19 February 2020

RSS Facebook

سوداگریز


Youtube Player

khantry design

سوداگریز

سوداگریز

کابل باختر د تلې لومړي :
دوه تنه ماين ښخوونکي طالبان تيره شپه په پکتيکا کې ووژل شول .
دملي دفاع وزارت دويندوى مطبوعاتي دفتر باختراژانس ته خبرورکړ، دوه تنه ماين ښخوونکي طالبان کله يې چې غوښتل دوسايطو ضد يو ماين دپکتيکا ولايت دمټا خان ولسوالۍ په مربوطاتو کې ښخ کړي، ښخ کړى شوي ماين وچاوديد اوماين ښخوونکي يې وواژه .
ديوبل خبر له مخې دهيواد په بيلابيلو سيموکې دملي اردو دځواکونو دامنيتي دندو په بهير کې دوسايطو ضد څلور پنځوس  ماينونه کشف او شنډ کړى شول .
له بلې خوا دملي دفاع وزارت تاييد کړه چې دملي اردو  درې تنه عسکر  ددندو دترسره کولو په وخت کې  دماين دچاودنې په څو جلا جلا پيښو کې شهيدان شول. دملي دفاع وزارت ددغې پيښې  ځاى مشخص نه کړ .

کابل باختر د تلې لومړي :
دهيواد په ځينوولايتونوکې دملي اردو دځواکونو په چاڼيزو عملياتو کې شپږ تنه وسله وال  طالبان ووژل شول .
دملي دفاع وزارت دويندوى مطبوعاتي دفترنن باختراژانس ته خبر ورکړ، دملي اردو ځواکونو دقندهار ولايت دميوند او شاه ولي کوټ او دغزني  ولايت داندړو ولسوالۍ په مربوطاتو  او دارزګان ولايت په مرکز ترينکوت کې چاڼيز عمليات ترسره کړل چې له امله يې شپږ تنه وسله وال طالبان ووژل شول او پنځه تنه نور يې ټپيان شول او يوه  اندازه وسله او ددرندو وسلو مهمات او نور پوځي تجهيزات هم په عملياتو کې دشاملوځواکونو لاس ته ورغلي دي .
دغه راز دفارياب ولايت دالمار ولسوالۍ په  مربوطاتو کې دخنجر _ ٥  په نامه دملي اردو دځواکونو په ځانګړو عملياتو کې دوسله والو مخالفينو دماين جوړولو يوه دستګاه  او څلور موټر سايکلونه ترلاسه شوي دي .

کابل باختر د تلې لومړي :
دغزني ولايت په اجرستان  ولسوالۍ کې دوسله والو طالبانو او دامنيتي ځواکونو ترمنځ نښته کې دوه تنه وسله وال طالبان ووژل شول او دوه تنه نور يې ټپيان شول .
دملي اردو ددريمې لوا ويندوى نجيب الله سلطاني د باختراژانس خبريال ته وويل په دې نښته کې چې له دريو ورځو راپديخوا داجرستان ولسوالۍ په مربوطاتو کې  دوام لري دملي اردو دځواکونو له خوا پرمخ بيول کيږي چې په بهير کې يې دوه تنه وسله وال طالبان ووژل شول او دوه تنه نور يې ټپيان شول .
يوه اړونده خبرځاى وويل، دنښتې په بهير کې طالبانو دوه تنه ملکي وګړي له دولت سره دهمکارۍ په تور ووژل .
دسلطاني دڅرګندونو له مخې، وسله والو طالبانو داستوګنې دريو کورونو ته اور اچولى دى اوکور مالونه او وسايل يې لوټ کړي دي .
امنيتي ځواکونه په بشپړه توګه دسيمې دپاکولو په مقصد په بيلابيلو سيمو کې ځاى پرځاى شوي دي او هره ګړۍ  دطالبانو دبريدونو شنډولو ته تيار دي .

Tuesday, 23 September 2014 11:47

د هواحالات

کابل\باختر\ د تلې د مياشتې ١
د هوا پوهنې ادارې په راتلوونکوڅلور ويشتو ساعتوکې د هيواد د ځينو سيمو د
هوا حالات د سانتي ګراد په حساب په دې ډول اټکل کړي دي :
کابل- آسمان وريځ   ، د تودوخې لوړه درجه ٣٠ ، ټيټه  ٩
شمالي سالنګ- آسمان ځاى ځاى وريځ، د تودوخې لوړه درجه ١٠، ټيټه  ٣
جنوبي سالنګ- آسمان  ځاى ځاى وريځ، د تودوخې لوړه درجه ١٤، ټيټه ٨
قندهار- آسمان شين ، د تودوخې لوړه ٣٤، ټيټه ١٥
باميان-آسمان شين ، دتودوخې لوړه درجه ٢٥، ټيټه ٥
هرات- آسمان شين ، د تودوخې لوړه درجه ٣٤، ټيټه ١٤
فراه- آسمان شين ، د تودوخې لوړه درجه ٣٥ ټيټه ١٥
مزارشريف- آسمان شين ،  د تودوخې لوړه درجه  ٣٤ ټيټه ١٦
کندز- آسمان شين ، د تودوخې  لوړه درجه ٣٤، ټيټه ١٤
جلال آباد- آسمان ځاى ځاى وريځ ، د تودوخې لوړه درجه ٣٥، ټيټه ٢٢
غزني- آسمان ځاى ځاى وريځ ، د تودوخې لوړه درجه ٢٦ ، ټيټه ٦
لښکرګاه- آسمان شين ، د تودوخې لوړه درجه ٣٥، ټيټه ١٧
خوست- آسمان ځاى ځاى وريځ ، د تودوخې لوړه درجه ٣١، ټيټه ٢١
جبل سراج- آسمان ځاى ځاى وريځ، د تودوخې لوړه درجه ٣٠ ټيټه ١٣
ميمنه- آسمان شين ، د تودوخې لوړه درجه  ٢٩ ، ټيټه ٧
شبرغان –  آسمان شين ، د تودوخې لوړه درجه ٣٣، ټيټه ١٧
فيض آباد- آسمان شين ، د تودوخې لوړه درجه ٢٨، ټيټه  ١٠
په کابل کې به سبا لمر په ٥ بجواو٤٢دقيقو وخيژي او د مازيګر په ٥بجو او ٥٠دقيقو ولويږي . 

کابل\باختر\د تلې د مياشتې١
په نړيوالوبازارونوکې د يوانس سرو زرو په بيه کې د پرون په نسبت شپږ ډالره لوړوالى راغلى دى.
په نړيوالوبازارونوکې پرون يو انس سره زر په ١٢١٣ ډالرو وړاندې کيدل، خو نن  په ١٢١٩ډالرو وړاندې کيږي.
د پښتنى بانک د سرو زرو د مارکيټ يوه پلورونکي قاهرخان ددغه خبرپه تاييدولو سره باخترآژانس ته وويل: اوس دکابل په بازارونوکې يو ګرام سره زرکويټي په٢٤٠٠ افغانيو، مصري په٢٤٥٠، سنګاپوري په٢٣٥٠ افغانيو، بحريني په٢٠٠٠افغانيو، عربي په١٩٥٠ افغانيو، ايراني په١٧٠٠ افغانيو او يوګرام روسي سره زر په ١٥٠٠افغانيو پلورل کيږي.

کابل – باختر د وږي دمياشتې ٣١
د دنيا پوهنتون رييس او د مشرتابه هيئت غړو نن له غرمې وروسته د جمهور رييس له مرستيال محمد کريم خليلي سره وکتل.
دجمهوري رياست مطبوعاتي دفتر باختر آژانس ته خبر ورکړ: په دې کتنه کې ډاکترمحمدجاويد سنګدل، د دنيا پوهنتون د علمي پوهنتون او د خصوصي لوړو زده کړو د موسسو د لارې پرسر د ځينو پرتو ستونزو او خنډونو په باب دجمهور رييس مرستيال ته معلومات ورکړل او په هيوادکې د خصوصي لوړو زده کړو د موسسو د ظرفيت او د ځواکمنۍ دکچې د لوړولو په لاره کې يې د دولت دپاملرنې غوښتنه وکړه .
ده دغه راز معلومات ورکړل چې په دې وروستيو وختوکې د سويس د (يومف) پوهنتون د محصلانو د فراغت په غونډه کې چې د دغه هيواد په ژينو ښارکې جوړه شوې وه؛ دڅه دپاسه اتيا تنو پروفيسرانو ترمنځ د اتلسو هيوادونو استازيتوب يې کاوه؛ د رهبريت په څانګه کې د ډير غوره پروفيسر د جايزې په ترلاسه کولو بريالى شو.
د دنيا پوهنتون د مشرتابه هيئت د زيات شمېر محصلانو د جذب او نويو تحصيلي خدمتونو د وړاندې کولو لپاره د دنيا پوهنتون د علمي کچې او ظرفيت د لوړولو لپاره خپل تيارى اعلام کړ او ويې ويل چې دوى هلې ځلې کوي په دنيا پوهنتون کې د زده کړې کچه د ستندرد له تحصيلي معيارونو سره عيار کړي.
وروسته د جمهور رييس مرستيال محمدکريم خليلي هم د دنيا پوهنتون دمثبتو کړنو له امله مننه او قدرداني وکړه او هغه يې په هيوادکې يو مناسب علمي بنسټ وباله چې د هيواد د يو زيات شمېر ځوانانو د زده کړې زمينه يې برابره کړې ده.
د جمهور رييس مرستيال د دغې جايزې د ترلاسه کولو له امله ډاکتر محمد جاويد سنګدل او د هيواد علمي ټولنې ته مبارکي وويله او څرګنده يې کړه چې علمي ودې او کدر جوړولو ته د ټولنې اړتيا ته په اشارې سره د علم او پوهې پراختيا او رواجول کولاى شي هيواد له بېرته پاتيوالي څخه وژغوري.
دجمهور رييس مرستيال دې ته په اشارې سره چې په تيروکلونوکې د دولت يو اساسي سياست ځوانانوته د لوړو زده کړو د زمينې برابرول دي او له نيکه مرغه د څه د پاسه يوې لسيزې په بهيرکې په دې برخه کې د يادونې وړ پرمختګونه شوي دي.

کابل – باختر د وږي دمياشتې ٣١
دميدان وردګو ولايت په سيد آباد ولسوالۍ کې د پوليسو د ځواکونو په اکمالاتي کاروان د طالبانو په بريدکې د تيلو پنځه ټانکرونه وسوځيدل.
دميدان وردګو د والي ويندوى عطاالله خوږياني ددغه خبر په تاييدولو سره د باختر آژانس خبريال ته وويل: دغه جګړه هغه وخت ونښته چې يوې ډلې وسله والو طالبانو د ميدان وردګو ولايت د سيد آباد ولسوالۍ په مربوطاتوکې دپوليسو په اکمالاتي کاروان بريد وکړ او د دوى ترمنځ جګړه ونښته.
خبرځاى وويل چې په دې نښته کې درې تنه وسله وال طالبان ووژل شول او يو مشکوک سړى ونيول شو.
د خوږياڼي دڅرګندونو له مخې: په دې نښته کې دتيلو پنځه ټانکرونه هم سوځيدلي دي .

Monday, 22 September 2014 16:09

خبرتيا

کابل – باختر د وږي د مياشتې ٣١ مه:
د حج او اوقافو وزارت خبرتيا!
د کابل ښار د ناحيو هغوحاجيانو ته چې شمېره يې له (٣٦٥١) څخه تر( ٤٠٠٠ ) پورې وي؛ خبر ورکول کيږي چې سبا د روان کال د تلې د مياشتې په لومړۍ نيټه د سه شنبې په ورځ د سهار په څلورو بجو د عيدګاه جامع جومات ته حاضر شي چې واکسين يې تطبيق او د حرمين شريفين په لور په ټاکلو الوتنوکې تنظيم شي.
له حاجيانو څخه غوښتنه کيږي چې خپل نوبت رعايت کړي او په الوتنوکې د بې نظمۍ سبب نه شي. له دې پرته به مسووليت د دوى په غاړه وي .
د عيدګاه جامع جومات ته د بدرګه کوونکو په نامه د نورو اشخاصو ننوتل منع دي.
د يادونې وړ ده چې حاجيان دې بايدخپل بانکي آويزونه له ځان سره ولري.

کابل – باختر د وږي دمياشتې ٣١
د ميدان وردګو ولايت په مربوطاتوکې د وسله والو طالبانو او د حزب اسلامي د افرادو ترمنځ نښته کې د حزب اسلامي اته تنه افراد ووژل شول.
د ميدان وردګو د والي ويندوى عطاالله خوږياڼي د باختر آژانس خبريال ته وويل چې د وسله والوطالبانو او د حزب اسلامي د افرادو ترمنځ دغه جګړه تيره شپه د نرخ د ولسوالۍ په مربوطاتوکې د عيده خيلو په ساحه کې ونښته چې له امله يې د شمس الله په نامه د حزب اسلامي يو قوماندان ټپي او د حزب اسلامي اته تنه افراد ووژل شول.

کابل – باختر د وږي دمياشتې ٣١
دپاکستان اردو نن د آى ،اس ،آى په نامه ددغه هيواد استخباراتو د سازمان د نوى رييس په توګه د رضوان اختر د انتصاب خبر ورکړ.
دپاکستان د اردو ويندوى عاصم باجوا په يوه تولنيز سايت کې اعلام وکړ چې رضوان اختر د دغه هيواد د استخباراتو  د ادارې د نوى رييس په توګه منصوب شوى دى .
د پاکستان د استخباراتو د ادارې رياست له ٢٠١٢ ميلادي کال راپه دې خو د ظهير الاسلام په غاړه و.
ټاکل شوې ده دى د تلې د مياشتې په اتمه نيټه تقاعد شي .
د همدې خبرله مخې: هغه څوک چې دپاکستان د استخباراتو د ادارې رياست ته منصوبيږي؛ بايد د اردو غړى او د لوى درستيز د اعتماد وړ وي.