27 May 2019

RSS Facebook

سوداگریز


تازه خبرونه

د اجرائيه رياست يو سلاکار په کندز کې ترور شو

د اجرائيه رياست يو سلاکار په کندز کې ترور شو

کابل/باختر/ د غبرګولي د مياشتې ۶ مه د اجرائيه رياست سلاکار...

  په بدخشان تېرتاريخ خوراکي توکي راټوليږي

په بدخشان تېرتاريخ خوراکي توکي راټوليږي

کابل/باختر/ د غبرګولي د مياشتې ۶ مه په بدخشان ولايت کې...

Youtube Player

khantry design

سوداگریز

سوداگریز

کابل \ باختر د چنګاښ ١٠ :
ډاکترعمر زاخيلوال بيا د استازو دمجلس د اعتماد د رايه ترلاسه او د ماليې وزارت په پست کې پاتي شو.
دباخترآژانس دخبريال دخبرله مخې: د ولسي جرګې په نننۍ غونډه کې چې د ولسي جرګې د رييس عبدالروف ابراهيمي په مشرۍ جوړه شوه؛ لومړى د خلکو استازو په امتيازي وخت کې آزادې خبرې وکړې.
وروسته له اجنداسره سم، د ماليې وزير يې د استجواب کړ چې دماليې د وزير ځوابونه د ولسي جرګې د غړو د قناعت وړ  ونه گرځيدل او استيضاح شو.
د رايې اخيستلو په نتيجه کې عمرزاخيلوال د ١٠٥ موافقو رايواو ٧٢ مخالفو رايو  په ترلاسه کولو سره بيا د ماليې وزارت په پست کې پاتې شو.
د ولسي جرګې په نننۍ غونډه کې د خلکو ١٨٧ استازو ګډون کړى و .
داسې بريښي چې د خلکو لسو تنو استازو رايه نه ده ورکړې.

کابل \ باختر د چنګاښ ١٠ :
ناپيژندل شويو وسله والو موټرسايکل سپرو تيره شپه  درې تنه کارګران چې واټ ته څيرمه ويده و؛ په ډزو سره ووژل او څلور تنه نوريې ټپيان کړل.
دباخترآژانس دخبرله مخې: دغه ډزې دکويټې ښار له ځانمرګى بريدڅخه  څوساعته وروسته وشوې چې له امله يې اتباعو ته مرګ ژوبله واوښته اويرغلګر له سيمې وتښتيدل.
دپاکستان دخبرځاينونو د خبرله مخې: پوليس د ډزو سيمې ته استول شوي دي چې د وژل شويو او ټپيانو دقيق شمېر معلوم کړي.
تراوسه پورې ددغو ډزو مسووليت چاپه غاړه نه دى اخيستى.

کابل \ باختر د چنګاښ ١٠ :
د پروان ولايت د جبل السراج ولسوالۍ پوليسو نن يوه زياته اندازه امونيم نايتريت سره کشف او ترلاسه کړه.
د پروان ولايت دمطبوعاتي دفتر مسوول باخترآژانس ته وويل: اته سوه کڅوړي امونيم نايتريت سره چې په يو ټيلري موټرکې چې د پنجشير ولايت په لور روان و؛ د جبل السراج ولسوالۍ د ګلبهار  په ساحه کې د پوليسوز د پلټنې په وخت کې کشف او ترلاسه شوه.
د ده دڅرگندونوله مخې: دغه سره د سمنټو په کڅوړوکې ځاى پرځاى شوې وه.  د موټر چلوونکى نيول شوى او ترپوښتنې لاندې دى.

کويټه \ دي نيوز انترنشنل\ باختر د چنګاښ ١٠ :
دبلوچستان ايالت دکويټې ښار په علي آباد سيمه کې پرون د يوځانمرګى بريد له امله څه ناڅه ديرش تنه ووژل شول او شپيته تنه نورټپيان شول.
په وژل شويوکسانوکې دوه ميرمنې او په ټپيانوکې ښځې او ماشومان ليدل کيږي چې د شلو تنو ټپيانو روغتيايي حالت  خراب بلل شوى دى.
دمتحده وحدت المسلمين ګوندپه ټول هيواد کې درې ورځې ماتم اعلام کړ او د هزاره ديموکراتيک ګوند په کويټه کې د اعتصاب غوښتنه کړې ده.
په  پيښورښارکې د يو موټر بم د چاودنې له امله پرون اتلس تنه ووژل شول او دوه ديرش تنه نورټپيان شول.

کابل \ باختر د چنګاښ ١٠ :
دوه سوه تنو ځوانانو په ننګرهار ولايت کې د سولې د عالي شورا په مرسته حرفوي زده کړې وکړې.
دغه ځوانان چې زياتره يې د بيوزلۍ او وزګارتيا له پلوه ځوريدل؛ وايي: له دې وروسته کولاى شي له خپلې زده کړې څخه په استفادې سره دځان او دخپلې کورنۍ اقتصاد ښه کړي.
د ننګرهار د سولې دکميټې رييس حاجي ملک نذير باخترآژانس ته وويل چې دغو ځوانانو په شپږو مياشتوکې دکپي کشي، د موټرو د رنګمالي، د نلونو د غځولو ، د ترکاڼي په شان  د بازار د اړتياوړ کسبونه زده کړي.
عبدالرحمن چې د پچير او اګام د ولسوالۍ اوسيدونکى دى  وايي: درې کاله کيږي چې له ورزګارتيا څخه ځوريده، خو د نلونو د غځولو دکار له زده کړې وروسته غواړي چې په خپله سيمه کې يو دوکان جوړ کړى.
دى هيله لري چې له خپل کسب څخه په استفادې سره وکولاى شي دخپلې کورنۍ ژوند ښه کړي.
دا لومړى ځل دى چې د ننګرهار د سولې کميټه ځوانانو ته دحرفوي زده کړو د پروګرام په  جوړولو لاس پورې کوي .
دننګرهار د سولې دکميټې رييس وايي چې په نږدې راتلوونکي کې به دوه سوه تنو نورو ځوانانو ته هم دغه شان پروګرام جوړشي .
د ننګرهار د والي مرستيال محمدحنيف ګرديوال ددغو ځوانانودفراغت په مراسمو کې وزګارتيا د بدامنۍ او له تررويستي ډلوسره دځوانانو دپيوستون اصلي انګيزه وبلله .
ده وويل چې دحرفوي زده کړو دپروګرامونو جوړول داقتصاد په وده او په خپلو پښو دکورنيو له دريدو او د امنيتي حالت له ښه والي سره زياته مرسته کوي.
دا په داسې حال کې ده چې دننګرهار ولايت دشهيدانو، معلولينو، کار اوټولنيزو چارو رياست په دغه ولايت کې د وزګارتيا دکچې د زياتوالي له امله انديښنه څرگندوي.
ددغې ادارې رييس عبدالحکيم  شيرزاد وايي چې په دې وروستيو وختوکې په ننګرهار کې د وزګارتيا کچه لوړه شوې ده.
د وړاندې شويو شمېرونو له مخې: که چيرې دولت دکار د زمينو او فرصتونو په برابرولو سره په ننګرهارکې دکار زمينه برابره نه کړي؛ تر راتلوونکو لسو کلونوپورې به په ننګرهار کې يومليون تنه ځوانان وزګار پاتې شي .

کابل \ باختر د چنګاښ ١٠ :
په کابل ښارکې د درملو اووه ويشت روغتيايي خصوصي مرکزونه وتړل شول.
ددغومرکزونو فعاليتونه دعامې روغتياوزارت له مقرراتو څخه دسرغړونې له امله  دټاکلې مودې لپاره سلب شوي دي.
دعامې روغتيا وزارت د روغتيايي قوانينو د تطبيق د څيړنې رييس ډاکتر سيدابراهيم  کامل دباخترآژانس  خبريال ته وويل: ددغه رياست د موظفينو له هغو  ٢٤ ساعته پلټنو وروسته چې د تيرې يوې اوونۍ په بهيرکې ترسره شوې، نهه ويشت درملتونونه د دريو تشخيصي معالجوي کلينيکونو ځينې برخې او درې لابراتوارونه دعامې روغتيا وزارت له مقرراتو څخه دسرغړونې له امله تړل شوي دي.
ډاکتر کامل زياته کړه: ترهغه وخت پورې چې ددغه مرکزونو متصديان خپل نواقص  لرې نه کړي؛ د فعاليت اجازه به ورته ورنه کړاى شي.
ډاکترکامل وويل چې په همدې موده کې يوسلوپنځوس قلمه بې کيفيته او تېرتاريح درمل له درملتونونو څخه راټول کړاى شوي دي.

کابل \ باختر د چنګاښ ١٢ :
د دريو تنو بهرنيو اتباعو په ګډون څلور تنه وسله وال مخالفين پرون د لوګرولايت په مربوطاتوکې ووژل شول.
دملي دفاع وزارت مطبوعاتي دفتر باخترآژانس ته خبرورکړ:
د دريو تنو بهرنيو اتباعو په ګډون څلورتنه وسله وال مخالفين چې په تروريستي او ورانکارو فعاليتونو بوخت وو؛ د لوګرولايت د بره کي برک ولسوالۍ په  مربوطاتوکې  دملي اردو د چاڼيزو عملياتو په بهيرکې ووژل شول .
په خبرکې ويل شوي دي چې د دښمن يوتوغندي ويشتوونکي، درې کلاشينکوفونه او د سپکو او درندو وسلو يوه اندازه مهمات هم ترلاسه شوي دي.
ديوبل خبرله مخې: د وسايط ضد شپږاتيا ماينونه د هيواد په ځينو سيموکې دملي اردو  دځواکونو  دګزمې په بهيرکې کشف اوشنډکړاى شوي دي.

کابل  \باختر د چنګاښ ١٢ :
په ننګرهارولايت کې د يوې نښتې له امله يو وسله وال طالب ووژل شو او درې تنه نوريې ټپيان شول.
دغه جګړې نن سهار د نهوبجوپه شاوخواکې د جلال اباد_ تورخم دلارې په اوږدو کې د بټي کوټ ولسوالۍ په مربوطاتوکې هغه وخت ونښته چې افغان ځواکونو د طالبانو د سپرلۍ په کاروان بريد وکړ.
د ننګرهار د والي ويندوى احمدضيا عبدالزي باخترآژانس ته وويل چې په دې پيښه کې يو وسله وال طالب ووژل شو او درې تنه نوريې ټپيان شول.
دعبدالزي دڅرگندونو له مخې: په دې نښته کې افغان ځواکونو ته زيان نه دى اوښتى .
ويل کيږي پوځيانو له دغې نښتې وروسته د وسله والو طالبانو څو واسطې اوجنګي وسايل ترلاسه کړي دي.

کابل \ باختر د چنګاښ ١٢ : ؛
دهرات د فوټبال دغوره ليګ د تګ د سياليو پنځمه اوونۍ په يوې لوبې سره دوام وکړ .
دهرات د ورزشي آمريت مرستيال ضياالحق ضيا باخترآژانس ته وويل:
په دې لوبه کې د اتحاد غوريان ټيم د صفر په مقابل کې په دريو سره د آريانا ټيم ته ماتې ورکړه.
دغه سيالۍ د اتو غوره ټيمونو ترمنځ  په دغه ولايت کې پيل شوې دي چې په دوام يې نن د استقلال او د اتفاق ټيمونه لوبه کوي.

کابل \ باختر د چنګاښ ١٢ :
په غزني کې د واليبال سيالۍ نن د خاتم النبين د خصوصي لوړو زده کړو دموسسې د معالجوي طب د پوهنځي په اتلوالۍ سره پاي ته ورسيدې.
دغزني ولايت ورزشي آمر پاچا خان ازهر باخترآژانس ته وويل: د دغو سياليو په پاى لوبه کې ددغې موسسې د معالجوي طب او د اقتصاد د پوهنځيو لوبه وکړه چې په نتيجه کې يې لوبه د دوو په مقابل کې په دريو سره ددغه مرکز دمعالجوي طب د پوهنځي د ټيم په ګټه پاى ته ورسيده او دغه ټيم اتل شو او د اقتصاد پوهنځي دويم مقام وګاټه .
دغه سيالۍ له يوې مياشتې را په دې خوا د اسلامي تمدن دپايتخت په توګه دغزني  د انتخاب دجشن له امله د دولسو ټيمونو ترمنځ  په غزني ولايت کې پيل شوې دي.