31 May 2020

RSS Facebook

سوداگریز


تازه خبرونه

نړیواله ټولنه په افغانستان کې د ولسواک نظام ملاتړ کوي

نړیواله ټولنه په افغانستان کې د ولسواک نظام ملاتړ کوي

کابل/ د وږي ۱۱ مه / باختر اروپایي ټولنې په دغو...

دېرش ميليونه ډالر ليلامېږي

دېرش ميليونه ډالر ليلامېږي

کابل/ د غبرګولى١١ مه / باختر مرکزي بانک ٣٠ ميليونه ډالر...

Youtube Player

khantry design

سوداگریز

سوداگریز

 کابل / د غبرګولي ٦ مه / باختر
يوه مور او د هغه درې بچيان پرون د قندهار په ميانشين ولسوالۍ کې د ماين په چاودنه کې شهيدان شول.
باختر آژانس د قندهار د والي دفتر د خبرپاڼې له مخې خبر ورکوي چې د دغو ملکي کسانو د سپرلۍ موټر د قندهار د ميانشين ولسوالۍ په مربوطاتوکې په ماين وخوت چې د چاودنې په پايله کې يې يوه مور له خپلو درېيو بچيانو سره شهيده شوه او د دغې کورنۍ يوبل غړى چې موټر چلوونکى و؛ ټپى شو.
دغې کورنۍ غوښتل د روزګان ترينکوټ ښار ته لاړ شي.
ختم - ج -اکرم

 کابل / د غبرګولي ٦ مه / باختر
د کابل ښاروالۍ د ټولنيزو او فرهنګي خدمتونو معين څېړنوال محمد فاضل شريفي په کابل ښارکې پر مستحقو کسانو د وچې ډوډۍ د وېش بهير وڅېړه.
د باختر آژانس د خبر له مخې؛ د دغې څېړنې په بهيرکې د کابل ښاروالۍ معين د ډودۍ د وزن او کيفيت، فردي روغتيا، په ليکوکې د درېدو او نور ضروري مواردو څرنګوالى وڅېړه.
هغه څرګنده کړه چې نانوايي ګانې بايد د ډوډۍ د ټاکلي وزن او کيفيت د په پام کې نيولو ترڅنګ، د کرونا ويروس د خپرېدو د مخنيوي په موخه د عامې روغتيا وزارت روغتيايي لارښوونو ته جدي پاملرنه وکړي او خلکو ته ښه خدمتونه وړاندې کړي.
ختم- ج - اکرم

 کابل / د غبرګولي ٦ مه / باختر
د ملي امنيت شورا اعلام کړى دى چې د طالبانو ٩٠٠ بنديان آزادېږي.
د باختر آژانس د خبر له مخې؛ د ملي امنيت شورا ټينکار ګړى دى چې د طالبانو دغه بنديان د سولې، د جګړې د پاى ته رسولو، د اوربند د دوام او د مستقيمو خبرو د پيل لپاره د هڅو د برياليتوب په موخه له بند څخه آزادېږي.
د يادونې وړ ده چې حکومت تراوسه د طالبانو ١٢٠٠ بنديان آزاد کړي دي.
ختم- ج - اکرم

 کابل / د غبرګولي ٦ مه / باختر
د بغلان کروندګر د خپلو للمي ځمکو د حاصلاتو د زياتوالي په خاطر خوشحاله دي.
دوى وايي چې سږ کال په پسرلي کې پرله پسې اورښتونو په بغلان کې للمي کروندې خړوبې کړې دي او هيله من چې زيات حاصلات واخلي.
خو يوشمېر هغه بزګران چې په آبي ځمکو کې کرکيله کړې ده؛ ادعا کوي چې په ژمي کې واوره و نه شوه او په بغلان کې بې وخته اورښتونو په دغه ولايت کې د غنمو او اوربشو کروندو ته زيان اړولى دى.
د نهرين ولسوالۍ يو للمي کار بزګر محمد ايوب د باختر آژانس سيمه ييز خبريال علي علمي ته وويل چې په پسرلي کې د باران اورښتونو په دې ولسوالۍ کې للمي کروندې خړوبه کړې دي او دوى خوشحاله دي چې په روان کال کې د تېرکال په نسبت، په للمي حاصلاتو کې يې ٥٠ سلنه زياتوالى رامنځته کېږي.
د دشت خواجه الوان يو للمي کار بزګر محمد علي نبي زاده وايي چې په ژمي کې  دومره واوره ونه شوه، خو په پسرلي کې د باران اورښتونو تر يوې اندازې پورې  للمي ځمکې خړوبه کړې.
هغه په داسې حال کې چې د پلخمري د دشت الوان سيمې د للمي کروندو د حاصلاتو  د زياتوالي دومره هيله نه لري؛ له دولت څخه يې وغوښتل چې ددغې سيمې له بزګرانو سره مرسته وکړي.
خو د بغلان د کرنې او اوبو لګولو رييس عبدالغياث صديقي پرله پسې اورښتونه ددغه ولايت د بزګرانو د کروندو د حاصلاتو په زياتوالي کې يوښه زيرى وباله او ويې ويل چې د بغلان د کرنې د حاصلاتو معيار يوازې پلخمري نه دى، بلکې سږ کال د بغلان د ولسواليو د آبي او للمي ځمکو حاصلات ښه وي.
د ده د څرګندونوله مخې، په بغلان کې څه دپاسه ١٠٦ هکتاره للمي ځمکه او ٩٨   زره او ١٠٠ هکتاره آبي ځمکه شتون لري او د دغه ولايت ٨٠ سلنه کليوالي خلک خپل ژوند د کرنې او مالدارۍ له لارې پرمخ وړي.
ختم - ج – اکرم

 کابل / د غبرګولي ٦ مه / باختر
د عامې روغتيا وزير ډاکټر فېروزالدين فېروز د دغه وزارت له معينانو او رييسانو سره په غونډه کې د نېکمرغه کوچني اختر په ورځوکې د هېواد د مرکز او ولايتونو د روغتونونو د روغتيايي خدمتونو د وړاندې کولو کيفيت وڅېړه.
د باختر آژانس د خبر له مخې؛ په دې غونډه کې لومړى د عامې روغتيا وزارت معينانو د اخترپه ورځوکې د کابل په روغتونونو کې د روغتيايي خدمتونو د څرنګوالي  رپوټ وړاندې کړ چې د قناعت وړ و.
دغه راز د هرات، بلخ او قندهار په روغتونونوکې له کرونا ويروس سره د مبارزې په لاره کې د روغتيايي خدمتونو د وړاندې کولو د کيفيت په اړوند هر اړخيز رپوټونه وړاندې شول.
ډاکټر فېروزالدين فېروز د کابل او ولايتونو له روغتونونو څخه د معينانو د څارنې او اړيکو له بهير څخه د رپوټونو له اورېدو وروسته، د نېکمرغه کوچني اختر په ورځوکې د کرونا ويروس د درملنې په روغتونونوکې د اختصاصي خدمتونو د وړاندې کولو او د روغتيايي پرسونل پر شتون خوښي څرګنده کړه.
په غونډه کې دغه راز د چلنجونو، د حل لارو چارو، د کرونايي ناروغانو د درملنې لپاره د څو نويو روغتونونو د چمتو کولو او د هېواد په مرکز او ولايتونو کې د آزموينې د ظرفيتونو د لوړولو په اړه خبرې اترې وشوې.
ختم - ج - اکرم

Tuesday, 26 May 2020 09:27

ګډه اعلاميه

برلين/ دويچوله / د غبرګولي ٦ مه / باختر
په افغانستان کې پر اوربند د آلمان، اندونيزيا، ناروې، قطر او ازبکستان ګډه اعلاميه
آلمان، اندونيزيا، ناروې، قطر او ازبکستان په افغاانستان کې د اختر په ورځوکې د اوربند د ټينګښت هر کلى کړى دى.
دغو هېوادونو د يوې اعلاميې په خپرولو سره، په افغانستان کې له ټولو ښکيلو لورو څخه غوښتي دي چې بين الافغاني خبرې اترې پيل کړي.
په ګډه اعلاميه کې چې هغه د آلمان د بهرنيو چارو وزير هايکو ماس خپره کړې ده؛  په افغانستان کې د اختر په ورځو کې د اوربند د ټينګښت هرکلى شوى دى.
دغو هېوادونو په افغانستان کې درې ورځنى اوربند په دغه هېواد کې د سولې او ثبات په لاره کې مثبت ګام  بللې دى او له ښکيلو لورو څخه غوښتي دي چې له ځنډ پرته  د سولې بين الافغاني خبرې اترې پيل کړي.
د اعلاميې په يوه برخه کې ويل شوي دي: " موږ ټول لوري هڅوو چې په راتلونکو ورځو او اوونيو کې زيات ګامونه واخلی چې له ځنډ پرته بين الافغاني خبرې اترې پيل کړي او موخه يې په افغانستان کې د سولې تامينول او د شخړې پاى ته رسول دي."
دغو هېوادونو له کووېډ – ١٩ ناروغۍ سره د مبارزې په موخه د نړيوال اوربند لپاره  د ملګرو ملتو سازمان د سرمنشي انتونيو ګوترش غوښتنې ته په اشارې سره په افغانستان کې د تاوتريخوالي د دايمي او هر اړخيز کمښت غوښتنه کړې ده. دغو هېوادونو دغه راز په کرونا ويروس د اخته کېدو له امله د بنديانو په ګډون د زيانمنونکو ډلو او کسانو د ساتنې لپاره د لازمو اقداماتو غوښتنه کړې ده.
آلمان، اندونيزيا، ناروې، قطر او ازبکستان چې د افغانستان د سولې بهير لپاره د اسانتياوو برابروونکي ګڼل کېږي؛ په خپله ګډه اعلاميه کې ټينګار کړى دى چې د سولې بهير په برخه کې هر ډول چې ښکيلې ډلې غوښتي وي؛ همکارۍ ته چمتو دي.
د طالبانو ډله چې د روژې په مبارکه مياشت کې د اوربند لپاره غوښتنې ردې کړې وې؛ د نېکمرغه کوچني اختر په مناسبت درې ورځنى اوربند اعلام کړى دى.
ختم- ج - اکرم

 کابل / د غبرګولي ٦ مه / باختر
د افغانستان د اسلامي جمهوريت جمهوررييس محمد اشرف غني نن سهار د استاد عبدرب الرسول سیاف کور ته ورغی او د نېکمرغه کوچني اختر مبارکي یې ورته وويله.
د جمهوررییس د ویاند دفتر باختر آژانس ته خبر ورکړ؛ جمهورريیس غني د استاد سیاف د احوال پوښتلو او هغه ته د نېکمرغه کوچني اختر مبارکۍ ترڅنګ، له نوموړي سره د سولې پروسې، اوربند او د طالبانو او حکومت د زندانیانو د آزادېدو په اړه بحث او خبرې وکړې.#
پاى/ ج

 کابل / د غبرګولي ٦ مه / باختر
د افغانستان د اسلامي جمهوريت جمهوررييس محمد اشرف غني پرون ماسپښین د هېواد د پخواني جمهوررييس حامد کرزي او د ملي مصالحې عالي شورا د رييس ډاکټر عبدالله عبدالله کورونو ته ورغی او هغوی ته يې د نېکمرغه کوچني اختر مبارکي وويله.
د جمهوررییس د ویاند دفتر باختر آژانس ته خبر ورکړ؛ جمهورريیس غني د احوال پوښتلو او نېکمرغه کوچني اختر مبارکۍ ترڅنګ، له هغوی سره د سولې پروسې د اقداماتو، اوربند او د طالبانو او حکومت د زندانیانو د خوشې کېدو په اړه بحث او خبرې وکړې#.
پاى/ ج

کابل / د غبرګولي ۵ مه / باختر
شک نشته چې له څه مودې  راهیسې په هېواد کې تلپاتې سولې ته د رسېدو هڅو او کوښښونو په ملي او نړیواله کچه زور اخیستی دی.  په دوحه کې د امریکایانو اوطالبانو ترمنځ د سولې موافقې لاسلیک دغه بهیر ته نوی او تر پخوا خورا پیاوړی خوځښت ورکړی دی.
د سولې هڅې باید د یوې منظمې او مدونې ستراتېژۍ په رڼا کې پر  مخ لاړې شي.                     د باخترآژانس مفسر د سولې د منظمې، هراړخیزې او مدونې ستراتېژۍ اړتیا ته کتنه کړېده او لیکی:  له بده مرغه داسې ناوړه ذهنیت رامنځ ته شوی دی چې ځیني فکر کوي سولې ته رسېدل د یوې یا دوو غونډو خبره ده. ښایي  د دغه ذهنیت یو لامل به دا وي چې افغانان له جګړو ډېر ستړي شوي دي او هیله یې دا ده چې سوله ژرترژره تامین شی. په داسې حال  کې چې سولې  ته رسېدل د یوې یا دوو غونډو او  مجلسونو کار نه دی.  دا خورا پیچلی او ستونزمن بهیر دی او ګڼ اړخونه لري:  اوربند، د وسله والو ډلو بې وسلې کول،  د وسلو ټولول، د غیر مسوولو جګړه ییزو جوړښتونو ړنګول، په  ټولنه کې د پخوانیو وسله والو ادغام،  قوانینو ته نوې کتنه، دولتي جوړښتونو ته نوې کتنه، کلتوري مسایل،  ښوونه او روزنه، بشري حقونه، نړیوالې اړیکې  او نور.
ترهغو چې د دغو او نورو ګڼو اړخونو په اړه یو ښه روښانه تصویر رامنځ ته نه شي او دا ټول مسایل په کې راغبرګ نه شي، نو مانا یې دا ده چې موږ د ناڅرګند هدف پر لور روان یو، مانا یې دا ده چې موږ په تیاره کې روان یو او نه پوهېږو دا تیاره لاره موږ هغه هدف ته چې غواړو یې، رسوي او که نه. دا د وخت، فرصت او امکانانو له ضایع کولو پرته بله مانا نه لري. 
له دې امله د جګړې  او سولې په بحث  کې هراړخیزې ستراتېژۍ ته اړتیا ده. اوس  د سولې عالي دولتي شورا جوړه شوېده. په دې برخه کې یو شمېر نور  دولتي جوړښتونه هم کار کوي. دوی باید تر هرڅه وړاندې د سولې هراړخیزه ستراتېژي جوړه کړي. که څه هم د سولې پخوانۍ شورا په دې نامه یو سند برابرکړی و، خو داسې ښکاري چې هغه  سند هراړخیز او اغېزمن نه و، نه یې چا نوم واخیست او نه چا پرې استناد وکړ. نوې ستراتېژۍ ته اړتیا ده. جمهور رییس د سولې لپاره یوه طرحه وړاندې کړې ده، چې کورني او بهرني اړخونه لري.  همدا طرحه کېدای شي د سولې د هراړخیزې ستراتېژۍ لپاره بنسټ شي.
په نوې ستراتېژۍ کې باید د افغانستان واقعیتونه، د روانې خونړۍ جګړې تعریف، د ښکیلو خواوو روښانه تصویر، سولې ته د رسېدو موجود ظرفیتونه او همدارنګه کورني او بهرني ګواښونه، د اوربند او افغانانو تر منځ د سولې خبرو د پیل په ګډون د دغه بهیر لومړیتوبونه او نور مسایل په پام کې ونیول  شی. دغه راز ستراتېژي د سولې کوښښونو ته سمون او پیاوړی خوځښت ورکولی شي.
ن. ش.

فراه د جوزا ۵ باختر
د فراه پولیسو څلورنیم ټنه  بنګدانې  چې ټاکل شوې وه دغه ولایت ته ولیږدول شي ضبط کړل .
باخترآژانس د فراه د امنیې قوماندانۍ دوياند محب الله محب له خولې خبرراکړ ، ددغه ولایت پولیسو څلورنیم ټنه بنکدانه چې ټاکل شوې  وه هلمند ته ولیږدول شي او کرنې لپاره د بزګرانوپه واک کې ورکړل شي  له يوه ټيلري موټرڅخه کشف اوضبط کړل  .
ختم \ع

Page 7 of 8778