10 December 2018

RSS Facebook

سوداگریز


تازه خبرونه

  له فساد سره مبارزه دسولې اوثبات په تامينولو کې له افغانستان سره مرسته کوي .

له فساد سره مبارزه دسولې اوثبات په تامينولو کې له افغانستان سره مرسته کوي .

کابل باختر د ليندى اتلسمه : له اداري فساد سره دمبارزې...

 په هرات کې  دخبريالانو دستونزو دڅيړنې دغوڼدې جوړيدل .

په هرات کې دخبريالانو دستونزو دڅيړنې دغوڼدې جوړيدل .

کابل باختر د ليندى اتلسمه : په هرات ولايت کې ...

  دبهرنيو چارو وزارت داداري او منابعو معين دايران له سفير سره وکتل .

دبهرنيو چارو وزارت داداري او منابعو معين دايران له سفير سره وکتل .

کابل باختر د ليندى اتلسمه : دافغانستان داسلامي جمهوريت دبهرنيو چارو...

Youtube Player

khantry design

سوداگریز

سوداگریز

کابل باختر د زمري  اتمه :
دالقاعده يو غړى تيره شپه د افغانستان په ختيځ کې د افغان سرتيرو دبريد له امله ووژل شو .
په دغه سړي چې هويت يې نه دى په ډاګه شوى دنورستان او دکونړ دولايتونو ترمنځ سيمه کې په پټنځاى کې يې بريد وشو.
دنورستان ولايت يو امنيتي مسوول باختراژانس ته وويل چې دالقاعده دغه غړى دطالبانو له څو سيمه ئيزو قوماناندانو سره ديو لړ تروريستي بريدونو په سازمانورکولو بوخت و چې بريد پرې وشو او ووژل شو.
تراوسه پورې روښانه نه ده چې په دې پيښه کې دطالبانو قوماندانانو ته هم زيان اوښتى دى اوکه څنګه ؟
دسيمه ئيزو مقاماتو دڅرګندونو له مخې: د القاعده دغه غړى چې ښايي د سعودي عربستان تبعه دى؛ د افغانستان په ختيځو سيموکې او په تيره بيا دکونړ او نورستان په ولايتونوکې دتروريستي بريدونو دمشرۍ مسووليت په غاړه درلود .
  ده  دغه راز دهيواد په ختيځ کې د نورو تروريستي ډلو ديوځاى کولو مسووليت هم په غاړه درلود .
دکونړ او نورستان ولايتونه له پاکستان سره دګډې پولې په لرلوسره تل دتروريستي ډلو له دې جملې څخه د وسله والو طالبانو او دالقاعده ډلو د فعالتيونو ډګر دى .
پخواهم او د تيريوکال په بهيرکې دالقاعده دشبکې دوه نور غړي دنورستان په ولايت کې  د ناټو دبمباريو له امله وژل شوي دي .

کابل باختر د زمري  اتمه :
په تيرو ٢٤ساعتونوکې دافغان او د نړيوالو ځواکونو دګډو عملياتو په بهيرکې نولس تنه وسله وال طالبان ووژل شول .
  دکورنيو چارووزارت مطبوعاتي دفتر باختراژانس ته خبر ورکړ: افغان او نړيوالو ځواکونو دغه عمليات دننګرهار ، کندز، زابل ، غزني، هرات او دهلمند د ولايتونو په مربوطاتوکې ترسره کړل چې له امله يې نولس تنه وسله وال طالبان ووژل شول؛ درې تنه ټپيان او ديارلس تنه نور يې ونيول شول .
ددغوعملياتو په بهيرکې يوه اندازه وسلې، مهمات اوچاوديدونکي توکي هم ترلاسه شوي دي .
دغه راز ملي پوليسو د وسايطو ضد اووه ماينونه د ارزګان ، لوګر ، هرات او د پکتيا د ولايتونو په مربوطاتو کې کشف او شنډ کړل .
ديوبل خبر له مخې: دکابل ولايت د امنيې قوماندانۍ پوليسو پرون درې تنه  د وژنې او غلا په تور  د کابل ښار د پنځمې ، نهمې او شپاړلسمې حوزې په مربوطاتو کې ونيول .

کابل باختر د زمري  اتمه :
په قندهار ښارکې پرون دماين دچاودنې له امله دوه تنه ملکي وګړي ټپيان شول .
دقندهار د والي ويندوى جاويدفيصل وويل: دغه چاودنه دقندهار ښار يو تفريحي پارک ته څيرمه وشوه او امنيتي مقاماتو تراوسه پورې ددغې پيښې په باب څه نه دي ويلي، خو د ميرويس روغتون مسوولين وايي: د پيښې له سيمې څخه دوه تنه ټپيان روغتون ته ليږدول شوي دي .

کابل باختر د زمري  اتمه :
دسيمه ييزو ارګانونو خپلواکې ادارې د واليانو دملي کنفرانس دپريکړو دتطبيق په مقصد د امنيتي او قضايي او دسکټوري ادارو په ګډون ديکشنبې په ورځ ددغې ادارې په مرکزي تالار کې لومړنۍ غونډه جوړه کړه .
دسيمه ييزو ارګانونودخپلواکې ادارې يوخبرځاى باخترآژانس ته خبر ورکړ: په دې غونډه کې دکورنيو چارو، ماليې، سوداګرۍ او صنايعو د ښځو دچارو او د ملي دفاع د وزارتونواو دملي امنيت دلوى رياست استازو ګډون کړى و .
دسيمه ييزو ارګانونو دخپلواکې ادارې د پاليسۍ او مسلکي معين فريد ماموندزي دخبروپه ترڅ کې د واليانودملي کنفرانس پريکړو ته اشاره وکړه او دسيمه ييزې حګومتوالۍ پياوړتيا انډوليزه پرمختيا، د امنيت پياوړتيا او د اړوندو ادارو ترمنځ همغږۍ مهمه وبلله .
په دې غونډه کې طرحه شوه چې د واليانو دملي کنفرانس پريکړه دې بايد د فرمان په ډول دجمهوري رياست دمقام له خوا صادر شي اويا دې د وزيرانوشورا په مصوبه کې ځاى کړى شي چې عملي کول يې د ټولو اړوندو ادارو له خوا دمنلو وړوګرځي.
  وروسته برخه والو په وار سره د واليانو دملي کنفرانس دپريکړو دعملي کولو په باب ټينګار وکړ او له دغو پريکړو سره يې خپل ملاتړ اعلام کړ .
په دې غونډه کې ټينګار وشو چې هرې ادارې ته ددغو پريکړو دعملي کيدو لپاره مشخص وخت وټاکل شي.
دغه راز د اړوندو ادارو ترمنځ همغږۍ ددغه کار په اجرا کولو کې يوه مسئله وه چې پرې خبرې وشوې .
د يادونې وړ ده چې واليانو په ملي کنفرانس کې په سيموکې  د امنيتي، قضايي او پرمختيايي برخو دکارونو مشخصول، واليانو ته د زيات واک ورکول او ولايتونو ته مرکزي ادارو په سلوکې دڅلويښتو پرمختيايي بودجې ليږدول د واليانو له مهمو غوښتنو څخه و .

کابل باختر د زمري  اتمه :
داطلاعاتو او فرهنګ وزارت په هيوادکې دخبريالانودوهلو ډبولودوروستيومواردو عاملين وغندل او ددغو پيښو دعاملينو دمجازاتو غوښتنه يې وکړه .
خو د آشنا د امريکا غږ راډيو د يو اړخيز رپوټ په خپرولو سره ادعا وکړه چې د اطلاعاتو اوفرهنګ وزارت ددغو قضيو په باب چوپه  خوله غوره کړې ده .
دا په داسې حال کې ده چې د اطلاعاتو او فرهنګ وزير په خپله ددغو دوو پيښو له رامنځته کيدو وروسته د خبريالانو پرخلاف د تاوتريخوالى د غندلو په ترڅ کې له امنيتي مقاماتو څخه يې د پيښو دڅيړنې غوښتنه وکړه .
د اطلاعاتو اوفرهنګ وزير د پروان د والي دساتوونکو له خوا د يو خبريال د وهلو ډبولو او دغه راز دبغلان ولايت په پلخمري  ښار کې د دوو تنو خبريالانو د وهلو ډبولو  په باب او دغه راز د خبريالانو پرخلاف د دغه شان تاوتريخوالي د نورو پيښو په اړوند له ځنډ پرته سخت غبرګون وښودلى دى او د اعلاميې په خپرووسره يې دغه شان عملونه وغندل او د رسمي ليک په ترڅ کې يې دکورنيو چارو له وزارت او عدلي اوقضايي مرکزونو څخه يې د قضيو د څيړنې او د هغو د عاملينو مجازاتو غوښتنه وکړه .
په دې باب صادرې شوې اعلاميې د باخترآژانس دخبري سايټ، ملي راډيو-ټلويزيون او دولتي ورځپاڼو له لارې خپرې شوې دي، خو د امريکا غږ آشنا راډيو په خپلې سهارنۍ خبري سرويس کې د يو اړخيز رپوټ په خپرولو سره ادعا وکړه چې د اطلاعاتو او فرهنګ وزارت په دې باب چوپه خوله غوره کړې ده چې د دغه وزارت د حيرانتيا سبب شو.

Tuesday, 30 July 2013 07:08

تبصره:

کابل باختر د زمري  اتمه :
په مستقل ډول دهيواد دفاع او د افغان امنيتي ځواکونو له خوا د محاربوي عملياتو رهبري د افغانستان خلک ته نوى هويت وربخښي او دا کار ثابتوي چې افغان امنيتي ځواکونه دملي ګټو د تامينولوپه نسبت په ميړانې او متانت سره کار کوي .
دباخترآژانس مبصر ليکي: دافغانستان امنيتي او دفاعي ځواکونه د پوځي عملياتو د رهبري په منلوسره خپلو خلکو اوهيواد ته دخدمت په لاره کې نوى فصل ته داخل شوي دي او دوى د تيرو کلونو په بهيرکې دهيوادنيو ارزښتونو د دفاع په لاره کې زياتې تجربې ترلاسه کړې دي او په دغه شان تجربو سره يې د امنيت د تامينولو او دملي ارزښتونو او ثبات د ساتنې په لاره کې ګام اخستى دى .
  افغان امنيتي ځواکونو په وروستيو کلونوکې د ملي اقتدار د تثبيت په لاره کې په زړورتيا سره عمل وکړ اوپه دې بريالي شول چې دهر شيطاني ځواک په وړاندې چې دهيواد دخلکو له برخليک سره د لوبې او د تيري نيت ولري، ودريږي .
دپوځي عملياتو د رهبري ترلاسه کول او له بهرنيو ځواکونو څخه افغان ځواکونو ته د امنيتي مسووليتونو د ليږدونه دهمدغې ادارې پربنسټ ترسره شوې ده او دغه بهير يې په يوه نه په شاتلوونکى بهير بدل کړى دى .
په  تيرو دووکلونوکې افغانستان له سترو بهرنيو توطيوسره مخامخ دى او بهرنيو استخباراتو سختې هلې ځلې کړې دي چې په ځينو ولايتونو، په تيره بيا په سرحدي ساحوکې د يو شمېر اداري واحدونو په سقوط سره وسله وال مخالفين، په تيره بيا وسله وال طالبان په افغاني ټولنه کې په يوې اغيزمنې قوې او ځواک په توګه څرګند کړي او تثبيت يې کړي، خو د بدخشان په وردوج، دکونړ په وايګل، دهلمند په سنګين، دلوګر په ازرې، د ننګرهار په حصارک اوپه نورو ځايونوکې د هيواد د سپاهيانوکلک مقاومت او مدافعې وښودله چې د زړورو امنيتي او دفاعي منسوبينو په وړاندې يواځې ملي ارزښتونه او افغاني هويت طرحه دي.
په دې وروستيووختوکې داسې خبرونه خپاره شول چې ګڼې نږدې اتيا تنه بريتانوي عسکر دهلمند سنګين ته راستنه شوي دي چې له طالبانو سره په جګړه کې، له ملي اردو سره مرسته وکړي.
دا په داسې حال کې ده چې بريتانوي پوځيان درې کاله مخکې د امنيتي مسووليتونو د ليږدونې دپروګرام په چوکاټ کې له سنګين څخه ووتل .
هغه څه چې سنګين ته دبريتانوي پوځيانو د راستنيدو په باب وويل شول؛ زياتره په هغو رسنيوکې منعکس شوي دي چې له بريتانيا څخه خبرونې لري .
بريتانويانو سنګين ته د ستنيدو پروګرام کومکي  چتر بللى دى، خو د هيواد ددفاع او دکورنيو چارو د وزارتونو مقامات د سنګين په عملياتوکې د بريتانويپوځيانو شتون په کلکه ردوي .
دکورنيو چارووزارت ويندوى هغه څه چې په سنګين کې رامنځته شول؛ په بشپړه توګه خپلواک عمليات بولي چې دافغان امنيتي ځواکونو له خوا ترسره شول او دملي دفاع وزارت ويندوى جنرال محمد ظاهر عظيمي ويلي دي چې له لازمې څيړنې وروسته په ډاګه شوه چې ملي اردو ته د محاربوي عملياتو د رهبرى د مسووليت له ليږدونې وروسته په هيڅ استقامت کې او په تېره بيا د هيواد په جنوب کې په ځمکنيو عملياتو کې هيڅ بهرني سرتيرى ګډون نه دى کړى .
ددغو دوو حکومتي مسوولينو له خبرو څخه دا ټکى په ډاګه کيږي چې افغان امنيتي ځواکونه له هر راز احتمالي ګواښ سره د مقابلې توان لري او دبهرنيو پوځيانو ونډې اخستنې ته اړتيا نه ليدل کيږي او هغه څه چې  لويديځو رسنيو ويلي دي؛ د هغو تبليغاتي  هلوځلويوه برخه ده چې دهيواد د واکمنۍ  دکمزوري  کولو او د امنيتي مرکزونو په نسبت دبې باورى په لاره کې ترلاس لاندې نيول شوي دي چې دهغو پروګرامونو د عملي کولو لپاره لاره اواره شي چې له افغانستان څخه د بهرنيو ځواکونو د وتلو وروسته په پام کې دي .

Tuesday, 30 July 2013 07:05

د اسعارو بيه:

کابل\باختر\د زمري د مياشتې ٨:
دکابل دشهزاده سراى دصرافانو د رييس  دمعلوماتو له مخې، نن له غرمې مخکې دبهرنيو پيسو په مقا بل کې د افغانۍ ارزښت په دې ډول دى:
يوامريکايي ډالر پيرودل په 25 55/  افغانيو پلورل په  55/30افغانيو
يوانګليسي پونډ پيرودل په 40  83 /افغانيو پلورل په  83 /50افغانيو
داماراتو يو درهم پيرودل په 50/ 14 افغانيو پلورپه 60 / 14 افغانيو
يوه يورو پيرودل په 60 72/ افغانيو پلورل په   72 /70  افغانيو
يوسعودي ريال پيرودل په  55 14/پلورل 14/60 افغانيو
زرهندي کلدارې پيرودل په 960 افغانيو پلورل په 970 افغانيو
زرپاکستاني کلدارې پيرودل په  537افغانيو پلورل په 538  افغانيو
زر ايراني تومان پيرودل په 17/60  افغانيو پلورل په  17/70 افغانيو.

کابل باختردزمري دمياشتې ٧ :
په کويټې ښارکې د افغانستان د قونسلګرى يو سيمه ييز کارکوونکى له شپږو  ورځو راپه  دې خوا بې درکه شوى دى.
د بهرنيوچارو وزارت ته نږدې خبرځايونو دغه خبر تائيدوي چې د افغانستان د قونسلګرى سيمه ييزکارکوونکى محمدهاشم له شپږو ورځو را په دې خوا بې درکه شوى دى.
د باختر آژانس د خبرله مخې: په  داسې حال کې چې ويل کيږي د دغه  سيمه ييز کارکوونکى د موندلو لپاره اړيکې دوام لري؛ خو تراوسه نه ده مشخصه شوې چې د دغه کارکوونکى د بې درکه کيدو علت څه دى؟
د بهرنيو چارو وزارت يو کارکوونکى چې ويې نه غوښتل نوم يي واخيستل شي؛ وويل چې د دغه کارکوونکى د موندلو په  خاطر له پاکستاني  مقاماتو سره اړيکې دوام لري.

کابل باختردزمري دمياشتې ٧ :
دانتخاباتو دخپلواک کميسيون دغړو د ټاکنې په باب د افغانستان داسلامي جمهوريت دجمهور رييس فرمان :
دافغانستان د اساسي قانون د ١٥٦ مادې او د انتخاباتو د خپلواک کميسيون او د انتخاباتي شکايتونو دخپلواک  کميسيون د تشکيل ، دندو او صلاحيتونو دقانون  د اتمې مادې د څلورمې فقرې له  حکم سره سم او د انتخاباتي کميټې د ١٣٩٢  کال د زمري دمياشتې د شپږمې نيټې د ١٩٧پر٤٠٨ ګڼه ليک له مخې د انتخاباتو دخپلواک  کميسيون دغړو په توګه د دغو اشخاصو:
١_  عبدالرحمن هوتکي
٢_ سرير احمد برمک
٣_  پوهاندمحمدحسين ګرزيواني
٤_  محمدعزيز بختياري
٥_  قاضي سليمان  حامد
٦_  ډاکتراحمديوسف نورستاني
٧_  ګلالى اڅکړي
٨_ ليلا احراري
٩_  شريفه زرمتى ورد ګ، ټاکنه منظوره ده.
د انتخاباتوخپلواک کميسيون ته معرفي شوي غړي موظف دي چې د انتخاباتو د خپلواک کميسيون او دنتخاباتي شکايتونو د خپلواک کميسيون د تشکيل ، دندو او صلاحيتونو د قانون  د پنځمې مادې د دويمې فقرې له حکم سره سم په نهمه ماده کې ليکل شوي، د لوړې د مراسمو له پرځاى کولو وروسته په خپلې لومړنې غونډه کې د کميسيون رييس، مرستيال اومنشي انتخاب کړي او داساسي قانون او دانتخاباتو دقوانينو له مخې دې خپل کارپيل کړي.

کابل باختردزمري دمياشتې ٧ :
دافغانستان داسلامي جمهوريت دجمهوري رياست دعالي مقام د٤٥ ګڼه فرمان يوکلن برياليتوبونه اعلام شول.
دچارو د ادارې او د وزيرانو شورا د دارالانشا دلوى رياست دڅارنې او سمون مرستيال پوهنيارنجيب الله امين نن  په مطبوعاتي کنفرانس کې دجمهوري رياست دعالي مقام د ٤٥ ګڼه فرمان دتطبيق له امله  د خوښي دڅرگندولو په ترڅ کې وويل: د ١٦٤ سپارل شويو دندو له جملې څخه  ١٣٩ دندې اجراشوې دي ، ١٤ دندې  د اجراکيدو په  حال کې دي، لس دندې د دوامدارو دندو له جملې څخه دي او يوه دنده لا اجراپاتې شوې ده .
ځينې اجراشوي کارونه په دې شرحه  دي :
•  دبګرام دجيل او آزادۍ دسلب دهغو نورو سيمو ليږدونه چې په افغانستان کې دبهرنيو ځواکونوله خوا  اداره کيدل.
•  د واليانو ټاکنې او بدلون  او د آزادې سيالۍ له لارې  د واليانو د ټولو مرستيالانو او د ولسوالانو  ټاکنې دوام لري .
• دکميسيون له خوا د انتخاباتو د تقويم اعلام او تطبيق  اودجمهور رييس له  خوا دانتخاباتو دقوانينو او دکميسيون د صلاحيت او اجرااتو د قوانينو توشيح .
• د ١٥٨٣١ تنو له خوا په هيواد کې د يو اعشاريه اووه مليونه جريبه ځمکې دغاصبانو کشف او عدلي څارنه .
• دکانونو وزارت له خوا په خپل سر په هيواد کې دکانونو دلست بشپړولو او د تعقيبولو په لاره کې کشفي ادارو ته دهغه ليږل .
• تراوسه پورې دبهرنيو ځواکونو د ١٦٦ بيزونو سپارل چې دا کار هماغه شان دوام لري .
•   په زوني او محکمې پړاونوکې ٤٦٥١٨ دوسيو پړاونه بشپړشوي دي،  ١٠٩١٣ نوې دوسيې په قضايي سيستم کې شاملې شوې دي، د ٨٨٧٦ دوسيو په باب د ديوانونوله خوا وروستى تصميم نيول شوى دى.
• دکابل بانک د بحران دعلني محکمې جوړول او په متهمينو اومحکومينو دمجازاتو تطبيق .
• د امنيتي ځواکونو او د دولتي کارکوونکو د شهيدانو کورنيو ته  د بانکي حساب پرانيستل .
• د امنيتي ارګانونوله خوا له غيرمسوولو کسانو څخه  دڅه دپاسه ديرش زره  ډول ډول  غيرمجازې وسلې راټولول .
• دلوړو زده کړو وزارت له خوا دخصوصي لوړو زده کړو دموسسو څيړنه .
• په هيوادکې دښار جوړولو د چارو وزارت او دهغه دمسوولو همکارانو له خوا دشخصي اوخصوصي  ښارګوټو څيړنه .
دښاغلى امين دڅرگندونوله مخې: هغه ميکانيزمونه، پاليسۍ، طرحې او نور سندونه چې لارښونه يې شوې وه او د وزيرانو شورا د تصويب غوښتنه يې کوله؛ اجرا شوي او دوام لري.