25 June 2019

RSS Facebook

سوداگریز


تازه خبرونه

په سمنګانو کې لومړنى خصوصي  ټلويويزن په  خپرونو پيل وکړ

په سمنګانو کې لومړنى خصوصي ټلويويزن په خپرونو پيل وکړ

کابل/باختر/ دچنګاښ ٣مه : د رستم په نامه لومړني خصوصي ټلويزيون...

دکابل پوليسو دوژنې يو تورن ونيوه

دکابل پوليسو دوژنې يو تورن ونيوه

کابل/باختر/ دچنګاښ ٣مه : پوليسو دجنايي جرمونوپه اړوند درې تورن په...

په فراه کې ددريو ډاراچوونکو وژل  کېدل

په فراه کې ددريو ډاراچوونکو وژل کېدل

فراه /باختر/ دچنګاښ ٣مه : دفراه مسوولين وايي ؛ په بکوا...

Youtube Player

khantry design

سوداگریز

سوداگریز

تهران \ نړيوالې خبري منابع\  باختردزمري دمياشتې ١٣ :
د ايران دمنتخب  جمهور رييس حسن  روحاني د جمهوري رياست د حکم دتنفيذ مراسم پرون په  تهران  کې پرځاى شول او د جمهوري رياست خپله څلور کلنه  دوره يې په رسمي ډول پيل کړه .
روحاني هم په دغو مراسمو کې ويناوکړه .
د ايران روحاني مشر آيت الله علي خامنه يي هم په دغو مراسمو کې په نسبي ډول لنډه وينا وکړه او له پخواني جمهوررييس محمود احمدي نژاد څخه د مننې په ترڅ کې  يې روحاني ازمويل شوى سياستوال وباله .
په دغو مراسمو کې د ايټاليا اود فرانسې د سفيرانو په ګډون په تهران کې يوشمير سفيرانو هم ګډون کړى وو.
د ايران دمشر له خوا د جمهوري رياست د حکم تنفيذ يا تائيد د خلکو له  انتخاب وروسته او د جمهوررييس د لوړې   له  مراسمو مخکې ترسره کړي .
د روحاني د وفاداري د لوړې مراسم نن دايران په پارلمان کې پرځاى کيږي.

بي بي سي \ باختردزمري دمياشتې ١٣ :
د زيمبابوې دانتخاباتو کميسيون اعلام وکړ ، چې رابرت موګابې ددغه هېواد د جمهوري رياست په انتخاباتو کې په سلو کې د يو ويشتو رايو په ترلاسه کولو سره  بريالى  شوى دى .
دا  اووم ځل دى چې موګابې په دغه مقام ټاکل کيږي .
رابرت موګابې چې  ٨٩  کلن دى   ٣٣ کاله مخکې دزېمبابوې دخپلواکۍ له وخت څخه تراوسه پورې  په دغه هېواد حکومت کړى دى .
د زيمبابوې صدراعظم  او د دموکراتيک بدلون لپاره  د غورځنګ د ګوند مشر مورګان چانګيرا  چې دموګابې اصلي سيال  بلل کيږي  په سلو کې نږ دې څلور ديرش  رايې ګټلي دي .
د رابرت موګابې   زانو پي  اف    وا کمن ګوند ددغه  هيواد د مجلس  څه دپاسه دريمه برخه څوکۍ  ګټلي دي.
دغه څوکۍ د دغه  ګوند لپاره کافي  دي  چي د اساسي قانون په  بدلون لاس پورې کړي.
چانګيرا  ويلي دي  چې اعلام شوې  نتيجې نه مني او دغه رايې  به په  محکمه کې وڅيړل شي .
دافريقا داتحاديې دانتخاباتي کتوونکو مسوول  په  زيمبابوې کې  عمومي انتخابات آزاد ، منصفانه اومعتبر بللي وو.
خو دزيمبابوې  دانتخاباتو دملاتړو په  نامه ډلې ، د دغه هيواد په انتخاباتو کې  ډيرې سترې کتوونکي  داخلي ډلې ويلي دي  چې په دغو انتخاباتو کې  جدي انحرافات شوي دي .

کابل باختردزمري دمياشتې ١٣ :
د ننګرهار ولايت د مرکز جلال آباد  ښار دڅپلکو د پلورنې په کوڅه کې نن سهار اور ولګيد.
دباختر آژانس د خبر له مخې :  لومړى اور له يوې هټۍ څخه پيل او وروسته  څيرمه  نورو دوکانونو او سرايونو ته خپور شوى دى.
تراوسه پورې د دغې اورلګيدنې انګيزه  او له امله يې د سر زيان درسيدلي  زيان او مالي تاوان په باب خبرنه دى ترلاسه شوى.
ددغې پيښې جزئيات وروسته خپريږي .

کابل باختر دزمري دمياشتې ١٢
د افغانستان جمهوررئیس حامدکرزی د ایران د اسلامي جمهوریت د نوي منتخب جمهوررئیس ډاکتر حسن روحاني د لوړې په مراسموکې د ګډون په مقصد د یو لوړپوړي دولتي پلاوي په مشرۍ  نن له غرمې مخکې د دغه هېواد مرکز تهران ته روان شو.
دجمهوري رياست مطبوعاتي دفترباخترآژانس ته خبرورکړ :
د افغانستان له جمهوررئیس حامدکرزي سره په دغه سفرکې د بهرنیو چارو وزیر ډاکتر زلمی رسول، د ملي امنیت سلاکار ډاکتر رنګین دادفر سپنتا، د جمهوري ریاست د عالي مقام د دفتر رئیس عبدالکریم خرم او د جمهوررئیس ویاند ایمل فیضي ملګرتیا کوي.

کابل باختر دزمري دمياشتې ١٢:
په  جلال آباد ښارکې نن د ماين دچاودنې له امله د ننګرهار ولايت داستيناف څارنوالۍ د رييس په ګډون  شپاړلس تنه ټپيان شول .
دغه چاودنه  په  جلال آباد  ښار کې د ګارنيزيون دګولايي په نامه سيمه کې هغه وخت وشوه چې د ننګرهار ولايت داستيناف څارنوالۍ د رييس معلم عبدالقيوم دسپرلۍ کاروان له ساحې څخه دتيريدو په حال کې و.
دننګرهار ولايت دامنيې قوماندانۍ دامنيت آمر محمد معصوم هاشمي باختر آژانس ته وويل ،  چې په دې چاودنه کې د استيناف څارنوالۍ رييس له دريو تنو ساتوونکو او له دولسو تنو ملکي وګړو سره ټپي شو ،  ددغې پيښې په ټپيانوکې  دوه ښځې د زر دوزى موسسې  په نامه يوغير حکومتې مرکز ته يي کار کاوه ،هم شاملې دي .
ويل کيږي چې دغه ماين له لرې واټن څخه  چول شوى دى .
سيمه ييز مقامات وسله وال طالبان د دغې پيښې مسوول بولي او وايي چې امنيتي مامورينو د دغې چاودنې دعاملينو د پيژندنې او نيولو لپاره پلټنې پيل کړي دي .
په جلال آباد ښار کې د ملکي روغتون ډاکترانو د دغې پيښې دنهوتنو ټپيانو روغتيايي حالت خراب وباله.
د جلال آباد ښار پرون هم ديو ځانمرګې بريد ډګر  و.
په دې پيښه کې چې ديوې ديني مدرسې دماشومانو په ګډون د دوه ديرشوتنو د مرګ ژوبلې سبب شوه دريو تنو ځانمرګو يرغلګرو په دغه ښارکې دهند په  قنسلګري  بريد وکړ.

کابل باختر دزمري دمياشتې ١٢:
درې تنه  وسله وال طالبان تيره شپه  دبغلان ولايت د مرکزي بغلان په ولسوالۍ کې د ناټو د ځواکونو د عملياتو په  بهېرکې ونيول شول.
دغه عمليات  د ناټو دځواکونو له خوا د مرکزي بغلان د نوې ښار په جنوبې برخه کې  د طالبانو په  يوپټنځاى  وشو.
د مرکزي بغلان  د ولسوالۍ امنيه قوماندان څارمن سيدمير وطندوست باختر آژانس ته وويل ، د دغو عملياتو په بهېرکې درې تنه طالبان له دوو کلاشينکوفونو  او دوه سوه زرو افغانيو نغدوپيسو سره په يوه کور کې ونيول شول .
خبرځاى زياته کړه د دغو عملياتو په بهير کې ملکي وګړو  اوپه عملياتو کې شاملو
ځواکونوته  زيان نه  دى اوښتى .

کابل باختر دزمري دمياشتې ١٢:
دکابل دشهزاده سراى دصرافانو د رييس  دمعلوماتو له مخې، نن له غرمې مخکې دبهرنيو پيسو په مقا بل کې د افغانۍ ارزښت په دې ډول دى:
يوامريکايي ډالر پيرودل په 15 56/  افغانيو پلورل په 20 56/افغانيو
يوانګليسي پونډ پيرودل په 20  85 /افغانيو پلورل په  85 /30افغانيو
داماراتو يو درهم پيرودل په 60/ 15 افغانيو پلورپه 70 / 15 افغانيو
يوه يورو پيرودل په 10 74/ افغانيو پلورل په   74 /20  افغانيو
يوسعودي ريال پيرودل په  90 14/پلورل 14/95 افغانيو
زرهندي کلدارې پيرودل په 960 افغانيو پلورل په 970 افغانيو
زرپاکستاني کلدارې پيرودل په  547افغانيو پلورل په 548  افغانيو
زر ايراني تومان پيرودل په 17/10  افغانيو پلورل په  17/20 افغانيو.

کابل باختر دزمري دمياشتې ١٢:

څوشيبې مخکې د ننګرهار ولايت په مرکز جلال آباد ښارکې سخته چاودنه وشوه.

د باخترآژانس سيمه ييز خبريال خبر راکړ چې دغه  چاودنه  د جلال آباد ښار په ختيځ کې شوې ده .

امنيتي چارواکو تراوسه پورې په دې اړوند نظر نه دى څرګند کړى او ددغې پيښې جزئيات وروسته خپريږي .

کابل باختر د زمري دولسمه :
په هيوادکې د امنيتي حالت د ښه والي په مقصددکورنيوچارو وزارت د مشرتابه هيئت غونډه نن د ستر پاسوال غلام مجتبى پتنګ په مشرۍ جوړه شوه .
دکورنيو چارو وزارت مطبوعاتي دفتر باختراژانس ته خبر ورکړ: په دې غونډه کې چې دکورنيوچارو وزارت معينانو او يوشمېر لويو رييسانوبرخه لرله؛ په هيوادکې د امنيتي حالت دښه والي،  دپوليسو په ليکوکې  داصلاحاتو دبهير دګړندي کولو ، دجمهوري رياست د راتلونکو انتخاباتو د امنيت دتامينولو لپاره د تيارۍ،  دکورنيوچارو وزارت دلسو کاري لومړيتوبونو دتطبيق او دملي پوليسو د پرمختيا په مقصد دکورنيوچارو وزارت ارګانونو ته د نويو کاري استقامتونودتشخيص  په اړوند هراړخيزې خبرې وشوې .
  دکورنيو چارو وزارت سرپرست سترپاسوال غلام مجتبى پتنګ دملي پوليسو لس کلنې ستراتيژۍ او دکورنيو چارو وزارت  لسګونو لومړيتوبونو ته په اشارې  سره وويل: د ولايتونو، ولسواليو، کليو اوبانډو په کچه د امنيتي حالت ښه والي دکورنيوچارو وزارت په کاري لومړيتوب کې ځاى لري چې دهيواد د جمهوري رياست د راتلونکو انتخاباتو د ترسره کولولپاره ښه امنيتي شرايط برابر شي .
د را روان  نيکمرغه کوچني اختر په ورځوکې امنيتي تدبيرونه، په هيوادکې د پوليسو په کړنو دنظارتي سيستم پياوړتيا دپوليسو دسردزيان دکمښت لپاره جدي تدبيرونه او د دندو په وړاندې دپوليسو  دقوماندانانو مسووليت مننه هغه نورې موضوعګانې وې چې دکورنيو چارو وزارت سرپرست ورباندې تينګار وکړ.
دکورنيو چاروسترپاسوال غلام مجتبى پتنګ دغه راز  دکورنيو چارو وزارت په ارګانونوکې د هر راز فساد پرخلاف مبارزې باندې دټينګار په ترڅ کې وويل چې نوې ټاکنې او بدلونونه دې بايد د وړتيا د اصل له مخې وشي او د فساد عاملين اوسرغړونکي دې بايد دقانون منګولو ته وسپارل شي.

کابل باختر د زمري دولسمه :
دپروان ولايت دجبل السراج ولسوالۍ په لسګونو تنو اوسيدونکو دمظاهرو په کولو سره ددغې ولسوالۍ دګوښه کړى شوى امنيه قوماندان دپايښت غوښتنه وکړه .
مظاهره کوونکو د دوو ساعتونو لپاره دسالنګ لويه لاره دترافيکو پرمخ تړلې وه او دشعارونو په ورکولو سره يې له دولت څخه وغوښتل چې ددغې ولسوالۍ امنيه قوماندان محمد معصوم  فرزه يي  بيا  په دې پست  وګوماري .
په دې وروستيو وختوکې په پروان ولايت کې دپوليسو درې شپيته افسران  دکورنيو چارو وزارت له خوا د دندو په ترسره کولوکې دبې پروايى اوپه پروان ولايت کې د ناامنيو د زياتوالي په دليل له کاره ګوښه شول او پرځاى يې نورکسان  وګومارل شول .
  په دغو افسرانو کې دپروان ولايت ديوشمير ولسواليو  امنيه قوماندانان هم شامل دي .
دا په داسې حال کې ده چې ټاکل شوې وه نن احمدزي د جبل السراج ولسوالۍ  دنوى قوماندان په توګه معرفي شي.  خو وګړني مظاهرې  د دې کار خنډ شوې.
مظاهره کوونکو دولت ته  خبر دارى ورکړ: که چيرې دجبل السراج ولسوالۍ امنيه قوماندان بيرته خپلې دندې ته ستون نه شي؛ دوى به خپلو اعتراضونو ته دوام ورکړي .