19 August 2017

RSS Facebook

سوداگریز


تازه خبرونه

په بغلان کې ددووچاودنو مخنيوي

کابل باختر دزمري اووه ويشتمه : په بغلان ولايت کې...

دهېواد په جنوب کې دوسله والو طالبانو دډلې ديوه جپګوړي قوماندان نيول کيدل .

کابل باختر دزمري اووه ويشتمه : دوسله والو طالبانو دډلې...

Youtube Player

khantry design

سوداگریز

سوداگریز

کابل- باختر  دسلواغي څوارلسمه:
د شهيد ميرويس خان کريمي د واليبال د اتلوالۍ دجام سيالۍ دپنجشير د واليبال ټيم په اتلوالۍ سره پاى ته ورسيدې .
دغه سيالۍ دپنجشير او کاپيسا د منتخبو ټيمونو ترمنځ په پنجشير ولايت کې پيل شوې وې. په پاى کې دپنجشيرټيم وکولى شول دصفر په مقابل کې په دريو سره دکاپيسا ټيم ته ماتې ورکړي او اتل شي .
  باختر اژانس ته د المپيک دملي کميټې د خپرونو د مسوول سميع دره يي دمعلوماتو له مخې: دغه سيالۍ د دواړو ولايتونو د ورزشي ادارو په نوښت پيل شوې وې چې پکې ددغو ولايتونو د رهبري په غړو سربېره، يو زيات شمېر ننداره کوونکو هم ګډون کړي وو .
د يادونې وړ ده چې د واليبال ورزش د فوټبال او غيږې نيولو ترڅنګ په افغانستان کې زيات علاقمندان او ليدونکي لري .
 

الماتا– باختر دسلواغې څوارلسمه :
دقزاقستان دبهرنيو چارو وزير او دناتو عمومي منشي له ٢٠١٤ ميلادي کال وروسته په افغانستان کې دامنيت دتامينولو دڅرنګوالې په باب خبري وکړي.
دباختر آژانس دخبرله مخې : ايرلان ادريسوف او اندرس فوګ راسموسن پرون په بروکسل کې وکتل.
دقزاقستان دبهرنيو جارو وزير ايرلان ادريسوف خبريالانو ته وويل : په افغانستان کې دامنيت دتامينولو اړوند په تيره بيا له ٢٠١٤ ميلادي کال وروسته چې ټاکل شوې ده د ايتلاف زياتره ځواکونو له دغه هيواد څخه وځي په ډاډمنه توګه ځانګړې رول لري.
مخکې له دې قزاقستان دبهرنيو چارو وزير ويلې و چې دغه هيواد غواړي چې داروپا د امنيت او همکاري دسازمان له دوره يي رياست سره په استفادې سره دافغانستان دشخړې په حل باندې ټينګار کوي.
 

کابل – باختر دسلواغې څوارلسمه :
شپږ تنه وسله وال مخالفين دهلمند ولايت په مربوطاتو کې دملي اردو له ځواکونو سره په نښتو کې و وژل شول.
دملي دفاع وزارت دويندوى مطبوعاتي دفتر باختر آژانس ته خبر ورکړ. دملي اردو ځواکونو دهلمند ولايت دمارجې ولسوالۍ په مربوطاتو کې عمليات ترسره کړل چې له امله يې ٦ تنه وسله وال طالبان ووژل شول او يوه اندازه وسلې او پوځي تجهيزات دامنيتي ځواکونو لاس ته ورغلي دي . او دماين دتوليديوه کارخانه هم ويجاړه شوې ده.
 

Saturday, 02 February 2013 10:34

خبرتيا:

کابل – باختر دسلواغې څوارلسمه :
خبرتيا:
اته کلن ماشوم رحيم شاه داحمد شاه زوى چې پلنګي چمپر او ژيړې موزي لري او داعصابو دناروغي له امله ځوريږي . له ١٥ ورځو را په دې خوا دکابل ښار داوومې ناحيې د ده دانا په ساحه کې بيدرکه شوى دى . که چېرې څوک دده په باب معلومات ولري .
داوومې امنيتي حوزې سره او يادې د
07995819247-0700060810
لمبر تيلفون ونو له لارې اړيکې ونيسې او دده کورنۍ دې له انديښنې او لا لهاندې څخه وژغوري.
 

کابل – باختر دسلواغې څوارلسمه :
دميدان وردګو ولايت په مربوطاتو کې دملي اردو دځواکونو دخاصو عملياتو په بهير کې دوه تنه وسله وال مخالفين ووژل شول .
دملي دفاع وزارت دويندوى مطبوعاتي دفتر باختر آژانس ته خبرورکړ په دوو تنو وسله والو مخالفينو چې دترورستي فعاليت دترسره کولو لپاره يې تياري نيوه دملي اردو دځواکونو له خوا بريد وشو او ووژل شول . او په دې پيښه کې يوه اندازه وسلې او جنګي مهمات هم ترلاسه شوي دي .
ديوبل خبرله مخې دملي اردو دځواکونو دهغو جلاجلا عملياتو په بهير کې چې دهرات ولايت دشنډنډ ،دپکتيکا ولايت دسرروضې او دلوګر ولايت دمحمد آغې دولسواليو په مربوطاتو کې ترسره شول ددښمن يوه اندازه درندې او سپکې وسلې او چاوديدونکې وسايل هم ترلاسه شوي دي .
له بلې خوا دملي دفاع وزارت تاييد کړه چې دلغمان او بادغيس دولايتونو په مربوطاتو کې دامنيتي دندو دترسره کولو په بهير کې دملي اردو څلور تنه عسکر ټپيان شوي دي.
 

Saturday, 02 February 2013 10:30

تبصره:

کابل – باختر دسلواغې څوارلسمه :
ټاکل شوې ده دافغانستان ،بريټانيا او دپاکستان د هيوادونو دمشرانو دريمه غونډه په نږدې راتلوونکې کې په لندن کې جوړه شي.
دغه غونډه ددغو دريو هيوادونو دمشرانو ترمنځ د تيرو غونډو په دوام جوړيږي چې په هغې کې به په افغانستان کې دسولې دبهير او دسيمې دحالاتو په باب خبرې وشي.
دباختر آژانس مبصر ليکې :ټاکل شوې ده دافغانستان داسلامي جمهوريت جمهور رييس حامد کرزي ډير ژر دافغانستان ،بريتانيا او دپاکستان دهيوادونو دمشرانو په دريمه غونډه کې دګډون په مقصد لندن ته لاړشي.
دا ددغو هيوادونو دمشرانو دريمه غونډه ده چې په افغانستان کې دسولې بهير او دسيمې حالات وڅيړل شي.
مخکې له دې ددغو هيوادونو مشرانو په کابل او نيويارک کې ورته غونډې جوړې کړي دي.
بريتانوي مقامات چې ددغه شان غونډو پيلوونکې دي ،په دې کارهيله لري چې ددغه شان غونډو جوړول افغانستان او پاکستان ته ښې نتيجې ولري.
په تيرو وختونو کې ددغو دواړو هيوادونو ترمنځ اړيکوټيټې او لوړې لرلې.
له شک پرته ددغه شان خبرو په تيرو دوو دورو دسيمه ييزو همکاريو په مقصد ژمنو او تفاهم شتون درلود چې بايد عملي شي.
دافغانستان دولت چې خبري اوتفاهم دسيمه ييزو او نړيوالو همکاريو د دوام لپاره يو حتمي اصل بولي ،غواړي چې له دغه شان غونډو څخه ډله ييزې ګټې ترلاسه شي، نن ورځ افغانستان او پاکستان او له دې څخه وړاندې دسيمې هيوادونه خپلې ځانګړې او جدي ستونزې لري.
افغانستان په عملي توګه تروريزم او بهرنى لاس وهنې ګواښوي او پاکستان بنسټ پالنه.
د دواړو هيوادونو دخلکو ستونزې په خپلو کې پيوند لري چې دحل لاره يې يو نوى او يوازې دخبرو ،متقابل درک،او له خپل سريو او لوړتيا غوښنتو څخه د ډډې کولو له لارې شونې ده دوروستيو کلونو او په تيره بيا دوروستيو مياشتو پيښې ددې کار څرګندوى دى چې دناامنۍ او بنسټ پالنې عوامل پوله نه پيژني هغه څه چې دلندن په نږدې راتلوونکو خبروکې افغانانو ته طرحه دي ،تيرو ژمنو ته رسيدل دي.
دافغانستان داسلامي جمهوريت دجمهوري رياست ويندوى په خپلو وروستيو څرګندونو کې دلندن غونډي ته  داشارې په ترڅ کې ويلي دي چې په هغې کې به په افغانستان کې دسولې دتامينولو په لاره کې داسلام آباد دژمنو دعملي کولو دڅرنګوالې په باب خبرې وشي.
کابل داسلام آباد له مقاماتو څخه غواړي چې هغوى دې دسولې دتامينولو په لاره کې عملي ګام واخلي.
دافغانستان خلک په جدي توګه په دې کار ټينګار کوي چې دهمکاري ژمنه نه شي کېداى يوازې دکاغذ ترمنځ پاتي شي، دستونزو لرې کول په عملي همکاري کې شونې دي . چې بايد ورته ورسيږو.
دسيمه ييزو همکاريو په لاره کې عملي ژمنې او له لوړتيا غوښتنې او سياسي ګټې اخستنې څخه ډډې کول کولاى شي موږ ډير ژر سولې، سوکالۍ او سيمه ييزې همکارۍ ته ورسوي هيله ده چې دلندن غونډه په دغه شان يوې مفکورې سره جوړه شي چې محسوسه او مثبته پايله ولري چې بې باوري خپل ځاى اعتماداو متقابل درک ته پريږي او دسيمې هيوادونه داړيکو او همکاريو يوه نوى فصل ته ورسيږي. 
 

 

کابل\  باختردسلواغې دمياشتې  ١٣ :

دسالنګونو دساتنې او څارنې امر وايي په شمالي سالنګ کې له سخت توپان سره دواورې اورښت دوام لري په دې صورت کې په موقتي ډول دسالنګ دلويې لارې دتړلو امکان شته.

دسالنګونو دساتنې او څارنې آمر جنرال رجب باختراژانس ته وويل  په شمالي سالنګ  کې له سخت توپان سره دواورې اورښت دوام  لري  او په  جنوبي سالنګ کې  دواورې  اندازه دځمکې پرمخ پنځوس  سانتې مترو ته رسيدلې ده.

ده وويل   دواورې داورښت ددوام په صورت کې دناڅاپي پيښو درامنځته کيدو دمخنيوي په  خاطر  په موقتي ډول ددغې لويې لارې دتړلو امکان شته.

ده څرگنده کړه چې تراوسه پورې دترافيکو بهير عادى دى  او دوسايطو له چلوونکو څخه يې وغوښتل  چې دلويې لارې دموظفينو  دلارښوونې له مخې عمل وکړي.

 

کابل\  باختردسلواغې دمياشتې  ١٣ :

په افغانستان کې دالماني پوځيانو دماموريت دوره دديارلسو مياشتولپاره تمديد شوه.

دالمان دپارلمان دغړو درايي اخيستنې په نتيجه کې پرون  ٣٤٥ تنو ددغه هيواد دپوځيانو دخدمت ددورې تمديدلو ته مثبته رايه ورکړه او ١١١ تنو نورو مخالفه رايه ورکړه.

المان په افغانستان کې  ٤٥٠٠ تنه پوځيان لري چې دالمان دنوى تصميم له مخې شمير به يې  ٣٣٠٠ تنو ته لږشي .

دالمان دولت اعلام کړى دى چې له  ٢٠١٤ کال وروسته به له افغان ځواکونوسره مرسته وکړي 

 

 

کابل\  باختردسلواغې دمياشتې  ١٣ :

په تخارولايت کې ديو ښوونځى ملازم ، دوه تنه پوليسان دتومانچي په ډزوسره ووژل .دباختراژانس خبريال دپوليسو ديو تن چارواکي له خولې خبر راکړ: دتالقانو ښار دوټه بور  دکلي دښوونځي  ملازم قدرت الله له يوې تومانچي  څخه په استفادې سره په دغه کلي  کې په  امنيتي  پوستې  بريد وکړ او دپوليسو يو افسر او يو سرتيري يې ووژل .

په همدې حال کې په بريد کوونکي دپوليسو دنورو منسوبينو له خوا بريد وشو او ټپي شو چې دامنيتي ځواکونو له خوا ونيول شو.

دټپي روغتيايي حالت خراب بلل شوى دى او دغه راز ددغې پيښې انګيزه معلومه نه ده اوپوليس څيړنې پيل کړي دي.

 

کابل\  باختردسلواغې دمياشتې  ١٣ :

 دمکسيکو په پايتخت مکسيکو سټي کې په يوه لوړ پوړيزه ودانۍ کې  دچاودنې له امله پنځه ويشت  تنه ووژل شول او څه ناڅه سل تنه نور ټپيان شول .

دغه چاودنه تيره شپه دپمکس دتيلو دشرکت په مرکزي  دفتر کې  رامنځته شوې ده .دخبرونو له مخې، داور وژنې مسوولينو پرون هلې ځلې وکړې چې ددغې  پيښې پاتې کسان چې دڅلور پنځوس پوړيږې ودانۍ په منځنيو پوړونو کې بند پاتې دي وژغوري.

تيرکال دمکسيکو په شمال کې دپمکس  دتيلو دشرکت  په تاسيساتو کې يوه چاودنه  وشوه چې له امله يې ديرش تنه ووژل شول.

دچاودنې علت تراوسه  ترڅيړنې لاندې دى.