26 May 2020

RSS Facebook

سوداگریز


تازه خبرونه

د کرونا په اړه بې پروا چلند ستر ناورین رامنځ ته کولای شي

د کرونا په اړه بې پروا چلند ستر ناورین رامنځ ته کولای شي

کابل / د غبرګولي ۶ مه / باختر د کروناویروس خپرېدا...

د ملي امنيت شورا سلاکار پکتيا ته سفر وکړ

د ملي امنيت شورا سلاکار پکتيا ته سفر وکړ

- کابل / د غبرګولي ٦ مه / باختر د ملي...

Youtube Player

khantry design

سوداگریز

سوداگریز

کابل باختر دچنګاښ دمياشتې ٢٣ :
د دولت ٩٦ تنه وسله وال مخالفين نن په بغلان ولايت کې د سولې له بهيرسره يوځاى شول .
دغه افراد په دووګروپونوکې د بغلان ولايت په دوو ولسواليوکې له امنيتي ځواکونوسره يوځاى شول.
دبغلان د ولايتي کميټې رييس عبدالصمدستانکزي دباختر آژانس خبريال ته وويل: د ملاشيرآغا په مشرۍ ٨٢ تنه  له ٥٤  کلاشينکوفونو سره د ده صلاح په ولسوالۍ کې او ١٤ تنه نور د مولوي حبيب الله په سرمشرۍ له نهو ميلو وسلو سره دبغلان ولايت په خوست ولسوالۍ کې د سولې له بهيرسره يوځاى شول.
ستانکزي زياته کړه: له دولت سره د يوځاى شويوکسانو وسلې او تجهيزات ددغه بهير له پيل څخه تراوسه پورې د ډيرې ګټورې وسلې په توګه چې پيکا ، توغندي ويشتوونکي ، کلاشينکوفونه او نور پکې دي؛ وويل  او زياته يې کړه: د نويو وسلو په باب ددغوکسانو د همکارۍ د روحيې په پام کې نيولو سره  ډاډمن يو چې ددغو  له پخوا زيات په دغوکسانوپورې په اړوندو ساحوکې به امنيت تامين شي .

کابل-باختر- دچنګاښ دمياشتې ٢٣
د لوړو زده کړو وزارت خبرتيا
هغو ټولوکانديدانوته چې د ٢٠١٤ کال لپاره يې دپاکستان په بورسونوکې نومونه ليکلي دي او خپل سندونه يې بشپړ کړي دي؛ خبر ورکول کيږي: ټاکل شوې ده د دغه هيواد د بورسونو آزموينه د سه شنبې په ورځ د ٢٠١٤ م کال د جولاى دمياشتې په ١٥نيټه چې د ١٣٩٣ هجري لمريزکال د چنګاښ د مياشتې له ٢٤ نيټې سره برابره ده؛ د سهار په شپږوبجو په کارته پروان کې د پاکستان د اسلامي جمهوريت په سفارت کې واخستل شي.
له کانديدانو څخه غوښتنه کيږي چې په ټاکلي وخت د تحصيلي سندونو له اصل (شهادت نامه) او د تابعيت له تذکرې سره د آزموينې د تيرولو په مقصد دغه سفارت ته ورشي.

کابل-باختر- دچنګاښ دمياشتې ٢٣
په ميدان وردګو ولايت کې تېره د يو لړ پوځي عملياتو په بهيرکې د وسله والو طالبانو د ډلې يو قوماندان ووژل شو او درې تنه نور ټپيان شول .
په دغو عملياتوکې چې د چک او د سيد آباد د ولسواليو او د ميدان ښار په ځينو سيموکې ترسره شول؛ د دغې ډلې يو بل قوماندان ونيول شو.
د را رسيدلو خبرونو له مخې: د دغو عملياتو په بهيرکې پوځيانو د وسله والو طالبانو څو پټنځايونه له منځه وړي او د دغې ډلې په لسګونو درندې او سپکې وسلې يې ترلاسه کړې دي .
د ميدان وردګو د والي ويندوى عطاالله خوږياڼي دباختر آژانس خبريال ته وويل: ددغو عملياتو په بهيرکې د طالبانو يو قوماندان ووژل او يو نن بل ټپي شوى دى او يو تن نيول شوى دى.
هوايي ځواکونو په دغو عملياتوکې د برخه والو پوځيانو ملاتړکاوه.
تراوسه پورې په دغو عملياتوکې دپوځيانو او دملکي وګړو د سر د احتمالي زيان شمېر روښانه نه دى .

کيف  دچنګاښ  درې ويشتمه
  روسيې پرون له دغه هيواد سره د اوکراين د پولې په اوږدوکې د خپل يوتبعه د وژل کيدو او ډزو له امله دغه هيواد ته خبر دارى ورکړ.
باخترآژانس د رويټرز د خبري آژانس له خولې خبر ورکړ: دغه خبردارى په داسې حال کې صادر شوى دى چې اوکرايني الوتکو د دغه هيواد په ختيځ کې د بيلتون غوښتوونکو په سنګرونو بريدونه وکړل.
  دا لومړى ځل دى چې روسيې د خپل يوتبعه د وژل کيدو له امله اوکراين ته خبر دارى ورکړى دى.
د اوکراين د اردو ويندوى وويل چې څه ناڅه ١٠٠ زغره والې واسطې چې له روسيې څخه اوکراين ته ننوتي؛ د تروريستي ضد عملياتو تر بريد لاندې ونيول شوې او ويجاړې شوې.
د تيرې جمعې په ورځ د ياغيانو د راکټي بريدونوله امله او د لسګونو تنو له وژل کيدو وروسته نښتې زياتې شوې دي.

کابل باختر دچنګاښ  دري  ويشتمه
په کابل ښارکې د رمضان د جام د فوټسال سياليو تېره شپه په شپږو لوبو سره دوام وموند.
د هيواد د فوتبال فدراسيون د خپرونو آمرعبدالرشيد عزيزي دباخترآژانس خبريال ته وويل: په دغو لوبوکې د باغ علي مردان له ځوانانو، توفان، جهان سپورت، جوانان کابل، جوانان متحد او د افغان کابل ټيمونه په خپلو سيالو ټيمونو بريالي شول .
دغه راز د جوانان بهارستان او جوانان صبور ټيمونه لوبې ته حاضرنه شول.
دغه سيالۍ د ٨٦ ټيمونو ترمنځ دبدني روزنې او ورزش رياست په جمنازيوم کې پيل شوې دي.

ويانا\ وي او اې نيوز\  باختر دچنګاښ دمياشتې ٢٣ :
دايران  او دامريکا دمتحده ايالا تو دبهرنيو چارو  وزيرانو  په ويانا کې  د پرونيو خبرو له پاى ته رسولو وروسته په  جلا جلا توګه  د خبرو په دوام  باندې ټينګار وکړ.
باختر آژانس  د وي،  او، اې  نيوز  دخبري سايټ له خولې خبر راکړ:
د امريکا دبهرنيو چارو وزير جان کري دايران دبهرنيو چارو له وزير محمدجواد ظريف سره  له کتنې وروسته وويل:  بايد خپلو خبرو ته دوام ورکړو  چې نتيجې ته ورسيږو.
پخوا  دامريکا دمتحده ايالاتو دبهرنيو چارو  وزارت ويندوى الن اير دامريکا غږ ته ويلي و  چې دجان کري دسفر هدف د ايران د اټومي پروګرام دماهيت د سوله ييز والي د ثابتولو لپاره دايران دليوالتيا څيړنه ده.
د ايران د بهرنيو چارو  وزير د يکشنبې د ورځې دخبر وپه پاى کې خبريالانو ته   وويل  چې لا تراوسه  پورې کومې موافقې ته نه رسيدلي  خو خبرې  ډيرې ښې وې او ما احساس کړه چې ټول لوري په ليوالتيا  سره  د ممکنو  لارو  چارو د موندلو لپاره هڅه  او هاند کوي او هيله لرو چې په همدې ډول په جديت سره دوام ولري .
محمد جواد ظريف وويل : پتيلې موده چې خبرې دوام لري او موږ له نن سهار څخه کار ته دوام ورکوو.
ده  وويل چې يوه اوونۍ ډير سخت کار په مخکې لرو او دى عقيده لري چې کيداى شي نتيجې ته  ورسيږي.

پاريس \ ايرنا \  باختر دچنګاښ دمياشتې ٢٣ :
دغزې له خلکو سره  په ملاتړ کې  په پاريس کې  دزرګونو تنو پرونۍ مظاهرې  په تاوتريخوالي  او له پوليسو  سره په نښتې واوښتې .
دفرانسپرس دخبري آژانس دخبرله مخې :  دپاريس څو زرو تنو خلکو پرون  ددغه ښار په واټونو کې  سوله ييزې مظاهرې وکړې او د شعارونو  په ليږدونې سره يې دفلسطين دخلکو  له مقاومت سره خپل ملاتړ اعلام کړ.
خودغه سوله ييزې مظاهرې وروسته په باستيل ډګرکې په تاوتريخوالي  واوښتې او پوليسو د اوښکې بهوونکي ګاز په کارولو سره هلې ځلې وکړې چې قهرجن  مظاهره کوونکي  خواره  واره کړي .
نا آرامۍ دتيرې شپې تر لومړيو شيبو پورې روانې وې او پوليسو دشپږو تنو مظاهره کوونکو دنيولو خبر ورکړ .
ددغه خبرله مخې: دفرانسې دشمال په ليل ښارکې هم نږدې شپږو زرو تنو  دفلسطين دخلکو په ملاتړ سوله ييزې مظاهرې وکړې .
داسرائيلو پوځي ځواکونو دتيرې سه شبنې په ورځ  دچنګاښ دمياشتې له اوولسمې نيټې څخه دغزې په تړانګې هوايي بريدونه پيل کړل چې په دې موده کې نږدې ١٧٠  تنه فلسطينيان وژل شوي دي چې دملګرو ملتو د سازمان د رپوټ له مخې په سلو کې اويا يې  ملکيان دي.

کابل باختر دچنګاښ دمياشتې ٢٣ :
د فراه ولايت  دګلستان ولسوالۍ خلک د وسله والو طالبانوله خوا ددغې ولسوالۍ دمواصلاتي  لارو دتړل کيدو او دامنيتي ځواکونو دناسم چلند له امله شکايت لري  او ځينې کورنۍ  په همدې دليل له خپلو کورنو څخه  بيځايه شوې دي .
د وسله والو طالبانو له خوا دګلستان ولسوالۍ دمواصلاتي لارو تړلتيا د دې سبب شوې ده چې په سلګونو کورنۍ له دغې ولسوالۍ څخه ووځي.
دګلستان ولسوالۍ د لرتي دکلي اوسيدونکي محمود دباخترآژانس خبريال ته وويل چې وسله والو طالبانو  د دغې ولسوالۍ په څو سيمو کې  په پراخ شتون سره  د دغې ولسوالۍ مواصلاتي لارې تړلې دي.
ده زياته کړه چې دفراه ولايت تر مرکز پورې دګلستان ولسوالۍ مواصلاتي لاره د دلارام  ولسوالۍ له سيمې څخه  او د برچمن ولسوالۍ ته دګلستان لاره او دغه راز هغه لاره چې  دګلستان ولسوالۍ دهلمند ولايت د واشير له ولسوالۍ سره نښلوي؛ له نږدې يوې مياشتې را په دې خوا دوسله والو طالبانو له خوا تړلې شوې دي.
دده دڅرګندونوله مخې: دا کار ددې سبب شوى دى چې په بازارکې خوراکي توکي  کمښت ومومي او په پاى کې خلک له خپلو کورونو او ټاټوبو څخه وتلو ته اړل شول.
تراوسه پورې له څلورسوه کورنيو څخه تر پنځه سوه کورنيو پورې دګلستان ولسوالۍ له بېلابېلو سيمو څخه دنيمروز، هلمند، هرات او د قندهار ولايتونو ته مهاجرشوي دي .
د فراه والي محمدعمر شيرزاد دباخترآژانس خبريال ته وويل:  وسله والو طالبانو له شلو ورځو را په دې خوا دګلستان ولسوالۍ مواصلاتي لارې دخلکو پرمخ تړلې دي  خو ده  دسيمې د خلکو دبيځايه کيدو په باب بې خبري وښوده .
شيرزاده وويل چې وسله والو طالبان په خپل دغه کار سره يوازې خلکو ته ستونزې پيدا کړې دي . ځکه دولت کولاى شي خپلې اړتياوې د هوا له لارې هم پوره کړي.
ګلستان دفراه ولايت  يوه غرنى سيمه ده او د هغه پوځي ارزښت په نسبت چې لري يې؛ په تيرو دوولسو کلونوکې تل د وسله والوطالبانو د جدي پاملرنې وړ ده.

کابل-دچنګاښ دمياشتې ٢٣
د صديقي د نجونو د ښوونځي ودانۍ د دغه ولايت د والي له خوا د فراه ولايت دکروجي غلام صديق په کلي کې پرانستل شو.
دفراه ولايت د پوهنې رييس انجنير محمد صابر د باختر آژانس خبريال ته وويل: په دې ودانۍ کې اته درسي او څلور اداري خونې شته او د اته سوه زده کوونکو ظرفيت لري.
ددغه کلي د پراختيايي شورا له خوا د نړيوال بانک له بودجې څخه د نهه نوي زرو امريکايي ډالرو په لګښت جوړه شوې ده.
د فراه د پوهنې رييس وويل: پخوا ددغه ښوونځي زده کوونکي د ودانۍ د نشتوالي له امله ترخيمو لاندې او په پرانستې فضاکې په زده کړه بوخت وو او اوس د دغې ودانۍ په جوړيدو سره د درسي خونو دکمښت له پلوه د زده کوونکو ستونزې لرې شوې دي.

پيښور- دى دان-دچنګاښ دمياشتې ٢٣
دشمالي وزيرستان په قبايلي سيمو کې دپاکستاني پوځيانو په هوايي او ځمکنيو بريدونوکې دبهرنيو اتباعو په ګډون ١٨ تنه مليشه طالبان ووژل شول او د دوى پټنځايونه ويجاړ شول.
باختر آژانس دپاکستان د ډان ورځپاڼې له خولې خبر راکړ: دغه بريدونه دشمالي وزيرستان مرکز ميرامشا په ختيځ د موساکي په ناحيه او د ميرامشا په لويديځ خارکمرکې شوي دي .
د شمالي وزيرستان دسيمه ييزې ادارې يوه خبرځاى تاييدکړه چې دغو بريدونو مليشه طالبانو ته د سر زيان اړولى دى .
په شمالي وزيرستان کې د پاکستاني پوځيانو دعملياتو له پيل څخه تراوسه پورې څه دپاسه ٤٠٠ تنه مليشه طالبان او دپاکستان د اردو ٢٠ تنه عسکر وژل شوي دي.
دپاکستان جنګي جټ الوتکو پرون سهار په شمالي وزيرستان کې د مير علي تحصيل په ښارګوټي کې د طالبانو په پټنځايونو بريدونه وکړل چې له امله يې دسر په زيان سربېره د مليشه طالبانو يو شمېر پټنځايونه ويجاړ شول.
دپاکستان پوځي مامورينو ويلي دي چې په دغو بريدونوکې د ياغيانو پنځه مرکزونه ويجاړ شول.