20 February 2019

RSS Facebook

سوداگریز


تازه خبرونه

 دفرهنګي دملي پاليسي مسوده  نظر غوښتنې ته وړاندې شوه .

دفرهنګي دملي پاليسي مسوده نظر غوښتنې ته وړاندې شوه .

-کابل باختر دسلواغې ديرشمه : دهېواد د فرهنګي ملي پاليسي...

 دبهرنيو چارو وزارت سياسي معين  دترکيې له سفير سره وکتل .

دبهرنيو چارو وزارت سياسي معين دترکيې له سفير سره وکتل .

کابل باختر دسلواغې ديرشمه : دهېواد دبهرينو چارو وزارت...

Youtube Player

khantry design

سوداگریز

سوداگریز

کابل باختر دوږي  نولسمه :
دوه تنه ځانمرګي يرغلګر هدف ته له رسيدومخکې د قندهار ولايت په پنجوايي ولسوالۍ کې دپوليسو له خوا وځپل شول.
دقندهار د والي ويندوى جاويدفيصل باخترآژانس ته وويل: دغه دوه تنه ځانمرګي يرغلګر دپوليسو له  يونيفورم څخه په دې بريالي شوي و چې د پنجوايي ولسوالۍ  د مقر انګړ ته ننوځي چې په ولسوالۍ کې په کارکوونکو بريد وکړي؛ خو دپوليسو له خوا وپيژندل شول او له پيښووغورځول شول.
خبرځاى زياته کړه چې پوليسو د ولسوالۍ له مقر څخه بهر په يو کرولا موټرکې بار چاوديدونکي توکي هم شنډکړي دي.

کابل باختر دوږي  نولسمه :

 په لغمان ولايت کې د ذوالفقار-١٠ په نامه عمليات پاى ته ورسيدل.

په دغو عملياتوکې لس تنه وسله وال طالبان ووژل شول او يو شمېر نور يې ټپيان شول .

 دلغمان د واالي ويندوى سرحدي ځواک باخترآژانس ته وويل: دغه عمليات د افغان ګډو ځواکونو له پرون سهارپيل او نن سهار پاى ته ورسيدل چې له امله يې لس تنه وسله وال طالبان ووژل شول او يو شمېرنور يې ټپيان شول چې دقيق شمېر يې تراوسه پورې معلوم نه دى .

 دځواک دڅرګندونو له مخې: دغه عمليات دلغمان ولايت په قرغيو ولسوالۍ پورې اړوند دکابل _ جلال آباد لوى لارې ته څيرمه د تورغر، لمي درې، چينو تاڼي  د شهيدانوکلي او دسنګ کلمه په ساحوکې ترسره شول چې له امله يې دغه ساحې په بشپړه توګه دطالبانو له شتون څخه پاکې شوې. 

 دځواک دڅرګندونو له مخې: ددغو عملياتو په بهيرکې د دښمن يوه اندازه جنګي وسايل هم د امنيتي ځواکونو لاس ته ورغلي دي. 

کابل باختر دوږي  نولسمه :
افغان امنيتي ځواکونو په تيرو څليرويشتو ساعتوکې د هيواد په ځينو ولايتونوکې يو لړ چاڼيز عمليات ترسره کړل چې په بهيرکې يې پنځه ويشت تنه وسله وال مخالفين ووژل شول.
دکورنيو چارو وزارت مطبوعاتي دفتر باخترآژانس ته خبر ورکړ: دغه عمليات د افغان امنيتي ځواکونو او د نړيوالو قوتونو له خوا د بدخشان، کاپيسا او د قندهار د ولايتونوپه مربوطاتو ترسره شول چې له امله يې پنځه ويشت تنه وسله وال طالبان ووژل شول، اته تنه يې ټپيان او اته تنه نوريې ونيول شول .
ديوبل خبر له مخې: ملي پوليسو پرون دننګرهار او فارياب د ولايتونو په مربوطاتو کې د امنيتي ګزمې په بهيرکې د وسله وال طالبانو له خوا درې ښخ کړاى شوي ماينونه کشف او شنډکړي دي .

کابل باختر دوږي  نولسمه :
په هلمند ولايت کې نن سهار د يوې چاودنې له امله پنځه تنه ملکي وګړي ټپيان شول .
دهلمند ولايت ويندوى عمر ځواک باخترآژانس ته وويل: په يو موټرسايکل کې دځاى پرځاى شوي چاوديدونکي توکي د لښکرګاه ښار په بولان ساحه کې  وچاوديدل چې له امله يې پنځه تنه ملکي وګړي ټپيان شول .
  ځواک وويل: د ډار اچوونکو هدف په ساحه کې د پوليسو په ځواکونو بريد و؛ خو دغو ځواکونوته زيان نه دى اوښتى.

کابل باختر دوږي  نولسمه :
شپږ تنه وسله وال طالبان  تيره شپه په فراه ولايت کې ووژل  شول .
په فراه ولايت کې دملي اردوددويمې پلي لوا د دفتر ويندوى محمد حنيف رضايي  باخترآژانس ته وويل: طالبانو دفراه ولايت دمرکز شمال ګاه په کلي کې د ملي اردو دځواکونو په پوستو بريدونه وکړل چې د نښتې په بهيرکې شپږ تنه  وسله وال طالبان ووژل شول.
د رضايي دڅرګندونو له مخې: د دغې نښتې په بهيرکې د طالبانوشيږ کلاشينکوفونه هم دملي اردودځواکونو لاس ته ورغلي دي .
په دې نښته کې دملي اردو ځواکونو ته زيان نه دى اوښتى.

کابل باختر دوږي  نولسمه :
دبدخشان ولايت په زيباک ولسوالۍ کې تېره شپه د سيلاوونو د راوتلو له امله د استوګنې په لسګونو کورونه ويجاړ شول.
د زيباک ولسوال مير احمد شاه زيغم باخترآژانس ته وويل: دغو سيلاوونو د زيباک ولسوالۍ د مرکز او د څوکليو ترمنځ مواصلاتي لارې ويجاړې کړې دي.
د زيباک ولسوال وايي: د آقاخان په ټولنې پورې اړوند د فوکس د دفتر او د نورو مرستندويومرکزونو استازي په پښو د پيښې سيمې ته رسيدلي دي .
ويل کيږي تراوسه پورې د دغې پيښې له امله د سر د زيان د دقيق شمېر او مالي زيانونو په باب خبر نه دى ترلاسه شوى.
  جزئيات وروسته خپريږي .

کابل باختر دوږي  نولسمه :
دفارياب ولايت په المار ولسوالۍ کې د امنيتي ځواکونو دچاڼيزو عملياتو په بهير کې درې تنه وسله وال طالبان ووژل شول او درې کلي د طالبانوله شتون څخه پاک شول .
دغه عمليات درې ورځې مخکې دملي اردو، ملي پوليسو او د سيمه ييزو پوليسو دځواکونو له خوا په دغې ولسوالۍ کې ترسره شول .
د٢٠٩ شاهين قول اردو د لومړۍ لوا مطبوعاتي مسوول جګړن رضارضايي باخترآژانس ته وويل: ددغو عملياتو په بهيرکې د قره غولي، توربت او بادغيس کلي د طالبانو له شتون څخه پاک شول او دطالبانو د يو سرګروپ ملانور احمد په ګډون درې تنه طالبان ووژل شول .
رضايي زياته کړه: دطالبانو درې کلاشينکوفونه، درې موټرسايکلونه، پنځوس کيلوګرامه چاوديدونکي توکي او دوسايطو ضد شپږ ماينونه هم دامنيتي ځواکونو لاس ته ورغلي دي.
د يادونې وړ ده چې ددغو عملياتو په بهيرکې ملکي وګړو او امنيتي ځواکونو ته زيان نه دى اوښتى.

کابل – باختر د وږي دمياشتې ١٨

دحج   او اوقافو وزارت خبرتيا

دکابل ښار هغو حاجيانو ته چې  شميري يې له  ٧٠١ څخه تر ٩٥٠ پورې دي خبرورکول کيږي چې سبا دسنه شنبې په ورځ دروان کال  دوږي دمياشتې په نوولسمه نيټه له غرمي  وروسته په دوو بجو دعيدګاه جامع جومات ته  تشريف راوړي  چې واکسين يې تطبيق  او دحرمين شريفين  په لور په ټاکلي الوتنه کې تنظيم شي .
له حاجيانو څخه غوښتنه کيږي چې خپل نوبت رعايت  او خپل بانکي آويز له ځان سره ولري او په  الوتنو کې دبينظمي سبب نه شي   له دې پرته مسووليت به ددوي په غاړه وي.
دکابل ولايت دشيعه حاجيانو الوتنې وروسته اعلاميږي.
د بدرګه  کوونکي په توګه دعيدګاه جامع جومات ته دنورو اشخاصو ننوتل منع دي

- کابل – باختر د وږي دمياشتې ١٨
داطلاعاتو او فرهنګ وزير ډاکتر سيد مخدوم  رهين  د يوې ليکلي معروضې په ترڅ کې د هيواد له جمهور رييس څخه غوښتنه کړې ده يو هيت وټاکې  چې د يو مليون ډالرو  داختلاس دتور د موضوع په باب چې څو تنو مغرضو افرادو په لاره اچولې ده ،تحقيق وکړي.
ډاکتر رهين زياته کړه ،  تراوسه پورې  دغه  پيسې موږ ته نه دي  رسيدلي او هغه پيسې موچى په تيرو لسو کلونو کې د آسيا دجنوب دټولنې دافغانستان له څانګې څخه  موږ ته رسيدلې دي له نيم مليونو ډالرو څخه لږې دي او په بشپر شفافيت سره لګول شوي دي .

Monday, 09 September 2013 04:30

د شهيد اوونۍ ونمانځل شوه

کابل باختردوږي دمياشتې ١٨ :
دسرحدی پولیسو مشرتابه هئیت،اومنسوبینو له خواد شهیدد اوونۍ اودملی اتل احمدشاه مسعوددشهادت په مناسبت د قران العظیم الشان ختم ترسره شو.

دکورنيو چارو وزارت مطبوعاتي دفتر باخترآژانس ته خبرورکړ:

د قرآن العظیم الشان دختم په مراسمو کې د سرحدی پولیسو لوی قوماندان
پوهنیار پاسوال گل نبی احمدزي د خپلو خبرو په لړ کې وویل:
د گران هیواد افغانستان په زرین تاریخ کې افغانونو د هریو یرغلگر په مقابل کې دخپلو سرونو په بدل کې  د خپل هیواد ، خلکو او ځمکنۍ بشپړتیا څخه په میړانه ساتنه کړې ده اوهغه څه چې نن مونږ افغانان د هغی خاوندان یو او په نړی کی د سرلوړی نوم اونښان درلودونکي  یو دا د دې خاورې د اتلو شهیدانو برکت دی .
په پای کې دشهیدانو پاک روح ته په دعا کولو سره ، شهیدانو ته د فردوس جنت او پاتی کورنیوته ئې دجمیل صبراو په هیواد کې دبشپړ امنیت ټینگښت اودسولې راوستلو غوښتنه وشوه.
همدا رازد شهید اوونۍ او د ملی قهرمان شهید احمد شاه مسعود د شهادت د ورځی لمانځنی په موخه د کابل ولایت د امنیه قوماندانۍ مشرتابه اومنسوبانو له لوري د قرآن عظیم الشان ختم وشو. هغه کې غونډه چی په همدې موخه د کابل په امنیه قوماندانۍ کې جوړه شوې وه ، ویناوالود هیواد ملی اتل اود هیواد د ټولوشهیدانودرناوي په ترڅ کې وویل چې د شهیدانود وینې له برکته نن زمونږد هیواد بیرغ په ټوله نړۍ کې رپیږي اوګران هیواد افغانستان د ترقی اوپراختیا په لور، روان دی.