11 December 2017

RSS Facebook

سوداگریز


تازه خبرونه

د استوګنې په لسګونو کورونه د سيلاو له خطر څخه خوندي شول

کابل باختر د ليندي شلمه : د کليو د بيا جوړولو...

د شپږ ويشتو پروژو کار بشپړ شو

ګرديز \باختردليندۍ دمياشتې٢٠ نيټه : په روان کال کې...

په کونړکې د دولسو پروژو کار بشپړ شو

کابل باختر د ليندي شلمه : د کليو د بيا جوړولو...

Youtube Player

khantry design

سوداگریز

سوداگریز

کابل\  باختردسلواغې دمياشتې  ٢٥ :
جمهوررييس حامدکرزي دچک جمهوريت دنوى سفيرباور ليک ومانه
باختراژانس ته د جمهوري رياست دمطبوعاتي دفتر دمعلوماتوله مخې : دافغانستان  داسلامي جمهوريت  جمهوررييس حامدکرزي دچک جمهوريت  دنوى سفير ميروسلاوکوسيک  باور ليک  دتشريفاتي مراسمو په ترڅ کې ومانه  .
دباور ليک دوړاندې کولو له مراسمو وروسته چې نن له غرمې وروسته په ارګ کې  ترسره شول  دهيواد  جمهوررييس اودافغانستان لپاره دچک نوى سفير په بيلابيلو برخو کې ددواړو هيوادونود اړيکو  دپراختيا په باب خبرې وکړې.
حامدکرزي په دې ترڅ کې چې چک  جمهوريت يې دافغانستان دخلکو لرغونې دوست وباله  اوله افغانستان سره يې ددغه هيواد دمرستو له امله  مننه وکړه او دچک  جمهوريت نوى سفيرته يې په افغانستان کې دده  د ماموريت په بهيرکې  دبرياليتوب  هيله وکړه.
په مقابل کې  په افغانستان کې دچک نوى سفير ميروسلاوکوسيک وويل هيواد يې علاقمندي لري  دپرمختيا  اوپانګې اچونې په برخو  اوپه تيره بيا په خصوصي برخه کې  له افغانستان سره مرسته وکړي .
ده  دغه راز وويل چې په افغانستان کې به دخپل ماموريت په بهير کې ددواړو هيوادونو ترمنځ داړيکو دپراختيا په لاره کې هلې ځلې وکړي.
په افغانستان کې دچک جمهوريت  دنوى سفير دباور ليک دوړاندې کولو په مراسمو کې دبهرنيو چارو وزير ډاکترزلمى رسول  او ددغه وزارت دتشريفاتو رييس حميد صديق هم حاضر و.
 

کابل\  باختردسلواغې دمياشتې  ٢٥
يوتن په تخار ولايت کې په يو بې ساري اقدام کې دخپل ورور بدن په تبر سره بند په بند  جلا کړ.
دغه پيښه تيره شپه درستاق ولسوالۍ په مربوطاتو کې  رامنځته شوه ددغې  کورنۍ ګاونډيان وايي چې  دغه سړي دخپل ورور له تړلو  او وهلو ډبولو وروسته دهغه په وژلو  لاس پورې کړ.
دتخار ولايت دپوليسو ويندوى عبدالخليل اسير باختراژانس ته وويل  چې قاتل له ځنډ پرته دپوليسو له خوا ونيول شو  تراوسه پورې ددغې وژنې انګيزه معلومه نه ده خو دتخار سيمه ييز مقاماتو دڅيړنو دپيل خبرورکړ.
په همدې  حال کې په تخار روغتون کې ډاکتران وايي چې ددغه سړي بدن په بيرحمي سره ټوټې ټوټې شوى دى.
 

کابل\  باختردسلواغې دمياشتې  ٢٥ :
دراډيو دنړيوالې  ورځې په مناسبت  دافغانستان داسلامي جمهوريت  د جمهوررييس حامدکرزي پيغام
دراډيو اختراع  اوفعاليدو په نړۍ کې  داطلاعاتو په سريع انتقال اوتبادله کې يو ستر انقلاب راوست  دجمعي مفاهمې دوسايلو په کورنۍ کې دراډيو په زياتون سره دانساني ټولنې  ټولې هغه کورنۍ چې يې دې وسيلې ته لاس رسي درلود دخپلو هيوادونو او نړۍ له احوالو په خپل کورکې خبررسول  داخبارونو اونورو چاپي  رسنيو څخه ددې وسيلې امتيازدا دى چې دجوامعو ټول وګړي يې که سواد لري  اويا له سواده محروم دي  له خدماتو يو ډول استفاده کوي.
  زموږ په هيواد کې په لومړنۍ اوبيا په اساسي ډول دراډيو  خپرونې دشلمې پيړۍ په  لومړني نيمايي کې پيل شوې او دتيري شلمې پيړۍ  داويايموکلونو تر وروستيو پورې زموږ په هيواد کې راډيو  يوازينۍ  وسيله وه چې دخپلو  خبري  ، تفريحي ، هنري  ، ادبي  ، اجتماعي  او نورو رنګارنګ خپرونو له لارې  يې دخپلو هيوادوالو په  باخبره ساتلو  ددوى په روزلو  او دوى ته دتفريح دوسايلو په برابرولو  کې خپله ونډه په ښه ډول سرته و رسوله .
په هيواد کې دتلويزيوني خپرونو له پيل اوبيا په وروستيولسو کلونو کې دتلويزيوني خپرونو له ډيريدو اوپراخديو سره سره راډيو  خپل اهميت ساتلى دى او دافغانستان زياتره  خلک اوس هم له راډيو څخه استفاده کوي  اوس دراډيو افغانستان ترڅنګ دهيواد په مرکز او ولاياتو کې په لسگونو دراډيويي خپرونو مراکزو په خپرونو پيل کړي دي چې هره راډيو خپل اوريدونکي  لري اوله راډيويي خپرونو سره دخلکو دعلاقې ښکارندوي   کوي.
زه نن دراډيو دنړيوالې ورځې دنمانځنې له دې غونډې دراډيويي مراکزو
له خپرونکو اوچلوونکيو څخه غواړم  چې خپلو مسلکي مسووليتونه ته پاملرنه، دسالمو اطلاعاتو په رسولو کې خپله مسلکي وجيبه  په ښه توګه ادا کاندي  دتعليم  دعامولو  اجتماعي خير _ ښيگنو  ملي وحدت اوله ملي منافعو څخه ددفاع تبليغ وکړي.
دافغانستان دراډيويي مراکزو ټولو کارکوونکيو ته دراډيو دنړيوالې ورځې مبارکي وايم او دلوى  څښتن له درباره يې دبري هيله کوم .
 

کابل\  باختردسلواغې دمياشتې  ٢٥ :
دافغانستان داسلامي جمهوريت  دجمهوررييس حامدکرزي دپيغام  په  لوستلو اودډاکتر سيدمخدوم رهين په وينا سره دراډيو نړيواله ورځ  نن ونمانځل شوه
دباختراژانس دخبريال  دخبرله مخې  : په هغې غونډه کې چې له همدې امله داطلاعاتو اوفرهنګ وزارت له خوا دملي راډيو تلويزيون په تالار کې جوړه شوې وه لومړي دافغانستان  داسلامي جمهوريت  د جمهوررييس  حامدکرزي پيغام دملي   راډيوتلويزيون  دلوى رييس محمدزرين انځور له خوا  ولوستل شو  چې په يوه برخه کې يې ويل شوى دى  دراډيو په اختراع اودهغې په خپرونوسره په چټکه داطلاعاتو په ليږدونه اوتبادله کې انقلاب رامنځته شو،دډله ييزواطلاعاتواووسايلو  په کورني کې    دراډيو په زياتيدو سره انساني  ټولنې  هغو  ټولو کورنيو چې په دغې وسيلې  برلاسي درلود دخپلو هيوادونو اودنړۍ په احوالو کې  په خپلو کورنيو کې معلومات ترلاسه کړل .
داخباري  اوچاپي رسنيو په نسبت ددغې رسني  امتياز دادي  چې  دټولى نړۍ هغه خلک چې په ليک لوست پوهيږي اويا له ليک لوست څخه بې برخې  دي له خدمتونو  څخه يې يوشان ګټه اخلي .
وروسته داطلاعاتو اوفرهنګ وزير ډاکتر سيدمخدوم  رهين   خبرې وکړې  راډيو يې په خبررسولو کې  ډيره مهمه   رسانه وبلله او  ويې ويل چې راډيو په افغانستان کې  اوږده سابقه لري اوپه ابتدايي  ډول دشاه امان الله غازي په زمانه کې  جوړه شوه او وروسته دلنډې وقفې په تيريدو سره يې څه دپاسه اوياکله مخکې بيا جوړه شوه.
دډاکتررهين دڅرگندونوله مخې، په هغه وخت کې  راډيو افغانستان  ، کابل راډيو  وه او ډيره محدوده   ساحه يې ترپوښـښ لاندې وه .
د اطلاعاتو اوفرهنګ  وزير په خپلو خبرو کې تيرلنډوخت ته اشاره وکړه چې راډيو  اوخپرونې يې ځنډول شوې  وي.
ډاکتررهين وويل لس کاله مخکې چې موږ دراډيو خپرونې  سره پيل کړي محدوده نشراتي ساحه يې لرله  ، تلويزيون  هم په لومړيو ورځو کې  دمکروريانونو او انترکانتيننال  ترمنځ واټن احتوا کوله . په تيرو کلونو کې له نيکه مرغه په دى بريالي شو چې ملي راډيو او هم ملي ټلويزيون هغه ځاى  ته ورسوو چې  دنړۍ په زياترو سيمو کې تلويزيون وليدل شي اوراډيو واوريدل شي.
وروسته ديونسکواستازي ديونسکو ددفتر مديرې ايرينا يوکوفا پيغام ولوستل شو چې په يوه برخه کې يې ويل شوي دي .
په نولسمه پيړۍ کې دراډيو پيدايښت  دمدرنو ارتباطاتو پيړۍ پيل کړه  نړۍ له دغه  ستر بدلون وروسته  خپله بڼه بدله کړه  . خو راډيو هماغه شان ځوانه او دپراخ لاسبري وړ  ده  او اسانه  او اقتصادي ده .
راډيو يواځينۍ وسيله ده چې کولاي شي هر پيغام هر ځاى ته اوپه هر وخت کې ان له بريښنا پرته   وليږدوي .
دشخړواودطبيعي افتونو په حالاتو کې  دا لنډه راډيوي څپه ده چې  دژوندانه دکرښي په توګه دانسانانو دسردساتنې لپاره  معلومات  وړاندې کوي.
راډيو   دډله ييزې خپرونې او لاسبري په برخه کې ديجيتلي انقلاب خپل کړ. نن ورځ  دراډيو په شتون سره دنړۍ په  ګوټ ګوټ کې  دخپرونو لګښتونه  کم شوي  اودراډيويي  ستيشنونو شمير زياتوالي موندلى دى .
دغه راز په دې غونډه کې  د ارکوزيادراډيو رييس انجينر عطاوالله هم خبرې وکړې .
 

کابل\  باختردسلواغې دمياشتې  ٢٥ :
دجمهوري رياست لومړي مرستيال مارشال محمدقسيم فهيم  نن له غرمې وروسته په افغانستان کې دملګروملتو دسازمان دسرمنشي  له حانګړي استازي يان کوبيش سره وکتل .
دجمهوري رياست مطبوعاتي دفتر باختراژانس ته خبرورکړ په  دې  کتنه کې  دورځې دروانو مسئلو ، په افغانستان کې سياسي  ليږدونه او له افغانستان سره دملګروملتو دمرستو دلارو چارو په باب خبرې وشوې.
دجمهوري رياست  لومړي مرستيال په افغانستان کې دملګروملتو دسازمان په
رغنده رول باندې په ټينګارسره په پرتو چلنجونو دبريالي کيدو په برخه کې دافغانستان له خلکو  او حکومت سره دلازياتو همکاريو غوښتنه وکړه.
دجمهوري رياست  لومړي مرستيال  يوځل بيا دسياسي ليږدونې په لاره کې دافعانستان دحکومت په فعال اومثبت دريځ باندې ټينګار وکړ  او زياته يې کړه چې موږ په ټاکلي وخت دهيواد داساسي قانون  له مخې دشفافو او ازادو انتخاباتو ملاتړ کوو اوباور لرو  چې زموږ دهيواد اساسي قانون پربنسټ دواک سياسي ليږدول په  افغانستان کې ددموکراسي  دمهمو برياليتوبونو څخه دى.
دجمهوري رياست   لومړي مرستيال زياته کړه په همدې مقصد دافغانستان  دولت او دانتخاباتو  خپلواک کميسيون  به لازم تياري ونيسي   چې انتخابات  په شفاف او ازاد ډول ترسره شي .
دجمهوري رياست  لومړي مرستيال  راتلوونکي انتخابات دهيواد دثبات او راتلوونکي لپاره مهم وبلل او يادونه يې وکړه چې  زموږ سياسي  پوهان به په دې  باب په راتلوونکي کې مشورې وکړي  چې کانديدان دملي تفاهم اودخلکو اوهيواد دګټو پربنسټ رامنځته شي .
يان کوبيش  د جمهوري رياست له لومړي مرستيال سره په کتنه کې  دملګروملتو سازمان دافغانستان ددولت اوخلکو ملاتړ وباله او ويې ويل چې په زياتې علاقمندي سره دافغانستان له خلکوسره  دمرستې ټولې لارې په پام کې لرو او ستاسو دهيواد له راتلوونکو انتخاباتو څخه دملګروملتو دسازمان  هر رازملاتړ اعلاموو.
ده زياته کړه چې دملګروملتو دسازمان دافغانستان دانتخاباتو په برخه کې دښو اوشفافو انتخاباتو ترسره کولو لپاره لازمې همکاري ترسر ه کړي.
 

Thursday, 14 February 2013 06:39

دمرکزي بانک خبرتيا

کابل\  باختردسلواغې دمياشتې  ٢٥ :
دمرکزي بانک خبرتيا
دافغانستان بانک دروان کال دسلواغې دمياشتې په ٢٨ او دکب  دمياشتې په  لومړي  نيټې دشنبې او سه شنبې په ورځو شپيته  مليونه ډالره دليلام په ډول پلوري .
په شرايطوبرابر هغوصرافانو اوتجارتي بانکونوته چې پخوايې لس زره  ډالره دتضمين په ډول دافغانستان بانک  دبازار دعملياتو په لوى مديريت کې تحويل کړي دي  بلنه ورکول کيږي چې په دغو داوطلبيوکې ګډون وکړي له ټولو برخه والو څخه غوښتنه کيږي چې دداوطلبي فورمې  دليلام دورځو دسهار په نهو بجو دبازار دعملياتو له مديريت څخه ترلاسه کړي  او په نهه نيمو بجو دې بيرته وسپاري  . هغه صرافان  چې تراوسه پورې يې لس زره ډالره  تضمين په ليلامونو کې دګډون په مقصد نه دي تحويل کړي کولاي شي له داوطلبي  څخه يوه ورځ مخکې  دخپل تضمين پيسې تحويلې او په راتلوونکو ليلامونو کې دې ګډون وکړي .
 

کابل\  باختردسلواغې دمياشتې  ٢٥ :
دقندهار دولايتي شورا رييس  او يوشمير غړو نن له غرمې  وروسته دجمهوررييس له  مرستيال محمدکريم خليلي سره وکتل.،
دجمهوري رياست مطبوعاتي دفتر باختراژانس ته خبرورکړ.
په دې کتنه کې   چې په ولسي جرګه کې دقندهار دخلکو يو تن استازي حاجي سيدخالد هم  برخه لرله دکتنې برخه والو ددغه ولايت دخلکو دځينو ستونزو په اړونددجمهوررييس  مرستيال ته معلومات ورکړل او ددغه ولايت  دخلکو دستونزو حل کولو ته يې دافغانستان ددولت دپاملرنې غوښتنه وکړه.
دقندهار دولايتي شورا رييس او غړو دافغانستان د وروڼو قومونو ترمنځ په  يووالي اوپيوستون باندې ټينګار وکړ او څرگنده  کړه  چې دخلکو په يو والي اوپيوستون سره به په ستونزو برياليتوب  چې خلک له دې امله ځوريږي کوم سخت کار نه وي .
دغه راز دوى په قندهار ولايت کې دهغو زرګونو بې ځايه شوو او راستنو شويو کورنيو دستونزو دڅيړنې اوحل کولو غوښتنه وکړه چې دجګړو اوناامنيو له امله له خپلو کورونو  څخه بې ځايه شوي  او ددغه ولايت  په مرکز کې ځاى پرحاى شوي دي .،دقندهار دولايتي شورا  دغړو دڅرگندونوله مخې،  بې ځايه شوي کسان دلومړنيو امکاناتو دنه  لرلو له امله له ستونزوسره  مخامخ دي او له دولت څخه غواړي  چې ددوى ستونزې اومشکلات وڅيړل شي اوحل شي .
وروسته د جمهوررييس  مرستيال محمدکريم خليلي دقندهار دولايتي شورا له رييس اوغړو سره دکتنې له امله  دخوښي دڅرگندولو په ترڅ کې دافغانستان دخلکو ترمنځ ديووالي اوپيوستون يو ستر نعمت وباله او څرگنده يې کړه چې نوي فصل  دوروڼو خلکو ديو والي اوپيوستون په رڼا کې ترلاسه شوى دى  او ددغو ارزښتونو ساتنه دخلکو په پيوستون او يووالي کې نغښتى دى.
دجمهوررييس مرستيال  دافغانستان دمسلمانو خلکو ترمنځ ديو والي او يو
موټي والي دټنګښت په لاره کې دخلکو داستازو په پاملرنې اوهلو ځلو باندې دټينګار په ترڅ کې هيوادوالو ته دلازمو خدمتونو وړاندې کولو ته پاملرنه  ددولت اساسي مسووليت اولومړيتوبونه وبلل او دبيځايه شويو اوراستنوشويو کسانو دستونزو دحل کولو په برخه کې يې په قندهار ولايت کې له ستونزو سره لاس او  ګريوان دى داړوندو ارګانونو له لارې برخه والو ته ډاډ ورکړ.
 

کابل\  باختردسلواغې دمياشتې  ٢٥ :
دافغانستان اوايران ترمنځ دترانسپورتي   همکاريو څلورمه  غونډه نن په کابل کې جوړه شوه.
دباختراژانس دخبرله مخې، دغې غونډې مديريت دترانسپورت وزارت دپاليسي اوپلان جوړلو دمعين جار الله منصوري له خوا کيده.
دافغانستان اوايران دترانسپورت دمسوولينو څلورمه غونډه  ده.
په ننني غونډه کې ددواړو هيوادونو په وړاندې ديولړ پرتو ترانزييتي  اومالياتي ستونزو دلري کولو په باب خبرې وشوې.
دواړو لورو  دترانسپورت   ديوې ګډې کميټې دجوړولو په باب موافقه وکړه او دغه راز  دواړه لوري دبانکي ، انرژي  او اوبو ، کرنې اومالداري  دهمکاريو په باب موافقې ته ورسيدل او دترانسپورتي ستونزو دحل کولو په مقصد يې يوتفاهم ليک لاسليک کړ.
جاراالله منصوري نننۍ غونډه يوه بريالى غونډه وبلله او زياته يې کړه ددغه شان غونډو د جوړولو هدف  دترانزيتي چارو دوخت لنډول اودپيسو کمښت دى چې دواړو هيوادونو يولړ  موافقو ته ورسيدل.
دايران دترانسپورت  وزارت مرستيال  اخندزاده يادونه وکړه  چې دچاه بهار
بندر کولاي شي افغانستان دايران له لارې  له ازادو اوبو سره ونښلوي.
ددغې موضوع په باب خبره له ډيرو مهمو ټکو څخه دى چې په دې غونډه کې  دپاملرنې وړ وگرځيدى
ددغې پروژې محور هند، ايران او پاکستان دي  .
ديادونې وړ ده چې پخوا دترانزيتي  اوترانسپورتي مسلو په باب درې غونډې  جوړې شوې وي.
 

کابل\  باختردسلواغې دمياشتې  ٢٥ :
دملي اردو يوسرتيري پرون په ننګرهار ولايت کې دماين دچاودنې له امله  ووژل شو.
دغه پيښه د جلال اباد _ تورخم په لويه لاره کې  دبټي کوټ ولسوالۍ په مربوطاتو کې هغه وخت وشوه چې دافغان اوناټو دځواکونو په کاروان ايښودل شوى ماين وچاوديد .دماين له چاودنې وروسته نښته هم وشوه چې له امله يې دملي اردو دوه تنه سرتيري ټپيان  او څلور تنه وسله وال طالبان ونيول شول.
دننګرهار دوالي ويندوى احمدضيا عبدالزي له باختراژانس سره په اړيکه کې دغه پيښه تائيد کړه خوپه دې پيښه کې يې دملي اردو دځواکونو دسردزيان په باب بې خبري  وښودله.
دوه مياشتې مخکې دملي اردو او پوليسو په سلګونو تنو ځواکونو په دغې ولسوالۍ کې  پراخ عمليات ترسره کړل چې له امله يې دوسله والو طالبانو ددوو قوماندانانو  مولوي بلال او حضرت په ګډون په لسګونو تنه وسله وال طالبان ونيول شول خو اوس هم دغه سيمه دوسله والو طالبانو دشتون او فعاليتونو ډګر بلل کيږي .
 

کابل\  باختردسلواغې دمياشتې  ٢٥ :
دسلواغې دمياشتې دشپږويشتمې ، له افغانستان څخه دپخواني شوروي دسره پوځ له شرمه  ډک وتلو په مناسبت دملي شورا دمشرانو جرګې اعلاميه
دمشرانو جرګې رييس فضل الهادي مسلميار اوددغې جرګې غړي دسلواغې دمياشتې ٢٦  له افغانستان  څخه دپخواني  شوروي ديرغلګرو عسکرو دوتلو څلرويشتمه کاليزه  دهيواد دمبارزو په تاريخ کې دفتحې اوبرياليتوب  ديوې ورځې په توګه  بولى او له دې امله  دهيواد ټولو مسلمانو او مجاهدو خلکو ته مبارکي وايي.
دسره پوح عسکرو چې له کورنيو   ګوډاګيانو  سره په لاس يو کولو سره د ١٣٨٥ کال دمرغومي  دمياشتې په  ٢٦ نيټه  په پرمختللو  وسلو سمبال دځمکې او هوا له لارې  په افغانستان تيرۍ وکړ او هغه اشغال کړ چې دهيواد دخلکو له لسو کلونو بې ساري جهاد او مقاومت  او سرښندنې  وروسته په  ١٣٦٧ کال کې په شرمندګي سره له افغانستان څخه ووتل چې دغه ماتې دروسانو له واکمني  څخه دافغانستان او دزياترو هيوادونو دژغورنې اوپه خپله دشوروي دټوټې ټوټې کيدو سبب شوه.
دهيواد مسلمان ملت دجهاد اومقاومت په کلونو کې دخپل دين ، ناموس او خاورې ددفاع په مقصد  سرښندونکي دفاع ته ور ودانګل اوله يوې لسيزې  زړورو  مبارزو   وروسته يې دغه تيري کوونکي  ځواکونه له افغانستان څخه وشړل  خو ددوى لس کلن شتون دمليونونو افغانانو دشهادت ، معلوليت او مهاجرت اودغه راز دسترو اقتصادي  اوټولنيزو بنسټونو دويجاړيدو سبب شو چې  ناوړې اغيزې ترنن ورځې پورې دخلکو په ژوندانه کې ملموسي دي .
دهيواد سياسي اومبارزاتي تاريخ ددې څرگندوى دى چې دافغانستان سرلوړى ملت سره له دې  چې دنړۍ له ټولو هيوادونو او له خپلو ګاونډيانوسره دښو اودوستانه اړيکو غوښتونکى دى خو دپرديو دتيري  په صورت کې يې په ميړانې  ، زړه ورتيا اوسرښندنې سره دخپلې خپلواکۍ ، ځمکني  بشپړتيا اوملي واکمني دفاع کړې ده او کوي يې .
دمشرانو جرګه  ددين او هيواد دشهيدانو وينې ته ددرناوى او دهغوى دپاکو هدفونو اومقصدونو دترسره کولو په خاطر له دولتي چارواکو او هيوادولو  څخه غواړي چې له وخت څخه استفاده وکړي او دخپل جګړه ځپلي  هيواد دبيا جوړولو په  لاره کې له پخوا زيات دهمت ملا وتړي  او ګران افغانستان  دسولې اوټولنيز پرمختګ اوله فساد اوبې عدالتي څخه دخلاصې ټولنې  تګلوري ته ورسوي چې  هيواد په لازمه توګه په خپلو پښو په دريدو سره ددغه شان تيريو له شرڅخه  خوندي پاتې شي .
ومن الله التوفيق