په صورت کې چې په انتخاباتي فعاليتونو باندې اغيزمن دي .
هغه  په ډير لنډ  ممکن وخت کې دانتخاباتو دخپلواک  کميسيون مرکزي  يا ولايتي مسوولينو ته وړاندې کړي .
اتمه ماده
امنيتي او دفاعي ځواکونه دې دورسپارل شويو دندو داجرا کولو په وخت کې په هڅو او هاند سره دهغو قهرچجنو او له  تاوتريخوالي څخه دډکو ډله ئيزو حرکتونو چې دکړکيچ  اړو دوړ او دعامه نظم اوامن داخلال او دانتخاباتو دبهير دګډوډيدو سبب شي  مخه ونيسي او لازم او مخکني تدبيرونه دې ونيسي .
نهمه ماده
امنيتي او دفاعي ځواکونه مکلف دي  دانتخاباتو په ټول بهيرکې دانتخاباتو دخپلواک کميسيون اودانتخاباتي شکايتونو دکميسيون له کارکوونکو ، راى ورکوونکو ، نوماندانو  څارونکو ،کتوونکو  ټوليزو رسنيو او دانتخاباتو په بهير کې له نورو ښکيلو اشخاصو سره له نيک چلنداوښو اخلاقو  څخه کار واخلي .
لسمه ماده
امنيتي اودفاعي ځواکونه مکلف دي  دديارلس سوه اته نوي کال دجمهوري رياست دانتخاباتو په  بېلابېلوپړاونو کې دبې نظمي او اړو دوړ رامنځته کيدو په وخت کې حالات دوسلې له کارولو اوتاوتريخوالي پرته ترکنترول لاندې ونيسي  اونظم اعاده کړي .
يوولسمه ماده 
که چيرې  امنيتي او دفاعي ځواکونه ددې فرمان له  درج شويو اصولو څخه سرغړونه  وکړي دسرغړونې او داثباتيه سندونواو مدارکو دشتون دتثبيت په صورت کې دعدلي تعقيب په غرض واکمنو مراجعو ته وروپيژندل شي .
دولسمه ماده
دملي دفاع اوکورنيو چارو وزارتونه او دملي امنيت لوى رياست موظف دي دديارلس سوه اته نوي کال دجمهوري رياست دانتخاباتو په بهير کې  دامنيتي ځواکونو دنه لاسوهنې  لارښود چمتو او دملي امنيت دشورا دفتر ته ولېږي
دغه فرمان دتوشيح له نيټې څخه  نافذېږي .
  ختم_  عطاالله _ اکرم

 

Wednesday, 13 February 2019 11:39

نوي ټاکنه

کابل باختر د سلواغې څليرويشتمه :
دافغانستان داسلامي جمهوريت دجمهور رييس محمد اشرف  غني له فرمان سره سم محمد موسي هوټک د ١٣٩٨ هجري لمريز کال له پيل څخه په قومي چارو کې دجمهوري رياست  دسترسلاکار په توګه ټاکل شوى دى .
دغه راز په قومي چارو کې دجمهوري رياست دستر سلاکار  بست له مافوق رتبې څخه بهر رتبې ته لوړ کړى شو .
  ختم_ ف _ اکرم

کابل باختر د سلواغې څليرويشتمه :
دلومړى ځل لپاره  دبادغيس ولايت داطلاعاتو اوفرهنګ رياست په نوښت پرون په دغه ولايت کې اطلاعاتو ته دلاسرسي کميسيون جوړ شو .
  دباختراژانس  دسيمه ئيز خبريال دخبرله مخې،  دبادغيس ولايت داطلاعاتو او فرهنګ رييس روح الامين حبيبي وويل  چې دغه  کميسيون  له قانون سره سم په اړتياوړ  معلوماتو دهېوادوالو  دښه لاسرسي   په مقصد جوړ شوى دى او دهېواد ټول اتباع داساسي قانون دپنځوسمې مادې  له  ٣ فقرې  سره سم   له ټولو دولتي  ادارو څخه هر راز معلوماتو ته دلاسرسي  حق لري .
  ددغه کميسيون  په لومړي غونډه کې دټولپوښتنې له لارې ددغه کميسيون  رييس مرستيال  او منشي  دهغه له غړو څخه  انتخاب شول 
په دې غونډه کې  ددولتي ادارو  اودمدني ټولنې  يوشمير مسوولينو او درسنيو خبريالانو او کارکوونکو ګډون کړى و .
  ختم_ عطاالله _ اکرم

کابل باختر د سلواغې څليرويشتمه :
دکندز ولايت ترک توکمو مشرانو او مخورو دمشورتي لوى جرګې  له جوړولو سره   چې دجمهور رييس له لورې  دسولې  داعاده کولو په موخه يې  لارښوونه شوې ده  خپل ملاتړ اعلام کړ .
دباختراژانس دخبرله مخې، دکندز ولايت دمرکزاو اړوندو ولسواليو دترک توکمو دقوم يوشمير مشرانو ،عالمانو او ځوانانو ددغه ولايت له والي عبدالجبار نعيمي  سره په کتنه کې  په داسې حال کې چې دکندز دولايتي  شورا رييس محمد يوسف ايوبي هم شتون درلود په هېواد کې  دسولې دټينګښت په باب  د مشورتي لوى جرګې دجوړولو له طرحې سره خپل ملاتړ اعلام کړ .
دوى ژمنه وکړه چې په ټول قوت او توان سره له نظام سره  دملاتړاودملي ګټو دساتنې لپاره  دکندز  دسيمه ئيزې ادارې سره هر راز همکارى او مرستې ته تيار دي .
  ددغې غونډې برخه والو ټولو په يوه غږ جګړې او تاوتريخوالي ته نه وويل  او ټينګار يې وکړ چې ګام په ګام  دستونزو دحل کولو په برخه  کې له دولت سره ګډ کار کوي او له دولت سره خپل ملاتړ اعلاموي .
  دکندز والي  عبدالجبار نعيمي  په دې غونډه کې  په هېواد کې  روانه جګړه په تاريخ کې دبې شرمۍ يو داغ وباله او زياته يې کړه چې تپل شوې   جګړه هغه  وخت پاى ته رسېږي چې ټول خلک دسولې او ټيکاو  لپاره په متحد او صادقانه ډول ګام واخلي او په بشپړ  صداقت سره کار وکړي .
  ختم- ف _ اکرم

کابل باختر د سلواغې څليرويشتمه :
ټاکل شوې ده  په نږدې راتلونکې  کې په هرات ښار کې  دوه سترې تفريخي  او ورزشي ساحې جوړې شي .
دباختراژانس دسيمه ئيز خبريال دخبرله مخې ،  هرات ولايت ته دښار جوړولو وزارت او دبدنې او روزنې دملي ادارې دهيئتونو له سفر سره جوخت ددغو  ساحو دجوړولو ځايونه تثبيت شول .
دهېواد دښار جوړلو وزارت سرپرست  جواد پيکار او دبدنې روزنې او ورزش رييس حفيظ  الله ولي  رحيمي دهرات له والي عبدالقيوم رحيمي  سره په کتنه کې  ددغو مرکزونو دجوړولو موخه دورزشي  فعاليتونو دمناسبې زمينې برابرول او دهېوادوالواو کورنيو دتفريح په خاطر  دخوندي اماکنو  جوړول اعلام کړل .
  ختم_ عطاالله _ اکرم

کابل باختر د سلواغې څليرويشتمه :
دغزني والي وايي چې په ادارو کې دجندر داصل پرتطبيق او له ښځينه کارکوونکو سره دتوپيري چلندونو په مخنيوي ژمن دى .
دباختراژانس دسيمه ئيز خبريال دخبرله مخې، دجندر دولايتي کميټې په هغې غونډه کې چې پرون دغزني ولايت مسوولانو په شتون جوړه شوې وه دغزني والي وحيد الله کلميزي  له ښځينه کارکوونکوسره په مناسب چلند او دادارو دکارونو په ترسره کولو کې په همکارى باندې ټينګار وکړ او ويې ويل چې په ځينو ادارو کې له ښځينه  کارکوونکو سره دتوپيري چلند  له امله محدود شکايتونه شتون لري چې دمنلو او زغم وړ نه دى ده دغه راز په ادارو کې دجندر يا دجنسيت دبرابرى داصل په تطبيق او رعايتولو باندې ټينګار وکړ او زياته يې کړه اړينه ده  چې ټول له يوبل سره په هغو عواملو کار وکړو او دحل لارې چارې  ولټوو چې دښځو دکار زده کړې اوفعاليتونو خنډ کېږي .     ختم_ عطاالله _اکرم

کابل باختر د سلواغې څليرويشتمه :
په پنجشير  کې ديوې کورنى غړي وينې ورکوونکې ټبې ته په ورته ناروغى اخته شول او يوغړى يې پرون له منځه لاړ .
دباختراژانس دسيمه ئيز خبريال فياض رحيمي دخبرله مخې،  پنجشير ولايت ددرې ولسوالۍ په مربوطاتو کې ددغې کورنى ټول غړي په هغې ناروغى اخته شوي دي چې وينه ضايع کوي .
دپنجشير ولايت دعامې روغتيا  رييس ډاکتر شيردل دانش وويل چې په دغې ناروغى اخته کسان ددغه رياست دروغتيايي ټيم په واسطه دکابل  ښارانتاني روغتون  ته لېږدول شوي دي خو يوتن يې چې زياته وينه يې ضايع کړې وه مړ شو .
ده زياته کړه ښايي چې ددغې کورنى  غړي دايبولا په ناروغۍ اخته شوي وي خو دکابل ښار دانتاني  روغتون سرطبيب  ډاکتر مموزي  باختراژانس ته وويل چې تراوسه پورې دناروغى څرنګوالى مشخص شوى نه دى خوښايي  چې دغه ناروغ په وينې  ورکوونکى تبې اخته شوي وي.
ده وويل ديوې کورنى  لس تنه غړي چې ښځې او ماشومان هم پکې شامل دي پرون له پنجشير څخه دغه روغتون ته ولېږدول شول  خو يوتن يې دزياتې وينې توييدو په نسبت مړ شو  خو نور دغه ناروغان ترجدي مراقبت لاندې دي او دهغوى دژغورنې لپاره به له هر امکان څخه کار واخستل شي .
ډاکتر مموزي  وويل چې همدا اوس دناروغۍ دڅرنګوالي  د موندلو لپاره کار جريان لري او ټول اخته کسان تر درملنې لاندې دي .
  ختم_ عطاالله _اکرم

کابل باختر د سلواغې څليرويشتمه :
دانسان دقاچاقو په  منفي عوارضو دخلکو دپوهاوي او دهغو  دمخنيوي د لارو چارو دلټولو  په مقصد پرون په بلخ کې  يوه غونډه جوړه شوه .
دباختراژانس دخبرله مخې، په هغې غونډه کې چې دمزارشريف په ښار کې جوړه شوې وه دبلخ ولايت دعدليې رييس  امين الله امين له هېوادڅخه دمهاجرت عوامل بيان کړل او زياته يې کړه چې بې وزلي او دخلکو ناپوهې په هېواد کې دانسان دقاچاقو سبب کېږي چې دانسان دقاچاقوپه مخنيوي  کې  له امنيتي بنسټونو  سره دخلکو همکاري مهمه ده .
  دبلخ ولايت دمهاجرينو رييس سيد مسعود قادري هم دمهاجرينو او دهغوانسانانو دلارې پرسر  پرتې ننګونې چې  دقاچاقو قرباني کېږي بيان کړې او ويې ويل چې اړونده اداره  له نورو مسوولو بنسټونو سره دپوهاوي پروګرامونه  عملي کوي چې مهاجرتونه قانوني شي .
  ختم_ عطاالله _ اکرم


 

کابل باختر د سلواغې څليرويشتمه :
چين  دافغانستان او پاکستان  ترمنځ دسرحدي بندرونو دهرکلي په مرکزونو کې دڅښاک داوبو او عصري  سړو خونو دستګاوې  جوړ او دروي .
  چينايي مقاماتو  ويلي دي چې ددغې پروژې  موخه هغو سوداګريزو کاروانونو او لسګونو زرو مسافرانو ته دښو خدمتونو وړاندې کول دي  چې هره ورځ په دغو بندرونو کې تګ راتګ ګوي .
بيجينګ  چې له افغانستان او پاکستان سره ښبې اړيکې  لري په دې وروستيو  وختو کې دکابل او اسلام اباد ترمنځ دکړکيچنو  اړيکو دښه والي په تيره بيا دوسله والو  طالبانو له ډلې سره دسولې  دخبرو په برخه کې  ديپلومايتک او  اقتصادي  نوښتونه ترلاس لاندې نيولي دي .
په اسلام اباد کې دچين دسفارت  مرستيال ژاوليجيان  دامريکا غږ  ته ويلي دي چې دسرحدي پراختيا پروګرام دچين ، افغانستان او پاکستان دبهرنيو چارو دوزيرانو ترمنځ دوروستيو خبرو ثمره ده چې څه موده مخکې په کابل کې ترسره شوې وې .
ده وويل چې ددغه اقدام موخه دافغانستان اوپاکستان ترمنځ د اړيکو ښه والى دى .
په پاکستان کې دچين دسفارت مرستيال وويل چې دتورخم اوچمن  په سرحدي بندرونوکې عصري سړې خونې  جوړې شوې دي او دشمالي وزيرستان په غلام خان بندر کې دڅښاک دروغتيايي اوبو دسګاوې درولې کېږي ويل شوي دي چې دغه تاسيسات به دپاکستان په قلمرو کې جوړ شي .
سره له دې چې دافغانستان اوپاکستان ترمنځ دسوداګرسى کچه دڅو وروستيو کلونو دسياسي  ناخوالو په دليل بيخي  ټيټه شوې ده لاتراوسه پورې هم پاکستان دافغانستان دميوو او سبو مهم پيرودونکو دى او داټکلونو له مخې دپاکستان  دسبو او ميوو کابو نوي سلنه صادرات پاکستان ته کېږي .
سربيره پردې هره ورځ  کابوشپيته  زره تنه دافغانستان او پاکستان ترمنځ سرحدي بندرونوکې تګ راتګ کوي .
ژاوليجيان ويلي دي چين په پام کې لري  تر څو دچين  پاکستان اقتصادي  دهليز چې ديو کمربند يوې لارې دنوښت يوه  برخه ده دافغانستان په لور پراختياورکړي او له دې لارې مواصلاتي لارې دمرکزي اسيا له بازارونو سره ونښلوي .
  ختم_ ف _ اکرم

Page 6 of 7380