19 September 2019

RSS Facebook

سوداگریز


تازه خبرونه

انتخابات او امنیتي ګواښونه

کابل/ باختر/ د وږي ۲٧ مه د جمهوري ریاست راتلونکي انتخابات...

Youtube Player

khantry design

سوداگریز

سوداگریز

کابل\باختر\دميزان٣
دکورنيو چارو او دسرحدونو ، قومونو او دقبايلو دچارو وزيرانو، داساسي قانون پرتطبيق باندې دڅارنې د کميسيون يوغړي  او دسترې محکمې دعالي شورايوتن غړي دولسي جرګي له خوا د باور رايې ترلاسه کړي
دباختراژانس دخبر له مخي:
محمدعمرداود زي او محمداکرم خپلواک دکورنيو چارواو دسرحدونو ،قومونو او قبايلو د چارو د وزارتونو  د کانديدانو په توګه اونصرالله ستانکزي او پوهنيارلطف الرحمن سعيدداساسي قانون په تطبيق باندې دڅارنې دکميسيون دغړو د کانديدانو په توګه اوقضاوت وال برات علي متين دسترې محکمې دعالي شورا د نوماند په توګه ولسي جرګي ته معرفي شوي وو .
په نننۍ غونډه کې چې دولسي جرګې د دوه سوه دري ويشتو تنو غړو په ګډون دولسي جرګي درئيس عبدالروف ابرا هيمي په مشرۍ جوړه شوه  .کانديدانو هريو دخپلو کاري پروګرامونو په باب د ملت استازو ته  معلومات ورکړل
په پاى کې درايې اخستنې په بهير کې محمدعمرداود زي ديوسلودري پنځوسو موافقو رايو په ترلاسه کولو سره دکورنيو چارو دوزير په توګه ، محمداکرم خپلواک ديوسلو د وه ديرشو موافقو رايو په ترلاسه کولو سره د سرحدونوقومونواوقبايلو دچارو د وزير په توګه ، پوهنيار لطف الرحمن ديوسلو نهه پنځوسو تاييدي رايو په ترلاسه کولو سره داساسي قانون په تطبيق باندې دڅارنې د کميسيون دغړي په توګه اوقضاوت وال برات علي ديوسلو څلورپنځوسو تاييدي رايو په ترلاسه کولو سره دسترې محکمې دعالي شورا دغړي په توګه دخلکو داستا زو له خواانتخاب شول .  خو نصرالله ستانکزي چې داساسي قانون پرتطبيق باندې دڅارنې دکميسيون غړيتوب ته کانديد و ديوسلو شپږورايو په ترلاسه کولوسره ونشوکړاى دغونډې اکثريت رايې ترلاسه کړي .

کابل – باختر دتلې دمياشتې ٣
دتوريزم دنړيوالې ورځې په مناسبت دافغانستان داسلامي جمهوريت دجمهور رييس پيغام.
هرکال په همدې شپو او ورځو کې دافغانستان د اطلاعاتو او فرهنګ وزارت دګرځندوى دمعينيت په همکارۍ په هيواد کې دتوريزم نړيواله ورځ نمانځي او په دې وسيله په افغانستان کې د دې  صنعت د آينده  ودې او انکشاف لپاره  خپل  تعهد بيا تازه کوي .
سږکال دتوريزم دنړيوالې ورځې دنمانځنې په ترڅ کې د اطلاعاتو او فرهنګ وزارت دګرځندوى دڅانګې په نوښت ، دتوريزم او ګرځندوى انستيوت دجوړيدو کار هم پيليږي . دا انستيتوت به داسې ځوانان  و  روزي چې د دې صنعت له نړيوالو معيارونو سره سم ، توريستانو ته  زموږ په هيواد کې وړ خدمات  برابر کاندي.
په هيواد کې دتوريزم د ودې او معياري کيدو لپاره د دې انستيتوت جوړيدل يو غوره اوپه  زړه پورې کاردى  ، ځکه زموږ هيواد دخپل طبيعي او جغرافيايي موقعيت ، ښکلو ځايونو او مناظرو او هم دبشري فرهنګ دلرغونو ميراثونو د لرلو له امله دنړۍ د سيلانيانو دجذب لوړ قوت لري او موږ کولاى شو په آينده کې ددغه صنعت له عوايدو خپل ډير ضرورتونه رفع کړو. 
خو داکار هغه وخت کيداى شي چې په هيواد کې مو سراسري سوله تامين او امنيت مو لا  ډاډمن شي.
په پاى کې دتوريزم دنړيوالې ورځې له امله تاسې ټولو حاضرينو او په هيواد  کې دګرځندوى کارکوونکو ته مبارکي وايم او د دې ورځې دتجليل له امله اطلاعاتو  او فرهنګ وزارت ته  کور ودانى وايم.

کابل – باختر دتلې دمياشتې ٣
دافغانستان دشهيدانو د وارثانو ټولنيز مرکز د ٥٧ ٥٨ کلونو دجنايتونو دعاملينو دپيژندلو او دشهيدانو دښخولواو دسيمو دتثبيتولو غوښتنه کړې ده.
دباختر آژانس دخبرله مخې :  دافغانستان دشهيدانو دوارثانو ټولنيز مرکز نن  په کابل کې ديوې غونډي په ترڅ کې دهغو جنايتونو دعاملينو دنيولو غوښتنه وکړه چې په   ٥٧ او ٥٨ کلونو کې رامنځته شوي دي .
دغه مرکز وايي چې په هغو کلونو کې زموږ سلګونه تنه هيواد وال اد وخت دحاکمانو له خوا ونيول شول ، وځورول شول او شهيدان شول.
په دې غونډه کې چې په ولسي جرګه کې دخلکو يو شمير استازو او يو شمير کابل ښاريانو ګډون کړې  وو.
وينا والو د ٥٧او ٥٨ کلونو دپيښو په باب خپل نظر څرګند کړ اوددغو جنايتونو له عاملينوسره يې دحقوقي چلند غوښتنه وکړه.
هغوي يو پريکړه ليک تصويب کړ چې دشهيدانو دءدښخولودسيمو دپيژندلو او ددغه شان جنايتونو دعاملينو دمحاکمې غوښتنه پکې شوې ده.
دشهيدانو د وارثانو دټولنې مرکز په داسې حال کې دغه  غونډه جوړوي  چې په دې وروستيو وختو کې دهالنډيو څارنوال دافغانستان د پخوانۍ دولت داستخباراتو د دستګاه ديو جنرال دتحقيق نتيجې اود پنځو زرو تنو لست چې  ويل کيږي د وخت درژيم دواکمنانو له خوا شهيدان شوى و ، خپور کړ.

نيويارک‌ \ نړيوالي خبري منابع\  باختر دتلې دمياشتې ٣
دايران جمهور رييس حسن روحاني دملګروملتوسازمان دعمومي ټولنې په  اته شپيتمه غونډه کې دايران د اټومي دوسيې دحل په نسبت خوښى څرګنده کړه او
له امريکا سره يې داړيکو په باب وويل  دشرايطو په پام کې نيولو او دجګړې غوښتنونکو دفشار د ډلو دګټو په مخنيوي سره کولاى شو  د دواړو هيوادونو داختلافونو مديريت وکړو .
روحاني په خپله وينا کې اشاره  وکړه  چې د امريکا دجمهور رييس بارک اوباما خبرې يې  په دقت سره واوريدي.
روحاني وويل چې ايران د  نورو هيوادونو دګډوګټو او متقابل  درناوي په نسبت درغنده تعامل په لټه کې دي  او په دې چوکاټ کې له امريکا سره د تاوتريخوالي دزياتوالې  په لټه کې .
دملګرو ملتو دسازمان دعمومي ټولنې اته شپيتمه غونډه تيره شپه په نيويارک کې ددغه سازمان په مقر کې پيل شوى او دامريکا او دايران جمهور رييسان بارک اوباما او حسن روحاني ددغو غونډو له لومړيو وينا والو څخه و .

کابل – باختر دتلې دمياشتې ٣
ټاکل شوې ده  دهيواد د اوولس کلنو نجونو دفوټبال ټيم لوبغاړې دجمعې په ورځ هندوستان ته لاړې شي.
دهيواد دفوټبال په فدراسيون کې  دنجونو دفوټبال مسوولې ميرمنې هاجر ابوالفضل نن سهار دباختر آژانس خبريال ته وويل :  دغه سيالۍ چې دپوهنې دزده کوونکو ترمنځ دهند په هيواد کې دسبر اوتو کلپ په نام دنجونو د اته ټيمونو ترمنځ او د هلکانو شپاړلس ټيمونه د راتلونکې جمعې په ورځ دهند په ډهلي ښارکې پيليږي ، لس ورځې به دوام ولري.
دهاجرو د څرګندونو له مخې :  په دغو سياليو کې دګډون لپاره له افغانستان څخه شپاړلس تنه لوبغاړې نجونې له دوو هيتونو سره  هند ته سفر کوي.

کابل – باختر دتلې دمياشتې ٣
ټاکل شوې ده دافغانستان له شپاړلس کلنۍ څخه ښکته دفوټبال ټيم نن مازيګر په اردن کې دسعودي عربستان له ټيم سره لوبه وکړي.
دهيواد دفوټبال فدراسيون درسنيو غړي مرتضى دانش دباختر آژانس خبريال  ته وويل : له شپاړلس کلنۍڅخه ښکته دفوټبال دنړيوال جام مقدماتي سيالۍ په لسو ګروپونو کې درې ورځې مخکې د درې څلويښتو هيوادونو د ورزشکارانو په ګډون داردن په کوربه توب پيل شوې چې ټاکل شوې ده دافغانستان ټيم په څلورم ګروپ کې نن مازيګر لومړى لوبه د سعودى عربستان له ټيم سره وکړي.
دخبرځاى  دڅرګندونو له مخې :  ددغه ټيم دويمه لوبه به دجمعې په ورځ د سوريې له ټيم سره ترسره شي.

واشنګتن \نړيوالۍ خبري منابع\  باختر دتلې دمياشتې ٣
دغه  اوونۍ   په ٢٠٠٨ کال کې د نړۍ دمالي بحران پنځمه کاليزه ده او په همدې دليل همدا اوس دامريکا دشميرنو ادارې د خپلو اتباعو د عايد د ترلاسه کولو د کچې په  خپرولو اقدام کړى  دى .
په همدې لاره کې مشخصه شوې ده هغه کسان چې  د بيوزلۍ تر کرښې   لاندې    ژوند کوي په سلو کې پنځلس زيات شوى دى او ديوې متوسطې امريکايي کورنۍ عايدکچه لږ شوى ده .
دهمدې خبرله مخې  :   د ٢٠١٢ کال په  باب دامريکا د شميرنو د ادارى له  خوا وړاندې شوي شمير ډير خراب دى ځکه په سلو کې پنځلس امريکاييان دبيوزلۍ
تر کرښې لاندې ژوند کوي چې شپږ څلويښت مليونه پنځه سوه زره تنه  دى .
په داسې حال کې چې تير کال دغه شمير درې سوه  زره تنه  وو.
په امريکا کې هغو کسانو ته بيوزلي  ويل کيږي چې ديوې څلور کسيزې کورنۍ کلنۍ عايد له درې ويشت زره څلور سوه  دوه  نوي  ډالرو څخه  لږ  وى.

-محمود راقي – باختر دتلې دمياشتې ٣
دملي اردوم دخاصې قطعې منسوبينو پرون  دجلاجلا عملياتو په بهيرکې  يوه اندازه وسلې او مهمات ترلاسه کړل.
دملي دفاع وزارت  مطبوعاتي دفتر باخترآژانس ته خبرورکړ :
دغه عليات   چې  دوسله والو مخالفينو له شتون څخه  دکندز ولايت دچاردرې اودهلمند ولايت دنهرسراج ولسواليو دپاکولوم په مقصد پيل شوي و،  له امله يې درې کلاشينکوفونه ، دوه  تومانچې و دپيکا څلور سوه ګولۍ ، اووه ماينونه اولس کيلوګرامه امونيم نايتريت ترلاسه شوي دي .

محمود راقي – باختر دتلې دمياشتې ٣
دوه تنه ملي پوليسان تيره شپه دکاپيسا ولايت په تګاب ولسوالۍ کې دميان دچاودنې له امله شهيدان شول .
دکاپيسا ولايت دامنيې قوماندانۍ د اوپراسيون آمر اسد الله حميدي باختر آژانس ته وويل :  دغه دوه تنه ملي پوليسان هغه وخت شهيدان شول  چې د دوى رنجر موټر دتګاب ولسوالۍ دقلعه صالح سيمې  په واټ کې په ماين وخوت  .
دقلعه صالح يو تن اوسيدونکي سيد جان باختر آژانس ته وويل :  په دې پيښه کې
دوه تنه ملکي وګړي هم ټپيان شول او مالي زيانونه يې دسيمې اوسيدونکو ته  واړول  .
ويل کيږي خلک دطالبانو له خوا دماين د ښخولو له امله په تنګ راغلي او له دولت څخه غواړي چې د دغو بريدونو مخه  چې دملکي او پوځي افرادو د وژل کيدو سبب  کيږي ونيسي.

کابل – باختر دتلې دمياشتې ٣
په هرات کې د فوټبال د دويم لاس په سياليو کې نن سهار دپيروزي ټيم د آريا پرټيم بريالى شو .
دهرات ولايت د ورزشي آمريت مرستيال ضيا الحق ضيا باختر آژانس ته وويل :
په دغو سياليو کې د پيروزي ټيم ديوې په مقابل کې په څلورو سره د آريا ټيم ته ماتې ورکړه.
دغه سيالۍ په دغه ولايت کې د دولسو ټيمونو ترمنځ پيل شوي دي  .
ديوبل خبرله مخې  :   په هرات کې دولسواليو دفوټبال دجام سيالۍ پرون مازيګر
په يوې لوبې سره دوام وکړ.
دهرات ولايت د ورزشي آمريت مرستيال ضيا الحق ضيا باختر آژانس ته وويل :
په دغه لوبه کې دشيڼدنډ ولسوالۍ ټيم ديوې په مقابل کې په څلورو سره دچشت شريف دولسوالۍ پرټيم بريالي شو .
دغه سيالۍ دهرات  دولسواليو د اوولسو ټيمونو ترمنځ ددغه ولايت په مرکز کې پيل شوي دي .