22 January 2020

RSS Facebook

سوداگریز


تازه خبرونه

د ملي موزيم د نوې ودانۍ د ډيزاين د پرمختيا قرارداد لاسليک شو

کابل/ دسلواغې لومړۍ/ باختر د اطلاعاتو او فرهنګ وزارت د سرپرستې...

د ټوليزو رسنيو دپاليسۍ د مسودې په اړوند د نظرغوښتنې، مشورتي غونډه جوړه شوه

کابل/ دسلواغې لومړۍ/ باختر د اطلاعاتو او فرهنګ وزارت د سرپرستې...

د فارياب د کوهستاناتو مواصلاتي لاره پرانيستل کېږي

د فارياب د کوهستاناتو مواصلاتي لاره پرانيستل کېږي

کابل/ دسلواغې لومړۍ/ باختر د فارياب له مرکز سره د کوهستاناتو...

Youtube Player

khantry design

سوداگریز

سوداگریز

واشنګتن نيوزنو – باختر د وږي دمياشتې  ٧
د امريکا جمهور رييس بارک اوباما د دغه هيواد يو سابقه لرونکى ډيپلومات چې پخوا هم په کابل کې کاري تجربه لري؛ په افغانستان کې د امريکا د سفير په توګه ټاکلى دى.
سپينې ماڼۍ څرګندوي چې مايکل مکينلي د جمهور رييس اوباما له خوا په افغانستان کې د دغه هيواد د سفير په توګه انتخاب دى.
مکينلي به د جميز کننګهم ځاى ونيسي چې له ٢٠١٢ کال څخه راپه دې خوا په کابل کې د امريکا سفير دى.
مکينلي اوس په افغانستان کې د امريکا د سفير مرستيال دى . په ٢٠١٣ کال کې په افغانستان کې د امريکا سفارت ته له تلو مخکې مکينلي په کولمبيا او پيروکې د امريکا سفير و.

کابل – باختر د وږي دمياشتې  ٧
د نايجريا په مرکزکې د فولاني د قبيلې د شپنو او د ايګون د قبيلې د بزګرانو ترمنځ د قبايلي نښتو له امله ٦٠ تنه ووژل شول.
دکويټ د الان د خبري شبکې د خبرله مخې: دغه جګړه هغه وخت ونښته چې د آيګون د قبيلې بزګرانو د فولاني د قبيلې په يو شمېر شپنو د خپلو څارويو د غلا تور ولګاوه.
د ناسارا وا ايالت د پوليسو ويندوى وويل: زياتره کسان د چړو په ګوزارونو سره وژل شوي دي .
په روان ميلادي کال کې د فولاني شپنو او په دغه سيمه کې د نويو ځاى پرځاى شويو ډلو ترمنځ زياتې نښتې شوې دي چې ټول يې د کرنيزو ځمکو پرسر وې.

دکويټې ښار دان – باختر د وږي دمياشتې  ٧
د بلوچستان ايالت په مرکز کويټې ښارکې د ناپيژندل شويو يرغلګرو د بريد له امله نن سهار د يوه ورځپاڼه ليکوونکي په ګډون د رسنيو درې تنه مسوولين ووژل شول.
د کويټې ښار د پوليسو يوه افسر هاشم شاه له خبريالانو سره په خبرو کې وويل چې يرغلګرو د آنلاين د سيمه ييز خبري آژانس په دفتر په بريد سره ډزې وکړې چې له امله يې د رسنيو درې تنه مسوولين ووژل شول او يرغلګرو د موټر سايکلونو په واسطه له سيمې څخه وتښتيدل.
پوليسو په دې باندې په ټينګار سره چې دغه جنايت يو هدفمند او ترورستي وژنه ښکاري؛ څرګنده کړه چې تراوسه پورې ددغه بريد مسووليت چا په غاړه نه دى اخستى.
د خبرونو له مخې: په پاکستان کې زيات خبريالان په بلوچستان ايالت او د پاکستان د شمال لويديځ په قبايلي سيموکې د امنيتي انديښنو له امله خپلې دندې خوشې کړې دي او په نورو سيموکې ژوند او فعاليت کوي.

کابل – باختر د وږي دمياشتې  ٧
دکابل پوليس د نورستان ولايت د يو قومي مخور د وژلو د څرنګوالي په باب تحقيق کوي.
د باختر آژانس دخبرله مخې: د نورستان ولايت په سيمه ييز مخور مولوي عبدالحليم تېرماښام کله چې د کابل په قول آب چکان کې د عبدالوکيل له جامع جومات څخه خپل کورته روان و؛ بريد وشو او ووژل شو.
ويل شوي دي چې مولوي عبدالحليم د نورستان ولايت د سولې د شورا رييس و.
د کابل د پوليسو يوه خبرځاى دغه پيښه تاييدکړه او ويې ويل: د پيښې عامل نيول شوى دى.
دغه خبرځاى وايي: تحقيقات ښيي چې دغه پيښه د شخصي دښمنيو زيږنده ده.
په دې باب زياتې څرګندونې نه دې شوي.

طرابلس نيوزنو – باختر د وږي دمياشتې  ٧
د عبدالله الثني په مشرۍ دليبيا موقت حکومت خپله استعفا ددغه هيواد د استازو مجلس ته وسپارله.
د فرانسې د خبري آژانس د خبرله مخې:
د الثني حکومت د استعفا په اړوند په يوه ويناکې هيله کړې ده چې پارلمان په هيوادکې د يواځينۍ واکمن مرجع په توګه نوى حکومت چې د ليبيا د ټولو خلکو استازيتوب وکړي؛ جوړ کړي .
په دې ويناکې دغه راز د اسلامپالو د موازي دولت جوړيدل غندل شوي دي .
د ليبيا موقت حکومت او نوى مجلس د دغه هيواد د مليشو د بريدونو له ويرې چې د طرابلس کنترول په واک کې لري؛ د ليبيا په ختيځ کې ځاى پرځاى شوي دي.
د موقت حکومت د استعفا خبر په داسې حال کې اعلاميږي چې څو ورځې مخکې د ليبيا د ملي کنګرې په نامه د دغه هيواد پخوانى مجلس د ليبيا اسلامپال شخصيت عمر الحاسي د ژغورنې د حکومت په جوړولو مامورکړى و.

اسلام آباد دان – باختر د وږي دمياشتې  ٧
د پاکستان د اردو قوماندان جنرال راحيل شريف په دغه هيوادکې د سيالو سياسي ډلو ترمنځ د مداخلې غوښتنه کړې ده .
باختر آژانس د پاکستان د ډان د ورځپاڼې له خولې خبر راکړ چې د عمران خان په مشرۍ د تحريک انصاف او د طاهر القادري په مشرۍ د عوامي تحريک دوه ګوندونه چې د پاکستان د صدراعظم نواز شريف د استفا غوښتنه کوي؛ په اسلام آباد کې سترې اعتراضي غونډې جوړې کړې دي.
قادري ويلي دي چې د پاکستان د اردو قوماندان د حکومت له مخالفينو څخه څلرويشت ساعته وخت غوښتي دي چې د حکومت او مخالفينو ترمنځ منځګړيتوب وکړي.
جنرال راحيل شريف مخکې له نواز شريف سره کتلى و.
د تحريک انصاف او عوامي تحريک مشران وايي: د تېرکال په انتخاباتوکې چې د نواز شريف د صدراعظمى سبب شو؛ پراخې درغلي شوي دى.
طاهر القادري دغه راز د څوارلسو مظاهره کوونکو د وژلو په دليل چې په لاهورکې ووژل شول؛ د نواز شريف پرخلاف د قضايي تعقيب غوښتنه هم کړې ده.
دپاکستان د دفاع وزير خواجه محمد آصف ويلي دي چې د اساسي قانون په چوکاټ کې د نظاميانو له خوا د قانوني رول ترسره کول بايد په مثبت نظر سره وڅيړل شي.
د پاکستان په اسلام آبادکې دحکومت پرخلاف اعتراضونه تراوسه پورې سوله ييز و.

بغداد دويچې ويلې – باختر د وږي دمياشتې  ٧
د عراق په شمال کې د اسلامي دولت د ډلې پرخلاف د کردانو له نويو بريدونو وروسته دغه ډله د تيلو څو څاګانې سوځولې او په سوريې کې هم څه د پاسه ١٦٠ تنه عسکر وژلي دي .
د اسلامي دولت د ډلې ځواکونه او کردي ځواکونه د يوبل پرخلاف د جګړې په حال کې دي.
د رسنيو د خبرونو له مخې: داسلامي دولت مليشې ترخپل کنترول لاندې سيموکې تيل پلوري او څو ځلې يې هلې ځلې کړې دي چې د عراق د (بيجي) د تيلو چڼځاى ونيسي.
د المدي نيوز د خبرله مخې: کردي ځواکونو پرون سهار د داعش د ډلې پرخلاف بريدونه پيل کړل چې د عراق او امريکا جنګي الوتکو هم د کردانو ملاتړکوي.

دمشق دويچې ويلې – باختر د وږي دمياشتې  ٧
د داعش ډله د سوريې په جنوب د جولان په لوړو سيموکې د ملګرو ملتو سازمان درې څلويښت تنه سوله ساتي سرتيري يرغمل نيولي دي.
په نيويارک کې د ملګرو ملتو سازمان په دې باب د عربي رسنيو رپوټونه تاييد کري دي او د دغو سرتيرو د خوشې کولو لپاره يې هلې ځلې پيل کړې دي .
د ياغيانو يوه ويندوى وويل چې د سوريې د رژيم مخالفو ځواکونو له بمباريو سره سره خپل سنګرونه ساتلي دي .

کابل – باختر د وږي دمياشتې  ٧
اووه ويشت تنه پاکستانيان په دې وروستيوکې د هيواد په يوې سرحدي سيمه کې د کورنيو چارو وزارت د سرحدي ځواکونو له خوا ونيول شول.
د کورنيو چارو وزارت مطبوعاتي دفتر باختر آژانس ته خبر ورکړ: په دې وروستيو کې د هيواد په يوې سرحدي سيمه کې د تروريستانو د سپرلۍ څلور موټرونه د سرحدي ځواکونو له ډزو سره مخامخ شول چې له امله يې ٢٧ تنه پاکستانيان چې يو شميريې پوځيان دي او جنګي وسايل يې هم لرل؛ ونيول شول .
دغه کسان چې د پولې د اخوا په يوې ژبې خبرې کوي؛ له هغوى څخه يوه اندازه وسله، پوځي وسايط، د پاکستان د پوځي ادارې د هويت کارتونه، د تروريستي شبکې د هويت کارتونه او پاکستاني پاسپورتونه هم ترلاسه شوي دي.

اسلام آباد بي بي سي – باختر د وږي دمياشتې  ٧
سيمه ييزو خبرځايونو خبر ورکړ چې د جيش النصر د ډلې مشر عبدالرئوف ريګي د بلوڅو د نورو مليشه ډلو د اختلافونوله امله په پاکستان کې ووژل شو.
خبري منابع ددغه خبر په باب ضد او نقيض جزييات خپاره کړي دي .
د ايران خبري آژانسونو د جيش النصر د ډلې د مشر عبدالرئوف ريګي او د ده خوريى ابوبکر ريګې وژل چې د پاکستان د بلوچستان ايالت په البندين ښارکې ووژل شو؛ له سيالې ډلې سره د حساب تصفيه کول بللي دي.
خو عربي خبرځايونو په جيش النصرکې د خبرځايونو له خولې وايي چې د دغې ډلې مشر په کويټې ښارکې د ايراني ځواکونو له خوا ترور شوى دى .
عبدالرئوف ريګي درې مياشتې مخکې د جيش العدل له ډلې څخه په جلا کيدو سره د جيش النصر د ډلې په چوکاټ کې د ايران پرخلاف خپل وسله وال فعاليتونه پيل کړل.