25 September 2020

RSS Facebook

سوداگریز


تازه خبرونه

په پکتیکا کې ۱۱ طالبانو ته مرګ ژوبله اوښتې

کابل/ د تلې ۴مه/ باختر طالبانو نن د یوسفخیلو ولسوالۍ...

 جمهوررئیس محمد اشرف غني او د پاکستان لومړي وزير ټليفوني خبرې وکړې

جمهوررئیس محمد اشرف غني او د پاکستان لومړي وزير ټليفوني خبرې وکړې

کابل/ د تلې ۴مه/ باختر د افغانستان د اسلامي جمهوريت...

Youtube Player

khantry design

سوداگریز

سوداگریز

کابل باختر د سلواغې يو ويشتمه :
دازبکستان داسلامي تحريک پوځي مسوول نن  دامنيتي ځواکونو  په عملياتو کې  ووژل شو  .
دتخار او کندز په ولايتونوکې دازبکستان داسلامي تحريک دتروريستي ډلې عمومي پوځي مسوول ملا نعيم دتخار ولايت دخواجه غار په ولسوالۍ کې دافغان امنيتي ځواکونو په عملياتو کې ووژل شو .
دتخار ولايت سيمه ئيز مسوولين وايي چې  ملا نعيم دکندز ولايت دامام صاحب ولسوالۍ اصلي اوسيدونکى و او دتخار اوکندز په ولايتونوکې يې دازبکستان  داسلامي تحريک دپوځي مسوول په توګه فعاليت کاوه .
دتخار ولايت وياند سنت الله تيمور دباختر اژانس خبريال ته وويل: ملا نعيم دکندز ولايت ددشت ارچي ولسوالۍ او دتخار ولايت دخواجه غار ولسوالۍ ترمنځ سرحدي سيمه کې د ملي اردو دشپږم کندک دځواکونو په عملياتو کې  وژل شوى دى .
يوه اړونده خبرځاى وويل چې ملا نعيم  دازبکستان داسلامي تحريک  مهم غړى بلل کيده چې دهغه په وژل کيدوسره به دکندز او تخار دولايتونو په امنيتي حالت کې مثبت بدلونونه رامنځته شي .

کابل باختر د سلواغې يو ويشتمه :
دننګرهار دولايتي  شوراغړې  انکيزه شينوارۍ دبم دچاودنې له امله سخته ټپي شوه .
  درارسيدلو خبرونو له مخې، ميرمن شينوارۍ په دې پيښه کې خپلې دواړه پښې له لاسه ورکړي دي او روغتيايي حالت يې خراب بلل شوى دى .
دغه راز ويل کيږي چې په دې پيښه کې دننګرهار دولايتي شورا ددغې  غړې درې تنه ساتوونکي وژل شوي دي .
  بم دميرمن شينوارۍ  دسپرلۍ په موټر کې ځاى پرځاى شوى و او نن له غرمې وروسته ديوې بجې او ديرشو دقيقو په شاوخوا کې  هغه وخت وچاوديدچې داپکې سپره وه .
  دننګرهار ولايت وياند احمد ضيا عبدالزي دباختراژانس خبريال ته وويل چې په دې چاودنه کې ددغه ختيځ ولايت دولايتي شورا غړې انکيزه  شينوارۍ سخت ټپي شوې  ده .
دعبدالزي  دڅرګندونو له مخې، په دې پيښه کې دميرمن شينوارۍ درې تنه ساتوونکې شهيدان شوي دي .   خوعيني شاهدان وايي چې په دې چاودنه کې دننګرهار دولايتي شورا دغه  غړې له دريو تنو ساتوونکو سره يې شهيده شوې ده.
انکيزه شينوارۍ ددويمې دورې  لپاره دننګرهار دولايتي شورا غړې وه .
انکيزه شينوارۍ دښځو دحقوقو له مدافعانو څخه وه او په افغانستان کې يې دتروريستي ډلو کړنې په وار وار  داسلامي لارښونو پرخلاف بللې وې .
جزئيات وروسته خپريږي .

کابل باختر د سلواغې يو ويشتمه :
دبغلان ولايت پوليسو يوتن  نن دنشه يي توکو دقاچاقو په تور په پلخمري ښار کې ونيوه .
دبغلان ولايت دامنيې قوماندانۍ وياند احمدجاويد بشارت دباختراژانس خبريال ته وويل: تورن ديارلس کيلوګرامه کرستال ډوله نشه يي توکي په يو کرولا موټر کې ځاى پرځاى  کړي و اوغوښتل يې چې دغه توکي دبدخشان له ولايت څخه دبلخ ولايت ته وليږدوي .

کابل باختر د سلواغې يو ويشتمه :
دکندز ولايت په امنيې قوماندانۍ ځانمرګي بريد دټولو يرغلګرو په وژل کيدو سره پاى ته ورسيد .
يوې ډلې ځانمرګو يرغلګرو نن دکندز ولايت په امنيې قوماندانۍ  بريد وکړ .
لومړي  يوه ځانمرګي يرغلګر په چاوديدونکو توکو بار خپل موټر ددغې قوماندانۍ ددروازې په وړاندې  وچاوه او وروسته څلورو تنو نورو يرغلګرو له امنيتي ځواکونوسره په جګړې لاس پورې کړ .
دکندز ولايت دامنيې قوماندانۍ وياند سيدسرور حسيني  د باختراژانس  خبريال ته وويل چې څلور واړه يرغلګر له دوو ساعتونو څخه په لنډه موده کې دپوځيانو دډزو له امله يوپه بل پسې وځپل شول .
يوه اړونده خبرځاى وويل چې په دې پيښه کې دپوليسو يوسرتيرى ټپي شوى دى .
  عيني  شاهدانو په کندز کې دباختراژانس خبريال رحمت الله حرمت ته وويل چې يرغلګرپه پوځي جامو سمبال و .
دکندز پوليس تاييدوى چې يرغلګرو دپوځي جاموپه کارولو سره ځان دکندز ولايت دامنيې قوماندانۍ تر دروازې پورې رسولى و .
ويل کيږي چې پوځيان په خپل وخت او په يرغلګرو په ډزو سره دکندز ولايت دامنيې قوماندانۍ اړوندو څانګو ته دهغوى د ننوتو مخه ونيوله .
  پوليس وسله وال طالبان ددغه يرغلليز  بريد مسوول بولي او وايي چې ددغې پيښې  دسازمان ورکوونکو دپيژندنې او نيولو لپاره  پلټنې پيل شوي دي .

کابل باختر د سلواغې يو ويشتمه :
دافغانستان داسلامي جمهوريت جمهور رييس محمد اشرف غني نن دافغانستان او پاکستان لپاره دجاپان دخاص استازي له مرستيال ياسوشي  ميساوا سره په ارګ کې وکتل .
دجمهوري رياست  مطبوعاتي دفتر باختر اژانس ته خبر ورکړ.
  په دې کتنه کې  دهيواد جمهور رييس  خپلې ښې هيلې د جاپان دحکومت  مشرتابه ته وړاندې کړې او په بيلابيلو برخو په تيره بيا دملي پوليسو په برخه کې له افغانستان سره ددغه هيواد دمرستو له امله مننه وکړه .
  جمهور رييس غني  دامنيت دتامينولو دښې حکومتوالۍ د جوړولو او تينګښت  او داقتصادي ودې په برخو کې د حکومت  لومړيتوبونه بيان کړل او ويې ويل چې دافغانستان نوى حکومت دبدلون لپاره دقيقه اوبشپړه اجندا لري .
  جمهور رييس څرګنده کړه موږ دملي پوليسو دمعاشونو په نظام کې دبنسټيزو  اصلاحاتو او دشفافيت  او حساب ورکولو  دسيستم  درامنځته کولو  لپاره ژمن يو 
جمهور رييس غني زياته کړه چې دافغانستان حکومت په بنسټيز ملي پروګرام کار کوي اودجاپان له حکومت څخه غواړي چې دکاري فرصتونو دبرابرولو په برخه کې دې له افغانستان سره همکاري وکړي .
په مقابل کې ياسوشي ميساوا په افغانستان کې دنوي حکومت دجوړيدو او په سوله ئيز  اودموکراتيک ډول دقدرت دليږدونې له امله مبارکي وويله.
ده دافغانستان  دفعال بهرني سياست  او ديپلوماسي  له امله قدرداني وکړه او له افغانستان سره دمرستې اوهمکارۍ په لاره کې يې  دخپل هيوادداوږدمهالې ژمنې ډاډ ورکړ .
دافغانستان او پاکستان لپاره دجاپان  دخاص استازي  مرستيال وويل چې جاپان  دافغانستان تر څنګ ولاړ دى  او په خپلو  پښو دافغانستان ددريدو له پروګرام سره به هم مرسته وکړي . 

کابل باختر د سلواغې يو ويشتمه :
دسترې محکمې عالي شورا  نن له غرمې مخکې دافغانستان داسلامي جمهوريت دسترې محکمې دسرپرست  قضاوتپوه عبدالرشيد راشد په مشرۍ غونډه وکړه او په اجنداکې نيول شوي  موضوعګانې  يې وڅيړلې .
  دسترې محکمې دخپرونو  رياست باختراژانس ته خبرورکړ.  شورالومړى په اجرااتو کې دځنډ دمخنيوي اوپه خپل وخت په قطعي او وروستيو حکمونو  دبيا غوښتنو دڅيړنې په مقصد ، دشکلي نافذو قوانينو له حکمونو سره سم څرګنده کړه چې  بيا کتنه دوضع شويو قانوني شرايطو په  بشپړولو او دبيا کتنې دلايلو ته په موقوف  پورې اړه لري او دڅيړنې  موده يې  داعتراض  له وړاندې کولو څخه وروسته درې مياشتې ده که چيرې دبيا کتنې غوښتوونکى داستدعا  دوړاندې کولو له  نټې  څخه تر يوې مياشتې پورې خپل اعتراض وړاندې نه کړي دموضوع څيړنه  ځنډول کيږي او موضوع له اجندا څخه وځي .
وروسته ديوشمير  رسيدلو استهداګانو په باب غور او څيړنه وشوه او ديوې مدني دعوا دڅيړنې  دڅرنګوالي  په برخه کې  دهرات ولايت داستيناف  محکمې درياست داستهدايې  په وړاندې  څرګنده شوه چې په مدعا بها کې ددعوا دسبب دوحدت او مدعي عليه دزياتوالي په صورت کې دې  دمدني مسئلو په برخه کې  د ١٣٩٠ کال دقضايي ملي کنفرانس  له مصوبو او په سندونوکې له ليکل شوي  تصويب سره سم اجراات وشي .
دغه راز په بلخ ولايت کې  دحج او اوقافو وزارت دوقفي جايداد په يوې برخې  دشخړې په اړوند ددغه وزارت   استهدايې  ته په پاملرنې سره  چې دمحکمې حکم پخوا په جايداد دمزاحمت  دپيداکولو دمنع کولو په  باب صادر شوي دي  خوبيا هم دعوا دوام لري څرګنده شوه چې داوقافو اداره دمدني محاکماتو داصولو له قانون سره سم په اړوندې ابتداييه محکمې داعتراض  حق لري.
په همدې ترتيب  دنامه دتصحيح او اصلاح دغوښتنې په برخه کې  دننګرهار ولايت داستيناف محکمې درياست داستهدايې په وړاندې لارښوونه وشوه چې دتذکرې ويش او دهغې دمندرجاتو تصحيح ، دکورنيو چارو وزارت دوګړو داحوالو دثبت دادارو دنده ده له دې لارې دې ستونزه حل شي .
سربيره پردې دعالي شورا  په نننۍ غونډه کې دبيا کتنې يوولس موارد غوښتن ليکونه او په مدني او جزايي قضيو کې دمحکمې  دبدلون او د ځينو قاضيانو دقضايي کادر ددرجو دلوړولو اوولس موارد غوښتن ليکونه  هم داجندا يوه  برخه و چې په هر مورد کې لازم  تصميمونه  ونيول شول .
ديوبل خبر له مخې  دسترې محکمې  سرپرست قضاوت پوه  عبدالرشيد راشد  نن له غرمې وروسته دخپل کار په دفتر  کې په کابل کې دملګروملتو دسازمان دقانون دواکمنۍ دبرخې له رييس  ښاغلي ميخاييل  هارتمن سره وکتل .
  په دې کتنه کې دواړو لورو  دسترې محکمې او ديوناما دقانون دواکمنۍ  د برخې  ترمنځ دتفاهم ليک دطرحې  په باب  خبرې وکړې  او دقضايه قوې اړتيا وې او ملي  لومړيتوبونه يې وڅيړل .
  دسترې محکمې سرپرست دهغو عيني اړتياو دبيانولو او ټينګار په ترڅ کې چې زياتره  دفزيکي ټينګښت  او دمادي ، تکنالوژيکي  او تجهيزواتي اړتياو په ساحه کې متمرکزې دي  هيله وکړه چې د يوناما دقانون دواکمنۍ برخه وکولاى شي له قضايه قوې  سره په زيات تفاهم اوهمغږي  کې او دتفاهم  ليک په چوکاټ کې خپلې همکاري تنظيمې کړي او په دې برخه کې  ګټوره ونده واخلي  .
په مقابل کې  ښاغلي هارتمن څرګنده کړه چې  ديوناما دقانون دواکمنۍ برخه له عدلي او قضايي بنسټونوسره دهمغږۍ اوهمکاري په مقصدجوړه شوې ده اوموږ لازمې هلې ځلې کوو چې په ګډ تفاهم سره ګټور پروګرامونه او پروژې تدوينې کړو او دزمانې  له اړتياوسره سمې عملي کړو چې په دې کار کې به دپخوا په شان ژمن واوسو .

کابل باختر د سلواغې يو ويشتمه :
دترانسپورت  او دملکي هوايي چلند وزارت اونورو اړوندو ادارو ونه کړاى شول دښاري او ولايتي ترانسپورت  دکرايې نوې لايحه تطبيق  کړي .
له هغه وروسته چې دتيلو په بيه کې  کمښت رامنځته شو او دښاري او ولايتي موټرو دکرايې دلوړوالې له امله دخلکو شکايتونه پورته شول دترانسپورت او دملکي هوايي چلند وزارت دنورو اړوندو ادارو په همکارۍ  يوه لايحه برابره کړه چې دهغې له مخې دښاري موټرو په کرايه کې په سلوکې شل او په ولايتي وسايطو  کې  په سلو کې  پنځه ويشت کمښت رامنځته شو اومسوولينو يې دتيرې شنبې ورځ  په هيواد کې  ددغې لايحې دتطبيق  وخت اعلام کړ خو لکه څنګه چې ليدل کيږي ددغې نوې لايحې دعملي کولو په خاطر چې دخلکو داقتصادي ستونزو دحل کولو لپاره  برابره  شوې ده په ښار کې  هيڅ راز نظارتي  پروګرامونه نه ليدل کيږي او دښاري وسايطو چلوونکو هم دپخوا په شان  له  ښاريانو څخه کرايه اخلي .
دباختراژانس خبريال يوځل بيا په دې باب دترانسپورت  او دملکي هوايي چلند  وزارت  دسرپرست  غلام سخي راسخ  نظر وغوښت .
ده وويل دغه نوې  لايحه دترانسپورت  او دملکي هوايي چلند او دعدليې دوزارتونو  او دلوى څارنوالۍ او دملي امنيت دلوى رياست  او دترافيکو  درياست داستازو له خوا  برابره شوې ده او دهغې په تطبيق  کې  هم بايد دغه ادارې  همکاري وکړي .
  ده څرګنده کړه چې موټر چلوونکي دخپلې ګټې په خاطر دنوې لايحې  له عملي کولو څخه ډډه کوي خوبايد خلک  دهغې په تطبيق  کې همکاري وکړي .  اوله نوې لايحې سره سم دې په سلو کې شل کمه کرايه ورکړي .
دکابل دترافيکو مدير  مل پاسوال اسد الله وويل چې تراوسه پورې په رسمي ډول دغه مديريت ته دموټرودکرايې دنوې لايحې په باب کوم ليک نه دى رسيدلۍ او په هغه صورت کې چې دغه مديريت ته په رسمي ډول دموټرو دکرايې دنوې لايحې په باب معلومات ورکړي شي دهغې په تطبيق کې اقدام کوي .
  خو دترانسپورت او دملکي هوايي چلند وزارت سرپرست ادعاکوي چې نورو ادارو  په تيره بيا دترافيکو ادارې ته  دنوې لايحې په باب  دليکونورسول وخت غواړي  .
دباختراژانس خبريال دموټرو دکرايې دنوې لايحې دنه رعايتولو په باب  وسايطو  له څو تنو چلوونکوسره خبرې کړي دي هغوى ادعاکوي  چې ددوى دکار پخواني سمون کم شوى دى اوکه چيرې  له يوې خوا دتيلو بيه ټيټه شوې ده له بلې خوا ددوى په کار او غريبي کې کمښت رامنځته شوې دى.
په هر صورت دايواځې  داسې ستونزه ده چې خلکو ته متوجه ده او له منځه وړل يې  داړوندو دولتي  ادارو وجيبې او مسووليتونه  دي لکه څنګه  چې  دنوې لايحې برابرول  ددغو ادارو له دندو څخه دي تطبيق يې هم دهغوى مکلفيتونه دي او  خلک يواځې کولاي شي په دې برخه کې دهمکار رول ولوبوي .

کابل باختر د سلواغې يو ويشتمه :
دجوزجان ولايت دامنيې قوماندانۍ ويانددباختر اژانس خبريال ته وويل په دغې نولس کلنې ميرمنې دشبرغان ښار په اسعد اباد کلي کې دې  په کور کې جنسي تيرى شوى دى او ګاڼې يې  هم لوټې  شوي دي .
  يوه اړونده خبرځاى وويل: پوليسو  دقضيې په اړوند دوه تنه نيولي دي او تراوسه پورې  ددغې پيښې دڅرنګوالي په باب څه نه دي ويل شوي .

کابل باختر د سلواغې يو ويشتمه :
دهند دکرکټ ملي ټيم درې سوه  څلور شپيته منډې دافغانستان  دکرکټ ملي ټيم ته هدف وټاکه .
دباختراژانس  دخبر له مخې،  دغه سيالۍ  نن سهار  دهنددکرکټ  دملي ټيم او د افغانستان دکرکټ  دملي ټيم ترمنځ په استراليا کې  په دوستانه ډول ترسره شوې  او لوبه لومړي دهند ټيم پيل کړه او په پنځوسو اورونوکې او دپنځو تنو لوبغاړو په سوځيدو سره درې سوه څلورشپيته منډې يې دافغانستان دکرکټ ملي ټيم ته هدف وټاکه چې تراوسه پورې دافغانستان ټيم  ديوه لوبغاړي په سوځيدو  سره په يوولسو اورونوکې يوشپيته منډې ترسره کړي دي .   ختم_  سعيده _ اکرم
دکابل ولايت  په قره باغ کې درې تنه له وسله والومخالفينو سره دهمکاري په تور ونيول شول .
٢٨-کابل باختر د سلواغې يو ويشتمه :
  دملي اردو ځواکونه وايي درې تنه چې ويل کيږي  له وسله والو  مخالفينو سره يې  اړيکې لرلې او په ورانکارو پروګرامونو کې رول درلود په کابل ولايت کې ونيول شول .
دملي دفاع وزارت دويندوى  مطبوعاتي دفتر باختراژانس ته خبر ورکړ .
دغه درې تنه دکابل  ولايت دقره باغ ولسوالۍ  په مربوطاتو کې  ونيول شول .  له دوى څخه درې کلاشينکوفونه  اويوه اندازه مهمات ترلاسه شوي دي
له دوى څخه څيړنې دوام لري .   

کابل باختر د سلواغې يو ويشتمه :
دکونړ ولايت امنيتي مقامات وايي چې وسله والو طالبانو دکونړ ولايت له مرکز اسعد اباد سره لاره د ناړى ولسوالۍ لاره تړلې ده چې له دې  امله يې خلکوته زياتي ستونزې رامنځته شوي دي . 
دکونړ  دولايتي شورا غړي ملک شير زمين دباختراژانس خبريال ته وويل دغه مواصلاتي لاره له دريو ورځو راپديخوا  دامنيتي ځواکونو او دملکي خلکو پرمخ تړل شوې ده .
دده دڅرګندونو له مخې، وسله والو طالبانو تيرماښام  دناړى دشاوخوا په ساحه کې په يوه سراچه موټر ډزې وکړې او هغه ته يې او رواچاوه  چې له امله يې درې تنه ملکي وګړي  شهيدان او يوماشوم ټپي شو.
دشير زمين دڅرګندونو له مخې،  وسله والو طالبانو دغويان کټ  په ساحه کې دمواصلاتي  لارې په تړلو سره  ماينونه په ساحه کې ځاى پرځاى کړي او دامنيتي ځواکونو دتللو دمخنيوي لپاره له غرونو څخه په خلکو ډزې کوي .
دکونړ ولايت  امنيه قوماندان عبدالحبيب  سيدخيل  دباختراژانس خبريال ته وويل  چې دغه لاره له دريو ورځو راپديخوا تړل شوې ده خو دبيا پرانستلو لپاره مو امنيتي تدبيرونه  په پام کې نيولي دي .
  سيدخيل زياته کړه :امنيتي ځواکونه  دځانګړو عملياتو په ترسره کولو سره دغه لاره پرانيزي او دملي اردو دماين پاکولو انجنيري ټيم هم ساحې ته ځي او ځاى پرځاى شوي ماينونه  کشف اوشنډوي .
  دسيدخيل  دڅرګندونو له مخې،  دماين پاکولو  ځواکونه نن سهار ساحې ته رسيدلي په دغې ساحه کې دماينونو دشنډولو  په حال کې دي، دملي اردو دوه تنه سرتيري  ټپيان شوي دي .
سيدخيل وويل دملي اردو ځواکونه ددغې  لارې په پرانستلو سره غواړي ددغې ساحې  په ځينو برخو کې  امنيتي پوستې ځاى پرځاى کړي .