24 June 2019

RSS Facebook

سوداگریز


تازه خبرونه

په سمنګانو کې لومړنى خصوصي  ټلويويزن په  خپرونو پيل وکړ

په سمنګانو کې لومړنى خصوصي ټلويويزن په خپرونو پيل وکړ

کابل/باختر/ دچنګاښ ٣مه : د رستم په نامه لومړني خصوصي ټلويزيون...

دکابل پوليسو دوژنې يو تورن ونيوه

دکابل پوليسو دوژنې يو تورن ونيوه

کابل/باختر/ دچنګاښ ٣مه : پوليسو دجنايي جرمونوپه اړوند درې تورن په...

په فراه کې ددريو ډاراچوونکو وژل  کېدل

په فراه کې ددريو ډاراچوونکو وژل کېدل

فراه /باختر/ دچنګاښ ٣مه : دفراه مسوولين وايي ؛ په بکوا...

Youtube Player

khantry design

سوداگریز

سوداگریز

کابل/باختر/ د چنګاښ لومړۍ
د کندز لپاره د طالبانو يو قاضي او د محکمو مسوول په دغه ولايت کې ونيول شول.
د ٢١٧ پامير قول اردو وياند غلام حضرت کريمي باختر آژانس ته وويل چې د کندز لپاره د طالبانو قاضي مولوي عزت الله او د محکمو مسوول مولوي عبدالرزاق تېره شپه د دغه ولايت د ګل تيپې  ولسوالۍ په مربوطاتو کې د ملي اردو د ځانګړو قطعاتو په عملياتوکې ونيول شول.
کريمي زياته کړه چې مولوي عزت الله د ځانمرګو يرغلګرو په روزنه کې فعال رول درلود.
  ختم- شکريه- اکرم


 

کابل/باختر/ د چنګاښ لومړۍ
هوايي ځواکونو په غورکې د طالبانو پر څو مرکزونو او پټنځايونو بريدونه وکړل.
د خبرونو له مخې: په بريدونوکې ١٨ ډار اچوونکي ووژل شول او په لسګونو نور يې ټپيان شول.
دغه راز په بريدونوکې د طالبانو څو مرکزونه او پټنځايونه له جنګي وسايلو سره يې ويجاړ شول.
دا په داسې حال کې ده چې په غور کې د طالبانو شتون او فعاليتونه زيات شوي او د خلکو ترمنځ د ډار او وحشت د رامنځته کولو سبب شوي دي.
  ختم- شکريه-اکرم

کابل/باختر/ د چنګاښ لومړۍ
د هېواد د کرکټ ملي ټيم نن د داسي هېواد له ټيم سره سيالي کوي چې په دې ورزش  کې ٨٧ کاله سابقه لري.
د هند له ملي ټيم سره د هېواد د ټيم لوبه چې د مقايسې وړ نه ده، په زړه پورې لوبه ده.
د باختر آژانس خبريال ليکي: ټول په دې پوهيږي چې د کرکټ ورزش په افغانستان کې اوږده سابقه نلري او د هېواد د کرکټ ورزشکارانو څو کلنه لاره په داسې چټکيا سره ووهله چې په نړۍ کې يې سارى نشته.
په افغانستان کې د کرکټ ورزش د لنډ مهالې ادارې له جوړيدو وروسته رواج شو او له هغه وخت څخه تر اوسه پورې د هېواد د ملي ټيم ورزشکارانو په سيمه ييزو او نړيوالو سياليو کې داسې وځليدل چې په سيمه او نړۍ کې د حيرانتيا سبب شول.
په بهرنيو کلپونوکې نن د افغانستان ورزش د غوره څېرو شتون او د افغان ورزشکارانو له خوا د نړۍ د غوره لوبغاړو د لقب ترلاسه کول، د هغه قوت او ځواکمنتيا ښکارندوى دى چې د افغانستان کرکټ د ملي ټيم ورزشکارانو نندارې ته وړاندې کړى دى.
په هر صورت د هند د کرکټ ملي ټيم له نن څخه ٨٧ کاله مخکې رامنځته شو.
دغه ټيم له ١٩٧٠ کال وروسته په پرمختګ او ځليدو پيل وکړ او نن زموږ دهېواد  دکرکټ له ملي ټيم سره سيالي کوي.
د دغې لوبې نتيجه که هرڅه وي، افغانانو ته د منلو وړ ده. ځکه ټول پوهيږي چې زموږ د کرکټ د ملي ټيم ورزشکاران د نړۍ د کرکټ د يوه ډېر پياوړي ټيم په وړاندې چې څو ځل يې د کرکټ نړيواله اتلولي ګټلې ده، ډګر ته ځي او سيالي کوي.
پاى  \ج\ ذ

کابل/باختر/ د چنګاښ لومړۍ
د ننګرهار د اچين ولسوالۍ لپاره د وسله والو طالبانو نومول شوى ولسوال له ملګري سره يې د خپل بم په چاودنه کې امله ووژل شو.
ملا آصف حيدري پرون ناوخته څو بمونه نامعلوم ځاى ته لېږدول چې يو بم وچاوديد او دى او د هغه يو ملګرى يې ووژل.
د ننګرهار د والي وياند عطاالله الله خوږياڼي له باختر آژانس سره په اړيکه کې دغه خبر تاييد کړ.
هغه وويل: د اچين لپاره د وسله والو طالبانو نومول شوى ولسوال آصف  حيدري په ننګرهارکې د لسګونو ډار اچوونکو پېښو عامل و.    
پاى \ج\ ذ

کابل/باختر/ د چنګاښ لومړۍ
امنيتي ځواکونو نن سهار د کونړ، ننګرهار، لغمان او نورستان له ګڼ مېشتو لارو څخه  ١٨ ماينونه کشف او شنډ کړل.
د هېواد په ختيځ کې سيلاب قول اردو باختر آژانس ته د يوې خبرپاڼې په استولو سره ليکلي دي چې دغه ماينونه د خلکو په همکارۍ کشف او شنډ کړاى شول.
د هېواد په ختيځ کې پوځي خبرځايونه وسله وال طالبان د ماينونو د ښخولو عامل بولي.
پاى \ج \ذ

کابل/باختر/ د چنګاښ لومړۍ
شپږ وسله وال طالبان په روزګان کې له پوځيانو سره په جګړه کې                ووژل شول. 
جګره تېره شپه په چارچينو ولسوالۍ کې هغه وخت ونښته چې پوځيانو د وسله والوطالبانو پر پټنځي بريد وکړ.
د هېواد په جنوب کې د ملي اردو يوه جګپوړي قوماندان باختر آژانس ته وويل چې د پوځيانو په بريد کې شپږ وسله وال طالبان وژل شوي دي.
هغه وويل چې دغه وسله وال طالبان په خپل پټنځي کې د يو لړ ډار اچوونکو بريدونو د ترسره کولو پلان جوړاوه چې بريد پرې وشو.
په جګړه کې پوځيانو او ملکي وګړو د سر زيان نه دى اوښتى.
پاى \ ذ

کابل/باختر/ د چنګاښ لومړۍ
په قندهارکې په نويو جګړو کې ١١ ډار اچوونکي ووژل شول او ٨ نوريې ټپيان شول.
پر دغو وسله والو طالبانو تېره شپه او نن سهار د دغه ولايت په مربوطاتوکې بريدونه وشول.
د هېواد په جنوب کې د اتل قول اردو يوه جګپوړي قوماندان باختر آژانس ته ويل  چې په بريدونوکې ١١ وسله وال طالبان ووژل شول او ٨ نوريې ټپيان شول.
ده وويل: دغه وسله وال طالبان په ډار اچوونکو فعاليتونو بوخت وو چې بريدونه  پرې وشول.
پاى \ج\ذ      

کابل/باختر/ د چنګاښ لومړۍ
د وسله والو طالبانو د چاوديدونکو توکو يو ډيپو د هېواد په ختيځ کې کشف شو.
دغه ډيپو د ننګرهار په مومنددرې ولسوالۍ کې د وسله والو طالبانو په يوه پټنځې کې ساتل کېده.
د ننګرهار د والي وياند عطاالله خوږياڼي باختر آژانس ته وويل چې له ډيپو څخه ٥٠ کيلو ګرامه چاوديدونکي توکي ترلاسه شوي دي.
هغه وويل: ټاکل شوې وه وسله وال طالبان له دغو چاوديدونکو توکو څخه بمونه، ماينونه او ځانمرګي واسکټونه جوړ کړي.
د ډيپو د ساتلو په اړوند څوک نه دي نيول شوي.
پاى \ ذ

کابل/باختر/ د چنګاښ لومړۍ
د پکتیکا په یحیی خېلو ولسوالۍ کې د پولیسو او وسله والو طالبانو ترمنځ نښته کې دواړو لورو ته مرګ ژوبله اوښتې ده.
د پکتیکا د امنیې قوماندانۍ ویاند شاه محمد آرین د باختر آژانس سیمه يیز خبریال ته وویل چې تېره شپه په یحیی خېلو ولسوالۍ پورې اړوند ګلووالو کلي کې، د برملې ولسوالۍ امنیه قوماندان محمد ایوب تندر کور ته د تګ پرمهال د وسله والو طالبانو له غلچکي برید سره مخ شو.
آرین وویل: په نښته کې چې درې ساعته یې دوام وکړ، درې وسله وال طالبان وژل شوي او درې نور یې سخت ټپیان شوي دي.
په نښته کې امنیه قوماندان له کلک مقاومت وروسته شهيد شو او درې نور ساتونکي یې ټپیان شول.
آرین زیاته کړه: تندر شاوخوا دولس کاله د هېواد د ساتنې لپاره قربانۍ ورکړې او په سختو شرایطو کې یې د نظام ملاتړ کړی او د دښمن په وړاندې لکه غر ولاړ و چې په پای کې د ګران هېواد افغانستان په مينه یې ځان قربان کړ.
د یادونې وړ ده چې په وروستیوکې د وسله والو طالبانو د مرګ ژوبلې شمېر لوړ شوی او کړۍ پرې تنګې شوې دي.
پای/وصال

کابل/باختر/ د چنګاښ لومړۍ
افغان ځواکونو د کونړ د نورګل ولسوالۍ په مزار دره کې عمليات ترسره کړل او پنځه داعشیان یې ووژل او ۱۴ نور یې ونیول.
د کونړ والي عبدالستار ميرزاکوال د باختر آژانس سیمه يیز خبریال ته وويل: یاد عملیات ګډو ځواکونو وړمه شپه د نورګل ولسوالۍ د مزار درې په کرچندو کې ترسره کړل.
والي وايي: په عملياتوکې د داعش پنځه مشران وژل شوي او د يو شمېر بهرنيو اتباعو په ګډون ۱۴ تنه يې نیول شوي دي.
دی وايي: افغان ځواکونو په سيمه کې د داعش د وسلو او مهماتو يو ډيپو هم ترلاسه کړى دى.
ویل کېږي په عملیاتوکې افغان ځواکونو او ملکي وګړو ته زیان نه دی اوښتی.
پای/وصال

 

Page 8 of 7793