04 April 2020

RSS Facebook

سوداگریز


تازه خبرونه

په قندهارکې پر تګ راتګ محدوديتونه ولګول شول

په قندهارکې پر تګ راتګ محدوديتونه ولګول شول

-کابل / د وري ۱۶ مه / باختر له کرونا ويروس...

درې ملکي وګړي په لغمان کې ټپيان شول

درې ملکي وګړي په لغمان کې ټپيان شول

-کابل / د وري ۱۶ مه / باختر درې ملکي وګړي...

Youtube Player

khantry design

سوداگریز

سوداگریز

کابل باختر د لړم لسمه :
په ارزګان ولايت کې د چاڼيزوعملياتو په بهيرکې  درې تنه وسله وال طالبان ووژل شول او دوه تنه نوريې ټپيان شول .
د ارزګان ولايت د امنيتي قومانانۍ مطبوعاتي دفتر باخترآژانس ته خبر ورکړ: دغه عمليات تېره شپه دملي پوليسو دځواکونوله خوا د ارزګان ولايت  د ګيزاب او دهراوود د ولسواليو په مربوطاتو کې ترسره شول چې له امله يې درې تنه وسله وال طالبان ووژل شول او دوه تنه نور يې تپيان شول
دخبرځاى دڅرګندونوله مخې: ددغو عملياتو په بهير کې  د توغندي يوه سرګلوله او يو بوشکه يي ماين  هم د امنيتي ځواکونو له خوا کشف اوشنډ کړي شوي دي .

Saturday, 01 November 2014 12:55

تبصره

کابل باختر د لړم لسمه :
دافغانستان لپاره د استانبول  د بهير تر عنوان لاندې څلورمه سيمه ييزه غونډه چې د چين په بيجينګ کې جوړه شوه؛ له افغانستان سره د نړيوالې ټولنې د بشپړ ملاتړ په لاره کې يو څرګند پيغام لري.
د باختر آژانس مبصر ليکي:
  په دې وروستيو وختوکې د افغانستان لپاره د استانبول د بهير تر عنوان لاندې  څلورمه سيمه ييزه غونډه د نړۍ د يو زيات شمېر هيوادونو او جګپوړو استازو په ګډون د چين د ولسي جمهوريت په کوربه توب دچين په بيجينګ ښارکې جوړه شوه.
دا د استانبول  د بهير دريمه غونډه ده چې په هغې  کې هلې ځلې  کيږي  چې د افغانستان د ستونزو د حل کولو لاره د هغې په سيمه ييزو اړخونوکې ولټول شي او د سيمې هيوادونه په همغږۍ او د نظر په يو والي سره د هغو ستونزو د حل کولو په لټه کې  شي چې د افغانستان خلک ورسره لاس او ګريوان دي. البته هغه ستونزې چې بهرني اړخونه لري اوحل کول يې په سيمه ييزې همکارۍ کې شونې دي.
په دې کنفرانس کې د چين د ولسي جمهوريت صدراعظم په افغانستان کې سوله او د ثبات اعاده کول نه يواځې د افغانستان د خلکو اړتيا وبلله؛ بلکې دا کار يې يوسيمه ييز ضرورت وباله او په دې ټکى باندې يې ټينګار وکړ چې په افغانستان کې د سولې له بهير سره د سيمې د هيوادونوهمکارۍ د يوې باثباته سيمې زيرى ورکوي او داپه خپله به د يوې اقتصادي ودې تضمينوونکي وي.
ښاغلي لي کيکانګ څرګنده کړه چې دغه کنفرانس کولاى شي دافغانستان له نوي حکومت سره د سيمې د هيوادونو او د نړيوالي ټولنې د بشپړ ملاتړ په لاره کې  يو روښانه پيغام وي او هغوى يوځل بيا د سولې د تامينولو او د افغانستان د بيا جوړولو په خاطر خپله اوږدمهاله ژمنه څرګنده کړي .
سيمه ئيزه همکاري او همغږي د افغانستان د اسلامي جمهوريت د دولت په بهرني سياست کې د کاري لومړيتوب او شاخص  يوه برخه ده؛ خو دغه هدف هغه وخت ترلاسه کيداى شي چې په عمل کې صداقت رامنځته شي او په لومړي ګام کې ټول په سيمه ئيزې سولې په تېره بيا په افغانستان کې په سولې ژمنتوب ولري.
  په هيوادکې سوله چې په نورو هيوادونوکې د ثبات تضمينوونکي او ملاتړ کوونکي ده او د وروستيو کلونو پرمختياوو وښودله چې سيمه ييزه سوله اوامنيت آن نړيواله سوله اوثبات په افغانستان کې دثبات اوامنيت تر اغيزې لاندې دى او په همدې دليل دى چې د افغانستان دولت په لومړي ګام کې په هيواد کې د سولې په اعاده کولو باندې ټينګار کوي او د سيمې له هيوادونو څخه غواړي چې په دې لاره کې دې له افغانستان سره مرسته وکړي.
لکه څنګه چې د افغانستان د اسلامي جمهوريت جمهور رييس محمد اشرف غني د چين په بيجينګ  ښار کې د استانبول  د بهير په وروستۍ غونډه کې يوځل بيا له وسله والو مخالفينو څخه وغوښتل چې د سولې د بهير هرکلي وکړي او په بين الافغاني  خبروکې دې ګډون وکړي .
دجمهور رييس غني په خبروکې د تمرکز وړ ټکى  دا دى چې  ده له نړيوالې ټولنې څخه غوښتي دي  چې دافغانانو  په مشرۍ دې  د سولې د بهير ملاتړ وکړي .
دسياسي کارپوهانو په باور: په دغو خبروکې زياتې خبرې نغښتې  دي. که چيرې دافغانانو په چاروکې لاسوهنه ونه شي؛ هغو د ورونو په شان ګډه ژبه او ګډ فرهنګ لري او ډير ژر کولاى شي يوبل درک کړي. خو له بده مرغه  په تيرو وختونوکې هغه کسان چې په افغانستان کې سوله يې له خپلوګټو  سره سمه نه ده ليدلې؛ ددغه بهير د ګډوډولو په لټه کې دي.  په داسې حال کې  چې افغانان د دغه بهير په نسبت په پراخ نظر ګوري.
لکه څنګه چې غواړي پردي د دوى له هيواد او خاورې څخه په دوى بريدونه کړي؛ دوى هم اجازه نه ورکوي چې په خاورې يې دبل هيواد له خوا تر ګواښ لاندې ونيول شي.
د سولي په نسبت د افغانانو نظر د يوې سوکاله او باثباته ټولنې جوړول دي چې په هغې به ټولنيزه او سيمه ييزه برابرۍ اعاده شي  .
په داسې حال کې چې د دغه بهير ګډودونکي، د قضيې  برعکس فکر کوي او په هغې کې خپله لوړتيا غوښتنه لټوي. 
د زمانې تګلوري او د اوسنيو شرايطو اړتيا په داسې ډول ده چې بايد سوله د يو طرفه واټ په توګه تعريف نه شي. يعنې يو لورى ورسره ژمن وي او ټينګار پرې وکړي  او نور اړخونه په ماجرا غوښتنو لاس پورې کړي. سوله بايد د برابرۍ، متقابل درک او د ملي ګټو د رعايتولو پربنسټ وي .
هغه خبره چې بايد طالبان او نور وسله وال اړخونه په پام کې ونيسي او د افغانستان د دولت بلنې ته د ملي بلنې په توګه ځواب ووايي چې له يوې خوا ملي هويت او ارزښتونه د پرديو له لوټولو څخه وساتل شي او له بلې خوا تاريخ په راتلوونکي کې په دې نسبت ښه تعبير  او تفسير ولري .

کابل باختر د لړم لسمه :
دبدخشان ولايت د وردوج ولسوالۍ امنيتي حالت د کورنيو چارو وزارت  د ستر امنيتي معين له خوا وڅيړل شو .
دکورنيو چارو وزارت مطبوعاتي دفتر باخترآژانس ته خبر ورکړ: د کورنيو چارو وزارت ستر امنيتي معين ستر پاسوال محمد ايوب سالنګي په هغې امنيتي غونډه کې چې د وردوج  ولسوالۍ د حالت د څيړنې په مقصد جوړه شوې  وه ؛ ګډون وکړ .
په دې غونډه کې په وردوج ولسوالۍ  کې د شتو امنيتي ستونزو او چلنجونو دحل کولو په باب  خبرې وشوې او د امنيت د ښه والي او د شتو ستونزو د له منځه وړلو په لاره کې لازم تصميمونه ونيول شول .
  وروسته دکورنيو چارو وزارت ستر امنيتي معين او سرپرست د وردوج ولسوالۍ له خلکو سره له نږدې  وکتل
په دې کتنه کې د دغې ولسوالۍ څو تنو اوسيدونکو د دغې ولسوالۍ په شاوخوا کې د طالبانو د تروريستي ډلې وحشت ، ظلم او زور زياتي وغندل .
دغه راز د کورنيو چارو وزارت ستر امنيتي معين او سرپرست د بدخشان ولايت د وردوج ولسوالۍ خلکو ته ډاډ ورکړ چې د دوى امنيتي ځواکونه د دې قدرت لري چې د افغانستان دخلکو ددښمنانو وروستي تروريستي  ځالي دړې وړې کړي او د دغو ولسواليو خلک وکولاى شي د سولې او امنيت په فضا کې خپل ژوندانه ته دوام ورکړي .
په همدې حال کې د کورنيو چارو وزارت ستر امنيتي معين او سرپرست په هغې غونډه کې برخه واخيسته چې د بدخشان د والي  شاه ولي الله اديب ، د ٢٠٩ شاهين قول اردو د قوماندان ، د کورنيو چارو وزارت د عامه نظم او امن د لوى قوماندان او د دغه وزارت د خاصو قطعاتو د لوى رياست د مرستيال ، دسرحدي قواوو د لوى قوماندانۍ د کشف د رييس، دبدخشان  ولايت د امنيه قوماندان ، د ملي امنيت د رييس او د دغه ولايت د يوشمېر ملکي او نظامي مسوولينو په ګډون جوړه شوې وه .
دغه راز د کورنيو چارو وزارت ستر امنيتي معين او سرپرست د بدخشان ولايت په وردوج ولسوالۍ کې د امنيتي ځواکونو له خوا د چاڼيزو عملياتو دترسره کولو يادونه وکړه او ويې ويل چې زموږ امنيتي ځواکونه ښه وړتيا او ځواکمني لري .
ده زياته کړه:  موږ د افغانستان د خلکو دښمنانو ته اجازه نه ورکوو چې له پاکستان څخه زموږ خاورې ته را ننوځي او زموږ دخلکو امنيت ګدوډ کړي.
دغه ر از ستر پاسوال  محمد ايوب سالنګي د دغه سفر په بهير کې د تخار ، کندز او بغلان ولايتونه وکتل  او د دغو ولايتونو له سرپرستانو او له مشرتابه هيتونو سره په کتنو کې يې ددغو ولايتونو امنيتي حالت وڅيړه.
  دکورنيو چارو وزارت ستر امنيتي معين او سرپرست دکندز ولايت د استيناف  څارنوالۍ په اداره کې د ځانمرګي بريد د پيښې  ځاى چې د څو تنو څارنوالانو ، د ملي پوليسو د منسوبينو او د ملکي وګړو دشهادت سبب شوى و؛ وکوت .
ستر پاسوال محمد ايوب سالنګي زياته کړه: دپوليسو د منسوبينو د هيوادپالنې  روحيې، د ملي پوليسو، ملي اردو او دملي امنيت په ګډون د امنيتي ارګانونو ترمنځ ښه همغږۍ او له دغو ځواکونوسره د خلکو پراخ ملاتړ د ډار اچوونکو او د هغوى د بهرنيو ملاتړو روحيه کمزورې کړې ده او د هيواد له  ميړنيو امنيتي ځواکونوسره د مقابلې توان يې له لاسه ورکړى دى .
ددغه سفر په بهير کې ستر پاسوال محمد ايوب سالنګي دکابل _ بدخشان په لويه لاره کې امنيتي پوستې وکتلې او په دې لاره کې د امنيت د لازيات ښه والي لپاره يې مسوولينو ته لارښوونې وکړې .

کابل باختر د لړم لسمه :
دبدخشان ولايت د وردوج ولسوالۍ له يو اوونيزو پوځي عملياتو وروسته د وسله والو طالبانو له شتون څخه پاکه شوه. 
په دغو عملياتوکې نږدې ٣٠ تنه وسله وال طالبان ووژل شول او په لسګونو تنه نور ټپيان شول.
دبدخشان د والي  وياند احمد نويد فروتن نن سهار دباخترآژانس خبريال ته وويل چې امنيتي ځواکونو له يو اوونيزو عملياتو وروسته وکولاى شول چې وسله وال  طالبان د وردوج ولسوالۍ له ټولو سيمو څخه وشړي او د دغې ډلې افرادو ته د سر دروند زيان واوړي .
فروتن په دغو عمليتوکې وسله والو طالبانو ته د سر د اوښتى زيان د دقيق شمېر په باب څه ونه ويل.
خو دبدخشان ولايت امنيه قوماندان جنرال بابه جان د باختر آژانس خبريال ته وويل چې په دغو عملياتوکې نږدې ٣٠ تنه وسله وال طالبان وژل شوي او په لسګونو تنه نور هم ټپيان شوي دي.
جنرال بابه جان زياته کړه چې په دغو عملياتوکې د وسله والو طالبانو يوه اندازه جنګي وسايل او څو موټر سايکلونه هم دامنيتي ځواکونو لاسته ورغلي دي.

کابل باختر د لړم لسمه :
په فارياب ولايت کې د دوو تنو غير مسوولو وسله والو قوماندانانو ترمنځ د نښتې له امله درې تنه ووژل شول او دوه تنه ټپيان شول .
دغه جګړه پرون د قوماندان مدد او قوماندان رسول ترمنځ د پشتون کوټ ولسوالۍ د دوازده ايماق د ګليم باقي په ساحه کې ونښته .
د پشتون کوټ ولسوال عبدالقدير قادري د باختراژانس خبريال ته وويل: ددغو نښتو له امله يوه ميرمن، يو ماشوم او د قوماندان  رسول يو غړى ووژل شول او دوه تنه نور ملکي وګړي د ښکيلو  ډلو له خوا د توغول شويو توغنديو د ټوټو د لګيدو له امله ټپيان شول.
قادري د دغې نښتې علت د دغو دواړو قوماندانانو ترمنځ د خپل منځي اختلافونو زيږنده وباله او زياته يې کړه: د پښتون کوټ ولسوالۍ په تيرو وختونوکې هم د دغه شان نښتو ډګر و چې له امله يې ملکي وګړي شهيدان شوي دي .

پراګ  باختر د لړم لسمه :
د چک جمهوريت  پارلمان د دغه هيواد دحکومت پروګرام تاييدکړى دى چې د هغه له مخې د دغه هيواد پوځيان کولاى شي د نورو دووکلونولپاره په افغانستان کې ماموريت ترسره کړي.
د هغه پروګرام  له مخې چې پرون د چک جمهوريت د پارلمان له خوا تاييد شو؛ ٣٥٠ تنه پوځيان به له  ٢٠١٥ کال څخه د افغانستان  د ځواکونو د مشورې ورکولو او روزنې لپاره د غوڅ ملاتړ په ماموريت کې په دغه هيواد کې شتون ولري.
دغه پوځيان په افغانستان کې د ناټو په نوى ماموريت کې ونډه اخلي .

بيجينګ باختر د لړم لسمه :
دچين حکومت دآسيا دزړه په نامه کنفرانس چې افغانستان د هغه د اجندا په سرکې ځاى  درلود؛ وستايه او هغه يې د افغانستان لپاره مثبت بللى دى.
د باخترآژانس د خبر له مخې: دغه کنفرانس پرون د سيمې د شپاړلسو هيوادونو د بهرنيوچارو د وزيرانو په ګډون په بيجينګ کې جوړ شو.
چينايي مقامات وايي چې په دې کنفرانس کې په افغانستان کې د اقتصادي ثبات په مقصد بېلابېل پروګرامونه ومنل شول چې د نړيوالو ځواکونو له وتلو وروسته د افغانستان حکومت  وکولاى شي په دغه هيوادکې سوله او ثبات تامين کړي .
  دچين دبهرنيو چارو وزير وانګ لي خبريالانو ته وويل: په دې کنفرانس کې د سوداګرۍ، پانګونې او د پوهنې په ګډون په بېلابېلو برخوکې د شپږ څلويښتو پروګرامونو په باب موافقه وشوه .
ده د آسيا د زړه کنفرانس بريالي وباله او د افغانستان د دولت له وسله والو مخالفينو څخه يې وغوښتل چې د سولې له بهير سره دې يوځاى شي .
د چين د بهرنيو چارو وزير وويل: موږ د طالبانو په ګډون په افغانستان کې له ټولو اړخونو څخه غواړو چې له دغه فرصت څخه دې استفاده وکړي او يو تصميم ونيسي. له جګړې څخه دې لاس واخلي او  په راتلوونکي دې تمرکز وکړي او يوې سياسي موافقې ته د رسيدو لپاره دې ډير ژر په ګډه د افغانستان د سوله ئيزې  پرمختيا په باب خبرې وکړي.
په پروني کنفرانس کې د افغان او چينايي مقاماتو په ګډون سربېره  د پاکستان ، هند  او د روسيې د هيوادونو او د سيمي د نږدې لسو نورو هيوادونو او په افغانستان کې د ملګروملتو د سازمان ځانګړي استازي يانکوبيش برخه اخستې وه .
  د افغانستان  جمهور رييس محمد اشرف غني د چين په بيجينګ ښارکې وويل:  سوله د افغانستان  د حکومت ډير ستر لومړيتوب دى او ده له افغان طالبانو څخه وغوښتل  چې د سولې  له خبرو سره دې يوځاى شي .
دچين صدراعظم هم د جمهور رييس غني دغه غوښتنه تکرار کړه او له افغان وسله الو مخالفينو څخه يې وغوښتل چې د سولې په خبروکې دې ورګډ شي .
د افغانستان او پاکستان  لپاره دامريکا ځانګړي استازي دن فلدمن په دې کنفراسن کې ګډون  کړى و او له جمهور رييس غني سره يې د افغانستان او د سيمې د حالت په باب خبرې کړې دي .
دغه راز دافغانستان د بهرنيو چارو وزير ضرار احمد عثماني د آسيا د زړه په کنفرانس کې ويلي دي چې همدا اوس دافغانستان په سلوکې ٩٠ خاوره د افغان  امنيتي ځواکونو ترکنترول لاندې ده او هيله کيږي چې په راتلوونکي ګام کې د ټول هيواد امنيتي مسووليت په غاړه واخلي .
چين له دې پلوه انديښنه لري چې په افغانستان کې نا آرامۍ ښايي د چين په شمال لويديځ کې د سين کيانګ نا آرامې سيمې ته سرايت وکړي؛ هغه ځاى چې د ايغور مسلمانانو په وروستيو مياشتوکې يولړ بريدونه ترسره کړي دي.
د چين حکومت ويلي دي چې د افغانستان جمهور رييس ژمنه کړې ده چې د چين  دحکومت پرضد د يوې ډلې په وړاندې چې د ختيځ ترکستان د اسلامي حرکت په نامه بلل کيږي؛ مرسته کوي خو دا معلومه نه ده چې دغه سازمان په افغانستان کې کومه اډه لري اوکه څنګه؟
په داسې حال کې چې امريکا او چين د آسيا آرام سمندر په سيمه کې د نفوذپه باب سيالي لري؛ واشنګټن په افغانستان کې د چين د ورځ په ورځ  زياتيدونکي رول هرکلى کړى دى .

کابل باختر د لړم لسمه :
په لوګر ولايت کې نن سهار په سړک کې د ښخ کړى شوي ماين د چاودنې له امله درې تنه پوليسان شهيدان شول .
د لوګر ولايت ويندوى دين محمد درويش د باخترآژانس خبريال ته وويل: دغه چاودنه په برکي برک ولسوالۍ پورې اړوند د شير دروازې په سيمه کې هغه وخت رامنځته شوه چې د پوليسو د رنجر  موټر په واټ کې په ښخ کړي شوي ماين وخوت.
درويش زياته کړه چې په دې پيښه کې درې تنه پوليسان شهيدان او دوه تنه نور يې ټپيان شوي دي او د هغو د سپرلۍ رنجر موټر په بشپړه توګه ويجاړ شوى دى.
خبرځاى وويل چې په دې پيښه کې د يوه ټپي پوليس روغتيايي حالت خراب بلل شوى دى.

Saturday, 01 November 2014 11:56

په بغلان کې چاودنې وشوې

کابل باختر د لړم لسمه :
په پلخمري ښارکې  نن سهار  د ماين د چاودنې له امله د ملي امنيت د رياست د يوه کارکوونکي په ګډون درې تنه ټپيان شول .
د پلخمري ښار د لومړۍ امنيتي حوزې آمرڅارمن ذبيح الله  د باختراژانس  خبريال ته وويل: لومړۍ چاودنه د پلخمري ښار ورزشي لوبغالي ته څېرمه وشوه چې د سر زيان او مالي تاوان يې نه درلود.
خو د خلکو په راټوليدو سره پنځه دقيقې وروسته دويمه چاودنه وشوه چې له امله يي  دوه تنه ملکي وګړي او د ملي امنيت د رياست يوکارکوونکى ټپيان شول .
د بغلان ولايت د عامې روغتيا رياست د وياند شاه محمد هوفياني د څرګندونو له مخې: دملي امنيت دټپي کارکوونکي روغتيايي حالت خراب بلل شوى دى.

کابل باختر د لړم لسمه :
د وسله والو طالبانو د ډلې يو قوماندان له پنځو تنو ساتوونکو سره يې په غزني کې د امنيتي ځواکونوپه چاڼيزو عملياتوکې ووژل شو .
دملي دفاع ووزارت د ويندوى مطبوعاتي دفتر باخترآژانس ته  خبر ورکړ: د وسله والو طالبانو يو قوماندان صبغت الله کوچي چې د غزني ولايت په مربوطاتوکې  د زياترو تروريستي فعاليتونو په طرحه کولو بوخت و؛ د دغه ولايت په ګيلان ولسوالۍ کې د امنيتي ځواکونو د چاڼيزو عملياتو له امله ووژل شو .
دغه راز په دغو عملياتوکې درې تنه وسله وال طالبان ټپيان شول او له دوى څخه  وسلې او د درندو وسلو مهمات او پوځي تجهيزات هم ترلاسه شوي دي .
دغه راز د هلمند ولايت د ګرشک ولسوالۍ په مربوطاتوکې دملي اردو  د ځواکونوپه عملياتوکې  د وسله والو مخالفينو د وسلو او مهماتو يوه ډيپو له پنځو ويشتوکلاشينکوفونو او نورو جنګي وسايلو سره کشف او ترلاسه شوې ده او دملي اردو ځواکونو د هيواد په بېلابېلو ساحوکې  د امنيتي  دندو په بهيرکې  د وسايطو ضد ٢٧ ماينونه  ترلاسه او شنډکړل.