09 December 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

Saturday, 05 July 2014 08:31

د اسعارو بيه

کابل\باختر\دچنګاښ د مياشتې١٤:
د کابل د شهزاده سراى د صرافانو د رييس دمعلوماتو له مخې:
نن له غرمې مخکې دبهرنيو پيسو په مقابل کې د افغانۍ ارزښت په دې ډول دى:
يوامريکايي ډالر پيرودل په80 /57  افغانيو پلورل په 90/ 57افغانيو

يوانګليسي پونډ پيرودل په  98/40افغانيو پلورل په 50\ 98افغانيو
يوه يورو پيرودل په50 / 78 افغانيو پلورل په60 /78  افغانيو

يوسعودي ريال پيرودل په  25/  15پلورل 30/  15افغانيو
د اماراتو يو درهم پيرودل په70 / 15 افغانيو پلورپه 75 / 15 افغانيو
زرپاکستاني کلدارې پيرودل په  579افغانيو پلورل په 580افغانيو
زرهندى کلدارې پيرودل په 930افغانيو پلورل په 940 افغانيو
او زر ايراني تومان پيرودل په30 /18 افغانيو پلورل په40/ 18 افغانيو

کابل- باختر د چنګاښ دمياشتې ١٤
دکابل د ارغندي چوک ته څيرمه دڅو ټانکرونو دسوځيدو له امله مالي تاوان اوښتې دى.
دکابل د اور وژنې د ادارې يوه خبرځاى د ارغندي چوک په ساحه کې اورلګيدنه تاييدوي او باختر آژانس ته يې وويل چې اورلګيدنه دتيرې شپې له يوولسو بجو څخه پيل شوې ده او د اور وژنې موظفين تراوسه پورې په اور وژنې نه دي بريالي شوي.
دغه خبرځاى دجزيياتو له وړاندې کولو څخه ډ ډه وکړه، لومړنى اطلاعات ښي چې دکابل د ارغندي چوک په ساحه کې اورلګيدنه ديو ورانکار عمل زيږنده ده .
دکابل دپوليسو مسوولينو تراوسه پورې په دې اړونده تبصره نه ده کړې.
دپيښې جزييات وروسته خپريږي.

Saturday, 05 July 2014 08:31

د هواحالات

کابل\باختر\ دچنګاښ د مياشتې١٤
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړي دي :
کابل- آسمان وريځ ، د تودوخې لوړه درجه ٣٥ ټيټه  ١٨
مزارشريف- آسمان ځاى ځاى وريځ ،  د تودوخې لوړه درجه  ٤١ ټيټه ٢٨
لښکرګاه- آسمان شين، د تودوخې لوړه درجه ٤٤، ټيټه ٢٨
شمالي سالنګ- آسمان وريځ، د تودوخې لوړه درجه ١٥، ټيټه  ٨
جنوبي سالنګ- آسمان وريځ ، د تودوخې لوړه درجه ١٧، ټيټه ١٠
جلال آباد- آسمان وريځ داورښت امکان شته، د تودوخې لوړه درجه ٤٠، ټيټه ٣٠
جبل سراج- آسمان ځاى ځاى وريځ ، د تودوخې لوړه درجه ٣٠ ټيټه ١٨
شبرغان –  آسمان ځاى ځاى وريځ ، د تودوخې لوړه درجه ٤٢، ټيټه ٢٦
باميان-آسمان ځاى ځاى وريځ ، دتودوخې لوړه درجه ٢٧، ټيټه ١٥
فيض آباد- آسمان وريځ اواورښت، د تودوخې لوړه درجه ٣٨، ټيټه  ٢٢
ميمنه- آسمان ځاى ځاى وريځ ، د تودوخې لوړه درجه  ٣٦ ، ټيټه ٢١
قندهار- آسمان شين، د تودوخې لوړه ٤٢، ټيټه ٢٥
کندز- آسمان شين، د تودوخې  لوړه درجه ٤١، ټيټه ٢٨
غزني- آسمان وريځ ، د تودوخې لوړه درجه ٢٩ ، ټيټه ١٧
فراه- آسمان شين ، د تودوخې لوړه درجه ٣٦ ټيټه ٢٣
خوست- آسمان وريځ اواورښت، د تودوخې لوړه درجه ٣٧، ټيټه ٢٧
هرات- آسمان شين، د تودوخې لوړه درجه ٣٤، ټيټه ٢٠
په کابل کې به سبا لمرپه ٤ بجو او ٥٠ دقيقو وخيژي او د مازيګر په ٧بجو او ٥دقيقو ولويږي .    

کابل – باختر د چنګاښ دمياشتې ١١
په لوګر ولايت کې نن د يوسيمه ييز پوليس د کوربه دروازه کې د ايښودل شوي بم چاودنې د هغه زوى وواژه او ميرمن يې ټپي کړه.
د لوګر ولايت د امنيې قوماندانۍ د امنيت آمر سمونوال عبدالولي توپان تره کي د باختر آژانس خبريال ته وويل: دغه پيښه دپل علم ښار په مربوطاتوکې هغه وخت وشوه چې طالبانو د يو سيمه ييز پوليسو دکور په دروازې کې يو بم ځاى پرځاى کړى و او کله چې زوى يې له کور څخه ووت؛ چاودنه وشوه.
د ده دڅرګندونو له مخې: د ده د ميرمنې روغتيايي حالت خراب بلل شوى دى او دپيښې دڅرنګوالي په باب څيړنې دوام لري.

کابل – باختر د چنګاښ دمياشتې ١١
دملي اردو د يوه سرتيري بې سره مړى د غزني – قندهار په لويه لاره کې ترلاسه شو.
دغزني ولايت د امنيې قوماندانۍ دامنيت آمر اسدالله انصافي دباختر آژانس خبريال ته وويل: د ملي اردو دغه سرتيرى د طالبانو له خوا دقندهار-غزني له لويې لارې څخه تښتول شوى او وروسته يې سرغوڅ شوى او مړى يې دغزني – قندهار په لويه لاره کې اچول شوى و.
انصافي زياته کړه: دملي اردو دغه سرتيرى د ارزګان په ولايت کې دنده ترسره کوله او کله چې له قندهار څخه دکابل په لور روان و؛ د طالبانو له خوا وتښتول شو.
انصافي زياته کړه: د ده مړى د اسپنذ په سيمه کې ترلاسه شوى دى.

کابل – باختر د چنګاښ دمياشتې ١١
د افغانستان د اسلامي جمهوريت د بهرنيو چارو وزير الجزاير د ملي ورځې له امله ددغه هيواد د بهرنيو چارو وزيرته مبارکي وويله.
د ضراراحمدعثماني د مبارکى په پيغام کې چې د الجزاير د بهرنيو چارو د وزير رمطان لعماره په نامه ليږل شوى دى؛ ويل شوي دي: دافغانستان داسلامي جمهوريت دالجزاير د خلکو له ديموکراتيک جمهوريت سره دوستانه اړيکو ته زيات ارزښت ورکوي. بشپړ باور لرم چې دغه اړيکې د دواړوهيوادونو په ګډو هلوځلو سره به زياته پراختيا ومومي.

Wednesday, 02 July 2014 12:09

دمبارکى پيغام

کابل – باختر د چنګاښ دمياشتې ١١
د عمان پاچا سلطان قابوس بن سعيد د افغانستان د اسلامي جمهوريت د جمهور رييس حامدکرزي په نامه د يو پيغام په ليږلو سره د روژې دمبارکې مياشتې د را رسيدو له امله مبارکي ويلې ده.
په پيغام کې د روژې د مبارکې مياشتې د را رسيدو له امله دمبارکي د ويلو په ترڅ کې ويل شوى دي: تاسوته روغتيا او د افغانستان ملت ته د نيکمرغي او پرمختګ هيله کوم. دلوى خداى (ج) له دربار څخه هيله کوم چې په ټولو مسلمانانو رحم وکړي.

کابل – باختر د چنګاښ دمياشتې ١١
دکابل ترافيکو د ادارې خبرتيا
يو ځوان هلک چې څه ناڅه شل کلن و او هويت يې نه دى تثبيت شوى؛ فيروزه يي خامک ګنډي جامې او تور واسکټ يې په بدن کې دى او تورې څپلۍ يې په پښو دي او له جيب څخه يې د ٨٨٦٣ کابل بس پليټ لرونکى کوريايي کاسټر د جواز سيرکاپي او د لين ټکس ترلاسه شوي دي؛ د ١٣٩٣ کال د چنګاښ دمياشتې د نهمې شپې په اته نيمو بجو د افشارو په بازارکې د ترافيکي پيښې له امله وفات شوى دى او مړى د ساتنې په مقصد عدلي طب ته ليږدول شوى دى. خپلوان يې کولاى شي مړى له عدلي طب څخه ترلاسه کړي او د زياتو معلوماتو د ترلاسه کولو په مقصد په دهمزنګ کې دکابل د ترافيکو د لوى مديريت د پيښو د څيړنې آمريت ته درشي.

کابل باختردچنګاښ دمياشتې ١١ :
دجمهوري رياست لومړي مرستيال محمديونس قانوني په افغانستان کې دملګرو ملتو دسازمان  له ځانګړي استازي يان کوبيش سره په نننۍ کتنه کې د افغانستان  د انتخاباتو د قضيو په اړوند پرمختګونه له هيلو ډک وبلل .
دجمهوري رياست مطبوعاتي دفتر باخترآژانس ته خبرورکړ  :
دجمهوري رياست لومړي مرستيال چې نن له غرمې وروسته يې دملګروملتو د سازمان له ځانګړي استازي سره خبرې کولې؛ زياته کړه: هيله لري چې د دواړو   نوماندانو د انتخاباتو د لومړيو نتيجو اعلام  د دوى ترمنځ په خبروکې وکولاى شي  رامنځته شوي جلنجونه لرې کړي.
دجمهوري رياست لومړي مرستيال زياته کړه چې په همدې مقصدمې په دغو برخو کې له دواړو لورو سره ګډې هلې ځلې پيل کړې دي چې مطلوبې نتيجې ته تر رسيدو پورې به دوام ومومي .
دملګروملتو د سازمان استازي ښاغلي يان کوبيش په دې کتنه کې په کابل کې د نړيوالې ټولنې له يوشمېر سفيرانوسره د ده دکتنې د نتيجې په باب خبرورکړ او زياته يې کړه چې نړيواله ټولنه  په غوڅه توګه دجمهوري رياست د دوو  نوماندانو  ترمنځ دخبرو دبهير دپيل هرکلي او ملاتړ کوي او هيله ده چې دافغانستان دانتخاباتو شخړه  ډير ژر  په مثبتو  پايلو سره پاى ته ورسيږي.

کابل باختردچنګاښ دمياشتې ١١ :
د راتلوونکي جمهوررييس دلوړې دمراسمو دپرځاى کولو  ددولتي عالي کميسيون غونډه نن دچارو د ادارې او د وزيرانو شورا د دارالانشا دلوى رييس او ددغه کميسيون د رييس صادق مدبر په مشرۍ جوړه شوه .
د چارو د ادارې  او دوزيرانو شورا  د دارالانشا د لوى رياست د اطلاعاتو او  عامه اړيکو رياست باخترآژانس ته خبرورکړ: په پيل کې د لوړې دمراسمو دپرځاى کولو   دکميسيون رييس د روان کال  د زمري د مياشتې  په ١٠مه نيټه  د اوسنى حکومت دکار د مودې دپاى ته رسيدو او د روان کال د زمري دمياشتې په ١١مه نيټه  د منتخب جمهور رييس د لوړې دمراسمو دپرځاى کولو په باب د وزيرانو شورا د روان کال د چنګاښ دمياشتې د٩ مې نيټې د غونډې پريکړه دغونډې غړو ته ابلاغ کړه او څرګنده يې کړه چې د نوى جمهور رييس دلوړې دمراسمو دپرځاى کولو نيټه  د نه بدلون وړ ده .
له اجندا سره سم  د وسله وال پوځ لوى درستيز  او د منتخب جمهور رييس د لوړې د مراسمو دپرځاى کولو  د امنيتي کميټي رييس ستر جنرال شيرمحمدکريمي د دغې کميټي کاري پلان غونډې ته څرګند او بيان کړ چې د تائيد وړ وگرځيد.
ورپسې دجمهوري رياست ددفتر د رياست مرستيال  او  د تدارکاتو دکميټې رييس  محمد ظاهر غوث دکورنيو ميلمنو دبلنې دکارټونو نمونه غونډې ته طرحه کړه چې د تائيد وړ وگرځيده او دغه کميټه موظفه کړاى شوه چې په کابل ښارکې دې    کورنيو ميلمنو ته  مناسب هوټلونه مخکې له مخکې اجاره کړي .
وروسته  د اطلاعاتو اوفرهنګ وزارت سرپرست او د فرهنګي کميټې رييس پوهنمل نبي فراهي د لوړې دمراسمو شعارونه غونډې ته وړاندې کړل چې دتائيد وړ وگرځيدل.
د غونډې دکار په دوام دکابل د نړيوال هوايي ډګر رييس ډاکتر محمد يعقوب رسولي دکابل د نړيوال هوايي ډګر د ترميمولو او  رنګولو دکار د پيل په باب غونډې ته ډاډ ورکړ.
ورپسې دبهرنيوچارو وزارت دتشريفاتو مرستيال او دتشريفاتو دکميټي مرستيال عزيزاحمدنورزاد دبهرنيو ميلمنو د بلن ليکونو د ليږلو په باب غونډې ته  ډاډ ورکړ او دغه کميټه موظفه کړاى شوه چې دبهرنيو ميلمنو لست دې په ډير لنډ ممکن وخت کې تثبيت او دکميسيون راتلوونکو غونډو ته دې وړاندې کړي.
دغونډې په پاى کې دکابل ښاروالۍ دتنظيف رييس نثاراحمد حبيبي د بهرنيو چارو وزارت په وړاندې دسړک دترميمولو دکار او دبيرغونو د برابرولو او د هوايي ډګر د سړک د تګلوري دښکلي کولو په لاره کې د لازمو تدبيرونو د نيولو په باب  غونډې ته مفصل معلومات وړاندې کړل چې دتائيد وړ وگرځيدل.