21 March 2019

RSS Facebook

سوداگریز


تازه خبرونه

 دجمهور رييس پيغام

دجمهور رييس پيغام

-کابل باختر د وري لومړي : دنوي کال په مناسبت...

Youtube Player

khantry design

سوداگریز

سوداگریز

کابل – باختر دتلې دمياشتې ٢١
دوسله والو طالبانو څلورتنه قوماندانان چې ويل کيږي  د اختر د ورځو لپاره ديو
لړ ترورستي بريدونو په طرحه کولو بوخت وو ، تيره شپه په غزني ولايت کې دملي اردو د ځواکونو دخاصو عملياتو په بهير کې ووژل شول .
دغه قوماندانان تيره شپه ناوخته په داسې حال کې چې د اندړو ولسوالۍ دجمال
په سيمه کې په يوپټنځي کې  راټول شوي وو دملي اردو ځواکونو پرې بريد وکړ
او ووژل شول .
ويل کيږي چې له دغو قوماندنانو څخه يو يې پاکستانى دى  .
دغزني ولايت داردو دځواکونو ويندوى نظيف الله سلطاني باختر آژانس  ته وويل : چې دطالبانو دغه قوماندانان داختر د ورځو لپاره ديو لړ تروريستي بريدونو په سازمان ورکولو بوخت وو ،  چې بريد پرې  وشو او ووژل شول .
سلطاني تاييد کړه چې په وژل شويو کسانوکې  دملاعبدالله  په نامه چې په  پاکستاني ملااسلام  مشهور دى هم شامل دي  .
د اردو دپوځيانو دخبرله مخې : ددغو وقوماندانانو په پټنځي کې يوه اندازه جنګي وسايل او ځينې سندونه چې د دوى اړيکې په پاکستان کې له ځينو کړيو سره ښي ترلاسه کړي دي .
دغه راز د دغو سندونو په منځ کې يو سند ليدل شوى  دې چې چې
طالبانو غوښتل په يوي خطرناکې طرحې سره  دانډرو په ولسوالۍ کې داختر
ورځې ګډې وډې کړي.
له بلې خوا دغزني ولايت داندړو ولسوالۍ يو سيمه ييز مسوول چې  ويې نه غوښتل نوم يي واخستل شي وايي چې دسيمې اوسيدونکو د دغو طالب قوماندانانو پټنځاي افغان ځواکونونه ښودلى دى .

کابل – باختر دتلې دمياشتې ٢١
دحج او اوقافو وزارت خبرتيا:
دحج او اوقافو وزارت په  داسې حال  کې چې  دنيکمرغه لوي اختر درارسيدو له امله خپل ټول دين دار او مسلمان ملت ته مبارکي وايي  دهيواد په مرکز او ولايتونو کې دنيکمرغه لوى اختر دلمانځه  وخت داختر په لومړى ورځ دسهار پر اتو بجو ټاکي .
هيواد وال دې  خبر    وي.

کابل – باختر دتلې دمياشتې ٢١
طالبانو دوه تنه ماشومان چې څه موده مخکې دکونړ ولايت د وټه پورې ولسوالۍ دميدان له کلي څخه تښتولې  وو  په بې رحمې سره شهيدان کړل .
دکورنيو چارو وزير دغه وژنه غندلې ده.
دکورنيو چارو وزارت مطبوعاتي دفتر باختر آژانس ته ديوې خبرپانې په ليږلو سره ليکلي دي :
دغه دوه  تنه ماشومان طيب او سراج  نوميږي چې  هريو يې اته او  لس کلن وو له دولت سره د اړيکو دلرلو په اړوند دطالبانو له خوا وتښتول شول او مړي يې  پرون له دغې سيمې څخه لري له يوې کنډوالۍ څخه دپوليسو له خوا ترلاسه شول.
دغه ماشومان هغه وخت ددغې ډلې له خوا وتښتول شول چې غوښټل يې يوڅاروى په بازارکې وپلوري او په پيسويې دلوي اختر اړتياوي وپيرې.
دغو ماشومانو نه يوازې چې له دولت سره اړيکې نه درلودې بلکې له کورنيو او بهرنيو غيردولتي مرکزونو سره يې هم اړيکې نه درلودې.
په همدې حال کې دموزاييلو يو ماين چې دطالبانو له خوا توغول شوى و دنورستان
ولايت د دوآب ولسوالۍ په بازار ولګيد چې له امله يې اووه تنه ملکي وګړې شهيدان او د دووتنو پوليسانو په ګډون نهه تنه نور ټپيان شول .
دغه پيښه پرون مازيګر پنځو بجو شاوخوا کې هغه وخت رامنځته شوه چې دسيمې خلکو داختر د اړتياو دپيرودنې په خاطر  بازارته راغلي  وو.
داختر په نيکمرغه ورځو کې  دماشومانو او بېګنا کسانو بيرحمانه وژنې دبيرحمه انسانانو کار دى  چې داسلامي دمقدس دين د ارشاداتو او الهى لارښوونو پرخلاف عمل کوي.
دغه شان بيرحمو انسانانو پخوا هم  معصوم ماشومان او ملکي وګړې شهيدان کړى دي . طالبانو يوځل بيا وښودله چې دماشومانو او ملکي وګړو دبيرحمانه شهيدانولو څخه ډډه نه کوي   او خپلو دغه شان ناوړو، انسانى ضد او اسلامي ضد هدفونو ته درسيدو لپاره هيڅ فرصت له لاسه  نه ورکوي.
دافغانستان دکورنيو چارو وزير دطالبانو دغه  ډارن عمل په کلکه وغانده او دتحقيق  لارښوونه يي وکړه .

١٥-کابل – باختر دتلې دمياشتې ٢١
په ارزګان ولايت کې دوه تنه ځانمرګي بريد کوونکي هدف ته له رسيدو مخکې
په موټر سايکل کې دچاوديدونکو توکو دچاودنې له امله ووژل شول .
دغه چاودنه نن له غرمې مخکې په يوولسو بجو د ارزګان ښار په مرکز ترينکوت ښارکې هغه وخت رامنځته شوه چې په  چاوديدونکو توکو بار په موټر سايکل سپاره  دوه تنه يرغلګر دښار په لور روان وو.
دارزګان ولايت مرکز دترينکوټ ښار يو امنيتي مسول باختر آژانس ته وويل:
چې په دې نښته کې چا ته دسر زيان نه دې اوښتى .
ويل کيږي چې ديرغلګرو هويت  دبدن خرابوالي له امله دپيژندنې  وړ نه دى  .
ددغه امنيتي مسوول دڅرګندونو له مخې : دغو يرغلګرو هوډ درلود چې  په ښارکې يو ځاى تر بريد لاندې راولې.

کابل – باختر دتلې دمياشتې ٢١
وسله والو طالبانو تيره شپه په پلخمري ښارکې دبغلان په مرکزي بريد دتوغنديو  بريد وکړ .
سيمه ييز مسوولين وايي :  دغه راکټي  بريد دسر زيان نه  دى  اړولى خو دجيل ودانۍ ته يې زيان  رسولى دى  .
دغه بريد تيره شپه ناوخته هغه وخت وشو چې بنديان ويده  وو .
دبغلان دمرکزي جيل مسوول افسر يحيي خان باختر آژانس ته وويل :  چې طالبانو پنځه توغندي په  دغه جيل وتوغول چې دوه  توغندي  په جيل ولګيدل چې  مالي زيان يې   واړاوه.
دخبرونو له مخې :   دغه توغندي دطالبانو له خوا دپلخمري له جنوب څخه توغول شوى دي .
دبغلان په مرکزي جيل کې جنايي  او ترورستي مجرمين  بنديان دي.

کابل – باختر دتلې دمياشتې ٢١
دهرات ولايت امنيتي مسوولين وايي چې دوسله والو طالبانو له منګولو څخه يې دسړک جوړولو ديو شرکت دڅلورو تنو کارګرانو دخلاصون لپاره يې هلې ځلې پيل کړي دي .
دغه کارګران دوه  ورحې مخکې دهرات- بادغيس په لويه لاره کې د وسله والو طالبانو له خوا وتښتول شول .
دهرات ولايت سيمه ييزو مسوولينو باختر آژانس ته وويل :  چې دغو کارګرانو له دولت سره هيڅ راز  اړيکې نه درلودې.
ده وويل :  دوى هلې ځلې کوي چې دقومي مشرانو  له لارې دغه کارګران  دوسله والو طالبانو له منګولو څخه و آزاد کړي ..
دا په داسې حال کې ده چې تراوسه پورې ددغو کارګرانو دساتنې او برخليک په باب خبرنه دى ترلاسه شوى .
څه موده مخکې يوې  ډلې وسله والو طالبانو دسړک جوړولو په يو شرکت  په  بريد سره نهه تنه کارګران  ووژل.

شبرغان – باختر دتلې دمياشتې ٢١
وسله والو طالبانو په جوزجان ولايت کې دوه تنه ملکي کسان په  ډزو سره ووژل.
عبدالجليل او امان الله چې ماما او خوريې  وو دشپې ناوخته  په  منګجګ
ولسوالۍ کې د دوى کورته څيرمه ديوې ډلې وسله والو طالبانو له خوا په ډزو سره ووژل شول .
دسيمې اوسيدونکي وايي دغه کسان غريبکار  وو  او له دولت سره يې  هيڅ راز اړيکې نه درلودې.
دجوزجان ولايت دپوليسو ويندوى  عبدالمنان رووفي  ددغو دووتنو ترور تاييد کړ . او ويې ويل : چې امنيتي مامورينو ديرغلګرو طالبانو د پيژندنې او نيولو لپاره هلې ځلې پيل کړي دي .
خو  په ارزګان کې يو سيمه ييز مسوولين  وايي چې يرغلګرو نيت   درلود دغه موټر سايکل  چې بم  پکې  ځاى پرځاى شوي و  دترينکوټ ښارته وليږدوي  او داختر په ورځو کې دهغه په  واسطه  چاودنه ترسره کړي ..

١١-  شبرغان – باختر دتلې دمياشتې ٢١
په جوزجان ولايت کې په دوو نښتو کې درې تنه وسله وال طالبان ووژل شول او څلور تنه نوريې ټپيان شول .
په هغې نښته کې چې  تيره شپه ناوخته دقوش تيپې او درز آب ولسواليو په مربوطاتو کې رامنځته شوه د يوتن ملي پوليس شهيد او درې تنه نوريې ټپيان شوي دي .
جګړه هغه وخت پيل شوه چې يوې  ډلې وسله والو طالبانو په دې ساحه کې دسيمه ييزو او ملي پوليسو په پوستو  بريد وکړ .
دجوزجان ولايت دپوليسو  ويندوى  عبدالمنان  روفي باختر آژانس ته وويل:  په دې
نښته کې درې تنه وسله وال طالبان ووژل شول او څلور تنه نور يې ټپيان شول
ده دغه  راز  په دې جګړه کې ديوه پوليس  وژل کيدل او د دريو تنو نورو ټپي کيدل تاييد کړ ل .
دقوش تيبې او درزآب دولسواليو اوسيدونکي وايي چې  دغه سيمې په  دوامداره توګه   خصوصا دشپې له خوا دافغان دځواکونو او دوسله والو طالبانو ترمنځ دجګړو شاهد دي .
د درز آب ولسوالۍ يو اوسيدونکي سيد سراب وويل :  طالبان هروخت پرموږ ظلم کوي ، موږ  وژنې وهې او  ټکوي :
موږ له دولت څخه غواړو چې موږ  د دوى  له څخه خلاص کړي.

هانوى – دى ستار – باختر دتلې دمياشتې ٢١
دويتنام په شمال کې پرون داور لوبې دتوکو په يوه  فابريکه کې دچاودنې له امله څه ناڅه يوويشت تنه  ووژل شول.
دباختر آژانس دخبرله مخې :  دغه پيښه  يوه پوځي مرکز ته څيرمه رامنځته شوې
ده چې  اورلګيدنې څو ساعته دوام درلود او ترڅوساعتو دکنترول  وړ نه  وو .
په دې پيښه کې اته نوي تنه نور ټپيان شوي دي چې زياتره يي دسوځيدنې ټپونه لري.
دغه چاودنه د پوځي مرکز ته  څيرمه ساحو کې د دوو زرو تنو دوتلو سبب شوي دي.
په هغې اورلګيدنه کې چې په کال ٢٠١٠ کې دهانوى په ستديوم کې  دښارى جشن د زرمې کاليزې دنمانځلو له امله وشوه د اورلوبې د توکو په چاودنه کې
د دريو تنو بهرنيانو په ګډون دڅلورو تنو د وژل کيدو سبب شوه.

کابل – باختر دتلې دمياشتې ٢١
دحقاني دشبکې يو غړى په بدخشان ولايت کې دملي امنيت درياست دموظفينو
له خوا ونيول شو.
دملي امنيت دلوى  رياست مطبوعاتي دفتر نن ديوې خبرپاڼې په ليږلو سره باختر آژانس ته ليکلي دي .
دبدخشان ولايت د درواز  ولسوالۍ دحقاني دترورستي شبکې يو تن غړى  قاري ختم الدين  چې د بدخشان ولايت په مربوطاتو کې دترورستي فعاليتونو او ورانکارو  عملونو په ترسره کولو کې ښکيل وو،  په کابل ولايت کې ونيول شو.
نيول شوي سړي اعتراف وکړ چې دپيښور ښار  اکوړه خټک ته  څيرمه په حقانيه دارالمعلمين په مدرسه کې يې زده کړه کوله چې دمدرسې ديو تن ښوونکي مفتي شيرعلي په نامه دطالبانو ډلې ته جذب او دحقاني ترورستي مرکزونو ته  د جلال الدين حقاني  ورور حاجي خليل ته واستول شو . چې هلته يي په دوو مياشتو کې دکلاشينکوف ،پيکا،توغندي ويشتوونکي ، لاسي بمونو او د ډول ،ډول ماينونو په جوړولو کې له عربي،  پاکستاني او ازبکو څخه دوسلو دکارولوزده کړې ترسره کړې او بدخشان ولايت ته دترورستي او ورانکاره عملونو دترسره کولو په مقصد دطالبانو  نومول  شوي  وايي قاري فصيح الدين ته استول شوي دي او دچيچين ، عربو او دازبکستان داسلامي حرکت سره دبدخشان ولايت دجرم ، وردوج ، بهارک ، خاش ،کران او منجان په ولسواليو کې ېي په يو لړ ترورستي فعاليتونو لکه په واټ کې د ماين په ايښودلو کې يې فعال رول درلود او کله يي چې غوښتل د دويم ځل لپاره پاکستان ته لاړ شي دکابل ښار د دولسمې ناحيې په مربوطاتو کې ونيول شو.