04 April 2020

RSS Facebook

سوداگریز


تازه خبرونه

په قندهارکې پر تګ راتګ محدوديتونه ولګول شول

په قندهارکې پر تګ راتګ محدوديتونه ولګول شول

-کابل / د وري ۱۶ مه / باختر له کرونا ويروس...

درې ملکي وګړي په لغمان کې ټپيان شول

درې ملکي وګړي په لغمان کې ټپيان شول

-کابل / د وري ۱۶ مه / باختر درې ملکي وګړي...

Youtube Player

khantry design

سوداگریز

سوداگریز

کيف بي بي سي – باختر د لړم دمياشتې ١٢
د اروپا اتحاديې د اوکراين په ختيځ کې د روسيې د پلويو بيلتون غوښتوونکو انتخابات د يو غيرقانوني اقدام په توګه رد کړي دي .
د اروپا د اتحاديې د بهرني سياست مسوول فدريکا موګريني وويل چې د دونتسک او لوهانسک په سيموکې ټولپوښتنه په اوکراين کې د سولې په تګلوري کې يوبل نوى خنډ دى .
د اوکراين مرکزي حکومت هم په دغو دووخپل سرو جمهوريتونوکې انتخابات يوه خندوونکې ننداره وبلله، خو روسيې وويل چې په دغو انتخاباتوکې دخلکو د ارادې درناوى کوي. هغه ځاى چې ښايي دوه تنه ياغي مشران بريالي شي.
د دغو انتخاباتو ترسره کوونکي وايي: لومړنۍ نتيجې د دې څرګندوى دي چې د دونتسک د حکومت مشر الکساندر زاخارشينکو او ايګور پلاتنيسکي به د لوهانسک د انتخاباتو ګټوونکي شي.
ياغيانو دغه راز په دغو دوو ناحيوکې پارلماني انتخابات ترسره کړل.

بغداد – باختر د لړم دمياشتې ١٢
د عراق په پايتخت بغداد ښارکې تروريستي بريدونو تېرماښام هم دوام درلود چې په صدر ښارګوټي کې د بم دچاودنې له امله ١٤ تنه زيارت کوونکي ووژل شول .
باختر آژانس د رويټرز دخبري آژانس له خولې خبر راکړ: د عراق په پايتخت کې د بمي بريدونو له امله د حسيني عاشورا د مراسمو يو زيات شمېر زيارت کوونکو ته مرګ ژوبله واوښته.
د رويټرز خبري آژانس وويل: دغه بمي چاودنه تېرماښام په صدر ښارکې هغې خيمې ته څېرمه وشوه چې بلد ته د تلوونکو زيارت کوونکو دهرکلي لپاره درول شوې وه .
په بغداد ښارکې د زيارت کوونکو په تګلوري کې د دوو نورو بمونو د چاودنې له امله چې د عاشورا د مراسمو د پرځاى کولو لپاره روان و؛ څه ناڅه ٢٠ تنه ووژل شول.

بغداد  – باختر د لړم دمياشتې ١٢
د عراق په پايتخت بغدادکې د پرونيو بمي بريدونو له امله ٢٧ تنه ووژل شول او په لسګونو تنه نور ټپيان شول.
پرون په يو موټرکې ځاى پرځاى شوي بمونو د حي الاعلام په سيمه کې د الدرويش په څلور لارې کې وچاويدل چې د رسنيو د خبرله مخې : له امله يې څه ناڅه ٧ تنه ووژل شول او ٢٥تنه نور ټپيان شول.
د بغداد ښارګڼ ميشته سيمه حى الاعلام د محرم له پيل کيدو څخه دوه ورځې مخکې تور شوى دى او تکيه خانې او حسينيې يې هره شپه له عزا دارانو څخه ډکې دي .
بغداد تېرماښام هم يوځل بيا ولړځيد، دا ځلې تروريستانو تحرير ډګر ته څېرمه د پلټنې په يوې پوستې بريد وکړ.
دغه پيښه په داسې حال کې رامنځته کيږي چې يو زيات شمېر موټرونه د دغه تمځاى په ترافيکي ګڼه ګونه کې تيريدو ته سترګې په لاره و.

کابل – باختر د لړم دمياشتې ١٢
د رومانيا اوسنى صدراعظم او د سوسيال دموکرات ګوند مشر ويکتور پونتو د جمهوري رياست د انتخاباتو په لومړى پړاوکې چې پرون ترسره شو؛ په سلو کې د نږدې اته څلويښتو رايو په ترلاسه کولو سره د انتخاباتو د دغه پړاو بريالى شو.
د بالکان د سيمې د انټرنتي سايتونو د خبرله مخې: د انتخاباتو غير رسمي نتيجې د دې څرګندوى دي چې د ليبرال مسيحي ګوند مشر (کولاس يو انيس) په سلوکې د څه ناڅه دوه ديرشو رايو په ترلاسه کولو سره په رومانياکې د جمهوري رياست د انتخاباتو په دويم پړاوکې د پونتوسيال دى.
پونتو او يوانيس د روان کال د لړم د مياشتې په ٢٥مه نيټه د رومانيا د جمهوري رياست د مقام د ترلاسه کولو لپاره سيالي کوي.
د رومانيا د جمهوري رياست د انتخاباتو په لومړى پړاوکې څوارلس تنو نوماندانو برخه لرله.
د رومانيا نوى جمهور رييس به په انتخاباتوکې له برياليتوب وروسته له زياتو ستونزو سره لاس او ګريوان شي، په تېره بيا په اقتصادي برخه کې چې هيواد له يو ستر خنډ او له پراخ مالي فساد سره مخامخ دى.
رومانيا له بلغاريا وروسته د اروپا په اتحاديه کې دويم بيوزلى هيواد دى چې د کارګرانو منځني حقوق يې په يوه مياشت کې ٣٨٠ يوروته رسيږي.
ددغه هيواد د ځوانانو د وزګارتيا کچه هم په سلوکې څه دپاسه شل ده.

کابل باختردلړم دمياشتې ١٢ :
په کابل کې په لا ښه توګه د عاشورا د امنيت د تامينولو په مقصد په پايتخت کې  ځانګړي امنيتي تدبيرونه نيول شوي دي .
د باخترآژانس د خبرله مخې: دښار په ګوټ ګوټ کې د امنيتي  ځواکونو په تېره بيا د پوليسو شتون محسوس دى.
سره له دې چې دغه تدبيرونه په ځينو حالاتوکې د پايتخت اوسيدونکو ته ځورونکي دي؛ خو مقامات هغه د وقايوي تدبيرونو يوه برخه بولي او د کابل ښار له اوسيدونکو څخه  له امنيتي ځواکونو سره د همکارۍ غوښتنه کوي .
د کابل ولايت امنيه قوماندان جنرال محمدظاهر ويلي دي چې د پوليسو ٢٥ زره تنه ځواکونه په کابل ښارکې په دندې ګومارل شوي دي چې په ښارکې امنيت تامين کړي چې ښاريان په ډاډ زړه د عاشورا په مراسمو کې ګډون وکړي.
دى د دغه شان کميت کارول يو احتياطي حرکت بولي او ټينګار کوي چې هيڅ راز امنيتي ګواښ نشته بلکې دغه اقدام د وقايوي  پروګرامونو يوه برخه ده.
زموږ هېوادوال نن سهار له لومړيو وختو څخه په کابل ښار او د هېواد په نورو ښارونوکې جوماتونو  او تکيه خانو ته  په ورتګ سره د عاشورا د مراسمو په پرځاى کولو لاس پورې کړ  او تراوسه پورې د کومې پيښې خبر نه دى ترلاسه شوى.

کابل باختردلړم دمياشتې ١٢ :
د افغانستان د اسلامي جمهوريت جمهوررييس محمداشرف غني نن سهار د محرم الحرام د مياشتې او د عاشورا د ورځې په مناسبت خپله يوه اندازه وينه د وينې مرکزي بانک ته ورکړه.
د جمهوري رياست مطبوعاتي دفتر باختر آژانس ته خبرورکړ:
د هېواد جمهور رييس د وينې له ورکولو وروسته د خبرو په ترڅ کې د افغانستان ټول ملت ته د عاشورا د ورځې له امله د ډاډګيرنې د مراتبو د څرګندولو په ترڅ کې وويل: د وينې ورکړې د بلنې په تعقيب، په پوره وياړ سره خپله يوه اندازه وينه د هېواد د ملي اردو، ملي پوليسو او د ملي امنيت ځواکونو او  وينې ته  نورو اړوندو خويندو او ورونو ته ورکوم.
د افغانستان د اسلامي جمهوريت جمهور رييس له ټولو عزا دارانو او هېوادوالو څخه وغوښتل دغه نوښت چې د لومړي ځل لپاره د استاد خليلي له خوا پيل شو، تعقيب کړي .
په دغو مراسموکې د افغانستان د اسلامي جمهوريت د جمهوري رياست دويم مرستيال محمدسرور دانش هم  خپله يوه اندازه وينه د وينې مرکزي بانک ته ورکړه.
د هېواد جمهور رييس څه موده مخکې له شيعه او سني عالمانو سره په کتنه کې ټينګار کړى و چې د عاشورا د ورځې په مناسبت د وينې ورکول دې بايد په يو سراسري  پروګرام بدل شي .

کابل باختردلړم دمياشتې ١٢ :
د افغانستان د اسلامي جمهوريت جمهوررييس محمد اشرف غني نن له غرمې مخکې د کابل ښار د نبي اکرم (ص ) د حسينيه په جامع جومات کې د عاشورا په مراسموکې  گډون وکړ.
د جمهوري رياست مطبوعاتي دفتر باختر آژانس ته خبرورکړ :
د هېواد جمهور رييس چې د جمهوري رياست د دويم مرستيال محمد سرور دانش 
له  خوا يې ملګرتيا کيده؛ د امام حسين او د هغه د يارانو پاک روح ته  او دغه راز په هېوادکې د دايمي سولې او ثبات د ټينګښت لپاره دعا وکړه.

کابل – باختر د لړم دمياشتې ١٢
د هيواد د ختيځ په ځينو سيمو د پاکستاني پوځيانو راکټي بريدونو او د توپونو ډزو تيره شپه او نن سهار هم دوام درلود.
د هيواد په ختيځ کې د کونړ او نورستان د ولايتونو ځينې سيمې يوځل بيا د پاکستاني پوځيانو د سختې راکټي بريدونو او د توپونو د ډزو ډګر و.
دافغانستان په ختيځ کې د سرحدي پوليسو يو قوماندان د باختر آژانس خبريال ته وويل چې د نورستان ولايت تېره شپه او نن سهار د لسګونو توغنديو او د توپونو د ډزو ډګر و خو له امله يې د سر زيان نه دى اوښتى.
د کونړ ولايت امنيه قوماندان جنرال عبدالحبيب سيدخيل د دغه ولايت په ځينو سيمو د پاکستاني پوځيانو د راکټي بريدونو دوام تاييد کړ، خو ويې ويل چې د دغو بريدونو له امله يواځې مالي تاوانونه اوښتي دي.
څه ناڅه څلور کاله کيږي چې پاکستاني پوځيان د افغانستان د ختيځ په ځينو سيمو راکټي بريدونه کوي چې له امله يې تر اوسه پورې زموږ ١٧٠ تنو هيوادوالو ته مرګ ژوبله اوښتې ده.
د پوځي قوماندانانو له خوا د وړاندې شويو شمېرنو له مخې: د دغه بريدونوله پيل څخه تراوسه پورې دکونړ، نورستان او د پکتيکا د ولايتونو په اړوندو سيمو څه ناڅه ٢٠ زره توغندي لګيدلي دي.
تراوسه پورې د پاکستان د دغو يو اړخيزو بريدونو په وړاندې د افغان پوځيانو او د افغانستان د خلکو تندوغبرګونونو دومره اغيزه نه ده کړې.
دغه راکټي بريدونه تېره مياشت او د کابل او واشنګټن ترمنځ د امنيتي تړون له لاسليک وروسته څه ناڅه د يوې اوونۍ لپاره بند شوي و؛ خو په دې وروستيو وختوکې بيا له سره پيل شول.
د امريکا متحده ايالاتو له افغانستان سره په امنيتي تړون کې ژمنه کړې ده چې په افغانستان د بهرنيانو د بريد په صورت کې به دغه هيواد د افغان پوځيانو ترڅنګ ودريږي او جدي ځواب به ورته ورکړي.

کابل – باختر د لړم دمياشتې ١٢
د را رسيدلو خبرونو له مخې: پرون يو ځانمرګى يرغلګر د پاکستان د اسلامي جمهوريت د لاهور په واګه سيمه کې د څه د پاسه پنځوسو تنو د وژل کيدو او د لسګونو تنو نورو د ټپي کيدو سبب شو؛ ښځې او ماشومان هم د دغې تروريستي پيښې په وژل شويوکسانوکې شامل دي.
په هغې مطبوعاتي اعلاميه کې چې په دې اړوند د جمهوري رياست د مطبوعاتي دفتر له لارې باختر آژانس ته رسيدلې ده؛ ويل شوي دي:
جمهور رييس اشرف غني احمدزي ويلي دي: زه دغه شان ناوړه بريدونه چې د هغو لپاره هيڅ توجيه نشته؛ په ډيرو سختو الفاظو غندم.
محمد اشرف غني ټينګار وکړ: زموږ سيمه له جدي ګواښ سره مخامخه ده او د دغه ګواښ له منځه وړل ګډو هڅو او جدي سيمه ييزې همغږي ته اړتيا لري.
د افغانستان د اسلامي جمهوريت جمهور رييس د خپلې ډاډګيرنې مراتب د دغې پيښې قربانيانو ته څرګندوي او د لوى خداى (ج) له دربار څخه هغوى ته د جميل صبر او ټپيانو ته د سملاسي روغتيا او سلامتيا هيله کوي.

Monday, 03 November 2014 15:33

د خواشینۍ پیغام

کابل_باختر د لړم د مياشتې ١٢مه:
د قندهار ولايت د مرستيال عبدالقديم پتيال د مړينې له امله د سیمه ییزو ارګانونو د خپلواکې ادارې د خواشینۍ پیغام !
په ډېرې خواشینۍ سره مو خبر ترلاسه کړ، چې د یکشنبې په ماښام، د قندهار ولایت مرستیال عبد القدیم پتیال د کندهار پوهنتون د ښوونې او روزنې پوهنځي په څلورم ټولګي کې د لوست پر مهال د یوه وسله وال سړي لخوا د تومانچې په ډزو ویشتل شوی او د سختو ټپونو له امله یې په روغتون کې سا ورکړه.
د سیمه ییزو ارګانونو د خپلواکې ادارې د پالیسۍ معین او سرپرست فرید ماموندزي د دې غمجن خبر پر اوریدو سخت دردېدلی دی.
ده د قندهار سيمه ييزې ادارې ته په یوه پیغام کې ویلي دي : (( د قندهار ولایت د ځوان مرستیال عبدالقدیم پتیال د شهادت خبر سخت و دردولم. پتیال زموږ د ځوانو او کارپوهو مرستیالو والیانو مخکښ و. د ده شهادت ټوله سیمه ییزه حکومتولي د ویر پر ټغر کېنوله.))
په پیغام کې د قندهار ولایتي ادارې ته لارښوونه شوې، چې د شهید د تکفین او ښخولو مراسم په لوړو دولتي مراسمو ترسره او له کورنۍ سره یې، د مرکزي حکومت د غمشریکۍ او تسلیت مراتب شریک کړي.
د سیمه ییزو ارګانونو خپلواکه اداره، د وطن او خلکو د دښمنانو دا ناځوانمردانه عمل په سختو ټکو غندي، شهید پتیال ته د فردوس جنت او کورنۍ او خواخوږو ته یې د جمیل صبر هیله کوي.
د سیمه ییزو ارګانونو اداره له امنیتي ارګانونو غوښتنه کوي چې د سیمه ییزې حکومتولۍ د جګپوړو مامورینو د امنیت ساتنې ته جدي پاملرنه وکړي. #