17 November 2019

RSS Facebook

سوداگریز


تازه خبرونه

 محمد اجمل شاهپور  دمشرقي دحوزې دځوانانو حالت وڅيړه .

محمد اجمل شاهپور دمشرقي دحوزې دځوانانو حالت وڅيړه .

کابل /دلړم ٢٥مه / باختر : داطلاعاتواوفرهنګ وزارت دځوانانو دچارومعين محمد...

 په سرپل کې  د صداقت دفوټبال ټيم  اتل شو .

په سرپل کې د صداقت دفوټبال ټيم اتل شو .

کابل /دلړم ٢٥مه / باختر : په سرپل کې دسولې اودوستۍ...

Youtube Player

khantry design

سوداگریز

سوداگریز

کابل – باختر د غبرګولى دمياشتې ٢٤
دکابل ښار دشاه شهيد په سياه سنګ کې دعبدالرحيم غفورزي دليسې د رايي ورکولو په مرکز کې ښځې دنارينه په پرتله کمې دي .
دباختر آژانس دخبريال دخبرله مخې ، په دې ليسه کې دښځو لپاره د رايي ورکولو درې ځايونه شته او د دواړو نوماندانو کتونکي حاضر دي خو دنارينه و دپراخ ګډون په پرتله دښځو شتون کم دى .
يوې ښځې چې رايه يې کارولې وه وويل، نن د دې وخت رسيدلى دى چې ښځې په انتخاباتو کې په ګډون سره ثابته کړي چې ښځې دميندو په توګه ددغه لرغونې هيواد وارثانې دي.

کابل – باختر د غبرګولى دمياشتې ٢٤
دچار آسياب ولسوالۍ دچهار سوق دکلي اوسيدونکو د طاهر خيلو په جومات کې ليکې جوړې کړې دي چې دخپل نظر وړ نوماند ته رايه ورکړى.
دباختر آژانس دخبر خبريال له مخې ، په دې مرکز کې نارينه وته دوه ځايونه او ښځو ته دوه ځايونه درايي ورکولو لپاره شته او دنوماندانو لتونکي هم د رايي ورکولو بهير څاري.
يو رايي ورکوونکي وويل، د رايي ورکولو په مرکز کې دخلکو اوږدې ليکې ښيي چې نور خلک له دښمن څخه کرکه لري.

کابل – باختر د غبرګولى دمياشتې ٢٤
د زرغونې دليسې د رايي ورکولو مرکز ته دکابل ښار يو زيات شمير اوسيدونکى راغلي دي چې دخپل نظر وړ نوماند ته رايه ورکړي.
دباختر آژانس دخبريال دخبرله مخې ، په دې مرکز کې ښځوته درايي ورکولو درې ځايونه او درې نور دنارينه ولپاره شته ،پنځه اتيا کلنه ميرمن زينب چې درايي ورکولو په مقصد دغه مرکز ته راغلې ده وايي په داسې حال کې چې زه په دې عمر کې راغلي يم چې رايه ورکړم بايد نور هم راشي او خپله رايه ورکاروي، ما رايه ورکړه چې هيواد مې آباد  او سمسور شي او خلک له اوسنيو بدبختو څخه وژغورل شي

کابل باختردغبرګولي دمياشتې ٢٤ :
د افغانستان جمهوررئیس حامدکرزي د جمهوري ریاست د دوهم پړاو په انتخاباتوکې د ګډون لپاره نن سهار د کابل ښار د اماني په لیسه کې د رایې ورکولو مرکز ته لاړ او د خپلې خوښې وړ نوماند ته یې خپله رایه ورکړله.
دجمهوري رياست مطبوعاتي دفترباختراژانس ته خبرورکړ.
جمهوررئیس کرزي د خپلې رایې له کارولو وروسته د افغانستان خلکو ته په خطاب کې وویل: " د رایې ورکولو مرکزونو ته نن ستاسو راتګ او د خپلې خوښې وړ کاندید ته رایه ورکول د ګران افغانستان لا ډیر ثبات، د ښه حکومت او د افغانستان د خلکو ښه ژوندانه ته استقامت ورکوي. نن هغه ورځ ده چې په حقیقت کې افغانستان د انتقال له پړاو څخه د ثبات، پرمختګ او آرامۍ په لور ټینګ قدم ږدي. "
د هېواد جمهوررئیس پخپله لنډه وینا کې د افغانستان له خلکو وغوښتل: "  راشئ پخپل لاس خپل برخلیک پخپله وټاکئ او خپل هېواد مو له هرډول بهرني احتیاج څخه د خپلې رایې په کارولو سره خلاص او نجات ورکړئ."
جمهوررئیس کرزي له افغانانو څخه په ټینګار سره وغوښتل: "  نن مو ورځ ده چې را و وځئ او خپله خاوره د ټولو پردیو له احتیاجه او ورانیو څخه خلاصه کړئ، هېواد ته مو ثبات راولئ، راتلونکې یې روښانه کړئ، خپل جمهوررئیس وټاکئ او د دې خاورې د اولاد راتلونکې په خپل لاس او د خپلې رایې په کارولو سره داسې تهداب ګزاري کړئ چې انتخابات مود افغانستان د لا ډیر ثبات او ترقۍ سبب شي. "
د هېواد جمهوررئیس د افغانستان خلک په انتخاباتو کې پراخ ګډون ته وهڅول، وې ویل: "  ستاسو رایه د افغانستان ثبات دی، د افغانستان ترقي ده، د افغانستان په خپلو پښو دریدل دي، له دې امله ټول را و وځئ او رایه ورکړئ.

کابل باختردغبرګولي دمياشتې ٢٤ :
يوې پنځه اتياکلنې ميرمنې نن  دکابل ښار دنهمې ناحيې په مربوطاتو کې دقابل باى دليسې درايې ورکولو  مرکز ته  په يون  سره  خپله رايه  دنظر  وړ نوماند په ګټه وکاروله .
پنځه اتياکلنې ميرمنې  سبز پري  په داسې حال کې چې  له جسماني پلوه کمزورې ده  دخپل زوى په ملګرتيا درايې ورکولو مرکز ته ورغله اوخپله رايه يې وکاروله .
دغې ميرمنې دباختر آژانس خبريال ته وويل :   له څو کلونو وروسته  دا لومړى ځل  دى چې له خپله کوره وځم  بايد  خپل هېوادنۍ پور  ادا کړم.
ديادونې وړ ده  چې درايې ورکولو ددغې  حوزې مسوولينو وکولاى شول چې ديو تقلبي کارت دکارولو مخه ونيسي .
درايې ورکولو په دې حوزه کې موجودو کتوونکو وکولاى شول  ددغه کارت  لرونکى وپيژني .
ديادونې وړ ده چې  دقابل باى په ليسه کې  درايې ورکولو څلور ځايونه فعال دي  چې يو يې  ښځو ته بيل کړاى شوى دى.
د نن سهارداتو بجو ترشاوخوا پورې نږدې  څلور سوه  تنو په دې مرکز کې خپلې رايې وکارولې  په رايه ورکوونکو کې ښځې هم شاملې دي.

کابل باختردغبرګولي دمياشتې ٢٤ :
دجمهوري رياست مرستيال محمد کريم خليلي دجمهوري رياست ددويم پړاو دانتخاباتو له پيل کيدو څخه  څو شيبې وروسته خپله رايه دحبيبيې ليسې درايو ورکولو په مرکز کې وکاروله .
دباخترآژانس  دخبريال دخبرله  مخې :
دجمهوري رياست مرستيال  محمد کريم خليلي درايو ورکولو په صندوق کې دخپلې رايې له کارولو وروسته   له خبريالانو سره په خبرو کې وويل  ،  خوښ يم چې دجمهوري رياست په دويم پړاو انتخاباتو کې چې په يوه ډيره ښه فضا کې ترسره کيږي ، ګډون کوم .
دجمهوري رياست مرستيال دهېواد له ټولو اوسيدونکو څخه وغوښتل چې درايې ورکولو مرکزونو ته لاړشي اوله کومې انديښنې  او ډار پرته خپله رايه دنظر وړ  نوماند په ګته وکاروي.
محمدکريم خليلي دغه راز  دانتخاباتو  له خپلواکو  کميسيونونو  څخه وغوښتل چې  دانتخاباتو دغه بهېردې په بشپړ شفافيت سره  پاى ته ورسوي  او هلې ځلې  وکړي چې   دهېواد دغه تاريخي بهېر له ستونزو سره مخامخ نه شي .
دجمهوري رياست مرستيال څرګنده کړه چې  دهېواد او خلکو ددښمنانو هيڅ راز هلې ځلې  نه شي کولاى  چې په هېواد کې دجمهوري رياست دانتخاباتو مخه ونيسي .

کابل – باختر د غبرګولى دمياشتې ٢٤
داستقلال په ليسه کې دانتخاباتو دخپلواک کميسيون مسولين وايي چې دجمهوري رياست دانتخاباتو په دويم پړاو کې زياتې اسانتياوې برابرې شوي دي.
دوى دباختر آژانس خبريال ته وويل، هر رايې ورکوونکى کولاي شي په يوه دقيقه کې درايي ورکولو ټول پړاونه بشپړ کړي او خپله رايه په صندوق کې واچوي.
دانتخاباتو دخپلواک کميسيون ددغو مسولينو دڅرګندونو له مخې، دجمهوري رياست دانتخاباتو په لومړي پړاو کې دنوماندانو شمير زيات و او اوس رايه ورکوونکي کولاي شي د دوو نوماندانو له جملې څخه په لنډ وخت کې يويې انتخاب کړي.

کابل – باختر د غبرګولى دمياشتې ٢٤
په غور ولايت کې د رايي ورکولو بهير نن سهار په اووبجو اولسو دقيقو پيل شو .
دباختر آژانس خبريال عطامحمد چې دغور ولايت دمرکز چغچران ښار د کاسي اوليا په سيمه کې درايي ورکولو يو مرکز ته تللى و، وايي چې په دغه مرکز کې د رايي ورکولو بهير په اووبجو او لسو دقيقو پيل شو او دجمهوري رياست دلومړي پړاو او دولايتي شورګانو دانتخاباتو په پرتله دخلکو ګډون زيات دي،  ده وويل چې په دغه مرکز کې دښځو شتون کم دي .
په دغه مرکز کې څلور ځايونه دنارينه و لپاره او دوه نورد ښځو لپاره ځانګړي شوي دي.
په همدې حال کې دغور ولايت امنيتي مقامات د انتخاباتو د امنيت دتامينولو په باب خلکو ته ډاډ ورکوي او له هغو څخه غواړي له ډار او انديښنې پرته دى دانتخاباتو په دويم پړاو کې ګډون وکړي.

کابل – باختر د غبرګولى دمياشتې ٢٤
دکابل ښار دشاه شهيد دمنځنى ښونځي درايي ورکولو په مرکز کې درايي ورکولو دپيل په لومړنيو شيبو کې دسيمې يو شمير اوسيدونکى په ليکه کې ولاړو چې رايه ورکړي او په دې ډول دهيواد په راتلوونکى کې ونډه واخلي.
دباختر آژانس دخبريال دخبرله مخې ، په دغه مرکز کې سره له دې چې دنارينه رايي ورکوونکو شمير زيات دي او دهغو په تناسب د ښځو او نجونو شمير کم دى.
يو تن رايي ورکوونکى وويل، زه ښځه يم او راغلې يم چې خپله حظور سره دا ووايم چې ښځې د دښمن له ګواښونو څخه ويره نه لري مرکزونو ته راځي او رايه ورکوي.

بامیان / باختر/ 24/ جوزا
حضور مردم ولایت بامیان درانتخابات دور دوم ریاست جمهوری کمرنگ گزارش شده است.
کمبود اوراق رای دهی تقلب درانتخابات گذشته از دلایل اصلی حضور کمرنگ آنان دراین انتخابات گفته شده است.
خان محمد خبرنگار آژانس باختر که در مرکز رای دهی در لیسه ذکور بامیان حضور دارد میگویدکه حضور مردم نسبت به دور اول انتخابات ریاست جمهوری و شوراهای ولایتی کمرنگ است.
ولایت بامیان یکی از ولایت های امن کشور به حساب می آید.