14 October 2019

RSS Facebook

سوداگریز


تازه خبرونه

په اوسني پړاو کې د والیانو ستر مسوولیت

کابل/ د تلې ۲۲ مه / باختر ټول دا واقعیت مني...

په ننګرهارکې د نږدې دوو میلیونو افغانیو په لګښت استنادي دېوالونه جوړېږي

کابل/دتلې ۲۲ مه/باختر د ننګرهار د چپرهار ولسوالۍ په بانډې سيمه...

د طالبانو يو پټنځاى په لوګرکې له منځه يوړل شو

کابل/ د تلې٢٢مه / باختر د پوليسو د ځانګړو قطعاتو...

Youtube Player

khantry design

سوداگریز

سوداگریز

کابل باختر دمرغومي اتمه :
دملي اردو دوه تنه عسکر پرون د ارزګان ولايت په مربوطاتوکې په سړک کې د ښخ کړى شوي ماين د چاودنې له امله ټپيان شول.
ملي دفاع وزارت د ويندوى مطبوعاتي دفتر باخترآژانس ته خبر ورکړچې دملي اردو دوه تنه عسکر د ارزګان ولايت د چارچينو ولسوالۍ په مربوطاتوکې د امنيتي دندو د ترسره کولو په بهيرکې په واټ کې په ښخ کړى شوي ماين دختلوله امله ټپيان شول .

کابل باختر  دمرغومي دمياشتې  ٨ :
په نړيوالو بازارونوکې د يوانس سرو زرو په بيه کې د تيرې ورځې په  نسبت بدلون نه دى راغلى .
تيره ورځ په  نړيوالو بازارونوکې يو انس سره زر په ١٢١٣ ډالره  وړاندې کيده؛ خو نن هم په ١٢١٣ ډالره  وړاندې کيږي .
دپښتنى بانک د سرو زرو دمارکيټ يو پلورونکى قاهرخان د دغه خبر په تاييدولو سره باخترآژانس ته وويل: اوس يو ګرام مصري سره زره په ٢٤٠٠ افغانيو،  کويټي ٢٣٥٠ افغانيو، سنګاپوري ٢٣٠٠ افغانيو ،بحريني په ٢٠٥٠افغانيو ، عربي ٢٠٠٠ افغانيو، ايراني په ١٦٠٠ او يوګرام روسي سره زر په١٥٠٠افغانيو دکابل په بازارونوکې پلورل کيږي.

کابل – باختر دمرغومې دمياشتې ٧؛
داطلاعاتو اوفرهنګ وزير ډاکتر سيدمخدوم رهين نن په کابل کې دپاکستان داسلامي جمهوريت دسفارت له شارژ دافير محترم سيدمعظم شاه سره دخپل کار په دفتر  کې وکتل .
په دې کتنه کې د اطلاعاتو اوفرهنګ وزير د دواړو هيوادونو ترمنځ د ژورو تاريخي پيوندونو د بيانولو په ترڅ کې دپاکستان په بيلابيلو ښارونو کې دافغانستان دټلويزيوني شبکو دخپرولو د بنديدو په باب دمعلوماتو غوښتنه وکړه ،  دپاکستان داسلامي جمهوريت دسفارت شارژ دافير په ځواب کې دغه ستونزه يوازې تخنيکي او د لازمې پيسو د نه ورکولو زيږنده  وبلله.
په دې کتنه  کې وپتيل شوه چې په نږدې راتلونکې کې د دغې ستونزې دلرې کولو په مقصد داطلاعاتو او فرهنګ د وزارت له خوا دپاکستان دسفير او يا شارژ دافير او دټلويزيونو دمسوولينو په ګډون ځانګړې غونډه جوړه شي.
په افغانستان کې دپاکستاني ټلويزيونو دبنديدو په باب داطلاعاتو او فرهنګ وزير دباختر آژانس دخبريال دپوښتنې په ځواب کې وويل :  زموږ پاليسي درسنيو دپرانستلو او فعال ساتلو پر بنسټ دى نه دهغو د تړلو .

کابل – باختر دمرغومې دمياشتې ٧
په ملي امنيت او په بهرنيو چارو کې دپاکستان دصدراعطم سترسلاکارسرتاج عزيز ويلې دې چې دافغانستان نامشخص حالت موږ ته يو ستر چلنج  دى .
دباختر آژانس دخبرله مخې :
سرتاج عزيز پرون په اسلام آباد کې په ټينګار سره څرګنده کړه چې په افغانستان  کې نامشخص حالت د پاکستان لپاره يو ستر چلنج بلل کيږي  .
په همدې حال کې پاکستان په افغانستان کې دسولې د پياوړتيا په مقصد په صادقانه همکارۍ ژمن دى چې دغه بدلون د ټولې سيمې دپرمختګ لپاره  هم حياتي دى .
خو دکارپوهانو په باور په افغانستان کې حالت مشخص دى دچارو دکارپوهانو سند،  تحليلونه – رپوټونه او نظريې ددغې موضوع مصداق دى  چې که چيرې پاکستان په افغانستان کې دسولې دتامينولو او له ډاراچوونکو سره په مبارزه کې په صادقانه ډول عمل وکړي او په غوڅه  توګه او له هغو مفکورو څخه خلاص  چې دسيمې په وړاندې ددغه هيواد دنظامي ستراتيژي د ژورتيا په باب فکر وکړي   او اوسنى بحران حل کيږي  . په نږدې راتلونکې کې سيمه دجګړې او ډار اچونې پرځاى دسالمو تجارتي او اقتصادي سياليو په  ډګر بدليږي  چې له ګومان پرته ډله ييزه سوکالۍ ،  ترقي او پرمختګ دسيمې دخلکو په برخه شي .
په هر صورت په افغانستان کې حالت مشخص دى ځکه کله چې ټاکلې کړۍ د ډار اچونکو له ملاتړ څخه لاس واخلي  په هغه صورت کې نه يوازې په افغانستان کې بلکې په پاکستان کې هم سوله  تامينيږي او دغه دواړه  ملتونه چې د دغې پديدې پرخلاف جګړه کې يې زياتې قربانۍ ورکړي دي آراميږي  او په پاى کې  دا  چې استخباراتي او سياسي او په سياسي معادلو کې له ډار اچوونکو څخه دوسيلې په توګه کار اخستل هم افغانستان او هم پاکستان ته چلنج  پيدا کوي   چې دغوټۍ  خلاصون يې د ډار اچوونکو په هغوځالو او پټنځايونو پورې اړه پيدا کوې چې په پاکستان کې دي.

کابل – باختر دمرغومي دمياشتې ٧
دلوړو زده کړو وزارت خبرتيا:
د دولتي اوخصوصي په ګډون د هيواد د مرکز او ولايتونودتحصيلي مرکزونو هغو
ټولومحصلانوته چې له يوتحصيلي مرکز څخه بل تحصيلي مرکزته د بدلون غوښتنه  ولري خبر ورکول  کيږي  چې دمحصلانو د لالهاندي دمخنيوي او بدلون په لايحه کې دليکل شويو شرايطو له مخې دغه ټکې دې په جدي توګه په پام کې ونيسي  :
١ -  په برياليتوب سره د لومړي تحصيلي کال د دوو سمسترونو تيرول.
٢ - دنارينه و لپاره په نظروړ مرکز کې دهماغه کال دکانکور دمعياري نمروبشپړول.
٣-د دواړو تحصيلي مرکزونو موافقه.
٤ - د بدلون معيار دمرغومې دمياشتې له پيل څخه د دوو مياشتو لپاره  ټاکل شوى دى  هغه کسان چې دبدلون غوښتنه ولري کولاى شي دبدلون دلايحې دمواردو په پام کې نيولو سره چې د لوړو زده کړو وزارت په ويب پاڼه کې شته عمل وکړي او دبدلون حوزې د پړاونو دبشپړولو په مقصد دې دلوړوزده کړو وزارت دمحصلانو دچارو رياست او دخصوصي لوړو زده کړو دموسسو رياست ته ورشي او دمقاماتو او په ملي شورا کې د خلکو د وکيلانو د مزاحمت سبب  نه شي.

کابل – باختر دمرغومي دمياشتې ٧
امنيتي ځواکونو په تيرو ٢٤ ساعتو کې دخپلو چاڼيزو عملياتو په بهير ديارلس تنه وسله وال طالبان ووژل .
دکورنيو چارو وزارت مطبوعاتي دفتر باختر آژانس ته خبر ورکړ :
امنيتي ځواکونو دغه  عمليات  دننګرهار ، لغمان ، لوګر او  د هلمند د ولايتونو
په مربوطاتو کې ترسره کړل چې په بهير کې يې ديارلس تنه وسله وال طالبان ووژل شول اولس تنه نوريې ونيول شول  .
دغه راز امنيتي ځواکونو دننګرهار او خوست دولايتونو په مربوطاتو کې د وسله والو طالبانو له خوا لس ښخ کړاى  شوي ماينونه کشف او شنډ  کړل.

کابل – باختر دمرغومې دمياشتې ٧
په ننګرهارولايت کې نن ديو بڼ دملکيت پرسره دنښتې له امله دوه تنه ووژل شول
او درې تنه نور ټپيان شول .
دغه پيښه د سره رود په ولسوالۍ کې هغه  وخت رامنځته شوه چې دسيمې اوسيدونکو ديو بڼ دملکيت پرسر له يوبل سره وسله واله  نښته وکړه .
دننګرهار ولايت دسره رود ولسوال  سيدعلي اکبر پاچا باختر آژانس ته وويل :
په دې نښته کې له  دواړو لورو څخه دوه تنه  ووژل شول او درې تنه نور ټپيان شول خوعيني شاهدان وايي چې په دې نښته کې دوه تنه ووژل شول او شپږ تنه نور ټپيان شوي دي .
دسره رود دولسوال دڅرګندونو له مخې :  امنيتي ځواکونو ددغې نښتې شپږ تنه عاملين نيولي دي .
دباختر آژانس خبريال ګلستان غالب دسره رود  په ولسوالۍکې  دنښټې له سيمې څخه خبر راکړ اوس په سيمه کې حالت دامنيتي ځواکونو په هلو ځلو سره  عادي شوي دي.

Saturday, 28 December 2013 17:51

نوي ټاکنه

کابل – باختر دمرغومې دمياشتې ٧
عبدالهادى رفيعى دفوايد عامې وزارت دمالى او اداري معين په توګه وټاکل شو دجمهوري رياست عالى مقام دجګپوړو پستونو په ټاکنو کې دجمهور رييس دځانګړي مشورتي بورد له نظر او دفوايد عامې وزارت له وړانديز سره سم دفوايد عامې وزارت دمالي او اداري معين په توګه دعبدالهادى رفيعى ټاکنه منظوره کړه.

 کابل باختر دمرغومي دمياشتې ٧ :
د افغانستان جمهوررئیس حامد کرزي د کابل ولایت د ده سبز ولسوالۍ  له یو شمېر مشرانو سره په داسې حال کې وکتل چې د ښار جوړولو او اقتصاد وزیرانو، د ښار جوړولو په چاروکې د جمهوررئیس سلاکار، کابل والي او د نوي کابل د پروژې رئیس هم حضور درلود.
دجمهوري رياست مطبوعاتي دفتر باخترآژانس ته خبرورکړ :
په دغه کتنه کې چې نن له غرمې مخکې په ارګ کې ترسره شوه، سید مقبول، مولوي اسماعیل او حاجي عبدالنصیر د کابل ولایت د ده سبز ولسوالۍ د مشرانو په استازیتوب د ده سبز د پروژې او د خپلو ځمکو د استملاک د ستونزې په اړه خبرې وکړې.
دوی وویل چې د ده سبز خلک د نوي کابل د پروژې د پلې کېدو غوښتونکي دي خو د دوی ځمکې باید د قانون له مخې استملاک شي او خلک باید خپل حق ترلاسه کړي.
همدا راز په دې کتنه کې د کابل ولایت د ده سبز ولسوالۍ مشرانو څرګنده کړه که چېرې د دوی ځمکې نه استملاک کیږي، باید په یاده پروژه کې ورته ونډه ورکړل شي.
د هېواد جمهوررئیس د کابل ولایت د ده سبز ولسوالۍ د مشرانو د غوښتنو او وړاندیزونو له آوریدو وروسته، دې ته په اشارې سره چې د نوي کابل د پروژې د کار پیلېدل د یو شمېر ستونزو له امله ځنډیدلی دی ، وویل چې د نوي کابل د پروژې پلي کېدل د ده سبز د خلکو په خیر دی خو په دې شرط چې په هغې کې د ځمکې هیڅ ډول دعوه موجوده نه وي او د ده سبز ټول خلک پر هغې باندې موافقه ولري.
د هېواد جمهوررئیس زیاته کړه، په پام کې لري چې په دې برخه کې د ده سبز ولسوالۍ د ټولو اوسېدونکو موافقه ترلاسه کړي.

کابل – باختر دمرغومې دمياشتې ٧
دافغانستان دتنکيو ځوانانو دشطرنج د ملي ټيم  ورزشکارانو په متحده  عربي اماراتو کې د نړۍ  دتنکيو ځوانانو دشطرنج د لوبو په لسم   پړاو کې د الجزيره زيمبابوي او دجنوبي کوريا له هيوادونو څخه خپلو سيالانوته ماتې ورکړه  .
باختر آژانس ته دبدني روزنې سپورت او د اولمپيک دملي کميټې د دعامه
پوهاوى د اطلاعاتو د امريت دخبرله مخې :
ددغو سياليو په لسم  پړاو کې چې پرون ترسره شو محمدنعمان خپل الجزايري سيال ، ويس احمد زيمبابوې  ورزشکار او احمد جمشيد په خپل کوريايي سيال بريالي  شول  او دغه راز په دې پړاوکې احمد صفي له خپل سريلانکايي سيال څخه ماتې ومنله.
دغه سيالۍ دنړۍ  د سلو هيوادونو د ورزشکارانو په  ګډون په  سويسي سيستم  په يوولسو پړاونو کې پيل شوي دي چې ټاکل شوې ده سبا پاى ته ورسيږي .
ديادونې وړ ده چې افغان تنکي ورزشکاران په څلورم او شپږم پړاو کې هم په خپلو سيالانو بريالي شوي  وو.