19 January 2020

RSS Facebook

سوداگریز


تازه خبرونه

يو انس سره زر په ١٥٥٨ډالرو وړاندې کېږي

کابل/ د مرغومي ٢٩مه/باختر په نړيوالو بازارونوکې نن يو انس سره...

د ۲۸ میلیونو افغانیو په لګښت ننګرهار کې دوه جوماتونه رغول کېږي

جلال آباد/دمرغومې۲۹مه/باختر د ننګرهار په دره نور او کوز کونړ ولسوالیو...

په ننګرهار کې ۱۲ کیلو ګرامه نشه يي توکي ترلاسه شول

جلال آباد/دمرغومې ۲۹مه/باختر د ننګرهار د خوږیاڼو ولسوالۍ په چمتلې سیمه...

Youtube Player

khantry design

سوداگریز

سوداگریز

کابل – باختر د وږي دمياشتې ٣
په کاپيسا ولايت کې د دوو غيرمسوولو وسله والو قوماندانانو ترمنځ جګړه کې درې تنه ووژل شول.
د کاپيسا ولايت د امنيې قوماندانۍ د اوپراسيون آمر سمونوال اسدالله حميدي دباختر آژانس خبريال ته وويل: د دوو تنو غيرمسوولو وسله والو قوماندانانو ترمنځ نښته کې د يوې اتلس کلنې نجلۍ په ګډون درې تنه ووژل شول.

کابل – باختر د وږي دمياشتې ٣
پرون يو تن د لرغونو آثارو د قاچاقو په تور د غورولايت په ساغر ولسوالۍ کې ونيول شو.
د غور ولايت امنيه قوماندان محمد فهيم قايم د باختر آژانس خبريال ته وويل: دغه سړى صادق نوميږي او غوښتل يې دوه قيمتي فلزي آثار چې تاريخي لرغونتيا لري؛ له هيواد څخه بهرته وليږدوي چې ددغه ولايت په ساغر ولسوالۍ کې د امنيتي ځواکونو له خوا ونيول شو.
دامنيه قوماندان دڅرګندونو له مخې: ترلاسه شوي آثار يوه فلزي او ډبرينه چرګه چې څه ناڅه ديرش کيلوګرامه وزن لري او ښايي لرغونتيا يې له اسلام څخه مخکې وي.
قايم  وايي چې پوليس ژمن دى په هيوادکې له هر ډول وسيلې څخه په استفادې سره لرغوني او قيمتي آثار وساتي چې د آثارو د قاچاقو مخه ونيول شي.

کابل – باختر د وږي دمياشتې ٣
په بدخشان ولايت کې ٩٠ زره کورنۍ د ملي پيوستون له پروژوڅخه برخمنې شوې. په دغو پروژوکې چې دښونځيو، د روغتيايي مرکزونو، د اوبو د بندونو او د سړکونو جوړول شامل دي؛ د ٨٩٦  مليونو افغانيو په لګښت جوړې شوې دي .
د بدخشان ولايت د ملي پيوستون د پروګرام مسوول انجنير عبدالولي نن دباختر آژانس خبريال ته وويل: دغه پروژې د دغه ولايت د د اوولسو ولسواليو په ٦٤٠ کليوکې ترسره شوې دي او د ځينو پروژو کار دوام لري.
ده وويل: د دغو پروژو په بشپړيدو سره به ٨٩ زره کورنۍ ورڅخه ګټه واخلي.
ددغو پروژو د جوړولو کار يو کال مخکې د کليو د بياجوړولو او پراختيا وزارت د ملي پيوستون د پروګرام له خوا پيل شوى و.
انجنير عبدالولي زياته کړه: ددغه ولايت په نورو اتو ولسواليوکې د ورته پروژو د ترسره کولو څيړنه هم پيل شوې ده او ټاکل شوې ده د دغو پروژو عملي کار په نږدې راتلونکي کې پيل کړي.
په همدې حال کې د بهارک ولسوالۍ د پرمختيايي شورا رييس د دغو پروژو د تطبيق له امله خوښي څرګنده کړه چې د دغو پروژو په تطبيق سره د روغتيا، پوهنې، ترانسپورت او دکرنې او د څښاک د اوبو په برخوکې د دغو ولسواليو د زياتو اوسيدونکو ستونزې لرې شوې دي .
ده وويل: د دغو پروژو د کار په پيل سره د دغو ولسواليو يو شمېر وزګار ځوانان هم په دغو پروژوکې په کار شامل شوي دي.

دغزې ښار - دان – باختر د وږي دمياشتې ٣
په غزې تړانګې پرون د اسراييلو د بريدونو له امله څه ناڅه ١٢ تنه ووژل شول.
باختر آژانس د ډان د خبري سايټ له خولې خبر راکړ: د اسراييلو صدراعظم خبردارى ورکړى دى؛ دغه بريدونه به تر هغه وخته پورې چې اړتيا وي؛ دوام ورکړي.
د غزې په شمال د دغو بريدونو له امله د يو مور او د هغې د دوو تنو ماشومانو په ګډون څلور تنه ووژل شول او روغتيايي خبرځايونو د سر د زيان شمېر ١٢ تنه ښودلى دى.
د حماس او اسراييلو ترمنځ جګړه له اته څلويښتو ورځو راپه دې خوا دوام لري او مصر د جګړى د پاى ته رسولو لپاره د نامحدود اوربند او د نوى اوربند په خبرو غوښتنه کړې ده.
د دغوجګړو له امله ٢١٠٠ فلسطينيان او ٦٨ تنه اسراييليان وژل شوي دي .

کابل باختردوږي دمياشتې  ٣  :
د بادغيس ولايت په مقر ولسوالۍ کې د ماين د چاودنې له امله يوسيمه ييز پوليس ووژل شو او پنځه تنه ملکي وګړي ټپيان شول.
د بادغيس ولايت د عامه نظم درستيزوال مل پاسوال اميرشاه نايب زاده د باختر آژانس خبريال ته وويل: دغه چاودنه پرون ماښام د مقر ولسوالۍ د ګلچين په سيمه کې هغه وخت رامنځته شوه چې يو سيمه ييز پوليس د يو ماين له ښخولوڅخه خبرشوى و او سيمې ته تللى و او وسله والو طالبانو په داسې حال کې دغه ماين وچاوه  چې خلک په سيمه کې راټول شوي وو.
ده زياته کړه چې پنځه تنه ملکي وګړي هم د دغه ماين  د چاودنې له امله ټپيان شول او د بادغيس ولايتي روغتون ته وليږدول شول چې د هغوى روغتيايي حالت خراب بلل شوى دى.

کابل باختردوږي دمياشتې  ٣  :
اتلس تنه بنديان د فراه له جيل څخه خوشې شول .
د فراه د والي ويندوى جواد افغان د باخترآژانس خبريال ته وويل: دغه بنديان  دنيکمرغه کوچني اختر په مناسبت دهېواد دجمهوررييس  د فرمان له مخې  له بند څخه آزاد شول او د ٣٣ تنو نورو بنديانو دبند په موده کې تخفيف راغلى دى.
دغه بنديان د بېلابېلو جرمونوله امله نيول شوي وو او د موظف کميسيون له خوا د دوى د دوسيوله څيړنې وروسته له جيل څخه آزاد شول.
د فراه د جيل د عمومي آمر دڅرګندونوله مخې: همدا اوس دفراه په مرکزي جيل کې د ديارلسوتنو ښځو په ګډون ٦٥٠ تنه بنديان شپې سباکوي.

کابل باختردوږي دمياشتې  ٣  :
امنيتي ځواکونو د تيرو ٢٤ ساعتو په بهيرکې د هيواد په ځينو سيمو کې امنيتي فعاليتونه ترسره کړل او ٣٥ تنه وسله وال طالبان يې ووژل  .
دکورنيو چارو وزارت مطبوعاتي دفتر باخترآژانس ته خبرورکړ :
امنيتي ځواکونو دننګرهار ، فارياب ، ارزګان ، ميدان وردګو ، هرات ، لوگر ، نيمروز  او د هلمند د ولايتونو په مربوطاتو کې امنيتي فعاليتونه  ترسره کړل چې له امله يې ٣٥ تنه وسله وال طالبان ووژل شول ، ٣٢ تنه ټپيان او ٢٢ تنه نور يې دامنيتي ځواکونوله خوا ونيول شول .
ددغو فعاليتونو په بهيرکې يوه اندازه وسلې او مهمات هم د امنيتي ځواکونو لاسته ورغلي دي.
دغه راز دملي پوليسو ځواکونو د ارزگان او د ننګرهار د ولايتونوپه مربوطاتو کې اته ماينونه کشف اوشنډکړل.

کابل باختردوږي دمياشتې  ٣  :
د طالبانو يو قوماندان تيره شپه له خپلو دوو تنو ساتوونکوسره په ننګرهارکې د ملي اردو د کوماندو ځواکونو د امنيتي فعاليت په بهيرکې ووژل شو.
دملي دفاع وزارت مطبوعاتي دفتر باخترآژانس ته خبرورکړ:
دغه قوماندان چې شاه الله نوميږي او د ننګرهار ولايت په بهسودو ولسوالۍ کې  د طالبانو تروريستي  او ډار اچوونکي فعاليتونه همغږي کول؛ د ملي اردو د کوماندو د ځواکونو د امنيتي فعاليت په بهيرکې له خپلو دوو تنو ساتوونکوسره ووژل شواو يوه اندازه  جنګي وسايل هم ترلاسه شول.
ديوبل خبرله مخې: د ولي خنجري په نامه د وسله والوطالبانو يو قوماندان د فراه ولايت د بالابلوک ولسوالۍ په مربوطاتوکې د ملي اردو دځواکونو دچاڼيزو عملياتو په بهيرکې له خپلو پنځو تنو ساتوونکو سره ټپي شو.

کابل باختردوږي دمياشتې  ٣  :
د غزني و لايت د سولې د شورا يو غړى نن سهار د ناپيژندل شويو وسله والوکسانو له  خوا ووژل شو.
د غزني د والي ويندوى شفيق ننګ دباخترآژانس  خبريال ته وويل: دغزني ولايت د سولې د شورا غړى او قومي مخور ډاکتر محمدغني بهادري چې پخوا يې ددغه ولايت  د ولايتي شورا  د رييس په توګه دنده ترسره کوله؛ په غزني ښارکې په ډزو سره ووژل شو.
د خبرځاى دڅرگندونو له مخې: په دې وروستيو وختوکې په غزني ښارکې جنايي پيښې زياتې شوې دي او هره ورځ  پيژندل شوي کسان  د دغه ولايت په مربوطاتو کې وژل کيږي.
د يوبل خبرله مخې:  يو ماين ښخوونکى په غزني ښارکې  دخپل ماين قرباني شو.
يوه اړونده خبرځاى وويل: دغه سړي کله يې چې غوښتل دسپندي په کلي کې واټ ته څېرمه يو ماين ښخ کړي؛ ماين وچاوديد او ووژل شو.

کابل باختردوږي دمياشتې  ٣  :
اوولس تنه وسله وال طالبان د فارياب ولايت په قيصار ولسوالۍ کې د خنجر_٣ په نامه د ملي اردو د ځواکونو د چاڼيزو عملياتو په  بهيرکې ووژل شول.
دملي دفاع وزارت د ويندوى مطبوعاتي دفتر باخترآژانس ته خبرورکړ:
د دغو عملياتو په بهيرکې  چې له يوې اوونۍ را په دې خوا د امنيتي ځواکونوله خوا پيل شوي دي؛ په نوې  پرمختيا کې ١٧ تنه وسله وال طالبان ووژل شول او١٠ تنه نور يې ټپيان شول.
ددغو عملياتوپه بهېرکې يوه اندازه وسلې، مهمات او پوځي وسايل او تجهيزات هم ترلاسه شوي دي.