21 January 2020

RSS Facebook

سوداگریز


تازه خبرونه

  د مشرانو جرګې فوق العاده غونډه جوړه شوه

د مشرانو جرګې فوق العاده غونډه جوړه شوه

کابل/ دمرغومې۳۰مه / باختر د مشرانوجرګې نننۍ فوق العاده غونډه کې...

خبرتيا

خبرتيا

کابل/ دمرغومې۳۰مه / باختر د شهيد ستر پاسوال عبدالرازق د ملي...

پنځه طالبان په نيمروز کې ونيول شول

پنځه طالبان په نيمروز کې ونيول شول

کابل/ دمرغومې۳۰مه / باختر د نيمروز پوليسو نن پنځه وسله وال...

Youtube Player

khantry design

سوداگریز

سوداگریز

کابل باختر دوري اوولسمه :
د افغانستان د اسلامي جمهوريت د جمهور رييس حامدکرزي د ډاډګيرنې او همدردۍ پيغام !
په ژورې خواشينۍ سره مې خبر ترلاسه کړچې د افغانستان د اردو يو پخوانى افسر جنرال احمدعلي سنګدل د هغې ناروغۍ له امله چې ورپيښه شوې وه؛ وفات شو.
ارواښادجنرال سنګدل د ملي اردو په بېلابېلوقطعاتوکې خدمت وکړ، وروسته يې د خيريه او د لوړوتعليماتو د موسسو په جوړولوکې ونډه لرله. خدمتونه يې هيوادته د قدر وړ او مړينه يې ضايعه ده.
د خپلې ډاډګيرنې او همدردۍ مراتب د ده کورنۍ او دوستانوته څرګندوم او د لوى خداى ( ج ) له دربارڅخه متوفى ته د مغفرت او پاتې کسانو ته يې د جميل صبر هيله کوم.

کابل باختر دوري اوولسمه :
په پاى کې له پنځو کلونو وروسته د بغلان په ولايت کې د يو غير مسوول وسله وال  قوماندان مجاهدپوځي قرارګاه او سنګرونه  د امنيتي ځواکونو له خوا ونيول شول.
دغه قوماندان له پنځوکلونو راپديخوا دبغلان ولايت  د پلحصار ولسوالۍ  د تغاک په کلي کې د پوځي سنګرونو او قرارګاوو په جوړولو سره د دولت په وړاندې د ورانکاروعملونوپه ترسره کولو بوخت و چې په دې وروستيوکې د ملي اردو د پوځي ځواکونو دګډو عملياتو په ترڅ کې  دغه قوماندان له افرادو سره يې غرونو ته وتښتيد او قرارګاه يې د امنيتي ځواکونو لاس ته ورغله.
د بغلان ولايت امنيه قوماندان مل پاسوال امين الله امرخيل دباخترآژانس خبريال ته وويل: په دغو عملياتوکې پنځه تنه وسله وال طالبان نيول شوي او په دغې قرارګاه کې لاس ته راغلي مدارک او سندونه څرګندوي چې دغه قوماندان ځان د افغانستان دحزب الله مشرباله او تر دې نامه لاندې يې د سيمې له خلکوڅخه د عشر او زکات په نامه په غيرقانوني توګه پيسې اخستلې او د پلحصار په ولسوالۍ کې د انتخاباتو د ترسره کيدو او د بياجوړونې د بهير خنډګرځيده.
امرخيل زياته کړه: په دغوعملياتوکې د امنيتي ځواکونو په لاس زيات جنګي وسايل ورغلي او قوماندان مجاهد له نورو افرادو سره يې غرونو ته ختلي دي.
دبغلان ولايت امنيه قوماندان يوځل بيا ټينګار وکړچې په دغه ولايت کې دغير مسوولوکسانو شتون د زغم وړ نه دى او له هغو ټولو غير مسوولو ډلو له افرادو څخه يې چې په دغه ولايت کې فعاليت کوي؛ غوښتنه وکړه چې له جګړې څخه د ټولو ستړو خلکو له ځورولو او آزادولوڅخه لاس واخلي او د دولت له ليکو سره په خپل پيوستون سره د بياجوړونې او د امنيت په تامينولوکې خپل هيوادني اوملي پور ادا کړي. 
له دې پرته پوليس مکلف دي چې په دغه ولايت کې دبياجوړونې د بهير د پرمختګ په لاره کې ټولې پرتې ننګونې او خنډونه له منځه يوسي او امنيت تامين کړي.

کابل باختر دوري اوولسمه :
شپږ تنه وسله وال طالبان تېره شپه په کونړ ولايت کې د ناټو جنګي الوتکو په بريد کې ووژل شول او په دې پيښه کې درې تنه نورطالبان ټپيان شول.
دکونړ ولايت امنيه قوماندان عبدالحبيب سيدخيل د باخترآژانس خبريال ته وويل: د ناټوهوايي ځواکونو د وسله والوطالبانو د له منځه وړلو په موخه دکونړ ولايت دغازي آباد ولسوالۍ د ايګل په سيمه کې عمليات ترسره کړل چې په پايله کې يې شپږ تنه وسله وال طالبان ووژل شول او درې تنه نور يې ټپيان شول.
يوه اړونده خبرځاى وويل: په دغو عملياتوکې ملکي خلکو ته زيان نه دى اوښتى.

کابل باختر دوري اوولسمه :
د کورنيو چارو وزارت يو خبرحاى وايي: يوسلو  شپږ اويا تنه ډار اچوونکي طالبان د هغو امنيتي فعاليتونو په ترڅ کې چې پرون د انتخاباتوپه بهيرکې ترسره شول؛ ووژل شول.
دکورنيو چارو وزارت د ويندوى مطبوعاتي دفتر د باخترآژانس خبريال ته ويلي دي: که څه هم ترهګر او د هغوى سيمه ئيز ملاتړي، د تروريزم د روزنې د مدرسو او مرکزونو په تړلو او د خپلو ګوډاګيانو په را استولو سره د انتخاباتو د بهير دګوډولو په لټه کې وو؛ خو د هيواد امنيتي ځواکونو د شپې ورځې په زيارونو او سرښندنو سره  له پولو اخوا سازمان شوي ترهګريز پروګرامونه په اوبو لاهو کړل.
د امنيتي ځواکونو په هغو جګړه ئيزو عملياتو او فعاليتونوکې چې د هيواد په بېلابېلو سيموکې ترسره شول؛ ١٧٦ تنه وسله وال مخالفين ووژل شول، ٧٥ تنه يې ټپيان او يوبل وسله وال مخالف ونيول شو.
په دغه ملي او تاريخي ورځ دهيواد دملي پوليسو ځواکونو په دې بريالي شول ٩١ ماينونه، د درندې وسلې ١٢ګولۍ، ١٧بوشکې چاوديدونکي توکي، په چاوديدونکو موادو ډک يو واسکټ، يوه پيکا، يوتوغندي ويشتونکي او يو کلاشينکوف چې د افغانستان  دخلکو د سولې او امنيت دښمنانو او ډار اچوونکو له هغو څخه په ګټې اخستنې سره غوښتل دافغانستان دخلکو دغه ملي بهير ګډوډکړي؛ کشف اوضبط کړي دي.
دغه راز د فارياب په ولايت کې يوځانمرګى يرغلګرچې د ځان وژنې د بريد نيت درلود؛ دپوليسو دځواکونو له خوا وپيژندل شو او ونيول شو.  همدارنګه يوبل  بريد کوونکى د پوليسو دځواکونو له خوا په ډزو سره ووژل شو.
  ويل کيږي دانتخاباتو د ورځې په بهيرکې دملي پوليسوځواکونو ٣١ تنه  د هيواد په بېلابېلو سيموکې په دغه ملي بهيرکې د جعل په اړوند نيولي دي .
  ديوبل خبر له مخې: د پرونيو انتخاباتو په بهيرکې  دهيواد په بېلابېلو سيموکې په جلا جلا پيښوکې څلور تنه ملکي وګړي شهيدان او ٤٣ تنه نور ملکيان ټپيان شوي دي.
دغه راز د دغه ملي بهير په ترڅ کې د پوليسو دولس تنه منسوبين چې ددغه بهير  د ښه امنيت د تامينولو او د دښمنانو د بريدونو د شنډولو په خاطر په زړورتيا سره وجنګيدل؛ شهيدان او د پوليسوپنځلس تنه نور منسوبين ټپيان شوي دي.

کابل باختر دوري اوولسمه :
د هرات ولايت دکهسان په ولسوالۍ کې دوه تنه ماين ښخوونکي طالبان ووژل شول .
يوې امنيتي سرچينې دباخترآژانس خبريال ته وويل: دغه دوه تنه ماين ښخوونکي  طالبان نن له غرمې وروسته دکهسان ولسوالۍاړونددخواجه رشيددکلي په سړک  دخپل ماين دچاودنې له امله ووژل شول چې غوښتل يې هغه په دې سرک کې ښخ کړي.

کابل باختر دوري اوولسمه :
دپوليسو يومنسوب او د انتخاباتودخپلواک کميسيون دوه تنه کارکوونکي نن سهار په کندز ولايت کې شهيدان شول.
دکندز ولايت دامنيې قوماندانۍ ويندوى سيد سرور حسيني دباخترآژانس خبريال ته وويل: ددغوکسانو دسپرلۍ موټر دخان آباد ولسوالۍ په مربوطاتوکې کله يې چې د راى ورکولو د پاڼو صندوقونه مرکز ته ليږدول؛ په واټ کې په ښخ کړى شوي ماين وخوت او د چاودنې له امله يې شهيدان شول.
خبرځاى زياته کړه چې په دې پيښه کې د راى ورکولو پاڼې هم له منځه تللې دي.

کابل باختر دوري اوولسمه :
د هلمند ولايت امنيه قوماندان مل پاسوال عبدالقيوم باقي زوى وايي چې په هلمند ولايت کې د جمهوري رياست او د ولايتي شوراګانو انتخابات په امن فضاکې  ترسره شول.
دباخترآژانس دخبر له مخې: باقي زوى چې په يوه خبري غونډه کې خبرې کولې؛ خبريالانو ته وويل چې په هملند ولايت کې انتخابات له امنيتي ګواښ پرته ترسره شول.
په دې خبري غونډه کې په هلمندکې دانتخاباتو د ولايتي کميسيون رييس قدرت الله نقشبندي وويل: دهلمند ولايت په ګوټ ګوټ کې د راى ورکولو دوه سوه نولس مرکزونه  موجود و چې دوه اويا مرکزونه يې د امنيتي ستونزې له امله ړنګ شول او يوسلو اووه څلويښت مرکزونه يې چې شپږ سوه دوه ويشت سيمې کيږي؛ د راى ورکوونکو پرمخ پرانستي و.
  د ٢١٥ ميوند قول اردو قوماندان غلام فاروق پرواني په دې غونډه کې وويل:  دانتخاباتو د امنيت د تامينولو لپاره لازم تدبيرونه نيول شوي و او د راى ورکولو بهير په ښه توګه پاى ته ورسيد.
ده زياته کړه: طالبان د سنګين ولسوالۍ په کټوازي ساحه کې د راى ورکولو د بهير دګډوډولو په مقصدراټول شوي و چې امنيتي ځواکونو په هغوى بريد وکړ اوله امله يې شپږ تنه وسله وال طالبان ووژل شول اونور يې وتښتيدل.

کابل باختر دوري اوولسمه :
د وسله والو طالبانو دډلې يو قوماندان له دريو تنو افرادو سره يې په پروان ولايت کې ووژل شو او يوبل قوماندان په ګډون شپږ تنه نور طالبان ټپيان شول .
دپروان ولايت امنيه قوماندان مل پاسوال خليل الله ضيايي ددغه ولايت له والي، د ملي امنيت له رييس او د پروان د انتخاباتو د ولايتي دفتر دکميسيون له استازي سره په يوه ګډه خبري غونډه کې په پروان کې د انتخاباتو دترسره کولو دنتيجو په باب وويل: وسله والوطالبانو د سياه ګرد او شينواري په ولسواليوکې له لرې واټن څخه د توغنديو په توغولو سره هلې ځلې وکړې چې په دغو ولسواليوکې د راى ورکولو د مرکزونو امنيت له ستونزو سره مخامخ کړي.
د امنيه قوماندان د څرګندونو له مخې: امنيتي ځواکونو دطالبانوپه پټنځايونو بريدونه وکړل چې له امله يې څلورتنه وسله وال طالبان ووژل شول او ديوه قوماندان په ګډون شپږ تنه نورطالبان ټپيان شول.
امنيه قوماندان زياته کړه: امنيتي ځواکونو ددغه ولايت په نورو سيموکې د وسله والوطالبانو تحرکات په شاتمبولي دي اوڅو ماينونه يې شنډ کړي دي .
دغه راز په دې غونډه کې د پروان والي وويل: په دغو انتخاباتوکې د خلکو پراخ ګډون ثابته کړه چې خلکو د وسله والو مخالفينو ګواښونو ته پاملرنه ونه کړه او په پراخه توګه يې په انتخاباتوکې په ګډون سره وښودله چې نور ډار اچوونکي نه شي کولاى خلک د آزادي او امنيت د تامينولوپه لاره کې د ملاتړ لپاره له خپلې ارادې څخه واړوي .
د پروان والي په دغه ولايت کې د انتخاباتو بهير بريالى، شفاف او له سرغړونې او تقلب پرته وباله .
په دې خبري غونډه کې په پروان ولايت کې د انتخاباتو د خپلواک کميسيون رييس د راى ورکولو مرکزونو ته د اساسي او غير اساسي موادو دليږدونې په خاطر ددغه دفتر د پروګرامونو په باب ډاډ ورکړ.

کابل باختر دوري اوولسمه :
په برياليتوب سره دافغانستان دجمهوري رياست او د ولايتي شوراګانو دانتخاباتو ترسره کيدل چې پرون ددغه هيواد د خلکو په پراخ ګډون سره ترسره شول؛ له نړيوال هرکلى سره مخامخ شول.
د ايران دبهرنيو چارو وزارت د آسيا او اوقيانوسيه معين ابراهيم رحيم پورپه افغانستان کې د انتخاباتو د پاى ته رسيدو په لومړيو ساعتونوکې په برياليتوب سره د افغانستان د خلکو په پراخ ګډون سره د دغو انتخاباتو د ترسره کيدو  له امله د مبارکى د ويلوپه ترڅ کې، دافغانستان دجمهوري رياست د دريمې دورې د انتخاباتو ترسره کيدل دافغانستان په معاصر تاريخ کې نوى فصل او په دغه هيواد کې د ولسوالکۍ او د اعتدالي چلند د ټينګښت زيرى وباله .
رحيم پور انتخابات دقدرت طبيعي او دموکراتيکي ليږدونې ډيره ښه لاره وبلله او ويې ويل چې د افغانستان خلکو په انتخاباتوکې په پراخ ګډون سره په دغه هيواد کې د سياسي قدرت د ليږدونې په بهيرکې  يو اوچت او رغنده ګام وباله.
رحيم پور وويل: د ايران اسلامي جمهوريت خوښ دى چې د افغانستان د کورنيو او بهرنيو  دښمنانو له شرموونکو هلوځلو سره سره دغه انتخابات په آزاد او د امنيت په فضاکې ترسره شول او موږ د خپل سياست په لاره کې د پخوا په شان د افغانستان دملت ترڅنګ ولاړيواو د هغوى د دموکراتيکوانتخاباتوملاتړکوو.
  ده زياته کړه: د ايران اسلامي جمهوريت به د افغانستان له منتخب جمهور رييس او ددغه هيواد له نوى دولت سره د پخوا په شان په صميمانه ډول همکاري وکړي.
دملګروملتوسازمان هم ديوې وينا په صادرولو سره په ښه توګه په افغانستان کې د انتخاباتو دترسره کيدوهرکلى وکړ .
د اروپا د اتحاديې د بهرنى سياست مسوولې کاترين اشتون هم د دغو انتخاباتو د ترسره کيدو هرکلى وکړ او هغه يې د افغانستان لپاره د ښې راتلوونکې زيرى ورکوونکي وبلل .

کابل باختر دوري اوولسمه :
د اته پنځوسوتنو وسله والو طالبانو په وژل کيدو سره د هيواد په جنوب ختيځ زون کې د ظفر پوځي عمليات پاى ته ورسيدل .
د ٢٠٣ تندرقول اردو قوماندان تورن جنرال محمد شريف يفتل  په يوه خبري غونډه کې چې په پکتيا کې يې له خبريالانو سره لرله؛ وويل چې دغه عمليات په ښه توګه  د انتخاباتودامنيت دتامينولولپاره دتيرکال دکب دمياشتې له څليرويشتمې نيټې څخه پيل شول او دانتخاباتوله ترسره کولو وروسته پاى ته ورسيدل .
تور ن جنرال  يفتل  په دې غونډه کې وويل چې دغه عمليات دلوګر، ميدان وردګو  غزني،  پکتيکا، پکتيا، خوست او د باميانو په ولايتونوکې ترسره شول چې په بهير کې يې اته پنځوس تنه وسله وال طالبان ووژل شول .
د ٢٠٣ تندر قول اردو قوماندان زياته کړه چې ددغوعملياتو په بهيرکې اته تنه طالبان ټپيان اوڅلور تنه نور ژوندي ونيول شول .
ده زياته کړه چې دغه راز ددغو عملياتو په بهيرکې د وسله والو طالبانو يوه اندازه جنګي وسايل او مهمات چې د وسايطو ضد شپږ نوي  ماينونه، يو څلويښت ميله ډول ډول وسله، اته ايکم مخابرې، اتيا صندوقه ډول ډول ګولۍ، شپږ موټرسايکلونه ، دوه بورى اومه چرس اوڅلور بورى چاوديدونکي توکي پکې دي؛ هم دملي اردو ځواکونو لاس ته ورغلي دي .
ده دغه راز د خوست ولايت د ګربزو په ولسوالۍکې  په چاوديدونکو توکوبار د يو موټر دکشف يادونه هم وکړه او ويې ويل چې دغه موټر په دغه ولايت کې د انتخاباتو دبهير دګډوډولوپه خاطر چمتو شوى و .