24 June 2019

RSS Facebook

سوداگریز


تازه خبرونه

په سمنګانو کې لومړنى خصوصي  ټلويويزن په  خپرونو پيل وکړ

په سمنګانو کې لومړنى خصوصي ټلويويزن په خپرونو پيل وکړ

کابل/باختر/ دچنګاښ ٣مه : د رستم په نامه لومړني خصوصي ټلويزيون...

دکابل پوليسو دوژنې يو تورن ونيوه

دکابل پوليسو دوژنې يو تورن ونيوه

کابل/باختر/ دچنګاښ ٣مه : پوليسو دجنايي جرمونوپه اړوند درې تورن په...

په فراه کې ددريو ډاراچوونکو وژل  کېدل

په فراه کې ددريو ډاراچوونکو وژل کېدل

فراه /باختر/ دچنګاښ ٣مه : دفراه مسوولين وايي ؛ په بکوا...

Youtube Player

khantry design

سوداگریز

سوداگریز

کابل/باختر/ د چنګاښ لومړۍ
شپږ وسله وال طالبان تېره شپه په لغمان کې ووژل شول.
  په ختيځ زون کې د ملي اردو يوه پوځي قوماندان د باختر اژانس خبريال ته وويل چې يوشمېر وسله وال طالبان په اليشنګ ولسوالۍ کې د ملي اردو سرتېرو له کمين سره مخ شول چې د جګړې له امله شپږ وسله وال طالبان ووژل شول.
خبرځاى زياته کړه: په جګړه کې د ملي اردو يو سرتېرى هم ټپي شو.
  ختم-عطاالله -اکرم

 

کابل/باختر/ د چنګاښ لومړۍ
دولس وسله وال طالبان تېره شپه په کاپيسا کې ووژل شول.
د ٢٠١ سيلاب قول اردو وياند محمد هارون يوسفزي د باختر آژانس خبريال ته وويل: دغه وسله وال طالبان د دغه ولايت په تګاب ولسوالۍ کې له پوځيانو سره په نښته کې وژل شوي دي.
يوسفزي زياته کړه: په نښته کې پنځه نور وسله وال طالبان ټپيان شول او نور يې له ساحې څخه وتښتيدل.
  ختم- سعيده - اکرم

کابل/باختر/ د چنګاښ لومړۍ
شپږ وسله وال طالبان په هرات کې په تېرو٢٤ساعتوکې ووژل شول.
د هېواد په لويديځ کې د ظفر قول اردو يوه قوماندان د باختر آژانس خبريال ته وويل چې دغه وسله وال طالبان د هرات په مربوطاتوکې د طالبانو پر سنګرونو د پوځيانو په بريدونوکې وژل شوي دي.
  ختم- سعيده - اکرم

کابل/باختر/ د چنګاښ لومړۍ
په پروان کې يو سړى پرون د نشه يي توکو د قاچاقو په تور ونيول شو.
د پروان د امنيې قوماندانۍ د مطبوعاتي دفتر مسوول محمد سليم  نوري دباختر آژانس خبريال ته وويل: دغه سړى چې دوه کيلوګرامه اپين يې له شمال څخه کابل ته لېږدول، په سالنګ کې د پوليسو د پلټنې په پوسته کې ونيول شو.
ده وويل چې له تورن څخه تحقيقات پيل شوي دي.
د يو بل خبر له مخې:
پوليسو تېره شپه يو سړى د پروان د بګرام ولسوالۍ په علي خېلو کلي کې له پنځه کيلو ښيښه ډوله نشه يي توکو سره ونيو.
  ختم- سعيده - اکرم

کابل/باختر/ د چنګاښ لومړۍ
شپېته ډار اچوونکي د هېواد په بېلابېلو سيموکې د امنيتي او دفاعي ځواکونو په چاڼيزو عملياتوکې ووژل شول.
د ملي دفاع وزارت مطبوعاتي دفتر باختر آژانس ته د خبرپاڼې په استولو سره ليکلي دي: امنيتي او دفاعي ځواکونو په تېرو ٢٤ ساعتوکې ١٤ ګډ يرغليز او ٧٥ ځانګړي کومانډويي عمليات او ١٢ هوايي بريدونه د ترهګرو د ځالو د له منځه وړلو په موخه ترسره کړل، هوايي ځواکونو د ملي اردو ځواکونو په ملاتړ ٧٩ الوتنې ترسره کړې او ٦٠ ډار اچوونکي يې ووژل او ٣٦ نوريې ټپيان کړل.
دغه عمليات د هوايي قوتونو په ملاتړ په فارياب، کاپيسا، روزګان، زابل، فراه، نيمروز، تخار، هلمند، پکتيکا، بدخشان، بلخ، سرپل، غزني، لوګر او کونړکې ترسره شول.
ختم_ سعيده _ اکرم

 

کابل/باختر/ د چنګاښ لومړۍ
د افغانستان د کرکټ ملي ټيم د نړيوال ٥٠ آوريز جام په سياليو کې نن د هند د کرکټ له ملي ټيم سره لوبه کوي.
د باختر آژانس د خبرله مخې: دغه لوبه د افغانستان په وخت له غرمې وروسته په دوو بجو پيل شوه.
د هېواد د کرکټ ملي ټيم په تېرو پنځو لوبوکې پنځه ماتې لري او د هندوستان ټيم له څلورو لوبو څخه درې لوبې ګټلې او د اورښت له امله يې يوه لوبه برابره پاى ته رسولې ده.
  ختم- سعيده - اکرم

کابل/باختر/ د چنګاښ لومړۍ
د هېواد د فوټسال د شل کلنو ټيم د آسيا اتلوالۍ جام په وروستي پړاو کې نن د جاپان له ټيم سره لوبه کوي.
د باختر آژانس د خبر له مخې: دغه لوبه د افغانستان په وخت د مازيګر په شپږو بجو او دېرشو دقيقو د ايران په تبريز ښارکې پيليږي.
دا لومړى ځل دى چې د هېواد د فوټسال ملي ټيم د آسيايي سياليو وروستي پړاو ته لاره مومي.
جمهوررييس محمد اشرف غني او اجراييه رييس ډاکترعبدالله عبدالله د دغو سياليو وروستي پړاو ته د فوټسال شل کلنو ټيم د لاره موندنې مبارکي وويله.
جمهوررييس د فوټسال د شل کلنو ټيم له سرښوونکي عبدالرزاق ممرک سره په ټليفوني اړيکه کې، هغه او د ټيم لوبغاړو ته د افغانستان د برياليتوب مبارکي وويله او ترې يې وغوښتل چې هېواد ته د بېرته ستنيدو په وخت کې د ټيم له ټولو غړو سره له هغه سره وګوري.
جمهوررييس دغه راز لارښوونه کړې چې يو پلاوى په لوبه کې د ګډون لپاره ايران ته سفر وکړي.
د سياليو په ډلبندى کې د ايران او اندونيزيا ټيمونه نن له غرمې وروسته په څلورو بجو سيالي کوي.
  ختم- سعيده - اکرم

کابل/باختر/ د چنګاښ لومړۍ
پنځه وسله وال طالبان تېره شپه په فارياب کې له پوځيانو سره په جګړه کې ووژل شول .
د فارياب د امنيې قوماندانۍ وياند کريم يورش باختر آژانس ته وويل چې جګړه د دغه ولايت د دولت اباد ولسوالۍ په مرکزکې پر امنيتي پوستو د وسله والو طالبانو له بريد وروسته پيل شوه او پنځه وسله وال طالبان ووژل شول او درې تنه نور يې ټپيان شول.
خبرځاى زياته کړه چې د دښمن يو کلاشينکوف او يو موټر سايکل هم د پوليسو لاس ته ورغلي دي.
ختم-ج -اکرم

کابل/باختر/ د چنګاښ لومړۍ
په کاپيسا کې پوځيانو تېره شپه ١٢ وسله وال طالبان په عملياتوکې ووژل.
د کاپيسا د امنيې قوماندانۍ وياند عبدالشايق شورش باختر آژانس ته وويل چې عمليات د دغه ولايت په تګاب ولسوالۍ کې پر امنيتي پوستو د طالبانو له بريد وروسته د کاپيسا د امنيه قوماندان په مشرۍ ترسره شول چې پکې ١٢وسله وال طالبان ووژل شول  او پنځه نوريې سخت ټپيان شول.
شايق زياته کړه چې په عملياتو کې د تګاب ولسوالۍ څو کلي د وسله والو طالبانو له شتون څخه پاک شول .
خبرځاى زياته کړه چې په عملياتو کې دوه سيمه ييز پوليسان شهيدان شول او درې نور يې ټپيان شول .
ويل کېږي د وسله والو طالبانو څو جنګي وسايل د پوليسو لاس ته ورغلي او د طالبانو درې مړي د جګړې په ډګرکې پاتې دي.
  ختم -ج -اکرم

کابل/باختر/ د چنګاښ لومړۍ
د افغانستان برېښنا شرکت رييس انجنير امان الله غالب په فلپين کې د آسيا پرمختيايي بانک د جنوبي  او منځني آسيا له مسوول اشوګ برګوا سره د افغانستان برېښنا پروژو د بهير د ګړندي کولو په باب خبرې وکړې.
آسيايي پرمختيايي بانګ په افغانستان کې د برېښنا څو پروژې تمويلې کړې دي.
د باختر آژانس د خبرله مخې: د برېښنا رسونې نظام ښه والى او برېښنا ته د مشترکينو آسانه او ارزانه لاسرسى د برېښنا شرکت له لومړيتوبونو څخه دي.
د برېښنا شرکت رييس د برېښنايي ضايعاتو د کمښت په موخه د انرژۍ شرکت له مسوولينو سره چې ټاکل شوې ده د انرژۍ د څېړنې د مرکز جوړولو په برخه کې څېړنې ترسره کړي، هم وکتل.
په همدې ترتيب د برېښنا شرکت پلاوى د لمريزې برېښنا په پروژو کې د پانګونې جلبولو لپاره چې د سروبي ولسوالۍ په نغلو کې د آسيا پرمختيايي بانک په مشارکت جوړېږي؛ د انرژۍ او اوبو وزارت د معين په شتون کې هر اړخيزې خبرې وکړې.
ختم_ ج _ اکرم

 

Page 7 of 7793