23 January 2018

RSS Facebook

سوداگریز


تازه خبرونه

٤ تنه وسله وال طالبان په پلخمري کې ووژل شول .

٤ تنه وسله وال طالبان په پلخمري کې ووژل شول .

کابل باختر دسلواغې دريمه : دپلخمري ښار په خلازايي...

 دملکي هوايي چلند په برخه کې  دهمکارى موافقه ليک لاسليک شو .

دملکي هوايي چلند په برخه کې دهمکارى موافقه ليک لاسليک شو .

کابل باختر دسلواغې دريمه : دملکي هوايي چلند دخپلواکې ...

Youtube Player

khantry design

سوداگریز

سوداگریز

کابل- باختر  دسلواغي اتلسمه:
په بلخ ولايت کې د پينګ پانګ انتخاباتي لوبې پيل شوې .
دبلخ ولايت ورزشي آمر محمد ابراهيم عثمان باختراژانس ته وويل: دغه لوبې دبلخ  ولايت دپينګ پانګ دمنتخب ټيم دغړو دانتخاب په مقصد ددغه ولايت ديو کتابتون د مطالعې په سالون کې پيل شوې دي .
  عثمان څرګنده کړه: په دغو لوبو کې چې څلور ورځې دوام کوي؛ څه دپاسه ٥٠ تنو ورزشکارو نجونو اوهلکانو ګډون کړي دي .
د لوبو په پاى کې دنجونو اوهلکانو غوره څيرې ددغه ولايت دپينګ پانګ منتخب  ټيم ته انتخابيږي .
 

کابل- باختر  دسلواغي اتلسمه:
د شهيد استاد رباني پوهنتون خبرتيا
د شهيد استاد رباني د ښوونې او روزنې پوهنتون د ماسترى د زده کړو مرکز د ١٣٩٢کال لپاره په ښوونه او روزنه کې د ماسترى د پروګرام د شپږمې دورې د نويو شاملانو منل پيليږي .
له دې امله په رقابتي ډول منل د روان کال د سلواغې د مياشتې تر ديرشمې نيټې پورې دوام مومي. په شرايطو برابر استادان د شموليت پاڼې د شهيد استاد رباني د ښوونې اور وزنې پوهنتون د ماسترى د زده کړو له مرکزاو يا له Keu.edu.af وب سايټ  څخه  ترلاسه کولاى شي .
دغه راز د زياتو معلوماتو د ترلاسه کولو په مقصد، کولاي شي د ٠٧٠٠٢١٣٠٠٦ لمبر ټيلفون له لارې اړيکې ونيسئ .
 

کابل -باختر  دسلواغي اتلسمه:
د لوړو زده کړو وزارت ابلاغيه .
په دې وروستيو وختوکې يو شمېر غير دولتي شرکتونه او موسسې د ځوانانو په نوم ليکنې او د پيسو په بدل کې له هيوادڅخه بهر ته د زده کړې لپاره د ځوانانو په استولو لاس پورې کوي چې د دوى دغه شان فعاليت د قوانينو او د لوړو زده کړو وزارت د مقرراتو او لايحو پرخلاف دي او هيڅ راز قانوني صبغه نه لري؛ له دې امله  له دغه شان شرکتونو اوموسسو څخه غوښتنه کيږي چې له  دغه شان فعاليتونو څخه دې ډډه وکړي
دغه راز له هيوادوالوڅخه غوښتنه کيږي چې دغو شرکتونواو موسسو ته په مراجعې سره، د هغوى له خوا ونه غوليږي اوخپلې پيسې بې ځايه ونه لګوي .
له دې پرته، د لوړو زده کړو وزارت د هغو راتلوونکو ستونزو په وړاندې چې ورسره مخامخ کيږي؛ مسووليت نه لري او د دغه شان غير قانوني فعاليتونو عاملين به عدلي او قضايي مراجعو ته معرفي شي .
 

کابل – باختر دسلواغې اتلسمه :
د ډايکندي د ولايتي شورا په انتخاباتوکې نن د دغې شورا رييس، مرستيال او منشي انتخاب شول .
د ډايکندي له ولايت څخه د باختر آژانس د خبريال دخبرله مخې: په دغو آزادو انتخاباتوکې سهراب علي اعتمادي د ډايکندي د ولايتي شورا د رييس، سيد اسحق اخلاقي د مرستيال او هادي رحمتي زاده د منشي په توګه انتخاب شول.
دغه انتخابات د ولايتي شورا د فعالو غړو ترمنځ دسيمه ييزو مقاماتو، د بشر دحقوقو دخپلواک کميسون ، د انتخاباتو دکميسون او د مدني ټولنې دمرکزونو د رييسانو په څارنې سره کال په کال ترسره کيږي.
 

کابل – باختر دسلواغې اتلسمه :
دکابل پولتخنيک پوهنتون خبرتيا:
دکابل پولتخنيک پوهنتون د محصلانو لوست په ١٣٩١ کال دکب د مياشتې په لومړۍ نيټه پيليږي او د لوست د پيل ترڅنګ د محصلانو پاتې آزموينې اخيستل کيږي.
په دې وسيله د موضوع په باب محصلانو ته خبرورکړ شو.
 

واشنګټن– باختر دسلواغې اتلسمه :
سپينې ماڼۍ په باالقوه ترورستي هدفونو د بې پيلوټه الوتکو د بريدونو دفاع وکړ او زياته کړې يې ده چې دغه بريدونه قانوني، اخلاقي او عادلانه دي او سپينه ماڼۍ به دغو بريدونو ته دوام ورکړي.
د سپينې ماڼې ويندوى جيمز کارتي په دې اړوند د امريکا د حکومت نظر څرګند کړ او ويې ويل چې دغه بريدونه قانوني، له اخلاقي پلوه سم او دغه راز معقول دي .
د سپينې ماڼۍ ويندوى دغه څرګندونې پرون له هغه وروسته وکړې چې د امريکا دعدليې وزارت په يو ليک کې وويل شول چې د دغه هيواد جګپوړي مامورين کولي شي چې د امريکايانو په ګډون، دمشکوکو تروريستانو د وژنې امرصادر کړي. که څه هم په نږدې راتلوونکې کې د امريکا په ګتو دکوم مشخص بريد څرګند دلايل موجود نه وي.
په ليک کې زياته شوې ده: په يو امريکايي تبعه که چيرې نوى په ګواښوونکو فعاليتونوکې ونډه اخستنې وي؛ ښايي بريد وشي، خو انتقاد کوونکو د امريکا د جمهور رييس بارک اوباما په مشرۍ ددغه هيواد په حکومت له قدرت څخه د ناوړې استفادې تورلګولې دي .
 

کابل – باختر دسلواغې اتلسمه :
دسالنګ لويه لاره نن سهار په اووه بجو بيا د ترافيکو پرمخ پرانيستل شوه.
دسالنګونو د ساتنې او څارنې آمر جنرال رجب دباختر آژانس خبريال ته وويل چې دغه لويه لاره د واورې د پرله پسې اورښتونو له امله له پنځو ورځو را په دې خوا تړلې وه .
جنرال رجب وويل : په دې لويه لاره کې په اووه پنځوسو ساحوکې واوره ښويدلې وه؛ خو د سر زيان او مالي تاوان يې نه دې اړولې.
ده وويل : د ستونزو دکمښت په مقصد، دغه لويه لاره پرانيستل شوه او ټينګار يې وکړ، هغه موټر چلوونکي چې د سالنګ په لويه لاره کې تګ راتګ کوي؛ بايد خپل وسايل په ژمنيو تجهيزاتو سمبال کړي او د سالنګونو دموظفينو له لارښونې له سره سم دې عمل وکړي.
ده يوځل بيا دا خبره تکرار کړه چې ټيلري وسايط په دې لاره کې دتګ راتګ اجازه نه لري.
 

کابل – باختر دسلواغې اتلسمه :
د افغانستان د عالمانو سرتاسري شوری د خپلو نوبتي غونډو په لړ کې د روان کال د سلواغې د میاشتې په ۱۷ مه نېټه د دغې شوری د رئیس قضاوتپوه مولوي قیام  الدین کشاف تر مشرۍ غونډه وکړه.
د عالمانو د سراسري شورى يو خبرځاى باخترآژانس ته خبرورکړ:
غونډه د قرآن کریم په تلاوت سره پېل شوه. وروسته د علو د سرتاسري شوری  رئیس د اړوندو مسایلو په هکله وینا وکړه او علمای کرامو ته یې د روانو حالاتو په باب معلومات ورکړل.
ورپسې د عالمانو دسرتاسري شوری د روانې غونډې مصوبه د دغې شوری د  غړي  مولوي عطاء الله لودین لخوا ولوستل شوه، په مصوبه کې د قرآني مبارکو ارشاداتو او نبوي   مبارکو احادیثو په رڼا کې د مسلمانانو په منځ کې د سوله ییز ژوند، ترحم، ورورولۍ او خواخوږۍ سپارښتنه او د مسلمانانو په منځ دښمني، جګړې او د مسلمان وژل او مسلمانانو ته ضرر رسول ناروا او کبیره ګناه بلل شوې، چې سزا یې د دوزخ اور دی.
په مصوبه کې د مسلمان د وینې، مال او پت د حرمت په هکله څرګند دلایل راوړل شوي او په وسلې سره د مسلمان تهدیدول او ګواښل هم حرام عمل ګڼل شوی دی.
همدا راز د هغه چا وژلو ته چې د توحید کلمه )لا اله الا الله( وايي، هره پلمه جوړول او د مسلمانانو له قاتلانو سره هر ډول مرسته د رسول الله صلی الله علیه وسلم لخوا غندل شوې ده.
د مفصلو او څرګندو دلایلو له وړاندې کولو وروسته د مخالفینو لخوا د افغانستان د مسلمان او متدین ملت د عالمانو، قومي مشرانو، سپین ږيرو، ځوانانو، نارینه و، ښځو، د اردو، پولیسو او امنیتي منسوبینو، ښوونکو او استادانو او د نورو عامو بې ګناه وګړو وژنه ناروا او حرام عمل بلل شوی او مخالفینو ته  د سولې له بهيرسره د یوځای کېدو د وار، وار بلنو سره یو ځل بیا بلنه ورکړ شوې ده، چې د جنګ او مسلمان وژنې پرځای د سولې لاره،  چې د خدای جل جلاله امر دی، خپله کړي.
وروسته د پاکستان اسلامي جمهوریت ته د سولې د عالي شوری د هغه اووه کسیز پلاوي د سفر په هکله چې د افغانستان د عالمانو د سرتاسري شوری د رئیس په مشرۍ په نږدې ورځو کې ترسره کیږي، د سولې د عالي شوری د منشي استاد امین الدین مظفری لخوا معلومات وړاندې شول، چې نوموړی پلاوی به د پاکستان لخوا له ټاکل شوي اووه کسیز هیئت سره، چې په ترکیب کې یې د دغه هېواد د څلورو واړو ایالتونو څخه مشهور او جید عالمان شامل دي، ددواړو هېوادونو ترمينځ د عالمانو د کنفرانس د جوړېدو د نېټې، اجندا او د ګډون کوونکو د شمېر په هکله نهايي پرېکړه وکړي.
همدا راز د غونډې په وروستۍ برخه کې د سولې د عالي شوری د عامه پوهاوي رئیس  قاضی محمد امین وقاد د عالمانو د کنفرانس په اهمیت خبرې وکړې او په افغانستان کې  دسولې او امنیت ټینګېدو لپاره یې دعا وکړه.
 

کابل – باختر دسلواغې اتلسمه :
دپکتيکا ولايت د اومنې ولسوالۍ په يو کورکې دوه تنه د ماين جوړولو په وخت کې ووژل شول .
دملي دفاع وزارت دمطبوعاتي ويندوى باختر آژانس ته خبرورکړ:
دغه دوه تنه هغه وخت ووژل شول چې په ماين جوړولو سربېره يې يوه اندازه ماينونه د پکتيکا ولايت د اومنې ولسوالۍ په مربوطاتو کې په خپلو کورونوکې ساتل چې په مناسب وخت کې له هغو څخه په ورانکارو فعاليتونو کې کار واخلي .
ويل شوى دى، له دغې چاودنې وروسته ټول ماينونه چې په دې کورکې ساتل کيدل؛ چاودلې دي .
له بلې خوا د ملي دفاع وزارت تاييدکړه چې دملي اردو يو عسکر د خوست ولايت د صبريو ولسوالۍ په واټ په ښخ کړى شوى ماين په ختلو سره ټپي شو.
 

کابل – باختر دسلواغۍ اتلسمه :
د هلمند ولايت د خلکو استازو دکورنيو چارو له وزير سره د خبرو په ترڅ کې د امنيت د تامينولو په لاره کې د دغه وزارت د پروګرامونو ملاتړ وکړ.
دکورنيو چارو وزارت مطبوعاتي دفتر باختر آژانس ته خبر ورکړ: په دې کتنه کې په ملي شوراکې د هلمند ولايت د استازو په ګډون سربيره، د دغه ولايت څه ناڅه څلويښتو تنو قومي مشرانو برخه لرله؛ د امنيت د تامينولو په لاره کې دکورنيو چارو وزارت پروګرامونه وستايل او په دې برخه کې د همکاري ژمنه وشوه.
دغه راز دوى د سيمه ييزو ملي پوليسو له چلند څخه خوښي وکړه او وګړنيز پوليس يې هم ګټور وبلل.
دکورنيوچارو وزيرمل پاسوال غلام مجتبى پتنګ د هلمند دخلکو د ولولو له امله مننه وکړه او په پړاونوکې د دغه وزارت امنيتي مسووليتونه څرګندکړل.
ده تاييد کړه چې پوليسو هغه لارې چارې په پام کې نيولې دي چې خلکو رضايت له ځان سره ولري.