23 February 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل \ باختردکب دمياشتې  ٢ نيټه :
د سرپل  ولايت پوليسو  پرون  يو سړى د خپلې ځوانې ميرمني  د وژنې په تور ونيوه.
د سرپل د والي وياند ذبيح الله اماني دباخترآژانس خبريال ته وويل ؛ چې دغه سړي خپله ٣٥ کلنه  اميدواره ميرمن د سرپل ښارپه  دشت پکاب کلي کې دتومانجې په ډزو سره ووژله .
اماني زياته کړه ؛ له دغې ميرمنې څخه يو، يو نيم کلن ماشوم پاتي  دى  او د دغې وژنې علت کورنى تاوتريخوالي او بيوزلي بلل شوې ده .
د سرپل د ښځو چارو ريېسي نسيمه  آزرو  وايي دغه  ميرمن څه موده  مخکې دغې ادارې ته راغلې وه  او له خپل  ميړه څخه يې دبيلتون  غوښتنه  کړي وه، خو  بيا بېرته  موافقې ته رسيدلي وو. پاى\ سعيده\ ذ

کابل \ باختردکب دمياشتې  ٢ نيټه :
دکاپيسا ولايت پوليسو پرون  شپږ تنه  چې غوښتل يې ځانمرګي بريدونه ترسره کړي ژوندي  ونيول.
دکاپيسا ولايت امنيه قوماندان محمدرازق يعقوب باخترآژانس ته وويل ؛  يوې ډلې تروريستانو  چې غوښتل يې په  چاوديدونکوتوکو بار موټر  دکاپيسا ولايت  په مرکز پورې اړوند دنواباد په کلي کې و چووي  دپوليسوله خوا ونيول شول .
يعقوب  زياته کړه، ددغو ډاراچوونکو دنيولو په  عملياتو کې يو تن ډار اچوونکى ووژل شو او شپږ تنه نور يې ونيول شول او د هغوى يوه اندازه وسلې او مهمات  هم  دپوليسو لاسته ورغلي دي .
خبرځاى زياته کړه چې، دغو کسانو دکاپيسا ولايت دمرکزمحمودراقي ښار  د دويمې ا منيتي پوستې د آمر په وژنه کې هم لاس درلود.
دمحمود راقي ښار د دويمې امنيتي پوستې آمر څه موده مخکې په دغه ښارکې  د ډار اچوونکوله خوا شهيد کړاى شو.پاى\  ج \ ذ

کابل \ باختردکب دمياشتې  ٢ نيټه :
دملي دفاع وزارت امنيتي او دفاعي  ځواکونو  د هېواد په ځينو سيمو کې د
چاڼيزوعملياتو په بهيرکې دپنځلسوتنو تروريستانو دوژل کيدو خبر ورکړ.
باخترآژانس دملي دفاع وزارت  د يوې خبرپاڼې له خولې خبر راکړ .
دهېواد امنيتي او دفاعي ځواکونوپه تيرو ٢٤ ساعتو کې دهېواد په بيلابيلو سيمو کې چاڼيز عمليات  ترسره کړي چې، په نتيجه کې يې پنځلس تنه ډار اچوونکي وژل شوي  ، پنځه  تنه ټپيان شوي  او اته  تنه  ژوندي نيول شول دي.
دغه  عمليات  دننګرهار ، لغمان ، خوست ، غزني ، قندهار ،هرات ، غور ، فارياب ، تخار ، نيمروز او د هلمند په ولايتونو کې  دهېواد دتوپچي او هوايي ځواکونوپه  ملاتړ ترسره شوي دي.
دغه  راز په دغو عملياتو کې د دښمن يوه  اندازه سپکې او درندې وسلې ، موټرونه  او موټرسايکلونه  هم  له منځه   وړل شوي دي.پاى \ج\ذ

Wednesday, 21 February 2018 12:52

د اسعارو بيه

کابل\باختر\ د کب د مياشتې٢مه
د کابل د شهزاده سراى د صرافانو د رييس د معلوماتو له مخې، نن له غرمې مخکې د بهرنيو پيسو په مقابل کې د افغانۍ ارزښت په دې ډول دى:
يو امريکايي ډالر پيرودل په 20/69  افغانۍ
يوانګليسي پونډ پيرودل په 96/50افغانۍ
يوه يورو پيرودل په 85/15 افغانۍ 
يو سعودي ريال پيرودل په  18/30افغانۍ
د اماراتو يو درهم پيرودل په 18/70 افغانۍ
زرپاکستانۍ کلدارې پيرودل په 611 افغانۍ
زر هندۍ کلدارې پيرودل په 1085 افغانۍ
زر ايراني تومان پيرودل په 14/70 افغانۍ
يو روسي روبل پيرودل په 1\20 افغانۍ        
پاى-سعيده

Wednesday, 21 February 2018 12:52

د هوا حالات

کابل\باختر\ د کب د مياشتې ٢مه
د هوا پوهنې ادارې په راتلوونکوڅلور ويشتو ساعتوکې د هېواد د ځينو سيمو د هوا حالات د سانتي ګراد په حساب په دې ډول اټکل کړي دي:
کابل- آسمان شين ، د تودوخې لوړه درجه١٤، ټيټه ٣
شمالي سالنګ- آسمان شين، دتودوخې لوړه درجه ٧-، ټيټه ١٧-
جنوبي سالنګ- آسمان شين ، د تودوخې لوړه درجه ٥-، ټيټه  ١٥-
قندهار- آسمان شين ، د تودوخې لوړه درجه ٢٧، ټيټه ٦
باميان- آسمان شين ،  د تودوخې لوړه درجه ١٣، ټيټه ١
هرات- آسمان وريځ، د تودوخې لوړه درجه ٢٥ ټيټه ٦
فراه- آسمان وريځ ، د تودوخې لوړه درجه٣٠، ټيټه ١٤
مزارشريف- آسمان شين، دتودوخې لوړه درجه  ١١، ټيټه٥
کندز- آسمان شين ، د تودوخې  لوړه درجه١٥، ټيټه٨
جلال آباد- آسمان شين ، د تودوخې لوړه درجه ٢١، ټيټه ٧
غزنى- آسمان شين ، د تودوخې لوړه درجه ٩، ټيټه ١-
لښکرګاه- آسمان شين ، د تودوخې لوړه درجه ٣٠، ټيټه ١٥
خوست- آسمان شين ، د تودوخې لوړه درجه١٩ټيټه٥
جبل السراج- آسمان شين ، دتودوخې لوړه درجه ١٥، ټيټه ١
ميمنه- آسمان شين ، د تودوخې لوړه درجه ٢٥، ټيټه ٥
تالقان- آسمان  شين ، د تودوخې لوړه درجه ١٩، ټيټه ٩
فيض آباد_ آسمان شين ، د تودوخې لوړه ١٦،ټيټه ٥
لوګر- آسمان شين ، د تودوخې لوړه درجه ١٨، ټيټه ٤
قلعه نو- آسمان وريځ ، د تودوخې لوړه درجه ١٢، ټيټه ٣
فيروزکوه- آسمان وريځ، د تودوخې لوړه درجه ١١، ټيټه ٢
شبرغان،- آسمان شين ، د تودوخې لوړه درجه ٢٠، ټيټه ٢
په کابل کې به سبا لمر په ٦ بجو او٣١ دقيقو را وخيږي او په ٥ بجو او ٤٢ دقيقوبه ولويږي.
ختم _  سعيده                     

کابل\باختر\ د کب د مياشتې٢ نيټه
په نړيوالو بازارونوکې نن يو انس سره زرپه ١٣٢٦ډالرو وړاندې کيږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يو ګرام مصري سره زر په٣٠٠٠ افغانيو، کويټي په٢٨٥٠ افغانيو،سنګاپوري په٢٩٠٠ افغانيو،  بحريني په٢٤٠٠ افغانيو، عربي په٢٤٥٠ افغانيو، ايراني په٢٢٥٠ افغانيو او يو ګرام روسي په ١٩٥٠افغانيو پلورل کيږي.   پاى / سعيده  

 

کابل/ باختر/ د کب د مياشتې ٢ نيټه
نن دکب د مياشتې٢ نيټه د کابل ښار په بازارونوکې د اړتيا وړلومړنيو توکو بيې په دې ډول دي:
يوه ٢٥کيلويي بورۍ اعلى وريجې  ٢٢٥٠ افغانۍ
يومن شوله يي وريجې    ٢٨٠ افغانۍ
يو من بوره       ٢٤٠ افغانۍ
يو من وطنى مى      ٤٠٠ افغانۍ
  يو شپاړلس  ليتره پيپ غوړي    ١٠٤٠ افغانۍ
يوه پنځوس کيلويي بورۍ اوړه    ١١٠٠ افغانۍ
يو من وطنى لوبيا     ٧٣٠ افغانۍ
يو من وطنى نخود      ٦٨٠ افغانۍ
دغه راز، يو کيلوګاز ٥٢ افغانۍ، يو ليتر پترول ٤٥ افغانۍ او يو ليتر ديزل په٤٥ افغانۍ پلورل کيږي.    پاى-سعيده  
    

کابل باختر د کب  دويمه :
په ننګرهار ولايت کې دوهم  ډله يېز قبر کشف شو.
  دا دويم ډله ييز قبر دى  چې د څه ناڅه يوې اوونۍ په بهير کې په دغه ولايت کې کشفيږي .
  له دغه ډله ييز قبر څخه  دلسګونو تنو قربانيانو پاتي شونې ترلاسه شوي دي .
  چې ويل کيږي  د داعش د ډلې له خوا  نيول شوي  او وژل شوي دي .
  د ننګرهار د والي وياند  عطاالله خوږياڼې  باختراژانس ته وويل  چې، له دغه ډله ييز قبر څخه  د لسګونو تنو ملکي وګړو مړي  چې په ډزو سره وژل شوي  ترلاسه شوي دي .
  د رارسيدلو خبرونوله مخې قربانيان  څه ناڅه يونيم کال مخکې  د پاس پچير  له کلي څخه  د داعشيانو له خوا تښتول شوي و  او  د سيمې اوسيدونکو پرون  د دوى ډله ييز قبر د اچين  له سرخ اب کلي څخه کشف کړل .
د دوشنبې په ورځ هم کليوالي خلکو  د مومند له درې څخه يو ډله ييز قبر  کشف کړى وو.
له دغه ډله ييز قبر څخه  دکوټ ولسوالۍ دنهو تنو مشرانو مړي  چې د داعشيانو له خوا تښتول شوي اووژل شوي و ترلاسه شوي دي .
دننګرهار ولايت سيمه ييز مقامات وايي ، د تښتول شويو قومي مشرانو شمېر دولس تنه دى،چې تراوسه پورې د دريو تنو مړي نه دى موندل شوي .
هغه سيمې  چې دغه ډله ييز قبرونه پکې ترلاسه شوي دي  په وروستيو دوو کلونو کې  دعملياتوپه ترسره کولو سره د داعشيانو له شتون څخه پاک شوي دي .  ختم_ ج _ اکرم

کابل باختر د کب  دويمه :
شپږ تنه پاکستاني طالبان په نورستان ولايت کې له پوځيانو سره  په جګړه کې ووژل شول .
په يرغلګرو  نن سهار د ډيورنډ کرښې ته څيرمه په کامديش ولسوالۍ کې  هغه وخت  دپوځيانو له خوا ډزې وشوې  چې نوي  له پاکستان څخه نورستان ته راغلي و .
  دهېوادپه ختيځ کې دپوليسو يو قوماندان باختراژانس ته وويل  چې، په دې جګړه کې شپږ تنه  پاکستاني يرغلګر ووژل شول .
  ديوبل خپرله مخې امنيتي ځواکونو نن سهار  په نورستان ولايت کې ديولړ چاودنو مخه ونيوله .
  درارسيدلو خبرونو له مخې ، امنيتي ځواکونو نن سهار  د دغه ولايت له ګڼ ميشتو لارو څخه څلور ماينونه کشف او شنډ کړ ل.
  په افغانستان کې طالبان  زياتره په ګڼ ميشتو لارو کې  دماينونو اوبمونو  په ښخولو لاس پورې کوي چې زياتره  قربانيان يې ملکي وګړي دي .  ختم- ج _ اکرم

 

کابل باختر د کب  دويمه :
د ښځو پرخلاف  د تاوتريخوالي  دبندولو دکميسيون  اووه شپيتمه غونډه نن د هرات د والي  د مرستيالې  په مشرۍ  جوړه شوه .
  په دې غونډه کې چې د دولتي ادارو يوشمير رييسانو، د مدافع وکيلانو د خپلواکې ټولنې  مسوول  او يوشمير  ميرمنو  ګډون کړې و،د هرات د والي مرستيالې  مونسې حسن زاده د ښځو پرخلاف دتاوتريخوالي د له منځه وړلو په خاطر د ګډې مبارزې  اړتيا جدي وبلله .
د هرات ولايت دښځو د چارو  د رياست  سرپرستې  عزيزې کريمي  دتاوتريخوالي دبندولو  دکميسيون  دتيرې غونډې دتصميمونو دتطبيق په لاره کې دترسره شويو اقداماتو د طرحه کولو په ترڅ کې  د  سوځيدنې او د نسايي او ولادي  روغتونونو څخه دڅارنې کميسيون او د ناروغانو موجودې ستونزې طرحه کړې او  د روغتونونو له مسوولينو څخه يې  په دې برخه کې دناروغانو دستونزو دلرې کولو غوښتنه وکړه .
دغه راز داقتصاد د رياست استازي د هغو پروژو په باب چې په هرات ولايت کې دښځو  پرخلاف دتاوتريخوالي  دله منځه وړلو په لاره کې  فعاليت کوي  لازم معلومات وړاندې کړل .
په همدې حال کې  يوې خبريالې له کور څخه  دښځو  دتيښتې په باب  خپل تحقيقي رپوټ وړاندې کړ او له کور څخه يې دنجونو دتيښتې له پلوه خپله انديښنه څرګنده کړه  او په دې باب يې  مهم  جزئيات او شميرنې  وړاندې کړې .
  په دې غونډه کې دهرات محکمې  درياست استازي  حرفي طلاق ليکونه چې د يوشمير کورنيو له خوا برابريږي  ،  بې باوره وبلل  او  ددغه شان  خپل سرو پريکړو په بندولو يې ټينګار وکړ .   ختم_ ج _ اکرم

Page 6 of 6117