22 October 2019

RSS Facebook

سوداگریز


تازه خبرونه

په ننګرهارکې زرګونو کليوالي خلکو ته د څښاک اوبو د برابرولو پروګرام پيل شو

کابل/ د تلې ٣٠مه/باختر په ننګرهارکې زرګونو کليوالي خلکو ته د...

درې تنه په هرات کې د وژنې په تور ونيول شول

کابل/ د تلې ٣٠مه/باختر د هرات پوليسو درې تنه د وژنې...

يوولس وسله وال طالبان په قندهارکې ووژل شول

کابل/ د تلې ٣٠مه/باختر يوولس وسله وال طالبان په قندهارکې په...

Youtube Player

khantry design

سوداگریز

سوداگریز

کابل باختر دثوردمياشتې ٢٧ :
دجمهوري رياست دانتخاباتو د دويم پړاو د رايې ورکولو مرکزونه زياتيږي .
دباخترآژانس دخبرله مخې :
د انتخاباتو د خپلواک کميسيون ويندوى نورمحمد نور نن رسنيو ته وويل :
د انتخاباتو د لومړي پړاو د تجربې په پام کې نيولو سره وپتيل شوه چې په ټول افغانستان کې د رايې ورکولو د مرکزونو شمېر زياتوالي ومومي .
ده زياته کړه: د رايې ورکولو د مرکزونو شمېربه څه ناڅه څلرويشتو زرو ته ورسيږي.
دجمهوري رياست د انتخاباتو په لومړي پړاوکې د رايې ورکولودمرکزونوشمېر د شلو زرو په شاوخواکې و چې رايې ورکوونکو او کميسيون ته يې زياتې ستونزې پيدا کړې وې .
دکورنيو چارو وزارت ويندوى صديق صديقي دباخترآژانس خبريال ته وويل: امنيتي ځواکونه بشپړ تيارى لري چې د رايې ورکولو د ټولو مرکزونو اوسيمو امنيت تامين کړي .

کابل- باختر دثور دمياشتې ٢٧
د دايکنډي پوليس ديوې ځوانې نجلۍ د وژنې د څرنګوالى په باب چې ويل کيږي ځان يې وژلى دى؛ تحقيق کوي .
دغه ځوانه نجلۍ چې د نيلي ښار اوسيدونکې وه؛ له هغه وروسته چې د هغې کورنۍ د دې دکاکا له  زوى سره د دې له واده سره مخالفت وکړ؛ د درملو په خوړولو سره يې ځان وواژه .دغه نجلۍ اتلس کلنه وه.
د دايکنډي د بشر دحقوقو دکميسيون دښځو دڅانګې مسوول حليمې بشردوست د باختر آژانس خبريال ته وويل: کله چې د دې دکاکا زوى خبر شو چې دغې نجلۍ د زهري موادو په خوړلو سره ځان وژلى دى؛ هغه هم د ځان وژنې هڅه وکړه چې اوس په روغتون کې تر درملنې لاندې دى او روغتيايي حالت يې خراب بلل شوى دى .
د دايکنډي د امنيې قوماندانۍ د امنيت آمر سمونوال محمد آصف شيرزي وويل چې په دې اړوند يې د نجلۍ ورور نيولى دى.

کابل- باختر دثور دمياشتې ٢٧
په تخار ولايت کې د سرحدي پوليسو په رنجر موټرکې د ځاى پرځاى شوي مقناطيسي ماين د چاودنې له امله يو ملکي وګړى شهيد او د دوو سرحدي پوليسو په ګډون څوارلس تنه نور ټپيان شول.
د تخار د والي ويندوى سنت الله تيموري د باختر آژانس خبريال ته وويل: دغه پيښه نن غرمه د خواجه بهاو الدين په سيمه ييز بازارکې رامنځته شوه چې په ټپيانوکې ښځې او ماشومان هم شته .

کابل- باختر دثور دمياشتې ٢٧
دهلمند ولايت په سلګونوتنو اوسيدونکو نن د پاکستاني پوځيانو د وروستيو تحرکاتو په غبرګون په لښکرګاه ښارکې مظاهرې وکړې.
مظاهره کوونکو د قندهار ولايت د معروف په ولسوالۍ کې د پاکستاني پوځيانو پرمختګ وغانده.
دوى د افغانستان له حکومت څخه وغوښتل چې ډير ژر د پاکستان د دغه کار ځواب ورکړي. له دې پرته د سيمې خلک به غبرګون وښيي.
تېره اوونۍ د قندهار مقاماتو خبرورکړ چې يو شمېر پاکستاني عسکر د ډيورند له کرښې څخه په تيريدو سره د افغانستان په خاوره کې پوستې او کنډکونه جوړکړي دي.
د را رسيدلو خپرونو له مخې: د معروف ولسوالۍ په مربوطاتوکې د دغو پوستو د جوړولو مخه نيول شوې ده.

کابل- باختر دثور دمياشتې ٢٧
په ميدان وردګو ولايت کې د طالبانو او حزب اسلامي د افرادو ترمنځ نوې نښته کې اووه تنه تروريستان ووژل شول.
په وژل شويوکسانوکې د وسله والو طالبانو دوه تنه سيمه ييز قوماندانان هم شامل دي .
لومړۍ جګړه د سيد آباد په ولسوالۍ کې د زکات په نامه له خلکو څخه د جزيې پيسو د ويشلو پرسر ونښته.
په دې نښته کې د وسله والو طالبانو يو سيمه ييز قوماندانان له دريو تنو نورو طالبانو سره ووژل شو.
دويمه جګړه تېره شپه ناوخته د نرخ ولسوالۍ بازارته څېرمه د پيسو د ويشلو پرسر ونښته.
دميدان وردګو د والي ويندوى عطاالله خوږياڼي دباختر آژانس خبريال ته وويل: په دې نښته کې د دوى د دوو قوماندانانو په ګډون اووه تنه طالبان او د ګلبدين په مشرۍ د حزب اسلامي غړي ووژل شول .
خوږيانى وايي: يوه ښځه چې د سيمې اوسيدونکې ده؛ په دې نښته کې ټپي شوې ده چې روغتيايي حالت يې خراب بلل شوى دى.
په ميدان وردګو او د افغانستان په نورو سيموکې د طالبانو او د حزب اسلامي د افرادو ترمنځ خونړۍ نښتې څو کلنه سابقه لري.
زياتره دغه نښتې د هغو پيسو د ويشلو پرسر رامنځته کيږي چې له خلکو څخه د زکات په نامه راټولوي.

کابل- باختر دثور دمياشتې ٢٧
دوه تنه ماين ښخوونکي طالبان له لسګونو جنګي وسايلو او له سلګونو کيلوګرامو چاوديدونکو توکو سره په ميدان وردګو ولايت کې ونيول شول.
په دغوکسانو تېره شپه کله چې د سيد آباد ولسوالۍ په تنګي دو آب سيمه کې په خپل پټنځاى کې د ماين په جوړولو بوخت وو؛ ملي اردو او پوليسو له خوا بريد وشو او ونيول شول.
د ميدان وردګو د والي ويندوى عطاالله خوږياڼي دباختر آژانس خبريال ته وويل: له دغوماين جوړونکوطالبانو څخه په لسګونو جنګي وسايل او په سلګونو کيلوګرامه چاوديدونکي توکى ترلاسه شوي دي .
په افغانستان کې طالبان زياتره په ګڼ ميشتو لاروکې د ماينونو په ښخولو لاس پورې کوي چې زياتره ملکي وګړي پکې قرباني کيږي.
دغه ډله چاوديدونکي توکي د ماينونو او دځانمرګو واسکټونو دجوړولو لپاره له پاکستان څخه افغانستان ته راوړي.

کابل باختر دثوردمياشتې ٢٧ :
د پوهنې وزيرنن دميدان وردګو ولايت په بېلابېلوسيموکې د ښوونځيو اتلس نوې عمراني پروژې پرانستلې.
د پوهنې وزارت مطبوعاتي دفتر باخترآژانس ته خبرورکړ:
د هېواد د پوهنې وزير فاروق وردګ د افغان _ ترک د دوستۍ ښوونځى چې  د جمهور رييس حامدکرزي په نامه نومول شوى دى او نوې جوړې شوې پروژې پرانستلې اوګټې اخيستنې ته يې وسپارلې .
د پوهنې وزير د حامدکرزي ليسه چې په دې وروستيو وختوکې د ترکيې دبيا جوړولودټيم له خوا ولايتي منسوبينو ته سپارل شوې ده؛ هغه يې ددغه ولايت د ښوونې او روزنې په برخه کې يو ستر برياليتوب وباله.
د حامدکرزي ليسه دترکيې د بيارغاونې د ټيم په ودانۍ کې ده چې د ليليې او د تدريسي چارو لپاره جلا جلا تاسيسات او ودانۍ  لري.
دغه تاسيسات د درې اعشاريه اتو مليونو امريکايي ډالرو په لګښت جوړشوي  دي چې د دوست هېواد ترکيې له  خوا ورکړاى شوي دي او ټول ضروري ملحقات په  کې په پام کې نيول شوي دي .
د پوهنې وزير دغه ليسه معياري او د دغه ولايت خلکو ته نمونه  وبلله .
دغه راز دپوهنې وزير فاروق وردګ د ښوونځيو اتلس ساختماني پرو ژې چې
نوې جوړې شوې دي او نږ دې درې سوه مليونه افغانۍ پرې لګيدلې دي؛ هم پرانستلې .
ددغو پروژو له  جملو څخه  اووه ښوونځي د بهسودو  په لومړۍ برخه کې، څلور ښوونځي په ميدان ښارکې، درې ښوونځي په سيدآباد ولسوالۍ کې  او يو  يوښوونځى د نرخ، جلريز او بهسودو په ولسوالۍ کې دي چې ساختماني چارې يې
په  ١٣٩٢ کال کې پاى ته رسيدلې دي.

کابل باختر دثوردمياشتې ٢٧ :
د پانګونې عالي کميسيون نن د سوداګرۍ  اوصنايعو د وزير او  د پانګونې د عالي  کميسيون د رييس محمدشاکرکارګر په مشرۍ غونډه وکړه .
دباخترآژانس دخبريال دخبرله مخې: په دې غونډه کې چې د پانګې اچونې د عالي کميسيون د غړو او د پانګې اچونې د عالي کميسيون د غړو او د ښار جوړولو  د چارو د وزير په  ګډون جوړه شوه؛ د بېلابېلو اقتصادي  مسئلو او د صنعتي پارکونو دپرمختياپه باب دخبرو په ترڅ کې دښار جوړولو دچارو وزارت په موافقه  د دلوې د٢٦مې په ښارګوټي کې د صنعتي پارک د جوړولو په لاره کې دصنايع سبز دشرکت  دنهو مليونوډالرو پانګونه تصويب شوه.
دغه راز د هغو شرکتونو د صادروشويوجوازليکونو د باطلولو په باب چې عملي فعاليت نه لري او يا له جواز ليکونو څخه يې ناوړه استفاده  کيږي؛ د وزيرانو شورا
له مصوبې سره پريکړه وشوه چې ددغو شرکتونو فعاليت وځنډول شي او له احصايې  څخه دې وايستل شي او فهرست يې ټولو ارګانونو ته وليږل شي او د بيافعاليت د غوښتنې په صورت کې دې دمالياتي وجيبو له تصفيې وروسته  بيا په احصائيه کې شامل شي .
د فارياب ولايت په اندخوى ښارکې د آيسا د ادارې د نمايندگۍ جوړول هغه نورې  موضوعګانې وې چې دکميسيون له خوا تائيدې او منظورې شوې .
دغه راز د پانګې اچونې د عالي کميسيون په ترکيب کې د ښارجوړولو دچارو  وزارت غړيتوب د کميسيون له خوا تائيد شو او پريکړه وشوه چې دکميسيون له خوا دې  د وروستۍ منظورۍ لپاره د پانګې اچونې له  قانون  سره سم جمهوري رياست ته  پيشنهاد شي .
سربېره پردې په دې غونډه کې دکميسيون له خوا د يوويشتو مليونو ډالرو په ټوله پانګونه دوه ستر شرکتونه منظور شول .

کابل باختر دثوردمياشتې ٢٧ :
لويې څارنوالۍ په پارلمان کې د خلکو په استازي الله ګل مجاهد پورې د اړوندو موضوعګانودڅيړنې په خاطر يو هيئت موظف کړى دى.
د لويې څارنوالۍ ويندوى بصير عزيزي نن د باخترآ ژانس خبريال سره ددغه ټکى په څرګندولوسره وويل: دغه هيئت مکلف دى دکابل دنوى ښار له پرانستلو وروسته په دغه ښارکې مظاهرو ته د سازمان ورکولو، د ده  او د ده د همکارانوله خوا د حاجي نوروز د وهلو او ډبولو، د ځمکې د غصب او د پخواني شوروي اتحاد د سفارت ترڅنگ د يوې قطعې ځمکې  دپلورنې  او د هغې د بيې په پيسو د مزو چړچوپه اړوند دوسيې د لويې څارنوالۍ او کابل ښاروالۍ له خوا وڅيړي.
د لويې څارنوالۍ ويندوى زياته کړه: لويه  څارنوالي دغه ادعا ردوي او څرګندوي
چې د پخواني شوروي اتحاد سفارت ته څېرمه هيڅ ځمکه نه ده پلورل شوې. که چيرې مجاهد غواړي په دې باب کوم سند ولري؛ وړاندې دې کړي. له دې پرته  له غير مسوولانه څرګندونو څخه دې ډډه وکړي.
په همدې حال کې د لويې څارنوالۍ ادارې دتحقيق په بهيرکې دشفافيت په خاطر له مشرانو جرګې څخه غوښتي دي چې يو شخص دې د استازى په توګه دهيئت ترڅنګ موظف او معرفي کړي .
د لويې څارنوالۍ د ويندوى دڅرګندونوله مخې: تراوسه پورې مجاهد ددغې ادارې
له لارې څلور ځلې جلب شوى دى، خو دى نه دى حاضر شوى .
ده د ولسي جرګې له رييس او اداري هيئت څخه وغوښتل چې دقانون دتنفيذ دمرجع د حکم د تطبيق په خاطر دې هغه د ځواب ورکولو په خاطر لويې څارنوالۍ ته معرفي کړي.

کابل باختر دثوردمياشتې ٢٧ :
په افغانستان  کې د ملګروملتو دسازمان د سياسي دفتر ( يوناما ) په منځګړيتوب
په نورستان ولايت کې د دوو قبيلو ترمنځ دښمني پاى ته ورسيده.
دکشتوزر  او کامديش په نامه قبيلو له نږدې سلو کلونو را په دې خوا د خپلو پولو د ويش پرسر دښمني لرله او نښتې يې کړې دي.
د را رسيدلو خبرونوله مخې: ددغو دښمنيو په بهيرکې له دواړو لورو څخه څه ناڅه
سلو ته مرګ ژوبله اوښتې ده .
ددغو دوو سترو قبيلو مشرانو د ملګروملتو د سازمان د سياسي دفتر د استازو او
د نورستان د عالمانو او مشرانو په وړاندې ژمنه وکړه چې نور له جګړې او نښتې څخه ډډه کوي .
دکشتوزر  د سيمي اوسيدونکى  حاجي احمد چې د څه دپاسه ٩٠ کلن دى؛ دباختر
آژانس خبريال ته وويل چې د دغې دښمني په بهيرکې له دواړو لورو څخه لسګونو
تنو ته مرګ ژوبله اوښتې ده .
ده چې ددغو شخړو په بهيرکې خپل لمسى له لاسه ورکړى دى؛ وايي چې ددغې
دښمنۍ له امله  په لسګونو کورنۍ د دښمنۍ او نښتې له ويرې تښتيدلې دي.
په هغې غونډه چې ديونامانا له  خوا په جلال آباد ښارکې جوړه شوې وه؛ دسيمه ييزو مسوولينو او دملګروملتو سازمان ددغه سياسي دفتر استازي د يو پريکړه ليک په برابرولو سره دنورستان دکشتوزر اوکامديش دقبيلو له مشرانو څخه وغوښتل چې ددغه پريکړه ليک له مادو په رعايتولو سره دې خپلې شخړې او جګړې پاى ته ورسوي.
په دې غونډه کې پريکړه وشوه چې ترڅو مياشتو پورې دې د ملګروملتو د سازمان
د سياسي دفتر د نماينده ګۍ په  منځګړيتوب  د دغو  دوو قبيلو د مشرانو ترمنځ
وروستۍ  غونډه جوړه شي چې  دغه  جګړې د تل لپاره پاى ته ورسول شي او  دواړه
قبيلې له  دې وروسته ځان خوندي احساس کړي .
د نورستان د ولايتي شورا رييس عنايت الله مذهب يار د دواړو ښکيلو لورو مسوولينوته وويل  چې ددايمې سولې دټينګښت لپاره دې خپلې ژمنې عملي کړي.
په نورستان کې د کشتوزر او کامديش د قبيلو ترمنځ شخړه د١٣٠٠ کال په  لومړيو وختوکې د پولې دټاکنې پرسر پيل شوې او په ١٣١٠ کال کې يې زور   واخيست. ترهغه ځايه چې دواړو لورو په جګړو لاس پورې کړ او له امله يې لسګونو  تنو ته  مرګ ژوبله واوښته .
ددغو شخړو او جګړو په کلونوکې په دغو قبيلوکې په لسګونو بڼونه او پراخ ځنګلونه له منځه لاړل اوپه لسګونوکورنۍ له خپلو کورونو اوټاټوبوڅخه تيښتې ته اړې شوې.