20 January 2020

RSS Facebook

سوداگریز


تازه خبرونه

په هرات کې دوه تنه د سندونو د جعل کولو په تور ونيول شول

په هرات کې دوه تنه د سندونو د جعل کولو په تور ونيول شول

کابل / دمرغومي ٣٠مه / باختر د ملي امنيت کار کوونکو...

د ننګرهار په شېرزادوکې د پوځي قرارګاوې جوړول دوام لري

د ننګرهار په شېرزادوکې د پوځي قرارګاوې جوړول دوام لري

کابل / دمرغومي ٣٠مه / باختر په داسې حال کې چې...

د هرات پوهنتون د علمي کچې د لوړولو لپاره هڅې

د هرات پوهنتون د علمي کچې د لوړولو لپاره هڅې

کابل / دمرغومي ٣٠مه / باختر د هرات پوهنتون د محصلانو...

Youtube Player

khantry design

سوداگریز

سوداگریز

کابل باختر دسلواغي شپاړلسمه :
په سالنګونوکې د واورې له وقفوي اورښتونوسره سره د سالنګ لويه لاره د ترافيکو  پرمخ پرانستې ده.
د سالنګونو د ساتنې او څارنې رييس جنرال رجب چې نن ماښام يې په دې اړوند دباخترآژانس له خبريال سره خبرې کولې؛ وويل: له هغه وروسته چې د ټوپونو د ډزو له امله مصنوعي واورې ښوئيدنې وشوې او سړک پاک شو، دغه لويه لاره پرون له غرمې راپديخوا  د ترافيکو پرمخ پرانستې ده.
د ده دڅرګندونو له مخې: ښايي په سالنګونو کې د واورې اورښت دوه درې ورځې نورې هم دوام ومومي.
ده له مسافرانوڅخه وغوښتل چې د امکان تر پولې پورې هلې ځلې وکړي چې د ورځې له خوا په دې لويه لاره کې تګ راتګ وکړي او د اړوندو موظفينو لارښوونو ته دې جدي پاملرنه وکړي .
ده وويل: اوس مسافر وړونکي او بار وړونکي وسايط په دې لويه لاره کې تګ راتګ کوي.

کابل باختر دسلواغي شپاړلسمه :
په ننګرهار ولايت کې د ځوانانو د پيوستون د بنسټ مرستيال عبدالرحمن د ماين د چاودنې له امله ټپي شو.
دباخترآژانس د خبريال دخبر له مخې: دغه پيښه نن مازيګر د پنځو بجوپه شاوخوا د کوزکونړ ولسوالۍ د ياسين بابا په سيمه کې هغه وخت رامنځته شوه چې د عبدالرحمن د سپرلۍ موټر په واټ کې په ښخ  کړى شوي ماين وخوت .
د سيمې اوسيدونکي وايي چې د ننګرهار ولايت د ځوانانو د پيوستون دبنسټ  مرستيال دجمهوري رياست د يوه نوماند په ګټه دکمپاين لپاره روان و؛ خو تراوسه پورې روښانه نه ده چې دى دکوم نوماند د انتخاباتي کمپاين غړى و؟
د ننګرهار ولايت دکوز کونړ ولسوال محمدعظيم زمري له باخترآژانس سره په اړيکه کې د دغه ولايت د ځوانانو د پيوستون د بنسټ د مرستيال ټپي کيدل تاييد کړل؛ خو په دې اړوندچې ده د جمهوري رياست د کوم نوماند په ګټه کار کاوه؟ بې  خبري وښودله.
په همدې حال کې د ننګرهار ولايت د يوه روغتيايي مرکز ډاکترانو د ده روغتيايي حالت ښه وباله.

کابل باختر دسلواغي شپاړلسمه :
د اطلاعاتو او فرهنګ د وزير ډاکتر سيدمخدوم رهين په مشرۍ د غزني د جشن د جوړولو د تيارى کميسيون نن غونډه وکړه .
د باخترآژانس دخبريال دخبرله مخې: په دې غونډه کې د اطلاعاتو او فرهنګ وزير ډاکتر رهين خبرې وکړې او ويې ويل چې په دې غونډه کې د غزني د جشن د جوړولو لپاره د لازم تيارى د نيولو د بيا څيړنې په باب خبرې وشوې چې وکولاى شو د اړوندو وزارتونو او بنسټونو په همکارۍ د روان کال دکب د مياشتې په لومړۍ اوونۍ کې په غزني ولايت کې ډير ښکلى جشن جوړ کړو.
دغه راز په ساختماني چاروکې د جمهوري رياست سلاکار انجنيرمحمديوسف پښتون د اطلاعاتو او فرهنګ وزارت او د غزني ولايت دکړنو د ستاينې په ترڅ کې د لازم تيارى دبهير دګړندي کولو په اړوند خپلې نظريې څرګندې کړې.
په دې غونډه کې د غزني والي موسى خان اکبر زاده هم په دغه ولايت کې د ترسره شويوکارونو او نيمه تمامو پروژو ته اشاره وکړه او د هغو بنسټونو د پاملرنې  غوښتنه يې وکړه چې په غزني  ولايت کې يې  ځينې پروژې نيمګړي پاتې دي.
دغه ر از دکورنيو چارو وزارت سترامنيتي معين جنرال محمد ايوب سالنګي هم د جشن د جوړولو په خاطر د امنيتي تيارى په باب خبرې وکړې.
دغه راز د غونډې برخه والو د غزني د جشن لپاره د لازم تيارى د نيولو د بهير ګړندي کولو په لاره کې خپلې نظريې او وړانديزونه څرګندکړل او لازم تصميمونه ونيول شول.
د غزني د جشن د جوړولو د تيارى دکميسيون غونډه د اطلاعاتو اوفرهنګ وزارت د فرهنګي چارو د معين سيد مصدق خليلي او د کورنيو چارو، ملي دفاع ، بهرنيو چارو، ترانسپورت او هوايي چلند، ماليې او د ښار جوړولو د چارو د وزارتونو ، د ملي امنيت د لوى رياست، د سيمه ئيزې ارګانونو د ادارې، د بنايي ساحتماني دستګاه د رياست او د نورو اړوندو ادارو د استازو په ګډون جوړه شوه.

کابل باختر دسلواغي شپاړلسمه :
دجوزجان ولايت په درز آب ولسوالۍ کې په تېرو دوو ورځوکې د واورې د اورښت او د هوا د سړښت له امله لس تنه وژل شوي او په سلګونو څاروي له منځه تللي دي.
د درزاب ولسوال محب الله باخترآژانس ته وويل: دغه کسان چې پنځه تنه ماشومان، دوه ښځې او درې نارينه پکى  وو؛ د دغې ولسوالۍ د کومرلينګ  او آق بلاق په کلي کې له منځه تللي دي او د دغې ولسوالۍ دخلکو پنځه سوه پنځوس  څاروي هم له منځه تللي دي.
د جوزجان ولايت مرستيال محمودي وويل: د دغې ولسوالۍ خلک له اورښت مخکې د کرکيلې لپاره خپلو کروندو ته تللي وو او هلته په لنډ مهال ډول ميشت شوي وو؛ اوس د واورې په اورښت کې بند پاتې دي او ښايي يو شمېر نور يې هم له منځه لاړ شي.
د آق بلاق په کلي کې يو سيمه ئيزومخور وايي: خلک بې وزلي دي اودخپلوکورونو  د تودولو توان نه لري او د خوراکي توکو له کمښت سره هم مخامخ دي او د خوراکي  توکو او د جامو بيړنيو مرستو ته اړتيا لري .
ده زياته کړه: دغه مرستې يواځې د فضا له لارې امکان لري او که چيرې دولت له دغو کسانو سره مرسته ونه کړي؛ ستر انساني ناتار به رامنځته شي .
د يوبل خبر له مخې: ددغه ولايت سيمه ئيز مسوولين قوشتيپې په ولسوالۍ کې د هوا د سړښت له امله د دريو ماشومانو او د يوه سړي د له منځه تللو خبر ورکړى دى.
  دجوزجان د والي مرستيال وايي چې موږ امکانات په واک کې نه لرو او په کابل کې له دولتي مقاماتو او موسسو څخه غواړوچې له مصيبت ځپلوکسانو سره مرسته وکړي .
د يوبل خبر له مخې: د پنجشير ولايت په مربوطاتوکې د واورې د سخت اورښت له امله يو جومات او د استوګنې دوه کورونه نړيدلي دي، خو د سر زيان نه دى اوښتى.

کابل باختر دسلواغي شپاړلسمه :
د اطلاعاتو او فرهنګ وزارت خبرتيا!
د اطلاعاتو او فرهنګ وزارت د ځوانانو د چارو معينيت د مصوونيت او روزنې د ودې د مرکزونو رياست په دې وروستيو وختوکې په سلوکې له ديرشوڅخه تر شپيتو پورې د تخفيف په پام کې نيولوسره د رحمانزي د روغتيايي علومو له انستيتوت،  د ابو علي سينا د روغتيايي علومو له انستيتوت، د روغتيا د علومو له انستيتوت، د امام محمدغزالي د روغتيايي علومو د انستيتوت، د هيواد د عالي تعليماتو له انستيتوت، د شاهين د معلوماتي تکنالوژۍ له انستيتوت، د کايناتو له عالي دارالمعلمين، د ښکلى کابل له عالي دارالمعلمين او د قدس له روزنيز مرکز سره قراردادونه لاسليک کړي دي.
مينه وال کولاى شي د نوم ليکنې په مقصد له دوو عکسونو او د تابعيت دتذکرې له کاپي سره په پل باغ عمومي کې د ځوانانو د چارو معينيت ته ورشي.

کابل باختر دسلواغي شپاړلسمه :
د زابل ولايت د پوهنې رياست د څارنې غړى اسد الله خاکيار پرون دناپيژندل شويو کسانو له خوا په کويټې ښارکې ووژل شو .
ويل کيږي په خاکيار چې له خپلوانوسره دکتنې لپاره دکويټې ښار ته تللى و؛ د ناپيژندل شويو کسانو له خوا بريد وشو.
د زابل ولايت مرستيال محمد جان رسول يار باخترآژانس ته وويل چې خاکيار په تيرو وختونوکې د حزب اسلامي مشهور قوماندان و او تراوسه پورې د ده د وژنې مسووليت چاپه غاړه نه دى اخستى .
ديوبل خبر له مخې: په دايکنډي ولايت کې پرون په واټ کې د ښخ کړى شوي ماين دچاونې له امله  يوملکي وګړى ووژل شو او يو تن  بل ټپي شو.
د دايکنډي ولايت د امنيې قوماندانۍ د مطبوعاتو مسوول درمحمدحسيني باخترآژانس ته وويل: دغه کسان چې د موټرسايکل په سپرلۍ روان و؛ د دايکنډي ولايت دګجران ولسوالۍ په نوميشت ساحه کې د سپرلۍ موټرسايکل يې په واټ کې په ښخ کړى شوي ماين وخوت چې له امله يې يوتن ووژل شو اوبل يې ټپي شو .
ده وويل: د پيښې ټپي روغتون ته لږدول شوى اوتر درملنې لاندې دى .

کابل باختر دسلواغي شپاړلسمه :
ښايي کابل او د هيواد په زياترو ولايتونوکې د واورې او باران اورښت د پنجشنبې په ورځ بيا پيل شي.
باخترآژانس د هواپوهنې د انټرنټي دستګاه له خولې خبر راکړ: سبا په کابل کې د تودوخې لوړه درجه د سانتي ګراد په کچه يوه او ټيټه  منفي څلور اټکل  شوې ده. خو دجمعې په ورځ دتودوخې لوړه درجه د سانتي ګراد په کچه شپږ او ټيته يې منفي دولس درجې اټکل شوې ده چې په دې ترتيب به دجمعې شپه په روان ژمي کې  په کابل کې ډيره سړه شپه وي.
په را رسيدلو خبرونوکې ويل شوي دي چې په کابل کې د واورې اندازه له پنځو څخه ترلسو سانتي مترو پورې اټکل شوې ده.

کابل باختر دسلواغي شپاړلسمه :
دجمهوري رياست لومړي مرستيال مارشال محمدقسيم فهيم نن له غرمې وروسته د آلمان د فدرالي جمهوريت له سفير مارتين جيګر سره وکتل .
دجمهور رياست مطبوعاتي دفتر باخترآژانس ته خبرورکړ: د دغې کتنې په بهير کې د جمهوري رياست لومړي مرستيال، آلمان د افغانستان د خلکو لرغونى دوست وباله او ويې ويل چې په ټولوبرخوکې د آلمان مرستې د افغانستان خلکو ته مشهودې او دقدر وړ دي.
دجمهوري رياست لومړي مرستيال دغه راز زياته کړه چې افغانستان په را روان پسرلي کې د جمهوري رياست او د ولايتي شوراګانو د غړو دريمه دوره انتخابات تجربه کوي او هيله لرو چې دغه بهير په ښه توګه ترسره شي او مثبتې نتيجې ورڅخه ترلاسه شي.
د آلمان د فدرالي جمهوريت سفير په  دې  کتنه کې د افغانستان  له دولت اوخلکو سره د خپل متبوع هيواد د مرستو د دوام ډاډ ورکړ او زياته يې کړه چې د دواړو هيوادونو (افغانستان او آلمان) ترمنځ اړيکې به په راتلوونکى کال کې سلم کال ته ورسيږي اوموږ به يې ونمانځو.
ده زياته کړه: هيله ده چې په افغانستان کې د جمهوري رياست د راتلوونکى کال انتخابات په ټاکلى وخت کې يې ترسره شي او په هغوکې ددغه هيواد خلک خپله راتلوونکي په آزاد او شفاف ډول وټاکي.

کابل باختر دسلواغي شپاړلسمه :
په بغلان ولايت کې نن د دريو ماينونو د چاودنې مخه ونيول شوه.
دبغلان ولايت د امنيې قوماندانۍ ويندوى احمد جاويد بشارت باخترآژانس ته وويل: د بغلان ولايت د امنيې قوماندانۍ د استخباراتو د مديريت پوليسو درې ماينونه او درې کيلوګرامه چاوديدونکي توکي عيار کړي و چې د پلخمري ښار په مربوطاتو کې شنډ کړى شول .
خبرځاى زياته کړه چې پيښه څيړل کيږي .

کابل باختر دسلواغي شپاړلسمه :
د دوو تنو ښځو په ګډون پنځه تنه پاکستانيان چې ويل کيږي وسله والو طالبانو ته يې دجنګي وسايلو دليږدونې نيت درلود؛ په ختيځ ولايت ننګرهارکې دپوليسو له خوا ونيول شول .
دغه کسان پرون ناوخته د جلال آباد ښار د بهسودو پله ته څېرمه له جنګي وسايلو سره ونيول شول .
د ننګرهار ولايت د امنيې قوماندانۍ مرستيال جنرال اميرخان د باخترآژانس خبريال ګلستان غالب ته وويل چې له دغو پاکستاني اتباعوڅخه د ماينونو او دلاسي بمونو په ګډون په لسګونو جنګي وسايل ترلاسه شوي دي .
جنرال اميرخان وايي چې دغو پنځو تنو پاکستانيانو جنګي وسايل په پاکستان  کې بار کړي و او له ختيځ ولايت کونړ څخه په تيرولو سره يې غوښتل دجلال آباد ښار ته وليږدوي .
نيول شوي کسان دپاکستان د سوات درې اصلي اوسيدونکي سلما، روبيده، احمد، پيرمحمد او عظيم بلل شوي دي.
د ننګرهار ولايت د امنيې قوماندانۍ مرستيال وايي چې دغه کسان له تروريستي ډلو سره د مرستې لپاره د يو لړکړيو له خوا افغانستان ته راغلي و او په ښکاره يې  دکونړ ولايت په شيګل ولسوالۍ کې ژوندکاوه.