15 December 2019

RSS Facebook

سوداگریز


تازه خبرونه

په غزني کې په پنځلسو پوځيانو  دډزو دلامل  وژل کېدل

په غزني کې په پنځلسو پوځيانو دډزو دلامل وژل کېدل

کابل /دليندۍ ٢٣مه باختر په غزني کې په پنځلسو پوځيانو...

په ننګرهارکې  يوسړى  له نشه يي توکوسره  ونيول شو .

په ننګرهارکې يوسړى له نشه يي توکوسره ونيول شو .

کابل /دليندۍ ٢٣مه باختر په ننګرهار کې يوسړى تېرماښام...

شپږ طالبان په کندز کې ووژل شول .

شپږ طالبان په کندز کې ووژل شول .

کابل /دليندۍ ٢٣مه باختر شپږ طالبان تېره شپه په...

Youtube Player

khantry design

سوداگریز

سوداگریز

کابل باختر دچنګاښ  اته ويشتمه :
شپږ تنه وسله وال طالبان  پرون په پکتيا کې دملي اردو دځواکونو دچاڼيزو عملياتو په بهير کې  ووژل شول .
دملي دفاع وزارت دوينديو مطبوعاتي دفتر باختراژانس ته خبر ورکړ، شپږ تنه وسله وال طالبان په هغو چاڼيزو عملياتو کې چې دمخالفينودځپلو په مقصد دپکتيا ولايت داحمد خيلو ولسوالۍ په مربوطاتو کې ترسره شول ووژل شول اويوشمير نور وسله وال طالبان هم ټپيان شوي دي .
په دغو عمليات کې يوه اندازه وسلې اومهمات او پوځي تجهيزات هم ترلاسه شوي دي 
ديوبل خبر له مخي،  درې تنه وسله وال طالبان دفارياب  ولايت  د قيصار  ولسوالۍ په مربوطاتو کې دملي اردو دځواکونو دچاڼيزو عملياتو په بهير کې  ووژل شول او پنځه تنه نور وسله وال  طالبان هم ټپيان شول .
دغه راز دفراه ولايت دبالابلوک  ولسوالۍ په مربوطاتو کې   دملي اردو دځواکونو دامنيتي  فعاليتونو په بهير کې دوسايطو ضد پنځه ماينونه کشف اوشنډ شول .

کابل\باختر\دچنګاښ د مياشتې٢٨
په نړيوالوبازارونوکې د يوانس سرو زرو په بيه کې د پرون په نسبت پنځلس ډالره لوړوالى راغلى دى.
په نړيوالوبازارونوکې پرون يو انس سره زر په ١٢٩٦ډالرو وړاندې کيدل، خو نن په ١٣١١ډالرو وړاندې کيږي.
د پښتنى بانک د سرو زرو د مارکيټ يو پلورونکى قاهرخان  ددغه خبر په تاييدولو سره باخترآژانس ته وويل: اوس دکابل په بازارونوکې يو ګرام مصري سره زر په٢٥٠٠ افغانيو، کويټي په٢٤٥٠ افغانيو، سنګاپوري په٢٤٣٠ افغانيو، بحريني په٢٠٥٠افغانيو، عربي په٢٠٠٠ افغانيو، ايراني په١٨٥٠ افغانيو او يوګرام روسي سره زر په١٧٠٠افغانيو پلورل کيږي.

دکراچۍ ښار\ دي نيوز انترنشنل \ باختردچنګاښ دمياشتې ٢٨ :
دکراچۍ ښار په بيلابيلو سيمو کې په نويو تاوتريخوالي کې څه ناڅه  شپږ تنه ووژل شول.
باخترآژانس  ددي نيوز انترنشنل ورځپاڼې له خولې  خبر راکړ : په دغو کسانو دناپيژاندو وسله والو يرغلګرو له خوا تر  ډزې وشوې.
يوه اړونده خبرځاى وويل   :  يو سړى  د کراچۍ  د دنتال طبي  پوهنتون ته څيرمه ،  يو سړى په اورنګي کې  ، يو فعال يوې پلورنځي ته څيرمه  او درې تنه نور د لنډ ،  ګلستان جوهر او د بلديه په ناحيوکې  وژل شوي دي.

کابل \ باختردچنګاښ دمياشتې ٢٨ :
دوولس تنه وسله وال طالبان تيره شپه په هلمند کې  دملي اردو  دځواکونو په چاڼيزوعملياتو کې ووژل شول.
دملي دفاع وزارت دويندوى مطبوعاتي دفتر باخترآژانس ته خبرورکړ :
  دملي اردو ځواکونو پرون  د وسله والومخالفينو له شتون څخه دسيمو دپاکولو په  مقصد د هلمند ولايت دسنګين ولسوالۍ په مربوطاتو کې چاڼيز عمليات ترسره کړل  چې له امله يې دوولس تنه وسله وال طالبان ووژل شول  او شپږتنه نور يې ونيول شول .
په دغو عملياتو کې  يوه  اندازه جنګي وسايل او پوځي  تجهيزات  هم ترلاسه شوي دي.
ديوبل خبرله مخې : درې تنه وسله وال  طالبان چې دهلمند ولايت په ګرمسير ولسوالۍ  کې يې  دډاراچوونکو او تروريستي فعاليتونو دترسره کولو نيت يې درلود دملي اردو دځواکونو دچاڼيزو عملياتوپه بهېرکې ونيول شول او له هغوى څخه  يوه اندازه وسلې او مهمات او چاوديدونکي توکې هم ترلاسه شوي دي.

کابل \ باختردچنګاښ دمياشتې ٢٨ :
پنځه تنه وسله وال طالبان پرون په خوست کې د ملي  اردو دځواکونو په  چاڼيزو عملياتو کې   ووژل  شول .
دملي دفاع وزارت دويندوى مطبوعاتي دفتر باخترآژانس ته خبرورکړ :
د ملي اردو ځواکونو دخوست ولايت په موسى خيلو ولسوالۍ کې دامنيت دتامينولو په مقصد چاڼيز عمليات ترسره کړل چې له امله يې پنځه تنه وسله وال طالبان ووژل شول  او شل تنه نور ټپيان شول.
په دغو عملياتو کې  درې کلاشينکوفونه ، يو توغندي ويشتوونکى ، يو٨٢ ملي متري هاوان، او يوه اندازه سپک او درانده جنګي وسايل په عملياتو کې دشاملو ځواکونو لاسته ورغلي دي.
ديو بل خبرله مخې :
دوه تنه وسله وال طالبان دغزني ښار ته څيرمه دملي اردو او دملي پوليسو دځواکونو  په ګډو چاڼيزو  عملياتو  کې  ووژل شول  او يوه اندازه  جنګي وسايل  اومهمات هم  ترلاسه شوي دي.

کابل باختر دچنګاښ  اته ويشتمه :
حامدکرزي  ديو حکم په صادرولو سره دانتصابي سناتور په توګه دفضل هادي مسلميار  ټاکنه منظوره  کړه .
دباختراژانس  دخبر له مخې، په هغې اعلاميه کې چې په دې باب دچارو دادارې او دوزيرانوشورا ددارالانشا دلوى رياست له خوا خپره شوې ده ويل شوي دي .
داساسي قانون د ٨٤ مادې ددريمې فقرې  دحکم له مخې  دافغانستان داسلامي جمهوريت جمهور رييس دملي شورا دمشرانوجرګې دانتصابي سناتور په توګه دفصل هادي مسلميار  ټاکنه منظوره کړه .
دانتخاباتو خپلواک کميسيون دې دافغانستان داساسي قانون د  ٨٤ مادې  دحکم له مخې دده انتخاباتي وثيقه  تدقيق او دملي شورا دمشرانو جرګې ته صادروي .

کابل باختر دچنګاښ  اته ويشتمه :
ددولت ٢٤ تنه وسله وال مخالفين پرون په بغلان ولايت کې  دسولې له پروګرام سره يوځاى شول .
دغه کسان  دبغلان ولايت دبنو ولسوالۍ په مربوطاتو کې  دامنيې قوماندانۍ دمنسوبينو داوپراتيفي هلوځلو له امله دسولې له پروګرام سره يوځاى شول .
دبغلان ولايت امنيه قوماندان مل پاسوال امين اسد امر خيل دباختراژانس خبريال ته وويل، دقاري جمال الدين او محمديوسف  په سرګروپۍ  ٢٤ تنه له خپلو وسلو  سره دسولې له  بهير سره يوځاى شول.  
امرخيل  زياته کړه، دغه کسان چې له شپږو کلونو راپديخوا له دولت سره په مخالفت کې وو دسولې له  بهير سره ددوى دپيوستون  دسيمې خلکو ته  دناامنيو او مزاحمتونو دمخنيوي په لاره کې ارزښتناک او اساسي مهم ګام دى .
  داپه داسې حال کې ده چې تيره اوونۍ هم ٩٦ تنه وسله وال مخالفين په بغلان ولايت کې دسولې له بهير سره يوځاى شوې  وو .

کابل \ باختردچنګاښ دمياشتې ٢٨ :
په دايکندي ولايت کې پرون  يوې ځوانې ميرمنې  ځان وواژه .
ددايکندي ولايت دشهرستان ولسوال محمدابراهيم اکبري دباخترآژانس خبريال ته وويل :   له څه مودې راپه دې خوا دغې ميرمنې له کورنۍ  سره شخړې لرلې چې  په دې وروستيو وختو  کې دغه شخړې  ددغې مېرمنې د ځان وژنې سبب شوه .
ده زياته کړه :  چې ددغې ميرمنې  مړى  دڅيړنې  لپاره عدلي طب ته ليږدول شوې دى   چې له دې  ٣٥ کلنې ميرمنې څخه څلور ماشومان پاتې دي.

کابل \ باختردچنګاښ دمياشتې ٢٨ :
په فراه  ښارکې په  سړک  کې دښخ کړاى شوي  ماين په  يوه چاودنه کې  شپږ تنه  ټپيان شول.
د فراه  د والي ويندوى  جواد  افغان د باخترآ ژانس خبريال  ته  وويل :
دغه پيښه  په  فراه ښار پورې اړوند د يزده  په کلي کې هغه وخت رامنځته  شوه  چې  تر يوه پلګوټي لاندې ښخ کړاى شوى ماين  کله چې  دپوليسودامنيتي ځواکونو دهماهنګۍ دمرکز دمرستيال خليل احمد رنجر موټر له سيمې څخه دتيريدو په حال کې  و  وچاوديد چې له امله يې دهماهنګۍ دمرکز مرستيال دوه تنه ساتوونکي    اوڅلور تنه ملکي وګړي  چې له سيمې څخه تيريدل ټپيان شول.
د يوه اړونده خبرځاى دخبرله مخې :  په دې پيښه کې  د پوليسو د هماهنګۍ دمرکز مرستيال  خليل احمد ته زيانه  نه دى اوښتى .
د فراه ولايتي  روغتون  آمر  ډاکتر عبدالحکيم  رسولي  وويل  چې ددغې پيښې  څلور تنه ملکي   او دوه تنه  پوليسان  دې  روغتون ته  ليږدول شوي دي .
ده  د دريو تنو ټپيانو روغتيايي حالت خراب  وباله  .

کابل \ باختردچنګاښ دمياشتې ٢٨ :
امنيتي ځواکونو پرون دخپلو امنيتي فعاليتونو په بهېرکې اته  تنه وسله وال طالبان  ووژل .
د کورنيو چارو وزارت مطبوعاتي دفتر باخترآ ژانس ته خبرورکړ :
امنيتي ځواکونو دکونړ، ننګرهار، قندهار ، ميدان وردګو او دهلمند د ولايتونو په مربوطاتو کې جلاجلا امنيتي فعاليتونه ترسره کړل چې له امله يې اته تنه وسله وال طالبان   ووژل شول او يوه  اندازه جنګي  وسايل ترلاسه شول.
دغه راز ملي پوليسو د قندهار او پکتياولايتونو په مربوطاتو کې د امنيتي ګزمو په بهېر  پنځه  ماينونه  کې کشف اوشنډ کړل.