24 June 2018

RSS Facebook

سوداگریز


تازه خبرونه

 ډاکترانو دغور په روغتيايي مرکزونو کې له ستونزو سره مخامخ دي .

ډاکترانو دغور په روغتيايي مرکزونو کې له ستونزو سره مخامخ دي .

کابل باختر د چنګاښ دريمه : په غورولايت کې دروغتيايي...

په لوګر کې  دښوونځي دجوړولو لپاره ځمکه ورکړ شوه .

په لوګر کې دښوونځي دجوړولو لپاره ځمکه ورکړ شوه .

کابل باختر د چنګاښ دريمه : دلوګر يو تن اوسيدونکي...

Youtube Player

khantry design

سوداگریز

سوداگریز

کابل \  باختر د وږي  پنځه ويشتمه :
دقزاقستان دبيړنيو حالاتو وزير نن ديو هييت په مشرۍ کابل ته  راورسيد
کابل د افغانستان  او قزاقستان دحکومتونو ترمنځ دګډکميسيون د شپږم اجلاس کوربه دى .
دغه غونډه دوه ورځې  دوام کوي او په اقتصادي او تجارتي برخو کې دکميسيون
د پنځم اجلاس دتصميمونو دعملي کولو په باب پکې خبرې کيږي .
دغه  راز په دې غونډه کې په ٢٠١٣ کال کې د افغانستان او قزاقستان  ترمنځ داقتصادي او تجارتي همکاريو  او د ٢٠١٤ کال د لرليد په باب هم خبرې کيږي
او دپوهنې ، ترانسپورت ، کرنې او دکانونو په برخو کې دهمکاريو پياوړتيا د هغه اجندا يوه برخه ده چې په افغانستان او قزاقستان کې د يو تجارتي مرکز دجوړولو په باب خبرې کيږي .
دافغانستان او قزاقستان دحکومتونو ترمنځ دشپږم ګډ کميسيون رياست دهيواد دسوداګرۍ وزير په غاړه لري .

هئيت په کابل کې د خپلې استوګنې په وخت کې دجمهور رييس له دويم مرستيال
محمد کريم خليلي ، د سوداګرۍ او داطلاعاتو او فرهنګ له وزيرانو او له  کابل
ښاروال  سره ګوري .

 

دمشق\ دروسيې غږ \ باختر د وږي  پنځه ويشتمه :
  په القاعده پورې تړلي د عراق او سوريي د اسلامي دولت مليشو اعلام کړى دى چې دسوريې له آزادې اردو  سره په جګړه کې ښکيل شوي دي .
دا د پرونيو متحدينو ترمنځ لومړۍ ښکاره نښته ده .
ديوې تند لارې اسلامپالې ډلې په يو سايټ  کې دهغوي د وينا متن خپور شوى دى او دحلب ښار ته د نږدې سيمو دعملياتو د پيل لپاره انتخاب شوي دي .

دمشق \ نړيوالې خبري منابع \باختر د وږي  پنځه ويشتمه :
  د دافع هوا په برخه کې دايران پوځي سلاکاران دسوريې پايتخت دمشق ته ورسيدل .
دسوريه  ال  ان د خبري آژانس دخبر له مخې  : دغه  ماهران تيره اوونۍ دمشق ته ورسيدل او خپلې تجربې به  خپلو سوريايي همکارانو ته  وليږدوي
په ايراني پوځيانو کې دهليکوپترو دکنترول او له رادار څخه دتښتيدونکو الوتکو ماهران ليدل کيږي .

بغداد \ دي نيوز\ باختر د وږي  پنځه ويشتمه :
  دبغداد په ختيځ کې ديو موټر بم د چاودنې له امله نن څه ناڅه پنځه تنه ووژل شول او ديارلس تنه  نور ټپيان شول .
ديونايتدپرس انټرنشنل امريکايي خبري آژانس نن دعراق ديو امنيتي مامور له خولې اعلام  وکړ چې يو بمي موټر دبغداد په ختيځ دالمشتل په سيمه کې وچاوديد چې له امله يې پنځه تنه عراقيان  و وژل شول او ديارلس تنه نور ټپيان شول او دچاودنې شاوخوا څو موټرونو او پلورنځيو ته  زيان   واوښت .
ديونايتدپرس دخبري آژانس دخبر له مخې :  په بغداد او دعراق په څونوروښارونو کې څو چاودنې  وشوې چې زياتره د موټر بمونو  دچاودني زيږنده  وې .
دغه پيښې  دبغداد ، بصري ، بابل ، ذي قار ، واسط او دکربلا په ښارونوکې رامنځته شوې چې دڅلويښتو تنو د وژلو سبب شوې .

پيښور باختر د وږي  دمياشتې پنځه ويشتمه :
  دپاکستاني طالبانو تحريک دپاکستان له حکومت سره دخبرو له ترسره کولو مخکې دبنديانو دآزادولو او له قبايلي سيمو څخه دپاکستاني پوځيانو د وتلو په باب  شرط  وړاندې کړ .
دباخترآژانس دخبر له مخي :  شاهد الله شاهد چې ځان  دپاکستاني طالبانو  دتحريک  ويندوى بللى دى  دجيو نيوز له خبري شبکې سره په خبرو کې وويل ، چې طالبانو له دغې ډلې سره د خبرو د پيل کولو لپاره د پاکستان دحکومت دوړانديز په باب د تصميم نيولو په اړوند د دغې شورا غونډه جوړه  کړې  ده .
د تيرې  اوونۍ د دوشنبې په  ورځ  داستخباراتو ، اردو او دمهمو سياسي  ګوندونو رييسانو په يو عمومي کنفرانس کې ګډون  وکړ او له ياغيانو او افراطي طالبانو سره  د ديالوګ دپيل کولو لپاره يې دګوندونو د غونډې د جوړيدو غوښتنه وکړه .

بغداد\نيوزنو \  باختر د وږي  پنځه ويشتمه :
  دعراق په مرکز او جنوب کې پرون  دتند لارو دبريدونو په  څپو  کې څه  ناڅه څلويښت تنه ووژل شول او څه د پاسه يو سلو شل تنه نور ټپيان شول .
ډير وژونکى بريد په هيلا ښار په هغه ځاى کې وشو چې هلته په دوو موټرونوکې ددوو ځاى پرځاى کړى  شويو بمونو دچاودنې له امله نوولس تنه  ووژل شول .
دبغداد دولايتي شورا رييس رياض العداد له يو ناوړه قصد څخه روغ رمټ پاتې شو خودهغې چاودنې له امله چي دده دموټرو په کاروان وشو درې تنه ووژل شول اوڅلورتنه نور ټپيان شول .
زياتره دغه بريدونه دکربلا ، کوټ، سکندريې ، بصرې او دناصريې په ښارونوکې  شوي دي .

کابل\  باختر د وږي  پنځه ويشتمه :
دهلمند ولايت دمرکز لښکرګاه ښار او ددغه ولايت د سنګين ولسوالۍ په مربوطاتو کې دوسله والو کسانو له خوا په واټونوکې دښخ کړى شويو ماينونو د چاودنې له امله د ملي اردو يو منسوب شهيد او يو تن بل ټپي شو .
دملي دفاع وزارت دويندوى مطبوعاتي دفتر باختراژانس ته خبر ورکړ : چې دملي اردو يو منسوب  په  واټ کې دښخ کړى شوي ماين دچاودنې له امله شهيدشوى دى
دغه ټکى  د دغه دفترپه نننۍ خبرپاڼه کې خپور شوى دى .
دملي اردو منسوبينو په هيواد کې دسولې او امنيت د ټينګښت په مقصد دفراه او هلمندد ولايتونو د بکوا اوسنګين دولسواليو په مربوطاتو کې چاڼيز عمليات تر سره کړل چې له امله يې يو توغندي ويشتونکي ، درې درندې ماشينگڼې ، درې لاسي تومانچې ، پنځه قلمي تومانچې ، يوه اندازه مهمات اويوکرولا موټر ترلاسه شوي دي .

مسکو\ريانوستي \باختر د وږي  پنځه ويشتمه :
  دروسيې خبري رسنيو د دغه هيوادپه يو اټومي اوبتل کې داور لګيدنې خبر ورکړ
باخترآژانس دريانووستي  دخبري  آژانس له خولې خبر راکړ  :  دمسکو په وخت نن سهار په پنځو بجو دتومسک په نامه د روسيې په اټومي اوبتل کې چې د روسيي دآرام  سمندر په سمندري ځواکونو پورې  اړه لري اور ولګيد .
ددغو ځواکونو يو مقام وويل  ،  دمامورينو په هلوځلو اور ترکنترول لاندې  نيول شوى دى او اوس د اور وژنې قطعات د اور دبشپړ وژلو لپاره داقداماتو دويمې څپې  ته تيارى  نيسي .
داور وژني کارکوونکي داټومي اوبتل په بيلابيلو برخو کې د اورلګيدنې دمرکز دموندلو لپاره دپلټنې  په حال کې دي .
دتومسک اټومي اوبتل داورلګيدنې  په وخت کې تر ترميم لاندې و .
په همدې حال کې د روسيې  دسمندري ځواکونو يو مقام وويل چې د تومسک اوبتل د راډيو اکتيف  حالت عادي  دي .

نيويارک \نړيوالي خبري منابع \ باختر دوږي  پنځه ويشتمه :
  ټاکل شوې ده دملګروملتو دسازمان سرمنشي  بانکي مون نن په سوريه کې دکيمياوي وسلو دکارولو په باب دامنيت شورا ته يو رپوټ وړاندې کړي .
بانکي مون به دغه راز نن ناوخته په دې باب دملګروملتو دسازمان عمومي غونډې ته معلومات ورکړي .
دغه رپوټ دکيمياوي وسلو په چارو کې دملګروملتو دسازمان دپلټوونکو په ګډون ديو ټيم له خوا برابر شوى دى .
دپلټونکو دنده  دا وه  تشخيص کړي چې په سوريه کې وژنکي توکي کارول شوي دي که  څنګه ؟
  دا چې څوک د دغو توکو د کارولو مسوول  و دهغوى ددندي برخه نه  وه  .
په خبرونوکې  ويل شوي دي  د دمشق ښار ته څيرمه دزمري دمياشتې په  ديرشمه نيټه دسوريې دحکومتي ځواکونو او مخالفينو ترمنځ د نښتو په دوام له کيمياوي وسله  وکارول شوه چې  دواړه لوري په يوبل باندې دهغو دکارولو تور لګوي .

اسلام آباد \ ډان\ باختر د وږي  دمياشتې  پنځه ويشتمه :
دپاکستان صدراعظم نوازشريف  د درې ورځني سفر لپاره نن ترکيې ته رسيږي .
دغه سفر د ده د ترکي سيال رجب طيب  اردوغان په بلنه  د دواړو هيوادونو ترمنځ داقتصادي  او تجارتي  موضوعګانو په باب  دخبرو په مقصد ترسره کيږي .
نواز شريف به په ترکيه کې دخپلې استوګنې په وخت کې د ترکيې له جمهور رييس عبدالله ګل او په  لوړه کچه دهمکاريو د شورا د دريمې غونډې  له رييسانو سره هم وګوري .
دغه شورا پاکستان ته  په ٢٠٠٩ کال کې درجب طيب  اردوغان  دسفر په وخت کې جوړه شوه  چې لومړۍ غونډه  يې د ٢٠١٠ کال د دسمبر په مياشت کې دترکيې په پايتخت  انقرې ښار کې او دويمه غونډه يې د ٢٠١٢ کال دمې په مياشت کې په اسلام آباد کې جوړه شوه .