12 August 2020

RSS Facebook

سوداگریز


تازه خبرونه

په هرات کې ۲۵۰ کورنیوته د څښاک اوبه برابرې شوې

-هرات د زمري ۲۱ باختر د هرات د کرخ ولسوالۍ په...

جمهورريیس غني د افغانستان دولت مذاکره کوونکي پلاوي سره وکتل

جمهورريیس غني د افغانستان دولت مذاکره کوونکي پلاوي سره وکتل

-کابل / د زمري ٢١مه/ باختر د افغانستان د اسلامي جمهوریت...

Youtube Player

khantry design

سوداگریز

سوداگریز

کابل باختر دمرغومي دمياشتې ٢٦ :
دوسله والو طالبانو دډلې  درې تنه قوماندانان  په بلخ ولايت کې دپوځي عملياتو په بهير کې ووژل شول .
  په دغو عملياتو کې  چې دچمتال ولسوالۍ په ځينو سيمو کې دوام لري  ، شپږ تنه نور وسله وال طالبان  ټپيان شوي دي.
دغه راز ويل کيږي چې  پوځيانو   د دغو عملياتو په بهيرکې تراوسه پورې شپږ کلي دوسله والو طالبانو له شتون څخه پاک کړي دي او دهغوى په لسګونو جنګي وسايل يې هم  ترلاسه کړي دي .
د بلخ ولايت دامنيې قوماندانۍسرپرست جنرال عبدالرزاق  قادري دباختر آژانس خبريال ته وويل  چې د دغو عملياتو په بهيرکې تراوسه پورې دطالبانو درې تنه قوماندانان وژل شوي دي  او شپږ تنه نور ټپيان شوي دي.
ده وويل چې پوځيانو د دغو عملياتو په بهيرکې پنځه کلي دطالبانوله شتون څخه پاک کړي دي اودغه راز ددغې ډلې   په لسګونو جنګي وسايل او وسايط يې ترلاسه کړي دي .
دغه پوځي عمليات  دسر پل ، جوزجان  او  د بلخ  له ولايتونو څخه دسلګونو تنو  تښتيدلو  وسله والو طالبانو   له راټوليدو وروسته  پيل شوي دي .
جنرال قادري وايي  چې دغه عمليات به  دچمتال ولسوالۍ دځينو سيمو تر بشپړ پاکولو پورې دوام وکړي.

مسکو \ ايرنا\  باختر دمرغومي دمياشتې ٢٦ :
اندري کوبياکوف  دبلاروس د نوى  صدراعظم په توګه  پرون  د  استازو له مجلس څخه  د باور رايه  ترلاسه کړه .
دبلا روس داستازو مجلس  درايو په اکثريت سره هغه ددغه هېواد دنوي صدراعظم په توګه  تائيد کړ.
دبلاروس اقتصادي  حالت  په وروستيو کلونو کې   چې له بحران سره مخامخ و  اوس هم    په کمزوري حالت کې دى.

انقره \ ايرنا \ باختر دمرغومي دمياشتې ٢٦ :
دترکيې صدراعظم  احمدداود اوغلو پرون  له سپکاوي ډک تصويرونو  په خپرولو کې  دشارلي ابدو  فرانسوي اوونيزې  داقدام په غندلو سره وويل  چې دبيان آزادي ، مقدساتو ته دسپکاوي آزادي  نه ده .
داوداوغلو  دغه ټکى  بروکسل ته  له روانيدو مخکې په يوه خبري کنفرانس کې  بيان کړ.
دترکيې صدراعظم داسلام دسترپيغمبر حضرت محمد مصطفى (ص) ته  له سپکاوي ډکو تصويرونو په خپرولو کې دشارلي ابدو  داوونيزې داقدام دغندلو په ترڅ کې زياته کړه چې ددغو کاريکاتورونو خپرول  ديولمسونکي اقدام ښکارندوى دى.
ده ټينګار وکړ  چې داسلام د ستر پيغبر (ص)  ته سپکاوى دمنلو  وړ نه دى .
داوداوغلو له دغه خبري کنفرانس وروسته د اروپا اتحاديې له لوړ رتبه مامورينو سره دکتنې  او  د دواړو لورو  په اړيکو کې  دخړپړتيا دلري کولو په مقصد   بلجيم ته روان شو.
دترکيې صدراعظم په دې سفر کې  د اروپا دکميسيون له رييس  سره وګوري او   د اروپا له اتحاديې سره د ترکيې د پيوستون د بهير په باب  به خبرې وکړي .

١١_   تهران \ ايران \  باختر دمرغومي دمياشتې ٢٦ :
دامريکا دبهرنيو چارو وزير جان کري  پرون  اعلام وکړ  چې ښايي  دراتلوونکو څو ورځو په بهيرکې  يوځل بيا  دايران دبهرنيو چارو  له وزير محمدجواد ظريف سره   داټومي پروګرام په باب  دخبرو لپاره  وګوري .
د رويترز دخبري آژانس د خبر له مخې :  جان کري په بلغاريا کې  خبريالانو ته وويل: چې  له ظريف سره به  په پاريس ښارکې و ګوري .
جان کري  اټومي موافقې  ته  درسيدو  په باب  ديوې پوښتنې په ځواب کې په داسې  حال کې چې يو شمېر امريکايي اتباع په ايران کې  بنديان دي  ، څه ونه ويل   او يوازې يې  وويل  چې واشنګتن  دهغوى دآزادۍ  دضمانت لپاره خپلې زياتې  هلې ځلې  کوي .
جان کري او ظريف دچهارشنبې په ورځ  شپږ ساعنه په  ژنيو کې وکتل او خبرې اترې يې وکړې .
دهمدې  خبرله مخې : ايران  او دپنځه جمع يو ډلې د هراړخيز اټومي موافقې د ترلاسه کولو لپاره هلې ځلې  بيا پيل کړي دي.

کابل باختر دمرغومي دمياشتې ٢٦ :
په افغانستان کې دبشر د حقوقو کتوونکې  په پام کې  لري   چې راتلوونکې اوونۍ  په افغانستان  کې دبيان په آزادۍ  دبريد په باب خپل نوى رپوټ  خپورکړي .
دباخترآژانس دخبرله مخې  :  په ا فغانستان کې دبشر د حقوقو کتوونکي په پام کې لري چې د راتلوونکې اوونۍ  دسه شنبې په ورځ په افغانستان کې  دبيان په آزادۍ  دبريد په باب   په پنځه څلويښتو پاڼو کې  نوى رپوټ  خپور کړي.
دافغانستان دبشردحقوقو دکتوونکي ډلې مسوولين وايي  دغه رپوټ به وښيې چې په افغانستان کې خبريالان  دوسله والو زبر ځواکو افرادو او دوسله والو مخالفينو له خوا له  جدي ګواښونوسره مخامخ دي .
په افغانستان کې دبشر د حقوقو کتوونکي  دغه نوى رپوټ  له څه دپاسه  ديرشو تنو  خبريالانو ، ايديتورانو ، ورځپاڼه ليکونکو  او د رسنيو له مسوولينو سره  په خبرو کې  برابر کړى دى .  هغو کسانو چې دغه رپوټ  يې برابر کړى دى  دملي وحدت دحکومت له مشرانو څخه به وغواړي  هغه څه  چې دبيان دآزادۍ  او د رسنيو دملاتړ په باب دخپلو انتخاباتي مبارزو په بهيرکې يې ژمنه کړې وه ، عملي کړي .

پيښور\ جيو نيوز\ باختر د مرغومي دمياشتې ٢٦ :
دجنوبي وزيرستان په قبايلي سيمې دبې پيلوټه  امريکايي الوتکې دبريد له امله شپږ تنه تروريستان ووژل شول .
باخترآژانس  دپاکستان د جيو ټلويزيون  له  خولې  خبر راکړ :
بي پيلوټه امريکايي الوتکې پرون د جنوبي وزيرستان د لدهاي په  ناحيه کې دتندلارو په يو پټنځي دوه توغندي وتوغول چې له امله يې شپږ تنه وو ژل شول.
ويل شوي دي  چې ددغه بريد هدف هغه تندلاري  وو چې دالقاعده له تروريستي شبکې سره يې اړيکې درلودې. 
داپه وزيرستان  په يوه ورځ  دويم بريد و ؛  لومړى بريد پرون  دشمالي وزيرستان  دشوال په ناحيې   ترسره شو  چې له امله يې   اووه  تنه تروريستان ووژل شول.
دا د روان ميلادي کال له پيل څخه  د ډيورند کرښې اخوا  په قبايلي سيمې  دبې پيلوټ امريکايي الوتکې دريم بريد دى .
  په پيښور کې دپوځيانو تر ادارې لاندې يوه ښوونځي کې دطالبانو له خوا له عام وژنې وروسته  دپاکستان اردو په شمالي وزيرستان کې خپل دوامدار عمليات   سخت کړي دي .

کابل باختر دمرغومي دمياشتې ٢٦ :
د جوزجان ولايت  په مرکزي جيل کې په لسګونو تنو بنديانو  د ډوډۍ دنه  خوړلو په اعتصاب لاس پورې کړى دى .
دغه بنديان  چې دسرپل ولايت له  جيل څخه  په موقت ډول  د جوزجان په  مرکزي  جيل کې ساتل کيږي  ددوي دخوشې کولو په باب دجمهوررييس دفرمان دنه تطبيق په  غبرګون کې  د ډوډۍ  د نه خوړولو په اعتصاب لاس پورې کړى دى .
جمهوري رياست تل  په ملي اومذهبي ورځو کې  ديوشمېر بنديانو دبخښنې او خوشي کولو فرمان صادر وي .
هغه بنديان چې  دهغوى دبند موده لږه پاتې وي اويا  جرم يې  سپک وي  په دغه فرمان کې شامليږي .
دسرپل اعتصاب کوونکې بنديان ادعا کوي چې  دحضرت محمد (ص)  دميلاد
په درناوي  ديوشمېر بنديانو دبخښنې په باب د جمهوررييس  دوروستي فرمان په تطبيق کې عدالت نه دى تامين شوى  که نه  نو  دوي له بند څخه  خوشې کيدل  .
دجوزجان ولايت امنيه قوماندان جنرال فقيرمحمد جوزجاني دباخترآژانس خبريال ته وويل   چې دسرپل  دجيل دبنديانو له جملې څخه څه ناڅه اويا تنو يې  د ډوډۍ  د نه خوړولو په اعتصاب لاس پورې کړى دى .
يوشمېر دغو بنديانو  خپلې شونډې  ګنډلې دي او دولت ته خبردارى ورکوي   که چيرې ددوي شکايتونه  ونه څيړل شي  خپل اعتصاب ته به دوام  ورکړي.
دسرپل ولايت  دمرکزي جيل بنديان  په دغه جيل دطالبانو له ډله ييز بريد وروسته په موقت ډول د جوزجان  مرکزي جيل ته   وليږدول شول.
دطالبانو په دغه بريد کې  ددغې ډلې  دڅو تنو قوماندانانو په ګډون څه ناڅه ديرش تنه بنديان وتښتيدل .

کابل باختر دمرغومي دمياشتې ٢٦ :
د جوزجان ولايت  په مرکزي جيل کې په لسګونو تنو بنديانو  د ډوډۍ دنه  خوړلو په اعتصاب لاس پورې کړى دى .
دغه بنديان  چې دسرپل ولايت له  جيل څخه  په موقت ډول  د جوزجان په  مرکزي  جيل کې ساتل کيږي  ددوي دخوشې کولو په باب دجمهوررييس دفرمان دنه تطبيق په  غبرګون کې  د ډوډۍ  د نه خوړولو په اعتصاب لاس پورې کړى دى .
جمهوري رياست تل  په ملي اومذهبي ورځو کې  ديوشمېر بنديانو دبخښنې او خوشي کولو فرمان صادر وي .
هغه بنديان چې  دهغوى دبند موده لږه پاتې وي اويا  جرم يې  سپک وي  په دغه فرمان کې شامليږي .
دسرپل اعتصاب کوونکې بنديان ادعا کوي چې  دحضرت محمد (ص)  دميلاد
په درناوي  ديوشمېر بنديانو دبخښنې په باب د جمهوررييس  دوروستي فرمان په تطبيق کې عدالت نه دى تامين شوى  که نه  نو  دوي له بند څخه  خوشې کيدل  .
دجوزجان ولايت امنيه قوماندان جنرال فقيرمحمد جوزجاني دباخترآژانس خبريال ته وويل   چې دسرپل  دجيل دبنديانو له جملې څخه څه ناڅه اويا تنو يې  د ډوډۍ  د نه خوړولو په اعتصاب لاس پورې کړى دى .
يوشمېر دغو بنديانو  خپلې شونډې  ګنډلې دي او دولت ته خبردارى ورکوي   که چيرې ددوي شکايتونه  ونه څيړل شي  خپل اعتصاب ته به دوام  ورکړي.
دسرپل ولايت  دمرکزي جيل بنديان  په دغه جيل دطالبانو له ډله ييز بريد وروسته په موقت ډول د جوزجان  مرکزي جيل ته   وليږدول شول.
دطالبانو په دغه بريد کې  ددغې ډلې  دڅو تنو قوماندانانو په ګډون څه ناڅه ديرش تنه بنديان وتښتيدل .

کابل باختر دمرغومي دمياشتې ٢٦ :
دفراه ولايت  سيمه ييزو مسوولينو په دغه ولايت کې  دداعش دتروريستي ډلې  ظهور خبر  ورکوي .
دوي وايي  چې دغه ډله اوس  ديوې اډې په جوړولو سره   دخپلو تروريستي بريدونو لپاره   دافرادو په روزنه  بوخته ده .
په فراه کې  ددغې ډلې  له ظهور څخه  څه ناڅه يوه مياشت تيريږي .
عيني شاهدان وايي چې دغه ډله   دخاک سفيد ولسوالۍ دمزار قلعه په کلي کې  ديوې اډې په جوړولو سره دخپل نفوذ  او فعاليتونو په پراختيا بوخت دي.
دفراه ولايت  دخاک سفيدولسوال عبدالخالق نورزي  له باخترآژانس سره په اړيکه کې  په دغې ولسوالۍ کې دداعش دتروريستي ډلې  ظهور  تائيد کړ  .
دغه سيمه ييز مسوول وايي :  دمزارقلعه په کلي کي  دداعش په ډلې پورې  تړلي افراد  څه ناڅه اتيا تنه دي او ديوې اډې په جوړولو سره  د افرادو په  روزنه  بوخته ده.
نورزى وايي   چې  په فراه  کې دداعش دډلې افراد په پرمختللو وسلو سمبال دي   او ښه امکانات لري .
دخبرونو له مخې:  دداعش دډلې افراد دطالبانو دډلې  دافرادو په شان له خلکو څخه  پيسې او خواړه  دجزيې په ډول  نه اخلي  او خپله  له  پلورنځيو څخه دخپل اړتيا وړ توکي  هغه هم له اصلي بيې څخه لس برابره لوړه پيري .
دافغانستان په ځينو سيمو کې دداعش دتروريستي ډلې ظهور  خلکو ته  جدي انديښنې رامننځته کړي دي ؛ خو دافغانستان پوځي مقاماتو  ويلي دي  چې  پوځيان  له دغې تروريستي ډلې سره دمبارزې  او دهغو دله منځه وړلو وړتيا لري .

کابل باختر دمرغومي دمياشتې ٢٦ :
شپږ تنه وسله وال طالبان په ننګرهار ولايت کې  دناټو  دهوايي بريد له امله  ووژل شول .
په دغو جګړه مارانو تيره شپه ناوخته دلعل پورې ولسوالۍ بازار ته څيرمه  ددوي په پټنځي دناټو دبې پيلوټه الوتکو له  خوا بريد وشو او ووژل شول.
دافغانستان په ختيځ کې دسرحدي پوليسو يو  جګپوړى قوماندان دباختر آژانس خبريال ته وويل چې په دې بريد کې ٦ تنه وسله وال طالبان ووژل شول.
ده وويل   چې يرغلګر په خپل پټنځي کې ديو لړتروريستي بريدونو په طرحه کولو بوخت و  چې پرې  بريد وشو.
ويل کيږي  چې په دې هوايي بريد کې  دسيمې خلکو ته  زيان نه دى اوښتى.