22 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

کابل – باختر د ورى دمياشتې ٢٦
دلوګر ولايت په برکي برک ولسوالۍ کې نن د وسله والومخالفينو دبريد له امله دوه تنه سيمه ييز پوليسان شهيدان او دوه تنه نور سيمه ييز پوليسان ټپيان شول .
دبرکي برک ولسوالۍ امنيه قوماندان محمدقاسم دباختر آژانس خبريال ته وويل : دسيمه ييزوپوليسوځواکونه نن سهار په پنځو بجو دبرکي برک ولسوالۍ په احمدک سيموکې په ګزمې بوخت وو چې د دولت د وسله والو مخالفينو له کمين سره مخامخ شول چې له امله يې دوه تنه سيمه ييز پوليسان شهيدان او دوه تنه نور ټپيان شول.
دبرکي برک ولسوالۍ امنيه قوماندان وويل: ټپيان د درملنې په مقصد د سردار محمد داوود روغتون ته وليږدول شول .
خبرځاى زياته کړه: په دغه نښته کې چې درې ساعته يې دوام درلود؛ يو طالب ووژل شو او دوه تنه نور طالبان ټپيان شول .
ددغې ولسوالۍ امنيه قوماندان زياته کړه چې وسله والوطالبانو له سيمې څخه تښتيدلي دي او امنيتي ځواکونه د هغوى په لټه کې دي.

کابل – باختر د ورى دمياشتې ٢٦
د ملي اردو لوى درستيز سترجنرال شيرمحمدکريمي نن په پکتيا ولايت کې امنيتي ځواکونه وستايل .
د هيواد په جنوب ختيځ کې د ٢٠٣ تندر قول اردو قوماندان تورن جنرال محمد شريف يفتلي دباختر آژانس خبريال ته وويل: ستر جنرال شيرمحمدکريمي د هغو امنيتي ځواکونو د ستاينې لپاره د پکتيا ولايت ته سفر کړى دى چې په دغه ولايت کې يې دجمهوري رياست او د ولايتي شوراګانو د انتخاباتو د ترسره کولو د امنيت په تامينولوکې وړتيا ښودلې ده.
دملي اردولوى درستيز چې په ګرديزکې د ٢٠٣ تندر قول اردو د منسوبينو په وړاندې يې خبرې کولې؛ د امنيتي ځواکونو دکړنو له امله مننه وکړه او د انتخاباتو د ترسره کولو په ورځ يې د خلکو د امنيت د تامينولو لپاره د امنيتي ځواکونو هلې ځلې وستايلې.
کريمي دغه راز زياته کړه چې دويم پړاو ته د انتخاباتو د غځيدو په صورت کې امنيتي ځواکونه د انتخاباتو د امنيت د تامينولو لپاره بشپړ تيارى لري.

کابل – باختر د ورى دمياشتې ٢٦
دکابل پوهنتون د محصلانو د چارو د معاونيت خبرتيا !
ټولو نويو شاملو شويومحصلانو ته خبر ورکول کيږي چې نوم ليکنه او درسي بهير د روان کال د وري د مياشتې په ديرشمه نيټه د کابل د مرکزي پوهنتون په ټولو پوهنځيوکې پيليږي .
محصلان دې خبروي.

کابل – باختر د ورى دمياشتې ٢٦
د قندهار ولايت په سپين بدلوک ولسوالۍ کې نن د سرحدي پوليسو له خوا څوماينونه ترلاسه او شنډ کړى شول .
د سرحدي پوليسو لوى قوماندان ادريس مهمندباختر آژانس ته وويل: دغه ماينونه چې په خاصو مهماتو سره د ميوو په صندوقونوکې په يوې کراچۍ کې ځاى پرځاى شوي و او دغه کراچۍ د سپين بولدک په بازارکې دخلکو په ونيوکې دلت پت کيدو په خاطر سم شوې وه؛ د سرحدي پوليسو له خوا کشف او ضبط کړى شول.
د يوبل خبرله مخې: د سرحدي پوليسوځواکونو د وسايطوضد درې ماينونه د قندهار ښار د شل زايي په ساحه کې کشف او شنډ کړل.

کابل باختردوري دمياشتې ٢٦:
د سمنګانو ولايت په مرکز ايبکوکې د دوو ليسو د ودانيوپه بيا جوړولو اوسمبالولو سره څه دپاسه دريو زرو تنو زده کوونکو ته  تدريسي آسانتياوې برابرې شوې .
په هغو مراسموکې چې ددغو دوو ښوونځيو د ودانيود پرانستلو په مناسبت پرځاى شوي و، د سمنګانو  ولايت دپوهنې ر ييس عبدالعزيز عزيزي خبرې وکړې او ويې ويل چې په ايبکو ښارکې د دغو  دوو ليسو ودانۍ د پوهنې دکيفيت د لوړولو دملي پروګرام له لارې په نمونوي ډول ترميمې او بيا جوړې شوې دي اوپه پرمختللو درسي وسايلو سمبالې شوې دي او زده کوونکوته  ښه روزنيزه فضا برابره شوې ده.
په سمنګانوکې دپوهنې دکيفيت دلوړولو د ملي پروګرام مسوول حاجې محمد عمر ستانکزي د باخترآژانس خبريال ته وويل: دوى ددغه پروګرام له لارې دغه ليسې په شلوکمپيوټرونو ، دکتابونو د ساتنې لپاره څلويښتو الماريو، يوسلو اتيا قلمو لابراتواري وسايلو، دکمپيوټر په څلويښتو ميزونو، دوو پروجکټورونو اوپنځه سوه ټوکوکتابونو سمبالې کړې دي.
د ده دڅرګندونوله مخې: په دې پروژه کې يو مليونو پنځه سوه شپيته زره افغانۍ لګيدلې دي چې د پوهنې د کيفيت د لوړولو د ملي پروګرام له لارې ورکړاى شوې دي.

کابل باختردوري دمياشتې ٢٦:
د وسله والوطالبانو د ډلې يوجګپوړى قوماندان د امنيتي ځواکونوله خوا په قندهارکې ونيول شو.
د قندهار د والي ويندوى دواخان مينه پال د باخترآژانس خبريال ته وويل: په مطمئن مشهور د وسله والو طالبانو د ډلې يو مهم قوماندان محمدسليم تېره شپه  د ملي امنيت د ځواکونوله خوا دپنجوايي ولسوالۍ په تلکان ساحه کې ونيول شو .
نيول شوي قوماندان د قندهار ولايت په مربوطاتوکې په ځانمرګوبريدونو او په سړکونو د ماينونو په ښخولو کې مهم رول لوباوه .

کابل باختردوري دمياشتې ٢٦:
دغزني ولايت په ګيلان ولسوالۍ کې د ملي اردو د ځواکونو او د وسله والوطالبانو ترمنځ نښته کې يو وسله وال طالب ووژل شو او دوه تنه نور يې ټپيان شول.
په غزني ولايت کې د ٢٠٣ تندر قول اردو د دريمې لوا ويندوى نظيف الله سلطاني دباخترآژانس خبريال ته وويل: دغه جګړه د ګيلان ولسوالۍ د للمې په ساحه کې  ونښته چې له امله يې يو وسله وال طالب ووژل شو او دوه تنه نور ټپيان شول.
ده وويل: په دې نښته کې د ملي اردو سرتيرو ته زيان نه دى اوښتى .

کابل باختردوري دمياشتې ٢٦:
په قندهار ولايت کې له وسله والوطالبانو سره د امنيتي ځواکونوپه نښته کې د طالبانو يوه اندازه جنګي وسايل  د امنيتي ځواکونولاسته ورغلل.
دقندهار د والي ويندوى  دواخان مينه پال دباخترآژانس خبريال ته وويل:
امنيتي ځواکونوله هغه وروسته له طالبانو سره په نښتې لاس پورې کړ چې وسله والوطالبانو د ارغستان ولسوالۍ په مربوطاتوکې د هغوى په امنيتي پوستو د بريد نيت درلود.
يوه اړونده خبرځاى وويل: په دې نښته کې وسله والوطالبانو دمقاومت توان له لاسه ورکړ او په شاتګ ته اړ شول چې له هغوى څخه درې کلاشينکوفونه، دوسايطو ضد څلورماينونه، يوه اندازه ګولۍ او درې موټرسايکلونه د امنيتي ځواکونو لاسته ورغلي دي.

کابل باختردوري دمياشتې ٢٦:
د هېواد د ووشو دملي ټيم غړي به د ايران له ملي ټيم سره په يو لړګډو تمرينونوکې دبرخې اخيستنې لپاره په نږدې راتلوونکي کې دغه هېواد ته سفروکړي.
دبدني روزنې، سپورت او  د المپيک د ملي کميټې د رياست د ووشو فدراسيون
رييس سيد رحمن يورش ته تمرينونه د دوو اوونيو لپاره  د آسيايي المپيک په سياليوکې دګډون لپاره چې ټاکل شوې ده د روان ميلادي کال د اوکټوبر په مياشت کې په کوريا کې ترسره شي؛ د ورزشکارانو د ښيې روزنې او تيارى په خاطرترسره  کيږي.

کابل باختردوري دمياشتې ٢٦:
د قندهار ولايت د شاولي کوټ ولسوالۍ د دهلې بندبيا رغاول او پراختيا ورکول کيږي.
ددغه ستربند دبيا جوړولو اوپراخولولګښت درې سوه شپږديرش مليونه ډالره  اټکل شوى دى چې درې سوه اته مليونه ډالره يې د امريکا د متحده ايالاتو له مرستې څخه او اته ويشت مليونه ډالره نور يې د افغانستان د دولت له بودجې څخه تمويليږي.
دباخترآژانس د خبرله مخې: دغه ستره پروژه په داسې وخت کې عملي کيږي چې د قندهار ولايت  د شاولي کوټ ولسوالۍ د اته ويشتوکليو د خلکو کرنيزې ځمکې
او د استوګنې کورونه چې د بند په شاوخواکې موقعيت لري، استملاک شوي دي
چې دولت بايد د استوګنې د کورونو او د کرنيزوځمکوخاوندانو ته تاوان جبيره کړي.
په همدې مقصد د جمهوررييس د سلاکار محمدصديق عزيز په مشرۍ جګپوړي دولتې  هيئت د شاولي کوټ ولسوالۍ ته تللى دى چې  په دې باب ددغې ولسوالۍ
له خلکوسره تفاهم وکړي .
له دغه هيئت سره د انرژۍ او اوبو وزير محمدعارف نورزي ملګرتيا کوي.
ده چې نن د شاولي کوټ ولسوالۍ د مشرانو او سپين ږيرو په غونډه کې خبرې کولې؛ پراختيا او پرمختګ ته د ملي واکمنۍ د نيت د بيانولو ترڅنګ وويل چې دغه پروژه له اقتصادي اوټولنيز پلوه ستر ارزښت لري. ځکه ددغه  بند د بيا جوړولو اوپراختيا د کار په بشپړولوسره دقندهار ښار په ګډون د اوو ولسواليو کرنيزې ځمکې خړوبيږي اوپه همدې تناسب د څښاک روغتيايي اوبو ته ددغو ولسواليو د خلکو اړتيا هم لرې کيږي .
د نورزي دڅرګندونوله مخې: کله چې دکرنيزو اوبو دکمښت ستونزه لرې شوه؛ له شک پرته په قندهارکې کرکيله او بڼوالي وده کوي او د کروندګرو ژوند په ښه توګه سمون مومي او له دې سره سم په قندهارکې د دولت عايدلوړيږي .
د دولت دعوايدو وده په نوروسيموکې د ټولګټو پروژو د عملي کولو زمينې برابروي.
د نورزي دڅرګندونوله مخې: دغه بند له شپږوڅخه تر اتو ميګاواټو پورې د بريښنا
دتوليد ظرفيت هم  لري .
دباخترآژانس دخبريال په باور: ددغې پروژې په تطبيق اوعملي کولوسره د قندهار خلکوته زيات کاري فرصتونه هم برابريږي او د بريښنا انرژۍ د قندهار ولايت د زياتروخلکوکورونوته لاره پيداکوي.
د دې ترڅنګ کرکيله او بڼوالۍ هم پراختيا مومي .
دقندهار ولايت دشاولي کوټ ولسوالۍ له سپين ږيرو سره د خبرو لړۍ تر عملي او هر اړخيز تفاهم پورې دوام مومي .