23 July 2019

RSS Facebook

سوداگریز


تازه خبرونه

په لوګر کې  د ښځو د لاسي صنايعو د نندارتون پرانستل

په لوګر کې د ښځو د لاسي صنايعو د نندارتون پرانستل

کابل / باختر/ د زمري لومړۍ د هېواد د خپلواکۍ د...

د بغلان په مرکز کې چاودنې دوه کسان ټپیان کړل

د بغلان په مرکز کې چاودنې دوه کسان ټپیان کړل

کابل / باختر/ د زمري لومړۍ د بغلان په مرکز پلخمري...

 په بادغيس کې د طالبانو د يوه جګپوړي قوماندان وژل کېدل

په بادغيس کې د طالبانو د يوه جګپوړي قوماندان وژل کېدل

کابل / باختر/ د زمري لومړۍ د بادغيس سيمه ييز مسوولين...

Youtube Player

khantry design

سوداگریز

سوداگریز

کابل باختر دکب دمياشتې ٣ :
د افغانستان حکومت او دچين ولسي جمهوريت دهمکاريوموافقه ليک لاسليک کړ .
دغه موافقه ليک ددواړو هېوادونو دبهرنيو چارو دوزيرانو په وړاندې دافغانستان دبهرنيو چارو وزارت دسياسي معين اوپه کابل کې  دچين د ولسي جمهوريتونو ترمنځ لاسليک شو.
دباخترآژانس دخبرله مخې :  دهېواد دبهرنيو چارو وزير ضراراحمدعثماني  له خپل  چينايي سيال سره چې درسمې  سفر لپاره  کابل ته راغلى دى وکتل او دبهرنيو چارو  دواړو وزيرانو په يوه خبري  کنفرانس کې دخپلو خبرو نتيجې خبريالانو ته بيان کړې.
دخبري کنفرانس له پيل  کيدو مخکې  دهېواد دبهرنيو چارو وزارت سياسي معين ارشاد احمدي په کابل کې دچين له سفير سره دکرنې دتخنيکي همکاريو موافقه ليک  لاسليک کړ.
وروسته  دبهرنيو چارو  وزير ضراراحمد عثماني دخپلو خبرو په باب خبريالانو ته معلومات ورکړل او ويې ويل  موږ ددواړو هېوادونو دهمکاريو دپراختيا دمهمو موضوعګانو په باب سلامشورې او خبرې  کړي دي .
دده دڅرگندونوله مخې  انتخابات  ، دافغانستان او امريکا ترمنځ دامنيتي او دفاعي  تړون  لاسليک کول  ، دامنيتي مسوولينو  دليږدونه   له مخالفينو سره دسولې دبهېر ، په چين کې داستانبول د بهېر  دبهرنيو چارو دوزيرانو دڅلورمې غونډې دجوړولو ، ددواړو هېوادونو ترمنځ دهمکاريو دموافقه ليکونو دعملي تطبيق  څارنه ددغو خبرو مسلې وې .
ده چين په تيرو کلونو کې ښه مرستندوى وباله او طرحه يې کړه  افغانستان هيله لري چې  دغه هيواد له  ٢٠١٤ ميلادي کال وروسته هم خپلو همکاريو ته دوام ورکړي  په تيره بيا دافغانستان  دامنيتي ځواکونو دروزنې  په برخه کې  دچين دولسي جمهوريت  دبهرنيو چارو وزير وانګي په افغانستان کې  ترسره شوي پرمختګونه او انکشافات وستايل  او ويې ويل  چين په هغه درناوي سره چې دافغانستان  خلکو ته يې لري له دغه هېواد سره خپلو  ژمنو او مرستو ته دوام ورکوي.
ده دغه راز دافغانستان امنيت  دسيمې  امنيت وباله  او ويې ويل  موږ ديوه باثباته افغانستان غوښتوونکي يو . 
ده دجګړې په  وړاندې  او دسولې دټينګښت په خاطر دافغانستان دقومونو په يووالي اوپيوستون  ټينګار وکړ او ويې ويل  چې په افغانستان کې  دسولې دبهير ملاتړ کوي .
دچين دبهرنيو چارو وزير  له امريکا سره دامنيتي تړون دلاسليک کولو په باب ديوې پوښتې په  ځواب کې وويل موږ  دافغانستان دخلکو دتصميمونو درناوى  کوو اوکه چيرې دافغانستان حکومت له چين څخه دخپلو امنيتي ځواکونو دروزنې  او سمپالولو په باب دهمکارۍ غوښتونکي وي  چين همکاريو ته چمتو دى.

کابل باختر دکب دمياشتې ٣ :
دلوړو زده کړو وزارت دکانکور دآزموينو دلوى رياست  خبرتيا  !
دکابل ښار دپوهنې په رياست پورې اړوند د  ١٣٩٢  کال دعمومې او متفرقه  د دولسمو ټولګيو او دالفتح  ، دهودخيلودنوې  جوړې شوې ،  عبدالرحيم شهيد، استاد خليل الله خليلي ، قلعه حشمت خان ، حکيم ناصر خسرو بلخې ، ابوالقاسم فردوسي ، حضرت شمس المشايخ ، ذبيح الله  عصمتي ، رخشانې ، د پامير ښارګوټي  دنجونو، دکاتب دخصوصي ، عبدالرحمن   پژواک ، علاوالدين ، غلام حيدر خان ، محمد فقير فيروزي ، محمد موسي  شفيق ، محمود طرزي ، نادريې ، دپکتيا کوټ  دنجونو، دده کيپک دنجونو، له پوهنې سره  دمرستې   دنجونو د لومړي لمبر،همايون شهيد، اماني ، ملالۍ ،سلطان راضيې ، دمولانا جلال الدين  محمدبلخي دنجونو دليسو ، د وزير آباد دنوي جوړې شوې ليسې عمومې  پاتې ، دخوشحال خان دلومړي لمبردپنځه سوه فاميلو دنجونو ، دنازو ا نا دهلکانودليسو اود ذليخا دمتفرقه  فارغانودکانکور دآزموينوټولو داوطالبانو ته خبرورکول کيږي  چې دکانکور په ازموينه کې دشموليت دکارتونو  ويش د روان کال دکب دمياشتې له دريمې  نيټې  دشنبې له ورځې څخه په اړوندو ليسو کې پيل شوي دي  .
د دغوليسو او مدرسو دفارغانو دکانکوردآزموينې  دروان کال دکب دمياشتې  په  اوومه نيټه  د چهارشنبې په ورځ  په کابل پوهنتون کې په طبي پوهنتون ، دکابل په پوليتخنيک  پوهنتون  او دشهيد استاد رباني د ښوونې او روزنې په  پوهنتون کې دسهار په اتو بجو او ديرشو دقيقو اخيستل کيږي.
دآزموينې خونه او ځاى په کارت کې  ليکل شوي دي او داوطلبان  دې په ټاکلې ورځ  او وخت اړونده پوهنتون ته ورشي .
دغه راز دکانکور د آزموينې له ټولو شاملانوڅخه غوښتنه کيږي چې په  تودو  جامو سمبال وي  او د آزموينې په  ورځ   دې د آزموينې صحنې  ته  دموبايل ،   مخابرې ، وسلې او دهر راز الکترونيکي وسايلو له  راوړلو څخه  ډ ډه وکړي.
ددغو وسايلو دترلاسه  کولو په صورت کې له داوطلب څخه که څه هم له هغو څخه
يې استفاده  هم نه وي کړي  د آزموينې له صحنې څخه شړل کيږي  او امنيتي مسوولينو ته  معرفي کيږي.
سر بيره پردې له ټولو داوطلبانو څخه غوښتنه کيږي چې د آزموينې  په   ورځ  د تابعيت تذکره ، خو دکار قلم او  يا تور توش له ځان سره  ولري.
دپاتې  ليسو آزموينه به   وروسته اعلام  شي.

کابل – باختر دکب دمياشتې ٣
د يوه ټکسي موټر چلوونکى  نن د يوې ميرمنې د پيسو او سرو  زرو د  غلا په تور دکابل ښار د اوومې ناحيې په مربوطاتو کې  ونيول شو.
د  کابل    ولايت  د امنيې قوماندانۍ   مطبوعاتي مسوول   د باختر آژانس  خبريال ته وويل :  ديوه ټکسي يو موټر چلوونکي  ديوې ميرمنې دسلو زرو افغانيو او  دوه زره امريکايي ډالرو د لوټولو   په تور چې د ښار له مرکز څخه د بريښنا کوټ په لور يې ليږدوله   ونيول شو.
ويل شوي دي چې دغه  موټر چلوونکي  په  زور سره ددغې ميرمنې دنغدو پيسو دستکول اخستى  او هغه يې  په زور سره له موټر څخه کوزه  کړې  ده .
دغه راز دوه تنه نور په  غيرقانوني ډول  د دوو کلاشينکوفونو د ليږدونې   په  تور دکابل ښار د دولسمې حوزې  دڅرخي پله په ساحه کې دامنيتي کمربند د پوليسو دموظفينو له خوا ونيول شول او يو تن بل د وسايطو د پليټونو دغلا په تور دخيرخانې  مينې دنوې پروژې په مربوطاتو کې  ونيول شو.

د غزې ښار-  دالجزيرى خبري سايټ – باختر دکب دمياشتې ٣
داسراييلو او فلسطينيانو د پوځيانو ترمنځ پرون د غزې په تړانګه او د اردن دسيند په لويديځ ساحل د الخليل په ښارکې د جلا جلا نښتو له امله څه ناڅه پنځلس تنه ټپيان شوي دي.
باختر آژانس دالجزيرې دخبري سايټ  له خولې وايي   له دغو کسانو څخه  ديارلس تنه يې دجبليا ښار په ناحيه کې ټپيان شوي دي .
دحماس د ډلې د ويندوى  دڅرګندونو له مخې :   ديو تن ټپي روغتيايي حالت چې ګولۍ  يې پرسر لګيدلې ده  خراب بلل شوى دى .
دغه نښته  دشهيدانو په  نامه واټ  دتړل کيدو له امله  چې د زياتو فلسطينيانو دکارو بار او راکړې ورکړې  سيمه او ديهوديانو داستوګنې سيموته  نږدې موقعيت لري  رامنځته شوې   ده.

تهران – بي بي سي نيوز – باختر دکب دمياشتې ٣
په  ژنيو کې دملګرو ملتو  د سازمان دبشر دحقوقو دعالي کميشنرۍ  دفتر ديوې وينا په   خپرولو سره    په   ايران کې    د  اعدامونو د زياتوالي    له امله   خبردارى  ورکړى  دى .
دغه دفتر وايي په  روان ميلادي کال او يوازې په وروستۍ اوونۍ کې څه  ناڅه  اتيا تنه   په ايران کې اعدام  شوي دي او ښايي په  دې موده کې داعدامونو شمير پنځه نوي تنو ته  ورسيږي.
ايران له چين څخه   وروسته د  اعدام دحکمونو د اجرا  کولو زيات شمير او دغه   راز  په نړۍ کې داعدامونو لوړ شمير  لري.
د ملګرو ملتو سازمان وايي په تير  ميلادي کال کې له ٥٠٠   څخه تر ٦٢٥  تنو پورې په ايران کې اعدام شوي دي .
په  ايران  کې د اعدام دحکمونوزياته برخه دنشه يي توکو په قاچاقو  پورې اړوندو جرمونو ته   صادريږي.

کابل – باختر دکب دمياشتې ٣
د کونړ   ولايت په   ځينو سيمو  تيره شپه   هم   د  پاکستان له خوا راکټي بريدونه شوي دي .
د رارسيدلو خبرونو له مخې :    په همدې شپه څه ناڅه ٤    توغندي   د ډيورند      کرښې ته څيرمه د کونړ ولايت په سرحدي سيمو  لګيدلي دي  خو ويل کيږي چې ددغو بريدونو له امله  د سر زيان نه دى اوښتى.
په تيرو لسو ورځو کې د هيواد په ختيځ کونړ او نورستان ولايتونو کې د پاکستاني پوځيانو له خوا ډير سخت راکټي بريدونه شوي دي  چې له امله يې څه ناڅه درې تنه ملکي وګړي شهيدان او شپږ  تنه نور ټپيان شوي دي .
د رارسيدولو شميرنو له مخې :  ددغو بريدونو له پيل څخه  تر اوسه پورې څه ناڅه لس زره   توغندي د کونړ او نورستان  د   ولايتونو په   مربوطاتو   لګيدلي  دي   چې د ديرشو تنو  د وژل کيدو او   د  لسګونو تنو   نورو ملکي   وګړو  دټپي کيدو سبب شوي دي.
دغه راکټي بريدونه  دغه راز دځينو کورونو او کرنيزو ځمکو د  ويچاړيدو  سبب شوي دي او په سلګونو څاروي  يې هم  له منځه  وړي دي .

کابل – باختر دکب دمياشتې ٣
د وسله والو طالبانو د ډلې يو قوماندان پرون   په قندهار ولايت کې دملي  دفاع وزارت دخاصو قطعاتو دچاڼيزو عملياتو په بهير کې  ونيول شو.
دملي دفاع وزارت مطبوعاتي دفتر باختر آژانس ته خبر ورکړ  :
نيول شوى قوماندان  جلال بلل شوى دى  چې د ډار اچوونکو فعاليتونو دپلان  په طرحه او جوړولو کې فعال رول درلود  چې دملي دفاع وزارت دخاصو قطعاتو دعملياتو په بهير کې له خپل   يوه ساتونکي سره  د  قندهار ولايت دپنجوايي ولسوالۍ په مربوطاتو کې ونيول شو  او له ده څخه  يوه اندازه سپکې او درندې وسلې او مهمات ترلاسه شوي دي .
دغه راز دقندهار ولايت دشاه ولي کوټ ولسوالۍ په مربوطاتو کې دملي دفاع
وزارت  دکوماندو ځواکونو د چاڼيزو عملياتو په بهير کې يوه اندازه  جنګي وسايل ترلاسه شوي دي.

-  دوشنبه -   د روسيې غږ – باختر دکب دمياشتې ٣
د نشه يي توکو په قاچاقو شپږ تنه مشکوک کسان  پرون دتاجکستان دپوليسو
له خوا ونيول شول .
دغه ټکى دتاجکستان دکورنيو چارو وزارت مطبوعاتي دفتر څرګند کړى دى . دپوليسو افسرانو په ټولنيزه توګه څه دپاسه  اتلس اعشاريه څلور کيلوګرامه نشه يي توکې چې چرس ، اپين او ماري جوانا  دي  کشف اوضبط کړل .
دنشه يي توکود قاچاقو په تور د مشکوکو کسانو پرخلاف دوسيې تنظيم شوى دي.
دتاجکستان دکورنيو چارو وزارت دڅرګندونو له مخې د ٢٠١٤ کال په پيل کې په تاجکستان کې دنشه يي توکو په قاچاقو پورې اړوند ١٢١جرمونه ثبت شوى دي او
دغه شمير دتيرکال د جنوري  په  مياشت کې د  جرمونو له    شمير څخه  په سلو  کې څوارلس اعشاريه  دوه زيات  دى.

کابل – باختر دکب دمياشتې ٣
د ملي اردو موظفينو پرون   دوه تنه وسله وال مخالفين د  هرات ولايت په  مربوطاتو کې د ماين ښخولو په وخت کې ونيول.
دملي دفاع وزارت دويندوى  مطبوعاتي دفتر باختر آژانس ته خبرورکړ :
دغه دوه  تنه وسله وال طالب کله چې غوښتل دهرات ولايت دشيندند ولسوالۍ
په مربوطاتو کې ماين ښخ  کړي  د ملي اردو دموظفينو له خوا  ونيول شول.
دغه  راز دملي اردو ځواکونو  په   هغه امنيتي فعاليت يوه  اندازه   مهمات او چاوديدونکي توکي کشف او ترلاسه کړي دي.

کابل – باختر دکب دمياشتې ٣
شپږ سوه  اته څلويښت کيلوګرامه نشه يي توکي  په زابل ولايت کې دملي پوليسو دځواکونو له خوا کشف شول.
دکورنيو چارو وزارت مطبوعاتي دفتر باختر آژانس ته خبر ورکړ:   دغه نشه يي توکې پرون د زابل ولايت په مرکز قلات ښارکې د دوو کرولا موټرو دپلټنې په وخت کې ترلاسه شول..
قاچاق  وړونکو غوښتل چې دغه نشه يي توکي له هيواد څخه بهرته قاچاق کړى
او ددغې پيښې په اړوند دوه تنه نيول شوي  او له دوي څخه تحقيقات دوام لري.