16 February 2019

RSS Facebook

سوداگریز


تازه خبرونه

اووه تنه وسله وال طالبان په فارياب کې دسولې له بهيرسره  يوځاى شول .

اووه تنه وسله وال طالبان په فارياب کې دسولې له بهيرسره يوځاى شول .

کابل باختر دسلواغې شپږ ويشتمه : اووه تنه وسله و ال...

استاد دانش :  امارتي، عبوري اولنډ مهال حکومتونه  صفر نفطې  ته ستنيدل دي .

استاد دانش : امارتي، عبوري اولنډ مهال حکومتونه صفر نفطې ته ستنيدل دي .

کابل باختر دسلواغې شپږ ويشتمه : دافغانستان داسلامي جمهوريت دويم مرستيال...

جمهوررئیس غني د ترکیې د دفاع وزیر خپل حضور ته ومانه

جمهوررئیس غني د ترکیې د دفاع وزیر خپل حضور ته ومانه

کابل باختر دسلواغې شپږ ويشتمه : د افغانستان د اسلامي جمهوریت...

Youtube Player

khantry design

سوداگریز

سوداگریز

کابل باختر د سلواغې څليرويشتمه :
دامنيتي او دفاعي ځواکونو په عملياتو کې پرون  دهېواد په بېلابېلو سيمو کې  ٢٤ تنه ډار اچوونکي ووژل شول او څه ناڅه شل تنه نور ټپيان شول .
دملي دفاع وزارت مطبوعاتي دفتر باختراژانس ته خبرورکړ دغه عمليات دهوايي قواوو  په ملاتړ ، دکاپيسا ، پروان ، لغمان ، غزني ، قندهار ، سرپل ، بلخ ، جوزجان ، تخار او دهلمند  په ولايتونوکې درامنځته شويو ګواښونو دلرې کولو په خاطر ترسره شوي دي .
  ختم_ عطاالله _ اکرم

 

کابل باختر د سلواغې څليرويشتمه :
اووه تنه  وسله وال طالبان  پرون په فارياب  ولايت کې ووژل شول .
د ٢٠٩ شاهين قول اردووياند جګړن محمد حنيف رضايي دباختراژانس خبريال ته وويل چې دغه وسله وال طالبان دفارياب ولايت د دولت اباد اوقيصار په ولسواليو کې  په امنيتي منسوبانو  سره په نښته کې ووژل شول .
ده زياته کړه چې په دې نښته کې څلور تنه  نور وسله وال طالبان ټپيان شول .
  ختم_ عطاالله _ اکرم

کابل باختر د سلواغې څليرويشتمه :
د افغانستان داسلامي جمهوريت جمهور رييس محمد اشرف غني وړمه ورځ دسولې په اړوند دبشپړې ملي اجماع دسولې په لومړى ملي مشورتي غونډه کې دمشورتي لوى جرګې دجوړولو لارښوونه وکړه .
  دباختراژانس خبريال ليکي ،  جمهور رييس له طالبانو سره دسولې د خبرو دراتلونکې په نسبت  دخلکو دانديښنو  دپاى ته رسولو او دافغانستان په سياسي او ټولنيز ژوندانه  کې دمشورو او جرګو درول په خاطر دافغانستان دسولې دعالي شورا ددارلانشا  رييس محمد عمر داود زي ته لارښوونه وکړه چې دروان کال  دکب په مياشت کې دهېواد له ګوټ ګوټ  څخه دټولنې  دټولو قشرونو داستازو  په شتون ملي مشورتي جرګه جوړه کړي او په هغې کې  دسولې دبهير دنه معاملې وړ ارزښتونو او نرمښتونو په باب خبرې وشي .
دافغانستان داسلامي جمهوريت جمهور رييس داساسي قانون  ديوسلو  لسمې مادې پربنسټ  چې دافغانستان خلکو دارادې دډير لوړ څرګندوى  په لويه جرګه کې تسجيل شوى دى دغه تصميم نيولى دى په همدې دليل   جمهور رييس غواړي ددغه  شان  سترې جرګې په جوړولو سره دسولې په اړوند بشپړه ملي اجماع رامنځته کړي  او په دې ملي بهير کې دنظرونو دزياتوالي چې له ترديد پرته دخلکو له ملي ګټو  سره  په تضاد کې دي مخه ونيسي .
تريوه چتر لاندې دسولې په خاطر داستازو راټوليدل  به په پاى کې  واحده غوښتنه او غږ په ځان پسې ولري .
  ختم_ ف _ اکرم

 

کابل باختر د سلواغې څليرويشتمه :
دانتخاباتو دقانون دتعديل طرحه  دسياسي ګوندونو ، دانتخاباتي څارونکو د بنسټونو ،دمدني ټولنې دبنسټونو داستازو او دجمهوري رياست دانتخاباتو له نوماندانو سره دحکومت داستازو دمشورتي غونډې په څلورمه ورځ تاييد شوه
دانتخاباتو دقانون دتعديل طرحه دجمهوري رياست ددويم مرستيال محمدسرور دانش په مشرۍ غونډه کې  له څلورو ورځو خبرو اترو وروسته ددغې مشورتي غونډې دبرخه والو له خوا تاييد شوه .
ددغې غونډې برخه والو دانتخاباتو دقانون دتعديل دمهمو موادو په باره کې چې په انتخاباتي کميسيونونوکې دغړيتوب شرطونه  دانتخاباتي دکميسيونونو  دمرستيالانورييسانو  او غړو او ددارالانشا  درييسانو دټاکنې څرنګوالي  ددغو کميسيونونو ددايمي او لنډ مهالو کارکوونکو دندې ، واکونه او استخدام ، دولسواليو او کليو دشوراګانو دنوماندانو شرطونه ، ددغو شوراګانو لپاره دڅوکيو ټاکنه ،  انتخاباتي اعتراضونو او شکايتونو ته درسيده ګې  څرنګوالى او درايو دابتال موارد رانغالي  چې په دې غونډه کې په دغو مسئلو خبرې او موافقه وشوه ، برخه والو دخپلې غونډې په څلورمه ورځ درايو په اتفاق دانتخاباتو دقانون دتعديل طرحه تاييد کړه او موافقه يې وکړه  چې  دغه طرحه  دې  د وروستيو پړاونو دتيرولوپه مقصد دملي وحدت دحکومت کابينې ته وړاندې شي .
دافغانستان داسلامي جمهوريت جمهور رييس محمد اشرف غني ، په دې وروستيو وختو کې هغه توشيح کړه .
دغه طرحه پخوا دجمهور رييس ددويم مرستيال استاد سروردانش په مشرۍ په ګډو غونډو کې دسياسي ګوندونو ، دجمهوري رياست دنوماندانواو په انتخاباتو پورې داړوندو مدني  بنسټونو له لوري درايو په اتفاق تاييد شوې وه .
داپه داسې حال کې ده چې دانتخاباتو خپلواک کميسيون  په دې وروستيو وختو کې ديوې مطبوعاتي اعلاميې په خپرولو سره ليکلي دي  په اوسنيو نازکو شيبو کې چې دجمهوري رياست دانتخاباتو دنوماندانو نوم ليکنې  دوره تيره شوې ده او کميسيون په عمل کې دنوماندانو لومړنۍ فهرست خپور کړى دى اوانتخاباتي عملياتو ته يې وردانګلي دي په تيره بيا داچې دملي وحدت دحکومت جمهور رييس او اجراييه رييس هم دنوماندانو له جملې څخه دي او په لومړني فهرست  کې شامل دي په اوسنيو نازکو شرايطو کې دملي وحدت دحکومت له لوري دانتخاباتو په قانون کې دتعديلونو رامنځته کول به دراتلوونکوانتخاباتو په بهير کې  له لاسوهنې پرته بل هدف تعقيب نه کړي چې دا کار دهېواد دراتلوونکې لپاره ډير خطرناک  دي او زياتره انتخاباتي شخړې به چې په همدې سبب رامنځته  شي  هېوادبه له بحران سره مخامخ کړي .
انتخاباتي کارپو صالحي وايي: دانتخاباتو دقانون دتعديل طرحه چې  دسياسي ګوندونو دجمهوري رياست دانتخاباتو له نوماندانو  دمدني بنسټونو له استازو او په انتخاباتو پورې اړوند دانتخاباتي اوحقوقي څارونکو سره په غونډه کې تصويب شوې ده کيداى شي له څو اړخونو دحکومت له خوا دمنلو وړ اويو غوره کار دي .
صالحي وايي  له سياسي پلوه  دحکومت اودانتخاباتي  کميسيونونو له لاسه وتلي اعتماد بيا احيا کوي او له حقوقي پلوه د ښې او عادلانه قانونمندى په لاره کې يو اوچت ګام بلل کيداى شي .
په تيره بيا کله چې ددغه تعديل پربنسټ دپورتنيو کميسيونونو داوسنيو  کميشنرانو اورييسانوپرځاى دنويو کميشنرانو ځاى پرځاى کيدل طرحه کېږي دانتخاباتو دپروسې  په اړوند داعتماد جوړولو په برخه کې يو ارزښتناک او ګټور ګام ګڼل کېږي .
دافغانستان داسلامي جمعيت ګوند دمشرتابه شورا غړي نور الرحمن  اخلاقي دباختراژانس له خبريال سره په اړيکه کې دانتخاباتو دقانون دتعديل دطرحې اوددغې طرحې دهرکلي په اړوند وويل د انتخاباتو دقانون په نوي تعديلونو کې دسياسي ګوندونو او دمدني  ټولنې له خوا ددواړو کميسيونونو دکميشنرانواو دارالانشا درييسانو وړانديز او دجمهوري رياست دنوماندانو په رايو دهغوى ټاکنه ، دراى ورکونې په ورځ دراى ورکوونکو دنومونو دبيا ثبت او تشخيص په پړاو کې دبايو متريک له تکنالوژى څخه بشپړه  ګټه اخستنه ، په بريښنايي راى ورکونه او درايو په شميرنه کې  له اړوندې تکنالوژى  څخه ګټه اخستنه د ام -دي ار دسيستم پربنسټ دراتلوونکو  انتخاباتو ترسره کول او په انتخاباتو کې دبنسټيزو اصلاحاتو په تګلوري کې ديادونې وړ پرمخحتګ شامل دى .  هغو ټولو کسانو ته چې په دې اړوند يې هڅې کړي دي او دافغانستان خلکو ته چې ټول په يو ډول نه يو ډول  دتقلب  قرباني دي ددغو اصلاحاتو له امله مبارکي وايو . دپوهنې استاد او دحقوقو کارپوه مولوي کرامت الله صديق ددغې طرحې  په اړوند وايي  دانتخاباتو دقانون دتعديل دبهير له اصل سره موافقه لرو خو دانتخاباتي کميسيونونو دکيمشنرانو په ټاکنه کې دارګ او سپيدار له نفوذ او دهغوى په کاري بهير کې  له لاسوهنې  سره مخالف يو انتخابات ددموکراسي او ولسواکۍ لومړى  مولفه ده په هغو کې شفافيت  دسياسي نظام او دملي او سيمه ئيزې شورا تضمينوونکى دى .
  ختم- عطاالله _ اکرم

کابل/ باختر /  دسلواغې دمياشتې ٢٣نيټه
پنځه تنه وسله وال طالبان پرون په تخار کې د هوايي ځواکونو په عملياتوکې ووژل شول .
د تخار ولايت يوه امنيتي خبرځاى د باختر آژانس خبريال ته وويل چې دغه عمليات د وسله والو طالبانو له شتون څخه د تخار ولايت د دشت قلعه ولسوالۍ د پاکولو په مقصد ترسره شول چې له امله يې پنځه تنه وسله وال طالبان ووژل شول او اووه تنه نوریې ټپيان شول.
پاى\ذکرالله

کابل / باختر / د سلواغې د مياشتې ۲۳مه
د افغانستان د اسلامي جمهوریت جمهوررئیس محمداشرف غني نن له غرمې وروسته د فضیلت‌مآب حضرت صبغت‌الله مجددي د غمشریکۍ په موخه، د مرحوم کور ته لاړ او د هغه جنازې ته یې درناوی وکړ.
د جمهور رییس د ویاند دفتر باختر آژانس ته خبر ورکړ:
جمهوررئیس غني د مرحوم روح ته دعا وکړه او وې ویل، حضرت مجددي خلکو ته نېکې خاطرې د یادګار په ډول پرېښي دي.
د هېواد جمهوررئیس د هېواد په خپلواکۍ کې د حضرت مجددي فعال رول ته په اشارې وویل، مرحوم حضرت صبغت الله مجددي په دې وروستیو ۱۸ کلونو کې په ټولنه کې د یوه مصلح شخص په توګه عمل کړی او اساسي قانون چې زموږ ملي وثیقه ده، د نوموړي د مدیریت یادګار دی.
جمهوررئیس وویل، مرحوم حضرت صبغت الله مجددي مسایل او شخړې په تواضع او متانت سره حل او فصل کولې او ټول خلک د نوموړي په غم کې ځان شریک بولي.
جمهوررئیس غني څرګنده کړه، مرحوم تل د هېواد د دفاع په لومړۍ کرښه کې قرار درلود او حکومت د نوموړي د جنازې او خاورو ته د سپارلو لپاره ټول لازم تدابیر نیولي.#
پای – ذ

کابل/ باختر/ دسلواغې دمياشتې ٢٣نيټه
د اطلاعاتو او فرهنګ وزارت د ځوانانو  چارو معينيت نن په دولتي ادارو کې د ځوانانو د کميټو د جوړولو په مقصد د دولتي ادارو د ځوانانو د کميټو دغړو د نظر غوښتنې په نامه غونډه جوړه کړه .
په دې غونډه کې د اطلاعاتو اوفرهنګ وزارت د ځوانانو چارو معين ډاکترکمال سادات څرګنده کړه چې په دولتي ادارو کې د دغو کمېټو جوړول کولاى شي په دولتي ادارو کې د ځوانو کارکوونکو ستونزې وڅيړي.
ده ټينګار وکړ چې د دغو کمېټو په جوړولو سره کولاى شو د ځینو روغتيايي، تحصيلي او نورو ستونزو د حل کولو ترڅنګ، ملي او پوه ځوانان وپېژنو او د هغوى د ټولنيز ځاى هڅونې او ودې ته پاملرنه وکړو.
ډاکتر سادات دغه راز له ځوانانو څخه وغوښتل چې په ادارو کې له مراجعينو سره  ښه چلند او د ښو خدمتونو په وړاندې کولو کې زياتې هلې ځلې وکړي.
د دغې غونډې په دوام د دغه معينيت يوشمېر نورو مسوولينو هم خبرې وکړې او د ځوانانو چارو معينيت د ١٣٩٧ کال د ترسره شويو فعاليتونو په باب يې معلومات وړاندې کړل او وروسته د غونډې برخه والو د ځوانانو د کمېټو د جوړولو د څرنګوالي په باب خپلې نظريې شريکې کړې.
پاى \ج\ ذ

- کابل/ باختر/  دسلواغې دمياشتې ٢٣نيټه :
د نوروز د ملي جشن د مالي او اداري کميټې غونډه نن د اطلاعاتو اوفرهنګ وزارت  د فرهنګ اوهنر د معين پوهاند محمد رسول باوري په مشرۍ جوړه شوه.
په دې غونډه کې چې د نوروز د ملي جشن د کميسيون د پروګرامونو اوعمومي فعاليتونو د طرحه کولو، د نورو جشن د جوړولو د لګښتونو، د هېواد په ولايتونو او ولسواليو کې د فرهنګي او تفريحي غونډو د جوړولو، د پيشهادونو د وړاندې کولو او دغه راز د راتلوونکي غونډې د نيټې د ټاکنې په باب خبرې اترې وشوې.
د اطلاعاتو او فرهنګ وزارت د فرهنګ او هنر معين پوهاند باوري د دغو مواردو په باب له خبرو وروسته د اړوندو ادارو له استازو څخه وغوښتل چې د هېواد په مرکز او ولايتونو کې د نوروز جشن د جوړولو د څرنګوالې په باب خپلې نظريې او طرحې راتلوونکې غونډې ته چې ټاکل شوې ده د راتلوونکې اوونۍ د سه شنبې په ورځ  جوړه شي، وړاندې کړي چې د لګښتونو، د فعاليتونو د تشخيص او له څرنګوالي او د نوروز جشن د جوړولو د سيمو له ټاکنې وروسته عملي تصميمونه ونيول شي.
پاى\ج\ ذ

 

کابل/ باختر/ دسلواغې دمياشتې ٢٣مه
د اطلاعاتو او فرهنګ وزارت سرپرستې حسينې ساپۍ نن د ماليې وزارت د تصديو له لوى رييس سره وکتل .
د باختر آژانس د خبريال د خبرله مخې: په دې کتنه کې په داسې حال کې د اطلاعاتو او فرهنګ وزارت د افغانتور، هوټلونو او د آزادۍ مطبعو رييسانو هم حاضر وو؛ په خپل وخت د شرکتونو د قانون د تعقيبولو او د نمونوي اساسنامې له مخې په دولتي شرکتونو د تصديو د حقوقي شخصيت د بدلون په باب خبرې اترې وشوې.
دغه راز د ماليې وزارت د تصديو او شرکتونو لوى رييس شفيق الله شهراني د دغه قانون په باب معلومات ورکړل او ويې ويل چې د دغه قانون په تطبيقولو سره به ټولې دولتي تصدۍ او شرکتونه د ماليې وزارت د دولتي شرکتونو د لوی رياست تر واحد چتر لاندې فعاليت وکړي.
دغه راز د اطلاعاتو او فرهنګ وزارت سرپرستې حسينې ساپۍ د دغه قانون د تطبيقولو په لاره کې، د اطلاعاتو او فرهنګ وزارت همکاري څرګنده کړه.
د ماليې وزارت د دولتي شرکتونو او تصديو د لوى رياست د شرکت د تحقيق لوى  مدير نويد ميرزايي وويل چې اوس د هېواد په کچه ٣٦ دولتي تصدۍ او ١٦ دولتي شرکتونه فعاليت کوي .
پاى \ج \ ذ

کابل/ باختر/ دسلواغې دمياشتې ٢٣نيټه
په تخار ولايت کې پر يوشمېر پوځي او ملکي تاسيساتو د تروريستي بريدونو مخه ونيول شوه.
د ملي امنيت ځواکونو د وسله والو طالبانو د ډلې يوه اته کسيزه شبکه چې ددغو بريدونو د سازمان ورکولو اوترسره کولو نيت درلود، ونيوله.
په نيول شويوکسانو کې دوسله والو طالبانو سيمه ييز قوماندانان او ځانمرګي يرغلګر شامل دي.
د تخار ولايت يوه امنيتي خبرځاى باخترآژانس ته وويل چې دوسله والو طالبانو  دډلې دغه اته تنه غړي دملي امنيت دځواکونو دځانګړو عملياتو په بهيرکې ونيول شول .
ده وويل: دغه شبکه د تخار ولايت په مرکز تالقانو ښارکې په ملکي او پوځي تاسيساتو د بريدونو نيت درلود.
نيول شويو کسانو په لومړنيو تحقيقاتو کې د وسله والوطالبانو په ډله کې په خپل غړيتوب او په تخار کې پر يوشمېر پوځي اوملکي تاسيساتو په بريدونو اعتراف کړى دى.    
پاى \ ج\ ذ

Page 8 of 7380