21 November 2019

RSS Facebook

سوداگریز


تازه خبرونه

 دوه ويشت ډار اچوونکي په چاڼيزو عملياتو کې ووژل شول

دوه ويشت ډار اچوونکي په چاڼيزو عملياتو کې ووژل شول

کابل/ د لړم ٣٠ مه/ باختر د دفاعي او امنيتي...

د لوګر ځوانانو د سوداګرۍ په روزنيز پروګرام کې ګډون وکړ

د لوګر ځوانانو د سوداګرۍ په روزنيز پروګرام کې ګډون وکړ

کابل/ د لړم ٣٠ مه/ باختر ځوانانو ته د سوداګرۍ...

د ايبکو ښاروالۍ د استوګنې ودانۍ جوړوي

کابل/ د لړم ٣٠ مه/ باختر د ايبکو ښاروالۍ د...

Youtube Player

khantry design

سوداگریز

سوداگریز

کابل باختر  دسلواغې دمياشتې ١٨ :
د  افغانستان داسلامي جمهوريت د  جمهوري   رياست   لومړي مرستيال   مارشال محمد قسيم فهيم ته  واک ورکول کيږي  چې د روسيې هيواد سوچي ښار ته له  سفر څخه   د افغانستان   د اسلامي جمهوريت د  جمهور رييس  تر راستنيدو  پورې   د افغانستان د اسلامي جمهوريت   د جمهوري   رياست  د  چارو سر  پرستي وکړي .
په فرمان کې د لوى خداى ( ج )  له دربار څخه   د ده  د  لازياتو برياليتوبونو هيله     شوې ده .

 کابل باختردسلواغې دمياشتې ١٨ :
په سمنګان ولايت کې داووه ديرشو کليو اوسيدونکو  ديو نسف ادارې په همکارۍ 
ددغه ولايت دکليو دبيا جوړولو اوپراختيا رياست له لارې دسيمه ييزې روغتيا
ساتنې درعايتولو لارې چارې زده کړې .
ددغې ادارې مسوولين وايي  دغه روزنيز پروګرام ديونسف  موسسې په همکارۍ   دسمنګانو ولايت  دمرکز ايبکو ښار  داتلسو کليو  اودخرم سارباغ ولسوالۍ دنوولسو  کليو په کچه پيل شو  چې  نږدي شپږ زره  دوه سوه کورنيو  دفردي  اوسيمه ييزې روغتيا ساتنې  درعايتولو لپاره  لومړنۍ زده کړې وکړي.
دسمنګان ولايت  دکليو دبيا جوړولو اوپراختيا رييس انجينر محمدآصف دولت شاهي باخترآژانس ته وويل  چې ددغه پروګرام هدف  دساري ناروغيو دخپريدو مخنيوى ، دڅښاک له روغتيايي اوبو څخه  استفاده  او دچاپيريال   پاک ساتنه ده
ده وويل  دغه پروګرامونه دسيمې   ددرې سوه پنځلسو  تنو  اوسيدونکو ميرمنو له خوا  دکور په کور په ډول چې پخوا يې  زده کړې کړې وې  په شپږو مياشتو کې  عملي  شو.
ده وويل :  دغه راز  دروغتيايي ټيم په سلا مشوره  دمکروب د خپريدو دمخنيوي لپاره داستوګنې په سيمو کې په سلگونو مبرزونه  جوړ شوي دي او دغه کلي  دپاکو  کليو په  نامه نومول شوي دي .
دسمنگانو ولايت د ژوندانه  دچاپيريال ساتنې رييس عبدالهادي عزيزي دکليو په کچه  ددغه روغتيايي پروګرام تطبيق اغيزمن وباله او ويې ويل  چې دغه پروګرام
په ناروغيو دخلکو دزيات اخته کيدو مخه نيسي .
په همدې حال کې ددغو سيمواوسيدونکي وايي  چې دخلکوپه تيره بيا دماشومانو  او د بوډاګانو ترمنځ   ناورغۍ  کمې شوي دي  ځکه چې دوي په تودو اوبو اوصابون دلاسونو دمنيځلو  ، دڅښاک دروغتيايي اوبو دکارولو  او له کثافاتو څخه دماشومانو دلرې ساتلو لارې  چارې  ددغو پروګرامونو په واسطه زده  کړي دي او رعايتوي يې.

 کابل باختردسلواغې دمياشتې ١٨ :
دپنجشير ولايت دآبشار ولسوالۍ  په مربوطاتو کې دسيند دغاړو دمحافظتي استنادي ديوال ويجاړتيا  ددغې ساحې خلک  انديښمن کړي دي .
دوي ادعا کوي  چې دغه استنادي ديوال  ددوي  کورونه داوبو دڅپانده کيدو له 
خطرونو څخه خوندي ساتل  او اوس ددغه ديوال  په ويجاړتيا سره ددوي کورونه  دسيند داوبو  ترګواښ لاندي دي .
دپنجشيرولايت  دآبشار ولسوالۍ  دغو اوسيدونکو دباخترآژانس سيمه ييز خبريال ته ويلي دي  چې درې کاله مخکې  ددغه سيند په دواړو غاړو کې  دکليو دبيا جوړولو اوپراختيا وزارت  دملي پيوستون دپروګرام له لارې محافظتي ديوالونه  جوړ شوي وو  او دروان کال په لومړيو وختو کې دسيلاونو   او دسيندونو دڅپانده کيدو له امله   ويجاړ شول.
دآبشار ولسوال  حامد  روشن  دباختر آ ژانس خبريال ته وويل چې تراوسه پورې   ددغو ديوالونو دبيا جوړولو په خاطر داړوندو دولتي ادارو له خوا کوم کار نه دى شوى او سربيره پردې چې ددغه سيند ددواړو غاړو کورونه  تر خطر لاندې دي  داوبو تګلوري هم ددغې ولسوالۍ   دسړک  حينې برخې ويجاړې کړي دي .
ده وويل  چې داړوندو ادارو مسوولين دې بايد  ددغې ولسوالۍ دخلکو دستونزو دلري کولو په برخه کې  اقدام وکړي .
په همدې حال کې دپنجشيرولايت دکليودبياجوړولو اوپراختيا رييس عظيم الرحمن خرمي وايي   چې  دهوا په تودوخي سره ددغه سيند دغاړو دمحافظتي  ديوالونو  دبيا  جوړولو کار پيليږي .

کابل باختردسلواغې دمياشتې ١٨ :
څرنګه  چې دهيواد دلوړو زده کړو بنسټونه  دلوړو زده  کړو دزمينو دبرابرولو په لاره کې   دعلمي او اکاډميکي  مرکزونو په توګه دي  بايد له هر راز انتخاباتي مبارز اوله سياسي مسلو څخه لري وساتل شي .
په دې وسيله دهيواد   دتحصيلي بنسټونو له ټولو رييسانو اودجمهوري رياست او دولايتي شوراګانو  له نوماندانو څخه  غوښتنه کيږي  چې دهيواد   په پوهنتونونو او دلوړو زده کړو په موسسو کې  دعکسونو او تبليغاتي پاڼو له ځړولو اوله هر راز  انتخاباتي کمپاينونو څخه په کلکه ډډه وکړي او ددغو بنسټونو داکاډميکي فضا دګډوډولو سبب  نه شي .

کابل باختردسلواغې دمياشتې ١٨ :
دکاپيسا ولايت  دښوونځيو  داخل خدمت اووه سوه شلو تنو  ښوونکو ددغه ولايت
دشهيد عبدالصبور  دښوونکو دروزنې دموسسې له څوارلسم ټولگي څخه دفراغت سندونه ترلاسه کړل.
دباخترآژانس د خبريال د خبرله مخي : په هغې غونډه کې چې له همدې  امله دکاپيسا ولايت دمقام ديوشمير مسوولينو ،. دښوونکو دروزنې  دموسسې  درييس، ددولتي ادارو  يوشمير مسوولينو ، استادانو او محصلانو په ګډون   جوړه شوې ده  دکاپيسا ولايت دپوهنې رييس  خبرې وکړې  اودمحصلانو فراغت يې  په دغه ولايت کې  دپوهنې دپرمختيا په لور يو ګام وباله   اوله هغوي څخه يې وغوښتل  چې دهيواد دبچيانو دسالمې ښوونې او روزنې په لاره کې لازياتې هلې
ځلې وکړي .
ديادوني وړ ده چې   داووه سوه اووه ويشتو تنو  محصلانو له  جملې څخه پنځه سوه نهه تنه يې  نجوني دي  چې دټولنيزو علومو ، سياينس  ، تاريخ ، دري  ژبې ، پښتو ژبې ، بيولوژۍ  او دانګليسي ژبې له ديپارتمنتونو څخه فارغ شوي دي.
دکاپيساولايت  دشهيد عبدالصبور  دښوونکو دروزنې  موسسه  په  ١٣٨٢ کال کې  جوړه شوې ده  او تراوسه پورې يې  شپږ زره پنځه سوه دوه پنځوس تنه مسلکي ښوونکي ټولنې ته وړاندې کړي دي.

کابل باختردسلواغې دمياشتې ١٨ :
دننګرهار ولايت دکامې ولسوالۍ دبازيدخيلو او داچين ولسوالۍ دده سړک  دليسو دودانيو دبنسټ  ډبرې پرون ددغه ولايت دپوهنې رياست دچارواکو له
خوا کيښودل شوې .
دباخترآژانس دخبريال  دخبرله مخې  :  دغه ودانۍ  دپنحلسو مليونو افغانيو په ټول لګښت په څلورو مياشتو کې   جوړيږي او په هرې ودانۍ کې  اته درسي  او درې اداري  خونې  او دکمپيوټر دلوست لپاره يوه  خونه  او نور ضروري ملحقات
په پام کې نيول شوي دي .
ددغه ودانيو په  جوړيدوسره به  ددغوليسو زده کوونکو ته  دښې  زده کړې زمينه برابره شي .

کابل باختردسلواغې دمياشتې ١٨ :
ګرانو هيوادوالو ، درنو خويندو او ورونو !
السلام عليکم ورحمت الله وبرکاته
په دې د خوشخالۍ خبر ده  چې په همدې هفته کې دجمهوري رياست د راتلوونکو انتخاباتو لپاره د کانديدانو کمپاين  په بل عبارت انتخاباتي مبارزه په  رسمي ډول پيل شوه.
دا  پيل دافغانستان د  ثبات اوپه هيواد کې د ولسواکۍ  د  ټينګښت لپاره  يو بل پياوړى ګام دى .
ګرانو هيوادوالو !
په تيرو دوولسو کلونو کې دافغانستان خلکو دخپل جمهور رييس  دټاکلو لپاره دوه ځلې انتخابات وکړل . په ټول هيواد کې زموږ خلکو دخپلې خوښې کانديدانو ته رايه ورکړه  اوپه عملي ډول  يې ولسواکۍ  تجربه  کړه .
د همدې تيريدو په بنا دا زموږ خلک به دراتلوونکي کال دحمل په  ١٦ په دريم ځل انتخابات وکړي .
دغو انتخاباتي هڅواوهلوځلو کې دهيواد ١١ شخصيتونو ګډون کړى دى دوي
به  دافغانستانه ولس  ته مراجعه  کوي  او زموږ ټولو نه به رايه غواړي  .
دولسواکۍ اصل دادى چې په  نطرياتو او رايو کې ضرور فرق او اختلاف وي ، يو به  پوه   ته رايه  ورکوي اوبل به بل ته رايه ورکوي . درايو او دنظر اختلاف بايد هيڅکله  په شخصي مخالفت بدل نه شي  . موږ خپله   وروري او يو والى ټينګ ساتو.
درنو اومحترمو کانديدانو  !
د افغانستان دخلکو دا هيله ده  چې دانتخاباتي هلو ځلو په   دوران کې   تاسو
محترم کانديدان او ستاسو دکمپاين ملګري دهيواد د لا آبادۍ او سوکالۍ لپاره خپلې  طرحې ، پروګرامونه او نظريات ولس ته وړاندي کړي او  د خپلو  طرحو  او پروګرامونو دتوضيح او تشريح له لارې  رايه وګټي  .
موږ ټول هيوادوال په دې ډاډمن يو چې تاسو  به داسي  کمپاين وکړۍ چې په هغه کې دافغانستان ملي وحدت  لاپياوړى شي  خوشحالي مو لازياته شي او خلک د انتخاباتو په ورځ  درايو ورکولو ته لا تشويق شي  ترڅو د  افغانستان ولس تاسو ته درايو ورکولو د لاري دا خاوره لا ډيره   پياوړي ، ثبات او انشاالله  تعالي په   آينده ترقۍ او بسيا  ته ورسوي  .
نوپه دې  هيله ستاسو  کاميابي زموږ دافغانستان دخلکو ټولو آرزو ده .
خويندو او  ورونو  !
په راتلوونکو انتخاباتو کې ستاسو د دين دهيواد ثبات اوپه هيواد کې دولسواکۍ دټينګښت په لاره کې يوﻻ بريالى قدم دى ځکه نو له تاسو ټولو هيوادوالو  يوځل بيا هيله کوم چې په  انتخاباتو کې برخه واخلۍ  او دا ملي پروسه بريالۍ کړۍ .
دهيواد له امنيتي قواوو سره خپله همکاري  وکړۍ څو په خپل ټول قوت  ستاسو امنيت تامين کړي   او تاسو په  ډاډه زړه د رايو ورکولو مراکز ته  ورشۍ او دخپلې خوښې کانديد ته رايه ورکړۍ .   زه باور لرم دڅښتن  تعالي په استعانت  او زموږ دولسونو په ټينگه اراده به  زموږ راتلوونکي انتخابات په موفقيت پاى ته ورسيږي  او هيواد به لاپياوړى  اوسمسور شي .
تربلې اعلاميې مو په مخه ښه ښاد او آباد و اوسۍ.

کابل – باختر دسلواغې دمياشتې ١٧
دجمهوري رياست  دانتخاباتو نوماند استاد عبدالرب رسول سياف نن  د خپلو پلويانو په غونډه کې چې دلويې  جرګې په خيمه کې جوړه شوې وه دخپل کارمهم ټکي  بيان کړل  .
دباختر آژانس دخبرله مخې :  استاد سياف په خپله  وينا کې دهيواد له اوسنيو حالاتو سره  اړيکه ونيوله او دهغو ستونزو دحل کولو په باب چې هيواد ورسره مخامخ دى  خپل نظر بيان کړ.
ده  له اداري  فساد سره په جدي مبارزې  ټينګار وکړ ، دبشر دحقوقو تامينول
او دښځو دحقوقو رعايتول ددغه دپخوانۍ جهادى شخصيت په خبرو کې پراخ انعکاس درلود.
استاد سياف وويل :   په هغه صورت کې چې  دجمهوري رياست په راتلونکو انتخاباتو کې بريالى  شي دسولې لپاره هلې ځلې کوې ځکه سوله  د خداي (ج)
امر دى  او الله (ج)  هغه ته خير ويلى دي  او دى به سولې ته درسيدو لاره لنډه کړي سره له دې چې دغه پخواني جهادي مشر اودجمهوري رياست د راتلونکو انتخاباتو نوماند  دسولى خبره وکړه ، څرګنده يې کړه دهغو کسانو په مقابل کې به  چې  په بيلابيلو نومونو او ځانمرګو بريدونو او چاودنو سره ددغه هيواد ښځې ماشومان او خلک وژلي دي ، ودريږي ځکه د هغوي په مقابل کې چوپتيا جفاده ،   د دغه شان پيښو دعواملو په وړاندې له نرمښت څخه کار اخستل دانصاف او عدالت لاره نه ده او دملت د قاتلينو په وړاندې قاطع  وي .
استاد سياف په  هغو وسله والو مخالفينو چې هغوي  افغان او هيواد ال  وباله  غږ وکړ چې له موجود فرصت او فضا څخه استفاده وکړي  او خپل هيواد  او هيوادوالو ته د سولې او ثبات  په راوړلو کې اقدام وکړي .
استاد سياف وويل :   دبرياليتوب په صورت کې  قانون د حکومت په جوړولو کې چې توپير او امتياز پکې نه  وي کار کوي.
ديادونې وړده چې نتې غونډه دجمهوري رياست دانتخاباتي نوماندانو دانتخاباتيتي  مبارزو په دوام جوړه شوې وه او استاد سياف دنننۍ غونډې په جوړولو سره په عملي  ډول له دغه بهير سره يوځاى  شو .
پخوا ډاکتر عبدالله ، ګل آقاشيرزى ، اشرف غني احمدزى ، ډاکتر زلمى رسول ، جنرال عبدالرحيم وردګ ، عبدالقيوم کرزى ، قطب الدين هلال او هدايت امين ارسلا د ورته غونډو په جوړولو سره خپل انتخاباتي  پيل او خپلې کړنلارې يې بيان کړي دي.
انتخابآتي مبارزې د راتلونکې کال د وري تر ١٣ نيټې پورې  دوام کوي.

کابل – باختر دسلواغې دمياشتې ١٧
په  جوزجان  ولايت کې دسيند د اوبو دځپانده کيدو او دهوا دسړښت له امله له زيانمو شويو کورنيو سره مرسته  وشوه.
په دغو مرستو کې خوراکي توکي ، ژمنۍ جامې او دکور لوازم  شته  چې  ددغه ولايت له پيښو سره دمبارزې د تياري د ادارې او د تيز فند دغيرحکومتي موسسې له خوا برابر شوي دي.
د جوزجان  ولايت له پيښو سره   د مبارزې  دتيارې د ادارې رييس انجينير
عزيز الرحمن ايماق  باختر آژانس ته وويل  :   په دې دوره کې دجوزجان ولايت دمرکز شبرغان ښار په اتو سيمو کې له ٣٢ کورنيو سره شوي دي.
ده وويل ،  دغه کورنۍ دهوا دسړښت او يا دسيند د اوبو دځپانده کيدو له امله
د دوى کورونه  ويجاړ شوي دي.
په همدې حال کې دجوزجان د والي مرستيال عبدالرحمن محمودي وايي په جوزجان کې له زيانمنو شويو کورنيو سره د مرستې مواد کليوالۍ  سيموته په  لاره کې دي چې په اړو کسانو  وويشل شي.
يواز په   تيرو دريو ورځو کې د هوا دسړښت له امله په  جوزجان کې دښخو او ماشومانو په ګډون شل  تنه  ووژل  شول.