18 April 2019

RSS Facebook

سوداگریز


تازه خبرونه

 په کندز کې د اوبو د يوه سربند دجوړولو کار پيل شو

په کندز کې د اوبو د يوه سربند دجوړولو کار پيل شو

کابل باختر د وري نهه ويشتمه : دکابو يو مليون افغانيو...

په بغلان کې   دکرنيزو اوبو يو کانال رغول کېږي

په بغلان کې دکرنيزو اوبو يو کانال رغول کېږي

کابل باختر د وري نهه ويشتمه : د کليو د بيا...

Youtube Player

khantry design

سوداگریز

سوداگریز

کابل\باختر\لړم  دمياشتې  ٢٠:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان وريځ، د تودوخې لوړه درجه ١٦ ټيټه  ١-
هرات- آسمان شين، د تودوخې لوړه درجه ١٩،  ټيټه ٤
جلال آباد-  آسمان ځاى ځاى وريځ، د تودوخې لوړه درجه ٢٠، ټيټه ٩
قندهار- آسمان ځاى ځاى وريځ ، د تودوخې لوړه ١٦ ، ټيټه ٦
مزارشريف- آسمان ځاى ځاى وريځ ، د تودوخې لوړه  ٢٠، ټيټه ١٠
کندز- آسمان شين ، د تودوخې  لوړه درجه ٢٠، ټيټه ٩
غزنى- آسمان ځاى ځاى وريځ، د تودوخې لوړه درجه ١٢، ټيټه ٣-
باميان- آسمان ځاى ځاى وريځ ،د تودوخې لوړه درجه ١١ ، ټيټه  ٣-
فيض آباد- آسمان وريځ ، د تودوخې لوړه درجه ١٧، ټيټه  ٦
شمالي سالنګ- آسمان ځاى ځاى وريځ، د تودوخې لوړه درجه ١-، ټيټه  ٩-
فراه- آسمان ځاى ځاى وريځ ، د تودوخې لوړه درجه ٢٠ ټيټه ٥
خوست- آسمان ځاى ځاى وريځ ، د تودوخې لوړه درجه ١١، ټيټه ٦
ميمنه- آسمان شين، د تودوخې لوړه درجه  ٢١، ټيټه ٦
لښکرګاه-  آسمان شين، د تودوخې لوړه درجه ٢٣، ټيټه ٦
جنوبي سالنګ- آسمان ځاى ځاى وريځ ، د تودوخې لوړه درجه ٢، ټيټه ٤-
شبرغان –  آسمان ځاى ځاى وريځ ، د تودوخې لوړه درجه ٢١، ټيټه ٦
جبل سراج- آسمان ځاى ځاى وريځ، د تودوخې لوړه درجه ١٦ ټيټه ١
په کابل کې به سبا لمرپه ٦ بجو او ٤٧ دقيقو وخيژي او د مازيګر په ٤ بجو او  ٤١ دقيقو ولويږي . 

کابل\باختر\د لړم  د مياشتې ٢٠ مه:
دکابل د شهزاده سراى دصرافانو د رييس دمعلوماتو له مخې:
نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     57/70  افغانيو پلورل په   57/75افغانيو
يوانګليسى پونډ پيرودل په  91/40افغانيو پلورل په   91/50افغانيو
يوه يورو  پيرودل په    90 76/ افغانيو پلورل په   77 /00  افغانيو
يوسعودي ريال پيرودل په  20 15/پلورل  15/30 افغانيو
د اماراتو يو درهم پيرودل په 60/ 15 افغانيو پلورپه 65 / 15 افغانيو
زرپاکستاني کلداري پيرودل په  536افغانيو پلورل په  537افغانيو
زرهندي کلدارى پيرودل په 920 افغانيو پلورل په 930 افغانيو
اوزر ايراني تو مان پيرودل په 18/80  افغانيو پلورل په 18/90 افغانيو.

کابل باختردلړم دمياشتې ١٩ :
د لوړو زده کړو وزارت  دکانکور دآزموينو  دلوى رياست خبرتيا !
د ١٣٩٢پر ١٣٩٣کلونودکانکور ازموينې  ټولو داوطلبانو ته خبر ورکول کيږي چې داوطلبان نه شي کولى  ديو ولايت له پوهنې څخه فارغ او د بل ولايت  دآزموينې په حوزه کې  ګډون  وکړي .
له دې امله هغو داوطلبانو ته چې دخپل آزمويني داخستلو دحوزې دبدلون غوښتن ليکونه يې دکانکور آزموينو لوى  رياست ته  سپارلي دي  خبر ورکول کيږي  چې آزموينې  يې  په هغې ليسه کې چې فارغ شوي دي  دهماغي ليسې دآزمويني په حوزه کې  اخستل کيږي  اودبل ولايت  په حوزه کې دخپلې ازموينې اخستلوته  منتظر نه  وي .

کابل باختردلړم دمياشتې ١٩ :
دملي دفاع  وزارت  دهيواد د اردو د يو پخواني جنرال د مړيني خبر ورکړ .
دملي دفاع وزارت مطبوعاتي دفتر نن باخترآژانس ته ديوي خبرپاڼې په ليږلوسره ليکلي دي  بريد جنرال عبدالوهاب  دهيواد داردو يوسابقه لرونکي او خدمتګار و او دپکتيکا د والي په توګه هم  دنده ترسره کړي وه  او دهغې ناروغۍ له امله چې ورپيښه شوې وه  وفات شوى دى  .
دملي دفاع وزارت مشرتابه اومنسوبين دلوژستيک دلوى رياست دسياسي چارو
دپخواني  آمر بريد جنرال عبدالوهاب ناڅاپي مړينه  يوه ضايعه بولي  او دلوى خداى ( ج ) له دربار څخه ارواښاد ته د فردوس جنت او پاتي کسانو ته يې دجميل صبر هيله کوي .

کابل باختردلړم دمياشتې ١٩ :
د وسله والو طالبانو اته تنه قوماندانان نن په بغلان ولايت کې له خپلو اته ديرشو تنوافرادو سره دسولې له بهير سره يوځاى شول.
دغه کسان د مرکزي بغلان دولسوالۍ په مربوطاتو کې له دولتي ځواکونو سره يوځاى شول.
دبغلان ولايت  دملي امنيت رييس بريد جنرال عبدالناصر باختراژانس ته وويل  :
  له دولت سره  يوځاى شويو افرادو  دخپلو شپږ ديرش ميلو وسلو سره ددغه ولسوالۍ له بيلابيلو ساحو څخه له دولت سره  له دښمنۍ څخه  لاس واخيست او دسولې له بهير سره يوځاى شول .
  دبغلان والي  سلطان محمد عبادي ددغو کسانو پيوستون دامنيت په تامينولو ،  دبيارغاوني دبهير دپرمختګ او په شفافواو عادلانه  ډول دراتلونکو  انتخاباتو  دترسره کولو لپاره مهم وبلل او له هغوى څخه يې وغوښتل چې دخپلواړوندو ساحو دامنيت په تامينولوکې  هلې ځلې وکړي .

کابل باختردلړم دمياشتې ١٩ :
وسله والو طالبانو تيره شپه يو پوليس دبدخشان ولايت له مربوطاتوڅخه وتښتاوه .
  دبدخشان ولايت دامنيې قوماندانۍ دامنيت آمر سمونوال جهانګير کرامت باختر آژانس ته وويل :   امنيتي ځواکونه  دبدخشان ولايت دتګاب ولسوالۍ د عاشقانو دپله  په ساحه کې  دطالبانو له کمين سره مخامخ شول  چې دنښتې له امله څلور تنه طالبان ټپيان شول . 
دده دڅرګندونو له مخې :  بريد کوونکو يو پوليس له ځان سره بيولى دى  .
خبرځاى زياته کړه  امنيتي ځواکونه هلې ځلې کوي چې تښتول شوى پوليس د طالبانو له منګولوڅخه وژغوري .

کابل باختردلړم دمياشتې ١٩ :
دهيواد څلور اتيا تنه ځوانان نن دانجينرۍ په څانگه  کې دزده کړې په خاطر ترکيې ته روان شول.
دلوړو زده کړو وزارت دخپرونو رياست باخترآژانس ته  خبرورکړ :
په هغې غونډه کې چې له  دغو ځوانانو سره دمخه ښې په خاطر جوړه شوې وه 
دلوړو زده کړو وزير  پوهاند عبيدالله عبيد  دغوره سالارۍ دپروګرام په تطبيق  او
په انډوليږ ډول دلوړو زده کړو په  ودې ټينګار وکړ او ويې ويل  نن له هرولايت څخه  يوه ډله  لايق  ځوانان  په کانکور کې دلوړو  نمرو په اخيستلوسره  ترکيې ته ځې .
ده له  ځوانانو څخه وغوښتل چې دزده کړې په لاره کې زياتې هلې ځلې وکړې  او دکوربه هيواد فرهنګ ته په درناوي  او دخپل اصيل افغاني فرهنګ په ساتلو سره دخپل ملت افتخار وساتي  او هيواد ته د راستنيدو په وخت کې   افغانستان ته دخدمت جوګه شي .
د دغه وزارت د مسوولينو دڅرگندونوله مخې  : تراوسه پورې  شپږسوه اوه شپيته تنه ځوانان ددولت په لګښت  د زده کړې   په مقصد ترکيې ته   استول شوي   دي او ټاکل  شوي ده  درې سوه  شل تنه نور په بيلابيلو څانګو کې دزده کړې لپاره هندوستان ته واستول شي.

کابل باختردلړم دمياشتې ١٩ :
دهيواد دسوداګرۍ او صنايعو وزارت مسوولين وايي  چې دنفتي توکو دويم چاڼځاى  چې داته سوه څلويښتو ټنوتيلو ظرفيت لري ديو افغان سوداګر په پانګه په فعاليت پيل وکړ .
دسوداګرۍ اوصنايعو وزارت معين  مزمل شينواري  باختراژنس ته وويل : 
چې دغه چاڼځاى داته سوه څلويښتو ټنو نفتي توکو ظرفيت لري  چې دڅلويښتو مليونو ډالرو  په پانګه  دحيرتان ترمينل په نامه دحيرتانو  په بندري ښارګوټي کې  په فعاليت پيل کړي دي  چې  جوړول به يې دنفتي توکو په بيي  اغيزه  وکړي .
ده وويل :  اوس يو سلو پنځوس تنه کارګران په دغه کارخانه کې په کار بوخت دي .  چې په راتلونکي کې دتوليد دظرفيت په لوړولو سره به دکارګرانو شمير هم زيات شي .
  له بله پلوه  داقتصاد وزارت  مسوولين وايي  دغه چاڼځاى په هيواد کې دسوداګرۍ   په وده کې مهم رول لري .
ويل کيږي  چې افغانستان اوس په کال کې نږدې درې مليونو ټنو نفتي توکو ته  اړتيا لري.  چې ددغه شان چاڼځايونو په  جوړيدو سره کيداى شي دافغانستان دخلکو داړتياو يوه برخه  پوره کړي .

کابل باختردلړم دمياشتې ١٩ :
وسله والو طالبانو په ننګرهار ولايت کې يو قومي مشر په  ډزو سره وواژه  او موټر يې  وسوحاوه.
دچپرهار ولسوالۍ  دسيمه ييزې شورا رييس احمدالله او دننګرهارديوقومي مشر ملک سخي شينواري  وراره  پرون  ناوخته ددغې ولسوالۍ دفتيري په  سيمه کې دوسله والو طالبانو له خوا ووژل شو.
دننګرهار دامنيې قوماندانۍ  ويندوى  مشرقي وال  باختراژانس ته  وويل  :
طالبانو دقومي مشر احمد الله له  وژلو  وروسته دهغه موټر هم  وسوځاوه .
دمشرقي وال دڅرګندونو له مخې  دننګرهار دقومي مشرملک سخي شينواري  وراره  احمدالله  په دې   وروستيو وختو کې دخلکو له خوا  په چپرهار کې  دسيمه ييزي شورا  درييس په توګه  ټاکل شوي و .
په دي  پيښه کي دسيمې يو اوسيدونکي هم ټپي شوى دى .
  دننګرهار دامنيې قوماندانۍ ويندوى  طالبان  ددغه ترور مسوول  وبلل او ويې ويل  چې ديرغلګرو دپيژندلو او نيولو لپاره پلټڼې پيل شوي  دي .

کابل باختردلړم دمياشتې ١٩:
د ارزګان ولايت  امنيتي ځواکونو د دوو عملياتو په بهير کې دوسله والو طالبانو دجنګي وسايلو  د دوو زيرمو په کشفولو بريالي شوي دي او په دې اړوند دوه تنه يرغلګر طالبان نيول شوي دي.
  دغه  زيرمې په تيرو دريو ورځو کې دخاص ارزګان  له ولسوالۍ او دترينکوټ ښار  له مربوطاتو څخه کشف شوي دي .
د ارزګان ولايت دامنيې قوماندانۍ  ويندوى  فريد عايل  باختراژانس ته وويل :
له دغو زيرمو څخه په  لسګونو جنګي وسايل  ، چاوديدونکي توکي او ځانمرګي واسکټونه کشف شوي دي  او دوه تنه په  دې اړوند نيول شوي  دي.
دارزګان ولايت  سيمه ييز مسوولين وايي ددغو عملياتو په بهير کې دوسله والو
طالبانو څو پټنځايونه  هم کشف  شوي دي .
   له بله پلوه  څلور تنه وسله وال طالبان  په  دهراود ولسوالۍ کې له افغان ځواکونو سره دنښتې په بهير کې ووژل شول.
دغه نښته  پرون ناوخته هغه وخت وشوه  چې طالبانو په يوې امنيتي پوستې بريد وکړ .
د دهراود  ولسوالۍيو امنيتي مسوول  باختراژانس ته وويل  : چې په دې نښته کې دطالبانو يو سيمه ييز قوماندان له خپلودريو تنو افرادو سره  وژل شوى دى.