20 October 2018

RSS Facebook

سوداگریز


تازه خبرونه

د ولسي جرګې انتخابات سبا ترسره کيږي

کابل \ باختر د تلې دمياشتې٢٧ نيټۀ : سبا...

جمهور رئیس غني د شهید ډګر جنرال عبدالمومن حسین خېل جنازې ته درناوی وکړ

کابل \باختردتلې دمياشتې ٢٧نيټه : د افغانستان د اسلامي جمهوریت جمهور...

جمهور رئیس غني د هېواد عمومي امنیتي وضعیت وارزاوه

کابل \باختردتلې دمياشتې ٢٧نيټه : د افغانستان د اسلامي جمهوریت جمهوررئیس...

Youtube Player

khantry design

سوداگریز

سوداگریز

کابل باختر دلړم شپږ ويشتمه :
دبهرنيو چارو وزارت ويندوى جانان موسي زي نن په يوه خبري غونډه کې وويل چې افغانستان ته دپاکستان د صدراعظم نوازشريف د سفر په اجنډا کار دوام لري .
  دباخترآژنس دخبريال دخبر له مخې: ټاکل شوې ده دپاکستان صدراعظم دهيواد دجمهور رييس حامدکرزي په بلنه افغانستان ته سفر وکړي .
  د بهرنيوچارو وزارت ويندوى په دې باب وويل: موافقه شوې ده چې د پاکستان صدراعظم افغانستان ته سفر وکړي. خو ددغه سفر دقيقه نيټه لاتراوسه پورې نه ده په ډاګه شوې.
د ده دڅرګندونو له مخې: ددغه سفر د اجنډا په باب ګډکار دوام لري .

کابل باختر دلړم شپږ ويشتمه :
د بهرنيو چارو وزارت ويندوى وايي چې په تاجکستان کې د افغان محصلانو د مدد معاش د نه اجرا کيدوستونزه حل شوې ده .
  دباخترآژنس دخبر له مخې: جانان موسي زي چې په يوه خبري کنفرانس کې يې  خبرې کولې؛ په دې اړوند وويل چې په تاجکستان کې د افغان محصلانو د مدد معاش د نه ورکولو ستونزه د بهرنيو چارو وزارت او د ماليې او د لوړو زده کړو د وزارتونو د همکارۍ په نتيجه کې حل شوې ده .
هغه مدد معاش چې افغان محصلان يې مستحق دي؛ اجرا شوى دى او رسمي ليک يې په تاجکستان کې د افغان سفارت ته  ليږل شوى دى چې د افغان محصلانو معاشونه اجراشي.
ددغومحصلانوشميرشپيتو ته رسيږي او نږدې دوه سوه پنځوس تنه نور افغان محصلان په  شخصي لګښتونو سره دتاجکستان دلوړو زده کړو په موسسوکې په زده کړه بوخت دي .

Sunday, 17 November 2013 12:44

شپږ مړي ترلاسه شول

کابل باختر دلړم شپږ ويشتمه :
دهغو شپږو تنوملکي وګړومړي چې د وسله والوطالبانو د ډلې له خوا د ارغستان ولسوالۍ په مربوطاتوکې وژل شوي وو؛  نن  دقندهار د پوليسو لاس ته ورغلل .
دقندهار د والي ويندوى جاويد فيصل باخترآژانس ته وويل چې دغه درې تنه درې ورځې مخکې کله چې د زابل له ولايت څخه دکارموندلو په مقصدقندهارته ورغلي وو؛ په لاره کې دطالبانو له خوا د ارغستان ولسوالۍ په مربوطاتوکې تښتول شوي وو.
فيصل زياته کړه چې وسله والو طالبانو دغه کسان په دې تور چې ګنې پوليس دي؛  له موټرو څخه ښکته کړل او شهيدان يې کړل .
خبرځاى زياته کړه چې د هغوى مړي د ارغستان ولسوالۍ په مربوطاتوکې دپوليسو دځواکونو لاس ته ورغلي دي .

کابل باختر دلړم شپږ ويشتمه :
د بريښنا شرکت مسوولين وايي چې دوى هلې ځلې کوي چې په راتلوونکو دريو کلونوکې دپايتخت په ګډون دهيواد ټولې سيمې دبريښنا له انرژۍ څخه ګټه واخلي.
  دباخترآژانس دخبرله مخې: د بريښنا شرکت  دمطبوعاتو دبرخې مسوول وحيد الله توحيدي وايي چې د بريښنا شرکت له خوا د طرحه شويو پروګرامونو له مخې په راتلوونکو دريو کلونو پورې به کابل په بشپړه توګه دبريښنا له انرژۍ څخه ګټه واخلي او دغه راز په نورو پروژو به کار ترسره شي چې خلک په بشپړه توګه له بريښنا څخه ګټه واخلي چې دغه پروژه د ارغندې له لارې ميدان وردکو، غزنى او قندهار ته بريښنا رسوي .
توحيدي زياته کړه چې يوسب استيشن دغزنى ولايت په ګيلان ولسوالۍ کې په پام کې نيول شوى دى چې دهغې له لارې به قندهار او زابل ته بريښنا ورسول شي .
توحيدي وويل چې ددغې پروژې کار په نږدې راتلونکې کې پيليږي او له پرانستلو مخکې د اتلسو مياشتو په بهيرکې به بشپړه شي .
   دغه راز د بريښنا شرکت مطبوعاتي مسوول د څو نورو پروژو يادونه هم وکړه چې له کابل څخه پيل او دپکتيا، لوګر او خوست په لور به وغځول شي .
ددغوسيمو بريښنا دتاجکستان او ازبکستان دهيوادونو له وارداتي بريښنا څخه به  تامين شي.

کابل باختر دلړم شپږ ويشتمه :
دمشرانوجرګې لومړي نايب محمدعلم ايزديارنن په داسې حال کې چې ددغه مجلس منشي سيد فرخ شاه جناب هم حاضر و، دکابل ښار د يوولسمې حوزې دآمر سمونوال سيد خير الدين صياد او د دغې حوزې د مرستيال سمونوال محمد عارف امين زاده رپوټونه واوريدل.
دمشرانوجرګې مطبوعاتي دفتر باخترآژانس ته خبر ورکړ: په دې غونډه کې سمونوال صياد ددغې حوزې د امنيتي حالاتو د تدبيرونو په باب معلومات ورکړل او ويې ويل چې د پوليسو منسوبين د امنيت د تامينولو په لاره کې نازک حالت ته په پاملرنې سره د قانون د واکمنۍ د نافذولو او د خلکو د مذهبي او خوشحالۍ د مناسبتونو د جوړولو لپاره د تيارۍ  په لاره کې شپه او ورځ دکابل ښاريانو په خدمت کې دي او له هيڅ راز هلوځلو څخه به ډډه ونه کړي .
وروسته دسنامجلس لومړي نايب د هغوى د رپوټونو له اوريدو وروسته دخبرو په ترڅ کې له قانون سره سم له هغوى سره د هر راز همکارۍ  ژمنه وکړه او د هغوى کړه وړه يې وستايل .
دغه راز د مشرانوجرګې لومړي نايب محمدعلم ايزديار په داسې حال کې چې د مشرانو جرګې منشي سيدفرخ شاه جناب هم حاضر و؛ د فارياب ولايت د قيصار ولسوالۍ د يوشمير مشرانو غوښتنې او وړانديزونه واوريدل .
په دې کتنه دوى په ښوونځيو د مسلکي ښوونکواو د ودانيو دکمښت، روغتيايي کلينکونو، سړک، بريښنا، پوهنې اود کرنې په ګډون خپلې يولړ سيمه ئيزې ستونزې طرحه کړې او په دغو برخو کې يې دسنا مجلس  دهمکارۍ غوښتنه وکړه .
دمشرانو جرګې لومړي نايب او منشي  ژمنه وکړه چې د دوى ستونزې له اړوندو مراجعوسره طرحه کوي او د حل لارې چارې به يې د اړوندو مسوولينو په وړاندې  ولټول شي.

کابل باختر دلړم شپږ ويشتمه :
په جوزجان ولايت کې د طالبانو د ډلې دويم لمبر سړى پرون د دغه ولايت دعامې روغتيا د رييس په کورکې ونيول شو .
  دطالبانو د ډلې يو مهم غړى ملاحجت الله چې له څلورو کلونوراپديخوا د درز آب او شورتيپې او ددغه ولايت په نورو برخوکې په دولتي ضد فعاليتونو بوخت و؛ د پوليسو له خوا ونيول شو .
جوزجان ولايت دامنيې قوماندانۍ ويندوى سمونوال عبدالمنان روفي باخترآژانس ته وويل: ملاحجت الله چې له پنځلسو ورځو راپديخوا ددغه ولايت دعامې روغتيا د رييس ډاکترفريدون په کورکې شپې سبا کولې؛ د امنيې قوماندانۍ دکشف مديريت  د ځواکونو له خوا ونيول شو .
ويل کيږي ملاحجت الله د ډاکتر فريدون له نږدې خپلوانو څخه دى چې له څه مودې راپديخوا د ترور، په امنيتي پوستو د بريدونو او په ډار اچولوکې يې لاس درلود .
ملا حجت الله ويلي دي چې له څلوروکلونوراپديخوا يې په دغې ولسوالۍ کې په طالبانو ته د وسلو اوپيسو د ويشلو مسووليت په غاړه درلود او څوځلې د طالبانو له مشرانو سره د کتنې لپاره کويټې ته تللى او د سړي تښتولو او ډار اچولو  دعملونو په باب يې زده کړې کړې دي
ويل کيږي د جوزجان ولايت دعامې روغتيا رييس دڅيړنو تر پاى پورې د پوليسو تر څارنې لاندې دي.

کابل باختر دلړم شپږ ويشتمه :
په مزارشريف  ښارکې نن سهار د ځانمرګي بريد له امله دوه تنه ووژل شول او څلور تنه نور ټپيان شول .
يوځانمرګى يرغلګر د مزارشريف ښار د آريانا کارتې په سيمه کې د بلخ د والي دمرستيال دکاروان په وړاندې ځان وچاوه .
ويل کيږي په دې پيښه کې دبلخ والي مرستيال محمدظاهر وحدت ته زيان نه دى اوښتى، خو دهغه يوساتوونکى له يوکارکوونکى سره ووژل شول او څلور تنه نور ملکي وګړي ټپيان شول .
دامنيې قوماندانۍ د امنيت آمر عبدالرزاق قادري وايي: د دغې پيښې دڅرنګوالى په باب څيړنې پيل شوې اوجزئيات وروسته وړاندې کيږي .

کابل باختر دلړم شپږ ويشتمه :
دکابل ښار د فوټبال د الف ټيمونو د سياليو وروستى پړاوبه سبا په کابل کې ترسره شي.
دفوټبال فدراسيون د رسنيو مسوول احمدشاه ساير باخترآژانس ته وويل: په دې پړاوکې ټاکل شوې ده د اردو د ځوانانو او د پامير ټيمونه لوبه وکړي.
دخبرځاى دڅرګندونو له مخې: دغه سيالۍ چې د کابل په ورزشي لوبغالى کې  يوه مياشت مخکې د دولسو ټيمونو ترمنځ پيل شوې وې؛ د اردو د ځوانانو او د پامير ټيمونو وکولاى شول د دغوسياليو وروستى پړاو ته لاره ومومي چې ټاکل شوې ده دغه دوه ټيمونه سبا غرمه سيالي وکړي .

کابل باختر دلړم شپږ ويشتمه :
په غزني ولايت کې دپوليسو دوه تنه مامورين د اخلاقي فساد په تور ونيول شول .
دغه پوځيان پرون کله چې دوه نجونې يې دمهاجرينو له ښارګوټي غزني ښار ته ليږدولې؛ لومړى د سيمې د اوسيدونکوله خوا ووهل شول او وروسته د امنيتي مامورينو له خوا ونيول شول .
يوعيني شاهد باخترآژانس ته وويل چې په دغو پوځيانو او نجونو خلکوله خوا په موټرکې بريد وشو او د دوى موټر اور واخيست .
دغزني ولايت مرستيال محمدعلي احمدي په دغو دوو تنو پوليسانو او نجونو د اخلاقي فساد تور لګول تاييدکړل .
نيول شوي کسان د ترافيکو او سيمه ئيزپوليسان دي .
ويل کيږي له نيول شويوکسانو څخه يو يې له خلکو سره په نښته کې د سيمې يوتن اوسيدونکى ټپي کړى دى.

کابل باختر دلړم شپږ ويشتمه :
دقندهار ولايت په پنجوايي ولسوالۍ کې تېره شپه د طالبانو او د امنيتي ځواکونو ترمنځ نښته کې دوه تنه وسله وال طآلبان ووژل شول.
دقندهار د والي ويندوى جاويد فيصل باخترآژانس ته وويل: دغه جګړه د پنجوايي ولسوالۍ د تلکانو په ساحه کې د امنيتي ځواکونو او طالبانو ترمنځ ونښته چې له امله يې دوه تنه طالبان ووژل شول .
دفيصل دڅرګندونوله مخې: په دې نښته کې امنيتي ځواکونو ته زيان نه دى اوښتى.