19 November 2019

RSS Facebook

سوداگریز


تازه خبرونه

 درسنيزو شکايتونو او سرغړونودڅېړنې دکمېسيون غونډه جوړه شوه

درسنيزو شکايتونو او سرغړونودڅېړنې دکمېسيون غونډه جوړه شوه

کابل /دلړم ٢٧مه / باختر درسنيزو شکايتونو اوسرغړونو دڅېړنې کمېسيون نن...

درسنيزو  کارکوونکو  يوويشت ستونزې لرې شوې دي .

درسنيزو کارکوونکو يوويشت ستونزې لرې شوې دي .

کابل /دلړم ٢٧مه / باختر درسنۍ ،بنسټ او کارکوونکي دکاري...

 يو سړى په تخار کې په دريو صرافانو  دپروني بريد په تور ونيول شو .

يو سړى په تخار کې په دريو صرافانو دپروني بريد په تور ونيول شو .

کابل /دلړم ٢٧مه / باختر په تخار کې په دريو صرافانو...

Youtube Player

khantry design

سوداگریز

سوداگریز

کابل باختردغبرګولي دمياشتې ٢٤ :
داستاد خليل الله خليلي ليسې درايې ورکولو په مرکز کې نن له غرمې وروسته تر درې نيمو بجو پورې  ٢٣٧٦ تنو  خپلې رايې وکارولې .
دباخترآژانس دخبريال دخبرله مخې :  په دې مرکز کې  درې ځايونه دنارينه و لپاره اودرايو ورکولو  درې ځايونه دښځو  لپاره شتون لري  او نهه سوه نهه ديرشو تنو ښځو او ١٤٣٧ تنو نارينه و  خپلې رايې کارولي دي.
ددغه مرکز  مسوولين وايي  چې  ددغه مرکز ديو ځاى  درايې ورکولو پاڼې  تمامې شوې دي او ددغې موضوع په باب يې دانتخاباتو د خپلواک  کميسيون مرکزته خبرورکړى دى .
دغه راز دغو مسوولينو وويل   چې ددغه مرکزدښځو له ځاى څخه يې اته  جعلي کارتونه ترلاسه  کړي دي اودهغو ښځو درايو ورکولو مخه يې ونيوله چې غوښتل يې په دغو کارتونوسره رايې ورکړي .

کابل باختر غبرګولي څليرويشتمه :
  په بدخشان  ولايت کې نن دوسله والو مخالفينو دبريدونو له امله درې تنه پوليسان شهيدان او يو رايي  ورکوونکي ټپي شو.
  دغه بريدونه  چې دبدخشان ولايت ديمګانو، کوزيفتل  او دوردوج په ولسواليو کې ترسره شول درايي ورکولو  څو مرکزونه هم تړلې پاتې شول
دبدخشان ولايت امنيه قوماندان فضل الدين  عيار دباختراژانس خبريال ته وويل نن سهار وسله والو مخالفينو دجرم ولسوالۍ دخرانداب دسيمې درايي ورکولو په مرکز  توغندي وتوغول  چې دلګيدو له امله يې يو پوليس شهيد شو او درايي ورکولو مرکز دزياتې مودې لپاره تړلي پاتې شول
دغه راز وسله والو مخالفينو دکوز يفتل  درايي ورکولو په مرکز بريد وکړ او درايي ورکولو مرکز يې وتاړه .
   عيار زياته کړه وسله والو مخالفينو دغه راز دوردوج او ديمګان په ولسواليو درايي ورکولو په څو مرکزونوبريدونه وکړل  او دڅو توغنديو په  توغولو سره يې دوه تنه پوليسان شهيدان او يو رايي ورکوونکي يې ټپي کړ .

کابل باختر غبرګولي څليرويشتمه :
  دوه اويا تنه وسله وال مخالفين په تيرو ٢٤ ساعتو نو کې  په هيواد کې دامنيتي ځواکونو له خوا ووژل شول .
دکورنيو چارو وزارت مطبوعاتي دفتر باختراژانس ته خبرورکړ، امنيتي ځواکونو دجوزجان ، لوګر ، هلمند ، ميدان وردګو ، او دنورستان د ولايتونو  په مربوطاتو کې امنيتي فعاليتونه ترسره کړل چې له امله  يې دوه اويا  تنه وسله وال مخالفين  وژل شوي  پنځه اويا تنه نور ټپيان او لس تنه نور يې نيول  شوي دي
دغه راز دپوليسو ځواکونو دتخار ، کندز ، فارياب ، سرپل ، ارزګان ، زابل ، ميدان وردګو ، پکتيا ، هرات ، غزني او دلوګر دولايتونوپه مربوطاتوکې دوه شپيته ماينونه کشف او شند کړل .

کابل باختر دغبرګولي څليرويشتمه :

 رايه ورکوم چې نور زما په هيواد کې دهغه ځوان  وينه چې تراوسه پورې يې دخپل عمر دميوې خوند نه دى څکلى  تويه نه شي

 دلامعه شهيد دليسې  درايي ورکولو په مرکز کې د ښځوداى زما پاملرنه ځانته جلب کړه چې داوښکو په  تويولو سره خپله ګوته رنګوله  او خپل کارت يې دسورى کولو لپاره دسايټ مسوول ته وسپاره .

 دخپلې ژړاعلت  يې دباختراژانس خبريال ته داسې وويل تيره اوونۍ زما اوولس کلن زوي په يوځانمرګي بريد کې شهيد شو نن درايي ورکولو په خاطر راغلي يم  چې هيڅ مور ددغه شان  يوې ترخې  خاطرې  شاهده ونه  اوسي او دهيڅ ځوان وينه چې تراوسه پورې يې دخپل عمر  له نيالګى څخه کومه ميوه نه ده څکلي ونه بهيږي

 دې زياته کړه له دغو نوماندانو  له جملې څخه چې هر يو يې  واک ته ورسيږي بايد هير نه کړي چې خلک د ټولو ګواښونو په منلو سره راغلل او دوى ته يې رايه ورکړه چې له ظلم  کړاو جګړې او دوينې  توييدنې څخه خلاص شي . 

کابل باختر دغبرګولي څليرويشتمه :
دلومړي ځل لپاره په هيواد کې دجمهوري رياست دانتخاباتو دويم پړاو تجربه شو
په هيواد کې څوځلې دجمهوري رياست انتخابات ترسره شوي دي چې وروستي يې په  ١٣٨٣ او ١٣٨٨ هجري لمريز کلونو کې و  خو نن لومړي ځل دى چې دجمهوري رياست دانتخاباتو دويم پړاو ترسره کيږي  چې خلک په زياتې مينې او علاقمندۍ سره  پکې ګډون کړى دى او له دوو مخکښو نوماندانو له جملې څخه  يو يې دافغانستان دجمهوري رياست لپاره انتخابيږي . 

کابل باختر دغبرګولي څليرويشتمه :
دانتخاباتو  دخپلواک کميسيون رييس ډاکتر احمد يوسف نورستاني په  يوه خبري غونډه کې په ٣٣٣ مرکزونوکې درايي ورکولو دپاڼو کمښت تاييد کړ خو درايي ورکوونکو دګوټو درنګ پاکيدل يې  ونه منل  .
دباختراژانس دخبريال دخبر له مخې درايي ورکولو په څو مرکزونوکې درايي ورکولو دپاڼو کمښت محسوس و .
دانتخاباتو دخپلواک کميسيون رييس دغه راز دغه ستونزه په دغې خبري غونډه کې تاييد کړه او وي ويل په ٣٣٣ مرکزونو اوځايونوکې درايي ورکولو دپاڼو  دکمښت ستونزه لرې شوې ده.
ده دغه راز وويل ځينې رايي ورکوونکي چې درنګ دپاکيدو له امله شکايت لري دغه رنګ ددې وړتيا نه لري چې ډير ژر پاک شي دغه رنګونه  هماغه رنګونه دي چې دانتخاباتو  په لومړي پړاو کې کارول  شوي  وو.
ده دغه راز  وويل خلک فرصت لري دانتخاباتو تر وروستيو ساعتونو پورې خپل نظر وړ نوماند ته رايه ورکړي .
دنورستاني دڅرګندونو له مخې،  ښايي  درايي ورکولو بهير دمازيګر په  څلور بجو پاى ته رسيږي .

کابل باختردغبرګولي دمياشتې ٢٤ :
امنيتي ځواکونو يو  طالب  چې غوښتل يې  په کاپيسا ولايت کې درايې ورکولو په يوه مرکز  وسله وال بريد وکړي  نيولى دى.
دغه طالب دخپل قوماندان له خوا موظف کړاى شوى و  چې دکوهستان دلومړۍ برخې په ولسوالۍ کې درايې ورکولو په مرکز بريد وکړي.
دکاپيسا ولايت  دامنيې قوماندانۍ وياند همايون رشيدي دباخترآژانس خبريال ته وويل چې دکوهستان دلومړۍ برخې دولسوالۍ ځواکونو يو طالب چې غوښتل يې درايو ورکولو په يو مرکز بريد وکړي  له يوې اندازې جنګي وسايلو سره نيولى دى .
ديوبل  خبرله مخې : دکاپيسا ولايت په ودانۍ تيره شپه  دوه توغندي  توغول شوي دي .
دکاپيسا ولايت دامنيې قوماندانۍ  دويندوى دڅرگندونوله مخې : 
دغه توغندي دختيځ له استقامت څخه ددغه ولايت په ودانۍ توغول شوي دي  خو  چا ته زيان نه دى اوښتى .

کابل باختردغبرګولي دمياشتې ٢٤ :
دکابل ولايت  دبګراميو په ولسوالۍ کې  دپوهاند عبدالشکور رشاد درايو ورکولو دمرکز مسوولينو هغه دولس  تنه پيژندلي دي چې غوښتل يې   په تقلبي کارتونو سره رايې ورکړي .
دباخترآژانس دخبريال دخبرله مخې :  په دغه مرکز کې چې دوه ځايونه دښځو لپاره  او  درې ځايونه دنارينه و لپاره شته نن له غرمې وروسته تر درې نيمو بجو پورې  ٣١٥٠ تنو ښځو اونارينه و خپلې رايې کارولي دي.
دفيفا استازې  مستوره  او جمهوري رياست د دوو نوماندانو کتونکي ددغه مرکز دمسوولينو د کړ نوله  امله خوښ وو.
هغو کسانو چې په تقلبي کارتونوسره يې رايې ورکولې ځان هغه مهاجرين بلل  چې ګنې اوس  اوس  هېواد ته راستانه شوي دي.

کابل باختردغبرګولي دمياشتې ٢٤ :
دوه تنه وسله وال طالبان نن په کاپيسا ولايت کې له امنيتي ځواکونوسره په نښته کې ووژل شول او درې تنه نور ټپيان شول.
جګړه هغه وخت ونښته چې يوې ډلې وسله والو مخالفينو دکاپيسا ولايت  دتګاب ولسوالۍ  په لنډاخيلو سيمه کې  درايو ورکولو په يو مرکز بريد وکړ.
دکاپيساولايت دامنيې قوماندانۍ ويندوى همايون رشيدي دباخترآژانس  خبريال ته وويل :  چې  ددولت يوې  ډلې وسله والو مخالفينو په دغه مرکز په بريد سره غوښتل  چې درايې ورکولو په بهيرکې  دخلکو دګډون مخه ونيسي  چې دامنيتي ځواکونوله سخت مقاومت سره مخامخ شول .
درشيدي دڅرګندونوله مخې : په دې پيښه کې  دسيمه ييزو پوليسو يو سرتيرى شهيد او يو تن بل يې ټپي شو.

کابل باختردغبرګولي دمياشتې ٢٤ :
دکابل ولايت دبګراميو ولسوالۍ دحسين خيلو  دليسې درايي ورکولو په مرکز کې  درايې ورکوونکو دګڼې ګوڼې دمخنيوي په خاطر درايې ورکولو دوه ګرځنده مرکزونه  جوړ شول او  تراوسه پورې   څلور زره دوه  سوه تنو ښځو او نارينه و خپلې رايې کارولي دي.
دباخترآژانس د خبريالانو د خبرله مخې : د دغه مرکز په ښځينه څانګه کې يوتن دتقلبي کارت دکارولو په تور  او يو تن  ددويم ځل لپاره درايې دکارولو په تور او يو تن بل هم  دقانوني عمر د نه پوره کولو په  خاطر  درايې ورکولو له  حق څخه محروم کړاى شول .
ددغې څانګې مسوولې ريحانې  ددغه خبر په تائيدولو سره وويل :  سوري کوونکي ماشين هم دومره ښه  کار نه کوي او خراب دي .
په همدې حال کې ددغه مرکز  دنارينه برخې مسوول  صفت الله وويل : په دې مرکز کې څلور ځايونه دنارينه و لپاره او دوه ځايونه دښځو لپاره شته .
څرنګه چې  درايو ورکوونکو شمير شيبه په شيبه زياتيږي  ددغې موضوع دحل کولو په خاطر درايې ورکولو دوه ګرځنده ځايونه چې دښځو لپاره اختصاص کړاى شوي دي ، جوړشوي دي.