26 May 2018

RSS Facebook

سوداگریز


تازه خبرونه

جمهوررئیس غني د پیروزي ښارګوټي د کاري پرمختګ څرنګوالي وکوت

جمهوررئیس غني د پیروزي ښارګوټي د کاري پرمختګ څرنګوالي وکوت

کابل باختر د غبرګولي څلورمه د افغانستان د اسلامي جمهوریت...

په نورستان کې داوو  تنو ډار اچوونکو وژل کيدل

په نورستان کې داوو تنو ډار اچوونکو وژل کيدل

کابل باختر د غبرګولي څلورمه دوسله والو طالبانو په ډلې...

په قندهار کې داتو تنو وسله والو طالبانو وژ ل کيدل

په قندهار کې داتو تنو وسله والو طالبانو وژ ل کيدل

کابل باختر د غبرګولي څلورمه : اته تنه وسله وال...

Youtube Player

khantry design

سوداگریز

سوداگریز

کابل باختر دمرغومي څليرويشتمه :
د وسله والوطالبانو د ډلې يو قوماندان پرون په قندهار ولايت کې د ملي اردو د ځواکونو په چاڼيزو عملياتوکې ونيول شو.
دملي دفاع د ويندوى مطبوعاتي دفتر باخترآژانس ته خبر ورکړ: نيول شوي قوماندان چې د قندهار ولايت په ميوند ولسوالۍ کې په نا امنيو اوتروريستي فعاليتونوکې رول درلود؛ د ملي دفاع وزارت دخاصو قطعاتو ځواکونو د قندهار ولايت د ميوند ولسوالۍ په مربوطاتوکې دعملياتو په بهيرکې له دووتنو ساتوونکو سره يې ونيوه.
له دوى څخه يوه اندازه جنګي وسايل هم ترلاسه شوي دي.
ديوبل خبر له مخې: د وسايطو ضد يوسلوشپيته ماينونه چې د وسله والو مخالفينو له خوا د تروريستي او ورانګارو فعاليتونو په مقصد نوى د هيواد په بېلابېلو سيموکې ځاى پرځاى شوي و؛ د ملي اردو د ځواکونو د امنيتي دندو په بهيرکې کشف او شنډ شول.

کابل باختر دمرغومي څليرويشتمه :
د ملي دفاع وزارت خبرځايونه وايي چې دملي اردو د ځواکونو د هغو چاڼيزو عملياتو له امله چې پرون د پکتيکا ولايت په برملې ولسوالۍ کې ترسره شول؛ وسله والومخالفينو د سر زيان وزغمه.
د ملي دفاع وزارت د ويندوى مطبوعاتي دفتر باخترآژانس ته خبرورکړ: د ملي اردو ځواکونو پکتيکا ولايت د برملې ولسوالۍ په مربوطاتوکې د سولې د تامينولو، آرامۍ او د وسله والو مخالفينو له شتون څخه د سيمو د پاکولوپه مقصدچاڼيزعمليات ترسره کړل چې له امله يې طالبانو د سر زيات زيان وزغمه او يوشمېر يې په داسې حال کې چې ټپيان وو؛ د ډيورند کرښې اخوا وليږدول شول.
په دغوعملياتوکې يوه اندازه جنګي وسايل او تجهيزات هم ترلاسه شوي دي.

کابل باختر دمرغومي څليرويشتمه :
د قندهار ولايت د پنجوايي ولسوالۍ په مربوطاتوکې د افغان امنيتي ځواکونو عمليات تېره شپه پيل شول.
د قندهار والي ويندوى جاويدفيصل باخترآژانس ته وويل: دغه عمليات د پنجوايي ولسوالۍ په نا امنو ساحوکې متمرکز دي.
د ده د څرګندونو له مخې: افغان ځواکونه تراوسه پورې د عملياتو هدفونه په برياليتوب سره تعقيبوي او له کومې جدي ستونزې سره نه دي مخامخ شوي.
ويل کيږي په بشپړه توګه د نا امنو ساحو ترپاکولو پورې عمليات دوام مومي.

کابل باختر دمرغومي څليرويشتمه :
په فراه ولايت کې د بخش آباد بند د جوړولو پروژه پيليږي.
د فراه د والي ويندوى فوادعسکري باخترآژانس ته وويل: ددغه بندلګښت څلورو مليونو ډالرو ته رسيږي چې د يوه پاکستانى شرکت له خوا جوړيږي.
ده دغه راز وويل چې دکورنيو چارو وزارت دغه بند ته څېرمه دعامه محافظت يوه امنيتي قرارګاه جوړوي، ترڅو امنيتي خطر د دغې پروژې د پرمختګ خنډ نه شي.
د ده دڅرګندونو له مخې: له بخش آباد بندڅخه په ګتې اخستنې سره شپږ ويشت زره هکتاره کرنيزه ځمکه خړوبيږي او څه دپاسه اووه ويشت ميګاواټه بريښنا توليديږي چې ددغه ولايت د خلکو اړتياوې به لرې کړي.

کابل باختر دمرغومي څليرويشتمه :
امنيتي ځواکونو په تېرو څليرويشتو ساعتوکې د چاڼيزو عملياتوپه بهيرکې اووه تنه وسله وال طالبان ووژل.
دکورنيو چارو وزارت مطبوعاتي دفتر باخترآژانس ته خبرورکړ: امنيتي ځواکونو د بغلان، زابل، ارزګان  او د فراه د ولايتونو په مربوطاتوکې يو لړ چاڼيز عمليات ترسره کړل چې له امله يې اووه تنه وسله وال طالبان ووژل شول؛ درې تنه ټپيان شول او شپږ تنه نور يې ونيول شول.
په دغو عملياتوکې يوه اندازه چاوديدونکي توکي او مهمات هم د امنيتي ځواکونو لاس ته ورغلي دي.
دغه راز د ملي پوليسو ځواکونو د ارزګان ولايت په مربوطاتوکې د وسله والو مخالفينو له خوا درې ښخ کړى شوي ماينونه کشف او شنډ کړل.
ديوبل خبر له مخې: دکابل ولايت د امنيې قوماندانۍ دپوليسو ځواکونو پرون درې تنه دکابل ښار د دويمې، اتمې او ديارلسمې حوزې په مربوطاتوکې د غلا په تور ونيول.

کابل باختر دمرغومي څليرويشتمه :
د هيواد په شمال کې د غاليو صادرونکي وايي چې د غاليوصادرات په سلوکې پنځوس کم شوي دي.
په شمال کې د غالۍ اوبدونکو اتحاديې مسوولين وايي چې د دغه کمښت اصلي علت له ګاونډيوهيوادونوڅخه له اندازې زيات د غاليو او فرشونو واردول  او د پاکستان په مارک سره د افغانۍ غاليوصادرات دى.
په شمال کې د غالۍ اوبدونکو او غالۍ صادرونکو د اتحاديې مسوولين وايي: مخکې له دې دغاليو د پلورنې له پلوه د دوى کلنى عايد دوه سوه مليونو ډالرو ته رسيده؛ په داسي حال کې  چې اوس سلو مليونو ډالرو ته رسيږي.
خو د سوداګرۍ او صنايعو وزارت معين مزمل شينواري د افغاني غاليو د صادراتو د زياتوالي خبرې کوي.
ده دباخترآژانس خبريال ته وويل: بهر ته د افغاني غاليو صادرات زيات شوي دي او د سوداګرۍ او صنايعو وزارت به په نږدې راتلوونکى کې د غاليو د صادراتو دقيق ارقام د رسنيو په واک ورکړي.

بانجي باختر دمرغومي څليرويشتمه :
د سره صليب د نړيوالې کميټې دفتر پرون اعلام وکړ چې په مرکزي افريقاکې  د وروستيو نښتو او اړو دوړ له امله څه ناڅه ١٣٠ تنه تنه وژل شوي دي.
د فرانسې د خبري آژانس دخبر له مخې: د سره صليب د نړيوالې کميټې دفتر ويلي دي چې د تيرې جمعې له ورځې څخه تراوسه پورې په مرکزي افريقا کې د اړو دوړ او نښتو له امله څه ناڅه ١٢٧ تنه وژل شوي او کابو سل تنه نور ټپيان شوي دي.
په مرکزي افريقا کې د سره صليب د کميټې د دفتر رييس آنتوان امبايو بوګووويل چې په دې وروستيو وختوکې ٢٥ مړي د مرکزي  افريقا په پايتخت بانجي ښارکې ٩٧ مړي په شمال لويديځ بوزوم ښارګوټى کې او ٥ مړي هم د دغه هيواد په جنوب لويديځ مباتا ښارکې پيدا شوي دي.
دغه کسان د لنډمهال جمهور رييس ميشل جوتوديا له استعفا وروسته چې د افريقايي هيوادونو د مشرانو په فشار سره ترسره شوه؛ وژل شوي دي.
دغونښتو د څو وروستيو مياشتوکې دومره زور واخست چې د دغه هيوادپه  سلګونو زره تنه اوسيدونکي يې مهاجرکړي دي.

کابل باختر دمرغومي څليرويشتمه :
د فيفا د ځوانمردانه فوټبال لومړۍ جايزه د افغانستان د فوټبال ټيم ته ورکړشوه. مخکې له دې د افغانستان فوټبال د فيفا د نړيوال فدراسيون له خوا د دغې جايزې  يوکانديد انتخاب شوى و.
د باخترآژانس دخبريال دخبر له مخې: د ځوانمردانه فوټبال جايزه په هغه ستر جشن کې چې د فوټبال د نړيوال فدراسيون له خوا د سويس په زوريخ ښارکې جوړ شوى و؛ ددغه فدراسيون رييس سبلاترله خوا دفوټبال فدراسيون رييس او د بدني روزنې، سپورت او د المپيک د ملي کميټه رييس کرام الدين کريم ته  ورکړ شوه.
په دې جشن کې کرام الدين کريم په خپلو خبروکې وويل: د خوشحالى ځاى دى چې د افغانستان فوټبالرانو وکړاى شول په خپلو وروستيوبرياليتوبونوسره دافغانستان فوټبال نړۍ ته معرفي کړي.
ده وويل چې دغه جايزه د افغانستان د فوټبالرانو د زياتې هڅونې او پرمختګ سبب کيږي او موږ د فوټبال په وسيله وکولاى شول خپل هيواد ته رښتينې سوله او يو والى په سوغات راوړو.
د نړۍ د فوټبال د ډيرو غوره څيرو د ستاينې سترجشن د نړۍ د دوه سوه نهو هيوادونو په ګډون کال په کال د جنوري د مياشتې په ١٣نيټه د سويس په زوريخ ښارکې ترسره کيږي چې د نړۍ د فوټبال ډيرې غوره څيرې معرفي اوستايل کيږي.
د يادونې وړ ده چې د دغه سترجشن يو طلايي توپ د ريال مادريدله ټيم څخه پرتګالي فوټبالرکريستن رونالډو ته ورکړى شو او يوبل طلايي توپ د برازيل  فوټبالر پلې استوره ته ورکړى شو.
په دې جشن کې د نړۍ څو تنه نور بريالي فوټبالران هم وستايل شول .

کابل باختر دمرغومي څليرويشتمه :
دکندز پوهنتون دکرکټ ټيم د پاکستان د لاهور پوهنتون دکرکټ پرټيم بريالى شو .
د افغانستان دکرکټ بورد ويندوى او د رسنيو مسوول فريد هوتک دباخترآژانس خبريال ته وويل: د دغو دوو ټيمونوترمنځ د کرکټ لوبې د پاکستان په لاهور ښارکې  پيل شوې دي چې په پرونۍ لوبه کې د کندز پوهنتون د کرکټ  ټيم د پاکستان د لاهور پوهنتون ټيم ته ماتې ورکړه.
په دې سيالۍ کې لوبه لومړى د لاهور پوهنتون ټيم پيل کړه او د کندز ټيم ته يې  يوسلويوشپيته منډې هدف وټاکه چې دغه ټيم ورکړاى شوى هدف پوره کړي او بريالى شو .
د يادونې وړ ده چې د کندز پوهنتون ټيم به نن خپله پنځوس اوره لوبه د لاهور پوهنتون له ټيم سره ترسره کړي او په پاى کې به يو شل اوره لوبه له دغه ټيم سره ترسره کړي.
د هيواد د شمال د سيمو دکرکټ دمسوول نور علم فريد دڅرګندونو له مخې: څرنګه چې اوس دهيواد د شمال په سيموکې هواسړه ده او موږ د ورزشکارانو ترمنځ د ورزش د پرمختګ لپاره د هيواد دکرکټ بورد په موافقه د دغه ټيم ورزشکاران د سيالۍ لپاره د لاهور ښار ته واستول چې هيله لرو په ښو برياليتوبونو سره هيواد ته راستانه شي.

دمشق باختر دمرغومي څليرويشتمه :
د بلجيم  د بهرنيو چارو وزير اعلام وکړ چې د دغه هيواد نږدې شل تنه اتباع چې د سوريې د جمهور رييس بشاراسد د ځواکونو پرخلاف جګړه او په تروريستي عملونوکې دګډون لپاره تللي وو؛ په دغه هيوادکې وژل شوي دي.
د فرانسې د خبري آژانس دخبر له مخې: رينديرز ددغه ټکى په اعلامولو سره وويل چې ددغه هيواد دڅه دپاسه دوه سوه تنو اتباعو هويت چې زياتره يې دعراق او شام د اسلامي دولت په نامه د ډلې غړي دي؛ پيژندل شوي دي .
ده په دې بيان سره چې څه دپاسه شل تنه دغه کسان تراوسه پورې په سوريه کې وژل شوي دي؛ بلجيم او نورو هيوادونو ته د دغه شان کسانو ته د خطر په نسبت خبر دارى ورکړ.
خو د بلجيم مقامات وايي: بلجيم لومړنى  هيواد دى چې په علني ډول يې په دغه هيوادکې د نابالغوکسانو په ګډون د خپلو اتباعو د شتون په وړاندې خپله انديښنه اعلام کړې ده.