13 July 2020

RSS Facebook

سوداگریز


تازه خبرونه

د قانون حاکمیت او حکومتولۍ عالي شورا غونډه د جمهوررئیس په مشرۍ ترسره شوه

د قانون حاکمیت او حکومتولۍ عالي شورا غونډه د جمهوررئیس په مشرۍ ترسره شوه

کابل/ د چنګاښ ۲۳مه/ باختر د قانون حاکمیت او حکومتولۍ عالي...

د اطلاعاتو او فرهنګ وزارت پر تشکيلاتي جوړښت خبرې وشوې

د اطلاعاتو او فرهنګ وزارت پر تشکيلاتي جوړښت خبرې وشوې

کابل/ د چنګاښ ۲۳مه/ باختر داطلاعاتو او فرهنګ وزارت سرپرست محمد...

په کابل ښار کې ۱۶۰۷ د ملکیت سندونه وویشل شول

په کابل ښار کې ۱۶۰۷ د ملکیت سندونه وویشل شول

کابل/ د چنګاښ ۲۳ مه / باختر د ښارجوړولو او ځمکو...

Youtube Player

khantry design

سوداگریز

سوداگریز

کابل باختر دغبرګولي يو ويشتمه :
اووه تنه وسله وال طالبان دقندهار ولايت په شاولي کوټ ولسوالۍ  کې ووژل شول
دقندهار دوالي ويندوى دواخان  مينه پال دباختراژانس خبريال ته وويل، دغه کسان  دپوليسو دځواکونو په هغو عملياتوکې چې تيره شپه  د شاه ولي کوټ ولسوالۍ په  دګوندلان  په ساحه کې  ترسره شول ووژل شول .
  ديوه اړوند خبرځاى  دڅرګندونو له مخې، دوژل شويوکسانو مړي تراوسه پورې هم دجګړې  په ډګر پاتې دي .
ديوبل خبر له مخې، دپوليسو ځواکونو دقندهار ولايت په ژيړۍ ولسوالۍ کې دعملياتوپه بهير کې  يوه اندازه جنګي وسايل ترلاسه کړل .
دقندهار دوالي ويندوى دواخان مينه پال دباختراژانس خبريال ته وويل: دغه عمليات دپوليسو دځواکونو له خوا دژيړۍ ولسوالۍ په مربوطاتو کې دقاري سليم دکمپ په ساحه کې تر سره شول چې له امله يې دسپکو او درندو وسلو  يوه ډيپو کشف او ترلاسه شو ه .
ديواړوند خبرځاى  دڅرګندونو له مخې ،دغه عمليات دقندهار ولايت په ژيړى ولسوالۍ کې دجمهوري رياست دانتخاباتو ددويم پړاو دامنيت دتامينولو په مقصد پيل شوي وو .

کابل باختر دغبرګولي يو ويشتمه
دکورنيو چارو وزارت خبرتيا :
دکورنيو چارو وزارت دغبرګولي دمياشتې په څليرويشتمه ورځ  په دغه مرکز درسنيو دلاسبري دښه والي په مقصد يو ارتباطي مرکز جوړ کړى دى چې داړتيا په وخت کې په ټول هيواد کې درسنيو دستونزو دلرې کولو اوهمکارۍ په مقصد او دخبرونو او رپوټونو دبرابرولو او څارنې او له ټولو څخه مهم دانتخاباتو په بهير کې  دپوليسو دلاسوهنې او دانتخاباتي بهير دامنيت په تامينولو پورې دنورو اړوندو ستونزو او شکايتونو دحل کولو په خاطر ددغو ګڼو تيلفونونو له لارې  اړيکې ونيسي او له ډيل پرته هغه په جدي توګه څيړي .
داړيکې نمرې  ٠٢٠٢٢١٠١٩٠ او ٢٢٠٢٩٣٢
ديادونې وړ ده چې دغه شميرې يواځې دروان کال دغبرګولي دمياشتې په څليرويشتمه نيټه  دانتخاباتو په ورځ فعالې او دلاسبري وړ دي .

کابل باختر دغبرګولي يو ويشتمه :
  دپاکستاني طالبانو دتحريک له ډلې څخه دجلا شويو طالبانو شورا له  بهرنيو ياغيانو او ددغې ممنوعه ډلې له ملاتړو څخه غوښتي دي چې يا دې په سوله ئيزه توګه په شمالي وزيرستان کې ژوند وکړي اويادې له دغې سيمې څخه ووځي.
باختراژانس دپاکستان د دان ورځپاڼې له خولې خبر راکړ: دطالبانو دشورا غونډه چې دقوماندان حافظ ګل بهادر له خوا رهبري کيده له نامعلوم ځاى څخه وويل چې په دې وروستيو وختو کې حکومت داتمانزو دقوم مشرانو ته يو پنځلس   ورځنى  مهلت ورکړى دى چې دبهرنيو  اتباعو په ګډون افراطيون له شمالي وزيرستان څخه وباسي اويا به دهغوى له اقدام سره مخامخ شي.
دطالبانو دشورا غونډه ددوشنبې په ورځ په يوې  قومي جرګې سره ديوه قومي مخور حاجي شير محمد په مشرۍ جوړه شوې وه .
  ددغې شورا ويندوى احمد الله خبريالانو ته وويل چې دحافظ ګل بهادر ډلې په ٢٠٠٦ ميلادي کال کې دپاکستان له حکومت سره يو موافقه ليک لاسليک کړى و چې له بهرنيو اتباعو او دطالبانو له ملاتړو څخه غوښتي وو چې بادي خيل سوله ئيز ژوندانه ته دوام وکړي اويا دې له شمالي وزيرستان څخه ووځي .
يوله هغو  کسانو څخه چې ددغې شورا په غونډه کې ګډون کړى و ، وويل چې دغه شورا به په دې سيمه کې ګډوډي ونه زغمي .
دغه ويندوى زياته کړه چې له حکومت سره موافقه ليک به د روان کال دغبرګولي دمياشتې تر ديريشمې نيټې  پورې نافذ پاتې شي .
  سيمه ئيزو اوسيدونکو وويل چې دقومي جرګې له خوا يوه خبرتيا  صادره شوې ده اوپه هغې کې له خلکو څخه غوښتل شوي دي چې له خپلو کورونو څخه دې ونه وځي ،دغه راز په دې جرګه کې له هغو خلکو څخه چې بنوښار ته تللي دي، غوښتل شوي دي چې بيرته شمالي وزيرستان ته ستانه شي .
دپاکستان  خبري سرچينو وويل: حاجي شيرمحمد خلکو ته ډاډ ورکړ چې حکومت به په دې سيمه کې پوځي عمليات پيل نه کړي او دغه موضوع به دخبرو اترو له لارې حل کړي .

کابل باختر دغبرګولي يو ويشتمه :
په غزني ولايت کې دتښتول شويو محصلانو او استادانو له جملې څخه شل تنه يې چې ويل کيږي  محصلان دي، دوسله والو طالبانو له خوا ازاد کړي شول خو څه ناڅه پنځلس تنه استادان لا تراوسه پورې هم دوسله والو طالبانو په بند کې دي .
په همدې  حال کې  ازادوشويومحصلانو دوسله والو طالبانو ته ګواښ کړى دى که چيرې استادان يې ازاد نه کړي خپلو کورونو ته نه ځي .
پرون سهار دقندهار پوهنتون پنځه ديرش تنه استادان او محصلان چې دخپلو رخصتيو دتيرولو لپاره کابل ته را روان و، دقندهار دلويې لارې په اوږدوکې دغزني ولايت په مربوطاتو کې ديوې ډلې وسله والو طالبانو له خواپرې بريد وشو او وتښتول شول .
  دغزني دوالي مرستيال محمد علي احمدي دباختر اژانس خبريال ته وويل چې وسله والو طالبانو دسيمه ئيزو مسوولينو دهڅو او هاند او دسيمې دمشرانو له خبرو وروسته شل تنه برمته شوي محصلان ازاد کړل خو پنځلس  تنه استادان لاتراوسه پورې دوسله والو طالبانو په بند کې دي .
دغزني دوالي مرستيال تاييدوي ازاد شوي محصلان خبر دارى ورکوي که چيرې استادان يې دوسله والوطالبانو له خوا ازاد نه شي . خپلوکورونو ته نه ستنيږي .
په همدې حال کې دغزني دولايتي شورا يو غړى وايي چې دوسله والو طالبانو له منګولو څخه دبرمته شويو استادانو دازادولو لپاره هلې ځلې دوام لري .
ده وويل: ښايي  برمته شوي استادان هم ډير ژر  ازاد شي .
تراوسه پورې دوسله والو طالبانو ددغې يرغمل نيونې انګيزه روښانه نه ده،  دغه استادان دقندهار پوهنتون د اړتيا له مخې محصلانو ته دلوست ورکولو لپاره له کابل  څخه قندهار ته تلل او راتلل .
له بلې خوا خلکو او دمدني ټولنې بنسټونو او دافغانستان عالمانو له طالبانو څخه غوښتي دي چې له خلکو سره له دښمنۍ څخه دې لاس واخلي .

کابل\باختر\د غبرګولي د مياشتې٢١:
په نړيوالو بازارونوکې د يوانس سرو زرو په بيه کې د پرون په نسبت اووه ډالر زياتوالى راغلى دى.
پرون په نړيوالوبازارونوکې يو انس سره زر په ١٢٥٤ډالرو وړاندې کيدل، خو نن په١٢٦١ډالرو وړاندې کيږي.
د پښتنى بانک د سرو زرو د مارکيټ يو پلورونکى قاهرخان  ددغه خبر په تاييدولو سره باخترآژانس ته وويل: اوس دکابل په بازارونوکې يو ګرام مصري سره زر په٢٤٥٠ افغانيو، کويټي په٢٤٠٠ افغانيو، سنګاپوري په٢٣٥٠ افغانيو، بحريني په٢٠٥٠افغانيو، عربي په٢٠٠٠ افغانيو، ايراني په١٦٥٠ افغانيو او يوګرام روسي سره زر په١٥٥٠افغانيو پلورل کيږي.

کابل باختر دغبرګولي يو ويشتمه :
١٣٨ تنه وسله وال طالبان  په تيرو ٢٤ ساعتو کې دامنيتي ځواکونو له خوا وژل شوي دي .
دکورنيو چارو وزارت مطبوعاتي دفتر باختراژانس ته خبر ورکړ، امنيتي ځواکونو دتخار ، کندز ، زابل ، بغلان ، لوګر ، هرات او دهلمند دولايتونوپه مربوطاتو کې يو لړ امنيتي فعاليتونه ترسره کړل چې له امله يې  ١٣٨ تنه وسله وال طالبان ووژل شول ،٨٦ تنه يې ټپيان او شپږ تنه نور يې دامنيتي ځواکونو له خوا ونيول شول .
ديادونې وړ ده چې په وژل شويو کسانو کې دوسله والو طالبانو دډلې له خوا دهلمند ولايت ته نومول شوى والي ملا عبدالرحيم  هم شامل دى .
په دغو فعاليتونوکې ددښمن يوه زياته اندازه سپک او درانده جنګي وسايل هم دامنيتي ځواکونو لاس ته ورغلي دي .
دغه راز دملي پوليسو ځواکونو دکابل ، کونړ ، پروان او دفارياب  د ولايتونوپه مربوطاتو کې نهه ماينونه کشف او شنډ کړل .

Wednesday, 11 June 2014 09:40

د اسعارو بيه

کابل\باختر\د غبرګولي د مياشتې٢١:
د کابل د شهزاده سراى د صرافانو د رييس دمعلوماتو له مخې:
نن له غرمې مخکې دبهرنيو پيسو په مقابل کې د افغانۍ ارزښت په دې ډول دى:
يوامريکايي ډالر پيرودل په95 /57  افغانيو پلورل په00 /58افغانيو

يوانګليسي پونډ پيرودل په40 /96افغانيو پلورل په 50\ 96افغانيو

يوه يورو پيرودل په 04/ 78 افغانيو پلورل په05 /8 7 افغانيو

يوسعودي ريال پيرودل په  35/  15پلورل 40/  15افغانيو
د اماراتو يو درهم پيرودل په70 / 15 افغانيو پلورپه 75 / 15 افغانيو
زرپاکستاني کلدارې پيرودل په   579افغانيو پلورل په    580افغانيو
زرهندى کلدارې پيرودل په  950افغانيو پلورل په 960 افغانيو
او زر ايراني تومان پيرودل په90 /17 افغانيو پلورل په00 /18 افغانيو

کابل باختر دغبرګولي يو ويشتمه :
دافغانستان دپوهنتونونو داستادانو سراسري اتحاديې دقندهار پوهنتون دتښتول شويو استدانانو اومحلانو  دخلاصون غوښتنه وکړه .
دقندهار  پوهنتون ٣٥ تنه استادان اومحصلان پرون دوسله والو  طالبانو له خوا دکابل _ کندهار  دلويې لارې په اوږدو کې  دغزني ولايت  دقره باغ ولسوالۍ په مربوطاتو کې  وتښتول شول .
په دې بهير کې يو استاد دوسله والو طالبانو له خوا د ډزو له امله ټپي شو.
دافغانستان دپوهنتونونو  داستادانو سراسري اتحاديې باختراژانس ته ديو ليک  په ليږلوسره له طالبانو  څخه غوښتي دي چې تښتول شوي استادان اومحصلان دې ازاد کړي .
په ليک کې  ليکل شوي دي چې دهيواد دپوهنتونونو استادان له هر راز سياسي ملحوظاتو  ، قومي  ګرايشونو او نورو اړيکو په پام کې  نيولو پرته يواځې  او يواځې دهيواد دبچيانو په خدمت کې دي او دعلم او پوهې په ګاڼه دهيواد دبچيانو دسمبالولو په برخه کې خپل دين اداکوي.
ددغې اتحاديې غړو له ديني عالمانو ، قومي مشرانو او له مخورو شخصيتونو څخه غوښتي دي چې دتښتول شويو استادانو اومحصلانو په خلاصون کې هلې ځلې وکړي .

Wednesday, 11 June 2014 09:37

د هوا حالات

کابل\باختر\د غبرګولي  د مياشتې٢١:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړي دي :
کابل- آسمان ځاى ځاى وريځ ، د تودوخې لوړه درجه ٣١ ټيټه  ١١
مزارشريف- آسمان شين، د تودوخې لوړه  ٣٧، ټيټه ٢١
لښکرګاه- آسمان شين، د تودوخې لوړه درجه ٤٢، ټيټه ٢٨
شمالي سالنګ- آسمان ځاى ځاى وريځ،دتودوخې لوړه درجه ١٠ ټيټه  ٢
جنوبي سالنګ- آسمان ځاى ځاى وريځ ،دتودوخې لوړه درجه ١٩ ټيټه ٩
جلال آباد- آسمان شين ،د تودوخې لوړه درجه ٤٢، ټيټه ٣١
جبل سراج- آسمان ځاى ځاى وريځ، د تودوخې لوړه درجه ٢٩ ټيټه ٩
شبرغان – آسمان ځاى ځاى وريځ ، د تودوخې لوړه درجه ٣٨، ټيټه ٢٠
باميان- آسمان شين، دتودوخې لوړه درجه ٢٣، ټيټه ٩
فيض آباد-آسمان ځاى ځاى وريځ،  د تودوخې لوړه درجه ٢٨ ټيټه ١٢
ميمنه- آسمان شين ،د تودوخې لوړه درجه  ٣٦ ، ټيټه ١٩
قندهار- آسما ن شين، د تودوخې لوړه ٤٠، ټيټه ٢٠
کندز- آسمان شين ، د تودوخې  لوړه درجه ٣٧، ټيټه ٢٠
غزني- آسمان ځاى ځاى وريځ ، د تودوخې لوړه درجه ٢٤  ټيټه ١٠
فراه- آسمان شين ، د تودوخې لوړه درجه ٣٦ ټيټه ٢١
خوست- آسمان وريځ،داورښت امکان شته  د تودوخې لوړه درجه ٣٩، ټيټه ٢٨
هرات- آسمان شين ، د تودوخې لوړه درجه ٣٥، ټيټه ٢٠
په کابل کې به سبا لمرپه ٤ بجو او ٣٧ دقيقو وخيژي او د مازيګر په ٧بجو او  ٧ دقيقو ولويږي. 

کابل باختردغبرګولي دمياشتې ١٨ :
د جمهوري رياست لومړي مرستيال  محمديونس قانوني په کابل کې د ملګروملتو د سازمان له ځانګړي استازي يان کوبيش سره په کتنه کې د امريکا د متحده ايالاتو د جمهور رييس بارک اوباما وروستۍ وينا ته په اشارې سره وويل چې د افغانستان له دولت او خلکوسره  د امريکا ملاتړ موږ ته  ډير ارزښت لري او هيله
لرو  چې د دغه ملاتړ تر سيورى لاندې موږ وکولاى شو په څو راتلوونکو کلونوکې
د خپل هېواد وسله وال ځواکونه پياوړي کړو چې هغوى وکولاى شي په مستقل ډول  د خپل هېواد دفاع وکړي او په افغانستان کې د ثبات د ټينګښت او د پراختيا اوپرمختګ زمينې برابرې شي .
دجمهوري رياست مطبوعاتي دفتر باخترآژانس ته خبرورکړ:
د جمهوري رياست لومړي مرستيال چې نن له غرمې مخکې يې د صدارت په ماڼۍ کې د خپل کار په دفترکې په کابل کې د ملګروملتو د سازمان له ځانګړي استازي
سره وکتل؛ وويل چې دامريکا دجمهور رييس وروستۍ وينا د هرڅه پاى نه ده اوپه
دې پوهيږو چې د دواړو هېوادونو راتلوونکي مشران به د دې وس ولري چې د خپل ماموريت په دوره کې د هغو د بياڅيړنې د زمينې په برابرولو اقدام وکړي.
دجمهوري رياست لومړي مرستيال د جمهوري رياست د دويم پړاو انتخاباتو په اړوند چې د راتلوونکي شنبې په ورځ به ترسره شي؛ څرګنده  کړه چې د افغانستان
خلک په بې سارى مينې او علاقمندۍ سره په خپل هېوادکې د جمهوري رياست د دويم پړاو انتخاباتو د ترسره کولو لپاره چمتو کيږي او هيله لرم چې د انتخاباتو ترسره  کوونکي بنسټونه  ددغو انتخاباتوپه بهيرکې د شفافيت داصل رعايتولو ته
په پاملرنې سره په سم مديريت سره دغه بهيرپه برياليتوب سره ترسره کړي.
په دې کتنه کې په کابل کې د ملګروملتو دسازمان ځانګړي استازي يان کوبيش
دافغانستان دانتخاباتو دپروګرام په ملاتړ کې دملګروملتو دسازمان دهراړخيزې
همکارۍ د دوام يادونه وکړه او ويې ويل چې موږ دانتخاباتو له کميسيونونوسره
له نږدي کار کوو چې  په افغانستان کې انتخابات په ښه توګه ترسره شي .
دغه راز ده په انتخاباتوکې دشفافيت په رعايتولو باندې هم ټينګار وکړ او زياته يې کړه چې په افغانستان کې د راتلوونکى حکومت مشروعيت په دغې موضوع پورې  اړه لري او هيله ده چې دواړه کميسيونونه دغه ټکي ته ملتفت و اوسي.