17 August 2017

RSS Facebook

سوداگریز


تازه خبرونه

دملي تياتر هنرمندانو د کلمه قرن په نامه نمايشنامه اجرا کړه .

کابل باختر د زمري پنځه ويشتمه : دزمري دمياشتې...

 په خوست کې ديوې ليسې مدير شهيد کړى شو .

په خوست کې ديوې ليسې مدير شهيد کړى شو .

کابل باختر د زمري پنځه ويشتمه : دخوست ولايت دغلنګ ليسې...

دپکتيکا ولايت عامه کتابتون او موزيم ته  نوې ودانۍ جوړيږي .

دپکتيکا ولايت عامه کتابتون او موزيم ته نوې ودانۍ جوړيږي .

کابل باختر د زمري پنځه ويشتمه : داطلاعاتو اوفرهنګ وزارت سرپرست...

Youtube Player

khantry design

سوداگریز

سوداگریز

کابل باختر  د وږي  ديارلسمه
څلور تنه وسله وال طالبان په هلمند ولايت کې  دپوليسو له ځواکونوسره  په نښته کې و وژل شول .
  دهلمند دوالي ويندوى داود احمدي باختر اژانس ته وويل  دغه وسله وال طالبان له هغه وروسته ووژل شول  چې دسنګين ولسوالۍ  په شين غزوي ساحه کې يې  دپوليسو په پوستي  بريد وکړ .
  يوه اړونده خبرځاى وويل په دې نښته کې څلور تنه وسله وال طالبان وژل شوي دي .
خبرځاى زياته کړه په دې نښته کې دپوليسو ځواکونو ته  زيان نه دى اوښتي .
 

صنعا-دي دان- باختر آژانس د وږى ١٣:
په يمن کې ديوې بې پيلوټه امريکايي الوتکې د بريد له امله په القاعده شبکې پورې اړوند پنځه تنه مشکوک ياغيان ووژل شول.
ديمن دحکومت مامورينو وويل: دغه بريد پرون په درعا ښارکې په يوې ليږدونکې واسطې چې دښايي مشکوک ياغيان يې ليږدول، ترسره شواو له امله يې پنځه تنه ووژل شول او اته تنه نور ټپيان شول. دالقاعده شبکې په عربو ټاپوکې ميشته ده او دسعودي عربستان په ګاونډيو هيوادونوکې عملياتوته سازمان ورکوي او برسيره پردې په امريکاه دبريد په لټه کې ده.
امريکا چې په يمن کې داسلام پالو داړو دوړ دپر اختيا له امله انديښنه لري په روان کال کې په يمن کې دبې پيلوته الوتکو په بريد لاس پورې کړى دي .
دتيرې جمعې په ورځ په يمن کې په بې پيلوټه الوتکو په بريدونو هم څوارلس تنه مشکوک ياغيان ووژل شول.
 

کابل باختردوږي دمياشتې ١٢ :
دبهرنيو چارو وزير ډاکترزلمي رسول  دپاکستان دبهرنيو چارو دوزيرې حنارباني کهر ، دجنوبي کوريا دبهرنيو چارو  دوزير کيم سونګ هاوي اوداوکراين دبهرنيو چارو دوزير کنستيانتين  په نامه دجلاجلاپيغامونو په ليږلوسره ددغو  هيوادونو دملي ورځې له امله مبارکي وويله.
په دغو پيغامونو کې په دې ترڅ کې  چې ددغو هيوادونو دملي ورځو له امله مبارکي ويل شوې ده او دافغانستان اوددغو هيوادونو ترمنځ داړيکو په  لازيات ټينګښت اوپراختيا باندې ټينګارشوى دى.
 

کابل باختردوږي دمياشتې ١٢ :
ناپيژندل شويو وسله والو کسانو دهلمندولايت دناوي ولسوالۍ  دټولنيزې شورا يو غړى وواژه .
دناوي ولسوال عبدالمنان باختراژانس ته وويل دغه پيښه نن دناوي ولسوالۍ دسلطان زوي په سيمه کې رامنځته شوه  .
ده زياته کړه چې ددغې ولسوالۍ دټولنيزې شورا په غړى حميدالله په خپله کرونده کې دناپيژندل شويو وسله والو  کسانو له خوا بريد وشو او ووژل شو.
ولسوال زياته کړه: پوليسو په دې اړوند پلټنې پيل کړي دي خو تراوسه پورې يې څوک نه دي نيولي.
دهلمندوالي محمدګلاب منګل  دټولنيزې شورا دغه غړى دسيمې له مخورو کسانو څخه وباله .
 

کابل باختردوږي دمياشتې ١٢ :
دوه سوه پنځه ديرش  تنه بنديان دهرات له جيل څخه ازادشول.
دغه بنديان  دزمري دمياشتې  داته ويشتمې نيټې او دنيکمرغه  کوچني اختر له امله دهيواد د جمهوررييس  حامدکرزي دفرمان سره سم  له بند څخه ازاد شوي دي.
دهرات ولايت دجيل لوى مدير جنرال شاه مير اميرپور باخترا ژانس ته وويل: همدااوس څه دپاسه دوه زره پنځه سوه اتياتنه بنديان  دهرات په جيل کې  شپې سباکوي چې يوسلو دوه ويشت تنه يې ښځې دي.
دهرات جيل دامکاناتو له پلوه دپنځه سوه تنوظرفيت لري خو په اوس وخت کې دبنديانو شمير پنځه  برابره شوى دى .
جنرال شاه مير وويل  چې دجمهور رييس حامدکرزي دنوى فرمان له مخې دوه سوه  پنځه  ديرش تنه بنديان چې شپاړلس تنه يې ښځې دي له بند څخه ازاد شوي دي.
 

کابل باختردوږي دمياشتې ١٢ :
دشهيدانو ، معلولينو کار اوټولنيزو چارو وزارت خبرتيا
دشهيدانو اومعلولينو معينيت په مرکز او ولايتونو کې ټولو معلولينو اودشهيدانو پاتې کسانو ته خبرورکوي که چيرې  دخپل د ١٣٩١ کال حقوق يې نه وي ترلاسه کړي  دليندۍ دمياشتي ترپاى پورې دې  په مرکز کې دشهيدانو اومعلولينو رياست اوپه ولايتونو کې  دکار ټولنيزو  چارو دشهيدانو اومعلولينو رياستونو  ته ورشي له دې پرته به دشکايت حق ونه لري.
 

کابل باختردوږي دمياشتې ١٢ :
دکابل پوهنتون دکرنې دپوهنځي دالحاقيه ودانۍ دبنسټ ډبره نن دلوړو زده کړو  د وزير له خوا ديو لړ مراسمو په ترڅ کې کيښودل شوه.
دباخترا ژانس دخبرله مخې،  په دې مراسمو کې  دلوړو زده کړو وزير په هيواد کې دکرنې د ودې  او دنويو کادرونو دروزنې  داړتيا په باب خبرې وکړې  او ويې ويل  چې ددغې ودانۍ  په  جوړولو سره به ددرسي خونو دکمښت له پلوه دکابل پوهنتون دکرنې  دپوهنځي  دمحصلانو ستونزې لرې شي .
دلوړو زده کړو وزارت دپلان اوپاليسي  د رييس عبدالمنير مهرور دڅرگندونوله مخې ،  دغه ودانۍ  دلوړو زده کړو وزارت له بودجې څخه  ديوڅلويښتو مليونو افغانيو په لګښت په دريو پړاونو کې په يو کال کي جوړيږي.
دده دڅرګندونوله مخې داشپږمه پرمختيايي پروژه ده چې دروان کال له پيل څخه  تراوسه پورې په دغه وزارت کې تطبيقيږي .
 

کابل- باختردوږي دمياشتې ١٢ :
دملي دفاع وزارت خبرځايونه وايي چي  په غزني  کې دچاڼنيزو عملياتو په بهيرکې لس تنه وسله وال مخالفين ووژل شول، څلور تنه يې ونيول شول او دهغو يو پنځه اوياملي متري توپ ، اويوه اندازه وسلې او مهمات دامنيتي ځواکونو لاسته ورغلي دي .
دملي دفاع وزارت مطبوعاتي دفتر باختراژانس ته خبرورکړ: په هېواد کې دملي اردو دځواکونو دمحاربوي اوچاڼنيزو عملياتوپه دوام دعقاب دکوماندو افرادو دنړيوالو ځواکونو په ګډو هلوځلو سره دغزني ولايت دګيرو ولسوالۍ په مربوطاتو کې  چاڼيز عمليات ترسره  کړل چي له امله يې  لس تنه مخالفين ووژل شول  اوڅلور تنه يې له دوو وسلو سره ونيول شول.
ددغو عملياتو په بهيرکپ  له يوې ګولۍ سره يې يو پنځه اويا ملي متري توپ، دوه ميله پيکا ، دوه ايکم مخابرې ، له شپږو شاژورونوسره يې يوه تومانچه ، درې موټرسايکلونه اوڅلور پرتلې هم په عملياتو کې دشاملو ځواکونولاسته ورغلي  دي.
ديوبل  خبرله مخې،  دهلمند ولايت دنادعلي اوګرشک ولسواليو په مربوطاتو کې دملي اردو دمنسوبينو دچاڼينزو عملياتو په بهيرکې درې تنه وسله وال مخالفين  وژل شوي  او يوه اندازه وسلې اومهمات ترلاسه شوي دي.
 

کابل باختردوږي دمياشتې ١٢ :
دمشرانو جرګې رييس فضل الهادي مسلميار دپکتياولايت  دامنيتي حالت په باب ددغه ولايت دامنيه قوماندان رپوټ واوريد.
دمشرانو جرګې مطبوعاتي دفتر باختراژانس ته خبرورکړ.
دپکتياولايت امنيه قوماندان جنرال زلمى اورياخيل  په دغو لايت کې دپوليسو دبرياليتوبونو او دامنيتي حالت په باب دمشرانو جرګې رييس ته معلومات وړاندې کړل اوددغه ولايت دامنيتي ستونزو په حل کولو کې يې دمشرانو جرګې دهمکاري غوښتنه وکړه.
دمشرانو جرګې رييس دوړاندې شوى ر پوټ  له اوريدو  وروسته وويل: دامنيت تامينول اساسي لومړيتوبونه دي  اوبايد مسوول ارګانونه په دې برخه کې  جدي اقدام وکړي او لازمه ده چې په اوسنيو نازکوشرايطو کې خلک هم دهېواد له امنيتي ارګانونوسره همکاري وکړي . او ژمنه يې وکړه چې داړوند کميسيون له لارې به ددغه ولايت دستونزو په حل کولو اقدام وکړي.
په پاي کې دپکتياولايت دامنيه قوماندان دخدمتونوپه درناوي  دمشرانو جرګې ستاين ليک ده ته ورکړشو.
 

واشنګتن \ ډي ډان \  دوږي دمياشتې ١٢ :
دامريکا دمتحده ايالاتو جمهور رييس بارک اوباما پرون وويل چې دغه هيواد اوس هم په افغانستان کې له سختې دندې سره مخامخ دي او آن که چيرې په ٢٠١٤ کال  کې دامريکا يو زيات شمير محارب ځواکونه له افغانستان څخه ووځې  بيا به هم  دغه هيواد له افغانستان سره خپلو همکاريوته دوام ورکړي.
دباختراژانس  دخبرله مخې، اوباما پرون دانتخاباتي  کمپاين په بهيرکې دافغانستان  جګړې ته په اشارې سره  دغه څرگندونې وکړي.
اوباما دجمعې په ورڅ دغه راز له هغو عسکرو سره چې په افغانستان کې يې دنده ترسره کړى ده دحوات اوتکزاس په ښارونو کې وکتل او خبري يې ورسره کړي.؛ده دشنبې په ورځ  په خپلې اوونيزې راديويي وينا کې  دافغانستان مسئله جوته کړه او ويې ويل چې تراوسه پورې په افغانستان کې زيات کارونه زموږ پرمخ پراته دي .
ده زياته کړه  چي دامريکا او ددغه هيواد دمتحدينو ځواکونو په افغانستان کې طالبانو ته ماتې ورکړې ده او دافغان ځواکونو په مشري دامنيتي مسوولينو ليږدول يې پيل کړي دي خو له افغانستان سره دامريکا دهمکاريو پاى نه دي .
د اوباما دڅرگندونوله مخې ،دهغو عسکرو  وروستي ډله چې ده دطالبانو پرخلاف په ٢٠٠٩  کال  کې دعملياتو ديوې برخې  په توګه  دهغو داستولو لارښونه کړې وه، په  راتلوونکي مياشت کې به خپلو کورونو ته ستانه شي .
دامريکاجمهور رييس دخپلو خبرو په دوام ويلي دي چي امريکايي  او دناټو ځواکونه چمتو دي چي افغانانو ته دپوځي قومانداني دسپارلو لپاره په  ٢٠١٤ کال  کې پلان عملي کړي.