26 April 2018

RSS Facebook

سوداگریز


تازه خبرونه

فرمان

کابل باختر د ثور پنځمه : دافغانستان داسلامي جمهوريت دستر...

Youtube Player

khantry design

سوداگریز

سوداگریز

کابل – باختر دمرغومې دمياشتې ٢١
په  کابل کې دعراق سفير ارشدعمر اسمعميل نن غرمه دجمهور رييس له مرستيال محمدکريم خليلي سره وکتل.
دجمهوري رياست مطبوعاتي دفتر باخترآژانس ته خبر  ورکړ  :
په دې کتنه کې دواړو لورو  ددواړو هيوادونو ترمنځ دمتقابلو همکاريو پراختيا موضوع اودعلاقې وړ نوري موضوعګانې وڅيړل شوې او ددواړو هيوادونو ترمنځ ګډو اړخو ته په پاملرنې سره يې په سياسي ، اقتصادي او فرهنګې برخو کې  ددوه اړخيزو همکاريو په پياوړتيا  باندې ټينګار وکړ.
دعراق سفير په دغه هيواد کې دعتبات عاليات  دزيارت لپاره  دافغان زيارت کوونکو علاقمندۍ  ته په اشارې  سره په دې برخه کې دافغانستان ددولت دهمکاريو له امله  قدرداني وکړه  او دافغانستان په دولت کې يې  داړوندو ادارو له خوا افغان زيارت  کوونکو ته دويزې دصادرولو لپاره  دزياتو آسانتياو په برابرولو باندې ټينګار وکړ.
دده دڅرگندونوله مخې  :  عراق ته  دافغان زيارت کوونکو سفر کولاى شي  ددواړو هيوادونو عراق او افغانستان ترمنځ ددوستانه اړيکو دپراختيا زمينه له پخوا زياته کړي.
وروسته دجمهوررييس مرستيال محمدکريم خليلي  ددواړو هيوادونو ترمنځ  دمتقابلو اړيکو دپراختيا لپاره  دعراق دسفير دهڅو اوهاند له امله دقدردانۍ دڅرگندولو په ترڅ کې ، افغانستان او عراق لرغوني اوصميمي دوستان وبلل  او ددواړو هيوادونو ترمنځ ددوستانه اړيکو دپراختيا په لاره کې هلې ځلې يې يو لومړيتوب وباله .
دجمهوررييس مرستيال  عراق ته دافغان زيارت کوونکو دسفر په برخه کې دزياتو آسانتياو دبرابرولو ډاډ ورکړ  اوپه دې برخه کې يې دعراق ددولت دهمکاريو له امله هم مننه  او قدرداني وکړه.
دجمهوررييس مرستيال  ددواړو هيوادونو  افغانستان او عراق ترمنځ دګډو ديني ،
فرهنګي او سياسي زمينو شتون  ددواړو هيوادونو ترمنځ د دوه اړخيزو سياسي اړيکو او په بيلابيلو برخو کې  دمتقابلو همکاريو  دپراختيا په لاره کې مناسب فرصت  وباله .

کابل – باختر دمرغومې دمياشتې ٢١ :
دطالبانو يو قوماندان پرون په ننګرهار ولايت کې د ناټو په  هوايي بريد کې  ووژل شو.
په مولوى سيف الرحمن  پرون غرمه په جلال آباد ښارکې ديونس خالص  دفاميليو په نامه سيمه کې په يوه کوردناټو دبې پيلوټه الوتکو له خوا بمباري وشوه او له خپل يو تن ملګرې سره ووژل شو .
خبر ترلاسه شوى دى چې په  دې هوايي بريد کې دوه ښځې او يو ماشوم چې په زيات ګومان سره د مولوى سيف الرحمن د کورنۍ غړي دي  ټپيان شوي دي  .
دننګرهار ولايت امنيې قوماندانۍ ويندوى حضرت حسين مشرقي وال باختر آژانس ته وويل :  مولوي سيف الرحمن او يوبل يرغلګر طالب په يو کور کې ناست وو چې بريد پرې وشو او  ووژل شول.
په  جلال آباد ښار د ملکي روغتون  ډاکترانو د دغې پيښې دټپيان روغتيايي حالت خراب  وباله.
ويل شوي دي   چې  مولوي سيف الرحمن دملګروملتو په سازمان کې  دطالبانو دپخواني رژيم درابط استازې  ورور  و .
دننګرهار ولايت سيمه ييزو مسووليتو په  نوي نظر کې څرګنده کړه  چې دوسله والو طالبانو د ډلې دغه قوماندان دناټو په هوايي بريد کې وژل شوى دى.

کابل – باختر دمرغومې دمياشتې ٢١
دملي دفاع وزارت دملي اردو دشپږوتنو سرتيرو   مړينې دڅرنګوالي دموضوع د روښانولو لپاره دخوست ولايت ته يو هيت واستاوه.
دملي دفاع وزارت ويندوي جنرال عظيمي باختر آژانس ته وويل :
دغه  وزارت  وپتيله چې دملي اردو دشپږو تنو سرتيرو دمړينې موضوع د زياتې څيړنې لپاره  چې ويل کيږي  د ډبرو سکرو د دود دمسموميت له امله له منځه تللي دي ، څيړنې او تحقيق وکړي.
د عظيمي دڅرګندونو له مخې ، د ملي اردو شپږ تنه سرتيرې دافغانستان په ختيځ
خوست ښار صحر ا باغ سيمه کې دملي اردو په يو جزو تام کې د ډبرو سکرو د دود دمسموميت له امله وژل  شوي  دي.

کابل – باختر دمرغومې دمياشتې ٢١
دفارياب دولايتي شورا دسولې دکميټې د رييس مړى  پرون ترلاسه  شو.
دميمنې ښار د دويمې امنيتي حوزې آمر نظرمحمد باختر آژانس ته وويل : دفارياب د ولايتي شورا دسولې دکميټې رييس مولوى اسد الله جمالي چې درې مياشتې مخکې له ميمنې ښار څخه تښتول شوى و ،  وژل شوى او مړى يې پرون دميمنې ښار دڅلورمې ناحيې په خواجه پايتخت سيمه کې ترلاسه شو .
دقضيې په اړوند څوک نه دي نيول  شوي او په دې باب دپوليسو تحقيقات پيل شوي دي  .
ددغې انسان تښتونې علت معلوم نه دى او پوليس پيښه  څيړى.

کابل – باختر دمرغومې دمياشتې ٢١
دملي دفاع وزارت خبرځايونه وايي چې دملي اردو ځواکونو له ډار اچوونکو څخه دسيمو دپاکولو په  خاطر دميدان وردګو ولايت په مربوطاتو کې چاڼيز  عمليات ترسره کړل .
دملي دفاع وزارت دويندوي مطبوعاتي دفتر باختر آژانس ته خبر ورکړ : 
دغه عمليات دميدان وردګو ولايت دچک ولسوالۍ په مربوطاتو کې ترسره شول چې له امله يې يو شمير وسله وال مخالفين ووژل شول او يو شمير نوريې ټپيان
شول .

په   دغو عملياتو کې   دوه له ځانه  جوړ  شوي بمونه ، پنځه   سوه    کيلوګرامه
چاوديدونکي  توکې او نور جنګي وسايل چې دوسله والو مخالفينو په يوه ډيپو
کې  پټ  کړاى شوي وو ، په عملياتو کې دشاملو ځواکونو لاسته ورغلي دي
 

کابل – باختر دمرغومې دمياشتې ٢١
دامنيتي ځواکونو دهغو عملياتو  په   بهير کې چې په  تيرو څلرويشتو ساعتو
کې  ترسره شول  درې تنه وسله وال طالبان وژل شوي دي .
دکورنيو چارو وزارت مطبوعاتي دفتر باختر آژانس ته خبر ورکړ : 
دغه کسان د امنيتي ځواکونو د هغو چاڼيزو فعاليتونو په بهير کې چې دننګرهار ، لغمان او  د قندهار  د ولايتونو په مربوطاتو کې ترسره شول  وژل شوي دي .
په دغو فعاليتونو کې يوه اندازه  مهمات او چاوديدونکي توکي  هم د امنيتي ځواکونو لاسته ورغلي دي .
ديوبل خبرله مخې :
دملي پوليسو ځواکونو پنځه ماينونه چې دوسله والو مخالفينو له خوا دقندهار
او دهلمند دولايتونو په مربوطاتو کې ځاى پرځاى شوي  وو کشف او شنډکړل.

کابل – باختر دمرغومې دمياشتې ٢١
دغور ولايت پوليسو تيره شپه د وسلو يو قاچاقبر له اوو کلاشنکوفونو سره  ونيوه.
دغور ولايت امنيه قوماندان جنرال دلاورشاه  دلاور ددغه خبر په تائيدولو سره باختر آژانس ته وويل  :  دغه سړى  ددغه ولايت د دولتيار ولسوالۍ اوسيدونکي دى او هغه وخت ونيول شو چې غوښتل يې اووه کلاشنکوفونه له يوې اندازې مهماتوسره يې  ددولتيار ولسوالۍ څخه دغور ولايت د پسابند ولسوالۍ ته وليږدوي چې له همکار سره يې د دولتيار ولسوالۍ دپوليسو له خوا  ونيول شو.

کابل\باختر\مرغومي  دمياشتې  ٢١ :
دطبيعي ګازو يوه نل ليکه  نن دپاکستان په بلوچستان ايالت کې دناپيژندل شويو کسانو  له خوا وچول شوه.
  دغه چاودنه  ددغه ايالت د ديره مرادجمالي په ناحيه کې رامنځته شوه  چې له امله يې کويټې او څو نورو ناحيو ته دګازو ليږدول له خنډ سره مخامخ شول .
دپوليسو دڅرگندونوله مخې  ددغې چاودنې له امله دګازو  نل ليکې  اور واخيست  او داور وژنې  عمله سيمې ته استول شوې  ده.
دبلوچستان ايالت دسيمه ييزې  ادارې دڅرگندونوله مخې ، ټاکل شوې ده  په راتلوونکو  ٢٤ ساعتو کې دغه نل ليکه بيرته  جوړه شي .
په تيرو وختو کې هم دبلوچستان ايالت  دطبيعي ګازو په نل ليکه کې دچاودنې خبر ورکړشوى دى.

Saturday, 11 January 2014 13:09

د هوا حالات :

کابل\باختر\مرغومي  دمياشتې  ٢١ :
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان  وريځ، د تودوخې لوړه درجه ٥ ټيټه  منفي١١
هرات- آسمان   وريځ  دواورې داورښت امکان شته ، د تودوخې لوړه
درجه ٦،     ټيټه منفي ١١
جلال آباد  آسمان وريځ  داورښت امکان شته  ، د تودوخې لوړه درجه ١٠، ټيټه  منفي ٢
قندهار- آسمان وريځ داورښت امکان شته   ، د تودوخې لوړه ٥ ، ټيټه   منفي ٣
مزارشريف- آسمان وريځ دواورې داورښت امکان شته ، د تودوخې لوړه  منفي ١٢،
ټيټه  منفي ٨
کندز- آسمان  وريځ ،  د تودوخې  لوړه درجه ٥، ټيټه  منفي ١٢
غزني- آسمان   وريځ   ، د تودوخې لوړه درجه منفي ٦ ، ټيټه  منفي ٢٢
باميان- آسمان  وريځ  دواورې داورښت  امکان شته  ، د تودوخې لوړه درجه منفي ٥ ، ټيټه منفي ٢١
فيض آباد- آسمان وريځ دواورې  داورښت امکان شته، د تودوخې لوړه درجه  منفي ٤
ټيټه  منفي ٥
شمالي سالنګ- آسمان  وريځ  ،دواورې داورښت امکان شته  د تودوخې لوړه درجه
منفي ١٠، ټيټه  منفي ١٨
فراه- آسمان وريځ   داورښت امکان شته، د تودوخې لوړه درجه ٥ ټيټه منفي  ٦
خوست- آسمان  وريځ داورښت امکان شته  د تودوخې لوړه درجه ١٢، ټيټه منفي٢
ميمنه- آسمان وريځ ، دواورې داورښت امکان شته د تودوخې لوړه درجه  ٥ ،
ټيټه   منفي ٨
لښکرګاه-  آسمان وريځ داورښت امکان شته ، د تودوخې لوړه درجه ١٠،
ټيټه منفي ٤
جنوبي سالنګ- آسمان  وريځ   دواورې داورښت امکان شته  د تودوخې لوړه
درجه منفي٧، ټيټه منفي ١٥
شبرغان –  آسمان وريځ   دواورې داورښت امکان شته   ، د تودوخې لوړه درجه ٤، ټيټه  منفي ٤
جبل السراج-آسمان   وريځ   دواورې داورښت امکان شته ،د تودوخې لوړه درجه ٢ ټيټه  منفي ١٠
په کابل کې به سبا لمرپه ٦ او٥٧ بجو وخيژي او د مازيګر په ٥ بجو او ٣ دقيقو ولويږي . 

Saturday, 11 January 2014 13:09

د اسعارو بيه:

کابل\باختر\دمرغومي  دمياشتې ٢١ : 
دکابل د شهزاده سراى دصرافانو د رييس دمعلوماتو له مخې :
نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په 56/65  افغانيو پلورل په  56/70افغانيو
يوانګليسى پونډ پيرودل په  92/60افغانيو پلورل په    92\ 70افغانيو
يوه يورو  پيرودل په    20 77/ افغانيو پلورل په   77/ 30افغانيو
يوسعودي ريال پيرودل په  00 15/پلورل  15/05 افغانيو
د اماراتو يو درهم  پيرودل په 35/ 15 افغانيو پلورپه 40 / 15 افغانيو
زرپاکستاني کلداري پيرودل په  526افغانيو پلورل په  527 افغانيو
زرهندي کلدارى پيرودل په 920 افغانيو پلورل په 930 افغانيو
اوزر ايراني تو مان پيرودل په 18/90  افغانيو پلورل په   19/00 افغانيو.