18 March 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

باختر- ميدان ښار  د کب۱۴ مه
د ميدان وردګو او غزني ولايتونو اوسېدونکي د سلطان بند د بيارغولو غوښتونکي شول.
په هغې غونډه کې چې پرون په همدې اړه د ميدان وردګو په ولايت کې جوړه شوې وه، د غزني د ولايتي شورا رييس عزيزالله وويل: سلطان بند د۳۰۰ زره متره مربع مساحت سره د غزنوي په ولايت کې موقعيت لري.
ده زياته کړه چې څو کاله وړاندې څه له پاسه ۵۰ زرو کورنيو ددې بند له اوبو نه ګټه اخيسته او ۱۵ زره هکتاره کرنيزه ځمکه پرې خړوبېده، خو د کورنيو جګړو په مهال دغه بند ويجاړ شوی او د استفادې وړ نه دی.
په دې غونډه کې د ميدان وردګو والي عبدالمجيد خوږياڼي وويل: چې د ميدان وردګو او غزني د خلکو اقتصادي حالت دومره ښه نه دی، چې د دې بند په رغولو سره به ددغو ولايتونو اقتصادي حالت ښه شي.
د غونډې ګډون کوونکو له مسئولو چارواکو وغوښتل، چې د سلطان بند بيارغونې ته جدي پام واړوي.
 

کابل- باختر دکب څوارلسمه :
په خوست ولايت کې دچاودنې له امله  پنځه تنه ټپيان شول .
ويل کېږي دغه چاودنه دخوست  ښار سپين جومات ته څيرمه دپوليسو دموټر دتيريدو په وخت کې  وشوه او له امله يې څلور تنه پوليسان او يوملکي وګړي ټپيان شول .
دخوست ولايت دعامې روغتيا رييس مير پاچا احمدزي باختراژانس ته وويل ټپيان دخوست ښار په روغتون کې تر درملنې لاندې دي
تراوسه ددغه ولايت دپوليسو مقاماتو په دې باب نظر نه دى څرګند کړي .
 

کابل- باختر دکب څوارلسمه :
دجمهوري رياست  لومړۍ مرستيال مارشال محمد قسيم  فهيم نن له غرمې وروسته دخپل کار په دفتر کې په کابل کې  دکاناډا له نوى سفير ښاغلى ګلن وي ديودسن  سره دپيژند ګلوي کتنه وکړه .
دجمهوري رياست مطبوعاتي دفتر باختراژانس ته خبر ورکړ په دې کتنه کې دجمهوري رياست  لومړۍ مرستيال په افغانستان کې دحالت  دښه والې لپاره په دغه هيواد کې دنړيوالې ټولنې دهمکاري ديادونې په ترڅ کې ، کاناډا دافغانستان له دوستو هيوادونوڅخه وبلله  چې زموږ په هيواد کې دنظام جوړولو په نوى دوره کې رول ډير ښه اوارزښتناک  دي .
  دجمهوري رياست  لومړۍ مرستيال دغه راز زياته کړه  چې دافغانستان  خلک سولې او امنيت ته اړتيا لري او دافغانستان داسلامي جمهوريت دولت دغه ارمان ته درسيدو لپاره لازمې هلې ځلې کوي .
په کابل کې دکاناډا نوى سفير ګلن وي ديودسن وويل :چې هيواد يې دافغانستان له خلکو سره همکاري ته دوام ورکوي .
 

کابل- باختر دکب څوارلسمه :
په افغانستانکې دځانمرګو بريدونودجايز بللو په باب دپاکستان دعالمانودشورا درييس دوروستيو څرګندونوپه اړوند دافغانستان داسلامي جمهوريت دملي شورا دمشرانوجرګي اعلاميه ؛
د ١٣٩١ کال دکب دمياشتي څوارلسمه .
  دافغانستان داسلامي نجمهوريت  دملي شورا دمشرانوجرګه په افغانستان اوکشمير کې دځانمرګو بريدونو دجايز بللو په باب دپاکستان  دعالمانو شورا درييس طاهر اشرفي وروستۍ څرګندونې په کلکه غندي او هغه دپاکستان داستخباراتو ددستګاه دښمنانه نيتونه بولي چې آن دافغانستان دبې ګناه خلکو دوينې دچاري کېدو لپاره په قرآني    حکمونو  او نصوصو سترګي پټوي او په دغه شان پيغامونو سره غواړي چې افغانستان په اسلامي خاوره کې دوژنې او وينې تويولو اور لاپسي بل کړي .
دملي شورا دمشرانوجرګه  دځانمرګو بريدونو دناروا بللو په باب دسعودي عربستان د مفتي اعظم شيخ عبدالعزيز او دمصر دمفتي اعظم فتوا او هم دهيواد دجيد عالم او دمقدس جهاد دمشر استادعبدالرب رسول سياف او دنورو درنو عالمانو  چلنج چې دځانمرګې بريد دناوړه عمل په اجرا کولو کې هيڅ شرعي دلايل شتون نه لري تاييدوي او په حرام والې  باندې يې هم په افغانستان او هم په پاکستان او کشمير کې ټينګار کوي په پاکستان کې دتروريستي حرکاتو ملاتړې او سازمان ورکوونکې دي چې ځانمرګي بريدونه په افغانستان کې روا اوپه پاکستان کې ناروا بولي بايد په دې پوه شي چې دديني لارښوونو تطبيق کومه پوله او حدود نه پيژندي او قراني حکمونه اونصوصي په ټولو سيموکې يو ډول دتطبق وړ  دي . دملي شورا دمشرانوجرګه څرګندوي که چېري دپاکستان  سياسي او استخباراتي عالمان په افغانستان کې دبهرنيانو شتون پلمه کوي خو داپه خپله  پاکستان نه دي چې له همدغو بهرنيو څخه دومره ګټه واخيسته چې داټومي وسلو خاوند شو ؟ دافغانستان دمشرانوجرګه او خلک سخت معتقد دي چې ځانمرګي بريد او دنفس وژل يو ناجايز عمل دي شرعي صبغه  نه لري او دطاهر اشرفي فتوا يو لمسوونکې ، استخباراتي او ناروا عمل بلل کېږي او زموږ دهيواد دعالمانوشورا په ګډون دنړۍ دسترو عالمانو په نظر مردود ، ناروا ، اسلامي ضد او بشري ضد بلل شوي ده .
 

 کابل- باختر دکب څوارلسمه :
دکورنيو چارووزارت دجلب اوجذب لوى قوماندانۍ باختراژانس ته ديوې خبرتيا په ليږلو سره ليکلي دي .
  دکورنيو چارو وزارت دملي پوليسو دجلب اوجذب لويه قوماندانۍ  په شرايطو برابر هغو ځوانانو ته چې له نهمو  تر دولسمو ټولګيو څخه فارغ  وي او دکورنيو چارو وزارت دساتنمي په کورسونو کې دشموليت هيله ولري خبر ورکول کېږي چې دمنلو ازموينه د ١٣٩١ کال دکب دمياشتې له پنځلسمې  نيټې څخه له ١٣٩١ کال دکب دمياشتې تر شلمې نيټې ديکشنبې دورځې  دسهار تر اتو بجو پوري ځنډول شوې ده .
نوم ليکنه هره ورځ دوام لري .
داوطلبان کولاي شي  چې په  ټاکلې نيټه  دجذب او جذب لوى قوماندانۍ ته ورشي  چې دمسلکې تعليماتو له بشپړولو وروسته دساتمني  رتبه ترلاسه کړي او دخپلو خلکو او هيوادته  دخدمت جوګه شي .
 

کابل- باختر دکب څوارلسمه :
حامدکرزي ديو فرمان  په صادرولو سره دايران داسلامي جمهوريت ديوې کورنۍ دريو تنو غړو ته  دافغاني تابعيت ورکول منظور کړل .
دچارو داداري او دوزيرانو دشورا دارالانشا  لوى رياست باختراژانس ته خبر ورکړ  جمهور رييس دافغانستان داسلامي  جمهوريت دتابعيت دقانون د٤٠ مادي  دلومړۍ فقرې له حکم سره سم او دافغانستان داسلامي جمهوريت دتابعيت دچارو دڅيړنې دکميسيون دروان کال  دسلواغې دمياشتې  د ٢١نيټې  د ٣٠١ ګڼه مصوبې په کتنې سره دايران داسلامي جمهوريت  دکردستان  ايالت اوسيدونکو  ، سعدي ( خالدي ) دولي زوى او دمحمد دلمسى طيبې  د عزت دلور او دفتاح لمسى ميرمن سعدي او دخاصيې  ( عزيزي )  داحمد دلور او دعزيز دلمسي او دسعدي دمور په نامه ديوې کورنۍ دريو تنو غړو ته دافغاني تابعيت ورکول دمهاجرت  او دافغانستان داسلامي جمهوريت کې د ١٣ کلني استوګنې  په دليل منظور کړي دي .
په فرمان کې دکورنيو او بهرنيو چارو وزارتونو او نورو اړوندو مراجعو ته لارښوونه شوې ده چې په دې باب دې له دغه فرمان سره سم اجراات وکړي .
 

کابل- باختر دکب څوارلسمه :
حامدکرزي ديو فرمان  په صادرولو سره دايران داسلامي جمهوريت تبعه صديقې داسمعيل لورته دافغاني تابعيت ورکول منظور کړل .
دچارو داداري او دوزيرانو دشورا دارالانشا  لوى رياست باختراژانس ته خبر ورکړ دافغانستان داسلامي  جمهوريت دتابعيت دقانون د٤٠ مادي  دلومړۍ فقرې له حکم سره سم او دافغانستان داسلامي جمهوريت دتابعيت دچارو دڅيړنې دکميسيون دروان کال  دسلواغې دمياشتې  د ٣٠٣ ګڼه مصوبې په کتنې سره دايران داسلامي جمهوريت تبعه صديقي داسمعيل دلور او دحسن لمسې  ته دافغاني تابعيت  ورکول  دبدخشان ولايت دکشم ولسوالۍ له اوسيدونکې نظر الله دطاهر له زوى او دغفورله لمسې سره ددې دواده په دليل منظور کړي دي
په فرمان کې دکورنيو او بهرنيو چارو وزارتونو او نورو اړوندو مراجعو ته لارښوونه شوې ده چې په دې باب دې له دغه فرمان سره سم اجراات وکړي .
 

کابل- باختر دکب څوارلسمه :
دافغانستان  دسوله ئيزي راتلونکي لپاره داسلامي همکاري  دريم نړيوال کنفرانس نن په استانبول کې   جوړ شو
په دې کنفرانس افغاني هيئت چې په ترکيب کې يې داطلاعاتو او فرهنګ  وزارت معين  مبارز راشد ،  دپارلمان يو شمير غړي او دافغانستان دسولې او دعالمانو دشوراګانو استازي شامل دي ، دحج او اوقاف دوزير ډاکتر محمد يوسف نيازي  په مشرۍ ګډون کړي دي .
دباختراژانس دخبر له مخې دغه کنفرانس په داسې حال کې په ترکيه کې  جوړيږي چې دافغانستان داسلامي جمهوريت مشرتابه په واروار داسلامي هيوادونو له مشرانو او په تيره بيا له خادم الحرمين الشريفين  څخه غوښتې دى چې په افغانستان کې  دسولې او روغې جوړې دبهير دبرياليتوب او په سيمه کې دجګړې او شخړې دبندولو په خاطر له افغانستان سره مرسته وکړي چې له دغه مصيبت او کړاو څخه دسيمې دژغورنې په خاطر دسولې اوخبرو بهير چې دلوى خداى( ج )  او داسلام دمقدس دين حکم دي بريالي شي له دې امله له دغه کنفرانس څخه دافغانستان دخلکوهيله داده چې اسلامي هيوادونه په دې متقاعد کړي چې دافغانستان په کورنيو چارو کې دلاس وهنې مخه ونيسي اوپريږدي چې دافغانستان خلک دسولې په تګلور ې کي پرمخ لاړ شي .
هغه څه چې دافغانستان په دولت پوري اړه پيداکوي په دې لاره کې يې زياتي هلې ځلې کړي دي اوپه ډيره نوى پرمختيا کې دافغانستان دعالمانو دسراسري شورا له خوا يو هيئت پاکستان ته سفر وکړ چې ددواړو هيوادونو دعالمانودکنفرانس دجوړولو زمينه برابره کړي ددغو ټولو هلوځلو نتيجه دپاکستان دعالمانو شورا رييس په اوبو لاهو کړه او فتوايې  صادره کړه چې په افغانستان ، کشمير او بيت المقدس  کې ځانمرګي بريد جايز دي .
خلک له دغه کنفرانس څخه هيله لري چې  پريکړه وکړي چې ډير ژر دسيمې ددغو هيوادونو دعالمانو علمي کنفرانس جوړ شي او هغوى له بحران څخه دژغورنې په مقصد سيمي دهيوادونو دمسلمانانوتګلوري مشخص کړي ځکه په دې کنفرانس کي داسلامي هيوادونو او دعلمي او ديني مرکزونو عالمانو ګډون کوي .
 

کابل- باختر دکب څوارلسمه :
دهغې جګړې له امله چې پرون دبدخشان ولايت په ارګو ولسوالۍ کې وزلوبې په بهير کې ونښته دوه تنه ملي پوليسان ټپيان شول .
دبدخشان دوالي ويندوى عبدالمعروف  راسخ باختراژانس ته وويل دغه جګړه دوزلوبې ددوو ټيمونو د ننداره کوونکو ترمنځ ونښته چې له امله يې ننداره کوونکو د ډبرو او کوتکو په کارولو سره له پوليسو سره په نښتې لاس پوري کړ اوپه دې نښته کې دوه تنه ملي پوليسان ټپيان شول .
عيني شاهدان دباختر اژانس خبريال ته وويل چې دغه جګړه  په ولسي جرګه کې دبدخحشان دخلکو داستازي مسلم دافرادو او د پخواني جهادي قوماندان عبدالجبار  مصدق دافرادو ترمنځ ونښته  چې ددوو تنو ملي پوليسو په ګډون څوتنه ټپيان شول
راسخ زياته کړه چې پوليسو پيښه تر زياتي څيړنې لاندې نيولې ده .
 

کابل- باختر دکب څوارلسمه :
دبغلان ولايت پوليسو پرون شپږ تنه دنشه يي توکو دقاچاقو په تور ونيول .
دبغلان ولايت دامنيې قوماندانۍ له  نشه يي توکوسره دمبارزي مدير سمونوال نظام الدين نظام نن باختراژانس ته وويل چې دغه کسان له  څه ناڅه څلور کېلوګرامو چرسو او اپينو سره دامنيتي ځواکونوله خوا دبغلان ولايت دحنجانو او دتاله اوبرفک ولسواليو په مربوطاتو کې په جلاجلا عملياتو کې ونيول شول .
  ويل کېږي چې له دغو قاچاق وړونکو څخه يو کرولا موټر ضبط شوى دى .