20 June 2019

RSS Facebook

سوداگریز


تازه خبرونه

په لغمان کې د څو ډار اچوونکو بريدونو پلان جوړوونکی ونيول شو

په لغمان کې د څو ډار اچوونکو بريدونو پلان جوړوونکی ونيول شو

ـ کابل/باختر د غبرګولي ۳۰ مه امنيتي مامورینو په لغمان کې...

په جلال آباد کې د بم د چاودنې له امله ۱۵تنو ته مرګ ژوبله واوښته

په جلال آباد کې د بم د چاودنې له امله ۱۵تنو ته مرګ ژوبله واوښته

ـ کابل/باختر د غبرګولي ۳۰ مه د ننګرهار په مرکز جلال...

د کابل په لويديځ ترمينل کې د ملي بانک نمايندګي پرانیستل شوه

د کابل په لويديځ ترمينل کې د ملي بانک نمايندګي پرانیستل شوه

کابل/باختر د غبرګولي ۳۰ مه د ترانسپورتي عوايدو د راټولولو...

Youtube Player

khantry design

سوداگریز

سوداگریز

کابل باختر دليندي دوه ويشتمه :
په ننګرهار ولايت کې د سترې اوکوچني پانګې اچونې د ملاتړ پروګرام پيل شو.
په دې پروګرام کې د کوچني او سترې پانګې اچونې لپاره چې د پانګونې په بهير کې له ستونزو سره مخامخ کيږي؛ مالي مرسته کيږي .
دغه پروګرام د افغانستان د نويو مارکيټونو د پرمختيا د پروژې تر عنوان لاندې د پانګې اچونې د کمښت د مخنيوي  او دکورنيو د توليداتو د ودې لپاره له هلوځلو په مقصد د سوداګرۍ او صنايعو وزارت له خوا د نړيوال بانک په مرسته پيل شوى دى.
ننګرهار له هرات وروسته دويم ولايت دى چې دغه پروګرام تجربه کوي.
د سوداګرۍ او صنايعو وزارت معين متصل کومکي دننګرهار ولايت په مرکز جلال آباد ښارکې د افغانستان د نويو مارکيټونو د پرمختيا د پروژې د پروګرام دپيل په مراسموکې دباخترآژانس خبريال ته وويل چې په دې پروګرام کې د پانګې اچوونکو د اړتياوو په لرې کولوکې د هغوى دکار د ځنډيدو د مخنيوي لپاره له هغوى سره مالي ملاتړ کيږي .
  ويل کيږي، که چيرې دکومې فابريکې خاوندپه ننګرهارکې د مالونو د توليد په بهيرکې له مالي اويا تخنيکي ستونزې سره مخامخ کيږي؛ ددغه پروګرام له لارې تر يوسلو پنځوسو زرو ډالرو پورې مالي مرسته ورسره کيږي چې دپخوا په شان په ننګرهارکې دتوليد او پانګې اچونې کار ته دوام ورکړي .
ددغه پروګرام لپاره دوه ويشت مليونه ډالره بيل کړاى شوي دي.
دسوداګرۍ او صنايعو وزارت معين په دغو مراسموکې له پانګې اچونې سره دملاتړ د اعلامولو په ترڅ کې له پانګې اچوونکوڅخه وغوښتل چې خلک ته د مالونو په وړاندې کولوکې دې صداقت ، ايماندارى او انصاف په پام کې ونيسي.
په همدې حال کې د ننګرهاروالي عطاالله لودين ددغه ولايت له پانګې اچوونکو سره مالي ملاتړ دکورنيو توليداتو د ودې او په افغانستان کې دپانګې اچونې د زياتوالي په لاره کې يو ګټور ګام وباله .
دترلاسه شويو ارقامو له مخې: په اوس وخت کې څه ناڅه درې زره توليدي فابريکې په افغانستان کې فعاليت کوي.

کابل باختر دليندي دوه ويشتمه :
د افغانستان د اسلامي جمهوريت جمهور رييس حامدکرزي په خپلې پنځلس ورځني راډيويي ويناکې د دولتي او غيردولتي خيره بنسټونو او د هيواد له خلکو څخه غوښتي دي چې بې سرپرستو اوبې وزلوماشومانو ته پاملرنه او له هغوى سره مرسته وکړي .
دباخترآژانس دخبريال دخبر له مخې، د هيوادجمهور رييس په دې ويناکې ويلي دي: په هيوادکې د وروستيو لسيزو دپيښو، مهاجرتونو، بمباريو او د تروريستي بريدونو له امله زياتې کورنۍله منځه لاړې او له هغوى څخه ماشومان پاتې دي چې اوس دهيواد په بېلابېلو ښارونوکې په بيوزلۍ اوبې سرپرستۍ کې شپې سبا کوي .
جمهور رييس څرګنده کړه چې دغه ماشومان له تعليم څخه بې برخې دي او د ښوونې او روزنې له پلوه هم له خطرونوسره مخامخ دي او حکومتي او خيريه موسسې، د ماشومانو د ملاتړ مرکز او په پاى کې ټول هيوادوال دهيواد د دغوبې سرپرستواو بې وزلو ماشومانو په وړاندې مسووليت لري .
دهيواد جمهور رييس حامدکرزي ټينګار وکړ چې دا بايد په خپل ځان لازم او ضروري وبولو او ددغو ماشومانو دژوندانه دساتنې، ملاتړ او د ښوونې او روزنې په چاروکې ونډه واخلو .
دغه راز جمهور رييس په دې ترڅ کې چې د هيواد له بې وزلو او بې سرپرستوماشومانو ملاتړ او مرستې په کارکې د بډايوکسانو، ملي سوداګرو او دشتمنو خلکو رول ګټور او ارزښتناک وباله؛ ويې ويل: که چيرې موږ دغو ستونزو ته پاملرنه ونه کړو؛ ښايي زموږ زيات شمېر بې سرپرسته ماشومانو له تعليم او زده کړې پرته لوى شي اوخداى مه کړه هغوى د ټولنې د اوږوبارشي .
دهيواد جمهور رييس په دې ويناکې دافغاني سرې مياشتې د ټولنې، خيريه موسسو او په تېره بيا دماشومانو دملاتړ له حکومتي موسسو څخه غوښتي دي چې د هيواد له بې وزلو او بې سرپرستو ماشومانو سره دملاتړ اوهمکارۍ په برخه کې خپلې هلې ځلې پراخې کړي چې دهيواد په هيڅ يوه سيمه کې کوم ماشوم بې سرپرسته، بې وزلى او له تعليم څخه لرې پاتې نه شي.

کابل باختر دليندي دوه ويشتمه :
ديارلس تنه وسله وال طالبان په قندهار ولايت کې د نويو نښتو په بهيرکې ووژل شول .
دغه جګړې تېره شپه او نن سهار د قندهار ولايت د پنجوايي د ژيړي او دامان د ولسواليو په ځينوسيموکې ونښتې.
دقندهار ولايت د امنيې قوماندانۍ مرستيال د باخترآژانس خبريال ته وويل چې په دغو نښتوکې د وسله والو طالبانو د ډلې د دووتنو سيمه ئيزو قوماندانانو په ګډون ديارلس تنه وسله وال طالبان وژل شوي دي.
ددغه قوماندان دڅرګندونو له مخې: په دغو نښتوکې افغان پوځيانو او د سيمې اوسيدونکو ته زيان نه دى اوښتى .
دغه راز ويل کيږي چې په دغوپيښوکې افغان پوځيانو د طالبانو دوه پټنځايونه او په لسګونوجنګي وسايل ترلاسه کړي دي .

کابل باختر دليندي دوه ويشتمه :
د ننګرهار ولايت سيمه ئيزو مسوولينو دجلال آباد-تورخم لوى لارې ته څېرمه د بټي کوټ ولسوالۍ په ځينوسيمه ئيزو پوستو د وسله والوطالبانو د ناکام  بريدخبر ورکړ.
د را رسيدلو خبرونو له مخې: تېره شپه ناوخته يوې ډلې وسله والوطالبانو په بټي کوټ ولسوالۍ کې په څو امنيتي پوستو بريدونه وکړل چې د سر د زيان په زغملو سره يې د تيښتې لاره غوره کړه .
دننګرهار د والي ويندوى احمد ضيا عبدالزي باخترآْژانس ته وويل چې ددغه بريد په بهيرکې يو وسله وال طالب ووژل شو او پنځه تنه نور يې ټپيان شول. خو دسيمې اوسيدونکي په دې پيښه کې د وسله والو طالبانو د سر د زيان شمېر له دې څخه زيات بولي .
عبدالرزى وايي چې په دې پيښه کې افغان پوځيانو ته زيان نه دى اوښتى .
دبټي کوټ ولسوالۍ د جلال آباد-تورخم لوى لارې ته څېرمه پرته ده. دغه ولسوالۍ په وروستيوکلونوکې د وسله والو طالبانو په ګډون د تروريستي ډلو د شتون او فعاليت ډګر دى.
که څه هم پوځي مامورينو په وار واردعملياتو په ترسره کولو سره وسله والو طالبانو ته د سر زيان اړولى دى؛ خو دغو عملياتو تراوسه پورې ونه کړاى شول چې بټې کوټ له جګړه مارانو څخه پاک کړي.

کابل باختر دليندي دوه ويشتمه :
بسم الله الرحمن الرحيم
ګرانو هيوادوالو، درنو خويندو او ورونو!
السلام عليکم ورحمت الله وبرکاته .
څو موده د مخه د نورې ويناپه څېر زموږ په هيوادکې هم دکوچنيانو نړيواله ورځ ونمانځل شوه. د دې ورځې په مناسبت چې کوم بيانونه مخې ته راغلل؛په هيواد کې د بې سرپرسته کوچنيانو د حال او ورځې په باب تشويش ښکاره کړى دى. ددغو بې سرپرسته کوچنيانو د حال پوښتنه او ورته رسيده ګۍ زموږ ټولو وظيفه  ده .
ګرانو هيوادوالو!
زموږ په هيوادکې د ورستيو لسيزو واقعاتو، مهاجرتونو، بمبارۍ او تروريستي  حملو له امله ډيرې کورنۍ تباه شوې؛ د ډيروکورنيو کوچنيان پاتې شول چې اوس د هيواد په مختلفو ښارونوکې بې اثرې او بې سرپرسته ژوندکوي. د تعليم څخه محروم دي او د تربيې په برخه کې هم ډيروخطرو سره مخ دي.
حکومتي موسسات، خيريه موسسې، د اطفالو دحمايې مراکز او په تېره ټول هيوادوال د هيواد د دغو بې سرپرسته کوچنيانو په وړاندې مسووليت لري او دا بايد په ځان لازمه او ضروري وبولوچې ددغو ماشومانو د ژوند د ساتنې او د دوى  دحمايې او تعليم په چاروکې برخه واخلو.
خويندو اورونو!
په ټول هيوادکې موږ ډيرې داسې کورنۍ لروچې اقتصادي وضعه يې الحمد لله ښه ده. آباد دي اوکولاى شي يو، دوه دغه ټول محتاج او بې سرپرسته ماشومان وساتي، تعليم ورکړي او پرسر يې سيورى شي. مکتب ته يې وليږي او ژوند يې ور برابر کړي. دغه مرستې د دين او دنيا ګټې او زموږ  د وطن پالنې او بشر پالنې ښکارندوى دي. 
دغه راز موږ په ټول هيوادکې ملي تاجران او سرمايه دار لرو. ترهرچادمخه زموږ دټولنې د دې قشرڅخه دا طمه کيږي چې د خپل هيواد د دغه بې اثرې ماشومانوحال اغيزې ته په پاملرنه دوى ته د تعليم او د ژوندانه د سهولتو د برابرولوکومک او مرسته وکړو.
نوهم کيداى شي چې زموږ سوداګر، سرمايه دار، د هغوخيريه موسسوسره مستقيمې مرستې وکړي. د يتيمو، بې وسيلې او بې سرپرسته ماشومانودحمايې په منظور روزنتونونه جوړکړي، څو ددغه خيريه موسسو امکانات زيات شي او ډيرې بې سرپرسته ماشومان په خپلو روزنتونونوکې خوندي کړي .
درنو هيوادوالو!
که موږ دې ستونزې ته توجه ونه کړو؛ ښايي ډير بې سرپرسته کوچنيان مو بې تعليمه او بې سرپرسته لوى شي او يا خدايه مه کړه د جامعې په اوږو بار افراد ځينې جوړ شي.
سره د دې اوس په هيوادکې ٣٣ دولتي او٤٠غير دولتي روزنتونونو شته، تر ١٣٠٠٠زيات کوچنيان پکې روزل کيږي. مګر دغه اوسني  امکانات زموږ اړتياوو ته کفايت نه کوي. ځکه چې اوس هم د هيواد په لويو ښارونوکې بې اثرې کوچنيان شته. افغاني سره مياشت کې، خيره موسساتو اوخصوصا د اطفالو د حمايې دحکومتي موسسو غواړم چې په دې برخه کې خپلې هڅې پراخه کړي. څو د هيواد په هيڅ ګوټ کې بې سرپرسته کوچنى نا اميده، بې توجه او بې تعليمه او بې مکتبه پاتې نه شي. دا زموږ  لويه درنه ملي وظيفه ده. دا ټول د افغانستان بچيان دي او اولاد دي. توجه يې پر موږ حق دى. خداى دې وکړي په دې کې کاميابه شو او هغه چې د دې هيواد د شماومانو راباندې حق دي؛ هغه حق ور ورسوو.
تربلې وينا مو پرمخه ښه ښاد او آباداوسئ .

کابل – باختر دليندۍ دمياشتې ٢١ :
دهيواد يوشمير فرهنګيانو دفقيد استاد بيسد دفرهنګي  کارونو دستاينې په ترڅ کې له مسوولينو څخه وغوښتل چې  ددغه  ستر شخصت د ژوندانه داړخونو او دهنري اثارو  دڅيړنې په مقصد دې  يو څيړنيز سيمينار جوړ کړي.
دباخترآژانس دخبريال دخبرله مخې :  داستاد عبدالقيوم بيسد ددرناوي په غونډه کې چې نن ديوشمير فرهنګيانوپه ګډون په افغان خيبر سالون کې  جوړه شوې وه ، داطلاعاتو اوفرهنګ وزارت سلاکار جلال نوراني ، انجينر لطيف  ، پرتو نادري ، صديق برمک  او دهيواد يوشمير نورو ليکوالو او اديبانو داستاد عبدالقيوم بيسد  دژوندانه او دهنري شخصيت په اړوند خبرې وکړې اوپه  هيواد کې دتياتر دهنر په وده کې يې دده رول ارزښتناک وباله او په دې برخه کې يې دده  خدمتونه نه هيردونکي و بلل .
دوي دچارو له مسوولينو څخه وغوښتل چې داستاد بيسد  دشخصيت  اودهغه دهنري کارنامو په باب  څيړنيز سيمينار جوړ کړي  چې  راتلوونکي نسلونه دهغه په خپل هنري  ژوند کې په پام کې ولري .
استاد عبدالقيوم بيسد دروان کال دليندۍ دمياشتې په ٢٤ نيټه  دهغې ناروغۍ له امله چې پيښه شوې وه د ٨٥ کلنۍ په عمر  وفات شو اوخپل  ارزښتناک هنري ژوند يې پاى ته ورساه .
ده  دخپل عمر شپيته کاله هنري کار ته وقف کړ او څه دپاسه درې سوه هنري  اثار يې  پريښي دي.

کابل – باختر دليندۍ دمياشتې ٢١
له نشه يي توکوسره دمبارزې پوليس په کابل کې  دنشه يي توکو د دوو تنو قاچاق  وړونکو دنيولو  اود دوه سوه نهه ويشتو کيلوګرامو اپينو دضبط خبرې کوي.
دباختر آژانس  دخبرله مخې :  دکورنيو چارو وزارت  له نشه يي توکوسره دمبارزې دپوليسو دخاصې قطعې  قوماندان جنرال امام الدين مطمين نن خبريالانوته وويل  ددغې  ادارې موظفينو  ٢٢٩ کيلوګرامه اپين  چې له ننګرهار څخه کابل ته ليږدول شوي  و، او ټاکل شوې وه  چې قاچاق وړونکي هغه دهيواد دجنوب لويديځ يوه ولايت ته وليږدوي دارغندي چوک په ساحه کې دپوليسو لاسته ورغلل اوپه دې اړوند دوه تنه ونيول شول .
دغه  دوه تنه په داسې  حال کې نيول کيږي  چې په تيرو  دوو اوونيو  کې  نږدې شل ټنه نشه يي توکې په کابل کي دپوليسو له خوا کشف اوضبط شوي دي.

کابل – باختر دليندۍ دمياشتې ٢١
دکابل ولايت امنيه قوماندان وايي  چې  دکابل ښار  ددهن باغ ساحې ته څيرمه په يو صراف  دبريد په اړوند  پرمختياوې شوي دي .
په دغه صراف پرون بريد وشو  او يوه اندازه پيسې يې لوټې شوې .
ويل شوي دي  چې يرغلګر دصراف په ټپي کولو سره له سيمې څخه په تيښتې بريالي شو.
دکابل ولايت امنيه قوماندان جنرال محمد ظاهر په کابل کې په يو صراف بريد تائيد کړ او ويې ويل  چې ددغې پيښې دعامل اويا عاملينو دپيژندنې په مقصد پرمختګونه شوي دي اوپه دې اړوند څو تنه مشکوک کسان نيول شوي دي .

کابل – باختر دليندۍ دمياشتې ٢١:
دکابل ښار ددولسمې ناحيې په ساحه کې يو واټ نن دجګړې دقربانيانو دواټ په نامه ونومول شو.
دباخترآژانس دخبرله مخې :  داطلاعاتو اوفرهنګ وزارت ، دافغانستان دبشر دحقوقو او ديموکراسۍ دسازمان ، دجګړې دقربانيانو دشورا ګانو ، کابل ښاروالۍ  ، دبشر دحقوقو دخپلواک کميسيون په ګډون بيلابيلو بنسټونو او دمدنې ټولنې يوشمير فعالينو نن  په يو ګډ تصميم کې دکابل ښار داحمدشاه بابا مينې په ساحه کې يو واټ چې دکابل  دپلچرخې  جيل ته څيرمه دى  دجګړې دقربانيانو دواټ په نامه و نوماوه .
په هغو مراسمو کې چې نن په دغې ساحه کې پرځاى شوي و، داطلاعاتو اوفرهنګ وزارت سلاکار جلال نوراني ، سيما سمر  او دکابل ښاروالۍ معين خبرې وکړې او هيله يې وکړه چې  جګړه زموږ له هيواد څخه  خپل ټغر ټول کړي اوديوې سوکالې ټولنې دجوړولو لپاره فضابرابره شي   چې ددې هېواد بچيان دملي يووالي ، دينې ارزښتونو او دعلمي وپوهې په رڼا کې دخپل هيواد دجوړولوپه لاره کې کار وکړي.
دوي  دغه راز وويل : چې د جګړې دقربانيانو په نامه ددغه واټ نومول موږ دې ته متوجه کوي  چې  جګړه او وژنه دافغانستان دستونزې د حل لاره نه ده  بلکې ديوبل  منل  او متقابل درک کولاى شي  په دې لاره کې  له موږ سره مرسته وکړي.

کابل – باختر دليندۍ دمياشتې ٢١
دافغانستان داسلامي جمهوريت جمهوررييس حامدکرزى دهند دنړيوالو اړيکو  اوپه آسيا او افريقا کې  دانکشافي مشارکت په کنفرانس کې دګډون اودهند جمهوريت  له مقاماتوسره  دکتنې  په مقصد  ديو جګپوړي دولتي هيت په مشرۍ  نن له غرمې وروسته نوي ډيلي ته روان شو.
په هغې مطبوعاتي اعلاميه کې چې په دې اړوند دجمهوري رياست دمطبوعاتي له لارې باخترآژانس ته رسيدلې ده ويل شوي دي :
دافغانستان داسلامي جمهوريت  جمهوررييس به په دې څلور ورځني سفرکې   دهند له صدراعظم منموهن سنګهه، دبهرنيو چارو له وزير سلمان خورشيد او ددغه هيواد له يوشمير  نورو مقاماتوسره  وګوري  او ددواړو هيوادونو ترمنځ ددوه اړخيزو اړيکو او همکاريو دپراختيا په باب خبرې اترې وکړي.