11 July 2020

RSS Facebook

سوداگریز


تازه خبرونه

د کانونو په سکتور کې ولسي مشارکت ته زمینه برابرېږي

د کانونو په سکتور کې ولسي مشارکت ته زمینه برابرېږي

کابل/ د چنګاښ ۱۹مه/ باختر د ۳۴ ولایتونو له والیانو او...

په حکومتولۍ کې د ښځو ونډه

کابل / د چنګاښ ٢٠ مه / باختر په دغو وروستیو...

Youtube Player

khantry design

سوداگریز

سوداگریز

کابل باختردغبرګولي دمياشتې ١٦
هندوستان ته دسفر لپاره د ويزې دصادرولو بهېر په راتلوونکې اوونۍ کې په هرات ولايت کې بيا پيليږي.
په هرات کې  دهندوستان په قونسلګرۍ د وسله والو تروريستانو له ناکامه بريد وروسته چې دوه اوونۍ مخکې ترسره شو په دغې سياسي نمايندګۍ کې دويزې دويشلو او دقونسلي خدمتونو د وړاندې کولو بهېر ځنډول شوى و.
په هرات کې دهندوستان جنرال قونسل   دهرات له والي  سيدفضل الله وحيدي سره  په کتنه کې  ددغه ټکي داعلامولو په ترڅ کې وويل ، چې ټول قونسلي خدمتونه او دويزې دويشلو بهېر په راتلوونکې اوونۍ کې بيا پيليږي.
ده  ددغې سياسي نمايندګۍ دامنيت دتامينولو  اوپه هرات کې  دهنددقونسلګرۍ دفعاليتونو دبيا پيلولو په خاطر  دمناسب ځاى دتدارک په لاره کې  دسيمه ييزې ادارې دمسوولينو دهلوځلو له امله دقدردانۍ په ترڅ کې ټينګار وکړ چې دهندوستان دولت دغه راز  دافغانستان  له دولت او خلکوسره خپلو همکاريو ته دوام ورکوي .
په هرات کې دبهرنيو چارو وزارت دنمايندګۍ رييس سيدعبدالناصر يوسفي وايي
ټاکل شوې ده دهندوستان قونسلګرۍ په نږدې راتلوونکي  کې يو دولتي ملکيت ته وليږدول شي  چې خپل فعاليت ته دوام ورکړي .
دهندوستان قونسل په دې غونډه کې  دسلما بند دپروژې  دکار ددوام په باب دهرات والي ته  ډاډ ورکړ  او ټينګار يې وکړ چې دغه بنسټيزه پروژه  به په ټاکلي وخت دبيا ګټې اخيستنې ته وسپارل شي .
دهرات والي سيدفضل الله وحيدي په دې غونډه کې   دهندوستان  ددولت اوخلکو دهمکاريو له امله قدرداني وکړه .
دهرات والي وويل مرکزي مقاماتو موافقه کړې ده چې په هرات کې دهندوستان قونسلګري  به په يو دولتي ملکيت کې ځاى پرځاى شي.
ښاغلي وحيدي دغه راز  دهندوستان ديو تبعه  دموندلو په خاطر  چې څو ورځې مخکې  دزنده جان ولسوالۍ په مربوطاتو کې تښتول شوي دى ،دسيمه ييزې ادارې دمسوولينو دجدي  جدي هوډ يادونه هم وکړه.
له دې سره جوخت دهرات ولايت امنيه قوماندان دهندوستان له قونسل سره په کتنه کې  هم اعلام وکړ چې  ديارلس تنه مشکوک کسان  دهندي تبعه دتښتولو په تور دهرات دپوليسو له خوا نيول شوي دي.
مل پاسوال سميع الله قطره وايي دغه افراد  دهرات ولايت له مربوطاتو څخه نيول شوي دي .
په دې غونډه کې په هرات کې  دهندي اتباعو دښه امنيت دتامينولو په خاطر هم خبرې وشوې .

کابل باختردغبرګولي دمياشتې ١٦:
دهرات ولايت دملي امنيت رياست د سازمان موندلوانسان تښتوونکو ديوې شبکې  دړنګولو خبرورکړ.
په دغه  ډله کې چې حرفوي انسان تښتوونکي شامل دي دملي امنيت درياست  دکارکوونکو د اوپراتيفي کار په نتيجه کې وپيژندل شول   او  ونيول شول.
دهرات ولايت دملي امنيت درياست مسوولينو دغه تورن کسان ميرحمزه د بشير زوي،حسين دعبدالجبار زوي، ميراحمد دګل احمد زوى  او داود دمحمداسماعيل د زوي   په نومونو ياد کړي دي .
په دغو کسانو تور لګول شوى  دى چې څه موده  مخکې يې  ډاکتر عوض دکهسان ولسوالۍ له مربوطاتو څخه تښتولى اوشهيدکړى دى.
تورنوکسانوپه ابتدائي تحقيقاتوکې ددغه انسان تښتوني مسووليت منلى او اعتراف يې کړى دى  چې  دپيسو د ترلاسه کولو په خاطر يې  هغه تښتولى و.
دملي امنيت درياست  مسوولين دهرات ولايت  شريفو خلکوته ډاډ ورکوي چې  له انسان تښتوونکوسره به  په قاطعيت سره چلند وکړي  او اجازه نه ورکوي  چي پلورل شوي عوامل  دخلکو امنيت  ته زيان ورسوي.
دا په داسې حال کې ده چې په وروستيو مياشتو کې څو انسان تښتوونکې ډلې دملي امنيت  د کارکوونکو له خوا نيول شوي او محاکمه شوي دي.

کابل باختردغبرګولي دمياشتې ١٦
په زابل  ولايت کې د بم د چاودنې له امله  يو ملکي وګړى او  يو پوځي ووژل  شول
او شپږ تنه نور ټپيان شول.
دغه چاودنه پرون ماښام دشاه جوي ولسوالۍ  په يوه ګڼ ميشته سيمه کې رامنځته شوې ده .
دزابل ولايت امنيه قوماندان جنرال  غلام سخي روغ ليونى دباخترآژانس خبريال ته وويل  چې ددغې  چاودنې له امله د اردو يو سرتيرى  او يوملکي وګړى شهيدان شول   او د دريو تنو ملکي وګړو په ګډون شپږ تنه نور ټپيان شول.
ويل  کيږي بم  په يو بايسکل  کې ځاى پرځاى شوى  و .
د زابل امنيه قوماندان وسله وال طالبان ددغه بم ايښودنې مسوول وبلل او ويې ويل  چې امنيتي ځواکونو د دغې پيښې  دعاملينو دپيژندلو او نيولو لپاره هلې ځلې پيل کړي دي.

کابل باختردغبرګولي دمياشتې ١٦
دناتو يو عسکر پرون  دافغانستان په ختيځ کې ووژل شو.
دغه پوځي  چې هويت يې نه دى افشا  شوى  پرون ناوخته له وسله والو طالبانوسره
په جګړه کې وژل شوى دى.
ناتو  ديوې  خبرپاڼې په خپرولو سره ددغه  پوځي وژل کيدل تائيد کړ  خو دپيښې ددقيقې سيمې  اود وژل شوي عسکر دهويت په باب يې نه څه دي ويلي .
دافغانستان په ختيځ کې زياتره امريکايي او انګليسي ځواکونه ځاى  پرځاى دى.
دوړاندې شويو شميرنو له مخې :  د روان  ميلادي کال له پيل څخه  تراوسه پورې  ٣٤ تنه بهرني پوځيان  چې زياتره يې امريکائيان دي په افغانستان کې  وژل شوي دي.

کابل باختردغبرګولي دمياشتې ١٦
په ننګرهار ولايت کې نن سهار دتورخم په لويې لاره کې چاودنه وشوه خو ويل کيږي  چې په دې چاودنه کې چاته زيان نه دى اوښتى.
دغه چاودنه  په اوو بجو او پنځه څلويښتو دقيقودتورخم په لويه لاره کې  دغني خيلو ولسوالۍ د مارکو په سيمه کې وشوه .
دننګرهار دوالي ويندوى احمدضيا عبدالزي دباخترآ ژانس خبريال ته وويل :
چې دغه  پيښه   واټ ته څيرمه ديو ايښودل شوي بم دچاودنې له امله  رامنځته شوې ده .
دعبدالزي دڅرګندونوله مخې :  په دې پيښه کې چاته زيان نه دى اوښتى .
په همدې حال  کې دننګرهار ولايت  دغني خيلو دولسوالۍ يو سيمه ييز مسوول
وايي وسله والو طالبانو غوښتل  په دې بم ايښودنې سره ملکي وګړو ته خونړۍ تروريستي پيښه رامنځته کړي  خو بريالي نه شول.
دننګرهار سيمه ييز مسوولين وايي  چې ددغه بم ايښودني دعاملينو دپيژندلو او نيولو لپاره هڅې پيل شوي دي.

کابل باختر دغبرګولي  پنځلسمه :
دوسله والو طالبانو دډلې ديو قوماندان په ګډون شپاړلس تنه وسله وال طالبان په کندز ولايت کې ديو لړ پوځي عملياتو کې ووژل شول .
ددغو  عملياتو په بهير کې  ددغې ډلې ددريو تنو پاکستاني  اتباعو په ګډون اووه تنه نور وسله وال طالبان نيول شوي دي .
  دغه عمليات دلسو ورځو راپديخوا دملي اردو او پوليسو دسلګونو تنو پوځيانو په ګډون دکندز ولايت په ځينو سيموکې پيل شوي دي او تراوسه پورې دوام لري .
دکندز ولايت دامنيې قوماندانۍ ويندوى  سيد سرور حسيني د باختراژانس خبريال ته وويل چې تيره شپه په نوي نښته کې دوسله والو طالبانو دډلې  مشهور قوماندان قاري محمد ولي له څلورو تنو ساتوونکو سره يې ووژل شو .
دغه قوماندان ديو لړ تروريستي بريدونو په  پلان جوړولو بوخت و چې دپوځيانو له خوا پرې بريد وشو اوووژل شو .
دغه پوځي عمليات  دتروريستي ډلو له شتون څخه دکندز ولايت داړوندو سيمو دپاکولو او دجمهوري رياست دراروانو انتخاباتو دترسره کولو لپاره دمناسبو شرايطو د برابرولو په مقصد  شوي دي.
دترلاسه شويو شميرنو له مخې، ددغو عملياتو په بهير کې په تيره بيا دکندز ښار او دشت ارچي ولسوالۍ په مربوطاتو کې لسګونو تنو وسله وال طالبانو ته مرګ ژوبله اوښتې ده اويوشمير طالبانو دپوځيانو له خوا نيول شوي دي.
  دغه راز پوځيان دتروريستي ډلو له شتون څخه دلسګونو سيمو دپاکولو تر څنګ دوسله والو طالبانو دسپکو او درندو وسلو د څو ډيپوګانو په کشفولو هم بريالي شوي دي .
  دکندز ولايت دامنيې قوماندانۍ ويندوى وايي چې دغه عمليات به په بشپړه توګه دتروريستي ډلو له شتون څخه دکندز ولايت داړوندو سيمو تر پاکولو او دتروريستي ګواښونو ترکمښت پورې دوام ومومي .

کابل باختر دغبرګولي  پنځلسمه :
دروغتيا دصحي علومو دانستيتوت  فارغانو نن په کابل کې د خپل فراغت  جشن جوړ کړ .
ددغه انستيتوت دفراغت په پنځمه  دوره کې دعالي قابلګي  له څانګې څخه  يو ديرشو تنو نجونو دفراغت  سندونه ترلاسه کړل .
دغه انستيتوت  داطلاعاتو او فرهنګ وزارت دځوانانو دچارو له معينيت سره دهمکارۍ له مخې دليسو په لسګونو بي وزلې  فارغانې چې ددغه معينيت  له خوا معرفي شوې وې په کم فيس سره  منلي دي .
  دغه انستيتوت په ١٣٨٩ کال کې په فعاليت پيل کړى دى  او  تراوسه پورې يې يوسلو نولس  تنه ځوانې نجونې دعالي  قابلګي په څانګه کې فارغې کړي دي .

کابل باختر دغبرګولي  پنځلسمه :
په بدخشان ولايت کې دملي اردو دسرتيرو په کاروان دوسله والو طالبانو دبريد له امله څلور تنه پوځيان او يوملکي وګړى شهيدان شول .
دغه پيښه تيرماښام جرم ولسوالۍ بازار ته څيرمه رامنځته شوه .
دبدخشان ولايت دجرم ولسوال نور اقا دباختراژانس خبريال ته وويل چې په دې بريد کې دملي اردو څلور تنه پوځيان اويوملکي وګړى شهيدان شوي دي.
په دې بريد کې وژل شوى ملکي دسيمې يوه اوسيدونکې ځوانه ښځه بلل شوې ده.  له بلې خوا دبدخشان ولايت يو امنيتي مسوول  وايي چې په دې بريد کې وسله والو طالبانو ته هم دسردروند زيان اوښتى دى خو دقيق شمير يې څرګند نه دى .

کابل باختر دغبرګولي  پنځلسمه :
دوسله والو طالبانو دډلې له خوا دتخار ولايت دينګي قلعه ولسوالۍ ته نومول شوى ولسوال دځانګړو پوځي عملياتو په بهيرکې  ونيول شو.
  پوليس وايي په مولوي عبدالرحيم تيره شپه ناوخته هغه وخت چې ديو لړ تروريستي بريدونو په پلان جوړولو بوخت و، دپوځيانو له خوا  بريد شو او له دوو تنو ملګرو سره يې ونيول شو .
دتخار ولايت يوه امنيتي مسوول دباختراژانس خبريال ته وويل: مولوي عبدالرحيم تيک کله چې غوښتل  دجمهوري رياست ددويم پړاو دانتخاباتو دامنيت دګډوډولو لپاره دتروريستي بريدونو پلانونه طرحه کړي دپوځيانو له خوا ونيول شو.
  ويل کيږي چې له دغه قوماندان څخه څوجنګي وسايل او يوه اندازه  چاوديدونکي توکي ترلاسه شوي دي .
له دغه قوماندان سره نيول شويو کسانو په لومړنيو تحقيقاتو کې اعتراف کړى دى چې په پاکستان کې ديو شمير کړيو له خوا دتخار ولايت په اړوندو سيموکې دتروريستي بريدونو په ترسره کولو ګومارل شوى و .

کابل باختر دغبرګولي  پنځلسمه :
ديوه پاکستاني طالب په شمول  دوه تنه وسله وال طالبان پرون دغزني په ولايت کې ووژل شول .
  دملي دفاع وزارت مطبوعاتي دفتر باختراژانس ته خبر ورکړ.
دملي اردودمنسوبينو دهغو چاڼيزو عملياتو په پايله کې چې دغزني ولايت دآب بند ولسوالۍ په مربوطاتوکې دوسله والو مخالفينو دځپلو  په مقصد ترسره شول   ديو پاکستاني طالب په شمول دوه تنه وسله وال مخالفين ووژل شول .
دغه راز په دغو  عملياتو کې يووسله وال مخالف ټپي شو .