19 September 2018

RSS Facebook

سوداگریز


تازه خبرونه

جمهوررئیس غني د هند له لومړي وزیر سره وکتل

کابل \باختردوږي دمياشتې٢٨نيټه : د افغانستان...

يوزرو پنځه کيلو ګرامه چرس ترلاسه شول

کابل \باختردوږي دمياشتې٢٨نيټه : په ننګرهار ولايت کې پرون...

Youtube Player

khantry design

سوداگریز

سوداگریز

Saturday, 28 September 2013 09:11

درې ويشت ماينونه کشف شول

کابل – باختر د تلې دمياشتې ٦
د ملي اردو منسوبينو نن د امنيتي دندو د ترسره کولو په بهيرکې درې ويشت ماينونه کشف کړل او په همدې ترتيب يې د څو تروريستي پيښو مخه ونيوله.
دملي دفاع وزارت مطبوعاتي دفتر باختر آژانس ته خبر ورکړ: د ملي اردو منسوبينو دهلمند د سنګين او د خانشين ولسواليو په مربوطاتوکې د عقاب-٩٢ تر عنوان لاندې چاڼيز عمليات ترسره کړل چې له امله يې اته ماينونه کشف او شنډ شول، يو توغندى ويشتونکي او يو موټر سايکل ترلاسه کړ.
دغه راز د ملي اردو منسوبينو د قندهار ولايت دپنجوايي ولسوالۍ په مربوطاتو کې په نورو چاڼيزو عملياتوکې يو کلاشنکوف، يوه آيکم مخابره او دوه موټر سايکلونه ترلاسه کړل.
ديوبل خبرله مخې: دملي اردو ځواکونو د پکتيکا ولايت د ارګون ولسوالۍ په مربوطاتوکې دنجات – ٣ په نامه عمليات پيل کړي دي چې تراوسه پورې ديو شمير جنګي وسايلو ، پنځلس ډول ډول ماينونو په کشفولو بريالي شوي دي.

کابل\باختر\د تلې  د مياشتې ٦ مه:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان ځاى ځاى وريځ، د تودوخې لوړه درجه ٢٩ ټيټه  ١١
هرات- آسمان  شين ، د تودوخې لوړه درجه ٣٦،  ټيټه ١٥
جلال آباد- آسمان ځاى ځاى وريځ، د تودوخې لوړه درجه ٣٣، ټيټه ٢٠
قندهار- آسمان شين   ، د تودوخې لوړه ٣٧ ، ټيټه ١٤
مزارشريف- آسمان شين ، د تودوخې لوړه  ٣٨، ټيټه ١٨
کندز- آسمان  شين،  د تودوخې  لوړه درجه ٣٤، ټيټه ١٢
غزني- آسمان ځاى ځاى وريځ ، د تودوخې لوړه درجه ٢٦ ، ټيټه ٧
باميان- آسمان ځاى ځاى وريځ ، د تودوخې لوړه درجه ٢٤ ، ټيټه ٤
فيض آباد- آسمان ځاى ځاى وريځ ، د تودوخې لوړه درجه ٢٧، ټيټه  ١٠
شمالي سالنګ- آسمان وريځ ، د تودوخې لوړه درجه ١١، ټيټه  صفر
فراه- آسمان شين ، د تودوخې لوړه درجه ٣٨ ټيټه ١٦
خوست- آسمان ځاى ځاى وريځ،د تودوخې لوړه درجه ٢٩، ټيټه ١٨
ميمنه- آسمان شين، د تودوخې لوړه درجه  ٣٤ ، ټيټه ١٨
لښکرګاه-  آسمان شين، د تودوخې لوړه درجه ٣٨، ټيټه ١٧
جنوبي سالنګ- آسمان ځاى ځاى وريځ ، د تودوخې لوړه درجه ١٦، ټيټه ٨
شبرغان –  آسمان شين  ، د تودوخې لوړه درجه ٣٦، ټيټه ٢٠
جبل سراج- آسمان ځاى ځاى وريځ ،د تودوخې لوړه درجه ٢٨ ټيټه ١٣
په کابل کې به سبا لمرپه ٥ بجو او ٤٥ دقيقو وخيژي او د مازيګر په ٥بجو او ٤٣ دقيقو ولويږي . 

کابل\باختر\د تلې  د مياشتې ٦ مه:
دکابل د شهزاده سراى دصرافانو د رييس دمعلوماتو له مخې :
نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په  57/85  افغانيو پلورل په   57/90افغانيو
يوانګليسى پونډ پيرودل په  92/20افغانيو پلورل په   92/30افغانيو
يوه يورو  پيرودل په   60 77/ افغانيو پلورل په   77 /70  افغانيو
يوسعودي ريال پيرودل په  30 15/پلورل  15/35 افغانيو
د اماراتو يو درهم پيرودل په 60/ 15 افغانيو پلورپه 65 / 15 افغانيو
زرپاکستاني کلداري پيرودل په  538افغانيو پلورل په  539 افغانيو
زرهندي کلدارى پيرودل په 920 افغانيو پلورل په 930 افغانيو
اوزر ايراني تو مان پيرودل په 19/20  افغانيو پلورل په   19/30 افغانيو.

کابل_باختر د تلې د مياشتې ٦ مه:
د افغانستان د جمهوررئیس حامدکرزي او د چین د جمهوررئیس شي جین پینګ په حضورکې، پرون د دواړو هېوادونو د چارواکو ترمنځ د همکاری درې موافقه لیکونه لاس لیک شول.
دجمهوري رياست مطبوعآتي دفتر باخترآژانس ته خبرورکړ:
په اقتصادي او تخنیکي برخه کې لومړی موافقه لیک د ملي امنیت د سلاکار ډاکتر رنګین دادفر سپنتا او د چین د سوداګری د وزیر ترمنځ لاس لیک شو.
د دغه موافقه لیک په چوکاټ کې به د چین حکومت له افغانستان سره د۲۰۰ میلیونو چینایي ایوان بلاعوضه مالي مرسته کوي چې دغه مرسته به د افغانستان د حکومت د لومړیتوبونو په اساس او د دواړو هېوادونو په مشوره په بېلابېلو پروژو ولګول شي.
دویم موافقه لیک د چین او افغانستان ترمنځ د بندیانو د استرداد په برخه کې د چین د بهرنیو چارو وزارت د مرستیال او د افغانستان د بهرنیو چارو وزارت د سیاسي معین ارشاد احمدي ترمنځ لاس لیک شو.
دغه راز دریم موافقه لیک د کابل پوهنتون او د چین د شییان پوهنتون ترمنځ د همکاری د رامنځته کولو په مقصد د چین د شییان پوهنتون د رئیس او په چین کې د افغانستان د سفیر محمد کبیر فراهي ترمنځ لاس لیک شو.
د یادونې وړ ده چې د چین حکومت به سږکال د تعلیمي او فرهنګي همکاریو په چوکاټ کې د افغانستان او چین د پوهنتونونو ترمنځ همکاري رامنځته، د پوهنې او د هایدرولیک د انجنیری په برخه کې به افغان ځوانانو ته مسلکي روزنه ورکړي، په چین کې به افغان ځوانانو ته د لوړو زده کړو لپاره لانور بورسونه برابر او د کابل په  پوهنتون کې به د چینایي ژبې کورسونه زیات کړي.

کابل باختر دتلې دمياشتې ٥ :
د افغانستان جمهوررئیس حامد کرزي، په سیمه ایز وخت نن  ماښام د چین هېواد له جمهوررئیس شي جین پینګ او د دغه هېواد له صدراعظم لي کیکیانګ سره د دغه هېواد د جمهوري ریاست په ماڼۍ کې وکتل.
دجمهوري رياست مطبوعاتي دفتر باخترآژانس ته خبرورکړ :
په داسې حال کې چې د چین د جمهوررئیس او صدراعظم له خوا حامد کرزي او ملګري پلاوي ته یې د ځانګړو تشریفاتي مراسمو په ترڅ کې هرکلی وویل شو، دواړو لورو په ډیره دوستانه او صمیمانه فضا کې مذاکرات ترسره کړل.
د افغانستان جمهوررئیس حامدکرزي د چین د جمهوررئیس د رسمي بلنې او فوق العاده میلمه پالنې له امله د مننې په ترڅ کې وویل ، چې چین د افغانستان ډیر ښه او آزمویل شوی ملګری ګاونډی دی او دا اوس په بشپړه توګه ثابته شوې خبره ده .
حامدکرزي وویل، چې ما له ځان سره تاسو او د چین دوست ملت ته د افغانستان د خلکو نیکې هیلې او د مننې مراتب راوړي دي.
حامد کرزي د چین جمهوررئیس او صدراعظم  ته بلنه ورکړه چې په یوه مناسب وخت کې افغانستان ته سفر وکړي.
په دې کتنه کې د افغانستان او چین ترمنځ د دوه اړخیزو سیاسی، امنیتی، اقتصادی، تجارتی او فرهنګی اړیکو او همکاریو، د سیمه ایزو او نړیوالو مسایلو پر ټولو ابعادونو باندې په مفصله توګه خبرې وشوې.
په کتنه کې  پخوانیو موافقو او د ستراتیژیکو همکاریو اعلامیې ته په کتو سره دواړو خواوو ټینګار وکړ چې افغانستان او چین دې د یو ستراتیژیک او اوږد مهاله لید لوري په اساس خپلې ستراتیژیکې همکاری او روابط لا هم پراخ کړي.
د چین جمهوررئیس او صدراعظم،جمهوررئیس حامدکرزي ته ډاډ ورکړ چې چین د افغانستان په مشری او مالکیت د سولې له پروسې څخه په تمامه ما نا ملاتړ کوي او چین چمتو دی چې په دغه پروسه کې په قوي ډول خپل رول ولوبوي.
دوی د افغانستان، چین او پاکستان ترمنځ د درې اړخیزې ناستې پر دوام باندې چې تراوسه یې دوه غونډې جوړې شوې دي، د افغانستان او پاکستان د اړیکو د ښه والي په خاطر، ټینګار وکړ.
د چین جمهوررئیس له خپل افغان سیال حامدکرزي سره په دې کتنه کې ډاډ څرګند کړ چې هېواد به یې د افغانستان د ملي اردو او ملي پولیسو د تجهیز، پیاوړتیا او روزنې په برخه کې په جدي ډول همکاري وکړي.
جمهوررئیس شي جین پینګ همدا راز حامدکرزي ته وویل چې چین
د افغانستان د امنیت او ثبات په خاطر د سیمې او د نړۍ له نورو هېوادونو، په ځانګړې توګه له امریکا سره د افغانستان د ملي منافعو او د افغانستان له شرایطو سره سم د ستراتیژیکو اړیکو د لرلو ملاتړ کوي.

کابل – باختر دتلې دمياشتې ٥
په دې ورځو کې سعودي عربستان دغه اسلامي هيواد داسلامي نړۍ دمليونونو تنو مسلمانانو دراټوليدو ډګر دى .
له مکې مکرمې څخه دباختر آژانس استول شوي خبريال د خبرله مخې :
  له ټولو اسلامي هيوادونو څخه په مليونونو تنه مسلمانان دبيت الله شريف دحج ددغې اسلامي فريضي او داسلام دمقدس دين د پنځم رکن د اداکولو په مقصد سعودي عربستان ته رسيدلي دي او په ځانګړې مينې او محبت سره دحج دمناسکو  په اداکولو بوخت دي  او په مليونونو تنه نور به په راتلونکو ورځو کې راورسيږي.
دباختر آژانس خبريال په مکه مکرمه کې دحج او اوقافو وزارت دمسولينو له خولې خبر راکړ ، چې ټاکل شوې ده په  روان کال کې څلرويشت زره تنه افغانان دبيت الله شريف دحج د ادا کولو په مراسمو کې ګډون وکړي چې زياتره يې مکې مکرمې او مدينې منورې ته رسيدلې دي او نوربه يې په څوراتلونکو ورځو کې دټاکلي پروګرام  له مخې وليږدول شي.
دباختر آژانس خبريال دافغاني حاجيانو داستوګنې  ، ترانسپورت ، عملي درسونو او نورو اړتياو په باب له يو شمير حاجيانو له دې جملې څخه له حاجي همايون ، حاجي غلام سخى، حاجى محمد رحمان  ترخيل او حاجي محمد قاسم سره مرکې کړي دي چې  دغو ټولوحاجيانو دمسوولينو له خوا د برابرو شويو آسانتياو له امله خوښي څرګنده کړې ده .
افغاني حاجيانو څرګنده کړه چې  سږکال  په مدينه منوره  او په مکه مکرمه کې داړوندو مسوولينو له خوا آسانيتاوې او امکانات د تيرو کلونودآسانيتاو  او امکاناتو سره د پرتلې وړ نه دي ، ځکه په بيلابيلو برخو کې دپاملرنې وړ ښه والي رامنځته شوى دى.

کابل – باختر دتلې دمياشتې ٥
دوه تنه افغاني حاجيان په مکه مکرمه کې د دوو ترافيکي پيښو له امله ټپيان شول.
له مکې مکرمې څخه دباختر آژانس استول شوي خبريال فضل واحدکريم خبر راکړ.
د دوو جلا جلا ترافيکي پيښوله امله چې په دې وروستيو وختوکې په مکې مکرمې کې  رامنځته شوې  دوه تنه افغان حاجيان ټپيان شول .
دباختر آژانس استول شوى خبريال د اړوندو مسوولينو له خولې خبر راکړ چې ددغو پيښو ټپيان  تر درملنې لاندي دى او دهغو روغتيايي حالت مخ  په ښه والي دى.

کابل – باختر دتلې دمياشتې ٥
په داسې حال کې چې دهرات دجيل دبنديانو د ډوډۍ دنه خوړلو اعتصاب خپلې
شپږمې ورځې ته ورسيد، ددغه ولايت سيمه ييز مقامات وايي ددغه اعتصاب
دپاى ته رسولو په خاطر موافقې ته نږدې شوي دي.
دهرات دجيل دوه  زره تنو بنديانو له شپږو  ورځو را په دې خوا دجيل نا مناسب حالت او د دوي  دوسيو ته د نه پاملرنې له امله د ډوډۍ د نه خوړول په اعتصاب لاس پورې کړى دى.
ځينو بنديانو خپلې شونډې ګڼدلې دي او له سيمه ييزو مقاماتو سره له خبرو څخه سرغړونه  کوي .
دمناسب ځاى نشتوالي او دبنديانو د دوسيو نه څيړنه ددغه اعتصاب اصلي علت ګنل کيږي که څه هم يو شمير بنديان د دوى په خبره د دوى دبنددمودې دبخښنې او تخفيف په برخه کې دجمهور رييس له فرمانونوڅخه ديو شمير زبرځواکو بنديانو په    ګټه استفاده کيږي ، هم اعتراض لري.
دهرات دجيل يو بندي  وايي ، دغه جيل په اصل کې داتو سوو بنديانو لپاره جوړ شوى دى خو موږ درې زره  تنه  دلته يوځاى يو، ځاى موتنګ دى خو دولت پاملرنه نه کوي ، له بنديانو سره بدچلند له نورو مواردو څخه دى چې هغوى يې د ډوډې نه خوړلو اعتصاب ته  اړ کړي دي .
دغو بنديانو له دولت څخه غوښتني دي که چيرې غوښتنو ته يې پاملرنه ونه شي خپل اعتصاب ته  دوام ورکوي .
دا په داسې حال کې دى چې روغتيايي ټيمونو دځينو اعتصاب کوونکو روغتيايي حالت خراب بللى دى .
دهرات دولايتي شورا رييس سيد وحيدقضايي د باختر آژانس خبريال جيلاني فرهاد ته وويل :  چې دوى دبنديانو دغوښتنو دڅيړنې او ددغه اعتصاب دپاى ته رسو لپاره خپلې هڅې زياتې کړي دي.
ده وويل ،  چې له مرکز څخه راغلى هيت دسيمه ييزو مسوولينو  له هيت سره دبنديانو له استازو سره خبرې پيل کړي دي.
دهرات دولايتي شورا رييس وايي چې ډير ژر به  دبنديانو ټولې غوښتنې وڅيړل شي.
ويل کيږي بنديانو ته دمناسب ځاى دکمښت د ستونزې دلرې کولو لپاره ټاکل شوې ده  د نوي جيل دجوړولو کار چې دامريکا په مرسته جوړيږي ګړندى شي.
دغه جيل چې ټاکل شوې ده په معياري ډول د هرات ښارته څيرمه جوړ شي دڅه دپاسه دوه  زره تنو بنديانو ظرفيت به ولري .
له بله پلوه دهرات عدلي او قضايي ارګانونو دبنديانو د دوسيو د نه څيړنې په باب دبنديانو د ادعاګانو دڅرنګوالي لپاره څيړنې پيل کړي دي .

Friday, 27 September 2013 03:48

دمحمد آغې ښاروال ټپي شو.

کابل – باختر دتلې دمياشتې ٥
په لوګر ولايت کې دوسله والو کسانو دبريد له امله ديو څارنوال په ګډون درې تنه ووژل شول  او ددغه ولايت دمحمد آغې ښاروال ټپي شو .
دغه پيښه نن له غرمې وروسته د دريو بجو په شاوخوا کې دمحمد آغې ولسوالۍ دقتوخيلو په سيمه کې هغه وخت رامنځته شوه چې  دريو تنو يرغلګرو موټرسايکل سپرو ددغې ولسوالۍ د ښاروال د سپرلۍ په کاروان  ډزې وکړې .
دلوګر دوالي ويندوى دين محمد درويش باختر آژانس ته وويل  :   چې په دې   بريد کې دڅارنوال محمد نادر په ګډون درې تنه  ووژل شول او دمحمد آغې ښاروال سيف الله  ټپي شو او بريد کوونکي په تيښتې بريالي شول  او امنيتي ځواکونو دهغو دپيژندلو او نيولو لپاره پلټنې پيل کړي دي .
دغه بريد هغه وخت وشو چې د محمد آغې ښاروال له څارنوال  نادر او څوتنونو او سره د واده له مراسمو څخه د خپلو کورونو  په لورروان و.
دلوګر  دوالي ويندوى  وايي تراوسه روښانه  نه ده  چې دغه  بريد دطالبانو له خوا شوى او يا دشخصي دښمنيو زيږنده  ، ده خو دسيمې يو شمير اوسيدونکي وسله وال طالبان د دغه بريد مسوول بولي .
له بله پلوه ويل کيږي چې  دمحمد آغې ښاروال د درملنې لپاره کابل ته ليږدول شوى دى .

کابل باختردتلې دمياشتې ٥ :
د افغانستان جمهوررئیس حامدکرزي، په سیمه ایز وخت نن له غرمې مخکې د شانګهای د همکاریو سازمان د غړو او ناظرو هېوادونو له دیپلوماتیکو استازو سره د بجینګ په ښارکې په خپل استوګنځي کې وکتل.
دجمهوري رياست مطبوعاتي دفتر باخترآژانس ته خبر ورکړ :
د افغانستان جمهوررئیس حامدکرزي په سیمه کې موجودو امنیتي ګواښونو ته د اشارې په ترڅ کې وویل: له کومو امنیتي ګواښونو سره چې افغانستان مخامخ دی، هماغه ګواښونه د شانګهای د همکاریو سازمان غړو هېوادونو او سیمې ته هم متوجه دي.
جمهور رئیس په دې ټینګار وکړ چې  زموږ ګواښونه مشترک دي، له دې امله د شانګهای د همکاریو د سازمان غړي هېوادونه او په ټوليزه  توګه زموږ سیمه باید د ترهګری او افراطیت پر وړاندې په جدي توګه مبارزه وکړي.
حامدکرزي څرګنده کړه چې په سیمه کې د نا امنی د عواملو او د تروریستانو د پټنځایونو د له منځه وړلو لپاره باید د سیمې د هېوادونو ترمنځ د همکاری کچه پراخه شي.
جمهوررئیس کرزي ټینګار وکړ چې د شانګهای د غړو هېوادونو مشران باید له ځان څخه وپوښتي او په دې باندې فکر وکړي چې څه ډول کولای شي خپلې ټولنې د تروریزم او افراطیت له ګواښ څخه وژغوري.
د افغانستان جمهوررئیس د سیمې او نړی له هېوادونو سره د اړیکو پراختیا ته د اشارې په ترڅ کې وویل : په تېره یوه لسیزه کې د سیمې او نړی له هېوادونو سره د افغانستان اړیکې دومره پراخې شوې دي چې د افغانستان په تاریخ کې یې ساری نه لیدل کیږي.
حامدکرزي دې ته په اشارې سره چې په دې وروستیو کې د منځنی آسیا ځینو هېوادونو له امنیتي ګواښونو څخه د مخنیوي لپاره په خپلوکې سره غونډه کړې او په دې باندې سره سلا شوي دي چې د ځینو هېوادونو لپاره یو امنیتي کمربند جوړ کړي، وویل : امنیتي کمربند نه شي کولای سیمه د ترهګری له ګواښ څخه خوندي کړي ، بلکې د حل لاره یې دا ده چې د سیمې د هېوادونو ترمنځ له تروریزم سره د مبارزې په برخه کې همکاري زیاتې شي ترڅو د ترهګری پرخلاف په واقعي ډول مبارزه ترسره شي.
جمهوررئیس کرزي د ځینو هېوادونو هغو اندیښنو ته په اشارې سره چې له افغانستان څخه د ناټو او امریکایي ځواکونو له وتلو وروسته به هلته حالات خراب شي، وویل: له ۲۰۱۴ میلادي کال وروسته د ناټو او امریکا ټول ځواکونو له افغانستان څخه نه وځي، بلکې د افغانستان له امنیتي ځواکونوڅخه خپل ملاتړ ته دوام ورکوي.
حامدکرزي همدا راز د افغانستان او امریکا ترمنځ امنیتي او دفاعي تړون ته د اشارې په ترڅ کې وویل : افغانستان د سیمې د هېوادونو حساسیتونو ته متوجه دی او په دې اړه یې د  سیمې له قدرتونو سره لازم مذاکرات او مشورې ترسره کړي او کوي یې.
د شانګهای د همکاریو سازمان د غړو او ناظرو هېوادونو د  یپلوماتیکو استازو
د سیمې او نړی له هېوادونو سره په تېرو لسو کلونوکې د افغانستان د اړیکو د پراختیا په لاره کې د جمهوررئیس حامدکرزي هڅې وستایلې او له هغو څخه یې خپل ملاتړ څرګند کړ.
دوی د خپلو هېوادونو په استازیتوب په افغانستان کې د سولې او ثبات له ټینګښت څخه ملاتړ وکړ، ويې ویل چې په افغانستان کې سوله د شانګهای په غړو هېوادونو کې د امن په مانا ده.
دوي د افغانستان ثبات د خپلو هېوادونو په ثبات پورې تړلی وباله ، ډاډ یې څرګند کړ چې د تروریزم او افراطیت د ګډ دښمن پرخلاف به خپله ګډه مبارزه پیاوړې کړي.
په دې کتنه کې په چین کې د قزاقستان، قرغزستان، فدراتیفې روسیې ، ازبکستان، هندوستان، ایران، پاکستان، ترکيې، بیلا روسیې او منګولیا استازو او دیپلوماتانو ګډون کړی وو.