20 August 2019

RSS Facebook

سوداگریز


تازه خبرونه

د طالبانو د سرې قطعې يو قوماندان ووژل شو

کابل/ باختر/ د زمري ۲۹ مه د طالبانو د سرې قطعې...

په ننګرهارکې د نشه يي توکو د يوه پلورونکي نيول کېدل

کابل/ باختر/ د زمري ۲۹ مه يو سړى له لسګونو انډيو...

په غورکې طالبانو درې ملکي وګړي وتښتول

کابل/ باختر/ د زمري ۲۹ مه طالبانو په غورکې درې ملکي...

Youtube Player

khantry design

سوداگریز

سوداگریز

کابل \باختر\ د زمري ٢٧مه
اووه وسله وال مخالفان تېره شپه په غزني کې  ووژل شول.
د ٢٠٣ تندر قول اردو د مطبوعاتي دفتر مسوول ايمل مومند د باختراژانس خبريال ته وويل، چې دغه وسله وال مخالفان دغزني د ده يک ولسوالۍ په مربوطاتو کې په هوايي بريد کې وژل شوي دي.
مومند زياته کړه، چې په هوايي بريد کې اووه نور وسله وال مخالفان هم ټپيان شوي دي .
  ختم_  سعيده _ اکرم


 

کابل \باختر\ د زمري ٢٧مه
د وسله والو طالبانو د يوه سرګروپ په ګډون شپږ وسله وال طالبان تېره شپه په لوګر کې ووژل شول.
د لوګر د امنيې قوماندانۍ وياند شاهپور احمدزي باختراژانس ته وويل، چې دغه وسله وال طالبان د پل علم په مرکز قله سرسنګ سيمه کې  له ملي پوليسو سره په نښته  کې وژل شوي دي.
سرچينه زياتوي چې په وژل شويو کسانو کې د وسله والوطالبانو يوسيمه ييز سرګروپ هم شامل دى.
ختم_ عطاالله _اکرم

کابل \باختر\ د زمري ٢٧مه
د پوځيانو په هغو عملياتو کې چې له دوو ورځو راپدېخوا  د فراه په بالابلوک ولسوالۍ کې  ترسره شوي، پکې درې وسله وال طالبان وژل شوي او څلور نور ټپيان شوي دي.
د فراه د امنيې قوماندانۍ وياند محب الله محب  باختراژانس ته وويل، دغه عمليات  چې د بالابلوک ولسوالۍ په نا امنو سيمو کې ترسره شول پکې درې وسله وال طالبان وژل شوي، څلور نور ټپيان شوي او د دغې ولسوالۍ ټول کلي د وسله والو طالبانو له شتون څخه پاک شوي دي.
هغه زياته کړه، په عملياتو کې د طالبانو څو سنګرونه هم ويجاړ شوي دي او د دوى يوه اندازه جنګي وسايل د افغان ځواکونو لاس ته ورغلي دي.
د يادونې وړ ده چې د تېرې يوې مياشتې په بهير کې  په فراه کې د پوځيانو په ځمکنيو او هوايي عملياتو کې په سلګونو وسله وال طالبان وژل شوي او يوشمېر نور يې ټپيان شوي دي.
ختم _ عطاالله _ اکرم


 

کابل \باختر\ د زمري ٢٧مه
په روزګان کې بهرنيو پوځيانو د وسله والو طالبانو په يو مرکز د توغندى بريد کړى دى.
په لومړنيو رپوټونو کې ويل شوي دي چې په  بريد کې اووه وسله وال طالبان وژل شوي دي.
د هېواد په جنوب کې د ملي اردو يوه جګپوړي قوماندان باختراژانس ته وويل چې په بريد کې د طالبانو يو مرکز هم له ټولو جنګي وسايلو سره له منځه وړل شوى دى.
د طالبانو دغه مرکز د چارچينو ولسوالۍ په هوشي کلي کې موقعيت درلود.
د يو بل خبرله مخې، په روګان کې  د يولړ چاودنو مخه ونيول شوه.
امنيتي مامورينو نن سهار اته ماينونه د روزګان له ګڼ مېشتو لارو څخه کشف اوشنډ کړل.
  ختم_سعيده _ اکرم

کابل \باختر\ د زمري ٢٧مه
د هېواد په ختيځو ولايتونو کونړ او ننګرهار کې  اته وسله وال طالبان ونيول شول.
دغه ډار اچوونکي چې د طالبانو په ډلې پورې اړوند بلل شوي دي په ٢٤ساعتو کې د کونړ اوننګرهار په ځينو برخو کې نيول شوي دي .
د هېواد په ختيځ کې د سيلاب قول اردو وياند محمد هارون يوسفزي باختراژاژنس ته وويل چې نيول شويو کسانو په لومړنيو څيړنو کې اعتراف کړى دى چې په ننګرهار او کونړ کې يې په ډار اچوونکو بريدونو کې برخه لرله .
د يوبل خبرله مخې، درې وسله وال طالبان په ننګرهار او کونړ کې د سولې له بهير سره يوځاى شول.
د سولې له بهير سره يوځاى شويو کسانو په ختيځو ولايتونو کې ډار اچوونکي فعاليتونه ترسره کول.
  ختم_ شکريه _اکرم

کابل \باختر\ د زمري ٢٧مه
د وسله والو طالبانو دوه قوماندانان له شپږ ډار اچوونکو سره په قندهار کې له پوځيانوسره په نښته کې ووژل شول.
دغه جګړه تېره شپه په خاکريز ولسوالۍ  کې هغه وخت رامنځته شوه چې کورنيو او بهرنيو سرتېرو د طالبانو په يو مرکز  له ځمکې او هوا څخه بريدونه وکړل.
د قندهار د رسنيو دفتر د يوې خبرپاڼې په خپرولو سره ويلي چې په نښته کې د دوو قوماندانانو په ګډون ٨ وسله وال طالبان ووژل شول.
هغه وويل چې وسله وال طالبان  د ډار اچوونکو بريدونو په سازمان ورکولو بوخت و چې بريد پرې وشو.
په بريد کې  د طالبانو يو مرکز هم له جنګي وسايلو سره يې له منځه وړل شوي دى.
د يو بل خبرله مخې، په قندهار کې د چاودنو مخه ونيول شوه. 
د قندهار پوليسو نن سهار دولس ماينونه د دغه ولايت په جنوب کې کشف او شنډ کړل.
  ختم_  شکريه _ اکرم

کابل \باختر\ د زمري ٢٧مه
له قندهار څخه پاکستان دوه سوه شپېته ټنه تازه او وچه مېوه صادر شوه.
دغه مېوه د هېواد د خپلواکۍ د بېرته ترلاسه کولو د سلمې کاليزې په مناسبت د سپين بولدک  له لارې پاکستان ته صادر شوه.
د قندهار والي حيات الله حيات باختراژانس ته وويل، چې دغه مېوې د قندهار د بزګرانولاس ته راوړنې وې.
د افغانستان د دوه سوه شپېتو ټنو وچو او تازه مېوو د موټرونو کاروان د هېواد په  بيرغونو پوښل شوي وو چې تېره شپه د سپين بولدک  له سرحد څخه تېر شول.
د افغانستان د چارو ادارې له پانګه والو څخه د ملاتړ رييس عبدالباري بلوڅ  پاکستان ته د قندهار د مېوو د صادرولو په مراسمو کې وويل، چې حکومت هلې ځلې کوي څو افغانستان په سيمه کې په يو صادراتي هېواد بدل کړي.
  ختم _  عطاالله _اکرم

کابل \باختر\ د زمري ٢٧مه
د هېواد په ختيځو ولايتونو کونړ او ننګرهارکې د يولړ چاودنو مخه ونيول شوه .
امنيتي مامورينو نن سهار د کونړ او ننګرهار له ګڼ مېشتو لارو څخه څوارلس ماينونه کشف او شنډ کړي دي.
د هېواد په ختيځ کې د سيلاب قول اردو وياند محمد هارون يوسفزي باختر اژانس ته وويل چې دغه ماينونه د خلکو په همکارۍ کشف اوشنډ شوي دي.
هغه وسله وال طالبان د ماين ښخولو مسوول وبلل.
  ختم_ سعيده _ اکرم

 

کابل \باختر\ د زمري ٢٧مه
په کندز کې د هېواد د خپلواکۍ د سلمې کاليزې په درشل کې فرهنګي پروګرامونه دوام لري.
د باختراژانس د سيمه ييز خبريال د خبرله مخې، په  کندز کې له  څو مياشتو راپدېخوا د هېواد د خپلواکۍ د سلمې کاليزې په مناسبت بېلابېل پروګرامونه پيل شوي چې لا هم دوام لري.
د کندز ملکي او نظامي مسوولينو، د افغانستان د خپلواکۍ د جشن د سلمې کاليزې  د تياري په مقصد يو شمېر کمېسيونونه  جوړ کړي، څو د مدني ټولنو، رسنيو، ديني عالمانو، سپين ږيرو، ځوانانو، ښځو او د دولتي او غير دولتي ادارو سره په همغږۍ  خپل پروګرامونه مخ ته يوسي.
د کندز اوسيدونکي وايي چې دغه ښار د خپلواکۍ د بېرته ترلاسه کولو د سلمې کاليزې په مناسبت د زينتي څراغونو، د غازي امان الله خان په انځورونو، شعارونو او په ملي  بيرغونو  ښکلى شوى دى.
د ښار په شاوخوا، دولتي ادارو او واټونو کې د ښار څېرې بدلون موندلې او د اوسيدونکو پام يې ځان ته اړولى دى.
دوى له وسله والو مخالفينو  څخه غواړي چې له جګړې لاس واخلي او د سولې له بهير سره يوځاى شي څو د هېواد خلک په ډاډمنه فضا کې  خپل کار او ژوند ته دوام ورکړي.
ختم_ شکريه_ اکرم

 

کابل \باختر\ د زمري ٢٧مه
د هېواد د خپلواکى د بېرته ترلاسه کولو د سلمې کاليزې په وياړد سرکس شپږمه جشنواره پرون په باميانو کې ترسره شوه.
د باختر اژانس د سيمه ييز خبريال د خبرله مخې، دغه جشنواره به د سرکس د روزنې، د اطلاعاتو او فرهنګ رياست  په همکارۍ، د باميانو په مرکز او يکاولنګ او د بند امير په ولسواليو کې درې ورځې ترسره شي.
د جشنوارې موخه ورزش ته د ځوانانو او تنکيو ځوانانو هڅونه، له نشه يي توکو لرې والى، د پوليو د واکسين ګټې او له چاپيريال څخه د پلاستيک راټولول بلل شوې ده.
د باميانو د سرکس مسوول اسد الله خاکسار وويل: موږ هر کال په باميانو کې يو جشن لرو.
خو په روان کال کې دغه پروګرامونه د باميانو په مرکز، لرې کليو او ولسواليو کې هم ترسره شول څو د کليو ماشومان هم د سرکس لوبه وګوري.
  ختم_ سعيده _ اکرم

Page 8 of 7974