19 November 2019

RSS Facebook

سوداگریز


تازه خبرونه

جمهورريیس غني د ننګرهار د ولسي پاڅون له قومندانانو سره وکتل

کابل/ دلړم۲۸مه/باختر د افغانستان د اسلامي جمهوریت جمهورريیس محمد اشرف غني...

پنځه وسله وال طالبان په پکتیا کې ووژل شول

کابل/دلړم۲۸مه/باختر د پکتیا د ځاځي آریوب او سېدکرم ولسوالیو په مربوطاتوکې...

Youtube Player

khantry design

سوداگریز

سوداگریز

کابل باختر د ليندي دولسمه :
دپوليسو شپږ اويا تنه سرتيري چې د هرات _  قندهار په لويه لاره کې يې دنده ترسره کوله؛ له دندو څخه يې ګوښه کړى شول .
دفراه ولايت امنيه قوماندان محمدرازق يعقوبي باخترآژانس ته وويل: دغه سرتيري پخوا د دغې لوى لارې د امنيت د تامينولو لپاره په اوو امنيتي پوستوکې ګومارل شوي وو چې خلکو د دوى د چلند اوکړنو د څرنګوالي له پلوه شکايت کاوه.
يوه اړونده خبرځاى وويل: دغه کسان په دې لايه لاره کې د زياترو ناامنيو عامل وو اومسلکي اونظامي زده کړې يې هم نه لرلې.
دغه مقام دغه راز زياته کړه چې دوى د ګوښه کړى شويوکسانو پرځاى يو شمېر مسلکي او د زده کړې خاوندکسان په دې لويه لاره کې ځاى پرځاى کړي دي.
ده وويل چې ددغوکسانو په ګوښه کيدو سره به ددغې لويې لارې امنيتي حالت ښه شي .
مخکې له دې هغوکسانو او سوداګرو چې په دې لويه لاره کې يې تګ راتګ کاوه؛ د امنيتي  منسوبينو د ناسم چلند له امله تل سرټکاوه.
ويل کيږي دهرات_قندهار لويه لاره په هيوادکې يوه ډيره ګڼ ميشته لاره ده چې وسله وال طالبان تل په دې لويه لاره کې د ناامنۍ سبب کيږي اوکال په کال يو زيات شمېر ملکي کسان او سپرلۍ په دې لويه لاره کې د ماينونو د چاودنې او دموټر چلوونکو د بې احتياطي له امله وژل کيږي او ټپيانيږي.

کابل باختر د ليندي دولسمه :
په پنجشير ولايت کې نن اويا بې ځايه شويوکورنيو د خوراکي توکو له مرستې څخه ګټه واخيسته .
دپنجشير ولايت دمهاجرينو د راستنولو د چارو رييس عبدالحميد نو روزي باخترآژانس ته وويل: دغه مرسته دکډوالوپه چاروکې د ملګرو ملتو د سازمان دعالي کميشنرۍ دفتر له خوا وشوه او په هرې کورنۍ درې پنځوس کيلويي  بوري  غنم، دوه ډبلي غوړي، درې شړى، دوه بوري سکاره، درې کيلوګرامه دال نخود ، يو ترپال، د پخلنځي يوسيټ لوښې، د اوبو سطل او يولمريز څراغ وويشل شول.
خبرځاى زياته کړه چې تراوسه پورې څه دپاسه سل کورنۍ د نورستان ، بغلان ، بدخشان او د تخار له ولايتونو څخه د نا امنيو او دطالبانو دګواښ  له امله بې ځايه شوې او د پنجشير ولايت په مربوطاتوکې ځاى پرځاى شوي دي .

کابل باختر د ليندي دولسمه :
په ننګرهار ولايت کې د پوليسو د سرتيرو په کاروان چاودنه وشوه .
دغه چاودنه نن غرمه د چپرهار ولسوالۍ په غور آباد سيمه کې هغه وخت وشوه چې د امنيتي مامورينو کاروان له ساحې څخه دتيريدو په حال کې و .
دننګرهار ولايت يو امنيتي مسوول باخترآژانس ته وويل چې په دې چاودنه کې دپوليسو يو شمېر سرتيرو ته مرګ ژوبله اوښتې ده .
ده په دې چاودنه کې د سر د زيان د دقيق شمېر په باب بې خبري وښوده. خو داسې خبرونه ترلاسه شوي دي چې په دې پيښه کې د چپرهار ولسوالۍ د امنيې قوماندانۍ مرستيال شهيد شوى دى.
  ددغې پيښې جزئيات وروسته خپريږي.

کابل باختر د ليندي دولسمه :
هغه سړي چې دکونړ او ننګرهار په ولايتونوکې د تروريستي بريونو سازمان ورکوونکى  بلل کيږي؛ پرون د ملي امنيت د مامورينو له خوا ونيول شو.
په عادل مشهورقاري حزب الله کله يې چې دطالبانو د ډلې  د تروريستي بريدونو لپاره د جنګي وسايلو او مالي امکاناتو د برابرولو نيت درلود؛ په جلال آباد ښار کې ونيول شو.
دننګرهار ولايت دملي امنيت د ادارې يوه مسوول باخترآژانس ته وويل چې قاري حزب الله دکونړ او ننګرهارپه لايتونوکې د تروريستي بريدونو د سازمان ورکولو او په دغو ولايتونوکې د وسله والوطالبانو ډلې ته جنګي وسايلو او د مالي امکاناتو د برابرولو مسووليت درلود.
ويل کيږي له دغه سړي څخه يوه اندازه جنګي وسايل هم ترلاسه شوي دي.
له بلي خوا قاري حزب الله په خپلو لومړنيوتحقيقاتوکې اعتراف کړى دى چې تراوسه پورې يې د کونړ او ننګرهار د ولايتونو په مربوطاتوکې په لسګونو خونړيوتروريستي پيښو ته سازمان ورکړى دى.
ده دغه راز ويلي دي چې د تروريستي بريدونو د ترسره کولو لپاره يې په پاکستان کې د وسله والوطالبانو د ډلې له جګپوړو قوماندانانو څخه لارښوونې ترلاسه کولې.

کابل باختر د ليندي دولسمه :
د بادغيس ولايت د بالامرغاب ولسوالۍ په مربوطاتوکې د نښتو له امله اووه پنځوس وسله وال طالبان ووژل شول.
ددغو نښتو په بهيرکې چې درې ورځې يې دوام درلود؛ اته څلويښت تنه نور طالبان ټپيان شول .
  په بادغيس ولايت کې دملي اردو د دريمې لوا قوماندان جنرال داوودشاه وفادار باخترآژانس ته وويل: جګړه د بادغيس ولايت په بالامرغاب ولسوالۍ کې د افغان ځواکونو په اکمالاتي کاروان د وسله والوطالبانو له بريد وروسته ونښته .
د ده دڅرګندونو له مخې: په دې نښته کې اووه پنځوس تنه وسله وال طالبان ووژل شول اواته څلويښت تنه نور يې ټپيان شول .
په وژل شويوکسانوکې د طالبانو د سيمه ئيزو قوماندانانوله جملې څخه ملاحسن اڅکزي، ملا بسم الله، ملا ذاکر، مولوي عبدالظاهر، ملا عبدالروف او ملا جليل هم شامل دي .
جنرال وفادار زياته کړه: په دې نښته کې د ملي اردو پنځه تنه سرتيري شهيدان او دملي اردو او ملي پوليسو پنځلس سرتيري ټپيان شول .
د ده دڅرګندونو له مخې: ددغو نښتو په بهيرکې د طالبانو ٣٢ ميله وسلې ترلاسه شوې او څو موټرونه اوموټرسايکلونه سوځول شوي او له منځه تللي دي او دغه راز په سيمه کې دوه ويشت ماينونه هم ترلاسه او شنډ کړى شوي دي .

Tuesday, 03 December 2013 10:21

د اسعارو بيه

کابل\باختر\د ليندي  د مياشتې ١٢ مه:
دکابل د شهزاده سراى دصرافانو د رييس دمعلوماتو له مخې :
نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په 58/25  افغانيو پلورل په   58/30افغانيو
يوانګليسى پونډ پيرودل په  94/30افغانيو پلورل په   94/40افغانيو
يوه يورو  پيرودل په    60 78/ افغانيو پلورل په   78 /70  افغانيو
يوسعودي ريال پيرودل په  40 15/پلورل  15/45 افغانيو
د اماراتو يو درهم پيرودل په 75/ 15 افغانيو پلورپه 80 / 15 افغانيو
زرپاکستاني کلداري پيرودل په  535افغانيو پلورل په  536 افغانيو
زرهندي کلدارى پيرودل په 930 افغانيو پلورل په 940 افغانيو
اوزر ايراني تو مان پيرودل په 15/90  افغانيو پلورل په   16/00 افغانيو.

کابل - باختر د ليندي دولسمه :
دملي اردو منسوبينو د چاڼيزو عملياتو په بهيرکې يو شمېر وسله والومخالفينو ته مرګ ژوبله واړوله او د هغوى يو قوماندان يې نيولى دى .
دملي دفاع وزارت مطبوعاتي دفتر باخترآژانس ته خبر ورکړ: د ملي اردو منسوبينو د لوګر ولايت د څرخ ولسوالۍ په مربوطاتوکې چاڼيز عمليات ترسره کړل چې له امله يې يوشمېر وسله والو مخالفينو ته مرګ ژوبله واوښته .
دغه راز دملي اردو دخاصې قطعې منسوبينو د وسله والو مخالفينو يو قوماندان دقندهار ښار د دويمې ناحيې په مربوطاتوکې ونيوه او يوه اندازه دولتي ضد سندونه يې ترلاسه کړل .
ديوبل خبر له مخې: دخوست ولايت دصبريو ولسوالۍ په مربوطاتوکې د وسله والو مخالفينو له خوا په واټ کې دښخ کړى شوي ماين دچاودنې له امله دملي اردو يو منسوب شهيد او يوتن بل ټپي شو او دهلمند ولايت دګرشک ولسوالۍ په مربوطاتو کې هم يو تن ټپي شو .

کابل - باختر د ليندي دولسمه :
دملي اردو منسوبينو د چاڼيزو عملياتو په بهيرکې يو شمېر وسله والومخالفينو ته مرګ ژوبله واړوله او د هغوى يو قوماندان يې نيولى دى .
دملي دفاع وزارت مطبوعاتي دفتر باخترآژانس ته خبر ورکړ: د ملي اردو منسوبينو د لوګر ولايت د څرخ ولسوالۍ په مربوطاتوکې چاڼيز عمليات ترسره کړل چې له امله يې يوشمېر وسله والو مخالفينو ته مرګ ژوبله واوښته .
دغه راز دملي اردو دخاصې قطعې منسوبينو د وسله والو مخالفينو يو قوماندان دقندهار ښار د دويمې ناحيې په مربوطاتوکې ونيوه او يوه اندازه دولتي ضد سندونه يې ترلاسه کړل .
ديوبل خبر له مخې: دخوست ولايت دصبريو ولسوالۍ په مربوطاتوکې د وسله والو مخالفينو له خوا په واټ کې دښخ کړى شوي ماين دچاودنې له امله دملي اردو يو منسوب شهيد او يوتن بل ټپي شو او دهلمند ولايت دګرشک ولسوالۍ په مربوطاتو کې هم يو تن ټپي شو .

کابل – باختر دليندۍ دمياشتې ١١
د وزيرانو شورا نوبتي غونډه نن له غرمې مخکې دافغانستان داسلامي جمهوريت دجمهور رييس حامد کرزي په مشرۍ دجمهوري رياست دارګ دګلخانې په ماڼۍ کې جوړه شوه .
دچارو د ادارې او د وزيرانو شورا د دارلانشا لوى رياست باختر آژانس ته خبرورکړ:
په پيل کې دسيمه ييزو ارګانونو د خپلواکې  ادارې لوى رييس دهيواد  ولايتونو ته دتخصيصونو د ليږلو په اړوند غونډې ته مفصل معلومات وړاندې کړل .
دوزيرانو شورا دماليې وزارت موظف کړ چې د سيمه ييزو ارګانونو خپلواکې ادارې سره په تفاهم کې دې دهيواد ولايتونو ته د تخصيصونو په ليږلو بيړنى اقدام وکړې.
له اجندا سره سم دسوداګرۍ او صنايعو او دماليې وزيرانو او دافغانستان بانک
رييس دهيواد داقتصادي حالت او دهغه دښه والي لپاره د عملي تدبيرونو دنيولو په اړوند غونډې ته معلومات وړاندې کړل او ويې ويل ، په دې وروستيو وختو کې دخوراکي او نفتي توکو په پيسو کې ناڅيز زياتوالى او داوبلن ګاز په بيه کې ديادونې وړ  زياتوالى  راغلى دى .
دغونډې  دکار په دوام دافغانستان بانک لوى  رييس زياته کړه چې په ١٣٩٢ کال کې دپولي ودې شاخص په سلو کې اته اټکل شوى دى  په داسې حال کې چې دروان کال په نهو مياشتو کې دوه مليارده  له پلان څخه زيات او په دوران کې دپيسو وده هم له ټاکلي هدف څخه  زيات تحقق موندلى دى  .
ده  پولي تورم د انفلاسيون په سلو کې اووه اعشاريه نهه وباله او زياته يې کړه  چې دګاونډيو هيوادونو په پرتله په مناسبه کچه کې دى .
دوزيرانو شورا له هراړخيزو خبرو وروسته دماليې ، کرنې او اوبولګولو او دکليو دبيا جوړولو او پراختيا وزيران  دسوداګرۍ اوصنايعو دوزير په مشرۍ موظف کړل چې په لومړي ګام  کې دي   دهيواد داړتياوړ اوبلن ګاز په پيرودنې بيړى اقدام وکړي  . دغه راز د خوراکي  اونفتي توکو په  ذخيره کولو کې دې  لازم تدبيرونه ونيسي  او عملي يې کړي .
په همدې ترتيب دافغانستان بانک لوى رييس  موظف کړاى شو چې دپيسو ددوران دپولي حجم د ودي ، پولي تورم او داسعاري زيرمو په باب په پرله پسې توګه  دجمهوري رياست مقام ته رپوټ وړاندې کړي  اوددغه مقام له لارښوونې سره سم دې لازم تدبيرونه ونيسي او عملي يې کړي.
وروسته دمهاجرينو دراستنولو دچارو وزير  دايران اوپاکستان  داسلامي جمهوريت په هيوادونو کې  دافغانستان دمهاجرينو ستونزې  چې په مشورتي لويه جرګه  کې يې ګډون کړى و ، په تحصيلي ، دبنديانو داسترداد، دتابعيت دتذکرې دويش ، دنړيوال لايسنس دصادرولو ، دراستنيدونکو مهاجرينو دميشت کولو اوپه دولتي ادارو کې دهغوي دټاکنې  ، داستوګنې دويزې دتمديد ، دفرضي حج دونډې دټاکنې ، په لوبو کې دمهاجرو ورزشکارانو دګډون  اود ١٣٩٣ کال دانتخاباتو په بهيرکې دمهاجرينو دونډې اخيستنې  په برخو کې  غونډې ته طرحه کړې او څرگنده  يې کړه چې دايران اوپاکستان په هيوادونو کې دمهاجرينو داستوګنې دکارت  دتمديد په   اړوند په ترتيب سره ديوکال لپاره او د٢٠١٥ کال ترپاى پورې  تفاهم شوى دى.
دغه راز  دايران له مقاماتوسره دکار دشلو زرو ويزو  داخيستلو په اړوند خبرې دوام لري  . همدا اوس درې سوه اته ويشت زره تنه زده کوونکي او نږدې لس زره تنه افغاني محصلان دايران  په ښوونځيو او دلوړو زده کړو په موسسو کې په زده کړې بوخت دي .
دوزيرانو شورا  دمهاجرينو دراستنولو دچارو وزارت موظُف کړ چې په ګاونډيو هيوادونو کې دميشتو افغان مهاجرينو دستونزو دحل کولو په لاره کې دې دغونډې له يادونې سره سم تطبيقي ميکانيزم برابر او دوزيرانو شورا راتلوونکو غونډو ته دې وړاندې کړي.
وروسته  دماليې  او دملي دفاع وزيرانو  د ملي دفاع وزارت ته د ١٣٩٢ مالي  کال  عادي بودجې ته  د الوتکو دپيرودنې او دنظامي تجهيزاتود ترميمولو دپروژې   داختياري  انکشافي بودجې تعديل غونډې ته  طرحه  کړ.
دوزيرانو شورا   يوازې دالوتکو دپيرودنې لپاره  دملي دفاع وزارت  د١٣٩٢ کال دعادي بودجې  ممنوعه کودونو  ( ساتنې او څارنې  )  دملي دفاع وزارت له اختياري انکشافي بودجې څخه دپنځوسومليونو امريکايي ډالرو تعديل تصويب کړ  او دماليې وزارت يې موظف کړ  چې ددغو پيسو تخصيص دې په نورو مواردو کې اجرا نه کړي .
دغه راز دچارو دادارې اودوزيرانو شورا  ددارلانشا لوى رياست دې دالوتکو دپيرودنې څرنګوالى وڅاري اودنتيجې په باب دې د جمهوري رياست مقام ته رپوټ وړاندې کړي.
دغونډې په پاى کي داداري  اصلاحاتو او دملکي خدمتونو دخپلواګ کميسيون رييس د  سي  بي   آر  دنتيجو لپاره دظرفيت دلوړولو پروګرام غونډې ته طر حه  کړ .
دوزيرانو شورا له هر اړخيزو خبرو وروسته دماليې  وزارت اوداداري اصلاحاتو او 
دملکي خدمتونو خپلواک  کميسيون دعدليې وزارت  دمسلکي معين په مشرۍ موظف کړ چې د سي   بي  آر  د نتيجو لپاره  د  ظرفيت د لوړولو پروګرام  د ملکي خدمتونو دکارکوونکو له قانون او دهيواد له نورو نافذو قوانينوسره سم تصحيح او  موافقه شوې طرحه دې دوزيرانو شورا راتلوونکو غونډو ته وړاندې کړي.
دوزيرانو شورا  دافغانستان دخلکو دخير اوفلاح په خاطر  د دعايې په لوستلو سره پاى ته ورسيده.

کابل – باختر دليندۍ دمياشتې ١١
په هرات ولايت کې يوې ځوانې ميرمنې له خپل ميړه سره له  ناندرو  وروسته ځان زندى کړ.
پنځه ويشت کلنۍ سعيدې تيره شپه دهرات ښار په پنځمه ناحيه کې په خپل کورکې له خپل ميړ سره له  ناندرو  وروسته ځان   وواژه.
دهرات ښاريوه امنيتي مسول باختر آژانس ته وويل :   تراوسه پورې د دغې ځان وژنې علت معلوم نه دى او امنيتي ځواکونو په دې باب څيړنې پيل کړې دي.
ددغو امنيتي مسولينو دڅرګندونو له مخې :   دوى ددغې ميرمنې ميړه فريد او خسر د دغې ځان وژنې په اړوند نيولي دي .
دهرات روغتيايي مسولين هم وايي چې ددغې ميرمنې مړى  روغتون ته ليږدول شوى  او دکتنو د بشپړولو په مقصد عدلي  طب ته سپارل شوى دى.