20 January 2020

RSS Facebook

سوداگریز


تازه خبرونه

د هېواد په بېلابېلو سیموکې ۲۱ ترهګر وژل شوي دي

د هېواد په بېلابېلو سیموکې ۲۱ ترهګر وژل شوي دي

کابل/د مرغومې۲۹مه/باختر د هېواد په بېلابېلو سیموکې په تېرو ۲۴ ساعتو...

جمهورريیس غني: د کابل ختیځ به په پرمختللې ساحه بدل شي

کابل / دمرغومي ٢٩مه / باختر د افغانستان د اسلامي جمهوریت...

Youtube Player

khantry design

سوداگریز

سوداگریز

کابل باختر دوري دمياشتې  ١٦ :
په اسماعيليه جماعت خانه کې دمرکز دکارکوونکو له رسيدوسره سم په دغه مرکز کې درايو ورکولو بهېر  پيل شو.
مسيح بيګ دنارينه و په برخه او معصومه دښځو په برخه کې لومړني کسان وو  چې په  دې مرکز کې يې خپله رايه وکاروه .
دباختر آژانس خبريال خبر راکړ: په دې مرکز کې برخه والو  ددغه مرکز دکار دپيل  دځنډيدو له امله  شکايت کاوه او ويې ويل :   چې درايو ورکولو دکار پيل دسهار په اوو بجو اعلام شوى و،  خو دغه مرکز په اوو بجو او ديرشو دقيقو په کار پيل وکړ.

کابل- باختر د وري دمياشتې ١٦
دانتخاباتو دخپلواک کميسيون رييس ډاکتر احمد يوسف نورستاني لومړنۍ رايې ورکوونکى و چې دجمهوري رياست او دولايتي شوراګانو د انتخاباتو په يو مرکزکې يې خپله رايه وکاروله.
د ډاکتر احمد يوسف نورستاني د رايې په کارولو سره په ټول هيواد کې د رايې ورکولو بهير په رسمي ډول پيل شو خو دباختر آژانس خبريالانو خبر راکړ چې نن سهار تر اووبجو او ديرشو دقيقو پورې په استقلال ليسه ،په اسماعيله جماعت خانه او محراب الدين په ليسه کې د رايې ورکولو مرکزونه نه دي پرانستل شوي او په سلګونو تنه ښځې او نارينه دخپلو رايو دکارولو په مقصد ددغو مرکزونو تر شا په ليکو کې ولاړ دي.

کابل- باختر د وري دمياشتې ١٦
دامنه فدوي ليسې د رايې ورکولو مرکز په خپل وخت په کار پيل وکړ په دې مرکز کې پنځوس کلنه شکيلا لومړنۍ ښځه ده چې دخپل نظر وړ نوماند ته رايه ورکوي.
دې دباختر آژانس خبريال ته وويل په دې اورښتي هوا کې راغلم او دخلکو د ارامى لپاره يې رايه ورکړه ، زه دهيواد له ټولو ښځو او نارينه و څخه غواړم چې رايه ورکړي او دښمن ناکامه کړي.
په دغه مرکز کې زيات شمير ښځې او نارينه په ليکو کې ولاړ دي چې رايه ورکړي.

کابل- باختر د وري دمياشتې ١٦
د دريم مکرويان دالفتح دليسې په انتخاباتو مرکز کې يو شمير رايې ورکوونکى په ليکه کې ولاړ دي .
دباختر آژانس دخبريال دخبرله مخې : دخلکو له مينې او علاقې سره سره دسهار تر اووبجو او پنځلسو دقيقو پورې د رايې ورکولو دمرکز مسولين حاضرنه و.
له زياتو هلو ځلو سره سره مو ونه کړاى شول چې په دې باب د انتخاباتو دخپلواک کميسيون دمسولينو نظر واخلو .
مسولينو درايې ورکولو پيل د ورى په ١٦ نيټه دسهار په اوو بجو په رسمي ډول اعلام کړى و.

کابل- باختر د وري دمياشتې ١٦
اوس دسهار اووبجې او پنځلس دقيقې دى دشاه شهيد په ليسه کې د رايي ورکولو بهير نه دى پيل شوى .
يو شمير کسان چې د رايي ورکولو په مقصد دغه مرکزته ورغلى دي د باختر آژانس خبريال ته وويل تراوسه پورې د رايي ورکولو کار نه دى پيل شوى خو په تلويزيون کې اعلاموي چې درايي ورکولو بهير دسهار په اووبجو پيليږي.

کابل- باختر د وري دمياشتې ١٦
په سلګونو تنو رايې ورکوونکو د ده دانا دنجونو دليسې درايې ورکولو دمرکز تر شاليکه جوړه کړې ده خو درايې ورکولو پروګرام نه دى پيل شوى .
دباختر آژانس دخبريال دخبرله مخې : په دغه ځاى کې يو شمير ښځو او نارينه و ليکه جوړه کړې ده خو دتخنيکي ستونزو له امله تراوسه پورې رايې ورکول نه دى پيل شوى .
يو تن مسول چې نامه له اخستلو څخه يې ډ ډه وکړه دغه ستونزه تاييده کړه د رايې ورکولو کار چې نږدې اته بجې کيږي نه دى پيل شوى .

کابل- باختر د ورى دمياشتې ١٦
په پاى کې دانتخاباتو دخپلواک کميسيون له مهال ويش سره دجمهوري رياست او دولايتي شوراګانو انتخابات پيل شول.
دافغانستان خلک نن له قومي ،ژبنيو،سمتي او مذهبي تړلتياو پرته د رايي ورکولو مرکزونو ته ځي او په پوهې او مسوليت سره دخپل نظر وړ نوماند ته رايه ورکوي او په دې ډول دخپل هيواد راتلونکې برخليک ټاکي.
په دغه ستر هيوادنۍ کار کې ګډون په څو ملحوظاتودغور او دقت وړ دى  دخلکو دښمنان په دغه ملي بهير کې د افغانان دپراخ ګډون زغم نه لري او په زيات دليل سره هلې ځلې کوي خپلو باردارانو ته خدمت وکړي دخلکو پراخ ګډون په مزدورانو او دهغوى په ملاتړو ځپنډه ګوزار دى او خلکو دغه سوک چمتو کړى دى چې هغوى ته يې ورکړي .
يو بودا سړۍ وايي زه رايه ورکوم چې دافغانستان دخلکو دښمنان وشرميږي.

کابل- باختر د ورى دمياشتې ١٦
دورى دمياشتې په ١٦ نيټه د اورښت سهار په پيل کې خلک ورو ورو دهرراز قومي ،مذهبي، ژبنيو او سياسي ناخوالو پرته د رايي ورکولو مرکزونو ته روان شول چې دخپل نظر وړ نوماند ته رايه ورکړي .
هر هيواد وال په دغه ملي بهير کې دګډون لپاره انګيزه لري چې بايد واوريدل شي.
شکيلا چې دکابل ښار په يوه ښونځي کې ښوونکې ده وايي د دې لپاره په انتخاباتو کې ګډون کوي چې دافغانستان دخلکو دښمنان ددغه بهير دګډوډولو په لټه کې دي ، دې له خلکو څخه وغوښتل چې له ډيل پرته په انتخاباتو کې ګډون وکړي او په دې حرکت سره دښمن ته ووايي چې هغوى نه شي کولاى په دسيسې او توطيې سره په دغه ملي بهير کې دخلکو دپياوړې ارادې مخه ونيسي ، خو دکابل ښار يو بل اوسيدونکى نيک محمد وايي رايه ورکوي چې له قانون څخه دتيښتې او له قانون څخه دسرغړونې پاڼه وتړل شي.
په همدې ډول دکابل ښار هر اوسيدونکى په هيلې سره د رايو مرکزونو ته روانيږي ،رايه ورکوي او په هرې رايې سره دراتلونکې مشر مسوليت زيات او لاښې زياتوي.

کابل باختر دوري دمياشتې  ١٦ :
داطلاعاتو اوفرهنګ وزارت په وړانديز اودجمهوري  رياست دعالي مقام په منظورۍ  ټاکل شوې ده  دلوي څارنوالۍ ، دکورنيو  چارو  او داطلاعاتو اوفرهنګ دوزارتونو  اودملي امنيت دلوى رياست داستازو اودخبريالۍ په چارو کې دلوړو زده کړو اوتجربه لرونکو  ددوو تنو کارپوهانو په ګډون  يو خاص  کميسيون جوړشي  چې دخبريالانو او دخبر رسولو په برخې پورې  دنورو اړوندو کسانوپرخلاف په تاوتريخوالي پورې بيلابيلې اړوندې  قضيې تعقيب کړي  اودخپلو کړنو په باب ټولو خلکو ته خبر ورکړي.
داطلاعاتو اوفرهنګ وزير ډاکترسيدمخدوم رهين په دې اړوند دباخترآژانس خبريال ته وويل : دغه واکمن کميسيون دتحقيق دپړاونو له بشپړيدو وروسته دخبريالانو اودخبر رسولو د برخې دنورو کارکوونکو پرخلاف د تاوتريخوالي  په قضيو پورې اړوندې دوسيې بيا څيړي او تعقيبوي  اوپه ډير لنډ ممکن وخت کې دخپلو کړنودنتيجو په باب ټولو ته خبر ورکوي .
دغه کميسيون به واک ولري  چې داړتيا په صورت کې پخوانۍ قضيې هم بياوڅيړي.

کابل باختر دوري دمياشتې  ١٦ :
دهېواد په مرکز اوولايتونو کې دروغتيايي خدمتونونو دوړاندې کولو مرکزونو او روغتونونو نن ځانګړي تدبيرونه نيولي دي .
دعامې روغتيا وزارت دمرکز دروغتونونو رييس ډاکترسيدکبير اميري دباختر آژانس خبريال ته وويل چې دعامې روغتيا وزارت په مشرۍ دملي دفاع اودکورنيو چارو دوزارتونو ، دملي امنيت دلوى رياست اودافغاني سرې مياشتې دټولنې دروغتيايي څانګو داستازو په ګډون دهمغږۍ  يو ټيم  دشهيدسردار محمدداودخان په روغتون کې نن ټول روغتونونه او روغتيايي مرکزونه رهبري کوي اودکومې پيښې په صورت کې  له ډيل پرته  اقدام کوي .
دغه راز ډاکتر اميري يادونه وکړه : دعامې روغتيا وزارت مشرتابه هيئت له لارښوونې سره سم ټول ډاکتران او روغتيايي کارکوونکي خپلو  دندو ته حاضر شوي دي  او په سمبالو امبولانسونو سره په دغو مرکزونو کې ټول امکانات  چمتو شوي دي .
دباخترآژانس دخبريالانو دخبرله مخې : دولايتونو دعامې روغتيا رياستونو هم ځانګړي تدبيرونه نيولي دي اوعاجلو پيښو ته دځواب ورکولو لپاره يې ټول امکانات برابرکړي دي .