17 July 2018

RSS Facebook

سوداگریز


تازه خبرونه

د مشرانو جرګې په نننۍ غونډه کې د جمهور رییس یو تقنیني فرمان تصویب شو

د مشرانو جرګې په نننۍ غونډه کې د جمهور رییس یو تقنیني فرمان تصویب شو

کابل باختردچنګاښ دمياشتې ٢٦نيټه : د مشرانوجرګې د رییس فضل هادي...

طالبانو په خواجه سبز پوش کې دوه کلي ونيول

طالبانو په خواجه سبز پوش کې دوه کلي ونيول

کابل باختردچنګاښ دمياشتې ٢٦نيټه : وسله والوطالبانو يو ځل بيا د...

يو بوشکه يي ماين کشف شو

يو بوشکه يي ماين کشف شو

کابل باختردچنګاښ دمياشتې ٢٦نيټه : د بلخ ولايت پوليسو نن...

Youtube Player

khantry design

سوداگریز

سوداگریز

کابل – باختر دلړم دمياشتې ٢٩
يو ځانمرګى يرغلګر چې غوښتل په غزني ولايت کې د اردو د ځواکونو په قرارګاه بريد وکړي؛ د افغان ځواکونو له خوا ووژل شو.
دغه پيښه نن سهار د شپږوبجو په شاوخواکې د مقر ولسوالۍ د قلعه خيلو په سيمه کې هغه وخت وشوه چې يوځانمرګى يرغلګر غوښتل ځان د اردو د پوځيانو قرارګاه ته ورسوي.
ويل کيږي د افغان سرتيرو د ډزو په بهيرکې د دغه ځانمرګى غوښتل ځان د اردو منسوب معرفي کړي او له دې لارې د پوځيانو قرارګاه ته ننوځي چې د امنيتي ځواکونو له خوا وپيژندل شو او ووژل شو.
دچاودنې له امله ځانمرګى يرغلګر ټوتې توتې شوې او د پيژندلو وړ نه دى.
دمقر ولسوال وسله وال طالبان ددغه ناکامه بريد مسوول وبلل او ويې ويل چې امنيتي مامورينو د دغې پيښې د سازمان ورکوونکو د پيژندلو او نيولولپاره هڅې پيل کړې دي.

کابل_باختر د لړم د مياشتې ٢٩ مه:
حامدکرزي او جان کري د یوې ټیلفوني اړیکې په ترڅ کې د امنیتي موافقه لیک په اړه خبرې وکړې.
دجمهوري رياست مطبوعاتي دفترباخترآژانس ته خبرورکړ:
د افغانستان جمهوررئیس حامدکرزي او د امریکا د متحده ایالاتو د بهرنیو چارو وزیر جان کري پرون ماښام د یوې ټیلفوني اړیکې په ترڅ کې د افغانستان او امریکا ترمنځ د امنیتي او دفاعي موافقه لیک د مسودې په متن کې د نظر د هغه اختلاف په اړه چې افغانستان د افغانانو په کورونوکې د هر ډول عملیاتو د ترسره کولو مخنیوی کوي او امریکا په ځانګړو استثنایي حالاتو کې د افغانستان د خلکو په کورونوکې د عملیاتو د ترسره کولو غوښتونکې ده، خبرې اترې وکړې.
د هېواد جمهوررئیس د دغه اختلاف د حل لپاره دوه ممکنې طریقې پیشنهاد کړې: لومړی دا چې د دواړو لورو پیشنهادي متن دې په تړون کې ځای کړای شي او د امریکا د بهرنیو چارو وزیر دې پخپله په مشورتي لویه جرګه کې ګډون وکړي او د خپل هېواد له پیشنهادي متن څخه دې دفاع وکړي، دویم دا چې امنیتي او دفاعي تړون دې له انتخاباتو وروسته د افغانستان له راتلونکي حکومت سره لاس لیک شی.
په مقابل کې د امریکا د بهرنیو چارو وزیرجان کري څرګنده کړه چې دی او د امریکا حکومت د امریکایي ځواکونود پوځی عملیاتو او د افغانستان د خلکو کورونو ته د هغوی د ورتګ په اړه د افغانستان د جمهوررئیس او د دغه هېواد د خلکو اندیښنه درک کوي، ځکه چې دغه اندیښنه د امریکایي ځواکونو له هغو تېروتنو څخه رامنځته شوې چې هغوی په تېر کې په افغانستان کې ترسره کړې دي.
د امریکا د بهرنیوچارو وزیر جان کري د افغانستان د خلکو د دغې اندیښنې د لرې کولو او د افغانستان جمهوررئیس او د دغه هېواد خلکو ته د قناعت ورکولو لپاره دا ومنله چې امریکا به په دې اړه د افغانستان لوري ته وضاحت ورکړي او په کتبي ډول به ورته تضمینونه وسپاري.#

کابل – باختر دلړم دمياشتې ٢٩
د وسله والو مخالفينو يو قوماندان دملي اردوځواکونو د عملياتو په بهيرکې ونيول شو او يوه اندازې وسلې او چاوديدونکو توکي ترلاسه شول.
دملي دفاع وزارت مطبوعاتي دفتر باختر آژانس ته خبرورکړ:
دملي اردو د خاصې قطعې منسوبينو د قندهار ولايت د ميوند ولسوالۍ په مربوطاتوکې چاڼيز عمليات ترسره کړل چې په نتيجه کې يې د طالبانو د ډلې يو قوماندان چې د وسله والو مخالفينو د اکمالاتو مسووليت يې په غاړه درلود؛ ونيول شو او دوه ميله سپکې وسلې، پنځه کڅوړې امونيم نايتريت او اتلس کيلوګرامه چاوديدونکي توکي ترلاسه شوي دي.

کابل – باختر دلړم دمياشتې ٢٩
يو شمېر وسله وال مخالفين د غزني په ګيرو ولسوالۍکې ووژل شول او ٤٤ ماينونه کشف او شنډ کړى شول.
دملي اردو ځواکونو د غزني ولايت په ګيرو ولسوالۍ کې چاڼيز عمليات ترسره کړل چې په بهيرکې يې يو شمېر وسله وال مخالفين ووژل شول او يو شمېر نور ټپيان شول او د قندهار ولايت په پخوانۍ ولسوالۍ کې د ملي اردو د منسوبينو د ګډو عملياتو په بهيرکې يو شمېر وسله وال مخالفين ووژل شول.
دملي اردو ځواکونو د امنيتي ګزمې په بهيرکې د هيواد په بېلابېلوسيموکې ٤٤ ماينونه کشف او شنډ کړي دي.
ديوبل خبرله مخې: د لغمان ولايت د قرغيوولسوالۍ د وريښمو د تنګى او د فارياب ولايت د قيصار ولسوالۍ په مربوطاتوکې دملي اردو دوه تنه منسوبين شهيدان شول او دملي اردو يوبل سرتيرى دپکتيکا ولايت د خيرکوټ ولسوالۍ په مربوطاتوکې ټپي شوى دى.

بيروت_دي دان- باختر د لړم ٢٨مه :
د لبنان خبري آژانسونو خبرورکړ چې د لبنان په پايتخت  بيروت کې د ايران سفارت ته څېرمه د دوو چاودنو له امله درې ويشت تنه وژل شوي دي او څه ناڅه سل تنه نورټپيان شوي دي.
ددغې پيښې په قربانيانوکې دوه تنه ايراني اتباع هم شامل دي.
يوه له دغوچاودنوڅخه د لبنان د حزب الله د ياغيانو اډې ته په څيرمه سيمه کې او بله چاودنه په لبنان کې د ايران سفارت دروازې ده څيرمه شوې ده.
په لبنان کې د ايران سفير وويل چې د ايران فرهنګي اتشه په دې پيښه کې د ټپونوله امله وژل شوى دى.
د عبدالله عظام قطعې په نامه د القاعده شبکې سره يوې اړوندې جهادي ډلې ددغې بريد مسووليت په غاړه اخستى دى.

کابل باختر د لړم ٢٨مه :
دکانکور د بهير د ستونزو د لرې کولو او په دې برخه کې د زيات شفافيت د رامنځته کولو په مقصد د کانکور دکميټې ملاتړيزکميسيون د لوړو زده کړو د وزيرپه مشرۍ او د درې سوه تنو استادانو په ګډون نن يوه غونډه جوړه کړه .
د لوړو زده کړو وزارت د خپرونو رياست باخترآژانس ته خبر ورکړ: د لوړو زده کړو وزارت د محصلانو  د چارو دمعين په مشرۍ او دکانکوردآزموينو دلوى رييس او د مرکزاو د بلخ، قندهار،  هرات، ننګرهار او دخوست د پوهنتونونو د رييسانو او د پوهنتونونو د استادانو د اتحاديې د غړوپه ګډون دکانکوردکميټې ملاتړيز کميسيون  جوړ شوى دى او هدف يې د١٣٩٢ او ١٣٩٣ تحصيلي کال دکانکور د بهير څيړنه بلل شوې ده .
د لوړو زده کړو وزير پوهاند ډاکتر عبيدالله عبيد ددغې کميټې دغړو په غونډه کې وويل چې کانکور د يو ملي او سراسري بهير په توګه  د خلکوپه تيره بيا دهغه نسل ترمنځ چې دعلم د زده کړې د دوام په لاره کې  هلې ځلې کوي؛ خپل ځانګړى ارزښت لري او دکانکور د آزموينو په حوزوکې د ټولو استادانو، د چارو د مسوولينو او د اړوندو ارګانونومسووليت دى چې ددغه بهير د شفافيت او سموالى په لاره کې هلې ځلې وکړي او د هغو لاسوهنومخه ونيسي چې ددغه بهير شفافيت تر پوښتنې لاندې نيسي.
پوهاندعبيد وويل چې  په روان کال کې به د کانکور د داوطلبانو شمېر نږدې درې سوه زرو تنوته، په راتلوونکوکلونوکې پنځه سوه زرو تنو ته او په څو راتلوونکوکلونوکې  يو مليون تنو ته رسيږي.
وروسته د لوړو زده کړو وزارت علمي معين پوهنمل محمد عثمان بابري او د محصلانو د چارو معين او دکانکور دملاتړيزې کميټې رييس پوهاندبري صديقي او دکانکور د آزموينې رياست لوى رييس پوهاند محمد انور شمس په دې اړوند خبرې وکړې او په غونډه کې د برخه والو غړوپوښتنواو وړانديزونه يې ځواب ووايه.
  ټاکل شوې ده دکانکور آزموينې د روان کال د ليندي په مياشت کې د هيواد د سړو سيمو د ښوونځيو له فارغانو څخه پيل شي.

کابل باختر د لړم ٢٨مه :
دکورنيو چارو وزارت د امنيتي چارو سترمعين ستر پاسوال محمد ايوب سالنګي د پوليسو دهغو قطعاتو او جزوتامونو د تيارۍ چې د مشورتي لويې جرګې د جوړولو د سيمې د امنيت د تامينولو مسووليت په  غاړه لري؛ کتنه وکړه او نيول شوي امنيتي تدبيرونه يې د ډاډ وړ وبلل .
دکورنيو چارو وزارت مطبوعاتي دفتر باخترآژانس ته خبر ورکړ: د کورنيو چارو وزارت سترامنيتي معين سترپاسوال محمد ايوب سالنګي په داسې حال کې چې دملي دفاع وزارت د اوپراسيون لوى رييس او د ملي امنيت د لوى رياست استازى هم ورسره و؛ د مشورتي لويې جرګې د جوړولو د سيمې شاوخوا امنيتي پوستې  وکتلې او د پوليسو منسوبين او مسوولين يې خپلو راتلوونکو دندو ته  ځير کړل.
دامنيتي چارو ستر معين د امنيتي پوستو دکتنې په وخت کې وويل: د ملي پوليسو، ملي اردو او د ملي امنيت په ګډون، د هيواد زړه ور امنيتي ځواکونه د زحمتونو، سرښندنې او ځان تيريدنې په منلو سره د مشورتي لويې جرګې د جوړولو د سيمې او د هغې د شاوخوا ساحو د امنيت په تامينولو بوخت دي .
ده د نيول شويو امنيتي تدبيرونو په پياوړتيا باندې په ټينګار سره زياته کړه چې د هيواد امنيتي ځواکونو د بل هر وخت په نسبت زده کړې کړې دي او په پرمخ تللو پوځي وسايلو او وسلو سمبال دي .
دغه راز  د امنيتي چارو معين د ملي پوليسوورځ په ورځ زياتيدونکي ځواکمني او د هيواد له امنيتي ځواکونوسره  د خلکو دهمکارۍ رول ته په اشارې سره وويل:  لکه څنګه چې مشورتي لويه جرګه په نازک تاريخي پړاوکې دسترې ملي موضوع په باب جوړيږي؛ د امنيت تامينول او په سالمه توګه ددغې جرګې جوړول دهيواد د امنيتي ځواکونو او د خلکوګډې دندې او وجيبې دي .
  ده له  هيوادوالو څخه وغوښتل چې په دې نازک او تاريخي پړاوکې له پخوا زيات  له خپلو امنيتي ځواکونوسره همکاري وکړي .

کابل باختر د لړم ٢٨مه :
په باميانو ولايت کې لومړنى سرپټې ورزشي سالون پرانستل شو.
دغه ورزشي سالون له نشه يي توکوسره د مبارزې د چارو وزارت له بودجې څخه د شپږ سوه ديرشو زرو ډالرو په لګښت جوړ شوى دى .
ددغه سالون مساحت دوه جريبه ځمکه ښودل شوې ده چې د تمريني غونډو د جوړولو او په بېلابېلوڅانګوکې دځينو ورزشي لوبو دترسره کولو ظرفيت به ولري.
په باميانوکې ورزشکارانو ددغه ورزشي سالون د جوړيدو هرکلي وکړ او د بېلابېلو څانګولپاره د ورزشي ډګرونو د جوړولو د بهير د پراختيا او زياتوالى غوښتنه يې وکړه .
له نشه يي توکوسره د مبارزې د چارو وزارت ويندوى ذبيح الله دباخترآژانس خبريال ته وويل: پنځه کاله کيږي چې باميان له نشه يي توکوڅخه خلاص شوى دى او له دې امله د نشه يي توکوپرخلاف د مبارزې د چارو وزارت په کال کې يو مليون ډالره په دغه ولايت کې په پرمختيايي او دبيا رغاونې په پروژو لګوي.
ويل کيږي چې په باميانوکې دغه سالون د يو مليون ډالرو بيل کړى شويو پيسو جوړشوى دى.
د وړاندې شويو ارقامو له مخې: همدا اوس د نجونو او هلکانو په ګډون نږدې ديارلس زره تنه ځوانان په رسمي ډول په باميانوکې په څوارلسو ورزشي څانګوکې فعاليت کوي.

کابل باختر د لړم ٢٨مه :
د انتخاباتي شکايتونو د څيړنې د کميسيون رييس نن وويل چې دجمهوري رياست او د ولايتي شوراګانو د نوماندانو وروستى فهرست  ددغه کميسيون له خوا دانتخاباتو خپلواک کميسيون ته وسپارل شوى دى .
  دانتخاباتي شکايتونو دڅيړنې دکميسيون رييس عبدالستار سعادت چې په يوه خبري غونډه کې يې خبرې کولې؛ وويل: دهغو څيړنوله مخې چې ترسره شوې دي؛  يو تن د جمهوري رياست د نوماندانو په لست کې ور زيات شوى دى او د ولايتي شوراګانو د نوماندانو په فهرست کې يوسلو شپاړس بدلونونه رامنځته شوي دي چې شپږ اويا تنه د نوماندانو په فهرست کې شامل شوي او څلويښت تنه نور له هغه  څخه حذف شوي دي.
ده وويل چې حذف شوي کسان د دوى په تحصيلي سندونوکې د جعل په سبب عدلي او قضايي مرکزونو ته وپيژندل شول.
  په دې خبري غونډه کې عبدالستار سعادت څرګنده کړه چې دجمهوري  رياست او د ولايتي شوراګانو د نوماندانانو د وروستى فهرست اعلام د انتخاباتو د خپلواک کميسيون صلاحيت دى او له دې امله به د انتخاباتوخپلواک کميسيون جزئيات اعلام کړي .
د انتخاباتې شکايتونود څيړنې دکميسيون رييس په دې خبري غونډه کې وويل: که چيرې اشخاص او افراد د جمهوري رياست او د ولايتي شوراګانو په فهرست کې د شاملونوماندانو په باب کومه ادعا ولري او داسې سندونه وړاندې کړي چې د نوماندانو د دوو تابعيتونو لرل او په جنګي جنايتونو او د بشري حقوقو په نقضولو د دوى تورنوالي او نور جرمونه ثابت کړي؛ دغه کميسيون به دنوماندانو له فهرست څخه دهغوى د نومونو په حذفولوکې هم اقدام وکړي.

کابل باختر د لړم ٢٨مه :
د بغلان ولايت په مرکز پلخمري ښارکې د موټرو د تګ راتګ د يو سترپل د جوړولو کارنن پيل شو.
دغه پل د يو ويشتو متروپه اوږدوالى او د پنځو متروپه سور د اوبو له کچې څخه د درې نيمو مترو په لوړوالى سره د پلخمري د اوبو د د ويم بند دکانال دپاسه جوړيږي.
ويل کيږي، ددغه پله په جوړيدو سره به دپلخمري ښار او د هغه د شاوخوا سيمو د زرګونو تنو اوسيدونکو د تګ راتګ ستونزه حل شي .
دپلخمري ښاروالۍ يوه مسوول فريدون شينواري د باخترآژانس خبريال ته وويل چې دغه پل د درې ويشتو مليونو افغانيو په لګښت دامريکايي پوځيانو له خوا جوړيږي .
د شينواري دڅرګندونو له مخې: ددغه پل په جوړيدو سره د ښاريانو په تګ راتګ کې اسانتياوې برابريږي او هم د کرنيزو محصولاتو په ليږدونه او د بزګرانو د اقتصاد په  وده کې به ګټور وي.
  دبلې خوا د بغلان د ترافيکو مسوولين هيله لري چې دموټرو دتګ راتګ له دغه پله په ګټې اخستنې سره په پلخمري ښارکې له ترافيکي ګڼه ګوڼه کمښت مومي .