19 November 2019

RSS Facebook

سوداگریز


تازه خبرونه

 درسنيزو شکايتونو او سرغړونودڅېړنې دکمېسيون غونډه جوړه شوه

درسنيزو شکايتونو او سرغړونودڅېړنې دکمېسيون غونډه جوړه شوه

کابل /دلړم ٢٧مه / باختر درسنيزو شکايتونو اوسرغړونو دڅېړنې کمېسيون نن...

درسنيزو  کارکوونکو  يوويشت ستونزې لرې شوې دي .

درسنيزو کارکوونکو يوويشت ستونزې لرې شوې دي .

کابل /دلړم ٢٧مه / باختر درسنۍ ،بنسټ او کارکوونکي دکاري...

 يو سړى په تخار کې په دريو صرافانو  دپروني بريد په تور ونيول شو .

يو سړى په تخار کې په دريو صرافانو دپروني بريد په تور ونيول شو .

کابل /دلړم ٢٧مه / باختر په تخار کې په دريو صرافانو...

Youtube Player

khantry design

سوداگریز

سوداگریز

کابل – باختر د غبرګولى دمياشتې ٢٤
په کاپيسا ولايت کې د رايي ورکوونکو ګډون کمزورى شوى دى ويل کيږي په لومړيو پنځلسو دقيقو کې ددغه ولايت دکوهستان دلومړى برخې دولسوالۍ د رايي ورکولو په يو مرکز کې يواځې يوې ښځې په دغه سيمه کې خپله رايه کارولې ده.
دباختر آژانس خبريال محمد مختار کوهستاني چې دغې سيمې ته ورغلى دى او وايي درايي ورکولو په دغه مرکز کې دخلکو ګډون کمزورى دى د رايي ورکولو له پيل څخه پنځلس دقيقې وروسته يواځې ددغه ولايت دښځو دچارو رييسه دښځو درايي ورکولو ځاى ته لاړه او خپله رايه يې وکاروله .
مختار چې ددغه ولايت له يو شمير خلکو سره خبرې کړي دي په دغه ولايت کې په انتخاباتو دخلکو دکمزورى ګډون علت دجمهوري رياست او دولايتي شوراګانو دانتخاباتو په لومړي پړاو کې تقلب بولي، په دغه مرکز کې ښځوته دوه ځايونه او نارينه وته درې ځايونه درايي ورکولو لپاره جوړ شوې دي .

کابل – باختر د غبرګولى دمياشتې ٢٤
دجمهوري رياست دانتخاباتو په دويم پړاو کې دباميانو ولايت دخلکو ګډون کمزورى بلل شوى دى .
په تيرو انتخاباتو کې د رايي ورکولو دپاڼو کمښت او تقلب دانتخاباتو په دغه پړاو کې د دوى کمزورى ګډون له اصلي دليلونو څخه بلل شوى دى .
دباختر آژانس خبريال خان محمد چې دباميانو دهلکانو دليسې د رايي ورکولو مرکز ته تللى دى وايي دجمهوري رياست او دولايتي شوراګانو دانتخاباتو دلومړي پړاو په پرتله دخلکو شتون کم دى .
دباميانو ولايت دهيواد له امنو ولايتونو څخه بلل کيږي.

کابل – باختر د غبرګولى دمياشتې ٢٤
دښځو دچارو وزيره د زرغونې په ليسه کې د رايي ورکولو مرکز ته لاړه او رايه يې وکاروله.
دباختر آژانس دخبريال دخبرله مخې، دښځو دچارو وزيره حسن بانو غضنفر دخپلې رايې له کارولو وروسته په دې ترڅ کې چې دغبرګولې دمياشتې د ٢٤ نيټې د مور ورځې له امله يې ټولو افغان ميندو ته مبارکي وويله څرګنده کړه ،ښځې دغه ورځ چې په هيواد کې دانتخاباتو له ورځې سره برابره ده نيک فال بولي او د رايي ورکولو مرکزونو ته په ورتګ سره ثابته کړې چې دخپل هيواد دسياسي برخليک په ټاکلو کې فعالى دي .

کابل – باختر د غبرګولى دمياشتې ٢٤
دکابل ښار دحاجي محمد داد دڅلور لارې د رايي ورکولو په مرکز کې شيبه په شيبه د رايي ورکوونکو شمير زياتيږي.
دباختر آژانس دخبريال دخبرله مخې ، په دغه مرکز کې شيبه په شيبه د رايي ورکوونکو شمير زياتيږي او خلک په اوږدو ليکوکې دريږي خو رايې ورکوونکي په دغه مرکز کې دنړيوالو کتوونکو دنه شتون له امله شکايت کوي.

کابل – باختر د غبرګولى دمياشتې ٢٤
دکابل ښار دشاه شهيد په سياه سنګ کې دعبدالرحيم غفورزي دليسې د رايي ورکولو په مرکز کې ښځې دنارينه په پرتله کمې دي .
دباختر آژانس دخبريال دخبرله مخې ، په دې ليسه کې دښځو لپاره د رايي ورکولو درې ځايونه شته او د دواړو نوماندانو کتونکي حاضر دي خو دنارينه و دپراخ ګډون په پرتله دښځو شتون کم دى .
يوې ښځې چې رايه يې کارولې وه وويل، نن د دې وخت رسيدلى دى چې ښځې په انتخاباتو کې په ګډون سره ثابته کړي چې ښځې دميندو په توګه ددغه لرغونې هيواد وارثانې دي.

کابل – باختر د غبرګولى دمياشتې ٢٤
دچار آسياب ولسوالۍ دچهار سوق دکلي اوسيدونکو د طاهر خيلو په جومات کې ليکې جوړې کړې دي چې دخپل نظر وړ نوماند ته رايه ورکړى.
دباختر آژانس دخبر خبريال له مخې ، په دې مرکز کې نارينه وته دوه ځايونه او ښځو ته دوه ځايونه درايي ورکولو لپاره شته او دنوماندانو لتونکي هم د رايي ورکولو بهير څاري.
يو رايي ورکوونکي وويل، د رايي ورکولو په مرکز کې دخلکو اوږدې ليکې ښيي چې نور خلک له دښمن څخه کرکه لري.

کابل – باختر د غبرګولى دمياشتې ٢٤
د زرغونې دليسې د رايي ورکولو مرکز ته دکابل ښار يو زيات شمير اوسيدونکى راغلي دي چې دخپل نظر وړ نوماند ته رايه ورکړي.
دباختر آژانس دخبريال دخبرله مخې ، په دې مرکز کې ښځوته درايي ورکولو درې ځايونه او درې نور دنارينه ولپاره شته ،پنځه اتيا کلنه ميرمن زينب چې درايي ورکولو په مقصد دغه مرکز ته راغلې ده وايي په داسې حال کې چې زه په دې عمر کې راغلي يم چې رايه ورکړم بايد نور هم راشي او خپله رايه ورکاروي، ما رايه ورکړه چې هيواد مې آباد  او سمسور شي او خلک له اوسنيو بدبختو څخه وژغورل شي

کابل باختردغبرګولي دمياشتې ٢٤ :
د افغانستان جمهوررئیس حامدکرزي د جمهوري ریاست د دوهم پړاو په انتخاباتوکې د ګډون لپاره نن سهار د کابل ښار د اماني په لیسه کې د رایې ورکولو مرکز ته لاړ او د خپلې خوښې وړ نوماند ته یې خپله رایه ورکړله.
دجمهوري رياست مطبوعاتي دفترباختراژانس ته خبرورکړ.
جمهوررئیس کرزي د خپلې رایې له کارولو وروسته د افغانستان خلکو ته په خطاب کې وویل: " د رایې ورکولو مرکزونو ته نن ستاسو راتګ او د خپلې خوښې وړ کاندید ته رایه ورکول د ګران افغانستان لا ډیر ثبات، د ښه حکومت او د افغانستان د خلکو ښه ژوندانه ته استقامت ورکوي. نن هغه ورځ ده چې په حقیقت کې افغانستان د انتقال له پړاو څخه د ثبات، پرمختګ او آرامۍ په لور ټینګ قدم ږدي. "
د هېواد جمهوررئیس پخپله لنډه وینا کې د افغانستان له خلکو وغوښتل: "  راشئ پخپل لاس خپل برخلیک پخپله وټاکئ او خپل هېواد مو له هرډول بهرني احتیاج څخه د خپلې رایې په کارولو سره خلاص او نجات ورکړئ."
جمهوررئیس کرزي له افغانانو څخه په ټینګار سره وغوښتل: "  نن مو ورځ ده چې را و وځئ او خپله خاوره د ټولو پردیو له احتیاجه او ورانیو څخه خلاصه کړئ، هېواد ته مو ثبات راولئ، راتلونکې یې روښانه کړئ، خپل جمهوررئیس وټاکئ او د دې خاورې د اولاد راتلونکې په خپل لاس او د خپلې رایې په کارولو سره داسې تهداب ګزاري کړئ چې انتخابات مود افغانستان د لا ډیر ثبات او ترقۍ سبب شي. "
د هېواد جمهوررئیس د افغانستان خلک په انتخاباتو کې پراخ ګډون ته وهڅول، وې ویل: "  ستاسو رایه د افغانستان ثبات دی، د افغانستان ترقي ده، د افغانستان په خپلو پښو دریدل دي، له دې امله ټول را و وځئ او رایه ورکړئ.

کابل باختردغبرګولي دمياشتې ٢٤ :
يوې پنځه اتياکلنې ميرمنې نن  دکابل ښار دنهمې ناحيې په مربوطاتو کې دقابل باى دليسې درايې ورکولو  مرکز ته  په يون  سره  خپله رايه  دنظر  وړ نوماند په ګټه وکاروله .
پنځه اتياکلنې ميرمنې  سبز پري  په داسې حال کې چې  له جسماني پلوه کمزورې ده  دخپل زوى په ملګرتيا درايې ورکولو مرکز ته ورغله اوخپله رايه يې وکاروله .
دغې ميرمنې دباختر آژانس خبريال ته وويل :   له څو کلونو وروسته  دا لومړى ځل  دى چې له خپله کوره وځم  بايد  خپل هېوادنۍ پور  ادا کړم.
ديادونې وړ ده  چې درايې ورکولو ددغې  حوزې مسوولينو وکولاى شول چې ديو تقلبي کارت دکارولو مخه ونيسي .
درايې ورکولو په دې حوزه کې موجودو کتوونکو وکولاى شول  ددغه کارت  لرونکى وپيژني .
ديادونې وړ ده چې  دقابل باى په ليسه کې  درايې ورکولو څلور ځايونه فعال دي  چې يو يې  ښځو ته بيل کړاى شوى دى.
د نن سهارداتو بجو ترشاوخوا پورې نږدې  څلور سوه  تنو په دې مرکز کې خپلې رايې وکارولې  په رايه ورکوونکو کې ښځې هم شاملې دي.

کابل باختردغبرګولي دمياشتې ٢٤ :
دجمهوري رياست مرستيال محمد کريم خليلي دجمهوري رياست ددويم پړاو دانتخاباتو له پيل کيدو څخه  څو شيبې وروسته خپله رايه دحبيبيې ليسې درايو ورکولو په مرکز کې وکاروله .
دباخترآژانس  دخبريال دخبرله  مخې :
دجمهوري رياست مرستيال  محمد کريم خليلي درايو ورکولو په صندوق کې دخپلې رايې له کارولو وروسته   له خبريالانو سره په خبرو کې وويل  ،  خوښ يم چې دجمهوري رياست په دويم پړاو انتخاباتو کې چې په يوه ډيره ښه فضا کې ترسره کيږي ، ګډون کوم .
دجمهوري رياست مرستيال دهېواد له ټولو اوسيدونکو څخه وغوښتل چې درايې ورکولو مرکزونو ته لاړشي اوله کومې انديښنې  او ډار پرته خپله رايه دنظر وړ  نوماند په ګته وکاروي.
محمدکريم خليلي دغه راز  دانتخاباتو  له خپلواکو  کميسيونونو  څخه وغوښتل چې  دانتخاباتو دغه بهېردې په بشپړ شفافيت سره  پاى ته ورسوي  او هلې ځلې  وکړي چې   دهېواد دغه تاريخي بهېر له ستونزو سره مخامخ نه شي .
دجمهوري رياست مرستيال څرګنده کړه چې  دهېواد او خلکو ددښمنانو هيڅ راز هلې ځلې  نه شي کولاى  چې په هېواد کې دجمهوري رياست دانتخاباتو مخه ونيسي .