21 November 2019

RSS Facebook

سوداگریز


تازه خبرونه

د ښځو چارو د وزيرې پيغام

د ښځو چارو د وزيرې پيغام

کابل/ د لړم ٣٠ مه/ باختر د ښځو پر وړاندې د...

د ملي امنیت یو کارکوونکی په نیمروزکې شهید کړای شو

د ملي امنیت یو کارکوونکی په نیمروزکې شهید کړای شو

- کابل/ د لړم ٣٠ مه/ باختر ناپېژاندو وسله والو کسانو...

 د کندز ښار شاوخوا سيمې د طالبانو له شتون څخه پاکې کېږي

د کندز ښار شاوخوا سيمې د طالبانو له شتون څخه پاکې کېږي

کابل/ د لړم ٣٠ مه/ باختر د وسله والو طالبانو له...

Youtube Player

khantry design

سوداگریز

سوداگریز

Monday, 16 June 2014 04:12

د ډاډګېرنې پیغام

کابل- باختر د غبرګولى د مياشتې ٢٦
د سرحدونو او قبایلو د چارو وزارت د خواخوږۍ او ډاډګېرنې پیغام
په ډېرې خواشینۍ سره موخبرترلاسه کړ چې د هېواد مخور قومي او جهادي مشرحاجي دواجان سلطان خیل پرون دورپېښې ناروغۍ له امله له دې فاني نړۍ څخه سترګې پټې کړې.
انالله وانا الیه راجعون
ارواښاد د جهاد اوهم د قومونوترمنځ د یووالى اوهمغږۍ په برخه کې هڅاند مشر و.
د افغان میړني ولس خیرخوا او د سولې پلوی و، هیله یې دا وه چې هېواد خپله د افغانانوپه لاسونو ودان او د پرمختګ په لورپړاوونه ووهي.
د سرحدونو او قبایلوچارو وزارت په داسې حال کې چې د ارواښاد مړینه یوه ضایعه بولي؛ د ارواښاد هڅې او هاند د ملي یووالى په ټینګښت کې ستایي . د لوی خدای (ج) له دربارڅخه ارواښاد ته د فردوس جنت، کورنۍ او پاتې کسانو ته يې د جمیل صبرهيله کوي.#

Monday, 16 June 2014 04:12

نوې ټاکنه

کابل- باختر د غبرګولى دمياشتې ٢٦
دجمهوري رياست د لومړي معاونيت په وړانديز او د افغانستان د اسلامي جمهوريت د جمهور رييس حامدکرزي په منظورۍ، حامد علمي د جمهوري رياست د لومړي معاونيت د رسانه يي سلاکار په توګه ټاکل شوى دى.
د باختر آژانس د خبريال دخبرله مخې:
څيړونکى، ليکوال او خبريال حامدعلمي چې پخوا يې په امريکا او فرانسې کې د افغانستان د سفارت د فرهنګي اتشې او د جمهور رييس د ويندوى د مرستيال په ګډون په بېلابېلو دولتي بستونوکې دندې ترسره کړې دي؛ د  علم، ادب ، تاريخ او ورزش په برخوکې زيات څيړنيز آثار لري.

کابل- باختر د غبرګولى دمياشتې ٢٦
د وسله والوطالبانو د ډلې هغه قوماندان چې دوه ورځې مخکې يې د انتخاباتو د دويم پړاو د ترسره کولو په وخت کې د هرات ولايت د رباط سنګي د ولسوالۍ د يوولسو تنو اوسيدونکو د لاسونو ګوتې غوڅې کړې وې؛ د امنيتي ځواکونو له خوا ووژل شو.
دکورنيو چارو وزارت مطبوعاتي دفتر نن باختر آژانس ته د يوې خبرپاڼې په ليږلو سره ليکلي دي: د ياغي طالبانو سيمه ييز قوماندان ملاشير آغا چې د هرات ولايت د يوولسو تنو اوسيدونکو د لاسونو د ګوتو په غوڅو لوکې لاس درلود؛ ووژل شو.
د طالبانو دغه سيمه ييز قوماندان قوماندان د غبرګولي د مياشتې په ٢٤ مه نيټه د هرات ولايت د رباط سنګي ولسوالۍ د يوولسو تنو اوسيدونکو د لاسونو ګوتې د انتخاباتو په بهيرکې دګډون له امله غوڅې کړې دي.
قوماندان ملاشير آغا پرون له خپل يو همکار سره د رباط سنګي ولسوالۍ په حق آبه کلي کې د ملي اردو او دملي پوليسو دځواکونو دګډو عملياتو په بهير کې ووژل شو، يو همکار يې ټپي شو او د هيواد امنيتي ځواکونو ته زيان نه دى اوښتى. ددغې پيښې د نورو عاملينو د نيولو لپاره د هيواد دامنيتي ځواکونو پلټنې دوام لري.

کابل- باختر د غبرګولى دمياشتې ٢٦
په کابل کې د ترکيې سفارت د دغه هيواد د بهرنيو چارو وزارت له خولې د افغانستان د جمهوري رياست د د دويم پړاو انتخاباتو د ترسره کولوله امله مبارکي ويلې ده.
په هغې اعلاميه کې چې له همدې امله خپره شوې ده؛ ويل شوى دي: د افغانستان د جمهوري رياست د انتخاباتو دويم پړاو چې په خوندي او آرامه فضاکې ترسره شو؛ د ترکيې د خلکو د خوښي سبب شوى دى.
ترکيه به په افغانستان کې د سولې، ثبات او آرامۍ د تامينولو په لاره کې د دوست او ورور هيواد افغانستان له خلکو سره خپل پيوستون ته دوام ورکړي او د دواړو هيوادونو ترمنځ د دوه اړخيزو ټينګو اړيکو پربنسټ به له نوى حکومت سره هم په نږدې همکارۍ سره خپل کارته دوام ورکړي.

کابل باختردغبرګولي دمياشتې ٢٦ :
د جمهوري رياست لومړي مرستيال محمديونس قانوني نن له غرمې وروسته په کابل کې دانګلستان دشاهي هېوادله سفير ريچارد استګ سره  دصدارت په ماڼۍ کې وکتل.
دجمهوري رياست مطبوعاتي دفتر باختر آژانس ته خبرورکړ  :
دجمهوري رياست لومړي مرستيال په دې کتنه کې  په افغانستان کې دجمهوري رياست په دويم پړاو انتخاباتو کې ددغه هېواد دخلکو ميړانې اوسرښندنې  وستايلې او ويې ويل چې زموږ دهېواد دښمنانو ددموکراسۍ دملاتړ په خاطر  زموږ دهېوادوالو دلاسونو شينې ګوتې غوڅې کړې خوخلکو دغه ورځ دخپل برياليتوب په نامه ونوموله .
دجمهوري رياست لومړي مرستيال زياته کړه چې اوس ټول  دې ته سترګې په لاره دې چې  دشفافيت د اصل  درعايتولو پربنسټ  دانتخاباتو کميسيونونه خپل کار په سمه توګه ترسره کړي او اجازه ورکړي چې دخلکو رايې د دوى د هېواد د راتلوونکې مشرتابه  ټاکوونکي وي.
ددغې کتنې په بهېرکې په افغانستان کې د بريټانيا د شاهي هېواد سفير ريجارد استګ هم دمشرتابه دانتخاب لپاره دانتخاباتو په ورځ دخلکو پراخ ګډون وستايه او ويې ويل چې هېواد يې په افغانستان کې دانتخاباتو دشفاف بهيرملاتړ کوي.
ده زياته کړه چې موږ به دغه راز په راتلوونکي کې د افغانستان دخلکو له منتخب  جمهور رييس سره کار وکړو  او د افغانستان دپرمختګ اوپه دغه هېوادکې دثبات دټينګښت په لاره کې به ددغه هېواد خلکو ترڅنګ ودريږو.

کابل باختردغبرګولي دمياشتې ٢٦ :
محمديونس قانوني د بغلان ولايت د ګذرګاه نور ولسوالۍ له يوشمېرسپين ږيرو او مشرانو سره په کتنه کې د دغې ولسوالۍ د خلکو د ستونزو څيړنه او حل کول چې په دې وروستيو وختوکې د سيلاوونو د راوتلو له امله سخت زيانمن شوي دي؛ د دولت اساسي دندې وبللې.
د جمهوري رياست مطبوعاتي دفترباخترآژانس ته خبرورکړ:
د جمهوري رياست لومړي مرستيال  چې دګذرګاه نور ولسوالۍ له خلکو سره  دصدارت په ماڼۍ کې وکتل وويل : په دې پوهيږم چې دسيلاوونو د راوتلو له امله په دغې ولسوالۍ کې د رامنځته شوي ناتار اړخونه ډير پراخ دي؛ خو هڅه او هاند کيږي چې ورسره مقابله وشي او له مصيبت ځپلو اوزيانمنو شويو خلکو سره په ټولو برخوکې مرسته وشي .
په دې کتنه کې دبغلان ولايت دګذرګاه نور ولسوالۍ يو تن سپين ږيرى دنورو په استازيتوب خبرې وکړې او ويې ويل: سيلاوونو د دغې ولسوالۍ ټولو سيمو ته داسې زيان اړولى دى چې خلکو خپل هرڅه له لاسه ورکړي دي او هغه ټول بنسټونه  چې په تيرو ديارلسو کلونو کې په دغه ځاى کې جوړ او بيارغاول شوي وو؛ له منځه تللي دي .
ددغه سپين ږيرى د څرګندونوله مخې: د وروستيو سيلاوونو له امله ٧٥ کيلومتره سړکونه ، يوزرو پنځه  کورونه ، دبريښنا دکوچنيو بندونو ديارلس پروژې ، پنځه پلونه ، په لسګونو پلګوټي ، له شپيتو زرو څخه  تراويا زرو پورې ميوه لرونکي او بې ميوې  ونې ،  ١٩ جوماتونه ، يو ښوونځى او يو روغتيايي کلينيک له منځه تللي دي اوسربيره پردې ددغې ولسوالۍ ٨٩ تنه اوسيدونکي له منځه تللي دي  چې مړي يې موندل شوي دي او لا تراوسه پورې ددغې ولسوالۍ ديوشمير اوسيدونکو مړي نه دي ترلاسه شوي .
دکورونو او د ځښاک د اوبو او زده کوونکو ماشومانو ته دښوونځي نشتوالى، د مواصلاتي لارو تړلتيا، د ناروغانو د علاج او درملنې لپاره دکلينيک نشتوالى، د خوراکي توکو،  جامو او د ژوندانه د اړتيا وړ نورو مالونو سخت کمښت  او  کرنيزو  ځمکو ته د اوبو رسولو دويالو او کانالونو  ويجاړتيا او هغه بند چې دسيلاوونو له اوبو څخه يو ځاى کې رامنځته شوى دى او هغه پرانستل کيداى شي؛ ګاونډيو ولايتونو ته زيانمنوي، هغه ستونزې دې چې ددغه ځاى خلک ورسره مخامخ دي او بايد ډير ژر هغه  وڅيړل شي او حل شي .
دجمهوري رياست لومړي مرستيال ددغو ستونزو د حل کولو په برخه کې د ګذرګاه نور ولسوالۍ له مشرانو وسره ژمنه وکړه چې دګذرګاه نور د خلکو لومړيتوبونو ته  په پاملرنې سره به زيانمنو شويوخلکو ته ديو ښارګوټى د جوړولو په ګډون دغه ټولې ستونزې وڅيړل شي او د حل لارې چارې به يې ولټول شي.

کابل باختردغبرګولي دمياشتې ٢٦ :
د مشرانو جرګې د دويم نايب رفيع الله ګل افغان په مشرۍ د سنا مجلس پنځه کسيزهيئت نن د ناټو د سازمان د غړوهېوادونو په ٨٦ يم پارلماني سيمينارکې  دګډون لپاره آذربايجان ته روان شو.
دمشرانو جرګې مطبوعاتي دفتر باخترآژانس ته خبرورکړ:
په دې سيمينارکې به چې د دريو ورځولپاره د آذربايجان په باکو ښارکې جوړيږي؛ د قوانينو د تصويبونو د څرنګوالي، د پارلماني اړيکو د ټينګښت او د خپل منځي اړيکو په باب خبرې وشي او د مشرانو جرګې هيئت به ددغه سيمينار ترڅنګ د دوست هېوادونو له پارلماني هيتونو سره هم وګوري.
ديوبل خبرله مخې: د ميرمن صديقې بلخي په مشرۍ دمشرانو جرګې د ښځو د چارو  دکميسيون اووه کسيز هيئت  د ايران د اسلامي شورا د مجلس  د ښځينه قشر له استازوسره د خبر و په مقصد نن  دغه هېواد ته روان شو.

کابل باختردغبرګولي دمياشتې ٢٦ :
د وزيرانو شورا نوبتي غونډه نن له غرمې مخکې د افغانستان د اسلامي جمهوريت د جمهور رييس حامدکرزي په مشرۍ د جمهوري رياست د ارګ دګلخانې په ماڼۍ کې جوړه شوه.
دچارو د ادارې او د وزيرانو شورا دارالانشا لوى رياست باخترآژانس ته خبرورکړ:
په پيل کې د وزيرانو شورا د جمهوري رياست د دويم پړاو انتخاباتوله امله چې د ١٣٩٣کال د غبرګولي د مياشتې په٢٤نيټه دشنبې په ورځ تر ښو امنيتي تدبيرونو لاندې د هېواد د خلکو په پراخ ګډون سره ترسره شول؛ د افغانستان ټول ملت ته مبارکي وويله او زياته يې کړه: دافغانستان دامنيتي ځواکونو سرښندنې يو ځل بيا د دې سبب شوې چې خلک دهېواد په  ګوټ ګوټ کې په ډاډه زړه او په خوندي فضا کې د رايو ورکولو صندوقونو ته لاړ شي او خپلې رايې د نظر وړ نوماند په ګټه وکاروي.
د وزيرانو شورا غړو د ملي اردو، ملي پوليسو او د ملي امنيت د بېلابېلوکچه ترمنځ  همغږۍ او تفاهم  وستايل او د انتخاباتو د امنيت د تامينولو لپاره يې ددغو ځواکونو هلې ځلې دستاينې وړ وبللې او هغه يې دهېواد امنيتي ځواکونو دمسلکي کيدو په لاره کې مهم ګام وباله .
له بلې خوا دکابينې غړو دهېواد دمطبوعاتو  دهر اړخيزو همکاريو او ددموکراسۍ دتمثيل او هم د انتخاباتو په ورځ د تروريستانو دبريدونو د شنډولو لپاره دخلکو  د بې سارې همغږۍاو پيوستون له امله قدرداني وکړه او دتفاهم هغه فضاچې د انتخاباتو په ورځ د رسنيو د مثبت رول، د امنيتي ځواکونو د سرښندنو او له دموکراتيکو بهيرونو څخه په استفادې سره د خلکو د راتلوونکي برخليک د ټاکنې لپاره د ملت د غوڅ تصميم له امله رامنځته شوى و، دانتخاباتو دبهير دبرياليتوب لپاره  مهم عوامل وبلل.
د وزيرانو شورا غړو په دې بهيرکې د هيواد د خلکو  پراخ ګډون د قدر و ړ وباله  او دهغو ملکي اوپوځي شهيدانو پاک روح ته چې د انتخاباتو په بهيرکې شهيدان شوي دي؛ دعا وکړه او هغوى ته يې دلوى  خداى  (ج)  له دربارڅخه دفردوس جنت ، پاتې کسانو ته يې دجميل صبر او ټپيانو ته دسملاسي روغتيا هيله وکړه .
دغه راز زموږ ديوولسو تنو هېوادوالو دلاسونو دګوتو غوڅيدل چې دافغانستان د دښنمنانو او پرديو دګوډاګيانو له خوا دهرات ولايت په رباط سنګي  ولسوالۍ کې ترسره شول؛ په کلکه وغندل او دکورنيو چارو وزارت  او دملي امنيت لوى رياست ته يې په ټينګارسره دنده وسپارله چې ددغه جنايت عاملين ډير ژر وپيژني او دقانون منګولو ته يې وسپاري .
په همدې ترتيب د وزيرانو شورا  دانتخاباتو له خپلواک  کميسيون او دانتخاباتي شکايتونو له کميسيون څخه وغوښتل چې دملت اعتماد او دهېواد دخلکو او امنيتي ځواکونو قربانيو ته په پاملرنې سره دې دخلکو پاکې رايې وساتي او دانتخاباتي شکايتونو او سرغړونو په باب له نافذو انتخاباتي اصولو او قواعدوسره سم  هر اړخيزې څيړنې وکړي او هم يې دجمهوري رياست له نوماندانو اودهغوى له ملاتړو او دافغانستان له ټول ملت څخه وغوښتل چې دانتخاباتو نتيجې په زغم سره وڅاري او دانتخاباتو د لارې پرسر له پرتو بهيرونو سره دې  ددموکراسۍ له اصولو سره سم او دهېواد دلوړو ګټو په پام کې نيولو سره چلند وکړي او پرې نږدي چې دهېواد دسولې او آرامۍ ددښمنانو کرغيړن او ناوړه پلانونه  زموږ له مظلومو خلکو څخه دعامه سوکالۍ او نيکمرغۍ سببونه  له منځه يو سي .
له  اجندا سره سم د ماليې او دبهرنيو چارو وزيرانو دجمهوري رياست، دجمهوريت روغتون او دپوهنې وزارت د سياينس اوتکنالوجۍ د مرکز د هغو کثيرالاستفاده پروژو او د هغو نورو پروژو د کارکوونکو پرعايداتو باندې د مالياتو دمعافيت غوښتنه  چې د چين  د ولسي جمهوريت په وړيا مرسته  جوړې شوې دي ؛ غونډې ته طرحه کړه .
د وزيرانو شورا د هغو ټولو پروژو پرعايداتو باندې د مالياتو معافيت چې د چين د ولسي جمهوريت په وړيا مرسته جوړې شوې دي؛ تصويب کړ.
وروسته دکرنې او اوبولګولو وزير دکرنې د تخمونو د ملي اتحاديې د غړو شرکتونو  د محصول  د کرنې د لسو زرو متريک ټنو غنمو پيرودنه  د واحدي منبع  د تدارکاتي چلند په ډول غونډې ته  طرحه کړه  او څرګنده يې کړه چې په هېواد کې دکرنې د ودې په مقصد دغه غنم په سلوکې په اويا تخفيف سره د هېوادپه کروند ګرو ويشل کيږي چې د وزيرانو شورا دتصويب وړ وګرځيده .
وروسته د ماليې وزير او د عدليې وزارت مسلکي معين اوسرپرست  د هغو نظامي منسوبينو د تقاعد د حقوقو زياتوالى چې د ريفورم له تطبيق مخکې تقاعد ته سوق کړاى شوي دي؛ غونډي ته طرحه کړل او زياته يې کړه چې د هېواد دمالي امکاناتوله مخې دغو منسوبينو ته په سلوکې څلويښت زياتوالى په پام کې نيول شوى دى.
د وزيرانو شورا د هغو نظامي منسوبينو د تقاعددحقوقو په سلوکې څلويښت زياتوالي چې د ريفورم له تطبيق مخکې تقاعد ته سوق کړاى شوي دي؛ تصويب کړ  او تطبيق يې د١٣٩٤ مالي کال  له پيل څخه  مرعي الاجرا وباله .
د وزيرانو شورا د غونډې دکار په دوام دافغانستان بانک لوى رييس د افغانستان بانک د قانون له صراحت سره د بانکي نظام د حالت  او کړنو رپوټ په مفصل ډول  غونډې ته بيان کړ او څرګنده يې کړه چې په دې وروستيو وختوکې په بانکي سيستمونو باندې څارنه زياته شوې ده او د هغې له مخې د بانکوالۍ  چارې د تيرو کلونو په تناسب په ښه حالت کې دي چې په هېوادکې دبانکوالۍ او دبانکي سيستم لپاره مثبت پيغام بلل کيږي .
دغونډې دکار په دوام د افغانستان دځمکې دخپلواکې ادارې لوى رييس د ولايتونو په هغو زيانمنو شويوکسانو چې په تيروکلونوکې دآمو او د کوکچې د سيندونو د اوبو دکچې د لوړيدو اوڅپانده کيدو له امله بيځايه شوي دي؛ د شاړو دولتي ځمکو د ويش طرزالعمل غونډې ته طرحه کړ.
د وزيرانو شورا دغه طرزالعمل په اصولوکې تائيدکړ او د افغانستان د ځمکې خپلواکه اداره يې موظفه کړه چې دغه طرزالعمل  دې د عدليې، ماليې، انرژۍ او اوبو، د کليو د بيا جوړولو او پراختيا او د ښار جوړولو د چارو د وزارتونو، د سيمه ييزو ارګانونو دخپلواکې ادارې او له پيښو سره د مبارزې د تيارى د ادارې په همکارۍ د غونډې له يادونې سره سم  تصحيح او بشپړ کړي.
ورپسې د وزيرانو شورا  د ملي امنيت سلاکار موظف کړ چې دمهاجرينو دراستنولو  د چارو، سرحدونو او قبايلو، عامې روغتيا او دکورنيو چارو د وزارتونوپه همکارۍ د هغو مهاجرينو د ځاى پرځاى کولو په اړوند چې د ډيورند دفرضي کرښې له  اخوا څخه بيځايه شوي دي؛ لازم تدبيرونه ونيسي او د نتيجې په باب دې  د جمهوري رياست مقام ته رپوټ وړاندې کړي.
دغونډې په پاى کې دغه درې مورده نړيوال تړونونه غونډې ته طرحه شول چې  د تائيد وړ وگرځيدل:
• د افغانستان د اسلامي جمهوريت د بهرنيو چارو وزارت او د قرغزستان جمهوريت د بهرنيو چارو وزارت د دوه اړخيزو سلامشورو په باب د همکارۍ پروتوکول  .
• د افغانستان د اسلامي جمهوريت او د ملګروملتو د تعليمې، علمي او فرهنګي سازمان (يونسکو) ترمنځ موافقه ليک.
• د نظامي او دبيا جوړولو دهمکاريو په باب دافغانستان داسلامي جمهوريت او دترکيې جمهوريت د حکومت ترمنځ  هيبه تفاهم ليک.

کابل- باختر د غبرګولى دمياشتې ٢٦
په بغلان ولايت کې يوې ځوانې نجلۍ ځان وواژه.
دپلخمري ښار په يوه کورنۍ کې د نه زغم فرهنګ د دې سبب شوچې ددغې کورنۍ يوه ځوانه نجلۍ ځان په سيندکې ډوب کړي او خپل ژوند پاى ته ورسوي.
دغې اتلس کلنې نجلۍ چې د پلخمري ښار د خراسان دکارني اوسيدونکې وه؛ دکورنۍ تاوتريخوالۍ له امله يې نن ځان د پلخمري په سيندکې وغورځاوه او خپل ژوند يې پاى ته ورساوه.
دبغلان ولايت د امنيې قوماندانۍ ويندوى جاويد بشارت د باختر آژانس خبريال ته وويل: د دغې نجلۍ مړى تراوسه پورې نه دى ترلاسه شوى او ښايي دپلخمري سيند د اوبو د څپانده کيدو فصل ته په پاملرنې سره د دې کورنۍ د هغې د مړى په موندلو بريالۍ نه شي.

کابل- باختر د غبرګولى دمياشتې ٢٦
په قندهار ولايت کې د ماين دچاودنې له امله د يوې کورنۍ پنځه تنه غړي شهيدان شول.
دقندهار د والي ويندوى دواخان مينه پال د باختر آژانس خبريال ته وويل: دغه پيښه هغه وخت رامنځته شوه چې د ملکي وګړو د سپرلۍ موټر دقندهار ولايت د ارغستان – سپين بولدک د لوى لارې په اوږدوکې په سړک کې په ښخ کړى شوي ماين وخوت.
خبرځاى زياته کړه: ددغې پيښې قربانيان د دريو ماشومانو په ګډون د يوې کورنۍ غړي دي.
ويل کيږي طالبان په دې وروستيو وختوکې له خپلې ماتې وروسته د ماينونو په ښخولو سره ملکي وګړي قرباني کوي.