23 October 2019

RSS Facebook

سوداگریز


تازه خبرونه

مطبوعاتي اعلامیه

کابل/دتلې۳۰مه/باختر د کاناډا د لومړي وزیر په توګه د جسټن تروډو...

په کونړکې د انسان تښتوونکو له منګولو څخه د پنځه کلن ماشوم ژغورل

کابل/دتلې۳۰مه/باختر د کونړ د امنیې قوماندانۍ مسوولین وايي چې د دغه...

Youtube Player

khantry design

سوداگریز

سوداگریز

بانجي \  رويترز – باختر دمرغومې دمياشتې ٢١
دمرکزي افريقا جمهوريت جمهور رييس ميشل جوتوديا  پرون استعفا وکړه .
د رويترز دخبرله مخې ،  دى  دمرکزي  افريقا په جمهوريت کې دمسلمان  مذهبي اقليت استازې   دى  چې ځان يې د تيرکال د مارچ  په مياشت  کې جمهور   رييس
اعلام کړ .
سره له دې چې پخوا دمرکزي افريقا جمهوريت د دولتي مقاماتو او دمخالفينو ترمنځ د اوربند موافقه ليک لاسليک شوى و،  جمهور رييس استعفا وکړه.
تيرکال دمسلمانانو په ګډون دسلکا دپوځيانو مليشه ډوله ډلې دمرکزي افريقا دجمهوريت پايتخت د فرانسوا دبانجي ښار ونيوه  او دپخوانۍ جمهور  رييس بوزيزه  راپرځول  له  هيواد څخه په تيښتې ته اړ شو.
په بانجي ښارکې د دسمبر دمياشتې په لومړيو وختو کې دسلکا د پوځي  ډوله  مليشو او دمسيحي مخالفو ياغيانو ترمنځ نښته پيل  شوه .
ملګرو ملتو دسازمان دشميرنو ته په پاملرنې سره ددغې نښتې په بهير  کې څه ناڅه شپږ سوه تنه ووژلشول او يو سلو نهه پنځوس زره  تنه نور له  خپلو کورونو څخه تيښټې ته اړ شول.

روم-  رويترز – باختر دمرغومي دمياشتې ٢١
ايټاليا په افغانستان  کې خپل  پوځي ماموريت ته  څه  ناڅه  د ١٣٩٣ هجري لمريز کال دغبرګولي دمياشتې ترپاى پورې  دوام ورکوي .
دايټاليا کابينې پرون  په افغانستان کې د دغه  هيواد دځواکونو دراتلوونکو شپږو مياشتو دفعاليت لپاره د دوه  سوه پنځه ديرشو مليونو يورو تخصيص تصويب کړ.
دناټو له  خوا دبرابر شوي جدول له  مخې :  دايټالوي عسکرو په ګډون ټول نړيوال محارب ځواکونه  د ٢٠١٤ ميلادي کال تر پاى پورې له افغانستان څخه  وځي.

دمشق- نيوزونو – باختر دمرغومي دمياشتې ٢١
دسوريې په شمال کې تيره  اوونۍ د  سوريې د دولت دمخالفو ياغيانو او د عراق شام   داسلامي دولت په نامه  ديوې  ډلې دجګړه مارانو ترمنځ نښته کې څه  نا څه ٤٨٢ تنه  ووژل شول .
دنيوزنو د خبري سايټ دخبرله مخې :   په وژل شويو کسانو کې ٢٤٠ ياغيان ١٥٧ تنه په  القاعده پورې اړوند جګړه  ماران او ٨٥ ملکي وګړي شامل وو.
دغه  جګړې دسوريې دشمال په څلورو ولايتونو کې شوي  دي .
په همدې حال کې ، د سوريې سرتيرو هغه په لسګونو تنه  ياغيان چې دحمص ښار 
په بيلابيلو سيمو کې د پوځيانو د محاصرې د ماتولو په هلو ځلو   وو ،  ووژل  .
خودسوريې دحکومت د ځواکونو دسر دزيان په اړوند کوم خبر نه دى ترلاسه شوى .

کابل – باختر دمرغومې دمياشتې ٢١
دګارد  ( ولدافغان  ) شرکت خاوند د ١٢٩ ناقانونه  وسلود ساتلو په تور دجنايي جرمونو پرخلاف دمبارزې دپوليسو له خوا په کابل کې  ونيول شو.
دکورنيو چارو وزارت مطبوعاتي دفتر باختر آژانس ته ديوې خبرپاڼې په ليږلو سره  ليکلي دي .
دکورنيو چارو  وزارت د جنايي جرمونو پرخلاف د مبارزې د ځواکونو کشفي عملياتو له  امله  دګارد ( ولد افغان )  شرکت وتړل شو  او ددغه شرکت خاوند  اوان ضياده  چې بريتانوى  تبعه له ١٢٩ وسلو او ١٤٨ مخابرو سره  يې چې په ناقونونه ډول يې په کابل ولايت کې فعاليت کاوه  پرون  ونيول شو.
خبرځاى زياتوي دغه  پيښه دعدلي او قضايي مرکزونو له  خوا څيړل کيږي.

کراچۍ \ ډى ډان \  باختر دمرغومي دمياشتې ٢١
د پاکستاني طالبانو د تحريک ديوه غړي  امان الله  مسعود  په ګډون د وسله والو طالبانو  د ډلې  درې تنه غړي  پرون دپاکستان په کراچۍ ښارکې له پوليسو سره په نښته کې ووژل شول.
دباختر آژانس دخبرله مخې :  دطالبانو د ډلې مشرامان الله مسعود دميرزا علي او شيرمحمد په نومونو له دووتنو نورو طالبانو سره  وژل شوى  دى .
دغه ياغيان يوه ورځ له هغه  وروسته   ووژل شول چې په  کراچۍ ښارکې دځانمرګي بريد له  امله دپوليسو يو جګپوړي  افسر چوهدري اسلم  ووژل شو .
چوهدري اسلم په تيرو وختونو کې دناوړه قصد له  څو بريدونو  څخه روغ رمټ پاتې شوى   و او  دتيرې   پنجشنبې په  ورځ   د پوليسو  له    دوو تنو افسرانو سره  ووژل شو .
ديوبل خبرله مخې  :   په کراچۍ ښارکې په يوه بمي چاودنه کې درې تنه مشکوک کسان ووژل  شول ،  ښايي  دغو  کسانو غوښتل چې بم عيار کړي .
له دغې چاودنې وروسته  پوليسو  درې تنه مشکوک کسان د يو جومات په بام کې  ونيول چې دغه  کسان  هم  د بم په  جوړولو بوخت  وو .
په همدې حال کې دملي عوامي ګوند يو مشر له يو بل  تن  سره په  کراچۍ ښارکې په يو بمي بريد کې ټپي شوى دى .
دپوليسو دڅرګندونو له مخې  ناپيژندل شويو وسله والو کسانو دملي عوامي ګوند ديو مشر د عزيز خان په  کور لاسي بم  وغورځاوه  چې د ده  او يوبل تن  دټپي کيدو سبب شو.

کراچۍ جيونيوز – باختر دمرغومي دمياشتې ٢١
دپاکستان په کراچۍ ښارکې دځانمرګي بريد له امله  د دغه  ښار دپوليسو يو جګپوړى  افسر چوهدري اسلم  وژل  شوى دى .
دباختر آژانس دخبرله مخې :
دغه  بريد  په يو موټر کې د ايښودل شويو بمونو په  واسط ترسره شوى دى  چې له امله يې څو تنه ټپيان شوي  هم دي .
په دې  سوزوکي  ډوله موټر کې څه ناڅه دوه سوه کيلوګرامه چاوديدونکي توکې ځاى پرځاى شوي و .
د وروستي  رارسيدلې خبرله مخې ،  په دې اړوند ځانمرګى يرغلګردنعيم الله په نامه پيژندل شوى دى چې دوه ويشت کلن دى او د کراچۍ ښار دبنارس د کوڅى اوسيدونکى دى .
دغه يرغلګر  د ډيورند له کرښې اخوا دقبايلي سيمو له ياغيانو سره اړيکي لرلې او يو ورور يې له  جرمونو سره د مبارزې دپوليسو له  خوا دجرم دترسره کولو په ګومان ونيول شو او وروسته   آزاد کړاى شو.
پوليسو د پيښې  په اړوند دوه تنه  مشکوک کسان دځانمرګې يرغلګر داستوګنې په سيمه کې نيولي  دي.

نيويارک- دګاردين ورځپاڼه  – باختر دمرغومې دمياشتې ١٧
دملګرو ملتو دسازمان له نشه يي توکو سره دمبارزې د ادارې رييس جين لوک لوماهيو وايي په افغانستان کې دترياکو توليد به د څو نورو کلونو لپاره هم په لوړه کچه دوام  ومومي.
جين لوک لوماهيو دبريتانيا له ګادرين ورځپاڼې سره په مرکه کې ويلي دي ، ددې لپاره چې دافغانستان اقتصاد له اوسني فساد څخه پاک شي څه ناڅه  دوو  نورو لسيزو ته اړتيا  لري .
جين لوک لوماهيو وايي که چيرې موږ محتاطه  و نه اوسو د دې خطر شته چې افغانستان په يو  ګډوډ او په جرمونونو کې  ډوب هيواد  بدل شي.
دملګرو ملتو دسازمان له نشه يي توکو سره دمبارزې  د ادارې رييس چې دکار موده يې پاى  ته رسيدلې ده   وايي چې  له نشه يي توکو سره  د  مبارزې  لپاره افغانستان زيات او پرله پسې کارته اړتيا لري.
د ده دڅرګندونو له مخې :   په افغانستان کې دنشه يي توکو توليد له طالبانو او
له ځينو کورنيو کړيو او اشخاصو سره  تړاو لري.
ده  دبريتانيا له ګاردرين ورځپاڼې سره په مرکه کې ويلي  دي چې  سږکال   په افغانستان کې توليد شوي اپين آن دبهرنيو مارکيټونو له غوښتنې څخه هم زيات دي .
د ده دڅرګندونو له مخې :  په عربي هيوادونو کې د اوسنيو نا آراميو له امله له دې لارې له طالبانو سره مالي مرستې کمې شوې دي .
په همدې دليل وسله وال طالبان دخپلو فعاليتونو دتمويلولو په خاطر له بل هر وخت څخه زيات داپينو په توليد ډ ډه لګوي.
دملګرو ملتو دسازمان له نشه يي توکو سره دمبارزې د ادارې رييس وايي چې      له نشه يي توکو سره د مبارزې لپاره په افغانستان کې لنډ مهالو پروګرامونو او پلانونو سمه نتيجه نه  ده  ورکړې.

کابل – باختر دمرغومي دمياشتې ١٧
دملي امنيت ادارې  د کابل ښار په يو تاريخي جومات کې دچاودنې مخه ونيوله.
دملي امنيت د ادارې  ويندوى  جنرال فريد شمال بآختر آژانس ته وويل  :
ددغې ادارې موظفينو پرون په کابل کې ديوې چاودنې مخه ونيوله.
دهيواد دملي امنيت د ادارې ددغه مقام دڅرګندونوله مخې : 
دګازو يو ډبى چې چاوديدونکي توکي پکې ځاى پرځاى شوي  وو او په داسې حال کې ديوې بورې په  واسطه پوښل شوى و  دپل خشتي په جامع جومات کې ايښودل شوى و .
دغه توطيه  ددغې ادارې دموظفينو له خوا پرون له غرمې مخکې کشف او ديوې پيښې مخه ونيول شوه  .
جنرال فريد په  دې اړوند زياتې څرګندونې  ونه کړې سره  له  دې چې ددغې پيښې عاملين تراوسه پورې  نه دى  پيژندل شوي او دمسووليت ادعا يې هم چا نه ده کړې خو په افغانستان کې تروريستي پيښې په تيرو وختونو کې دطالبانو په ډلې او په ځينوموادو کې هم  په حزب اسلامي پورې نسبت  ورکړ شوى دى .
هغه څه چې پرون رامنځته شول دوسله والو مخالفينو او دهغوي دبهرنيو ملاتړو په نسبت دهيواددخلکو او په تيره بيا دپايتخت داوسيدونکو کرکه او نفرت را پارولى دى ځکه جومات او مقدسه اماکن دافغانستان دخکو په روان او زړونو کې ځانګړى ځاى لري  په داسې حال کې چې وسله وال طالبان له جومات او مدرسې څخه  ناوړه استفاده کوي .
په تيرو وختونو کې هم  وسله والو طالبانو په جوماتونو کې چاودنې کړي دي .
دکندز دپخواني والي انجينرمحمدعمر،دلوګر دپخواني والي ارسلاجمال او دکابل ولايت دپخواني  امنيه قوماندان محمد اکرم خاکريزوال وژل کيدل او په فارياب ولايت کې دتيرکال د لوى اختر په ورځ په لمونځ کوونکو بريد هغه موارد دي چې په جوماتونو کې   شوي   دي او ښيې  چې وسله  وال طالبان   زموږ د  خلکو په   ديني ارزښتونو  باور نه لري.
دغه راز دغې ډلې په وار  وار دجنازو د ښخولو په   مراسمو او په   نورو   مقدسه اماکنو بريدونه کړي   دي .

کابل – باختر دمرغومې دمياشتې ١٧ دکابل پوليسو دشپږمې امنيتي حوزې په مربوطاتو کې د يوڅارنوال د وژل کيدو په باب څيړنې پيل کړي دي . دکابل ښار دپوليسو دشپږمې امنيتي حوزې د جنايي جرمونو پرخلاف دمبارزې امر محمدحصن نصرت دباختر آژانس خبريال ته وويل : دغه څارنوال دوه ورځې مخکې دمهتاب قلعه دګولايي په ساحه کې خپل کورته څيرمه وژل شوى دى . نصرت وويل : دغه پيښه هغه وخت رامنځته شوه چې ددغه څارنوال او دهغه دکاکا ترمنځ دحقوقي مسلو پرسر ناندرې وشوې او د خپل کاکا له خوا دتير په ګوزار سره ووژل شو . ويل کيږي مقتول دپوليسو په لسمه امنيتي حوزه کې دڅارنوال په توګه دنده ترسره کوله . ددغې پيښې په تور د مقتول کاکا او دهغه دوه زامن نيول شوي دي . د پوليسو د شپږمې حوزې په مربوطاتو کې وروستۍ پيښه په داسې حال کې رامنځته کيږي چې څه موده مخکې دغور ولايت دامنيې قوماندانۍ يو افسر چې د رخصتي دتيرولو لپاره کابل ته راغلى و دپوليس له خوا له ناندرو وروسته د اميد سبز په ښارګوټې کې ووژل شو . ويل کيږي ددغې قضيې عامل نيول شوى دى .

کابل – باختر دمرغومې دمياشتې ١٧
دانتخاباتو دخپلواک کميسيون ويندوى  وايي چې دانتخاباتو غير اساسي مواد دهيواد څلورو زونونو ته ليږدول شوي دي او دغه بهير په خپل قوت دوام لري دانتخاباتو دخپلواک کميسيون ويندوى  نورمحمد نور دباختر آژانس له خبريال سره په مرکه  کې ويلى  دي  ،  چې د پروژو او نورو او دمعلوماتي پاڼو  په  ګډون دانتخاباتو غيراساسي مواد دهيواد څلورو زونونو ته ليږدول شوي دي او همدا اوس نورو ولايتونو ته هم  دانتخاباتي موادو د ليږدونې پروګرام دوام لري .
ده زياته کړه ،  چې له اړتيا سره سم انتخاباتي مواد ځينو ولايتونو ته دفضا له لارې او يو شمير نورو ولايتونو ته دځمکې له لارې ليږدول کيږي.
نور زياته کړه ، دانتخاباتو اساسي مواد  چې د رايو ورکولو پاڼې د ګوتې  د  نښان رنګ او د رايي ورکولو د نتيجو پاڼې او دکميسيون رسمي مهرونه پکې شامل دي  دروان کال دمرغومي دمياشتې تر ٢٥ ڼيتې پورې به  په بشپړه توګه دانتخاباتو دخپلواک  کميسيون په  واک کې ورکړى شي  چې وروسته دانتخاباتو کميسيون    د زونونو  مرکزونو او ولايتي دفترونو ته ليږدول کيږي  او له هغه ځاى څخه د رايې ورکولو مرکزونو ته انتقاليږي.
ده وويل :  د واورې او باران اورښت چې ويل شوي دې په ځينو سيمو کې په ولسواليو او کليو کې د لارو دتړل کيدو سبب کيږي ، دانتخاباتو دکميسيون په کاري بهير باندې کومه اغيزه نه لري  .
دانتخاباتو دخپلواک کميسيون ويندوى دکورنيو او نړيوالو بنسټونو په کتوونکو دکارتونو د ويش څرنګوالي ته اشاره وکړه او ويې ويل څه دپاسه  يوسلوشل ملکي او نړيوال بنسټونه  شته چې  دغه بهير به وڅاري او تراوسه پورې يې خپل ١٤٠٠ استازي موږ ته معرفي کړي دي او کارتونه يې د پړاوونو له بشپړولو   وروسته ويشل کيږي .
ده  پخوا ويلى وو چې د کورنيو او نړيوالو  بنسټونو څه ناڅه ٣٠٠ تنه کتوونکي
به  د راتلوونکي کال د انتخاباتو بهير وڅاري.
ټاکل شوې ده دانتخاباتو دخپلواک کميسيون د زماني جدول له مخې دجمهوري رياست او  د  ولايتي شورګانو انتخابات د راتلوونکي کال  د وري  دمياشتې په شپاړلسمه  نيټه ترسره شي.