12 August 2020

RSS Facebook

سوداگریز


تازه خبرونه

په هرات کې ۲۵۰ کورنیوته د څښاک اوبه برابرې شوې

-هرات د زمري ۲۱ باختر د هرات د کرخ ولسوالۍ په...

جمهورريیس غني د افغانستان دولت مذاکره کوونکي پلاوي سره وکتل

جمهورريیس غني د افغانستان دولت مذاکره کوونکي پلاوي سره وکتل

-کابل / د زمري ٢١مه/ باختر د افغانستان د اسلامي جمهوریت...

Youtube Player

khantry design

سوداگریز

سوداگریز

رياض \ ايرنا\  باختر دمرغومي دمياشتې ٢٦ :
دسعودي عربستان حکومت په عراق کې دداعش دډلې له ترکنترول لاندې سيمو څخه ددغه هېواد دشمالي سيمو  دجلاکولو په مقصد  يو ستر ديوال جوړوي.
دغه ديوال به  څه ناڅه زر کيلومتره اوږدوالى  ولري ا ود جوړولو کار يې پيل شوى دى .
دايران دولتي خبري آژانس د آسيانيوز دخبري شبکې له خولې خبر راکړ :
چې ددغه ديوال د جوړولو  طرحه په  ٢٠٠٦ ميلادي کال کې رامنځته شوې  وه  او د جوړولو کار يې   د وږي په مياشت  ، دعراق  دشمال  او په  ځينو لويديځو سيمو دداعش دډلې  له واکمنۍ وروسته  پيل شوى دى .
د همدې خبرله مخې  : ددغه ديوال په  جوړولو کې   په  رادارو  او د شپې له  خوا   دکتنې په دوربينونو سمبال دڅارنې  او دکنترول  برجونه په پام کې نيول شوي دي  .
دسعودي عربستان  حکومت  مخکې له دې  له يمن سره  په خپله پوله کې  يو بل ستر ديوال  چې اوږدوالى يې له زرو کيلومترو څخه زيات دى   جوړ کړى دى.
دهمدې خبرله مخې : دداعش دډلې يوشمېر تروريستانو څه موده مخکې دعراق  دالانبار ولايت ته څيرمه دسعودي عربستان د سرحدي ګارد له ځواکونوسره   جګړه وکړه  چې له امله يې درې تنه سعودي عسکر  او څلور تنه  تروريستان ووژل شول.

توکيو \ دکويټ خبري آژانس \   باختر دمرغومي دمياشتې ٢٦ :
دجاپان صدراعظم( شين زو آبه )  دمنځني ختيځ  هېوادونو ته  دشپږ ورځني سفر
لپاره نن سهار دمصر پايتخت  قاهرې ښار ته روان شو.
ټاکل شوې ده د جاپان صدراعظم  اردن ، فلسطين   او اسرائيلو ته هم سفر وکړي  او دحالاتو دثبات  او د دوه اړخيزو اړيکو  دپياوړتيا په باب ددغو هېوادونوله مشرانو سره خبرې اترې وکړي.
دجاپان صدراعظم به  دشنبې په ورځ  دمصر له جمهور رييس  عبدالفتاح السيسي  اودشنبې په ورځ  د اردن  له مامورينو سره خبرې اترې وکړي.
دجاپان له صدراعظم سره په دې سفر کې  دپنځوسو شرکتونو  دمشرانو يو هيئت   ملګري دي  او دمنځني ختيځ  له هېوادونو سره  دجاپان داقتصادي اړيکو دپراختيا غوښتنه کوي .
ديوبل خبرله مخې : دجاپان دبهرنيو چارو وزير ((  فوميوکيشيدا)) هم هندوستان  او څو اروپايي هېوادونو ته داته ورځني سفر لپاره نن سهار دهند پايتخت  دنوي ډيلي ښار ته  سفر وکړ.
دى به په دې سفر کې  دهند له صدراعظم (( نارندا مودي))  او ددغه هېواد دبهرنيو  چارو له وزير  سره   داقتصادي او تجارتي همکاريو دپياوړتيا په باب  خبرې اترې وکړي .

کابل باختر دمرغومي دمياشتې ٢٦ :
په بغلان ولايت کې  دملکي وګړو دسپرلۍ په موټر  دوسله والو طالبانو دبريد له امله يو تن ووژل شو او  دوه تنه نور ټپيان شول.
دغه پيښه  نن سهار  دمرکزي بغلان ولسوالۍ  دچارشنبې تيپې په ساحه  کې هغه وخت رامنځته شوه چې  يوې ډلې يرغلګرو  په دغو ملکي وګړو ډزې وکړې.
دبغلان ولايت دامن او عامه نظم دکنډک  قوماندان برهان الدين زاهد دباخترآژانس  خبريال ته وويل  چې دطالبانو په دې بريد کې يو ملکي وګړى ووژل شو  اوديوې ښځې په ګډون  دوه تنه نور  ټپيان شول.
دغه امنيتي مقام وايي : دغه ملکي وګړي په خپل موټر کې روان وو  چې ديرغلګرو له خوا  پرې ډزې وشوې .
درارسيدلو خبرونوله مخې  د دغو ډزو  په بهېرکې طالبانو غوښتل  د دغه موټر سپرلۍ له ځانه سره يوسي   خو دامنيتي  ځواکونو په رسيدوسره  په دې کار بريالي نه شول.
ويل کيږي  له دغو يرغلګرو سره  دامنيتي ځواکونو دنښتې په بهيرکې دوه تنه يرغلګر ټپيان شول   او له ساحې څخه تيښتې  ته اړ شول.
دبغلان دعامې روغتيارياست يو مسوول  ډاکتر شاه محمد هوفياني وايي  چې ټپيان  له درملنې وروسته  له روغتون څخه رخصت شول.
په همدې حال کې  د بغلان امنيتي مسوولين  وسله وال طالبان ددغه  خونړي بريد مسوول بولي او وايي  چې ددغې پيښې دعاملينو دپيژندلو اونيولو لپاره  هلې ځلې پيل شوې دي.
وسله والو طالبانو تراوسه پورې په دې باب نظر نه دى څرګند کړى .
دوه  اوونۍ مخکې هم   په همدې ساحه کې يوې ډلې يرغلګرو طالبانو په ملکي وګړو ډزې وکړې  چې له امله يې  اوو   تنو ته مرګ ژوبله واوښته .

پيکينګ \ ايرنا \  باختر دمرغومي دمياشتې ٢٦ :
دچين  حکومت اعلام وکړ چې له تروريستي ډلوسره دمقابلې په لاره کې   له ټولو هېوادونو سره  همکاري ته   چمتو دى .
په تيرو شلو مياشتو کې د چين په سينکيانگ ولايت کې دتاوتريخوالو  او تروريستي بريدونوله امله څه ناڅه څلور سوه تنه ووژل شول او دچين   حکومت  دغه تروريستي تحرکات   دختيځ ترکستان   دبيلتون غوښتونکو ډلو  کار بولي .
دچين دبهرنيو  چارو دوزارت وياند هونګ لي دپنجشنبې په ورځ خبريالانو ته وويل  چې چين  د ختيځ ترکستان د بيلتون غوښتونکو ډلو پرخلاف دمبارزې په لاره کې له نورو هېوادونوسره دتروريزم ضد همکاريو   دپراخيتا غوښتنه کوي.
دچين دبهرنيو چارو  وزارت  د وياند دغه څرګندونې  له هغه وروسته کيږي  چې ددغه هېواد امنيتي مامورينو  دمرغومي دمياشتې  په ٢٣نيټه لس تنه  ترکي اتباع  دپاسپورت دجعل  او دتروريستي بريدونو له مشکوکو  کسانو سره دمرستې په تور په سينکيانګ ولايت کې  ونيول .
دغه ويندوى وويل چې اوس  دسينکيانګ ولايت  دتروريستانو اوپه تيره بيا دختيځ  ترکستان  د ډلې  د تروريستانو له ګواښونو سره  مخامخ دى  او دغه  ګواښونه  نه يوازې   دچين امنيت  اوثبات ته  متوجه دى  بلکې  دنړيوالې ټولنې  سولې او ثبات ته يې هم زيان اړولى دى .
هونګ لي څرګنده کړه چې  له هرې ممکنې لارې له تروريزم سره مقابله  دنړيوالې ټولنې  ګډه  دنده ده  او ټول هېوادونه دې بايد  له دغې پديدې سره   دمبارزې په  خاطر جدي مشارکت ولري .

بغداد\ ايرنا \  باختر دمرغومي دمياشتې ٢٦ :
دعراق  د( الفراد) دعملياتو قوماندان قيس المحمدآوي اعلام وکړ  چې  دالانبار  له ولايت څخه  د کربلا ولايت ته دوسله والو افرادو دنفوذ دمخنيوي په مقصد ددغو  ولايتونو ترمنځ خندق  کيندل کيږي  او نظارتي برجونه  جوړيږي .
د (آرم) نيوز دخبري سايت  دخبرله مخې :  جنرال قيس المحمدآوي  چې دعراق  دجنوبي او ختيځو  ښارونو دامنيت دتامينولو مسووليت په  غاړه لري  وويل  چې پوځي او امنيتي ځواکونو په کربلا ښارکې  ددغه ولايت دشمالي پولو دامنيت دتامينولو په مقصد  په دغه کار  لاس پورې کړى دى  چې کربلا ته  دوسله والو عناصرو  دنفوذ مخه ونيسي .
دغه جنرال زياته کړه  چي  مودې امنيتي طرحې   انعطاف منونکې دي او د وخت
په تيريدو سره ښايي بدلون ومومي . 
جنرال المحمدآوي  ټينګار وکړ چې له پوځي او امنيتي ځواکونوسره دخلکو همکاري ډيره ښه ده   .
دهمدې خبرله مخې : تروريستان په معمولي ډول   دکربلا له ولايت سره  له سرحدي سيمو څخه ؛ دغې سيمې ته راځي  او دبمي موټرو په واسطه  په خلکو او په مقدسه اماکنو بريدونه کوي .

کابل باختر دمرغومي دمياشتې ٢٦ :
په ننګرهار ولايت کې دنويو نښتو په بهيرکې   دوه  تنه وسله وال طالبان ووژل
شول او  دوه تنه نور يې ټپيان شول.
دغه جګړه پرون ناوخته  داچين ولسوالۍ دکدل په کلي کې هغه وخت پيل شوه  چې يوې ډلې يرغلګرو په پوځيانو بريد وکړ.
دننګرهار ولايت د امنيې قوماندانۍ  وياند حضرت حسين مشرقيوال دباختر   آژانس خبريال ته وويل    چې په دې جګړه کې  دوه تنه وسله وال طالبان ووژل شول او دوه تنه نور يې ټپيان شول.
ده وويل :  په دې پيښه کې  پوځيانو اوملکي وګړو ته زيان نه دى اوښتى .

کابل باختر دمرغومي دمياشتې ٢٦ :
دوسله والو طالبانو دجنګي وسايلو يوه ستره ډيپو په ننګرهار ولايت کې  کشف شوه  .
دغه ډيپو  چې دبټي کوټ ولسوالۍ  په نرۍ کلي کې  دطالبانو په يوه پټنځي کې موقعيت درلود؛ پرون ناوخته دامنيتي ځواکونو دځانګړو عملياتو په بهيرکې کشف شوه .
دننګرهار ولايت د امنيې قوماندانۍ  وياند حضرت حسين مشرقيوال دباختر   آژانس خبريال ته وويل :  له دغې ډيپو څخه  دتوغندي ويشتونکو ، توپونو ، د زيکويک او داشکې د ګوليو ، لاسي   بمونو ، ماينونو او دڅوارلسو کيلوګرامو چاوديدونکو توکو په ګډون په لسګونو سپکې او درندې وسلې  ترلاسه   دي.
مشرقيوال وايي چې وسله والو طالبانو له دغې ډيپو څخه په خپلو تروريستي بريدونو کې استفاده کوله . ددغې  پټنځي  دکشفولو په وخت کې څوک  نه و؛ خو امنيتي مسوولين وايي  چې ددغه پټنځى د طالبانو دنيولو  لپاره  هڅې يې پيل کړي دي .

کابل باختر دمرغومي دمياشتې ٢٦ :
په ننګرهارولايت کې  درېو تنو بزګرانو دخپلو کوکنارو په اړولو سره حلالې کرکيلې ته مخه وکړه.
دغو بزګرانو وغنم وکرل او له نورو بزګرانو څخه يي وغوښتل چې دنشه  يي توکو له کرکيلې څخه چې دبشريت دښمن او يو ناروا  او غيراسلامي  عمل دى ، لاس   واخلي او  حلالې کرکيلې ته دې مخه و کړي .
دننګرهار ولايت  دامنيې قوماندانۍ  وياند حضرت حسين مشرقيوال د باختر   آژانس خبريال ته وويل  چې دغو دريو تنو بزګرانو  دهسکې مينې  ولسوالۍ  داکاخيلو په کلي کې له زياتې مودې  را په دې خوا په خپلو ځمکو کې کوکنارکرل  .
ده وويل : چې دغو بزګرانو په خپله  خوښه دکوکنارو  له کرلو څخه لاس واخيست   او دغنمو په کرلو سره يې حلالې کرکيلې ته  مخه وکړه .

کابل باختر دمرغومي دمياشتې ٢٦ :
دننګرهار ولايت په ګڼ ميشتو سيمو او لارو کې  ديو لړ چاودنو دترسره کولو لپاره  دوسله والو طالبانو طر حه ناکامه شوه .
ددغې ډلې افرادو غوښتل  دکوز کونړ  ، غني خيلو او د روداتو ولسواليو  په ګڼ ميشتولارو کې دماينونو په ښخولو سره  ملکي وګړو ته  خونړۍ پيښې رامنځته کړي ؛  خو امنيتي ځواکونو  د دغو ماينونو په کشفولو سره  ددغو پيښو مخه يې ونيوله .
دننګرهار ولايت  دامنيې قوماندانۍ  وياند حضرت حسين مشرقيوال دباختر   آژانس خبريال ته وويل   چې دغه ماينونه  دطالبانو دډلې  دافرادوله  خوا  دکوز کونړ ، روداتو  او دغني خيلو دولسواليو په ګڼ ميشتو لارو کې ښخ کړاى شوي و.
ده  تائيد کړه  چې امنيتي مامورينو دکشفي معلوماتوله مخې ددغو ماينونو  په کشفولو اوشنډولو بريالي شول.
دننګرهار دامنيې قوماندانۍ وياند وايي  چې ددغو ماينونو په کشفولو سره  په ملکي وګړو  ديو لړ خونړيو تروريستي بريدونو  مخه ونيول شوه.
په افغانستان کې وسله وال طالبان زياتره په ګڼ ميشتو لارو کې دماينونو اوبمونو په ښخولو  لاس پورې کوي  چې زياتره ملکي و ګړې پکې قرباني کيږي.

کابل باختر دمرغومي دمياشتې ٢٦ :
دتروريستي بريدونو درې تنه سازمان ورکوونکې  په ننګرهار ولايت کې دناټو دهوايي بريد له امله  ووژل شول.
په دغو کسانو تيره شپه ناوخته دنازيانو ولسوالۍ  په مربوطاتو کې ددوي په پټنځي  بريد وشو او  ووژل شول.
دننګرهار دامنيې قوماندانۍ وياند  حضرت حسين مشرقيوال دباخترآژانس 
خبريال ته وويل   چې دناټو  دبې پيلوټه  جنګي الوتکو په دغه بريد کې  درې تنه
وسله وال طالبان  ووژل شول.
ده وويل :  دغه افراد په خپل پټنځي کې ديولړ تروريستي بريدونو په سازمان ورکولو بوخت وو ، چې پرې بريد وشو.
ويل کيږي   د دغه  هوايي بريد له امله دسيمې خلکو ته زيان نه دى اوښتى .