29 January 2020

RSS Facebook

سوداگریز


تازه خبرونه

وسله والو په کابل کې د سیمه ييزې اردو قوماندان ترور کړ

وسله والو په کابل کې د سیمه ييزې اردو قوماندان ترور کړ

کابل/ د سلواغې ٨ مه/ باختر وسله والو نن د کابل...

شپږ وسله وال طالبان د هېواد په جنوب کې ونیول شول

شپږ وسله وال طالبان د هېواد په جنوب کې ونیول شول

کابل/ د سلواغې ٨ مه/ باختر د قندها د امنیې قوماندانۍ...

Youtube Player

khantry design

سوداگریز

سوداگریز

مسکو- نيوزنو – باختر د وږي دمياشتې ١١
د روسيې جمهور رييس ولاديمير پوتين ويلي دي چې که وغواړي کولاى شي د دوو اوونيو په بهيرکې د اوکراين پايتخت ونيسي.
د له ريپبليکا ورځپاڼې په خپل پرونۍ ګڼه کې وليکل چې پوتين دغه خبره د اروپايي کميسيون له رييس باخوزه مانويل بروسوسره په ټيلفوني اړيکه کې ويلي دي.
ددغې ورځپاڼې د خبرله مخې: خوزه مانويل بروسو د پوتين دغه پيغام په بروکسل کې د اروپا د اتحاديې په يوه غونډه کې د دغې اتحاديې رهبرانو ته رسولى دى .
د له ريپبليکا ورځپاڼه ليکي چې د پوتين دغه ګواښ په روسيې د اروپا اتحاديې د احتمالي بنديزونو ځواب دى.

بروکسل – باختر د وږي دمياشتې ١١
د ناټو سرمنشي اندرس فاګ راسموسن وايي: موږ د افغان اردو لپاره د روزنې او سلا مشورو د همکاريو په برخه کې خپل نوى د ماموريت پلان چمتوکړى دى او کله چې په افغانستان کې زموږ د شتون د دوام لپاره د يو قانوني چوکاټ جوړ شي؛ دغه پلان به په راټلوونکې کال کې عملي شي.
باختر آژانس د نړيوالو خبرځايونونو له خولې خبرراکړ:
راسموسن وويل: دا يوه مهمه او حياتي موضوع ده چې په افغانستان کې د انتخاباتو نتيجې معلومې شي، داسې نتيجې چې د دواړو نوماندانو او د افغانستان خلکو ته د منلو وړ وي .
راسموسن وويل: د عراق حالات موږ ته د عبرت درس دى او په همدې دليل د افغان ځواکونو روزنه او د هغوى ملاتړ ضروري ده .
د ناټو سرمنشي دغه راز وويل: د بريتانيا په ويلز کې د دغه تړون د پنجشنبې د ورځې غونډه به د ناټو په تاريخ کې يوه مهمه غونډه وي .
د بريتانيا په ويلز ښارکې د ناټو په غونډه کې به د افغانستان د حالاتو په ګډون د مهمو نړيوالو مسئلوپه باب خبرې وشي.
ټاکل شوې ده د ناټو عسکر د روان ميلادي کال تر پاى پورې له افغانستان څخه ووځي.
د افغانستان انتخاباتو او په دغه هيوادکې د ناټو د ماموريت راتلوونکي هغه مسئلې دي چې د ناټو په غونډه کې به پرې خبرې وشي.

کابل باخترد وږي دمياشتې  ١١  :
دبهرنيو چارو وزارت ويندوى  پرون په يوه  خبري غونډه کې ويلي دي چې دبريتانيا  د ويلز په غونډه کې دافغانستان دموضوع په باب اجندا به دهېواد له امنيتي ځواکونوسره دنړيوالو ځواکونو دهمکارۍ ددوام په لارو چارو متمرکزه  وي.
دباخترآژانس دخبريال دخبرله مخې: دبهرنيو چارو وزارت ويندوى احمدشکيب مستغني له رسنيو سره په غونډه کې څرګنده کړه  چې ټاکل شوې ده  دبريتانيا د ويلز په ښارکې دناټو دمشرانو په څلور کلنه غونډه کې  د افغانستان دمسئلې په باب اجندا کې  به دافغانستان له امنيتي ځواکونوسره دناټو دغړو هېوادونو د همکاريو د دوام د څرنګوالي په باب  متمرکز وي  او دغه راز دافغانستان دولت هيله لري  چې په دې غونډه کې دهغه نړيوال متحدين لکه څنګه چې ژمنه يې کړې ده؛ دافغانستان له وسله والو ځواکونو سره دمرستو  او همکاريو دڅرنګوالي په باب موافقې ته ورسيږي.
ده زياته کړه: د ويلز په ښارکې  دناټو دمشرانو په غونډه کې دافغانستان  دملي دفاع د وزير دګډون په مقصد د بهرنيو چارو وزارت له خوا لازمې تيارۍ نيول شوې دي.
دغه راز مستغني ويلي دي : يو مورد چې ورباندې خبرې  کيږي؛ د لګښتونو داټکل په باب دبيا غور په باب دافغانستان وړانديز دى چې دڅلور اعشاريه يو ملياردو ډالرو څخه پنځه اعشاريه پنځو ملياردو ډالرو ته زيات شي او د هېواد د ماليې  د وزارت معين  په همدې باب دکار  او له موظفو کميټو سره  دخبرو په خاطر  لندن ته تللى دى  چې ددغې موضوع په باب خبرې اترې وکړي.
د ويلز غونډه  په داسې حال کې جوړيږي چې افغانستان  په حساس حالت کې دى.
دناپاکو رايو د پلټنې او باطلولو بهير تراوسه پورې دوام لري  او نوى جمهور رييس  چې ټاکل شوې وه په دې کنفرانس کې يې ګډون کړى واى؛ تراوسه پورې نه دى انتخاب شوى .

Tuesday, 02 September 2014 08:50

د اسعارو بيه

کابل\باختر\د وږي د مياشتې١١
د کابل د شهزاده سراى د صرافانو د رييس د معلوماتو له مخې:
نن له غرمې مخکې دبهرنيو پيسو په مقابل کې د افغانۍ ارزښت په دې ډول دى:
يوامريکايي ډالر پيرودل په 40/75  افغانيو پلورل په 45/ 75افغانيو
يوانګليسي پونډ پيرودل په20 / 94افغانيو پلورل په25 \ 94افغانيو

يوه يورو پيرودل په20 / 75 افغانيو پلورل په20 /75  افغانيو

يوسعودي ريال پيرودل په25 /15پلورل30 /15افغانيو

د اماراتو يو درهم پيرودل په 55 / 15 افغانيو پلورپه 60 / 15 افغانيو
زرپاکستاني کلدارې پيرودل په  566افغانيو پلورل په 567افغانيو
زرهندى کلدارې پيرودل په 945افغانيو پلورل په 950 افغانيو
او زر ايراني تومان پيرودل په20 /18 افغانيو پلورل په25  / 18 افغانيو

کابل باخترد وږي دمياشتې  ١٠  :
ودماليې دوزير ډاکتر عمر زاخيل وال په مشرۍ ددغه وزارت  دمشرتابه هيئت
نن دجمهوري رياست له  نوماندانو ډاکتر عبدالله عبدالله  او ډاکتر اشرف غني سره په جلا جلا غونډو کې  دهيواد اقتصادي حالت وڅيړه.
دباخترآژانس دخبرله مخې :  دماليې وزارت په هغې خبرپاڼه کې  چې په دې اړوند يې خپره کړې ده، ددغو کتنو په بهيرکې  دماليې وزارت  هيئت دهېواد دمالي اواقتصادي حالت په باب دجمهوري رياست نوماندانو ته مفصل معلومات وړاندې کړل   او دهېواد په مالي اواقتصادي حالت باندې دانتخاباتو دبهير داوږدوالي او ليږدونې  دبيلابيلو  بهيرونو دمنفي اغيزو په باب ددغه وزارت  انديښنه څرګنده کړه.
دغونډې په بهير کې دغه راز  دماليې وزارت هيئت دافغانستان په پرمختيايي  ستراتيژي پورې اړوندې خبرې  ، دنړيوالو مرستو ونډه  ، دسيمه ييزو اقتصادي همکاريو ، په مشخصو ساحو کې داصلاحاتو دتطبيق ارزښت  او دلندن داقتصادي کنفرانس لپاره تيارى  چې  د روان ميلادي کال دنوامبر په مياشت کې  جوړيږي  له نوماندانو سره شريک کړل.
په مقابل کې نوماندانو هريو  داقتصادي اصلاحاتو په باب خپلې نظريې څرګندې کړې.
په همدې ترتيب دماليې وزارت   دمالي فشارونو  اودعوايدو دکچې دکمښت له پلوه دبودجې دکسر  په برخه کې  چې  دضروري لګښتونو دلومړيتوبونو سبب شوي دي  او دلومړيتوبونو په سرکې  دملکي کارکوونکو دمعاشونو  دورکولو په باب  معلومات وړاندې کړل چې دتائيد وړ وگرځيدل.
په پاى کې  دواړو نوماندانو  دهېواد داقتصادي موضوعګانو دڅيړنې او دغه  راز دلندن داقتصادي کنفرانس لپاره دتياري په لاره کې  چې دروان ميلادي کال  دنوامبر په مياشت کې به  جوړ شي د ماليې له وزارت  او تمويلوونکو هېوادونو سره دګډو خبرو او کار لپاره خپل استازي  معرفي کړل.

کابل باخترد وږي دمياشتې  ١٠  :
دسولې دشهيد استاد برهان الدين رباني دشهادت ددريم تلين دنمانځنې دمراسمو عالي کميسيون دکورنيو چارو وزارت دسترامنيتي معين سترپاسوال محمد ايوب سالنګي په مشرۍ نن ددغه وزارت په مقرکې   غونډه وکړه.
دکورنيو چارو  وزارت مطبوعاتي دفتر باخترآ ژانس ته خبرورکړ :
داستاد برهان الدين رباني  دشهادت ددريم تلين ددرناوي دکميسيون مشرتابه او غړو په لومړۍ غونډه کې څلور ګونې کميټې ، تشريفاتو ، فرهنګي ، لوژستيک او دټولنيزو  خدمتونو  جوړې شوې  او هرې يوې دغې کميټې ته دنده وسپارل شوه چې دنمانځنې دمراسمو  دپرځاى کولو دڅرنګوالي په باب چې دروان کال دوږي دمياشتې  په ٢٩ نيټه به ترسره شي  خبرې وکړي  اوپه ښه توګه ددغو مراسمو دپرځاى کولو په خاطر دې  خپل پيشنهادونه عمومي غونډې ته وړاندې کړي .
دغه راز په  دې غونډه کې  دکورنيو چارو وزارت  ستر امنيتي معين ستر پاسوال محمدايوب سالنګي دهېوا دملي اتل شهيد احمدشاه مسعود دشهادت دتلين  ددرناوي دمراسمو  پرځاى کولو ته په اشارې سره دکابل ولايت امنيه قوماندان ، دکابل د امنيت رييس  او دملي  اردو د ١١١ فرقې قوماندان موظف کړل  چې دوږې دمياشتې د ١٨ نيټې دمراسمو دامنيتي تدبيرونو دنيولو په برخه کې هم د جمهوري رياست دمقام له  حکم سره سم  جدي اقدامات ترلاس لاندې ونيسي .
ددغې غونډې په پاى کې پريکړه وشوه چې په راتلوونکي اوونۍ کې دې هم دغه  کميسيون دسولې دشهيد استاد برهان الدين رباني دشهادت دتلين دمراسمو دچارو  دلاښه تنظيم او همغږۍ په مقصد يوه بله غونډه جوړه کړي.

کابل باختر د وږي  لسمه :
دوزيرانو شورا نوبتي غونډه نن له غرمې مخکې  دافغانستان داسلامي جمهوريت دجمهور رييس حامدکرزي په مشرۍ  دجمهوري رياست دارګ دګلخانې په ماڼۍ کې  جوړه شوه .
  دچارو دادارې او دوزيرانو شورا ددارالانشا لوى رياست باختراژانس ته خبر ورکړ.
له اجنداسره سم  دسوداګرۍ اوصنايعو وزير داوبلن ګاز دبيو دلوړوالي او دهغو دمخنيوي په باب  دنيول شويو تدبيرونو په اړوند غونډې ته معلومات ورکړل او زياته يې کړه :  له ترکمنستان څخه  ديوې زياتې اندازې  اوبلن ګاز  دپيرودنې په لاره کې لازم تياري  نيول شوي دي .
ده  داوبلن ګاز  دبيو لوړوالي داوبلن ګاز  د واردوونکو  شرکتونو داحتکار او ګاونډي هيواد ته دهغو دقاچاقو زيږنده وباله .
دوزيرانو شورا  له هراړخيزو خبرو وروسته  دسوداګرۍ او صنايعواودماليې وزارتونه او دلوى څارنوالۍ اداره  داقتصاد دوزير په مشرۍ  موظف کړل  چې په لومړي ګام کې دې  دمحمود جليل او د انرژي دام -جي شرکتونو دفعاليت  جواز چې  دلوى څارنوالۍ ادارې ته  معرفي شوي دي  سلب او نغدي جريمه کړي . دغه راز  داوبلن ګاز  هغه ټول  واردوونکي  شرکتونه  چې په احتکار لاس پورې کړي دي تحقيق  او وپيژنې او له وظيفوي صلاحيتونو څخه  په استفادې  سره دې  دنافذو قوانيو په رڼا کې دهغوى دفعاليت جواز سلب  او له نغدي جريمې وروسته دې  تر قانوني  څارنې لاندې ونيسي او دنتيجې په باب دې  دوزيرانو شورا راتلوونکي غونډې ته رپوټ وړاندې کړي .
ورپسې  دافغانستان داسلامي جمهوريت جمهور رييس  په تاريخي لړۍ او دضروري  سندونو  په وړاندې کولو سره  دتيرو دولسو کلونو په بهير کې دترسره شويو کاري چارو  درپوټ  دبشپړولو څرنګوالي ، طرحه شوي پلانونه ، کاري پروګرامونه ، ترسره شوي تجربې او په دې لاره کې  پرتې ستونزې او خنډونه وڅيړي او د وزارتونو او ددولتي  ادارو له خوا  دمعلوماتو غوښتنه وکړه .
  دغونډې دکار په دوام دچارو دادارې او دوزيرانو شورا  ددارالانشا لوى رييس  دوزارتونو  اوددولتي  ادارو  له خواددغورپوټونو دبشپړولو په باب  غونډې ته ډاډ ورکړ او څرګنده يې کړه چې زياترو وزارتونو اړونده رپوټونه  په ښکلي ثقافت سره  چاپ کړى دى .
  وروسته  دوزيرانو شورا  دبيړني حالت  ملي کميټه  او دمهاجرينو  دراستنولو ، قومونو اوقبايلو او دپوهنې  وزارتونه  موظف کړل چې  دشمالي وزيرستان  دمهاجرينو لپاره  ددولت  لازمې مرستې  دپکتيکا ، پکتيا او دخوست ولايتونو ته  وليږدوي  اوويې ويشي . او دپوهنې وزارت دې  دهغوى  زده کوونکي په اړوندو ليسو کې جذب  او په ليليه کې دې شامل  کړي .
ورپسې  دجمهوري رياست دويم مرستيال او  دوزيرانو شورا  داقتصادي  کميټې رييس محمد کريم خليلي  ددغې کميټې دروان کال  دڅلورمې  او پنځمې ګڼې  پريکړو  لنډيز  غونډې ته  طرحه کړ او له اړوندو مسوولينو څخه يې  وغوښتل چې په دې باب دې کابينې ته زيات تفصيل  وړاندې کړي .
  وروسته  دښارجوړولو دچارو وزير دکابل په جنوب لويديځ کې دکابل جان  پارک  دجوړولو طرحه  غونډې ته وړاندې کړه اوزياته يې کړه  چې  دغه پارک  ددوو مليونو ډالرو په لومړنۍ پانګې او ددوه سوه  مليونو ډالرو  په وروستي پانګې سره  د څلور زره جريبه  ځمکې په ساحه کې طرحه شوي دي چې په دې طرحه کې تفريحي ، ټولنيزې او ورزشي موضوعګانې اونورې اسانتياوې  په پام کې نيول شوي دي .
  دوزيرانو شورا ددغه پارک جوړول اويو مفکوري په توګه  ومنل او دښار جوړولو دچارو  وزارت يې  موظف کړ چې ددغه پارک  تخنيکي او اقتصادي  مطالعات دې  دهغه داوبو  دتمويل  دسرچينو په پام کې نيولو سره  بشپړ او دساحې  لنډ سکيپ  دې برابر او دوزيرانو شورا  راتلوونکو غونډو ته دې وړاندې کړي .
  ورپسې  دسوداګرۍ او صنايعو او د ترانسپورت  اودملکي هوايي چلند وزيرانو دترانسپورتي ترمينل  دجوړولو په لاره کې دهرات  دنساجي  داته اويا جريبه  ځمکې  داوږدمهالي  اجازې په باب  دميرويس خالد شيرزاد لميتد شرکت  غوښتنه  غونډې ته طرحه کړه  چې دتاييد وړ ونه ګرځيده .
دغه راز  داقتصاد وزيرداوسپنې دتوليدوونکو کورنيو فابريکو لپاره  له پنځلسو زرو افغانيو څخه دولسو زرو افغانيو ته  ديوټن  داغمه اوسپنې دبيې  دکمښت په باب  دسوداګرۍ او صنايعو دخونو  وړانديز غونډې ته طرحه کړ چې دتاييد وړ ونه ګرځيد .
دغونډې دکار په دوام داقتصاد وزير  دافغانستان دملي پرمختيا  دستراتيژي  دتطبيق  وروستي رپوټ  غونډې ته طرحه کړ او زياته يې کړه چې په دې ستراتيژي کې شپږ اتيا  موافقه شوي  نتيجې ، دپنځو کلونو په بهير کې  دپنځه ديرش اعشاريه  نهو ملياردو ډالرو  په اټکلي بيې  دوه سوه شپږ اويا  انکشافي شاخصونه  اټکل شوي دي  چې له دې جملې څخه  دڅلور اعشاريه  نهو ملياردو ډالرو په ګډون پنځلس اعشاريه  څلور مليارده ډالره  دپرمختيايي بودجې له لارې او لس اعشاريه  دوه مليارده ډالره  له  ملي بودجې څخه بهر  لګيدلي دي  چې دملي پرمختيا  دستراتيژي  په سلوکې نږدې شپږ شپيته  تحقق  ښيي .
  دوزيرانو شورا  داقتصاد دوزير  درپوټ له اوريدو وروسته  ، دغه وزارت موظف کړ چې ددغې ستراتيژي  لنډيز  دې برابر اود ډله ئيز اطلاعاتو دوسايلو له لارې دې  دعامه پوهاوي لپاره  خپور کړي .
وروسته  دانرژي او اوبو وزير  دکابل ښار  په بيلابيلو سيموکې  تر ځمکې لاندې اوبو دحقيقي زيرمو او له هغو څخه  داستفادې  دڅرنګوالي په باب غونډې ته معلومات ورکړل .
دغونډې دکار په دوام  دانرژي او اوبو وزارت دهايدرولوژي رييس  او د اوبو رسولو  او کاناليزاسيون  شرکت رييس  دهيواد  دځمکې پرمخ  او تر ځمکې لاندې  اوبو په باب  په تيره بيا  دکابل ښار په کچه  غونډې ته  مفصل  توضيحات  وړاندې کړل .
  دوزيرانو شورا  له هراړخيزو خبرو وروسته  دانرژي او اوبو ، دښار جوړولو دچارو او دکانونو وزارتونه  او داوبو رسولو  او کاناليزاسيون شرکت موظف کړل  چې  دهيواد په کچه  دځمکې پرمخ  او تر ځمکې لاندې اوبو  دزيرمو دساتنې او احيا کولو  طرحه  اودهغو  بيا تغذيې ، دڅښاک داوبو دسپما او دکاريزونو داحيا کولو طرحه دې برابره  او دهغو دککړونکو سرچينو له مشخص کولو وروسته  دې  خپله  موافقه شوي  طرحه دوزيرانو شورا راتلوونکو غونډو ته وړاندې کړي .
  په همدې ترتيب دغو وزارتونو ته دنده وسپارل شوه چې داوبو په لګښتونو کې دسپما  طرحه دې برابره  او دعامه پوهاوي په مقصد  داطلاعاتو اوفرهنګ  ، پوهنې ، لوړو زده کړو او دحج او اوقافو  دوزارتونو له لارې  خپاره کړي .
ورپسې  دماليې وزير  او دافغانستان دبريښنا شرکت  رييس  دوزيرانو شورا  د ١٣٩٢ کال  دسلواغي دمياشتې داوومې نيټې  د٤١ ګڼه مصوبې له لارښوونې سره سم  دهيواد صنعتي فابريکو ته  ديو کيلوواټ بريښنا  دمحاسبې  په اړوند دکميسيون نظر غونډې ته طرحه  او څرګنده يې کړه چې دهيواد په ولايتونوکې  دبريښنا  دتوپيري بيو  په پام کې نيولو سره  چې د اوبو له سرچينو ، وارداتي او جنراتورونو  له لارې  ويشل کيږي .
دصنعتي فابريکو لپاره  دهيواد په ټولو ولايتونوکې ديو کيلوواټ بريښنا بيه شپږ افغانۍ محاسبه شوې ده  چې دوزيرانو شورا له خوا تصويب شوه .
  ورپسې  دانرژي اواوبو وزير  او دافغانستان دبريښنا شرکت رييس  دقندهار  دصنعتي فابريکو  دبريښنا انرژي دتامينولو دحالت  داټکل په باب  د ٢٠١٤ کال په پاى کې  ديو- اس- اى – اي- دي  جنراتورونو دبريښنا  دقرارداد له پاى ته رسيدو وروسته  غونډې ته   توضيحات  وړاندې کړل او زياته يې کړه ددغه ولايت  دبريښنا انرژي  دتامينولو په خاطر  دغه پروژې  په لنډ مهال ، منځ مهال او اوږدمهال کې  په پام کې نيول شوي دي .
_ دلسو ميګاواټو په ظرفيت  دلمريزو پنلونو درول ( په لنډ مهال )
_ داتلس اعشاريه  پنځو ميګاواټو په ظرفيت  دکجکي  ددويم بند دتوربين  درول او مونتاژ . ( په منځ مهال کې )
_ له کابل څخه تر قندهار پورې  دلوړو ولتاژ  دمزو غزول  ددغه مزي  دتګلوري  دسب استيشنونو په ګډون (  په منځ مهال کې )
_  دلسو متروپه لوړوالي او د سلو ميګاواټو په ظرفيت  د جنراتورونو  دتوربين په درولو سره  دکجکي بند  دپرچاوي  ددروازو درول ( په  اوږدمهال کې )
دوزيرانو شورا  دپيشنهادي پروژو دتاييدولو په ترڅ کې  دانرژي او اوبو وزارت  او دافغانستان دبريښنا شرکت  موظف کړل  چې  دپيشنهادي پروژو کار دې  دبريښنا شرکت له بودجې څخه ډير ژر پيل کړي  او دقرارداد دمودې  له پاى ته رسيدو مخکې دې  ددغه ولايت  دبريښنا انرژي  عاجل  ضرورت  لرې کړي . 
په همدې ترتيب دوزيرانو شورا  دانرژي او اوبو وزير موظف کړ چې دسلما دبريښنا دبند دپروژې  دکار  پرمختګ  په پرله پسې توګه وڅاري .
دغه راز  دوزيرانو شورا  دماليې وزارت موظف کړ  چې  ددغې شورا  د ١٣٩٣ کال  دغبرګولي دمياشتې  دڅلورمې نيټې  د نهمې ګڼې مصوبې ددويمې فقرې  له صراحت سره سم  دغور ولايت  دجام دڅلي  داستنادي ډيوال  داحيا کولو په خاطر  لس مليونه افغانۍ  په ډير عاجل ډول تدارک او داطلاعاتو اوفرهنګ وزارت  بودجې ته دې  وليږدوي .
  ورپسې دساختماني توکو دلابراتورونو دمديريت او فعاليت په باب دموظف کميسيون   نظر دسوداګرۍ او صنايعو دوزير او دستندرد  دملي ادارې درييس له خوا له واحدي  سرچينې څخه دتدارک  له څرنګوالي څخه  په استفادې سره  له بهرنيو کمپنيو سره  ددغو لابراتورونو دقرارداد دلاسليک کولو په باب  غونډې ته  طرحه کړ چې دتاييد وړ وګرځيد .
دغونډې دکار په دوام داطلاعاتو اوفرهنګ وزير  دکابل  ديکه توت په سيمه کې  داطلاعاتو اوفرهنګ وزارت  دملکيت  دشپاړلس جريبه ځمکې  په مساحت  دملي کتابتون  دجوړولو په باب ددغه وزارت وړانديز غونډې ته طرحه کړ چې دتاييد وړ وګرځيد او دغه وزارت موظف کړى شو  چې دکتابتون  نقشه دې  ډير ژر برابره او دوزيرانو شورا ته دې  وړاندې کړي . 
په همدې ترتيب دوزيرانو شورا  دملي دفاع او دکورنيو چارو  وزارتونه  موظف کړل  چې دتيروکلونو  له تعامل سره سم دې  داړوندو شهيدانو  دوارثانو  پيسې  چې دبيت الله شريف حج ته استول کيږي دخپلو وزارتونو له بودجې څخه ورکړي .
دغونډې دکار په دوام دبهرنيوچارو دوزير له خوا دوه مورده نړيوال  تړونونه غونډې ته طرحه  شول  چې دتاييد وړ وګرځيدل .

کابل – باختر د وږي دمياشتې ١٠
د حج او اوقافو وزارت خبرتيا!
دکابل ښار د ناحيو هغو حاجيانو ته چې شمېره يې له ١٦٠١ څخه تر ١٨٠٠  پورې وي؛ خبر ورکول کيږي چې سبا د روان کال د وږي د مياشتې په يوولسمه نيټه د سه شنبې په ورځ په يوه بجو د عيدګاه جامع جومات ته حاضر شي چې واکسين يې تطبيق او د حرمين شريفين په لور په ټاکلو الوتنوکې تنظيم شي.
له حاجيانو څخه غوښتنه کيږي چې خپل نوبت رعايت کړي او په الوتنوکې د بې نظمۍ سبب نه شي. له دې پرته به مسووليت د دوى په غاړه وي .
د شيعه او د کابل د ولسواليو د حاجيانو الوتنې وروسته اعلاميږي.
دعيدګاه جامع جومات ته د بدرګه کوونکو په نامه د نورو اشخاصو ننوتل منع دي.
ديادونې وړده چې حاجيان خپل بانکي اويز له ځان سره ولري.

کابل باخترد وږي دمياشتې  ١٠  :
په مزارشريف ښارکې  دبم دچاودنې له امله دملي ا منيت يو مامور شهيد او درې تنه نور ټپيان شول.
چاودنه نن مازيګر دڅلورو بجو په  شاوخوا کې  دمزارشريف ښار  په لويديځ کې د حاجي ايوب په نامه چوک کې هغه وخت وشوه  چې دملي امنيت  مامورينو غوښتل  چې يو بم شنډکړي.
دبلخ ولايت دمرکز مزارشريف ښار يوه امنيتي مسوول  دباخترآژانس خبريال ته وويل   چې بم  په يو بايسکل کې ځاى پرځاى شوى و  اوبايسکل سړک ته څيرمه درول شوى و .
عيني شاهدان وايي  چې دوى ددغه بم دشتون په باب پوليسو ته خبر ورکړ  خو کله چې دملي امنيت مامورينو غوښتل چې هغه شنډکړي ، چاودنه وشوه.
دبلخ ولايت امنيتي مسوولين وايي چې دغه بم دطالبانو په ډلې پورې داړوندو کسانو له خوا ځاى پرځاى شوى و  اوله لرې واټن څخه کنتروليده.
دبلخ ولايت دمرکزي روغتون يوه مسوول ډاکترشاکر   ددغې پيښې يوه ټپي مامور حالت خراب وباله .

کابل باخترد وږي دمياشتې  ١٠  :
دډاکتر عبدالله عبدالله په مشرۍ  داصلاحاتو او همغږۍ  دانتخاباتي ټيم ويندوى خبردارى ورکړ  که چيرې تر سبا غرمې پورې ددوى  غوښتنې  چې ده معقولې او قانوني غوښتنې وبللې  ترسره نه شي  داصلاحاتو اوهمغږۍ ټيم  په بشپړه توګه دانتخاباتو له سياسي او تخنيکي بهير څخه وځي .
دباخترآژانس دخبرله مخې : داصلاحاتو اوهمغږۍ دانتخاباتي ټيم ويندوى سيدفاضل سانچارکي  چې نن يې په کابل  کې په يوه خبري غونډه کې  خبرې کولې  څرګنده کړه چې   دانتخاباتو او درايو پاڼو په بهيرکې دخلکو له رايې سره  لوبې شوې  دي او دوى  ددې  کار اجازه نه ورکوي .
سانچارکي وويل  چې په زياترو مواردو کې دخلکو  له رايو سره لوبه  او تقلب شوى دى .
ده  سيال انتخاباتي ټيم ، دانتخاباتو خپلواک  کميسيون او دجمهوري رياست ارګ په دې تقلب کې  ښکيل وبلل  او خبردارى يې ورکړ  که چيرې  سبا له غرمې وروسته پورې ددوى  معقولې غوښتنې او نظريې ترسره نه شي  داصلاحاتو او همغږۍ  انتخاباتي ټيم دانتخاباتوله سياسي اوتخنيکي بهير څخه وځي .
دغه  راز په دې  خبري غونډه کې  ځينې هغه  سندونه او موارد چې ويل کيږي 
دسيال ټيم دتقلب څرګندوى دى داصلاحاتو او همغږۍ دټيم له خوا خپاره شول.
تراوسه پورې  دډاکتر اشرف غني احمدزي په مشرۍ دبدلون او دوام انتخاباتي ټيم ، دانتخاباتو خپلواک  کميسيون، د جمهوري رياست ارګ اودملګروملتو دسازمان دسياسي نمايندګۍ دفتر يوناما چې درايو پاڼو دپلټنې بهير څاري  دډاکتر عبدالله عبدالله  دانتخاباتي ټيم د وروستي خبرداري په وړاندې  غبرګون نه دى ښودلى .