12 August 2020

RSS Facebook

سوداگریز


تازه خبرونه

په هرات کې ۲۵۰ کورنیوته د څښاک اوبه برابرې شوې

-هرات د زمري ۲۱ باختر د هرات د کرخ ولسوالۍ په...

جمهورريیس غني د افغانستان دولت مذاکره کوونکي پلاوي سره وکتل

جمهورريیس غني د افغانستان دولت مذاکره کوونکي پلاوي سره وکتل

-کابل / د زمري ٢١مه/ باختر د افغانستان د اسلامي جمهوریت...

Youtube Player

khantry design

سوداگریز

سوداگریز

کابل باختر دمرغومى  پنځه ويشتمه :
په قندهار کې يوې نظامي محکمې دملي اردو يوافسر دخپل  قوماندان دوژنې  په تورپه اعدام محکوم کړ .
په قليچ بيک تور لګول شوى دى چې پنځه مياشتې مخکې يې د زابل ولايت په ارغنداب ولسوالۍ کې په خپلې پوځي قرارګاه کې له ناندرو وروسته ننګيالۍ  په ډزو سره وژلى دى .
دافغانستان  په جنوب کې  د ٢٠٥ قول اردو ابتدائيه نظامي محکمې  دسندونوله څيړنې او دخپل قوماندان په وژنې دافسر قليچ بيک له  مستقيم اعتراف وروسته ؛ دى په اعدام محکوم  کړ .
قليچ بيک په دې محکمه کې دخپل قوماندان دوژنې مسووليت  ومانه، خو ويې ويل چې ده نه غوښتل چې هغه ووژل شي .
ده دمحکمې  حکم غير عادلانه  وباله او په دې باب يې دبيا کتنې غوښتنه وکړه .
  د٢٠٥ اتل قول اردو دابتداييه  نظامي محکمې رييس بريد جنرال عبدالجليل    دباخترآژانس خبريال  ته وويل چې دوى دسندونو او دتورن  دمستقيم  اعتراف له مخې ، دى په اعدام محکوم کړى دى .
خو ددغې محکمې رييس وويل چې تورن ددې حق لري  چې دمحکمې په حکم  د نه قناعت په صورت کې په هغه کې  دبيا کتنې غوښتنه وکړي .

کابل باختر دمرغومى  پنځه ويشتمه :
په قندهار ښار کې دتروريستي بريدونو دترسره کولو لپاره دوسله والو طالبانوطرحه ناکامه شوه .
دغې ډلې غوښتل چې له يوه ځانمرګي يرغلګراو په بمونو بار له دوو موټرسايکلونو څخه  په استفادې سره دقندهار ښار په  يوه ګڼ ميشته سيمه کې دملکي وګړو خونړۍ بريد وکړي .
  دقندهار ولايت  دملي امنيت مامورينو دتروريستي بريدونو پنځه تنه  سازمان ورکوونکي او يوځانمرګى يرغلګر چې غوښتل  يې دغه بريدونه ترسره کړي ؛ نيولي دي .
دقندهار ولايت درسنيودفتر  باخترآژانس ته  ديوې خبرپاڼې  په ليږلو سره  ويلي  دي چې له دغو  شپږو تنو تروريستانو څخه په لسګونو سپک او درانده  جنګي وسايل ،  په بمونو بار دوه موټرسايکلونه ، لاسي بمونه ، دتوغندي او هاوان په لسګونو ماينونو او يوه اندازه  له ځانه جوړ شوي ماينونه  ترلاسه شوي دي .
خبرزياتوي چې دملي امنيت دمامورينو له خوا د دغو شپږو تنو تروريستانو په نيول کيدو سره دقندهار ښار  په ګڼ  ميشتو سيموکې  ديو لړ مرګانيو  بريدونو  مخه نيول شوې ده .   

کابل باختر دمرغومى  پنځه ويشتمه :
په ارزګان ولايت کې دماين دچاودنې له امله دوه ځوانې  نجونې ووژلې شوې .
دغه چاودنه پرون ناوخته دارزګان ولايت دچارچينو ولسوالۍ په ساخر کلي کې  هغه وخت وشوه چې دغه نجونې له سيمې څخه تيريدې .
دارزګان ولايت يوه امنيتي مسوول دباخترآژانس خبريال ته وويل چې په دې چاودنه کې دوه  ځوانې نجونې وژلې شوي دي . 
خو دسيمې يومشر وايي چې په دې چاودنه کې درې ځوانې نجونې وژلې شوي  او يوه بله ټپۍ شوې ده .
ويل کيږي چې دغه پيښه  په واټ کې دښخ کړى شوي ماين دچاودنې زيږنده ده چې له لرې واټن  څخه اداره کيده .
  سيمه ييز مسوولين  وسله وال طالبان ددغې ماين ښخونې مسوول بولي او وايي چې ددغې مرګانۍ پيښې  دعاملينو دپيژندنې  او نيولو لپاره پلټنې پيل شوي دي.
وسله وال طالبان په افغانستان کې زياتره په ګڼ ميشتو لارو او سيمو کې دماينونو اوبمونو په ښخولو لاس پورې کوي هغه اقدام چې زياتره ملکي وګړي پکې قرباني کيږي .

کابل باختر دمرغومى  پنځه ويشتمه :
دوسله والو طالبانو دډلې له خوا دکاپيسا ولايت لپاره نومول شوى مرستيال  ملا عبدالغفار شفق او په دغه ولايت کې ددغې ډلې دوه تنه جګپوړي مسوولين تيره شپه ووژل شول .
دملي امنيت دلوى رياست مطبوعاتي دفتر دباخترآژانس  خبريال ته وويل: د وسله والو طالبانو دډلې له خوا دکاپيسا ولايت لپاره نومول شوى مرستيال ملا عبدالغفارپه کاپيسا ولايت کې  د ډار اچوونکو بريدونو دپلان جوړولو مسوول ملا عبيدالله  او په دغه ولايت کې ددغې ډلې مالي مسوول ملا ذکريا دکاپيسا ولايت دتګاب ولسوالۍ په مربوطاتو کې  دهيواد  دامنيتي  ځواکونو په ځانګړو عملياتو کې ووژل شول .

کابل باختر دمرغومى  پنځه ويشتمه :
دافغان رنجر دکرکټ  ټيم داتصالاتو دکرکټ ټيم ته ماتې ورکړه .
  دکرکټ بورد وياند سعيد هوټک باخترآژانس ته خبرورکړ: دغه لوبه  پرون ددوو ټيمونوترمنځ په دوستانه ډول ترسره شوه چې دافغان رنجر  دکرکټ  ټيم وکولاى شول چې داتصالاتو دکرکټ ټيم ته ماتې ورکړي .

کابل باختر دمرغومى  پنځه ويشتمه :
په ننګرهار ولايت کې دکوچيانو دکرکټ دشپاړلسو ټيمونو ترمنځ دسياليو په دوام پرون دسرتور ټيم دبيله باز ټيم په وړاندې ماتې وخوړه .
دکرکټ بورد وياند سعيد هوټک دباخترآژانس خبريال ته  وويل : دغه سيالۍ له څه مودې راپديخوا  دکرکټ  د ودې په مقصد دکوچيانو دشپاړلسو ټيمونو ترمنځ  په ننګرهار ولايت کې پيل شوي دي .

کابل باختر دمرغومى  پنځه ويشتمه :
په تيرو څليرويشتو ساعتو کې دهيواد په بيلابيلو سيمو کې دملي اردو دځواکونو په عملياتو کې څلور تنه وسله وال مخالفين ووژل شول .
دملي دفاع وزارت مطبوعاتي دفتر باخترآژانس ته خبر ورکړ :  دملي اردو ځواکونو دقندهار ، بدخشان او دکابل  دولايتونو په مربوطاتو کې عمليات ترسره کړل چې له امله يې  څلور تنه وسله  وال مخالفين ووژل شول او درې تنه مشکوک کسان ونيول شول .
په دغو عملياتو کې پنځلس ماينونه کشف او شنډ شوي دي او هم ددشمن يوه اندزه جنګي وسايل ترلاسه شوي دي .
ديوبل خبر له مخې : دملي اردو دمنسوبينو دامنيتي دندو په بهيرکې دملي اردو درې تنه ځواکونه په واټونوکې دښخ کړى شويو ماينونو دچاودنې له امله شهيدان شوي دي .

کابل باختر دمرغومى  پنځه ويشتمه :
  دافغانستان دکرکټ  ملي ټيم پرون داسکاتلند  ټيم په وړاندې  ماتې وخوړه .
په دوبۍ ښار کې دکرکټ د ٢٠١٥کال دنړيوال  جام لپاره دتياري دپنځوس  اوره لوبو په لړ کې  پرون  دافغانستان  دکرکټ ملي ټيم دا سکاتلند دکرکټ له ملي ټيم سره لوبه وکړه چې په نتيجه کې يې دافغانستان دکرکټ ملي ټيم ماتې وخوړه .
  دباخترآژانس دخبر له مخې : په دې لوبه کې لومړى داسکاتلند لوبغاړو بيـــټنگ وګړ او دافغانستان دکرکټ ملي ټيم ته يې دوه سوه ديارلس منډې  هدف وټاکه .
دافغانستان دکرکټ ملي ټيم په نولسم آور کې خپل ټول لوبغاړي له لاسه ورکړل او  ونه کړى شول چې ټاکلى هدف  ترلاسه  کړي .
  دهيواد دکرکټ ملي ټيم ددغوسياليو  په لومړى لوبه کې  داسکاتلند ټيم ته ماتې ورکړې وه او دايرلند ټيم په وړاندې يې لوبه دمقابل  لوري په ګټه بايللې وه .
  په دوبۍ کې دکرکټ سيالۍ د ٢٠١٥ ميلادي کال  دنړيوال جام په خاطر دتياري لپاره  پيل شوي دي او ټاکل شوې ده دافغانستان  دکرکټ ملي ټيم  دايرلند دکرکټ  له ټيم سره يوه بله لوبه وکړي  .
ټاکل  شوې ده  د ٢٠١٥ ميلادي کال  دکرکټ دنړيوال جام سيالۍ  دروان ميلادي کال په فبروري کې په آستراليا او نيوزرلند کې  ترسره شي . 

Thursday, 15 January 2015 10:51

تبصره

 کابل باختر دمرغومى  پنځه ويشتمه :
دافغانستان داسلامي دولت او دوسله والو طالبانو ترمنځ دمنځګړيتوب په باب دچين ددولت رسمي وړانديز  يو  ښه خبراو  دافغانستان دقضيې  په حل کولو کې يو مثبت انکشاف دى ؛ که چيرې  په جديت او واقعبينۍ سره تعقيب شي  ، ښه لرليد به ولري .
دباختراژانس  مبصر ليکي ،
په دې وروستيو وختو کې  دچين دبهرنيو چارو وزارت وياند اعلام وکړ چې هيواد يې  دافغانستان ددولت  او دوسله والو طالبانو ترمنځ  منځګړيتوب ته چمتو دى .
ده  دکابل او اسلام آباد ترمنځ د اړيکو په ښه والي کې  نويو انکشافاتو ته  داشارې په ترڅ کې  هيله کړې ده  چې په ډير لنډ ممکن وخت کې په افغانستان کې سوله واکمنه شي او چين دافغانستان ددوست او ګاونډي هيواد په توګه په دغه هيواد کې انکشافات  له نږدې تعقيبوي .
دچين دبهرنيو چارو وزارت وياند يوځل بيا په دي ټکي باندې ټينګار کړى دى  چې چين  په افغانستان کې دسولي دبهير ملاتړ کوي او په دي بهير کې به  خپل مثبت رول تعقيب کړي .
دافغانستان ددولت او وسله والو مخالفينو ترمنځ  دمنځګړيتوب په باب  دچين ددولت  رسمي وړانديز يو ښه خبر او په ورته وخت کې  دافغانستان دقضيې په حل کولو کې يو مثبت انکشاف دى .او دسيمه ئيزو همکاريو نښه نښانه ده چې  دافغانستان دولت دهغو په ودې او پراختيا باندې ټينګار کوي او داکار په سيمه کې د شتو ستونزو دله منځه وړلو لپاره  ښه عامل بولي .
له بلې خوا دافغانستان دولت په وار وار  په دې ټکي باندې ټينګار کړى دى چې دافغانستان ستونزه  بهرني  اړخونه لري او هغه څه چې په افغانستان کې تيريږي زياتره  ددغه هيواد له پولو څخه بهر  جرړې لري . او تر هغه وخته پورې  چې دسيمې او نړې په کچه  دبنسټيز حل لپاره  يوه کلي عقيده  پيدا نه شي ؛ سخته ده  چې دافغانستان دقضيې او ددغو ستونزو دلرې کولو په باب  چې سيمې ته متوجه دي ؛ خبرې وکړو .
دافغانستان دولت  په يوه  فعاله  اومنطقي  ديپلوماسۍ کې هلې ځلې کوي  چې دافغانستان دقضيې بهرني عوامل  له منځه يوړل شي او په کورني  اړخ کې ددې اصل په پام کې نيولو سره  چې افغانان ديوبل  دزغملو قدرت لري  او دخپلوکورنيو ستونزو دحل کولو په نسبت خپلوغوره دودونو او عنعناتو ته  مخه کوي دستونزو کورنۍ حل  لرې نه بريښي .
په بهرني اړخ کې ، دافغانستان دولت  داغيزمنو هيوادونو په بې طرفو او رغنده کړنو حساب کوي  او چين  ددغه شان هيوادونو په ډله کې دى .
چين ددې تر څنګ چې دافغانستان  په ګاونډيتوب کې دى ؛ په افغانستان کې يوستر پانګې اچوونکى هيواد دى . او دنړۍ  ډيرستر اقتصادي  اونظامي قدرت  بلل کيږي . او له ټولو څخه مهمه داچې  چين له پاکستان سره  نږدې اړيکې لري .  ددغه هيواد اقتصاد  آن امنيتي  ځواک  او اردو  دچين  دهمکاريو تر اغيزې لاندې  دى . په داسې حال کې چې  افغانستان  او دهغه خلک پاکستان  ددغه هيواد ددولت  دوسله والو مخالفينو  کوربه بولي  د وسله والو مخالفينو  او دطالبانو  مشران په پاکستان کې  ديره  دي؛ آن  خبره په دې ځاى کې ده هغه ټولې اوسنۍ پيښې  چې دافغانستان له خلکو څخه قرباني  اخلي .
په پاکستان کې  جرړې لري  او چين به  په دغه هيواد  دخپل نفوذ  او امکاناتو  په پام  کې  نيولو سره  وکولى شي ، پاکستان  په افغانستان کې  واقعيتونو ته  په مخې کولو  متقاعد کړي . هغوى دې ته وهڅوي  چې  دسيمه ئيزې همکاري  اصل ته  مخه وکړي  او دافغانستان  له وسله والو مخالفينو سره  دوسيلې په توګه  کار اخيستل پاى ته ورسوي .
  دافغانستان دسولې او خبرو په بهير کې دچين  ورګډيدل  کولى شي  دسيمه ييزې همکاري  روحيه  پياوړۍ  کړى  .  بي باوري  او بي اعتمادي  کمې کړي .
  دافغانستان ددولت  او دهغه دمخالفينو ترمنځ  دمنځګړيتوب په باب تيارى کولى شي  دغه هيواد ته دجمهور رييس غني  دسفر پايله وي .
محمد اشرف غني چين ته  په خپل سفر کې  چې  دجمهوري رياست  دمقام  له ترلاسه کولو وروسته  دغه هيواد ته دده  لومړنى رسمي سفر و ،  له دغه هيواد څخه وغوښتل چې دافغانستان دسولې په بهير کې  همکاري  وکړي .
  له دغې بلنې وروسته  ، په دې برخه کې دچين اقدامات  جدي شول  اويوځل  دطالبانو له خوا  يوهيئت  له قطر څخه چين ته لاړ .  سره له دې چې  له چينايي مقاماتوسره  ددغه هيئت  دکتنې  جزئيات  نه دى ترلاسه شوى  خو  سياسي کارپوهان  په دې باور دي چې  ښايي  طالبانو  دافغانستان دسولې په بهير کې دچين  درول په نسبت  چين څراغ  ښودلى دى . او چين  دې ته هڅول شوى دى چې په دې برخه کې زيات اقدامات ترسره کړي .
دافغانستان خلک  په دې ترڅ کې چې  دخپل  ختيځ ګاونډي  د وروستيو اقداماتو هرکلى کوي ، هيله لري  چې دغه هلې ځلې  په جديت  او واقعبيني سره  تعقيب شي  چې پايلي يي  مثبتې  او رغنده وي .

کابل – باختر دمرغومې دمياشتې ٢٤
د جمهوري رياست سرپرست او لومړي مرستيال سترجنرال عبدالرشيد دوستم د کورنيوچارو وزارت د خاصو قطعاتوعمومي قوماندان پاسوال اسدالله شيرزاد او د کورنيو چارو وزارت د خاصو قطعاتو مرستيال عبدالرقيب مبارز ته د ميړانې مډالونه ورکړل.
د جمهوري رياست مطبوعاتي دفتر باختر آژانس ته خبر ورکړ:
په هغې غونډه کې چې نن په همدې مقصد د صدارت د ګلخانې په ماڼۍ کې جوړه شوې وه؛ لومړى د جمهوري رياست سرپرست او لومړي مرستيال د کورنيو چارو وزارت د خاصې قطعې د افسر عبدالمتين روح ته چې د مزارشريف په لويه لاره کې شهيد شو؛ دعا وکړه. د هيواد د امنيتي ځواکونو زړه ورتيا، ميړانې او ژمنې د قدر وړ وبللې.
په همدې حال کې د کورنيو چارو وزارت د خاصو قطعاتو عمومي قوماندان پاسوال اسدالله شيرزاد د جمهوري رياست د سرپرست او لومړي مرستيال له خوا دوى ته د ميړانې د مډال د ورکولو او د هغوى د هڅونې له امله د خوښۍ په ترڅ کې د جمهوري رياست له سرپرست څخه مننه او قدرداني وکړه.