12 August 2020

RSS Facebook

سوداگریز


تازه خبرونه

په هرات کې ۲۵۰ کورنیوته د څښاک اوبه برابرې شوې

-هرات د زمري ۲۱ باختر د هرات د کرخ ولسوالۍ په...

جمهورريیس غني د افغانستان دولت مذاکره کوونکي پلاوي سره وکتل

جمهورريیس غني د افغانستان دولت مذاکره کوونکي پلاوي سره وکتل

-کابل / د زمري ٢١مه/ باختر د افغانستان د اسلامي جمهوریت...

Youtube Player

khantry design

سوداگریز

سوداگریز

کابل – باختر دمرغومې دمياشتې ٢٤
د اصلاحاتو او ښې حکومتوالۍ په چاروکې د جمهور رييس د فوق العاده استازى د دفتر وياند عبدالکبير واثق وايي: د بدني روزنې او ورزش د رياست او د المپيک د ملي کميټې ترمنځ د اختلافونو د حل کولو لپاره کار دوام لري.
احمد ضيا مسعود په دې وروستيو وختوکې يو هيئت موظف کړ چې د هيواد د دوو ورزشي مرکزونو ترمنځ د ستونزې حل د څيړې او وروستۍ نتيجې يې وړاندې کړي.
د احمد ضيا مسعود وياند عبدالکبير واثق نن د باختر آژانس خبريال ته وويل: هيئت په دې باب د موجودو ستونزو په څيړنې بوخت دى او په لنډ ممکن وخت کې به د بدني روزنې او ورزش د رياست او د المپيک دملي کميټې ترمنځ داختلافونو د حل کولو لپاره خپل رپوټ به د اصلاحاتو او ښې حکومتوالۍ په چاروکې د جمهور رييس فوق العاده استازي ته وړاندې کړي.

کابل باختر دمرغومي دمياشتې ٢٤ :
په بدخشان ولايت کې نن يو تن  د انسان تښتونې په اړوند ونيول شو.
پوليس وايي چې دغه سړى په بدخشان ولايت کې دانسان تښتونې په لسګونو پيښوکې لاس لري او له زياتې مودې را په دې خوا د امنيتي مامورينو تر څارنې لاندې و.
عبدالرحمن د جرم ولسوالۍ په دشتک کلي کې د امنيتي مامورينوپه ځانګړو عملياتوکې ونيول شو .
په بدخشان کې يوې محکمې دغه سړى دانسان تښتونې په څو پيښو کې دلاس لرلو  په جرم په غيابي ډول په دولس کاله بند محکوم کړ.
د بدخشان ولايت امنيه قوماندان جنرال بابه  جان دباخترآژانس  خبريال ته وويل چې دغه سړي په بدخشان کې دانسان تښتونې په لسګونو پيښو کې لاس درلود او له زياتې مودې را په دې خو د پوليسو تر څارنې لاندې و.

کابل باختر دمرغومي دمياشتې ٢٤ :
د واټونو خرابوالى او ترافيکي مقرراتو ته نه پاملرنه  دهرات ښار په کچه  دترافيکي پيښو د زياتوالي سبب شوې ده .
ويل کيږي چې په تيرو  ٢٤ ساعتوکې  نږدې ٣٠ تنه هراتيان د ترافيکو پيښو له امله ټپيان شوي دي .
د خواجه عبدالله انصاري روغتون مسوولين وايي چې دترافيکي پيښو زياتره ټپيان   د درملنې لپاره روغتونونو ته ليږدول شوي دي .
يوه اړونده خبرځاى وويل چې د دغې پيښې د دريو تنو ټپيانو روغتيايي حالت ښه نه دى.
د روان کاله پيل څخه تراوسه پورې څه دپاسه ٦ زره تنه هراتيان په ترافيکو پيښو کې ټپيان شوي دي او په لسګونو تنه نور وژل شوي دي .

کابل باختر دمرغومي دمياشتې ٢٤ :
درې تنه وسله وال طالبان تيره شپه په سرپل ولايت کې له پوځيانو سره د نښتې په بهيرکې ووژل شول.
دغه جګړه د کوهستاناتو ولسوالۍ بازار ته څېرمه هغه وخت ونښته چې يوې ډلې يرغلګرو د پوځيانو د ګزمې په کاروان بريد وکړ.
د سرپل ولايت يوه سيمه ييز مسوول دباختر آژانس خبريال ته وويل چې په دې نښته کې درې تنه وسله وال  طالبان  وژل شوي دي .
د ده د څرګندونوله مخې: يرغلګر د سر د زيان له زغملو وروسته له ساحې څخه  تيښتې ته اړ کړاى شول .
ويل کيږي چې په دې نښته کې ملکي وګړو او پوځيانو ته زيان نه دى اوښتى.

کابل باختر دمرغومي دمياشتې ٢٤ :
يو دپاسه سل تنه بنديان نن د موظف کميسيون د هيئت له څيړنې وروسته د څرخي پله له جيل څخه آزاد کړاى شول .
دسترې محکمې د خپرونو رياست باخترآژانس ته خبر ورکړ:
دغه بنديان د افغانستان د اسلامي جمهوريت د جمهوري رياست له هغه فرمان سره سم چې د اسلام د ستر پيغمبر حضرت محمد مصطفى (ص) دنيکمرغه ميلاد په مناسبت صادر شوى و؛ له بند او حجز څخه آزاد شول چې په هغوکې اته ښځې، اتلس تنه محجوزين او نارينه شامل دي.
د خبرځاى د څرګندونوله مخې:  په هغو مراسموکې چې له همدې امله د څرخي پله  په مرکزي جيل کې پرځاى شوي و؛ يو تن  آزاد شوي د نورو په استازيتوب خبرې وکړې  او  ويې ويل  چې د دولت  له اسلامي او انساني عواطفو  څخه مننه کوم اوله دې امله چې له خپلې کورنۍ سره يو ځاى کيږو. له دې  وروسته به هلې ځلې وکړو چې د ټولنې د سالمو افرادو په توګه خپلو خلکو ته د خدمت جوګه شو.

Wednesday, 14 January 2015 14:05

خبرتيا

کابل باختر دمرغومي دمياشتې ٢٤ :
د حج او اوقافو وزارت خبرتيا
دکابل ښار دناحيو د ١٣٩٤ کال دحج  ټولو غوښتوونکو ته چې خپل لومړى قسط يې تحويل او د کابل په نوي ښارکې د مرکز د حج او زيارت په رياست کې نومونه ليکلي دي او په ١٣٩٤ کال کې د حج لپاره يې د نوبت ټکټ اخستى دى؛ خبرورکول کيږي چې د برقي پاسپورت د اخيستلو د پړاوونو د بشپړولو لپاره چې   د دوى د حج سفر له هغه پرته ناشونى دى؛ د روان کال د مرغومي د مياشتې له  ٢٧ نيټې د شنبې له ورځې څخه د سلواغې د مياشتې تر ٢ نيټې  د پنجشنبې تر ورځې پورې د شپږو ورځو لپاره هره ورځ د سهار له اتو بجو او ديرشو دقيقو څخه د مازيګر ترڅلورو بجو پورې د خپل تابيعت د تذکرې له اصل د نوبت له ټکټ او د خپل لومړى قسط د آويز له کاپي سره د عيدګاه جامع جومات ته ورشي .
که چيري حاجيان په دې موده کې مراجعه ونه کړي او دمعياري پاسپورت له اخيستلو څخه چې په راتلوونکي کال کې  د حاجي د سفر اساسي شرط دى ؛ پاتې شي هغه وخت به د شکايت حق ونلري .
د کابل ولايت د ولسواليوحاجيان د کابل ولايت د حج او اوقافو په رياست پورې اړه لري او له هغې لارې تنظيميږي .
د همدې خبرتيا له مخې دې د عيدګاه جامع جومات ته مراجعه نه کوي.

کابل باختر دمرغومي دمياشتې ٢٤ :
دافغانستان داسلامي جمهوريت اجرائيه رييس نن په افغانستان کې د ناټو د ځواکونو له لوى قوماندان جنرال کيمبل سره وکتل او د هېواد د امنيتي حالت په باب يې ورسره خبرې وکړې او له ډار اچونې سره په غوڅې او هميشنۍ مبارزې باندې يې ټينګار وکړ.
د اجرائيه رياست مطبوعاتي دفتر باخترآژانس ته خبر ورکړ:
دافغانستان داسلامي جمهوريت اجرائيه رييس ډاکتر عبدالله عبدالله وويل چې د ملي وحدت حکومت به په خپل ټول توان سره د هېوادوالو د امنيت د تامينولو او د هغوى د ستونزو د حل کولو په لاره کې هڅه او هاند وکړي  او د سالمې ، اغيزمنې  او د افغانستان خلکو ته په خدمت د ژمنې ادارې جوړول په هېواد کې د نوي نظام  کاري لومړيتوبونه وبلل .
د ناټو د ځواکونو لوى قوماندان جنرال کيمبل هم له  ډار اچونې سره دمبارزې په لاره کې دملي وحدت دحکومت له  هڅو سره د ملاتړ په څرګندولوسره ټينګار وکړ چې نړيواله ټولنه دپخوا په شان له افغانستان سره خپل هر اړخيز او بشپړ ملاتړ ته دوام ورکوي او اجازه به  ورنکړي چې دغه هيواد به بيا په  نړۍ کې دتروريزم په مرکز بدل شي .
دغه راز ده د ملي وحدت دحکومت د کابينې دغړو د فهرست مشخص کيدل يو مثبت ګام وباله او هيله يې وکړه چې د نوې کابينې د کار په پيل کيدو سره د خلکو زياتره انديښنې او په افغانستان کې زيات شمېر ستونزې اوچلنجونه حل اوله منځه لاړ شي .
ډاکتر عبدالله عبدالله په بېلابېلو مواردوکې د نړيوالې ټولنې د همکاريو له امله   د قدردانۍ په ترڅ کې څرګنده کړه چې د افغانستان خلک او د ملي وحدت د حکومت مسوولين په هېوادکې دامنيت دتامينولو اوپه افغانستان کې د ډله ييز سوکالۍ د زمينې  د برابرولو په لټه کې دي او هلې ځلې به وکړي چې په هېوادکې سوله اوثبات تامين شي .

کابل باختر دمرغومي دمياشتې ٢٤ :
د افغانستان پخواني جمهور رييس حامدکرزي د سويډن له سفير ښاغلي (پيترسمبي) سره د خپل کار په دفترکې وکتل.
د افغانستان د پخواني جمهور رييس حامدکرزي دفتر باخترآژانس ته خبرورکړ:
په دې کتنه کې چې نن وشوه؛ د سويډن سفير په تيرو ديارلسو کلونوکې د حامدکرزي د کارنامو يادونه وکړه او د افغانستان او سويډن ترمنځ اړيکې يې ښې او دوستانه وبللې .
وروسته حامدکرزي په تيرو کلونوکې دسويډن همکاريو او ملاتړ ته د اشارې په ترڅ کې په بېلابېلو برخوکې ددغه هېواد د مرستو له امله مننه او قدرداني وکړه.

کابل – باختر دمرغومې دمياشتې ٢٤
د طالبانو يو قوماندان پرون د کندز- خان آباد په تګلورى کې ونيول شو.
دکندز ولايت د امنيې قوماندانۍ وياند د باختر آژانس خبريال ته وويل: د طالبانو قوماندان په عباس مشهور عبدالغيور چې په ورانکارو فعاليتونو بوخت و؛ دکندز ولايت د امنيې قوماندانۍ د استخباراتو د مامورينو له خوا ونيول شو.
خبرځاى زياته کړه: ده په لومړنيو تحقيقاتوکې اعتراف کړى دى چې د ملي پوليسو په پوستو په څو بريدونو، په لاروکې دماينو په ښخولو او دملي پوليسو او اردو د څو سرتيرو په ترورکې لاس درلود.
نيول شوي قوماندان اعتراف کړى دى چې د انتخاباتو په ورځ يې په سازمان شويو بريدونوکې لاس درلود

کابل – باختر دمرغومې دمياشتې ٢٤
په دايکنډي ولايت کې تېره شپه په يوې امنيتي پوستې د وسله والو طالبانو دبريد له امله يو پوليس شهيد او يو نن بل ټپي شو .
د دايکنډي ولايت د امنيې قوماندانۍ د مطبوعاتو آمر درمحمد حسني د باختر آژانس خبريال ته وويل: وسله والوطالبانو د ګچران ولسوالۍ د صوف او کاريز په امنيتي پوستو راکټي بريدونه وکړل چې له امله يې يوملي پوليس شهيد او يوبل ټپي شو.
خبرځاى زياته کړه: ټپي پوليس د ګجران روغتون ته ليږدول شوى او روغتيايي حالت يې مخ په ښه والي بلل شوى دى.