14 November 2018

RSS Facebook

سوداگریز


تازه خبرونه

د دايکنډي ولايت دښار او کورجوړولو رياست دودانۍ دجوړولو کار پيل شو .

کابل باختر د لړم دوه ويشتمه : ددايکنډي ولايت دښار او...

اووه سوه کورنيو په درز اب کې مرستې ترلاسه کړې .

کابل باختر د لړم دوه ويشتمه : دجوزجان ولايت په درز...

يوې ځوانې ميرمنې په جوزجان کې ځان وواژه .

کابل باختر د لړم دوه ويشتمه : يوې ځوانې ميرمنې دجوزجان...

Youtube Player

khantry design

سوداگریز

سوداگریز

کابل\  باخترد کب  دمياشتې  ٥ :
دسمنګانو ولايت دښاري محکمې قضايي هيئت نن دوه تنه په  اعدام محکوم کړل.
په دغو دوو تنو چې ديوې ښځې دوژلو تورلګول شوي دي  دسمنګانو دښاري محکمې دقضايي هيئت له خوا په داسې حال کې  چې دمدني ټولنې  ، عدلي اوقضايي ارګانونو ، دښځو دچارو استازي ، مدافع وکېلان اويوشمير ديني عالمان  حاضر و په سخته سزا يعني اعدام محکوم شول.
دمحاکمې په پيل  کې  دقضايي هيئت رييس قضاوتمند قاضي سرباز دعلني غونډي  دجوړولو په باب خبري وکړي له موظف څارنوال څخه يې وغوښتل  چې دتورنو کسانو په باب  خپله صورت دعوا غونډې ته وړاندې کړي .
موظف څارنوال وويل   دين محمد چې پخوا دخپلې ميرمنې ددريو تنو خپلوانو دوژنې په تور په شل کاله بندمحکوم شوي و اودهغه دمور په لمسون دروان کال دمرغومي دمياشتي په يوولسمه نيټه دسمنګانو په جيل کې خپله ښځه زندي  او ووژله .
له دې  امله  چې دين محمد متکرر مجرم  دى او موريې  هم دجرم شريکه ده  دهغو دليلونو اوشواهدو له مخې  چې  په تحقيقاتو کې وړاندې کړي دي بايد هغوى په سخته سزا يعني اعدام محکوم شي.
دغونډې په پاى کې  قضايي هيئت ددواړو لورو ددعوا صورت  اودمدعي  او مدعي عليه  څرگندونې واوريدي  اوله هر اړخيزو خبرو وروسته دين محمد او دهغه  مور دجزا دقانون اودښحو پرخلاف دتاوتريخوالې دبندولو دقانون له مخې په سخته سزا يعني اعدام محکوم کړل.
دخبرځاى  دڅرگندونوله مخې  دغه حکم وروستۍ نه دى او دتورنو کسانو داستيناف غوښتنې حق  خوندي دي.
 

کابل\  باختردکب  دمياشتې  ٥ :
دکورنيو چارو وزارت دوګړو  داحوالو دثبت دلوى رياست خبرتيا
څرنګه چې په ښوونځيو کې دماشومانو له شموليت سره زموږ علاقمندي دهرې ورځې په تيريدوسره زياتيږي اودغه موضوغ  ددې سبب شوې ده چې دکب   په مياشت  کې په ولسواليو ، دولايتونو په مرکزونو او دمرکز په ادارو کې دوګړو داحوالو دثبت دادارو دمراجعينو شميرزياتوالې ومومي .
ددې لپاره چې له اندازي زيات دکب په مياشت کې دنويو شاملانو زياتوالې دتذکرو داجرا کولو دځنډيدو اوپه ښوونځيو کې دهغوى دشموليت  سبب نه  وي شوي  دهغه تفاهم  له مخې  چې دپوهنې له وزارت  سره وشو رسمي اوشخصي ښوونځي   دې نوى  شاملان دهويت دتذکري په پام کې نيولو پرته جذب کړي  .
دهيواد دوګړو داحوالو دثبت اداري   د ١٣٩٢ کال دلومړيو دريو مياشتو ترپايه پوري په ټولو شاملانو تذکرې ويشي .
 

Saturday, 23 February 2013 14:10

دفوايد عامې وزارت خبرتيا

کابل\  باختردکب  دمياشتې  ٥ :
دفوايد عامې وزارت خبرتيا
ټاکل شوې ده دسالنګ په تونل کې  دترميمولو کار چې دتونل فرش ، داوبو
دردولو  سيستم او دتهويي اوروښانولو سيستم پکې شامليږي دايساف  په
مالي مرسته دروان  هجري لمريزکال دکب دمياشتې له شپږمې نيټې  څخه پيل شي دترميماتي پروګرام دتطبيق  په مقصد  په پام کې ده چې سالنګ لويه لاره تربلې خبرتيا پوري دشپې له نهو بجو څخه دسهاار تر اتو بجوپوري  دټولو بار وړونکو ، مسافروړونکو او ګړنديو وسايطو پرمخ وتړل شي .
ګران هيوادوال  اوددغې لويې ه لاري مسافران دې خبروي .
 

Saturday, 23 February 2013 14:09

په غزني کې يو تن ځان وواژه

کابل\  باخترد کب  دمياشتې  ٥ :
دغزني ولايت دقره باغ ولسوالۍ يو تن اوسيدونکې دنامعلومو دليلونو له امله ځان وواژه .
دغزني ولايت يوسيمه ييز مقام تائيد کړه چې محمدابراهيم ځان زندي  کړي او
ځان يې وژلى دى.
دقره باغ ولسوالۍ ددغې ځان وژنې علت کورني ستونزې وبللي او ويې ويل چې دغه کورنۍ تل له ستونزوسره مخامخه وه .
ديوبل خبرله مخې :
سيمه ييزو پوليسو  دغزني ولايت په مقر ولسوالۍ کې  دعليماتو په بهيرکې يوه اندازه مهمات او چاوديدونکې توکې کشف اوترلاسه کړل .
دمقرولسوال صاحب خان باخترا ژانس ته وويل په دغو مهماتو کې دپرسونل ضد شپږماينونه ، څلور بوشکې چاويدونکې توکې  او دهاوان  دوه ماينونه شته چې نن دوسله والو مخالفينو په يوپټنځاى کې کشف شول.
 

کابل\  باختردکب دمياشتې  ٥ :
دلغمان ولايت دعامه نظم دپوليسو قوماندان په يوه تروريستي بريد کې ووژل شو. سمونوال موسي خان  دتيرې شپې داووه نيمو بجو په شاوخو اکې په داسې  حال کې  چې په مهترلام ښارکې  دخپل کار ځاى ته روان و ، دسپرلۍ په موټر يې دننګرهار ولايت  دسره رود ولسوالۍ  دنارنج باغ په سيمه کې دوسله والو طالبانوله خوا راکټي بريد وشو او ووژل شو.
دلغمان والي  ډاکتر فضل الله مجددي  له باختراژانس  سره په اړيکه کې ددغه ولايت  دعامه نظم دپوليسو دقوماندان  وژل کېدل تائيد کړل او ويې ويل  چې په دې تروريستي بريدکې دپوليسو ددغه مقام دوه تنه ملګري ټپيان شوي دي.
دلغمان والي وايي  چې امنيتي مامورينو ددغه تروريستي بريد په اړوند شپږتنه نيولي دي .
فضل الله مجددي دافغانستان دخلکو دښمنان دپوليسو ددغه مقام  دترور عاملين وبلل .
سمونوال موسي خان څلور ورځې مخکې په لغمان ولايت کې دعامه نظم دڅلورم   کنډک دقوماندان په توګه ټاکل شوي و.
 

کابل\  باختردکب  دمياشتې  ٥ :
دمشرانو جرګي رييس فضل الهادي مسلميار نن دهيواد لويديځوولايتونو ته دکورنيو چارو وزارت دامنيتي معين دوروستۍ  سفر رپوټ واوريد.
دمشرانو جرګي مطبوعاتي دفتر باختراژانس ته   خبرورکړ.
دکورنيو چارو وزارت امنيتي معين سترپاسوال عبدالرحمن رحمن  دهرات ولايت ته  دخپل سفر نتيجې اودهيواد دلويديځو ولايتونو  امنيتي حالت بيان کړل او زياته يې کړه  دغه سفر چې  دځمکې له لارې ترسره شو په دې تګلوري کې  ددوو مشهورو کمپنيو په ګډون  شپږخصوصي   امنيتي کمپني ړنګې شوې   او دهغوى  يوزرو دوه سوه ميله  وسله راټوله شوه او هم په سلګونو کېلوګرامه  چاوديدونکې توکې ضبط او په ټوليزه توګه  دسيمي داوسيدونکو اوپه دې تګلوري کې دسپرليو دښه امنيت دتامينولو په خاطر لازم تدبيرونه ونيول شول. دمشرانو جرګي رييس دهيوادوالو دډاډمن امنيت په تامينولو باندې په ټينګارسره هيله وکړه چې دهيواد  دامنيتي ځواکونوپه سمبالولو او تمويلولو کې  لازم اقدامات ترلاس لاندې ونيول شي  چې هغوى وکولاي شي ددښمنانو  دکورنيو اوبهرنيو  ګواښونوپه وړاندې دفاع وکړي.
مسلميار په دې غونډه کې  دسترپاسوال عبدالرحمن رحمن کړه وړه وستايل او عالي نښان  اودمشرانو جرګي ستاين ليک يې ده ته ورسپاره .
په دې کتنه کې  سناتورې نجيبې  حسيني  ددايکندي ولايت  په ګجران ولسوالۍ کې دطالبانو  وروستۍ بريدونه او ددغې ولسوالۍ دخلکو انديښنې طرحه کړې   اودکورنيو چارو وزارت  دامنيتي معين له خوا دنيول شويو تدبيرونو په باب توضيحات وړاندې شول.
دغه راز دمشرانو جرګي رييس فضل الهادي مسلميار داطلاعاتو اوفرهنګ وزارت له معين  دين محمدمبارز  راشدي   اوپه پارلماني چارو کې  ددولت وزارت له مرستيال محمدکريم بازسره   دکتنوپه ترڅ کې  دکاري موضوعګانو په باب خبري وکړي.
دسنامجلس له لومړۍ نايب محمدعلم ايزديارسره  دکورنيو چارو ، اطلاعاتو اوفرهنګ اوپه پارلماني  چارو کې ددولت دوزارتونو د  معينانو په يوه  جلا کتنه کې  دملي شورا دمشرانو جرګي دکړو وړو او له حکومتي ارګانونوسره  دهغې دمثبتو  کاري اړيکو يادونه وشوه .
محمدعلم ايزديار  له سنا مجلس سره ددغو مسوولينو همکاري وستايله او ويې ويل  ددولت ددرې  ګونو ارګانونو ترمنځ ښې  کاري اړيکې ددې سبب کېږي چې دخلکو ستونزي تريوې اندازي پوري  حل شي .
په کتنه کې دغه راز  داطلاعاتو اوفرهنګ وزارت معين  مبارز راشدي  د جوزجان ولايت  دخپرونې ( ګوراش ) مجلې دبيا چاپ چې پخوا ځنډول شوي و ، ډاډ ورکړ.
 

Saturday, 23 February 2013 14:05

تبصره

کابل\  باختردکب دمياشتې  ٥ :
دبيان ازادي دديموکراتيکو ټولنو لپاره يو اساسي معيار دي چې دټولنې دلارښود  اولوري ورونکې په توګه عمل کوي او دا په داسې حال کې ده  چې افغانستان په تيرولسو  کلونو کې په دې لاره کې مشخص اوڅرګند برياليتوبونه لري.
دباختراژانس  مبصر ليکې  : دافغانستان داسلامي جمهوريت  جمهوررييس  حامدکرزي په خپلې پنځلس ورځني  راډيويي وينا کې په هيواد کې  دبيان په ازادي تمرکز وکړ اوهغه يې دټولني دسترګي  اوڅراغ په توګه بللې ده  چې دافغانستان دخلکو او دولت ډير ستر برياليتوب بلل کېږي.
حامدکرزي په دې وينا کې له دغې پدپدې سره  دافغانستان دملت په ملاتړ باندې ټينګارکړي دي  خو داټکې يې مشخص کړى دى  چې بايد دبيان اودمطبوعاتو له ازادي څخه دمملکت دګټو دساتنې لپاره کار واخلو اومطبوعاتي رسالت اودبيان ازادي په قانونمندي سره يې وساتو.
بي سرحده  خبريالانو سږکال په خپل کلني  رپوټ کې   يادونه کړې ده چې افغانستان دبيان په ازادي کې شل درجې لوړوالې موندلي دي اوپه دې برخه کې  يې ستر برياليتوبونه  ترلاسه کړي دي اودټولو  ګاونډيو هيوادونو په تيره بيا دهند اوپاکستان په نسبت يې پرمختګ کړي دي.
دافغانستان داسلامي جمهوريت جمهوررييس په داسې حال کې په هيواد کې دبيان ازادي  يادونه کوي چې همدا اوس دملي اوسيمه ييزه کچه په افغانستان کې يو زيات شمير تصويري شبکې ، راډيويي شبکې او چاپي  خپرونې فعالې دي دغًوبرياليتوبونو  له لوړو او ژورو  ډکې لاري وهلې دي  هغه څه چې نن په هيواد کې دبيان اودرسنيو دازادي  په نامه ياديږي ،. دومره پراخ دي  چې  نه شي کېداى  په  هيواد کې  دمطبوعاتو   له سابقې سره پرتله شي  .
همدا اوس  موږ په خپل هيواد کې دبيان او دمطبوعاتو له زياتي ازادي څخه ګټه اخلو چې زموږ ګاونډي هيوادونه يې نلري په ځينو  ګاونډيو هيوادونو کې دزندي کولو  سيوري  په رسنيو واکمن دي او ورځپاڼه ليکنه که چېري ددولتي  چارواکو په سليقه نه وي  جرم بلل کېږي  په داسې  حال کې چې په افغانستان کې  دغه پديده دقانون په رڼا کې  وده کوي اوپه ټولنه کې يې خپل دريځ تثبيت کړي دي  خو دا  دکار وروستۍ خبره نه ده   په هيواد کې يوشمير سياسي کارپوهان په  دې باور دي  چې په هيواد کې دبيا ن ازادي  په يوه طرفه واټ کې ده  انتقاد اونقد شته ناخوالې  په ډاګه کېږي  دغه شان انتقاد اونقد زغمل کېږي خو په دې اړوند  ديوشمير مقاماتو غبرګون کمزوري  اوپه ځينو مواردو کې هم بې توپيري دي چې داکار کېدى شي له انديښنو ډک وي.
که چېري  دغه شان څرگندونې او انتقادونه  جدي ونيول شي اودله منځه وړولو لپاره يي اقدام وشي دبيان  او  دمطبوعاتو دازادي برياليتوب به زيات واى.
يوه بله خبره چې  کولاي شي دبيان اودمطبوعاتو ازادي له ستونزو اوبې باروي سره  مخامخ کړي  ديو شمير رسنيو سليقوي اوسمتي چلند دي ان  يو شمير دغه رسني زياتره  دبهرنيو ګټوپه تمثل کې دي .
دغه  راز ځيني  موارد ترسترګو کېږي چې دبيان له ازادي څخه دشخصيتونو دترور په مقصد دحربي  په توګه  کار اخيستل کېږي.
دغه خبره بايد له عامو خلکو څخه پټه نه وي چې  دبيان او دمطبوعاتو ازادي دخلکو دقشرونو ترمنځ اوله دولت سره دخلکو ترمنځ دارتباط پل دي.
دا درسنيو دچلوونکو وجيبه  ده چې دغه پل لازيات ټينګ اوپياوړي کړي دا کار هغه وخت شونې دي چې  زموږ رسني دعمومي ګټو په وړاندې  لازيات په خپل رسالت  پوه شي .
دملي ګټو په باب څرگنده تعريف ولري او دملي ګټو دساتنې په لاره کې حرکت وکړي په دې کې دشک ځاى نشته چې دبيان ازادي  دواقعيتونو دلټولو لپاره ضروري ده اوپه هيواد کې دټولني  دقشرونو دژوندانه په ښه والې کې ستر رول لري خوښه به دا وه  چې موږ دخپل حالت  بارونو اودټولنې په واقعيتونو په پوهيدو سره په دې لاره کې ګام واخلو اوپه نقد  انتقاد کې اصلاحي لاره هم وړاندې کړو.
په دې ترڅ کې دانتقاد اونقد په وړاندې ځان مسوول  وبولو  اودناخوالې  دله منځه وړلو لپاره کار وکړ په دې ترتيب به دبيان  په  زيات ووياړو.

Saturday, 23 February 2013 14:04

ملاناصر ونيول شو

کابل\  باختردکب  دمياشتې  ٥ :
دطالبانو يو مشهورقوماندان په فراه ولايت کې په يوه نښته کې ونيول شو.
دفراه   دوالي ويندوى  عبدالرحمن ژوندي باختراژانس ته وويل دطالبانو مشهور قوماندان ملاناصر تيره شپه دفراه ولايت  په خاک سفيدولسوالۍ کې  له پوليسو سره په نښته کې ونيول شو.
دژوندوي دڅرگندونوله مخې ددغو عملياتو په بهيرکې  دپوليسو ځواکونو ته
زيان نه دى اوښتي او يوه اندازه جنګي وسايل هم دپوليسو دځواکونو لاسته ورغلي دي.
 

کابل\  باختردکب  دمياشتې  ٥ :
دملي امنيت دلوى رياست موظفينو يو ځانمرګي بريدکوونکې دفارياب ولايت په مربوطاتو کې ونيوه.
دملي امنيت  دلوى رياست مطبوعاتي دفتر باختراژانس ته خبرورکړ نيول شوي سړى مخکې له دې امله چې په ځانمرګي بريدلاس پوري کړي  له چاوديدونکو توکو او ځانمرګي بريد واسکټ سره ونيول شو.
ده اعتراف کړى دى  چې دميمنې ښار په يوه ګڼ ميشت سيمه کې دځانمرګي بريد لپاره ګومارل شوي و.
دغه سړى په داسې  حال کې  نيول کېږي چې  په ځانمرګي بريد کوونکې دلوى اختر په لومړۍ ورځ دميمنې په ښارکې يو شمير  لمونځ کوونکې شهيدان کړل..
ديوبل خبرله مخې   دملي امنيت دلوى رياست  موظفينو   دسمنګانو ولايت دحضرت  سلطان او فيروزنخچېر دولسواليو په مربوطاتو کې  يو اندازه وسلې  اومهمات اوچاوديدونکې توکې  ترلاسه کړل چې دوسله والو مخالفينو له خوا پټ کړاى شوي وو.
 

کابل\  باختردکب  دمياشتې  ٥ :
دهرات ولايت دشينډنډ ولسوالۍ په مربوطاتو کې دماين دچاودنې له امله يو ملکې وګړي ووژل شو او درې تنه نورملکې ملګي وګړي ټپيان شول.
دکورنيو چارو وزارت مطبوعاتي دفتر باختراژانس ته خبرورکړ.
پيښه هغه وخت رامنځته شوه چې دملکې وګړو دسپرلۍ موټر ددغې ولسوالۍ  دده نو کلي له ساحې څخه تيريده په واټ کې په ښخ کړي شوي ماين وخت يوه سپرلۍ ووژل شوه او درې تنه نوريې ټپيان شول.
ديوبل خبرله مخې  دکندز ولايت  يو اوسيدونکې  په کندز ښارکې  په ورته پيښه کې  ووژل شو.
دغه پيښه هغه وخت رامنځته شوه چې يو ماين پرون دکندز ښار په څلورمه ناحيه کې و چاوديد .
په دې  پيښه کې دوه تنه نور ملکې وګړي ټپيان شول.