06 July 2020

RSS Facebook

سوداگریز


تازه خبرونه

د جمهوررئیس محمد اشرفی غني په مشرۍ د کابینې غونډه جوړه شوه

د جمهوررئیس محمد اشرفی غني په مشرۍ د کابینې غونډه جوړه شوه

کابل / د چنګاښ ۱۶مه / باختر د کابینې غونډه د...

کابل او یو شمېر نورې سیمې زورورې زلزلې ولړزولې

کابل او یو شمېر نورې سیمې زورورې زلزلې ولړزولې

کابل / د چنګاښ ۱۶ مه / باختر نن ماښام څه...

د لوړو زده کړو وزارت د تسلیت او خواخوږۍ پيغام

کابل/ د چنګاښ ۱۶مه/ باختر په ډيرې خواشينۍ سره مو خبر...

Youtube Player

khantry design

سوداگریز

سوداگریز

کابل باختر دمرغومي دمياشتې  ٥ :
دبلخ ولايت په مرکز مزارشريف ښارکې دسيدهدايت الله نقشبندي دليسې  نوې ودانۍ  پرون ددغه ولايت  دپوهنې رياست  دچارواکو له خوا پرانستل شوه او  ګټې اخيستنې ته وسپار ل شوه.
دباخترآژانس دخبريال د خبرله مخې :  دغه ودانۍ دآلمان د جې آى  زيد موسسې  په مالي مرسته   دديرشو مليونو افغانيو په لګښت  په دوو  پوړونو کې  په  دوو کلونوکې  جوړه شوې ده .
دغه ودانۍ ٢٤ درسي   او اته  اداري خونې او نور ضروري ملحقات لري چې دهغې په جوړيدو سره ددرسي خونو دنشتوالي  له پلوه دزده کوونکو ستونزې لرې شوې دي.
ديادونې وړ ده چې دسيد هدايت الله نقشبندي په ليسه کې دنجونو اوهلکانو په ګډون څه دپاسه  پنځه زره تنه په زده کړې بوخت دي  .

Friday, 26 December 2014 12:21

تبصره :

کابل باختر دمرغومي دمياشتې  ٥ :
د مرغومي د مياشتې شپږمه نيټه  د ابرقدرت   د جنايت  تداعي    کوونکى  او 
د تيري څرګندوى ده چې په  يوه کمزوري منطق سره يې د يو داسې هېواد په لور مخه وکړه  چې خپل  فرهنګ ، دود او باورونه يې  لرل.
د باختر آژانس مبصر ليکي :
پنځه ديرش کاله  مخکې  د ١٣٥٨ کال  د مرغومي دمياشتې په شپږمه  نيټه سره پوځ  د ټولو نړيوالو  معيارونو په تر پښو لاندې کولو سره ، د افغانستان په  خاورې تيرى وکړ . دپخواني شوروي څه دپاسه  سل زره تنه پوځيان  په قوي حربي امکانانو سره د افغانستان  خاورې ته ننوتل چې په خپله د دوى په اصطلاح  نړيوال  انترنالسيوناليزم ته ځواب  ورکړي اوپه افغانستان کې  خپل بند پاتې شوي ملګري وژغوري.
دسره پوځ تيرى ټيک په داسې وخت کې وشو چې دحفيظ الله  امين زندۍ کوونکى  په وګړنيو او هراړخيزو پاڅونونوسره  دراپرځيدو په حال کې و او دې کار کولاى شول دپخواني شوروي ګټې  چې په افغانستان کې دچپي جريانونو په شتون کې  ساتل کيدې  له خطر سره مخامخې کړي .
د کريملن دوخت واکمنانو په افغانستان دتيري او اشغال په باب  دتصميم په نيولو سره  نه يوازې  ديو مسلمان هېواد  له برخليک او راتلوونکي سره  لوبه وکړه  او په دغه  هېواد کې  د جنګي  جنايتونو تر پولې پورې  وړاندې لاړل  بلکې  دنړيوالو  آن  دهغو هېوادونو  ترمنځ  چې په اعتقادي  او اداري لحاظ ټولنې يې  په پخواني شوروي باور مند وخپل عزت او اعتبار له لاسه ورکړل.
دمرغومي شپږمه دافغانستان په معاصر تاريخ کې   توره او تورتمه ورځ ده  چې   په هغې کې  له تيري پرته  هيڅ توجيه ، منطقي نه بريښي  .
که څه هم  دشوروي  سور پوځ دافغانانو  دبې ساري مقاومت له لسو کلونو وروسته  ددغه هيوادله خاورې څخه وتلو ته اړ شو  خو  ددغه تيري له امله رامنځته شوي مصيبتونه تراوسه پورې دافغانستان دخلکو له ستونې څخه   لاس نه اخلي .سره له دې چې له افغانستان څخه دسره پوځ   له تيښتې څخه  شپږويشت کاله تيرشول  خو جګړه او بحران دپخوا په شان له افغانانو څخه قرباني اخلي  او سوله لا تراوسه پورې هم  دافغانانو لپاره  ديو خوب په توګه پاتې ده .
نن ورځ  هر مصيبت او ويجاړتيا چې په هېواد کې شته  دسره پوځ په تيري کې  جرړې لري . ځکه  تيرى  له  کوم دليل پرته او  ددوى له توجيه پرته و چې  په سيمه کې  دافراطيت درامنځته کيدو  زمينه يې برابره کړه  او ددې ترڅنګ يې  دافغانانو په چارو کې په لاسوهنه کې د نورو هېوادونو لاس  لاپسې اوچت کړ او  له دغو  هېوادونو  او جريانونو سره  ديوشمير افغانانو دنفوذ مننې  سبب شول .
دسره پوځ  تيرى او دافغانستان اشغال  زموږ په  هېواد کې   دبنسټونو دويجاړتيا سبب شول .
دکمونيزم  له بار څخه دخلاصون او د سره پوځ   دشړلو لپاره  مجاهدت  دسلګونو تنو افغانانو سرونه قرباني کړل او دڅومليونو تنو افغانانو  معلوليت او مهاجرت يې  په ځان پسې  لرل .
ددغو ټولو زياتو تاوانونو او دسرد درندو زيانونو ترڅنګ دسره پوځ تيري دنړيوالې ودې اوپراختيا له کاروان څخه دافغانستان له بيرته پاتې والي پرته بله پايله نلرله . اوس چې  دسره پوځ له تيري څخه  پنځه ديرش کاله او دهغه له تيښتې څخه شپږ ويشت کاله تيريږي  په افغانستان کې  تيرى اولاسوهنه دوام لري  او په نورو  نومونو  نور لاسونه  هلې ځلې کوي  چې ځان  ددغو خلکو  په برخليک  واکمن کړي .
په داسې حال کې چې  دپرديو دمفکورو اوپديدو په وړاندې   ميړانه اومقاومت دافغانانو دبرخليک يوه برخه ده   او دغه  نا خوالې او شخړې   دافغانانو دزياتې وينې د توئيدو اوددوى دهېواد دزياتې ويجاړتيا سبب شوي دي   او لاتراوسه  پورې هم افغانستان  له سياسي  ، امنيتي  او اقتصادي ثبات سره واټن لري .
هغه څه چې وويل شول  ديو تيري بيانول   او نښې نښانې دي  چې په يوه ملت شوى دى . خو دغه  خبرې نه شي کولاى  زموږ خلکو اوسياستوالو ته برات ورکړي او موږ ځانته دتيرو پيښو ترشا ځاى ورکړو او دراتلوونکي په باب شکايت وکړو .
ددې هېواد دښمنان هيڅکله دخلکوپه وړاندې آرام  نه  وو  او که چېرې ددغه هېواد ددښمنانوله خوا همدردۍ او همکارۍ ته سترګې په لاره واوسو   دا يو  درواغو ډک  خوب او بې بنسټه  خيال دى  ، واقعيت دا دى چې موږ بايد ځان  ددغو پيښو په ژورتيا  کې ووينو اوځان تثبيت کړو  دتيرو پيښو بيانول  کيداى شي زموږ لپاره د عبرت درس  او دراتلوونکي په لور  لارښود وي او اوس ددې وخت رارسيدلى دى چې زموږ  دولتي چارواکي ، مخور ، سياستوال  اوفعالين په کار لاس پورې کړي  او دايمان په  قوت او دملي وحدت په اصل  په ډډې لګولو سره ، خلک يو موټي کړي او ديوې  سمسورې  او پياوړې ټولنې  دجوړولو لپاره په کار لاس پورې کړو او دنورو ټولنو ترمنځ  ځان تثبيت کړو.

کابل – باختر د مرغومې دمياشتې ٤
د افغانستان د اسلامي جمهوريت اجراييه رييس نن له سناتور جان مکين سره په سپيدار ماڼۍ کې وکتل.
د افغانستان د اسلامي جمهوريت د اجراييه رياست مطبوعاتي دفتر باختر آژانس ته خبر ورکړ:
په دې کتنه کې چې په افغانستان کې د ناټو د ځواکونو قوماندان جنرال کمبل او په افغانستان کې د امريکا د سفارت مرستيال هم حاضر وو؛ سناتور مکين د ملي وحدت د حکومت د جوړيدو او د اجراييه رياست په مقام کې د ډاکتر عبدالله عبدالله د ټاکنې له امله ده ته مبارکي وويله او له اجراييه رييس سره د خپلې پخوانۍ دوستۍ په ټينګار سره زياته کړه: خوشحاله يم چې کابل ته راستنيږم او د بحران په مديريت او د ملي وحدت د جوړولو په لاره کې ستاسو د خردمندانه مشرۍ له امله قدرداني کوم او د دغه برياليتوب له امله تاسوته مبارکي وايم. موږ افغانستان ته د دوست او ستراتيژيک متحد په توګه ګورو او له دغه هيواد سره خپلو همکاريو ته دوام ورکوو.
د افغانستان د اسلامي جمهوريت اجراييه رييس له افغانستان سره د ده د دوامدارو مرستو او هميشنى ملاتړ او په دغه هيوادکې د سولې او ثبات د ټينګښت په خاطر قدرداني وکړه او د دواړو هيوادونو ترمنځ يې د اړيکو د پراختيا او پياوړتيا غوښتنه وکړه .
سناتور مکين په افغانستان کې د متحده ايالاتو د دوامدار شتون او له افغانستان سره د دغه هيواد د مرستو په باب وويل: نه غواړو په افغانستان کې يو ځل بيا د عراق تجربه تکراره شي. په سيمه او افغانستان کې د نړيوال تروريزم د ودې او پياوړتيا له امله انديښنه لرو. له همدې امله غواړو په افغانستان کې له خپلو ګډو قربانيو او برياليتوبونوڅخه ملاتړ وکړو.
په دې دوستانه کتنه کې د سيمې د هيوادونو او په تېره بيا په پاکستان کې له تروريستي بريدونو وروسته له دغه هيواد سره د اړيکو، له اداري فساد سره د مبارزې، په افغانستان کې د بودجې د ستونزو، د افغانستان او په تيره بيا د دغه هيواد له وسله والو ځواکونو سره د امريکا د متحده ايالاتو له مرستوڅخه د کانګرس د ملاتړ او په نږدې راتلوونکي کې واشنګټن ته د جمهور رييس او د اجراييه رييس د سفر په باب خبرې اترې وکړې.

کابل – باختر د مرغومې دمياشتې ٤
دننګرهار ولايت د ملي امنيت منسوبينو نن دوه تنه د شپرو کيلوګرامو هيروينو د قاچاقو په تور ونيول.
دغه کسان د ننګرهار ولايت د مرکز جلال آباد ښار په ورودي دروازه کې ونيول شول.
د ننګرهار ولايت د امنيې قوماندانۍ ويندوى حضرت حسين مشرقيوال د باختر آژانس خبريال ته وويل: دغه کسان صلاح الدين او عثمان نوميږي او شپږ کيلوګرامه هيرويين يې په ماهرانه ډول په يو کرولا موټر کې ځاى پرځاى کړي و او غوښتل دغه توکي د جلال آباد ښارته وليږدوي.
ديوبل خبرله مخې: د ننګرهار ولايت د امنيتي ځواکونو د ګډو عملياتو په بهيرکې درې تنه وسله وال طالبان ټپيان شول.
دننګرهار ولايت د امنيې قوماندانۍ ويندوى وويل: دغه عمليات چې تيره شپه ددغه ولايت د مومند درې او غني خيلو په ولسواليوکې ترسره شول؛ په بهير کې څوکلي د وسله والو طالبانو له شتون څخه پاک شول.
ده زياته کړه: ددغو عملياتو په بهير کې درې تنه وسله وال طالبان هم ټپيان شول.
دننګرهار ولايت د غني خيلو او مومند درې ولسوالۍ د دغه ولايت له نا امنو سيمو څخه شميرل کيږي او وسله وال طالبان پکې فعال شتون لري.

کابل – باختر د مرغومې دمياشتې ٤
د هيواد په شمال کې د کندز ولايت پوليسو نن غرمه يو ځانمرګى يرغلګر د کندز ښارته څېرمه ونيوه.
دکندز د امنيې قوماندانۍ ويندوى سيد سرور حسيني د باختر آژانس خبريال ته وويل چې دغه ځانمرګى يرغلګر قاري شمس الله نوميږي او د کندز ښار ته څېرمه ونيول شو.
تراوسه پورې مشخصه نه ده چې دغه ځانمرګى يرغلګر چرته او په چا باندې بريد کاوه.
د کورنيو چارو وزارت ويندوى صديق صديقي هم ددغه ځانمرګي يرغلګر نيول کيدل تاييدکړل او په خپل ټويټر پاڼه کې ليکلي دي چې د کندز پوليسو نن غرمه يو ځانمرګى يرغلګر هدف ته له رسيدو مخکې ونيوه.

کابل – باختر د مرغومې دمياشتې ٤
دوه تنه وسله وال طالبان په بغلان ولايت کې له امنيتي ځواکونو سره په جګړه کې ووژل شول او پنځه تنه نوريې ونيول شول.
دغه جګړه پرون د دغه ولايت په دهنه غوري ولسوالۍ کې هغه وخت ونښته چې وسله والو طالبانو د دغو ځواکونو په پوستې بريد وکړ.
دبغلان ولايت د امنيې قوماندانۍ ويندوى احمد جاويد بشارت دباختر آژانس خبريال ته وويل: په دې جګړه کې دوه تنه وسله وال طالبان ووژل شول او پنځه تنه نوريې ونيول شول او د طالبانو يوه اندازه جنګي وسايل د امنيتي ځواکونو لاسته ورغلي دي.
بشارت وويل: په دې جګړه کې امنيتي ځواکونوته زيان نه دى اوښتى.
د يوبل خبرله مخې: د بغلان ولايت پوليسو يو تن د نشه يي توکو د قاچاقو په تور ونيوه.
د امنيې قوماندانۍ ويندوى وويل: دغه سړى پرون د دغه ولايت مرکز پلخمري ښارته څېرمه شمرق په سيمه کې د پوليسو په پوسته کې د دوه څلويښتوکڅورو اومو چرسو سره ونيول شو.
ده زياته کړه: دغه سړى دغه نشه يي توکي په يو کرولا موټرکې ځاى پرځاى کړي و او غوښتل هغه د پلخمري ښارته وليږدوي.

کابل – باختر د مرغومې دمياشتې ٤
وسله والو طالبانو نن د فارياب ولايت په کوهستان ولسوالۍ کې دوه تنه ملکي وګړي له امنيتي ځواکونو سره د همکارۍ په تور ووژل .
د فارياب ولايت د کوهستان ولسوال امام يار تقوا د باختر آژانس خبريال ته وويل: دغه کسان د دغې ولسوالۍ اصلي اوسيدونکي وو او وسله والو طالبانو هغوى له امنيتي ځواکونو سره د همکارۍ په تور ووژل .
ده دغه ملکي وګړي د رمضان او محمد عظم په نومونو ياد کړل.

کابل – باختر د مرغومې دمياشتې ٤
د هيواد جمهور رييس يو دولس کسيز هيئت ګومارلى دى هغه اختلافونه چې په لوګر ولايت کې د ځمکې پر سر رامنځته شوي دي؛ وڅيړي.
دغه هيئت په ولسي جرګه کې د لوګر ولايت د خلکو د استازى انورخان په مشرۍ موظف شوى دى چې له دواړو لورو سره خبرې وکړي او په لنډ ممکن وخت کې دې په دې باب خپل رپوټ بشپړ او جمهوري رياست ته يې وسپاري.
د برکي برک ولسوالۍ د دشت خاکه د اوسيدونکو او په دغه ولايت کې د ميشتو کوچنيانو ترمنځ د ځمکې پرسر اختلافونه له زياتې مودې راپه دې خوا شته او دواړه لوري د دغه ولايت د آبجوش او شا مزار په سيمو د ملکيت ادعا کوي چې دغه موضوع تل د دواړو قومونو ترمنځ د خونړيو جګړو سبب شوې ده.
د دغه ولايت سيمه ييزو مقاماتو دوه ورځې مخکې د دغو دوو قومونو ترمنځ د بيا جګړې خبر ورکړ او ويې ويل چې په دې جګړه کې له دواړو لوروڅخه پنځلسو تنو ته مرګ ژوبله اوښتې ده .
د لوګر ولايت ويندوى دين محمد درويش د باختر آژانس خبريال ته وويل: استول شوى هيئت د جګړې سيمې ته تللى دى او اوس جګړه پاى ته رسيدلې ده .
درويش وويل چې د دغه هيئت مشري په ملي شوراکې د دغه ولايت د استازى انورخان په غاړه لري او موظف شوى دى چې خپل رپوټ په لنډ ممکن وخت کې بشپړ او جمهوري رياست ته يې وسپاري.
ده زياته کړه چې د دغو دوو قومونو ترمنځ د ځمکې پرسر اختلاف له زياتې مودې را په دې خوا موجود دى او د دې اړتيا ده چې دغه موضوع دې په جدي توګه وڅيړل شي او حل شي.

کابل_باختر د مرغومي د مياشتې٤مه:
د ملي اردو لوی درستیز د امریکا د متحده ایالاتو له سناتور جان مکین سره په کتنه کې د ملي اردو پرمختیاوې او بریاليتوبو بیان کړل او هغه یې د افغان ولس مهمې لاسته راوړنې وبللې .
د ملي دفاع وزارت مطبوعاتي دفترباخترآژانس ته خبرورکړ:
په دی کتنه کې د دواړو هیوادو ترمنځ په دوستانه همکاریو، د سیمې په آمنیتي حالت، د ملي اردو د پرمختياوو او سمبالولو او د ناټو سازمان د همکاریو په باب خبرې وشوې.
پدې کتنه کي د ملي اردو لوی درستیز سترجنرال ارکانحرب شیرمحمد (کریمی) وویل: دوست هیواد امریکا او د ناټو سازمان د تیروکلونو په اوږدوکی له افغانستان سره د بیارغاونې، د سولې او ثبات د ټينګښت او د ملي اردو د پیاوړتیا او سمبالولو په لاره کې ارزښتناکې او اغیزمنې مرستې کړې دي چی مننه يې کوو.
لوی درستیز د ملي اردو ارزښتناکو لاسته راوړنو او لوړو قابلیتونو ته په اشارې سره وویل: د افغانستان ملي اردو په تیروکلونوکې بې سارې پرمختیا موندلې، او ښې جګړه يیزې تجربې ترلاسه کړې دي.
ده زیاته کړه: اوس ملي اردو د دې ځواکمني ترلاسه کړې چی ټول جګړه يیزعملیات او ورځني فعالیتونه په خپلواکه توګه پلان او رهبري کړي.
دوی د دغو بریالیو فعالیتونو په ترڅ کې د سولې او وطن دښمنانوته مرګوني ګوزارونه ورکړي دي او د هغوی ناوړه پلانونه یی شنډ او له منځه وړي دي.
په مقابل کې د امریکا د متحده ایالاتو د سنا غړي جان مکین پداسې حال کې چې د ایساف د ځواکونو لوی قوماندان  سترجنرال کمبل هم حاضر و، په خبروکې د افغان ملی اردو د لوړوقابلیتونوله امله خوښي څرګنده کړه او ویې ویل: د امریکا د متحده ایالاتو حکومت او د ایساف ځواکونه چمتو دي چې د تیرو کلونوپه څیر له افغانستان سره د بيا رغاونې په چارو، په ځانګړې توګه د ملي اردو د ښوونې او روزنې او سمبالولو په لاره کې ارزښتناکې مرستې وکړي .
ده ژمنه وکړه چی موږ افغانستان یوازې نه پریږدو او څنګ په څنګ له تاسو سره خپل ملاتړ او سوله يیزومرستو ته دوام ورکوو.

پيکينګ ورلد نيوز– باختر د مرغومې دمياشتې ٤
د چين حکومت د دغه هيواد په شمال لويديځ سين کيانګ په مسلمان ميشت ولايت کې د اقتصادي ودې او سياحت د پراختيا په مقصد غواړي دغه سيمه د نړيوال ترانزيت په مرکز بدله کړي.
د چين حکومت د دغه تصميم د عملي کولو په لاره کې د کورني هوايي شرکتونو د هڅونې لپاره دغې سيمې ته د زياتو الوتنو د ترسره کولو په مقصد د طرحې د اجراکولو خبر ورکړ.
دغه راز د چين حکومت تصميم نيولى دى چې د سيلانيانو د زيات جذبولو لپاره د ٧٢ ساعته ويزې او يا په لنډ ممکن وخت کې د سين کيانګ ولايت د مرکز ارومچي ښار له هوايي ډګر څخه د مالونو د ليږدونې لپاره معافيت برابرکړي.