23 February 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل – باختر دمرغومې څلورمه :
په کابل کې دترکېې سفير اوپه ترکېه کې دافغانستان داسلامى جمهوريت سفير پرون دميدان وردګو ولايت ته سفر وکړ.
په هغې مطبوعاتي اعلاميه کې چې دميدان وردګو ولايت له دفتر څخه باختر آژانس ته رسيدلې ده ويل شوي دي. په هغې کتنه کې چې دميدان وردګو والي عبدالمجيد خوږياڼي دترکېې له سفير سره وکړه ،په کابل کې دترکېې سفير له ٢٠١٤ کال وروسته دميدان وردګو له والي سره دهر راز همکارۍ ژمنه وکړه.
دغه راز په کابل کې دترکېې سفير بساطه اوتزترک او په ترکېه کې دافغانستان داسلامي جمهوريت سفير امان الله جيهون په داسې حال کې چې دميدان وردګو والي عبدالمجيد خوږياني ،امنيه قوماندان سردار محمد ځاځى او يو شمير ترکې ديپلوماتانو هم حاضر وو. د روان کال دليندى د مياشتې د دريمې نيټې دترورستي پيښې په باب خپګان او غم شريکې څرګنده کړه.
دغه راز دميدان وردګو والي عبدالمجيد خوږياني دترکېې جمهوريت دبيارغونې له ټيم څخه دقدرداني په ترڅ کې ،دترکېې له سفير څخه وغوښتل چې له ٢٠١٤ کال وروسته هم دميدان وردګو ولايت له خلکو سره همکارى وکړي.
دغه راز په ترکېه کې دافغانستان داسلامي جمهوريت سفير امان الله جيهون دافغان او ترکېې ترمنځ د دوستي په اړوند خبرې وکړې او ويې ويل چې ترکېې تراوسه پورې دميدان وردګو په ولايت کې يوسلو څلور شپيته ټولګټي پروژې بشپړې او ګټې اخستنې ته يې سپارلي دي.
 

کابل – باختر دمرغومې څلورمه :
دافغانستان داسلامي جمهوريت دجمهور رييس حامد کرزي له خوا دقزاقستان جمهوريت دجمهور رييس نور سلطان نظر بايف په نامه ددغه هيواد دملي ورځې له امله دمبارکۍ پيغام ليږل شوى دى.
په پيغام کې ويل شوى دى خوښ يم چې دافغانستان دخلکو په استازيتوب دقزاقستان دملي ورځې له امله د ډيروښو او صميمانه مبارکيو مراتب تاسو او ددغه هيواد دوستو خلکو ته څرګندوم.
دافغانستان خلک له ورور هيواد قزاقستان سره د دوستانه اړيکو دورځ په ورځ زياتيدونکي پراختيا هرکلى کوي. ستاسو برياليتوب او سلامتيا او دقزاقستان د دوستوخلکو نيکمرغۍ او سوکالۍ زما هيله ده.
 

Monday, 24 December 2012 09:12

داسعارو بيه:

کابل\باختر\دمرغومى  دمياشتې ٤ مه:
دکابل دشهزاده سراى دصرافانو درييس  دمعلوماتو له مخې : نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     52/10  افغانيو پلورل په   52/15افغانيو
يوانګليسى پونډ پيرودل په  83/60افغانيو پلورل په   83/70افغانيو
داماراتو يو درهم پيرودل په 10/ 14 افغانيو پلورپه 15 / 14 افغانيو
يوه يورو  پيرودل په    60 68/ افغانيو پلورل په   68 /70  افغانيو
يوسعودي ريال پيرودل په  80 13/پلورل  13/85 افغانيو
زرهندي کلدارى پيرودل په 960 افغانيو پلورل په 970 افغانيو
زرپاکستاني کلداري پيرودل په  533افغانيو پلورل په  534 افغانيو
اوزر ايراني تو مان پيرودل په 16/60  افغانيو پلورل په   16/70 افغانيو.
 

کابل – باختر دمرغومې څلورمه :
دافغانستان دبهرنيو چارو دوزير ډاکتر زلمي رسول له خوا دهيلري کلنتن په نامه ددې دبيا روغتيا په خاطر يو پيغام ليږل شوى دى.
په پيغام کې ويل شوى دى د ډيرې خوشالى ځاى دى چې تاسو له يوې اوږدې ناروغى وروسته بيا روغتيا ترلاسه کړې ده.
دسولې دټينګښت ،سوکالى او دموکراسي په لاره کې ستاسو نه ستړي کيدونکى هلې ځلې او ژورې ژمنې تل موږ ته دالهام منبع ده،زه،زموږ دګډو هدفونو په ترلاسه کولو کې چې هماغه يو سوکاله او مترقي افغانستان دى،  ستاسو او دامريکا دمتحده ايالاتو دژمنو له امله مننه کوم.
 

کابل – باختر دمرغومې څلورمه :
ټاکل شوې ده دالمپيک دملي کميټې دبايسکل ځغلولو فدراسيون دبايسکل ځغلولو سيالۍ په کابل ښارکې پيل کړي.
دباختر آژانس دخبرله مخې ، دغه سيالۍ دشفافيت جام ترعنوان لاندې دپنځه شپيتو کيلومترو په واټن پيليږي .
دبايسکل ځغلولو سيالۍ دالمپيک له ملي کميتې څخه پيل اودپرون ترولايت پورې دوام ورکوى.
دالمپيک دملي کميټې دبايسکل ځغلولو فدراسيون رييس محمد صادق صادقى وويل : دغه سيالۍ چې په دې وروستيو کې دالمپيک دملي کميټې دمشرتابه هيئت دشفافو او آزادو انتخاباتو دترسره کيدو په وياړ دچارشنبې په ورځ پيليږي.
 

کابل – باختر دمرغومى څلورمه :
دهلمند ولايت ٣٥ تنه اوسيدونکي دبګرام له جيل څخه آزاد شول.
دغه کسان دهلمند ولايت دبيلابيلو سيمو اوسيدونکي دي چې له څه مودې را په دې خوا دبګرام په جيل کې بنديان وو.
په هغې غونډه کې چې خپلوانو ته يې ددغو بنديانو دسپارلو په مناسبت دلښکرګاه ښار دعبدالبارى جهاني په تالارکې جوړه شوې وه ،دهلمند والي محمد نعيم وويل : دغه کسان دهغې ژمنې له مخې چې څه موده مخکې دسولې دعالي شورا درييس صلاح الدين رباني له خوا له خلکو سره شوې وه آزاد شول.
دهلمند والي آزادو شويو کسانو ته ډاډ ورکړ چې د دوى هرراز ستونزو ته به جدي پاملرنه وشي او هلې ځلې کيږي . چې نور بنديان چې دهلمند ولايت اوسيدونکي دي او په دغه جيل کې شپې سبا کوي دهلمند والي له دغو کسانو څخه وغوښتل چې د دايمي سولې په تامينولو او پرمختګ کې له ولايتي ادارې سره هراړخيزه همکاري وکړي او دسولې پيغام دخپلو سيمو خلکو ته ورسوي ترڅو هغه کسان چې لاتراوسه پورې له دولت سره په مخالفت  کې دي هم له دغه بهير سره يو ځاى شي او له جګړې او ورانکارى څخه لاس واخلي.
 

Monday, 24 December 2012 07:49

يو بهرني سلاکار وو ژل شو

کابل\  باختردمرغومى دمياشتې  ٤ :
يو بهرنى سلاکارنن دکابل ولايت دامنيې قوماندانۍ په انګړکې ووژل شو.
ويل کېږي يرغلګره چې په دغه سلاکاريې بريد کړى دى يوه ښځينه پوليسه ده چې اوس نيول شوې ده.
تراوسه پورې دکابل ولايت امنيه قوماندان په ګډون امينتي مسوولينو په دې اړوند نظر نه دى څرگندکړى .
خو دکورنيو چارو وزارت يو خبرځاى تائيدوى چې دکابل ولايت دامنيې قوماندانۍ په انګړ کې ډزې شوي دي خو په دې باب زياتې څرگندونې نه دي شوي .

کابل – باختر دمرغومې څلورمه :
ټاکل شوې ده دآلمان دسولې دکلي ډاکتران دافغاني سرې مياشتې دعالي ټولنې په همکارۍ دهغو ماشومانو دکتنې او تشخيص لپاره چې په هډو کو ماتوونکو او سختې سوځيدنې په ناروغيو اخته دي داځلي په شپږ شپيته کسيز ګروپ کې د١٣٩١ کال دسلواغې دمياشتې په دريمه نيټه افغانستان ته راشي.
هغو کورنيو ته چې ماشومان يې په دغو ناروغيو اخته وي او عمر يې له يوولسو کلونو څخه لوړ نه وى ،خبرورکول کيږي چې خپل ماشومان دى پا ټاکلى نيټه دپاسپورت په اندازه له لسو رنګه عکسونو او دناروغ دتابعيت د تذکرې او دناروغ دپلار دتابعت دتذکرې له کاپي او دغه راز د دوى دتذکرو له اصل سره دکابل ښار ارتل پله ته څيرمه دافغاني سرې مياشتې دعالي ټولنې په ميلمستون کې دآلمان دسولې دکلي دفتر ته ورشي.
 

کابل – باختر دمرغومې څلورمه :
د ژوندانه دچاپريال ساتنې دعالى کميسيون داجراييوى ډلې ابلاغيه.
دکريړ او کرش د دستګاو ټولو خاوندانو ته چې په کابل ښار او اړوندوولسواليو کې فعاليت کوي خبرورکول کيږي چې داستوګنې او له زراعتي ساحو څخه چې دژوندانه دچاپريال ساتنې دککړتيا او ويجاړتيا سبب کيږي دمرغومى دمياشتې ترشلمې نيټې پورې دى د ژوندان دچاپريال ساتنې دخبرتياو او لارښوونو له مخې مناسبو ساحو ته وليږدوى او فعاليت وکړي له دې پرته سرغړوونکو سره قانوني چلند کيږي.
 

کابل – باختر دمرغومې څلورمه :
دملي اردو منسوبينو يو تن وسله وال مخالف دجلال آباد په هواى ډګر په بريد کې دلاس لرلو په تور ونيوه.
دملي دفاع وزارت مطبوعاتي دفتر باختر آژانس ته خبرورکړ، نيول شوى سړى دننګرهار ولايت دحصارک ولسوالۍ ته دطالبانو دتش په نامه ولسوال مرستيال دى چې دجلال آباد دهواى ډګر په بريد کې چې څه موده مخکې ترسره شو او يو شمير کسان پکې ووژل شول په حصارک ولسوالۍ کې دملي اردو دځواکونو دعملياتو په بهير کې ونيول شو.
دغه راز دملي اردو منسوبينو پرون دحقاني دشبکې يو سرګروپ چې په لوګر او شاوخوا سيمو کې په ترورستي بريدونو کې ونډه لرله له خپل يو همکار سره دلوګر ولايت دپل علم په مربوطاتو کې ونيوه .