12 December 2019

RSS Facebook

سوداگریز


تازه خبرونه

  دعامې روغتيا وزارت دټوليز روغتيايي پوښښ نړيواله ورځ ونمانځله

دعامې روغتيا وزارت دټوليز روغتيايي پوښښ نړيواله ورځ ونمانځله

کابل /دليندې ٢١مه / باختر : دعامې روغتيا وزارت...

په بدخشان کې  په هوايي عملياتو کې  ١٢  طالبان ووژل شول .

په بدخشان کې په هوايي عملياتو کې ١٢ طالبان ووژل شول .

کابل /دليندې ٢١مه / باختر : دوسله والو طالبانو...

Youtube Player

khantry design

سوداگریز

سوداگریز

  بغداد- باختر دکب دمياشتې ٩
د عراق دپوليسو او روغتيايي مسوولينو دڅرګندونو له مخې  :   په    بغداد کې        د دريو جلا جلا  چاودنو له   امله څه  د  پاسه   ديرش تنه ووژل شول او اويا تنه نور
ټپيان شول .
لومړۍ  چاودنه ديو موټر سايکل کې وه   چې دصدر په   ښارګوټى   کې   وشوه
چې له امله يې پنځه ويشت تنه  ووژل شول او پنځه څلويښت تنه  نور ټپيان   شول .
دوه  ورې  چاودنې دشعب  په ښارګوټي  کې په  دوو کوچنيو بس  موټرونو کې رامنځته شوې چې کارګران  يې خپلو کورونوته ليږدول  چې له امله يې پنځه تنه
ووژل شوى او يوولس تنه  نور ټپيان شول.

  قاهره- اسوشيتدپرس- باختر دکب دمياشتې ٩
د مصر يوې محکمې شپږويشت  تنه دسونز په شبکې دبريد لپاره ديوې تروريستي ډلې د جوړولو له امله  مجرم  پيژندلى او ټول يې په  اعدام محکوم  کړل.
باختر آژانس داسوشتدپرس دخبرى آژانس له خولې خبر راکړ  :
دغه محکمه دغيابي محاکمې  په ډول  جوړه  شوه.
دمحکمې  په وينا کې ويل شوي دي يو  تورن چې له اتلسو کلونو څخه لږ عمر لري داعدام  په مجازاتو محکوم نه شو خو د نورو تورنو کسانو په باب څه  نه دي  ويل شوى.

 دوحه \ دقطر خبري آژانس \  باختر دکب دمياشتې ٩
په قطر کې دګازو د بالون د چاودنې له امله پرون نهه تنه ووژل شول  .
دقطر درسمي خبري آژانس دخبرله مخې : دغه چاودنه په  دوحه کې داستانبول  په راستورانت کې  وشوه چې له امله يې نهه تنه  ووژل شول او ٣٢ تنه نور ټپيان شول او د رستورانټ  ودانۍ ويجاړه شوه  او د رستورانټ  په پارک کې  موټروته هم زيان رسيدلى دى .
د قطر صدراعظم اعلام وکړ چې د کورنيو چارو وزارت په دې باب دمعلوماتو دوړاندې کولوپه خاطر ډيرژر خبرى کنفرانس جوړ کړي .

  واشنګتن- باختر دکب دمياشتې ٩
دفلسطينيانو  دخپلواکې ادارې  رييس محمود عباس تر راتلونکو دريو اوونيو پورې دامريکا له جمهور رييس بارک  اوباما سره په واشنګتن کې  وګوري.
سپينې ماڼۍ  په يوه وينا کې ويلي دي  چې له اسراييلو سره دسولى خبرې  او دغه راز دهغو مرکزونو دټينګښت لپاره دامريکا دګډو همکاريو په باب چې کولاى  شي دفلسطين خپلواک هيواد له جوړولو سره مرسته وکړي دخبرو له موضوعګانو څخه به  وي .
د اسراييلو صدراعظم راتلونکې دوشنبه  له  بارک اوباما سره په سپينه ماڼۍ کې ګوري.

  تهران- ايسنا- باختر دکب دمياشتې ٩
د ايران جمهور رييس حسن روحاني په بهر کې ميشتو ايرانيانو ته يوځل  بيا بلنه ورکړه چې ستانه شي او په ايران کى پانګه اچونه وکړي .
باختر آژانس دايران دايسنا دخبرى آژانس له خولې خبر راکړ  :  حسن روحاني تيره شپه دهر مزگان  ولايت له يو شمير اقتصادي فعالينو سره په کتنه کې وويل  په بهر کې ميشتو ايرانيانو ته دهيواد غيږ  پرانستې ده  او دولت چمتو دى دهغوي له نظريو څخه دهيواد دسمسورتيا  لپاره استفاده  وکړي.

کابل- باختر دکب دمياشتې ٩
دافغانستان د اسلامي جمهوريت د جمهور رييس حامد کرزي دخواخوږۍ پيغام:
په ډيرې خواشينۍ سره خبر شوم چې د ارزګان ولايت يو سپين ږيرى مشر حاجي رحيم الله جان نوابي د ورپيښې ناروغۍ له امله وفات شوى دى.
انالله وانا اليه راجعون.
اروښاد حاجي رحيم الله جان  نوابى يو خواږى او مصلح قومي مشر  و او دخلکو خيرخواه و .  د ده مړينه يوه ضايعه ده .
دخپلې ډاډګيرنې او خواخوږۍ  مراتب د ده کورنۍ ،  دوستانو او د ارزګان د ولايت خلکو ته وړاندې کوم.  الله تعالى دې دى وبخښى او کورنۍ ته دې يې جميل صبر په نصيب شي.

  تهران \ بي بي سي\  باختر دکب دمياشتې ٩
معصومه پرندوار  او  حميرا ريګي  دوه ښځې دي چې دحسن روحانى په دولت کې دسيسان او بلوچستان د ولايتونو دهامون او قصر قند ولسواليو  د ولسوالانو  په توګه ټاکلې شوې  دي.
ميرمن ريګي د بلوڅو دميرمنو له ټولنې او  سني  ده او په تيرو وختو کې د روغتيا په سازمان او د کورنيو چارو په  وزارت کې  رييسه وه.
د ايران دمهد خبري آژانس دميرمن پرندوار په باب ليکلي دي چې ټاکل شوې ده له
دې وروسته د هامون ولسواله  وي  او١٤کاله يې  په سيستان او شمالي بلوچستان
او د خراسان په ولايتونو کې کار کړى دى  او له ليسانس څخه لوړې زده کړې لرې.
اوس دسيستان او بلوچستان ولايتونه په مديريتي بستونو کې دښځو په انتصاب کى مخکښ دي.
دغه راز ساميه بلوڅ هم  په دغه ولايت کې دلومړۍ ښاروالې په توګه ټاکل شوې ده.

  دمشق\ ايرنا\   باختر دکب دمياشتې ٩
د ملګرو ملتو سازمان دماشومانو صندوق يونيسف اعلام کړى دى  چې دسوريې دوه زره تنه مهاجر ماشومان دلبنان په کمپونو کې د خوار خواکۍ له امله  دمړينې
له خطر سره مخامخ دي.
باخترآژانس د ايران د دولتي خبري آژانس له خولې خبر راکړ : 
دسوريې پناه غوښتونکي  چې دمړينې له خطر څخه  د ژغورنې  په مقصد له خپل هيوادڅخه لبنان ته تللي دي  له زياتو ستونزو سره مخامخ  دي .
درپوڼونو له مخې :  په سوريې کې دبحران له پيل څخه تراوسه پورې د سوريې څه دپاسه يو مليون اتباع د جګړو له امله لبنان ته تښتيدلي دي چې په سختو شرايطو کې ژوند کوى.

  پيښور\  ډان\  باختر دکب دمياشتې ٩
دخيبر پښتونخوا ايالت په قبايلي سيمه کې دپاکستاني ځواکونو او طالبانو ترمنځ د نښتې له  امله  درې تنه طالبان ووژل شول او درې تنه نور ټپيان شول.
باختر آژانس د ډي ډان ورځپاڼې له خولې خبر راکړ: نننۍ نښته  دخيبر- پښتونخوا  ايالت د پوځيانو دپلټنې دعملياتو په بهير کې رامنځته  شوه.
دخبرځاى دڅرګندونو له مخې :  طالبانو ته په مرګ ژوبلې برسيره  پنځه ويشت تنه نور يې نيول شوي دىي  .
په  دې نښته کې دوه  تنه پوځيان  هم ټپيان  شوي دي .

کابل- باختر دکب دمياشتې ٩
يوه ښځه چې د انسان تښتونې ،  وژنې او له طالبانو سره داړيکو تور پرې لګول شوى دى   دهرات ولايت ديوې محکمې له خوا په اعدام محکومه شوه .
دغې ښځې له خپلو جرمي همکارانو سره څه  موده مخکې يو سړى تښتولى  او وژلى  و  او په عين حال کې دهغه   له کورنۍ څخه  يې  پيسې هم اخيستى وې .
ددغى ښځې دوسيه د کورني او بهرنۍ امنيت پرخلاف دجرمونو د ديوان په علني قضايي غونډه کې چې  د هرات داستيناف محکمې د رييس قضاوتوال   سيد عبدالغفار په مشرۍ  جوړه شوې وه   وڅيړل شوه.
دسندونو او شواهد له څيړنې وروسته  محکمې دغه  ښځه د وژنې ، انسان تښتونې او له طالبانو سره داړيکو په جرم په اعدام محکومه کړه .
دمحکمې پريکړه وروستۍ پريکړه نه ده.