22 January 2020

RSS Facebook

سوداگریز


تازه خبرونه

د ملي موزيم د نوې ودانۍ د ډيزاين د پرمختيا قرارداد لاسليک شو

کابل/ دسلواغې لومړۍ/ باختر د اطلاعاتو او فرهنګ وزارت د سرپرستې...

د ټوليزو رسنيو دپاليسۍ د مسودې په اړوند د نظرغوښتنې، مشورتي غونډه جوړه شوه

کابل/ دسلواغې لومړۍ/ باختر د اطلاعاتو او فرهنګ وزارت د سرپرستې...

د فارياب د کوهستاناتو مواصلاتي لاره پرانيستل کېږي

د فارياب د کوهستاناتو مواصلاتي لاره پرانيستل کېږي

کابل/ دسلواغې لومړۍ/ باختر د فارياب له مرکز سره د کوهستاناتو...

Youtube Player

khantry design

سوداگریز

سوداگریز

Monday, 07 April 2014 10:23

تبصره

کابل باختر دوري دمياشتې  ١٨ :
په برياليتوب سره د انتخاباتو ترسره کيدو په هېوادکې سياسي لرليد لاپسې روښانه کړ او د خلکو استقامت او درايت، د امنيتي مسوولينو ميړانې او د مطبوعاتو رسالتمندانه کار، خلک د دغو انتخاباتو اصلي بريالي معرفي کړل.
دباخترآژانس مبصر  ليکي :
که چېرې په کره توګه د انتخاباتو بهيرته له پيل څخه تر پاى پورې ځير شو؛ ډله ييزې ژمنې او ملي انګيزې د وګړنيو انتخاباتو د ترسره کولو لپاره لاره برابره کړه  چې په پاى کې دا خلک وو چې د دغو انتخاباتو بريالي شول.
په دې ملې بهيرکې د بېلابېلو بنسټونو ميړانه، او زړور تيا د ستاينې وړ ده. خو د رسنيو  ژمنتوب او رسالت د دې سبب شول چې د افغانستان د خلکو دښمنانو و نه کړاى شول د افغانستان له خلکوسره خپلې رواني جګړې ته دوام ورکړي او دا رسنۍ وې چې د ډار اچوونکو ډلو د خبرونو، طالباني افکارو او تروريستو او پردي پالو ډلو د زور زياتى د خبرونو په تحريمولو سره د هغوى د فعاليتونوکچه ټيټه کړي او آن هغه په هيڅ بدل کړي .
دا د رسنيو رسالتمندانه کار و چې خلکو په ملي انګيزې او مفکورې سره د رايو ورکولو د مرکزونو په لور مخه وکړه او خپل سياسي بلوغ يې ثابت کړ.
په داسې حال کې چې طالبان د پرديو په امر ددغه بهير په سبوتاژ او ګډوډلو ګومارل شوي وو؛ هلې ځلې وکړې چې دغه بهيرله اصلي تګلوري څخه يې واړوي.  په تروريستي او ډار اچوونکو فعاليتونو د هغوى لاس پورې کول، د ماشومانو او ښځو وژل، د خبريالانو وژل او د ټولنې په څلورم رکن تعرض او په پاى کې د طالبانو او د سيمې د استخباراتي سازمانونوله خوا د رواني جګړې سختوالى د دې سبب شول چې دغه حرکتونه د افغانانو له غبرګون سره مخامخ شي.
په دې بهيرکې د رسنيو دريځ د ستاينې وړ دى. رسنيو په طالبانو پورې د اړوندو خبرونو په تحريمولو اويا د هغو خبرونو په تحريمولو سره چې په هغوکې د جګړې، تاوتريخوالى او وحشت خبرې وې، د دې  زمينه برابره کړه چې زموږ خلک په نوې او له طالباني ګواښونو څخه په خلاصې روحيې او په ملي انګيزې سره د انتخاباتو په لور ګام واخلي او خپله اراده څرګنده کړي .
د رسنيو په رسالتمندانه او خلاق کار سره و چې طالبان او ډار اچوونکي لا زيات تجريد شي. د هغوى تجريد د دې سبب شو چې خلک  د آرامۍ احساس وکړي او په ډاډ سره خپل راتلوونکى مشر انتخاب کړي.
د رسنيو واقعبينانه دريځ او  د هغوى ملي هدفمندکار زموږ خلکو ته روحيه ورکړه ، رسنيو او مطبوعاتو ثابته کړه چې مطبوعات د خلکو د هويت څرګندوى  او د مسوولينو سترګې او ژبې دي. دا  مطبوعاتو و چې په ملي تحرک او عمل سره يې  عام مخاطب  پيدا کړ؛ هغوى د انتخاباتو دترسره کولوپه وخت کې خپل پروګرامونه دټولنې له اړتياوو سره سم عيار کړل؛ وګړني عمل يې وکړ. د هغوى پوهه انساني، ملي او افغاني وه. د هغوى رسالتمندانه کار و چې د ډار اچوونکې ډلې نارو سورو،  ناوړو تبليغاتو، ترور او وحشت ته يې ځواب ووايه او ډار اچوونکو ونه کړاى شول  خپلې رواني او تبليغاتي جګړې ته دوام ورکړي او رسنۍ دخپلو پروګرامونو دعملي کولو وسيلې وګرځوي.

کابل باختر دوري اوولسمه :
د افغانستان د اسلامي جمهوريت د جمهور رييس حامدکرزي د ډاډګيرنې او همدردۍ پيغام !
په ژورې خواشينۍ سره مې خبر ترلاسه کړچې د افغانستان د اردو يو پخوانى افسر جنرال احمدعلي سنګدل د هغې ناروغۍ له امله چې ورپيښه شوې وه؛ وفات شو.
ارواښادجنرال سنګدل د ملي اردو په بېلابېلوقطعاتوکې خدمت وکړ، وروسته يې د خيريه او د لوړوتعليماتو د موسسو په جوړولوکې ونډه لرله. خدمتونه يې هيوادته د قدر وړ او مړينه يې ضايعه ده.
د خپلې ډاډګيرنې او همدردۍ مراتب د ده کورنۍ او دوستانوته څرګندوم او د لوى خداى ( ج ) له دربارڅخه متوفى ته د مغفرت او پاتې کسانو ته يې د جميل صبر هيله کوم.

کابل باختر دوري اوولسمه :
دجمهوري رياست د انتخاباتوقسمي نتيجې سبا د انتخاباتو د خپلواک کميسيون له خوا اعلاميږي. 
د باخترآژانس دخبرله مخې: د انتخاباتو د خپلواک کميسيون د دارالانشا رييس ضياالحق امرخيل رسنيوته ويلي دي چې د راى ورکولوپه مرکزونوکې د رايو شميرنې پاى ته رسيدلې دي او له نا امنو ولسواليو پرته د راى ورکولو د پاڼو  صندوقونه هم له ټولو ولسواليوڅخه د ولايتونو مرکزونو ته ليږدول شوي دي.
ده زياته کړه چې د جمهوري رياست د انتخاباتو قسمي نتيجې سبا ددغه کميسيون له خوا اعلاميږي.
  دغه راز د جمهوري رياست د انتخاباتو لومړنې نتيجې به د روان کال د ثور د مياشتې په ٤ مه نيټه اعلام شي.

کابل باختر دوري اوولسمه :
د افغانستان د اسلامي جمهوريت د جمهور رييس حامدکرزي د ډاډګيرنې او همدردۍ پيغام !
په ژورې خواشينۍ سره مې خبر ترلاسه کړچې د افغانستان د اردو يو پخوانى افسر جنرال احمدعلي سنګدل د هغې ناروغۍ له امله چې ورپيښه شوې وه؛ وفات شو.
ارواښادجنرال سنګدل د ملي اردو په بېلابېلوقطعاتوکې خدمت وکړ، وروسته يې د خيريه او د لوړوتعليماتو د موسسو په جوړولوکې ونډه لرله. خدمتونه يې هيوادته د قدر وړ او مړينه يې ضايعه ده.
د خپلې ډاډګيرنې او همدردۍ مراتب د ده کورنۍ او دوستانوته څرګندوم او د لوى خداى ( ج ) له دربارڅخه متوفى ته د مغفرت او پاتې کسانو ته يې د جميل صبر هيله کوم.

کابل باختر دوري اوولسمه :
په پاى کې له پنځو کلونو وروسته د بغلان په ولايت کې د يو غير مسوول وسله وال  قوماندان مجاهدپوځي قرارګاه او سنګرونه  د امنيتي ځواکونو له خوا ونيول شول.
دغه قوماندان له پنځوکلونو راپديخوا دبغلان ولايت  د پلحصار ولسوالۍ  د تغاک په کلي کې د پوځي سنګرونو او قرارګاوو په جوړولو سره د دولت په وړاندې د ورانکاروعملونوپه ترسره کولو بوخت و چې په دې وروستيوکې د ملي اردو د پوځي ځواکونو دګډو عملياتو په ترڅ کې  دغه قوماندان له افرادو سره يې غرونو ته وتښتيد او قرارګاه يې د امنيتي ځواکونو لاس ته ورغله.
د بغلان ولايت امنيه قوماندان مل پاسوال امين الله امرخيل دباخترآژانس خبريال ته وويل: په دغو عملياتوکې پنځه تنه وسله وال طالبان نيول شوي او په دغې قرارګاه کې لاس ته راغلي مدارک او سندونه څرګندوي چې دغه قوماندان ځان د افغانستان دحزب الله مشرباله او تر دې نامه لاندې يې د سيمې له خلکوڅخه د عشر او زکات په نامه په غيرقانوني توګه پيسې اخستلې او د پلحصار په ولسوالۍ کې د انتخاباتو د ترسره کيدو او د بياجوړونې د بهير خنډګرځيده.
امرخيل زياته کړه: په دغوعملياتوکې د امنيتي ځواکونو په لاس زيات جنګي وسايل ورغلي او قوماندان مجاهد له نورو افرادو سره يې غرونو ته ختلي دي.
دبغلان ولايت امنيه قوماندان يوځل بيا ټينګار وکړچې په دغه ولايت کې دغير مسوولوکسانو شتون د زغم وړ نه دى او له هغو ټولو غير مسوولو ډلو له افرادو څخه يې چې په دغه ولايت کې فعاليت کوي؛ غوښتنه وکړه چې له جګړې څخه د ټولو ستړو خلکو له ځورولو او آزادولوڅخه لاس واخلي او د دولت له ليکو سره په خپل پيوستون سره د بياجوړونې او د امنيت په تامينولوکې خپل هيوادني اوملي پور ادا کړي. 
له دې پرته پوليس مکلف دي چې په دغه ولايت کې دبياجوړونې د بهير د پرمختګ په لاره کې ټولې پرتې ننګونې او خنډونه له منځه يوسي او امنيت تامين کړي.

کابل باختر دوري اوولسمه :
شپږ تنه وسله وال طالبان تېره شپه په کونړ ولايت کې د ناټو جنګي الوتکو په بريد کې ووژل شول او په دې پيښه کې درې تنه نورطالبان ټپيان شول.
دکونړ ولايت امنيه قوماندان عبدالحبيب سيدخيل د باخترآژانس خبريال ته وويل: د ناټوهوايي ځواکونو د وسله والوطالبانو د له منځه وړلو په موخه دکونړ ولايت دغازي آباد ولسوالۍ د ايګل په سيمه کې عمليات ترسره کړل چې په پايله کې يې شپږ تنه وسله وال طالبان ووژل شول او درې تنه نور يې ټپيان شول.
يوه اړونده خبرځاى وويل: په دغو عملياتوکې ملکي خلکو ته زيان نه دى اوښتى.

کابل باختر دوري اوولسمه :
د کورنيو چارو وزارت يو خبرحاى وايي: يوسلو  شپږ اويا تنه ډار اچوونکي طالبان د هغو امنيتي فعاليتونو په ترڅ کې چې پرون د انتخاباتوپه بهيرکې ترسره شول؛ ووژل شول.
دکورنيو چارو وزارت د ويندوى مطبوعاتي دفتر د باخترآژانس خبريال ته ويلي دي: که څه هم ترهګر او د هغوى سيمه ئيز ملاتړي، د تروريزم د روزنې د مدرسو او مرکزونو په تړلو او د خپلو ګوډاګيانو په را استولو سره د انتخاباتو د بهير دګوډولو په لټه کې وو؛ خو د هيواد امنيتي ځواکونو د شپې ورځې په زيارونو او سرښندنو سره  له پولو اخوا سازمان شوي ترهګريز پروګرامونه په اوبو لاهو کړل.
د امنيتي ځواکونو په هغو جګړه ئيزو عملياتو او فعاليتونوکې چې د هيواد په بېلابېلو سيموکې ترسره شول؛ ١٧٦ تنه وسله وال مخالفين ووژل شول، ٧٥ تنه يې ټپيان او يوبل وسله وال مخالف ونيول شو.
په دغه ملي او تاريخي ورځ دهيواد دملي پوليسو ځواکونو په دې بريالي شول ٩١ ماينونه، د درندې وسلې ١٢ګولۍ، ١٧بوشکې چاوديدونکي توکي، په چاوديدونکو موادو ډک يو واسکټ، يوه پيکا، يوتوغندي ويشتونکي او يو کلاشينکوف چې د افغانستان  دخلکو د سولې او امنيت دښمنانو او ډار اچوونکو له هغو څخه په ګټې اخستنې سره غوښتل دافغانستان دخلکو دغه ملي بهير ګډوډکړي؛ کشف اوضبط کړي دي.
دغه راز د فارياب په ولايت کې يوځانمرګى يرغلګرچې د ځان وژنې د بريد نيت درلود؛ دپوليسو دځواکونو له خوا وپيژندل شو او ونيول شو.  همدارنګه يوبل  بريد کوونکى د پوليسو دځواکونو له خوا په ډزو سره ووژل شو.
  ويل کيږي دانتخاباتو د ورځې په بهيرکې دملي پوليسوځواکونو ٣١ تنه  د هيواد په بېلابېلو سيموکې په دغه ملي بهيرکې د جعل په اړوند نيولي دي .
  ديوبل خبر له مخې: د پرونيو انتخاباتو په بهيرکې  دهيواد په بېلابېلو سيموکې په جلا جلا پيښوکې څلور تنه ملکي وګړي شهيدان او ٤٣ تنه نور ملکيان ټپيان شوي دي.
دغه راز د دغه ملي بهير په ترڅ کې د پوليسو دولس تنه منسوبين چې ددغه بهير  د ښه امنيت د تامينولو او د دښمنانو د بريدونو د شنډولو په خاطر په زړورتيا سره وجنګيدل؛ شهيدان او د پوليسوپنځلس تنه نور منسوبين ټپيان شوي دي.

کابل باختر دوري اوولسمه :
د هرات ولايت دکهسان په ولسوالۍ کې دوه تنه ماين ښخوونکي طالبان ووژل شول .
يوې امنيتي سرچينې دباخترآژانس خبريال ته وويل: دغه دوه تنه ماين ښخوونکي  طالبان نن له غرمې وروسته دکهسان ولسوالۍاړونددخواجه رشيددکلي په سړک  دخپل ماين دچاودنې له امله ووژل شول چې غوښتل يې هغه په دې سرک کې ښخ کړي.

کابل باختر دوري اوولسمه :
دپوليسو يومنسوب او د انتخاباتودخپلواک کميسيون دوه تنه کارکوونکي نن سهار په کندز ولايت کې شهيدان شول.
دکندز ولايت دامنيې قوماندانۍ ويندوى سيد سرور حسيني دباخترآژانس خبريال ته وويل: ددغوکسانو دسپرلۍ موټر دخان آباد ولسوالۍ په مربوطاتوکې کله يې چې د راى ورکولو د پاڼو صندوقونه مرکز ته ليږدول؛ په واټ کې په ښخ کړى شوي ماين وخوت او د چاودنې له امله يې شهيدان شول.
خبرځاى زياته کړه چې په دې پيښه کې د راى ورکولو پاڼې هم له منځه تللې دي.

کابل باختر دوري اوولسمه :
د هلمند ولايت امنيه قوماندان مل پاسوال عبدالقيوم باقي زوى وايي چې په هلمند ولايت کې د جمهوري رياست او د ولايتي شوراګانو انتخابات په امن فضاکې  ترسره شول.
دباخترآژانس دخبر له مخې: باقي زوى چې په يوه خبري غونډه کې خبرې کولې؛ خبريالانو ته وويل چې په هملند ولايت کې انتخابات له امنيتي ګواښ پرته ترسره شول.
په دې خبري غونډه کې په هلمندکې دانتخاباتو د ولايتي کميسيون رييس قدرت الله نقشبندي وويل: دهلمند ولايت په ګوټ ګوټ کې د راى ورکولو دوه سوه نولس مرکزونه  موجود و چې دوه اويا مرکزونه يې د امنيتي ستونزې له امله ړنګ شول او يوسلو اووه څلويښت مرکزونه يې چې شپږ سوه دوه ويشت سيمې کيږي؛ د راى ورکوونکو پرمخ پرانستي و.
  د ٢١٥ ميوند قول اردو قوماندان غلام فاروق پرواني په دې غونډه کې وويل:  دانتخاباتو د امنيت د تامينولو لپاره لازم تدبيرونه نيول شوي و او د راى ورکولو بهير په ښه توګه پاى ته ورسيد.
ده زياته کړه: طالبان د سنګين ولسوالۍ په کټوازي ساحه کې د راى ورکولو د بهير دګډوډولو په مقصدراټول شوي و چې امنيتي ځواکونو په هغوى بريد وکړ اوله امله يې شپږ تنه وسله وال طالبان ووژل شول اونور يې وتښتيدل.