19 September 2018

RSS Facebook

سوداگریز


تازه خبرونه

جمهوررئیس غني د هند له لومړي وزیر سره وکتل

کابل \باختردوږي دمياشتې٢٨نيټه : د افغانستان...

يوزرو پنځه کيلو ګرامه چرس ترلاسه شول

کابل \باختردوږي دمياشتې٢٨نيټه : په ننګرهار ولايت کې پرون...

Youtube Player

khantry design

سوداگریز

سوداگریز

Saturday, 13 April 2013 07:51

د اسعارو بيه:

 

کابل\باختر\د وري د مياشتې ٢٤:

دکابل دشهزاده سراى دصرافانو د رييس  دمعلوماتو له مخې، نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:

يوامريکايي ډالر پيرودل په     54/55  افغانيو پلورل په   54/60افغانيو

يوانګليسى پونډ پيرودل په   81 /70افغانيو پلورل په   81 /90افغانيو

داماراتو يو درهم پيرودل په 75/ 14 افغانيو پلورپه 80 / 14 افغانيو

يوه يورو  پيرودل په 70 70/ افغانيو پلورل په   70 /80  افغانيو

يوسعودي ريال پيرودل په  35 14/پلورل  14/40 افغانيو

زرهندي کلدارى پيرودل په 990 افغانيو پلورل په 1000 افغانيو

زرپاکستاني کلداري پيرودل په  548افغانيو پلورل په  549 افغانيو

زر ايراني تو مان پيرودل په 15/30  افغانيو پلورل په  15/40 افغانيو.

Saturday, 13 April 2013 07:51

تبصره:

 

کابل _ باختر د وري څليرويشتمه :

په داسې حال کې چې د تيرو ديرشوکلونو پيښو د افغانستان نامه له جګړې، تاوتريخوالى، ورانکارى او ترورسره پيوند خوړلى دى؛ خو د غزني لپاره د اسلامي فرهنګ دپايتخت دعنوان ترلاسه کلو بډاى افغاني هويت او تمدن په ډاګه کوي .

 دباخترآژانس مبصر ليکي: ټاکل شوې ده نن د وري د مياشتې په څليرويشتمه نيټه غزني د اسلامي فرهنګ دپايتخت په توګه ونومول شي .

  د ايسيسکو سازمان چې مرکز يې د مراکش په تنجه ښارکې دى، کال په کال داسلامي هيوادونو درې ښارونه دهغو معيارونو او ضوابطو په پام کې نيولو سره چې په دې موسسه کې شته، د اسلامي فرهنګ او تمدن د مرکزونو په توګه معرفي کوي .

غزني په ٢٠١٣ميلادي کال کې يو له دغو دريو ښارونوڅخه دى چې د آسيا له جنوب  څخه  داسلامي نړۍ دپايتخت په توګه انتخاب شوى دى .

 افغانستان د يو لرغوني هيواد په توګه د لرغونو اوبډايوتمدنونو ترمنځ ځانګړى ځاى لري، په دې ترڅ کې غزني ځانګړى ځاى لري. زياترو دولتي شخصيتونو ، عالمانو، عارفانو او څيړونکو له همدې خاورې څخه سر پورته کړى دى. هغوى نه يواځې داسلامي تمدنونو د پراختيا او ټينګښت عامل شول؛ بلکې وکولاى شول د خراسان دجنوب په لور داسلام دخپريدو او پراختياعامل شي.

 نن په نورو هيوادونوکې د نړۍ ددغو فاتحانو د فتوحاتو زيات آثار شته. په دې ترڅ کې غزني او دافغانستان نورو ښارونو د خراسان دخلکو د تېرتمدن او د ارزښتناک اسلامي هويت، ارزښتناکو آثارو ته ځاى ورکړى دى او هغه يې ساتلي دي او دا دى غزني ددغه شان آثارو او ددغه شان لرغونتيا په شتون کې د اسلامي فرهنګ پايتخت کيږي.

دغزني دغه برياليتوب او موقعيت ملي وياړ دى چې دغزني هيوادوالو ترڅنګ زموږ هلمندي ، قندهاري ، بدخشي ، بامياني او هراتي هيوادوال هم په دې وياړي. په دې ترڅ داسلامي فرهنګ دپايتخت په توګه دغزني دانتخاب په باب د ايسيسکو تصميم  دافغانستان د دولت لپاره يو ستربرياليتوب هم بلل کيږي.

دغه مسئله کولى شي د سيمې دهيوادونو او له هغو څخه بهر فرهنګي او علمي فعاليت د نړۍ دهيوادونو، فرهنګي فعالين غزني او له دې لارې افغانستان ته متوجه کړي .

 داسلامي فرهنګ په توګه دغزني دمعرفي کولو خبره په داسې حال کې طرحه کيږي چې د تيرو ديرشو کلونو پيښو،  په تېره بيادطالبانو د واکمنۍ په وخت کې په هيوادکې دتروريستي کړيو شتون، دافغانستان په باب کرغيړنه او ناوړه څيره وړاندې کړې وه.

د نړۍ خلکو دافغانستان موقعيت او دريځ ته دهمدغو پيښو له تنګې دريڅې  څخه وکتل، خو د دې هيواد دخلکو د وياړلي او لوړ فرهنګ  دعظمت  اولرغونتيا په باب يې دومره معلومات نه لرل ، له نيکه مرغه په افغانستان کې د نړيوالې ټولنې پراخ شتون ، نړيوال په واقعيتونو خبرکړل.

 په دې موده کې د اصيل افغاني هويت او فرهنګ دمعرفي کولو لپاره زيات کارونه وشول ، د طلاتپې آثار چې دخراسان او نننى افغانستان دتمدن څرګندوى دى ، نړۍ په ځينو برخوکې وښودل شول.

 په دې ترڅ کې افغانانو د هنر ، سينما او زده کړې په برخه کې په خلاق کارسره يو لړبرياليتوبونه ترلاسه کړل. هغه څه چې نن په غزني پورې اړه پيداکوي او هغه څه چې دافغانانو دفرهنګ او هويت دمعرفي کولو لپاره کار شوى دى ، د دې کار څرګندوى دى چې افغانان د ارادې خاوند، تمدن، زيارکښ او هڅاند خلک دي. تاوتريخوالى، ترور او ورانکارى بهرني انګيزې لري چې د دې هيواد په خلکو تپل شوي دي . 

 

کابل\  باخترد وري  دمياشتې  ٢٣ :

په فراه ولايت کې دپوليسو عمليات  دوسله والو طالبانو له شتون څخه ددغه ولايت  دبالابلوک ولسوالۍ په پاکولو سره  پاى ته ورسيدل.

دغه پوځيان له دريومياشتو راپه دې خوا دفراه ولايت په زيانمنونکو سيمو کې په جنګي عملياتو بوخت وو اودماموريت له بشپړولو وروسته دهرات ولايت ته ستانه شول.

دامن او عامه نظم دپوليسو دشپږمې لوا  دڅلورم  کنډک قوماندان سمونيار بابه جان باختراژانس ته وويل چې ددغو پوځي عملياتو په بهيرکې  زياتې سيمې دجګړه مارانو له شتون څخه پاکې شوي دي ،له هغوى څخه څلور تنه يې وژل شوي  او  لس تنه نوريې نيول شوي دي.

دغو پوځيانو خپل جنګي عمليات دبالابلوک  ، پشت رود اودخاک سفيد په ولسواليو کې متمرکز کړي و.

دامن او عامه نظم  دشپږمې لوا  درستيزوال  سمونوال حقمل  وويل   چې دفراه ولايت  دبالابلوک ولسوالۍ  په بشپړه توګه  دمخالفينو له شتون څخه پاکه شوې  ده .

 

کابل\  باخترد وري  دمياشتې  ٢٣ :

دهيواد دسوداګرۍ وزير ډاکتر انوارالحق احدي  له ٢٠١٤ کال وروسته 

دهيواد  دتجارتي راتلوونکي په برخه کې خپلې اقتصادي نظريې دهرات 

پوهنتون محصلانو ته  بيان کړې.

په هرات پوهنتون کې دعلمي لکچرونو په دوام داځلې دسوداګرۍ اوصنايعو وزير ډاکترانوارالحق احدي له ٢٠١٤کال وروسته دهيواد دتجارتي اواقتصادي  راتلوونکي په باب په وينا سربيره  دبرخه والو پوښتنو ته ځواب هم ووايه.

دسوداګرۍ اوصنايعو وزير په دغو علمي خبرو کې له کانونو څخه داستفادې دڅرنګوالي ، دبنسټونو دفعالولو ، دکار دزمينو دبرابرولو اودهيواد په اقتصادي پرمختيا کې د حکومت درول دڅرنګوالي په اړوند ددغه وزارت  دطرحو په باره کې خبرې وکړې.

ډاکتر احدي وويل، دهيواد لوړې زده کړې مناسب کمي حالت لري  بايد  دهغه دکيفي  کچې په لوړولو کې هم زياتې هلې ځلې وشي .

دسوداګرۍ اوصنايعو وزير دمسلکي اوعلمي کادرونو روزنه ، دزياتو تحصيلي امکاناتو برابرول  ، دلابراتوارونو سمبالول  اودتکنالوجي دامکاناتو برابرول دهيواد دپوهنتونونو اړتياوې وبللې .

ښاغلي احدي  په هيواد کې ديو غوره اکاډميک مرکز په توګه دهرات پوهنتون مقام مهم وباله.

په همدې حال کې دهرات پوهتون رييس پوهندوي ډاکتر  عبدالظاهر محتسب زاده  دمحصلانو او استادانو دظرفيتونودلوړولو  ، له بهرنيو پوهنتونونوسره تواميتونه اواکاډميکي قراردادونه اونوى پوهې ته  درسيدوپه خاطر دعلمي اواکاډميکي زمينوبرابرول ددغه پوهنتون مهم فعاليتونه وبلل.

 

دغه سيالۍ دافغانستان داصلاح ټولنې په نوښت او د ام  ټي  ان دمخابراتي شرکت په مالي مرسته دروان هجري لمريز کال دورى دمياشتې په شپاړلسمه نيټه دکابل ښار په عيدګاه جومات کې ترسره شوه  اوشپږزره تنو په کې ګډون کړي وو چې له دې جملې څخه سل تنه دسيرت النبي  په پيژندنه کې دمخکښانو په توګه وپيژندل شول اوپرون  سوغاتونه او جايزې ورته ورکړل شوې .

ددغې سيالۍ لومړى  جايزه چې دعمرې حج دى  دوجيح الله په نامه دکابل پوهنتون دشرعياتو دپوهنځي يو محصل ترلاسه کړې ده .

 

کابل\  باخترد  وري  دمياشتې  ٢٣ :

په دايکندي ولايت کې سيمه ييزو مقاماتو  ديوې غير مسوولې وسله والې ډلې دقوماندان دنيولو لپاره  چې په لسګونو شوکماريو اودملګي وکړو  دوژنې تور پرې لګول شوى دى عمليات پيل کړي دي .

دغه پوځي عمليات  پرون دسنګ تخت بندر  ولسوالۍ  دشهرستان په سيمې په

هغه ځاى چې ديوې غيرمسوولې وسله والې ډلې قوماندان عصمت پکې شتون

لري ، پيل شوي دي  اودپخواپه شان دوام لري .

په دايکندي کې امنيتي مامورين وايي چې  ددغې غيرمسوولې وسله والې ډلې  پټنځايونه يې کلابند کړي دي  او دده دنيولو لپاره هلې ځلې  دوام لري.

ددايکندي دوالي مرستيال حبيب الله رادمنش باختراژانس ته وويل چې په دې نښته کې  دسيدونډي په نامه  قوماندان عصمت ته يو نږدې سړى وژل شوى او درې تنه نور ټپيان شوي دي،.

ددايکندي دوالي مرستيال وايي  چې په قوماندان عصمت  او افرادو يې په دغه ولايت کې دشوکماري ، غلا ، تيري   اودملکي وګړو دوژنې تورلګولى دى.

ويل کيږي چې دغه قوماندان لومړى ددايکندي ولايت دخديرولسوالۍ په مربوطاتو کې په شوکماري ، غلا اودخلکو په ځورونې لاس پورې کاوه خودده دنيولو لپاره دپوليسو دمامورينو له هڅو وروسته څومياشتې کيږې چې دسنګ تخت بندر  په ولسوالۍ کې پټ شوي و.

 درارسيدلو خبرونوله مخې، دقوماندان عصمت افراد لاتراوسه پورې هم ددايکندي ولايت  په ځينو برخو کې  په شوکماري ، غلا  او دخلکوپه ځورونې  لاس پورې کوي.

ددايکندي سيمه ييز مقامات وايي چې ددغه قوماندان په نيول کيدو اويا وژل کيدوسره به ددغه ولايت په ځينو برخو کې دخلکو دمصونيت په باب مثبت بدلون رامنځته شي .

 

کابل\  باخترد وري  دمياشتې  ٢٣ :

په بغلان ولايت کې دځانګړو پوځي عملياتو په بهيرکې نهه تنه وسله وال طالبان ووژل  شول.

دغه پوځي عمليات پرون  ددغو جګړه مارانو دقوماندان  دنيولو په خاطر دبورکې ولسوالۍ په مربوطاتو کې ترسره شوى و خو دى په ساحه کې نه و.

باختراژانس دناټوديوې خبرپاڼې له خولې خبر راکړ چې په دغو جګړه مارانو ددوى په پټنځي کې د افغان  پوځيانو او دبهرنيو ځواکونوله خوا بريد وشو  او ووژل شول.

 ناټووايي  چې دغه قوماندان وسله والو طالبانو او دازبکستان اسلامي تحريک ته  کار کاوه .

ددغې خبرپاڼې دمعلوماتوله مخې،افغان پوځيانو اودناټو ځواکونو ددغه قوماندان دنيولو لپاره هلې ځلې زياتې شوي دي.

ويل کيږي چې پوځيانو ددغو عملياتوپه بهيرکې  ددغې تروريستي ډلې  دجنګي وسايلو ډپيو هم ترلاسه کړې ده.

له بلې خوا ناټوديوې خبرپاڼې په خپرولوسره  دهلمندولايت په نهرسراج ولسوالۍ کې  ددوو تنو وسله والو طالبانو دوژل کيدو خبرورکړ.

 دغه جګړه ماران په تروريستي فعاليتونو بوخت و چې دافغان پوځيانو اودبهرنيو ځواکونوله  خوا پرې بريد وشو او ووژل شول . 

 

کابل\  باخترد وري  دمياشتې  ٢٣ :

دوسله والو طالبانو دډلې يو قوماندان له دريو تنو افرادوسره يې  په قندهار ولايت کې  دافغان پوځيانو اودناټو دځواکونو په عملياتو کې  ونيول شو .

دغه قوماندان پرون دقندهار ښار ته څيرمه په  خپل پټنځي کې ونيول شو.

باختراژانس دناټو ديوې خبرپاڼې له خولې خبر راکړ چې دغه قوماندان په ښکاره   په يو جومات کې دملا امام په توګه کارکاوه خوپه حقيقت کې ديوې تروريستي ډلې  رهبري په غاړه لرله.

ناټو وايي چې دى ديو لړ تروريستي بريدونو په پلان جوړولو بوخت  چې دافغان پوځيانو اودناټو د ځواکونوله خواپرې بريد وشو اونيول شو.

 دغه قوماندان دغه راز په قندهار ښارکې  دطالبانو ځينو ډلو ته دجنګي وسايلو او مالي امکاناتو دبرابرولو مسووليت په غاړه درلود.

له بلې خوا ناټو ديوې خبرپاڼې  په خپرولو سره په بلخ  ولايت کې ددوو تنو وسله والوطالبانو دنيول کيدو  خبرورکړ.

دغه طالبان دافغان پوځيانو او دناټو د ځواکونوپه هغو عملياتو کې  ونيول شول چې  دتروريستانو ديو قوماندان دنيولو په مقصد په شرين تګاب ولسوالۍ کې ترسره شوي و.

ددغو کسانو قوماندان وسله والو طالبانو اودازبکستان اسلامي تحريک ته  کارکوي.

ناټو وايي  چې دده  دنيولو لپاره هلوځلو زور اخيستى دى .

 

کابل\  باخترد  وري  دمياشتې  ٢٣ :

دملي اردو منسوبينودهيواد په ځينو ولايتونوکې په پرونيو عملياتو کې څلور تنه وسله وال مخالفين ووژل  ، يوولس تنه ټپيان او څلورتنه نوريې ونيول.

دملي دفاع وزارت دويندوى مطبوعاتي دفتر باختراژانس ته خبرورکړ.

دغه عمليات  دهرات ، ننګرهار ، بلخ  د ولايتونو په مربوطاتو کې ترسره شول چې له امله يې څلور تنه وسله وال مخالفين ووژل  شول ، يوولس تنه ټپيان  او څلور تنه نوريې ونيول شول.

ديوبل خبرله مخې  :دننګرهار ولايت په مربوطاتو کې دوسله والومخالفينو له  خوا دښخ کړاي شوي ماين دچاودنې له امله پرون دملي اردو يوتن منسوب ټپي شو.

کابل باختر د وري  دوه ويشتمه :
دارزګان ولايت دچوري ولسوالۍ امنيه قوماندان تيرماښام له دوو تنو پوليسانو سره په واټ کې دښخ کړى شوى ماين دچاودنې له امله شهيد شو .
دارزګان دوالي ويندوى عبدالله همت باختراژانس ته وويل، دچوري ولسوالۍ امنيه قوماندان قيام الدين پرون دامنيتي پوستو دکنترولولو او دپوليسو دمعاشونو دويشلو په خاطر دچوري ولسوالۍ دکميسان سيمې ته تللى و چې له ساحې څخه دستنيدو په وخت کې دسپرلۍ موټر يې په واټ کې په ښخ کړى شوي ماين وخوت چې له امله يې دچوري ولسوالۍ امنيه قوماندان قيام الدين له دوو تنو پوليسو سره شهيد شو .
  دارزګان دوالي ويندوى زيا ته کړه چې ددغې پيښې  په اړوند څوک نه دى نيول شوى خو دى وسله وال طالبان ددغې پيښې اصلي عاملين بولي .