05 July 2020

RSS Facebook

سوداگریز


تازه خبرونه

 ده دانا نجونو لېسه پرانيستل شوه

ده دانا نجونو لېسه پرانيستل شوه

کابل / د چنګاښ ۱۴ مه/ باختر د کابل ښار په...

لوړ پوړو امنیتي چارواکو  د هیواد پر امنیتي وضعیت خبرې وکړې

لوړ پوړو امنیتي چارواکو د هیواد پر امنیتي وضعیت خبرې وکړې

لوړ پوړو امنیتي چارواکو د هیواد پر امنیتي وضعیت...

Youtube Player

khantry design

سوداگریز

سوداگریز

کابل باختر دمرغومي دمياشتې ٢ :
د اوبو لګولو د کانالونو د پنځو پروژو تړونونه نن د انرژۍ او اوبو وزارت او د بېلابېلو افغاني ساختماني شرکتونو ترمنځ  د نهه پنځوسو مليونو  څلور سوه پنځه پنځوس وزرو څلور سوه نوولسو افغانيو په لګښت لاسليک شول.
د باخترآژانس دخبرله مخې: د دغو پروژو له جملې څخه  د کاروان سراى، ځدران، کلستر، بيګي ملايانو، بختيارانو او مخلي د کانالونو په ګډون درې پروژې د خوست  ولايت په مرکز او د خطابه د کانال پروژه په پکتيا ولايت او د هرات ولايت  د قلعه  قوچي د کانال دويمه برخه په دغو پروژوکې شامل دي.
اټکل کيږي چې د دغو پروژو په  جوړولو سره به څه ناڅه  ١٦٤٢ هکتاره زراعتي ځمکه او  ٨ زره ٢٨٤ کورنۍ به  له اوبو څخه يې ګټه واخلي .
د يادونې وړ ده چې د دغو پروژو سروې او ډيزاين د انرژۍ او اوبو وزارت د پروژو د سمون رياست د اوبو لګولو  د شبکو  دبيا احياکولو او پراختيا  د پروګرام له خوا  ترسره شوي دي.

کابل باختر دمرغومي دمياشتې ٢ :
دنشه يي توکو دوه تنه قاچاق وړونکي نن  د بغلان دپوليسو له خوا ونيول شول.
دبغلان د امنيې قوماندانۍ ويندوى احمدجاويد بشارت دباخترآژانس خبريال ته وويل: دنهرين ولسوالۍ د امنيې قوماندانۍ پوليسو دوه تنه د ٤٩ کيلوګرامو  چرسو د ليږدونې په وخت کې  د نهرين له ولسوالۍ څخه ونيول .
خبرځاى زياته کړه: دغو کسانو چرس  په يو کرولا موټرکې له نهرين ولسوالۍ څخه مرکزي بغلان ته ليږدول چې د پوليسو له خوا وپيژندل شول او ونيول شول.
خبرځاى زياته کړه: له دغو کسانو څخه  دوه کلاشينکوفونه  هم ترلاسه شوي دي.
ويل کيږي  موټر او ترلاسه شوي  چرس امنيه قوماندانۍ ته سپارل شوي دي .

کابل باختر دمرغومي دمياشتې ٢ :
په کندز ولايت کې نن  د ماين د  چاودنې له امله  دوه تنه ملکي وګړي ټپيان شول .
د کندز د امنيې قوماندانۍ ويندوى سيدسرور حسيني د باخترآژانس خبريال ته وويل: دغه چاودنه چې د پوليسو په رنجر موټرکې د لګول شوي مقناطيسي ماين زيږنده وه؛ دکندز ښار مرکزي چوک ته څېرمه رامنځته شوه.
حسيني زياته کړه: په دې پيښه کې دوه تنه ملکي وګړي ټپيان شول چې د يو ټپي روغتيايي حالت خراب بلل شوى دى .
دا په داسې حال کې ده چې  پرون هم په همدې سيمه کې  د پوليسو په يو رنجر موټر کې يو لګول شوى مقناطيسي ماين و چاوديد چې له امله يې يوه ښځه او د ميوند بانک يو ساتوونکى ټپيان شول.

کابل- باختر د مرغومې دمياشتې ٢
د پروان ولايت د اوبو لګولو کانال د هيواد د اوبو او بريښنا وزارت له خوا بيا فعاليږي.
له چاريکارو ښارڅخه دباختر آژانس د خبريال د خبرله مخې: د پروان ولايت د اوبو لګولو د شبکو د پراختيا د بياجوړولو کار د اوبو لګولو او بريښنا وزارت د معين شجاع الدين ضيايي او د پروان ولايت د سرپرست عبدالبصير سالنګي له خوا د مراسمو په ترڅ کې پيل شو . د پروان ولايت د اوبو د تنظيم رييس انجنير ولي الله د باختر آژانس خبريال ته وويل: د پروان ولايت د اوبو لګولو کانال ٤٠ کاله مخکې د چين هيواد له خوا جوړ شوى و چې د٢٥کيلومترو په اوږدوالي د پنجشير له سيند څخه سرچينه اخستې او د کابل د قره باغ تر ولسوالۍ پورې غځيدلى دى .
د هيواد د اوبو لګولو او بريښنا معين وويل: په پروان ولايت کې د اوبو د شبکې د بياجوړولو او پراختيا په کارکې ٢١٤ مليونه او ٥٦٨ زره افغانۍ لګښت لري چې د دغه وزارت له پرمختيايي بودجې څخه ورکول کيږي.
ده زياته کړه: د شلوکيلومترو په اوږدوالي د کانال په پاکول، د سيل برونو، ترنابونو، محافظوي ديوالونو،سربندونو، پلګيو، د اووس د خونې جوړول، د څښاک د اوبو د درېو ډنډونو بياجوړول شوي دي او دغه راز د سلګونو مترو په اوږدوالي يو کانال، دچاريکارو په بازار کې په سرپټي ډول په پام کې نيول شوي چې د اوبو له ککړوالي مخنيوي کوي.
په همدې حال کې د پروان ولايت سرپرست په پروان کې د اوبو د شبکې بياجوړول او پراختيا د خلکو او په تېره بيا د پروان د بزګرانو يوه اساسي اړتيا وبلله او زياته يې کړه چې د دغې پروژې په تطبيقولو سره د اوبو د کمښت له پلوه د دغه ولايت د بزګرانو ستونزې لرې کيږي.
ويل کيږي چې د دغې پروژې کار د يو کال په بهيرکې بشپړيږي.

مسکو \ نيوزنو \  باختر دمرغومي دمياشتې ٢ :
روسيې د٢٥٠٠  کيلوګرامو په وزن  د سپوږمکۍ د ليږدونې وړتيا لرونکي يو نوى فضايي توغندى آزمايښت کړ.
د روسيې د فدرال فضايي آژانس د رپوټ له مخې:  دغه توغندى (انګارا _ اې – ٥) نوميږي او نن سهار د روسيې په شمال لويديځ کې د پلستسک له فضايي اډې څخه وتوغول شو.
د (انګارا - اې  -  ٥ ) توغندي ماموريت لري چې د دوه کيلوګرامو په وزن يوه محموله  د ځمکې په مدار کې  ځاى پرځاى کړي .
د روسيې جمهور رييس  ولاديميرپوتين د ويډيو له لارې ددغه نوي فضايي توغندي د توغولو څارنه وکړه او د دفاع وزير سرګي شايګو هم  په دې باب يو رپوټ وړاندې کړ.
د روسيې د دفاع وزير د دغه توغندي توغول د روسيې په فضايي برخه کې يوه مهمه پيښه وبلله او زياته يې کړه چې د دغه توغندي په جوړولوکې ډيره پرمختللې فضايي تکنالوجۍ کارول شوې ده .
ده زياته کړه: له دغه توغندي څخه په استفادې سره کولاى شو د روسيې امنيت پياوړى کړو.

اسلام آباد \ دفردا راډيو \  باختر دمرغومي دمياشتې ٢ :
دبخښنې نړيوال سازمان پرون په پاکستان کې داعدام دمجازاتو دبيا پيلولو له امله خپله ژوره انديښنه څرګنده کړه او د طالبانو په وړاندې د ملکي وګړو د ملاتړ لپاره له دغې لارې څخه  استفاده يې  بې اغيزه وبلله .
دغه وينا له هغه وروسته صادره شوه چې د پاکستان حکومت اعلام وکړچې  غواړي  ٥٠٠ تنه چې د تروريستي فعاليتونو د ترسره کولو تور پرې لګول شوى دى او بنديان دي؛ په راتلوونکو دوو  اوونيوکې اعدام کړي .
پاکستان په پيښور ښارکې د پوځيانو تر ادارې لاندې په يوه ښوونځي د طالبانو له بريد وروسته چې څه دپاسه ١٤٠ تنه پکې  ووژل شول؛ د اعدام د مجازاتو اجرا کول له سره پيل کړل او د جمعې له ورځې څخه يې تراوسه پورې  شپږتنه  اسلامپالې مليشې اعدام کړي دي.

کابل باختر دمرغومي دمياشتې ٢ :
د نيمروز  ولايت د ګمرک عوايد سږ کال  يو ملياردو  دوه سوه مليونو افغانيو ته زيات شوي دي.
د نيمروز ولايت  د ګمرک  رييس   ويس سلطاني دباختر آژانس خبريال ته وويل:  ددغه ولايت دګمرک عوايد سږ کال  د تير کال په پرتله  زيات شوي دي  او ګمرکي عوايد سږکال  يو ملياردو دوه سوه مليونو افغانيو ته  لوړ شوي دي.
ده زياته کړه: د نيمروز د ګمرک عوايد تيرکال پنځه مليارده اوپنځه سوه شپږ ديرش مليونه افغانۍ و  او په روان کال د دغه ګمرک عوايد شپږ ملياردو اووه سوه  شپږ ديرشو مليونو افغانيو ته رسيدلي دي.
خبرځاى زياته کړه چې دامنيت او د کابينې داعلام په صورت کې به ګمرکي عوايد  زياتوالي ومومي .

کابل باختر دمرغومي دمياشتې ٢ :
په  ننګرهار ولايت کې نن د يو ځانمرګى بريد مخه ونيول شوه.
د ننګرهار ولايت  د امنيې قوماندانۍ  مطبوعاتي مسوول سمونيار حضرت حسين  مشرقيوال د باخترآ ژانس خبريال ته وويل : يوه ځانمرګي بريدکوونکي په  چاويدونکو  توکو بار يو موټر د خوږياڼيو ولسوالۍ په مربوطاتو کې د سيمه ييزو پوليسو يوې پوستې ته څيرمه  ودراوه او په دغې پوستې يې د ځانمرګى بريد د تر سره کولو نيت درلودچې د سيمه ييزو پوليسو له خوا وپيژندل شو او د ډزو له امله  ووژل شو.
خبرځاى وويل: په دې پيښه کې ځانمرګى يرغلګر ووژل شو او په  چاوديدونکو بار  موټر اوس هم په ساحه کې دى او د هغه د شنډولو لپاره هڅې دوام لري .

 

کابل باختر دمرغومي دمياشتې ٢ :
په بغلان  ولايت کې د طالبانو هيڅ فعاله جبهه نشته او امنيتي ځواکونه په تېره بيا  ملي پوليس په نويو پوځي تجهيزاتو سمبال شوي دي .
په بغلان کې د  ٢٠٩ شاهين قول اردو د درېمې لوا د لومړى کنډک قوماندان  ډګرمن ضياالدين د باخترآژانس خبريال ته وويل: همدا اوس په دغه ولايت کې  د ملي پوليسو ځواکونه په نويو محاربوي مهارتونو او پوځي تجهيزاتو سمبال شوي دي  او کولاى شي په دغه ولايت کې هر راز پوځي عمليات په مستقلانه ډول ترسره کړي.
ده زياته کړه: وسله وال طالبان نورله پوليسو سره د مخامخې جګړې ځواکمني نلري. که چيرې دښمن وغواړي په مرکز او ولسواليوکې ورانکار فعاليتونه ترسره کړي؛ د ملي پوليسو له خوا به  وځپل شي .
دا په داسې حال کې دى چې په بغلان ولايت کې د ملي پوليسو يوشمېر سرتيري او افسران چې کلونه کلونه کيږي د ملي پوليسو له ليکو سره يوځاى شوي دي؛ له نورو ځوانانو څخه غواړي چې د ملي پوليسو له ليکو سره په يو ځاى کيدو سره د هيواد په وړاندې خپله ايماني او وجداني دنده ترسره کړي.

کابل باختر دمرغومي دمياشتې ٢ :
يو تنکى ځوان په ښوونځي کې د ناکامۍ له امله  په هرات ولايت کې ځان وواژه.
د هرات د حوزوي روغتون  ويندوى  شيرزي  د باخترآ ژانس خبريال ته وويل: دغه ١٦ کلن هلک چې د هرات  د فتح د ليسې د نهم ټولګي زده کوونکى و؛ په ښوونځي  کې د ناکامۍ له امله  ځان  زندى کړ  او خپل  ژوند يې پاى ته ورساوه .
خبرځاى وويل: د پوهنې مسوولينو په دې باب نظر نه دى څرګند کړى.
خو د دغه هلک کورنۍ ويلي دي چې د ده د ځان وژنې علت په ښوونځي کې  ناکامي وه.
ويل کيږي؛ د تيرې يوې مياشتې په بهيرکې په هرات ولايت کې دا د ځان وژنې  دريمه پيښه وه چې يوه نجلۍ او دوو  هلکانو په ځان وژنې لاس پورې کړى دى.