02 April 2020

RSS Facebook

سوداگریز


تازه خبرونه

افغانستان ته د ازبکستان د بشر دوستانه مرستو کاروان را ورسېد

افغانستان ته د ازبکستان د بشر دوستانه مرستو کاروان را ورسېد

کابل/ د وري١٤ مه/ باختر د ازبکستان د بشر دوستانه مرستو...

شپږ ډار اچوونکي په کونړکې ووژل شول

شپږ ډار اچوونکي په کونړکې ووژل شول

کابل/ د وري١٤ مه/ باختر شپږ ډار اچوونکي په کونړکې له...

په لغمان کې د چاودنې مخه ونيول شوه

په لغمان کې د چاودنې مخه ونيول شوه

کابل/ د وري١٤ مه/ باختر په لغمان کې د يوې چاودنې...

Youtube Player

khantry design

سوداگریز

سوداگریز

Wednesday, 04 June 2014 17:08

د مبارکۍ پيغام

 کابل باختردغبرګولي دمياشتې ١٤ :
د افغانستان د بهرنيو چارو د وزير ضراراحمدعثماني له خوا د ډنمارک دشاهي هېواد د بهرنيو چارو د وزير مارتين ليدګارد په نامه د دغه هېواد د ملي ورځې له امله د مبارکۍ پيغام ليږل شوى دى.
دبهرنيو چارو وزارت د ويندوى دفترباخترآژانس ته خبر ورکړ:
په پيغام کې ويل شوي دي چې د ډنمارک د شاهي هېواد د ملي ورځې له امله د ډيرو ښو مبارکيو مراتب تاسو ته وړاندې کوم.

Wednesday, 04 June 2014 17:07

د مبارکۍ پيغام

کابل باختردغبرګولي دمياشتې ١٤ :
د افغانستان د اسلامي جمهوريت د جمهور رييس حامدکرزي له خوا د ډنمارک د شاهي هېواد د صدراعظمې ميرمن هلي تورنينګ اشميت په نامه د دغه هېواد د ملي ورځې له امله د مبارکۍ پيغام ليږل شوى دى.
دبهرنيو چارو وزارت د ويندوى دفتر باخترآژانس ته خبرورکړ :
په دې پيغام کې ويل شوي دي: خوښ يم چې د افغانستان د خلکو په استازيتوب  د ډنمارک د شاهي هېواد د ملي ورځې په مناسبت د خپلو مبارکيو مراتب تاسو او د دغه هېواد دوست خلکو ته څرګندوم.
هيله لرم چې د افغانستان او د ډنمارک د شاهي هېواد ترمنځ دوستانه اړيکې په ټولو برخوکې لازيات ټينګښت او پراختيا ومومي .
ستاسو روغتيا او برياليتوب او د دوست هېواد ډنمارک د خلکو نيکمرغۍ اوسوکالۍ زما هيله ده .

کابل باختردغبرګولي دمياشتې ١٤ :
د وسله والوطالبانو د ډلې د يوقوماندان په ګډون ١٦ تنه وسله وال طالبان د ميدان وردګو ولايت په مربوطاتوکې له پوځيانوسره په نښتوکې ووژل شول.
په دغو نښتوکې ٧ تنه جګړه ماران، ٣ تنه سرتيري او ٣ تنه ملکي وګړي ټپيان شوي دي.
دغه جګړې تېره شپه او نن سهار د ميدان وردګو ولايت دچک، نرخ، جغتو او د سيدآباد د ولسواليو او د ميدان ښار په ځينو سيموکې هغه وخت ونښتې چې  پوځيانو په وسله والوطالبانو بريدونه وکړل.
د ميدان وردګو د والي ويندوى عطاالله خوږياڼي د باخترآژانس خبريال ته وويل چې په دغو نښتوکې د وسله والوطالبانو د ډلې د يو قوماندان په ګډون ١٦ تنه طالبان و ژل شوي او ٧ تنه نور يې ټپيان شوي دي.
خوږياڼي په دغو نښتوکې د دريو تنو سرتيرو او د دريو تنو ملکي وګړو ټپي کيدل هم تائيدکړل.
ويل کيږي پوځيانو د دغو بريدونو په بهيرکې د وسله والوطالبانو د درندو اوسپکو وسلو يوه ډيپو هم ترلاسه کړې ده .
ددغو بريدونو په بهېرکې پوځيان په  ميدان وردګوکې د وسله والو طالبانو په ګډون د تروريستي ډلو له شتون څخه د څو سيمو په پاکولو بريالي شوي دي.
ديوبل خبرله مخې :
دحزب اسلامي يو قوماندان دميدان وردګو ولايت په مربوطاتوکې له وسله والو طالبانو سره په نښته کې ووژل شو.
په دې جګړه چې تېره شپه ناوخته ونښته دګلبدين حکمتيار په مشرۍ د حزب اسلامي يو غړى هم وژل شوى دى .
د ميدان وردګو په ولايت کې يوه سيمه ييز مسوول دباخترآژانس خبريال ته وويل:
دغه  جګړه هغه وخت ونښته چې وسله والو طالبانو د حزب اسلامي ددغه قوماندان
دسپرلۍ په کاروان بريد وکړ.
ده وويل چې په دې نښته کې په ميدان وردګوکې د حزب اسلامي يو قوماندان او ددغه حزب يو غړى وژل شوي دي.
ددغه سيمه ييز مسوول دڅرګندونوله مخې: په دې  جګړه کې وسله والوطالبانو ته هم د سر زيان اوښتى دى خو دقيق شمېر يې لا تراوسه پورې څرګند نه دى.
دميدان وردګو ولايت په څو وروستيوکلونوکې د وسله والوطالبانو او د ګلبدين  حکمتيار په مشرۍ د حزب اسلامي د ځواکونو ترمنځ د مرګانيو نښتو ډګر دى.
دميدان وردګو ولايت سيمه ييز مسوولين وايي چې دغه جګړې زياتره د وسله والو طالبانو د لوړتيا غوښتنو او له خلکو څخه  د جزيې  د پيسو د ويش پرسر رامنځته کيږي.

کابل- باختر د غبرګولي دمياشتې ١٤
په لسګونو تنه ځوانان په لوګر ولايت کې د سيمه ييز پوليسو په توګه ځاى پرځاى شول.
دغه ځوانان چې د سيمې اوسيدونکي دي؛ د لوګر ولايت په مرکز او د محمدآغې او د بره کي برک د ولسواليو په ځينو سيموکې په څو قرارګاه کې ځاى پرځاى شول. دلوګر ولايت امنيه  قوماندان جنرال عبدالحکيم اسحق زي دباختر آژانس خبريال ته وويل: په دې دوره کې د سيمې ٦٨ تنه ځوانان د سيمه ييزو پوليسو په توګه په کاروګومارل شول او په نويو جوړو شويو قرارګاووکې ځاى پرځاى شول.
جنرال اسحق زي وويل چې دغه ځوانان د څلورومياشتو لپاره له تروريستي ډلو سره د مخامخ کيدو، د بمونو او ماينونو د شنډولو دڅرنګوالي او دخلکو دامنيت دتامينولو په ګډون په پوځي برخوکې زده کړه کړې دي.
د وړاندې شويو شمېرنو له مخې: تراوسه پورې د سيمې ٧٥٠ تنه ځوانان له پوځي زده کړو وروسته د سيمه ييزو پوليسو په توګه جذب او د لوګر ولايت په ځينو سيمو کې ځاى پرځاى شوي دي .
دلوګر ولايت امنيه قوماندان وايي چې د نورو پوځيانو ترڅنګ د سيمه ييز پوليسو دځواکونو په ځاى پرځاى کيدو سره په دغه ولايت کې تروريستي ګواښونه کم شوي دي.
ده وويل: دوى هلې ځلې کوي د سيمه ييزو پوليسو په زياتوالي او د لوګر ولايت په مهمو سيموکې د هغوى په ځاى پرځاى کيدو سره هم د دغه ولايت امنيت تامينوي او له بله پلوه په پايتخت کې تروريستي ګواښونه هم کم کړي.
دلوګر ولايت دکابل په ګاونډکې دى او د پوځيانو د څرګندونو له مخې: زياتره تروريستي ډلې د لوګر او د غزني له لارې پايتخت ته ننوځي او په تروريستي بريدونو لاس پورې کوي.

Wednesday, 04 June 2014 17:04

د تسلیت پیغام

کابل- باختر د غبرګولي دمياشتې ١٤
د افغانستان د اسلامی جمهوریت د جمهور رئیس حامد کرزی، لخوا د ترکیې د جمهور رئیس عبدالله گل ته په جلال آباد ښارکې د هغه هیواد د دریو تنو انجنیرانو د وژل کیدو له امله په لاندې ډول د تسلیت پیغام استول شوی دی:
جلالتمآب عبدالله ګل،
د ترکیې جمهور رئیس!
په ډیرې خواشینۍ سره مې د دریو تنو ترکي انجنیرانو د وژل کیدو خبر چې تیره دوشنبه په ننګرهار کې د یوې انتحاري حملې له امله شهیدان شول تر لاسه کړ.
اجازه راکړئ په دې توګه د افغانستان د خلکو په استازیتوب د دغې دردونکې پیښې له امله تاسو جلالتمآب او د قربانیانو کورینو ته د خپلې ژورې خواخوږۍ او ډاډګیرنې مراتب وړاندې کړم.
د افغانستان او ترکیې ترمنځ اړیکې به د تل په شان کلکې او دوستانه پاتې شي او یقیناً داسې ناوړه پیښې به دغه دوه وروڼه ملتونه لاسره نیږدې کړي.
په داسې حال کې چې د افغانستان او ترکیې د ګډو دښمنانو دغه ناوړه عمل یو وار بیا په کلکه غندم، تاسو جلالتمآب ته د ښې روغتیا، قربانیانو ته د جنت او د قربانیانو کورنیو او د ترکیې ورور ملت ته دجمیل صبر او سوکالۍ دعا کوم.#

Wednesday, 04 June 2014 17:03

د مبارکۍ پیغام

کابل- باختر د غبرګولي دمياشتې ١٤
د افغانستان اسلامی جمهوریت د جمهور رئیس حامد کرزی لخوا دمصردعربي جمهوریت جمهور رئیس عبدالفتاح السیسی ته د هغه هېواد د جمهور رئیس په توګه د ده د انتخاب له امله په لاندې ډول د مبارکۍ پیغام استول شوی دی:
جلالتمآب عبدالفتاح السیسی، 
د مصر جمهور رئیس!
اجازه راګړئ د افغانستان د خلکو په استازیتوب د ورور هیواد مصر د جمهور رئیس په توګه ستاسو د انتخاب له امله د خپلې مبارکۍ مراتب تاسو جلالتمآب ته وړاندې کړم.
هیله لرم د مصر د جمهور رئیس په توګه ستاسو د کار د مودې په جریان کې د دغه هیواد دوست ولس لا زیاتې ترقۍ او سوکالۍ ته ورسیږي او د افغانستان او مصر د خلکو ترمنځ موجوده دوستي لا پراخه او غښتلې شي.
په پای کې یو ځل بیا د خپلې مبارکۍ مراتب تاسو جلالتمآب ته وړاندې کوم، ستاسو د بریا او صحت او د مصر د خلکو د لا پرمختګ هیله کوم.#

کابل- باختر د غبرګولي دمياشتې ١٤
د اطلاعاتو او فرهنګ وزارت د ځوانانو د چارو د معينيت فدراسيونونو نن خپل کاري رپوټونه وړاندې کړل.
دباختر آژانس دخبريال دخبرله مخې: په هغې غونډه کې چې له همدې امله د مطبوعاتو په نړيوال تالارکې جوړه شوې وه؛ لومړى د ځوانانو د چارو معين تيمورشاه اسحق زي خبرې وکړې؛ د هيواد په کچه يې د ځوانانو د فدراسيونونو د جوړولو هدف د هيواد په ستر او ملي، سياسي ، ټولنيزو، فرهنګي او ورزشي مسئلوکې دځوانانو دهمغږۍ،اړيکو،انګيزې ورکولو، تحرک او د پيوستون تامينول وبلل او ويې ويل: د ځوانانو دچارو معينيت له شپږو کلونو راپه دې خوا د يونيسف د دفتر او (پي ټي آر او) موسسې په مالي او تخنيکي همکارۍ د هيواد په شپاړلسو ولايتونوکې د ځوانانو فدراسيونونه جوړ کړي دي چې نن د دغو فدراسيونونو کارونه او فعاليتونه دځوانانو د چارو دمعينيت ، د يونيسف د دفتر او د (پي تي آر او) موسسى د مسوولينو له خوا څيړل کيږي او د مسوولينو دچارو د ښه د پرمخ بيولو لپاره خپلې نظريې او پيشنهادونه وړاندې کړل.
وروسته دځوانانو دفدراسيونونو يو شمېر مسوولينو دخپلوکارونو رپوټونه وړاندې کړل.
په پاى کې دځوانانو دچارو دمعينيت دپروګرامونو د سمون رييس سيد مصطفى سعيدي د غونډې کار مثبت وباله.

کابل- باختر د غبرګولي دمياشتې ١٤
دنشه يي توکو پرخلاف د مبارزې پوليسونن زرکيلوګرامه اپين د څرخي پله په ساحه کې په يو ټيلري موټرکې ترلاسه کړل.
دکورنيو چارو وزارت د نشه يي توکو پرخلاف دمبارزې معين جنرال بازمحمد احمدي باختر آژانس خبريال ته وويل: زر کيلوګرامه اپين چې په يو ټيلري موټرکې له جلال آباد څخه کابل ښارته ليږدول کيدل؛ دکابل د څرخي پله په دروازه کې له نشه يي توکو سره د مبارزې د موظفينو لاس ورغلل.
ددغې پيښې په اړوند د موټر چلوونکى چې د لوګر ولايت اوسيدونکى دى؛ نيول شوى دى.

 کابل باختردغبرګولي دمياشتې ١٤ :
په پکتياولايت کې د يولړ چاودنو له امله درې تنه سيمه ييز پوليس ووژل شول او يوتن بل ټپي شو.
لومړۍ چاودنه نن سهار  د نهو بجو په شاوخواکې دځاځيو ولسوالۍ بازار ته څېرمه
هغه وخت وشوه چې دپوليسو دسرتيرو دسپرلۍ موټر په واټ کې په ښخ کړاى شوي ماين وخوت .
د پکتيا ولايت مرستيال عبدالولي د باخترآژانس خبريال ته وويل چې په دې چاودنه کې دوه تنه سيمه ييز پوليسان شهيدان شول.
دويمه چاودنه له دغې پيښې څخه نږدې نيم ساعت وروسته د ځاځيو ولسوالۍ په يوبل سړک کې د سيمه ييزو پوليسو د سرتيرو په يو کاروان وشوه .
ويل کيږي په دې چاودنه کې يو سيمه ييز پوليس شهيد اويوتن بل يې ټپي شو.
دريمه چاودنه هم نن له غرمې مخکې د لسوبجو په شاوخواکې دځاځيوپه ولسوالۍ کې وشوه خو د پکتيا ولايت مرستيال وايي چې په دې چاودنه کې د سر زيان نه دى اوښتى .
ده وسله وال طالبان ددغو پيښو مسوول وبلل او ويې ويل چې امنيتي ځواکونو دهغو د عاملينو د پيژندنې اونيولو لپاره پلټنې پيل کړې دي.

کابل باختردغبرګولي دمياشتې ١٤ :
د مشرانو جرګې د رييسانو دکميټې غونډه نن د سنا مجلس د رييس فضل هادي مسلميار په مشرۍ جوړه شوه.
دمشرانو جرګې مطبوعاتي دفتر باخترآژانس ته  خبر ورکړ :
په غونډه کې د عمومي غونډو د اجندا په ټاکنې او دکميسيونونو دکاري  چارو په تنظيم سربيره پريکړه وشوه چې د روان کال د غبرګولي د مياشتې  د ١٨نيټې ديکشنبې د ورځې په غونډه کې دې دهرات ولايت ته  د مشرانو جرګې د ښځو او د مدني ټولنې د چارو دکميسيون دهيئت د سفر رپوټ وړاندې شي او هم دې  د وريښمو د چينجيو د روزنې دنړيوال کميسيون جوړول او دانسان په تيره بيا دښځو او ماشومانو د قاچاقو دبندولو مخنيوي او له منځه وړلو په باب دسازمان موندلو جرمونو پرخلاف  دملګروملتو دسازمان د کنوانسيون الحاقې پروتوکول د تصديق په مقصد مجلس ته وړاندې شي .
دغه راز په غونډه کې د مشرانو جرګې د د اخلي چارو په تنظيم پورې د ځينو نورو اړوندو مسئلو په باب خبرې وشوې او تصميمونه ونيول شول .