21 April 2019

RSS Facebook

سوداگریز


تازه خبرونه

په نيمروز کې د مهماتو د يوې ډيپو کشف

په نيمروز کې د مهماتو د يوې ډيپو کشف

کابل/باختر/ د غويي دمياشتې١ نېټه د وسله والو طالبانو د مهماتو...

په تخارکې يو بندي له جېل څخه وتښتید

په تخارکې يو بندي له جېل څخه وتښتید

کابل/باختر/ د غويي دمياشتې١ نېټه يو بندي په تخار ولايت کې...

د نيمروز د شهيدانو او معلولينو آمر ونيول شو

د نيمروز د شهيدانو او معلولينو آمر ونيول شو

کابل/باختر/ د غويي دمياشتې١ نېټه د نيمروز ولايت د شهيدانو او...

Youtube Player

khantry design

سوداگریز

سوداگریز

کابل باختر د وري نهه ويشتمه :
د بغلان پوليسو  څو شيبې مخکې  ديوه ماين  په کشف اوشنډولو سره  چې په پلخمري ښار کې  په يوه کرولا ډوله موټر کې  ځاى پرځاى کړى شوي و ،  ديوې چاودنې مخه ونيوله .
د بغلان ولايت  دامنيې قوماندانۍ وياند احمدجاويد بشارت د باختراژانس سيمه ېيز خبريال ته وويل  چې، دغه ماين  دجلدي ناروغيو دمتخصص ډاکتر غلام سخي کشمي دسپرلۍ په موټر کې ځاى پرځاى کړى شوي و ،  چې د دغې قوماندانۍ دانجنيرۍ ټيم په واسطه کشف او شنډ کړى شو .
  داپه داسې حال کې ده چې نن له غرمې وروسته  دپلخمري ښار په مربوطاتو کې يو ماين وچاوديدچې دسرزيان يې نه دى اړولى .
  ختم_ ف _ اکرم

کابل باختر د وري نهه ويشتمه :
د بدخشان له ولايت څخه دوه تنه ځوانان نن دسولې په مشورتي لويه جرګه کې  دګډون لپاره  انتخاب شول .
  د بدخشان ولايت  د اطلاعاتو اوفرهنګ رياست  د ځوانانو آمر عبدالصمد شيرزادباختراژانس ته وويل چې، دسولې دمشورتي  لويې جرګې  له پريکړې او د دغه ولايت  دمقام له لارښووني سره سم د دغه ولايت  دوه تنه ځوانان فواد احمدي او تهمينه ارين دمسوولانو په وړاندې په ازادو او رڼو انتخاباتو سره د بدخشان ولايت  له اوو تنو مدني فعالانو څخه د سولې په مشورتي  لويه جرګه کې  دګډون لپاره  وروپيژندل شول .
  ختم_ ف _ اکرم

کابل باختر د وري نهه ويشتمه :
کابل ښاروال احمد ذکي  سرفراز  دکابل ښار دپرمختيا دچوکاټ دبرابرولو  او ترتيبولو خبرورکړ.
د باختراژانس د خبرله مخې ، کابل ښاروال احمد ذکي سرفراز چې نن يې  دحکومت درسنيو په مرکز کې دکابل ښاروالۍ  دکلني رپوټ ورکونې په پروګرام کې  خبرې کولې ، وويل  چې په  ١٣٩٧  کال کې  دکابل ښاروالۍ  يوه ستره لاسته راوړنه دکابل ښار دپرمختيا دچوکاټ تدوين او برابرول دي .
  ده زياته کړه  چې، دغه چوکاټ په راتلونکو پنځلسو کلونوکې دکابل ښار  لرليد دى  چې په حقيقت کې  د نورو ماسترپلانونو په دوام دکابل ښار  پنځم ماستر پلان دى .
ذکي د دغه چوکاټ په باب  په تفصيل سره خبرې  وکړې او ويې ويل  چې متخصصينو هڅه کړې ده  چې جزئياتو ته پاملرنه وکړي  او پروګرامونه له اړتياو سره سم  برابر کړي .
ده وويل: هغه کارچې په تېرو وختونو او په نورو  ماسترپلانونوکې  نه وو ترسره شوى له همدې امله يې  تطبيقي اړخ نه درلود .
ده زياته کړه  چې دغه ماسترپلان  په شپږو ټوکو کې  برابر شوى دى  چې په لسګونو لنډ مهالې او اوږدمهالې پروژې پکې شاملې دي او کابل ښار ته ښه تګلورى پرانېزي .
   کابل ښاروال په خپل  کلني رپوټ ورکونه کې  د ترسره شويو فعاليتونو د يادونې تر څنګ وويل  چې کابل ښاروالي  په دې بريالۍ  شوې ده چې  د دولت په بودجې کې څلور مليارده افغانى ورزياتې کړي . چې دغه ارقام  د ښاروالۍ په تاريخ کې   بې ساري دي .
ده دغه راز په تېرمالي کال کې د دغې ادارې دپرمختيايي بودجې د ٩٢ سلنې دلګښت  خبر هم ورکړ .
ختم_ ف _ اکرم

کابل باختر د وري نهه ويشتمه :
د افغانستان د بهرنيو چارو و زير صلاح الدين رباني نن  د قرغز د شهيدانو په رسمي  مراسمو کې ګډون وکړ او د هغوى په مزار يې دګلو ګيډۍ  کېښوده .
  د بهرنيو چارو وزارت د وياند دفتر باختراژانس ته خبرورکړ ،  په دغو مراسمو کې دهېواد دبهرنيو چارو وزير د دې تر څنګ چې د قرغزستان جمهوريت  داپريل دانقلاب  او ١٩١٦ _  ١٩٣٧ کلونو دقربانيانو او دقرغز د مشهور شاعر او ليکوال چنګيز اتيمانتوف پاک روح ته دعا وکړه دهغوى  په ارامګاه يې  دګلو ګيډۍ  کېښودې .
  ختم_ ف _ اکرم

کابل باختر د وري نهه ويشتمه :
د وسله والو طالبانو د ډلې  د دوو تنو  سيمه ېيزو قوماندانانو په ګډون يوولس تنه وسله وال طالبان تېره شپه په فارياب ولايت کې ووژل شول .
د  ٢٠٩ شاهين قول اردو وياند باختراژانس ته وويل  چې دغه طالبان  د فارياب ولايت  د دولت اباد په ولسوالۍ کې  له پوځيانو سره په نښته کې  وژل شوي دي،  چې په وژل شويو کسانو کې  دهغوى دوه تنه سيمه ېيز قوماندانان عمري  او مولوي نعيم  هم شامل دي .
ده زياته کړه،  چې په دې نښته کې  د جوزجان ولايت  د قوشتيپې ولسوالۍ دپوځي مسوول مولوي ظاهر  او مولوي احسان الله په ګډون يوويشت تنه نور طالبان چې له خپلو افرادو سره له تروريستانو سره د مرستې  په خاطر  د دولت اباد ولسوالۍ ته ورغلي و ،  سخت ټپيان شوي دي .
  ويل کېږي  دا دريم ځل دى  چې په دغې ولسوالۍ کې  د طالبانو بريدونه له ماتې سره مخامخ کېږي او طالبانو ته  دسردروند زيان اوړي .
  ختم_ف _ اکرم

کابل باختر د وري نهه ويشتمه :
له جرمونوسره د مبارزې  د پوليسو موظفينو په تېرو ٢٤ ساعتو کې ديارلس تنه غير مسوول  وسله وال کسان  نيولي دي .
  دکورنيو چارو وزارت  د وياند د دفتر سرپرست  نصرت رحيمي  د باختراژانس خبريال ته وويل  چې، له نيول شويو کسانو سره   ٢٤ کلاشينکوفونه، له  نهه سوه  زرو ګوليو سره دوې پيکاګانې،  ١٤ زغره والي تختې ،   ٥٨ دوربينونه ،  ٤٠ مخابرې ، ٣٣ پوځي بوټان،٢٢٠ زغره والي خولې ،  ٧٣٠ پرتلې  او  دتومانچې  ٥٥ شاژورونه دپوليسو لاس ته ورغلي دي .
  دغه عمليات دکورنيوچارو وزارت  ددرندو جرمونوسره د مبارزې د پوليسو  دموظفينو  په واسطه  دکابل ، هلمند ،تخار ، او بغلان په ولايتونو کې ترسره شوي دي.
  ختم- ف _ اکرم

 

کابل باختر د وري نهه ويشتمه :
د حامدکرزي  د نړيوال هوايي ډګر  د سرحدي پوليسو موظفينو نن دوه تنه  سعودي عربستان ته دنشه يي توکو دقاچاقو په تور ونيول .
دکورنيو چارو وزارت د مطبوعاتي دفتر سرپرست نصرت رحيمي د باختراژانس خبريال ته وويل: يوې ښځې او يوه نارينه چې غوښتل يې  د بيت الله شريف  د حج په پلمه  له کابل څخه  دسعودي عربستان جدې ته  سفر وکړي  له اتو کيلوګرامو نشه يي توکو سره چې په ډير مهارت سره د شامپو په بوتلونو ، دکريمو په ډبليو ، صابونونو او يوه اندازه نور يې  په  احرامونو ، ځان پاکوونکو ، جاي نمازونو ، او داغوستنې په نورو لوازمو کې په اوبلن  او جامد ډول  ځاى پرځاى کړي و ، دحامدکرزي  د نړيوال هوايي ډګر د سرحدي پوليسو د موظفينو له خوا  ونيول شول . ختم_ ف _ اکرم

کابل باختر د وري نهه ويشتمه :
په فارياب ولايت کې يوځانمرګي بريدګر  مخکې له دې چې خپلې موخې ورسېږي  د خپلو چاوديدونکو توکو  د چاودنې له امله ووژل شو .
  دکورنيو چارو وزارت د وياند د دفتر سرپرست  نصرت رحيمي باختراژانس ته وويل  چې، ياده پېښه پرون  د فارياب ولايت د قيصار ولسوالۍ د ثور په کلي کې  رامنځته شوې ده .
سرچينه زياتوي، ځانمرګى بريدګر پلان درلود چې دولتي تاسيسات په نښه کړي، خو هدف ته له رسېدو مخکې دخپل ماين دچاودنې له امله ووژل شو . ختم_ف _ اکرم

کابل باختر د وري نهه ويشتمه :
په پنجشير ولايت کې وروستيو سيلاونو  مالي تاوانونه واړول
د دغوسيلاونو له امله د استوګنې درې کورونه  ، دموټرو دتګ راتګ  يو پل ، څو سړکونه ، پلګوټي او د اوبو کانالونه  او څو څاروي د پنجشير ولايت  په اړوندو ولسواليو او  مرکزبازارک کې له منځه تللي دي .
د پنجشير ولايت  له طبيعي پيښو سره د مبارزې مسوول  احمد ضيا يزداني  د باختراژانس سيمه ېيز خبريال ته وويل  چې، د مالي تاوانونو  د تثبيت او جبيره کولو په خاطر  له سروې  وروسته  اقدام کېږي .
  ختم_ ف _ اکرم

کابل باختر د وري نهه ويشتمه :
دبغلان ولايت  په مرکز پلخمري ښار کې نن له غرمې وروسته  چاودنه شوې خو د سرزيان يې  نه دى اړولى .
  د باختراژانس دسيمه ېيز خبريال دخبرله مخې، د بغلان ولايت  د امنيې قوماندانۍ يوې خبرپاڼې  په خپرولو سره د بغلان ولايت  د اطلاعاتو او فرهنګ رياست  د نوي ودانۍ په وړاندې په يوه کرولا ډوله موټر کې د ځاى پرځاى شوي ماين  د چاودنې خبر ورکړ.
په خبرپانه کې ويل شوي دي، چې په دې پيښه کې  چاته زيان نه دى اوښتى خو موټر  په قسمي ډول زيانمن شوى دى .
په روانه اوونۍ کې دا دماين  د چاودني درېيمه پېښه ده چې په پلخمري ښار کې  رامنځته کېږي .
  ختم_ ف _ اکرم

 

Page 8 of 7597